ULSTEIN KOMMUNE Møteinnkalling Utval: Ulstein kommunestyre Møtestad: Kommunestyresalen, Ulstein rådhus Dato: 28.12.2017 Tid: 16:00 Dette er eit ekstraordinært møte. Grunnen til møtet er at saka om eigedomsskatt må handsamast på nytt for å sikre eit rett opplyst og lovleg vedtak i saka. Det var brukt ein feil tabell over takst og eigedomsskatt i saksframlegget som vart handsama i kommunestyret 14.12.2017. Rett utrekning går fram av saksframlegget til dette ekstraordinære møtet. ------------------------------------------------ Vi ber om at fråfall vert melde snarast råd til møtesekretæren. Medlemmer som er ugilde i ei sak vert bedne om å gi melding, slik at varamedlemmer kan kallast inn. Varamedlemmer som får saksdokumenta til orientering, får ei særskilt melding når dei skal møte. Møtet er ope for publikum, bortsett frå når det eventuelt skal behandlast saker som er unnatekne offentleg innsyn. Saksdokumenta er publiserte under «Politikk og val» på www.ulstein.kommune.no. Dei kan lesast i servicetorget på rådhuset. 1
2
SAKLISTE Saksnr Tittel Arkivsaknr PS 17/98 GODKJENNING AV INNKALLING OG SAKLISTE PS 17/99 GODKJENNING AV PROTOKOLL FRÅ SISTE MØTE PS 17/100 MELDINGSSAKER PS 17/101 INNFØRING AV EIGEDOMSSKATT I ULSTEIN KOMMUNE 2017/2672 OG VEDTAK OM NIVÅ PÅ EIGEDOMSSKATT I 2018 2.G. HANDSAMING Eventuelt Ulsteinvik, 19.12.2017 Knut Erik Engh ordførar Svein Arne Orvik møtesekretær 3
4
PS 17/98 GODKJENNING AV INNKALLING OG SAKLISTE PS 17/99 GODKJENNING AV PROTOKOLL FRÅ SISTE MØTE PS 17/100 MELDINGSSAKER 5
ULSTEIN KOMMUNE SAKSFRAMLEGG Sakshandsamar: Verner Larsen Arkivsak: 2017/2672 Løpenr.: 17245/2017 Utvalsaksnr. Utval Møtedato 17/101 Ulstein kommunestyre 28.12.2017 INNFØRING AV EIGEDOMSSKATT I ULSTEIN KOMMUNE OG VEDTAK OM NIVÅ PÅ EIGEDOMSSKATT I 2018 2.G. HANDSAMING Saka gjeld: Saka gjelder innføring av eigedomsskatt i Ulstein kommune. Rådmanne går inn for at det vert skrive ut eigedomsskatt etter eit nivå på 2 promille. På grunn av uklare premissar ved første handsaming av saka legg kommunen opp til ny handsaming. Tilråding frå rådmannen: 1. Ulstein kommunestyre vedtek å innføre eigedomsskatt i Ulstein kommune. 2. Med heimel i lov om eigedomsskatt 2 og 3 bokstav g) skal slikt utskrivingsalternativ nyttast for skatteåret 2018: Faste eigedomar i heile kommunen, unnateke verk og bruk og annan næringseigedom. Etter dette vil følgjande eigedomar vere omfatta av skatteplikt: Alle bustadeigedomar og fritidseigedomar (her under våningshus, garasjar og naust) og ubygd grunneigedom (ikkje tomter regulert til næring). 3. Med heimel i eigedomsskattelova 7 a kan «eigedom åt stiftingar eller institusjonar som tek sikte på å gagne ein kommune, eit fylke eller staten» søke kommunestyret om å få fritak for eigedomsskatt. Søknadsfrist vert sett til 15. februar 2018. Med heimel i eigedomsskattelova 7 b kan «Bygning som har historisk verde» søke kommunestyret om å få fritak for eigedomsskatt. Søknadsfrist vert sett til 15. februar 2018. 4. Det skal ikkje nyttast botnfrådrag. 5. Ulstein kommune skal nytte siste tilgjengelege tal frå Skattedirektoratet sitt register for «Formuegrunnlag for likning av bustader i Ulstein kommune» som grunnlag for 6
SAKSFRAMLEGG eigedomsskatten. For 2018 vert skattesatsen sett til 2 promille av eigedomsskattegrunnlaget. Eigedomsskatten forfell til betaling over to terminar. 6. Kommunestyret ber valnemda legge fram forslag om medlemmer til takstnemnd etter eigedomsskattelova 8 A-3 (2) og klagenemnd etter eigedomsskattelova 20 til neste møte i kommunestyret. 7
SAKSFRAMLEGG Saksfakta: Saka gjeld vedtak om innføring av eigedomskatt i Ulstein kommune og fastsetting av rammene for eigedomskatt i 2018. Innkrevjing av eigedomsskatt er lagt inn som ein del av inntektsgrunnlaget for kommunen i arbeidet med økonomiplanen for 2018 2021. Kommunetyret sitt vedtak om utskriving av eigedomsskatt må minst ha med: Hjemmel for utskriving av eiendomsskatt, jf eiendomsskatteloven 2 og 3 Hvilke utskrivingsalternativ som skal gjelde, jf eiendomsskatteloven 3 Dersom det ikke skal skrives ut eiendomsskatt i hele kommunen. Angivelse av eiendomsskatteområdet og hvordan eiendomsskatten skal avgrenses, jf eiendomsskatteloven 3 Eiendommer som eventuelt skal være fritatt helt eller delvis for eiendomsskatt etter eiendomsskatteloven 7 Størrelsen på eventuelt bunnfradrag, jf eiendomssaktteloven 11 Eiendomskattesats, jf eiendomsskatteloven 11 og 13 Antall terminer for innbetaling av eiendomsskatt, jf eiendomsskatteloven 25 Oppnevnelse av medlemmer til takstnemd og klagenemnd med varamedlemmer, samt ledere og nestledere, jf eiendomsskatteloven 8A-2(2)* og 20. Frå «Kort innføring i reglene om utskriving av eiendomsskatt» KS Eiendomsskatteforum 2013 (bokmålstekst) * Etter nummerering i gjeldande lov pr dato 8 A-3(2) og (4) Vedtaket om utskriving eigedomskatt må gjerast i samband med budsjettet for komande år. Vedtaket gjer kommunen for eitt år om gongen. Denne saka er ei sak om innføring av eigedomsskatt. Når vedtaket om innføring er gjort vil rådmannen, dersom det er behov for det, legge fram ei ny sak om organisering av innkrevjinga og delegeringa av mynde. Frist for gjennomføring av taksering og utskriving av skatt det første året kommunen skriv ut eigedomsskatt er utgangen av juni. For seinare år må taksering være ferdig så tidleg at skatt kan utskrivast før 1. mars i skatteåret. I saksframlegget i sak 17/97 er det vist ein tabell med takst og eigedomsskatt. Tabellen er feil og rett utrekning er vist i denne utgreiinga med utheva skrift. Vurderingar og konklusjon: 2 i eigedomsskattelova legg mynde til å skrive ut eigedomsskatt til kommunestyret. Eigedomsskattelova 3 har sju alternativ for val av kva som skal skattleggast: 8
SAKSFRAMLEGG Lova legg til grunn at eigedomsskatt kan skrivast ut i heile kommunen, men punkt b) i paragrafen gir rom for å innføre eigedomsskatt i avgrensa deler av kommunen. Kravet er at områda er klart avgrensa og skiljet går på om områda er «bymessig utbygd» eller på veg til å bli bygd ut på den måten. Kriteriet er uklart og har ført til mykje diskusjon og søksmål. Difor vart det i 2007 opna for at kommunar kan innføre eigedomsskatt i heile kommunen. Rådmannen legg til grunn at eigedomsskatt vert innført i heile kommunen, og at det er fast eigedom unnateke verk og bruk som vert skattlagt ( 31. ledd bokstav g). Innføring av eigedomsskatt er grunna ut frå behovet for å ha kontroll og styring på den økonomiske situasjonen framover, og det er ikkje naturleg å innføre differensiering på grunn av geografi slik at deler av kommunen vert fritatt for eigedomsskatt. Ei skattlegging av heile kommunen vil gje det høgste inntektsgrunnlaget, og er den enklaste ordninga å administrere. Det gir og redusert risiko for klager og uro kring fastsetting av grensene. Dersom ein vel å frita nokon for skatt kan det føre til at skattetrykket på dei som vert skattlagt vert høgre for å få inn like mykje midlar. Dersom kommunestyret vel å ikkje skattlegge heile kommunen må områda vere klart avgrensa. Avgrensinga kan følgje grunn nummer, koordinat, veg / gate eller kart som viser eigedomsgrensene. Vidare må avgrensinga ikkje være vilkårleg eller i strid med likskapsprinsippet som retten til skattlegging kviler på. Ein viss skilnad i skattlegginga vil det bli mellom området som er tettbygd og dei delane av kommunen som ikkje er tettbygd. Grunnen til dette er at anslaget på salsverdi, og dermed taksgrunnlaget for eigedomsskatt vert sett ulikt i området som har spreidd busetnad i høve til området med tett busetnad. Etter 5 i eigedomsskattelova er det fritak frå eigedomsskatt for ein del eigedomar. Dette er mellom anna staten sine eigedomar, under gitte vilkår. Kyrkje, kommunen sine eigedomar og eigedomar som vert drivne som gardsbruk eller skogbruk. Sjå paragrafen for utfyllande informasjon. Vidare er det opna for at kommunestyret heilt eller delvis kan frita eigedomar som fyller vilkåra i 7 a, b, c og d. Det er hensiktsmessig at eit slikt fritak skjer etter søknad. Rådmannen tilrår at det vert gjeve fritak for eigedomar som nemnde i bokstav a og b. Avgrensinga er mot eigedomar til stiftingar eller institusjonar som tek sikte på å gagne ein kommune, eit fylke eller staten. I tillegg bygningar som har historisk verde. Mynde til fritak er lagt til kommunestyret, men dette er noko kommunestyret kan delegere vidare, innanfor rammene av kommunelova 10, når strukturen på arbeidet med innkrevjing er fastlagt. Det er usikkert om kommunen kan frita for fleire skatte år, slik at eit eventuelt fritak vert gjeve for eit år av gongen. 9
SAKSFRAMLEGG Etter 7 punkt c kan kommunestyret frita bustader nytta til husvære i inntil 20 år. Dette vil være eit reint fritak basert på bygge år og det har ingen kopling mot huseigar sitt behov for reduserte avgifter. Rådmannen vil ikkje rå til at eit slikt fritak vert innført, jf. argumentasjonen mot geografisk avgrensing tidlegare i saka. Skattesatsen er sett til maksimalt 2 promille av takstgrunnlaget det første året kommunen skriv ut eigedomsskatt jf eigedomsskattelova 13. Kommune kan ikkje gå under satsen på 2 promille, og det er vidare sett eit tak på 7 promille. I framlegget til statsbudsjett for 2018 har regjeringa gjort framlegg om at utskriving av eigedomsskatt det året den vert innført skal avgrense seg til 1 promille av takstgrunnlaget frå inntektsåret 2019. For Ulstein kommune sitt budsjett vil det føre til ei redusert inntekt på 7 mill. kr ut frå budsjettanslaget. Norkart laga i mai 2017 ei vurdering av skattegrunnlaget for eigedomsskatt i Ulstein kommune. (Sjå RS 17/19 til kommunestyret 15.06. 2017) Dette er basert på talgrunnlag for 2016 (likningsverdi for 2015) og på eit skattenivå på 2 promille. I tabellen er det vist effekt på skattebrunnlaget ved ulike verdiar på botnfrådrag: Effekt av eit botnfrådrag på 100 000 kr vil være at eigedomsskatten vert redusert med kr 200 ved ei skattesats på 2 promille. Ulstein kommune ønsker å nytte skatteetatens formuesgrunnlag (likningsverdi) som grunnlag for eigedomsskatten framfor å taksere kvar eigedom j.f. Eiendomsskattelovens 8 C-1. Likningsverdien vert utrekna av Skatteetaten og vert fastsett med utgangspunkt i ein kvadratmeterpris som Statistisk sentralbyrå (SSB) kvart år reknar ut. Kvadratmeterprisen skal gi uttrykk for ein estimert markedsverdi pr. kvadratmeter og er bygd på statistisk grunnlag ut frå omsette bustader (boligtype, areal, geografisk beliggenheit og alder). Likningsverdien for primærbustad er sett til 25% av antatt marknadsverdi, og må difor gongast med 4. Deretter skal ein trekke frå 20% av verdien for å sikre at takstgrunnlaget ikkje overstig marknadsverdi. Av dette grunnlaget vert det rekna ut 2 promille. Formelen vert då slik: Eigedomsskatt = Likningsverdi x 4 x 0,8 x 2/1000 10
SAKSFRAMLEGG Byggeår Snitt areal* Beliggenhet Likningsverdi Skattegrunnlag Skatt 2 Einebustad <- 1981 228 Sentrum kr 847 690 kr 2 712 608 kr 5 425 1982-1996 228 Sentrum kr 1 020 780 kr 3 266 496 kr 6 533 1997-2006 228 Sentrum kr 1 183 443 kr 3 787 018 kr 7 574 2007-2016 228 Sentrum kr 1 307 307 kr 4 183 382 kr 8 367 2007-2016 228 Eiksund kr 1 033 604 kr 3 307 533 kr 6 615 Leiligheit <- 1981 99 Sentrum kr 628 855 kr 2 012 336 kr 4 025 1982-1996 99 Sentrum kr 654 707 kr 2 095 062 kr 4 190 1997-2006 99 Sentrum kr 743 985 kr 2 380 752 kr 4 762 2007-2016 99 Sentrum kr 839 187 kr 2 685 398 kr 5 371 2007-2016 99 Eiksund kr 708 058 kr 2 265 786 kr 4 532 Småhus <- 1981 121 Sentrum kr 644 298 kr 2 061 754 kr 4 124 1982-1996 121 Sentrum kr 699 987 kr 2 239 958 kr 4 480 1997-2006 121 Sentrum kr 755 595 kr 2 417 904 kr 4 836 2007-2016 121 Sentrum kr 826 873 kr 2 645 994 kr 5 292 2007-2016 121 Eiksund kr 701 045 kr 2 243 344 kr 4 487 *Arealgrunnlag Det er boligens primærrom (P-rom) som dannar grunnlaget for arealberekninga. P-rom er rom som blir brukt til varig opphald og som elles fyller dei funksjonsbehova som ein bustad treng. Rom til teknisk utstyr eller oppbevaring som garderobe, kott, garasje e.l. skal ikkje reknast inn i arealet. Dei siste er såkalla sekundærrom (S-rom) Lenke til meir informasjon: Lov om eigedomsskatt https://lovdata.no/dokument/nl/lov/1975-06-06-29 11
SAKSFRAMLEGG Skatteetaten sin har lagt ut ein bustadkalkulator som reknar ut bustaden sin likningsverdi. Denne finn du her: https://www.skatteetaten.no/no/person/selvangivelse/tema-ogfradrag/bolig/likningsverdi/boligkalkulator/boligkalkulator/ Verner Larsen rådmann Dokumentet er elektronisk godkjent og har ingen signatur. 12