Sakshandsamar, innvalstelefon Jarle Berggraf, 55572264 Vår dato 20.05.2016 Dykkar dato 08.04.2016 Vår referanse 2015/6484 611 Dykkar referanse Fedje kommune 5947 Fedje ENDELEG TILSYNSRAPPORT Reduksjon i foreldrebetalinga Rettslege krav Fedje kommune Statens hus Kaigaten 9, 5020 Fedje Telefon: 55 57 20 00 Telefaks: 55 57 28 51 Utdanningsavdelinga Postboks 7310, 5020 Fedje Org.nr: 974760665 E-post: postmottak@fmho.no Internett: www.fylkesmannen.no/hordaland
Innhald 1 Innleiing... 3 2 Om tilsynet med Fedje kommune... 3 2.1 Fylkesmannen fører tilsyn med kommunen som barnehagemyndigheit... 3 2.2 Tema for tilsyn... 3 2.3 Om gjennomføringa av tilsynet... 3 2.3 Tidslinja i tilsynet... 4 3. Etterleving av rettslege krav ved vedtak om gratis kjernetid... 4 3.1 Rettsleg krav... 4 3.1.1 Forskrift om foreldrebetaling... 4 3.1.2 Forvaltningslova... 4 3.2 Fylkesmannes vurderingar... 5 3.3 Fylkesmannens konklusjon... 5 4. Kommunen sine metodar for å informere om gratis kjernetid... 5 4.1 Rettslege krav... 5 4.3 Fylkesmannens vurderingar... 5 5. Fylkesmannen sin konklusjon... 5 2
1 Innleiing Fylkesmannen har i perioden frå 9. mars 2016 til dags dato gjennomført skriftleg tilsyn med etterleving av dei rettslege krava til å fatte vedtak om fritak for foreldrebetaling for 20 timer per veke til alle fire- og femåringar i Fedje kommune. 2 Om tilsynet med Fedje kommune 2.1 Fylkesmannen fører tilsyn med kommunen som barnehagemyndigheit Fylkesmannen fører tilsyn med kommunen som barnehagemyndigheit, jf. barnehagelova 9 andre ledd. Fylkesmannens tilsyn med kommunen som barnehagemyndigheit er tilsyn med det lovpålagde, jf. kommunelova 60 b. Fylkesmannen sitt tilsyn er utøving av myndigheit og skjer i samsvar med reglane for dette i forvaltningsretten. Tilsynet skal vere prega av openheit, likebehandling og at det er etterprovbart og effektivt. I dei tilfella der Fylkesmannen konkluderer med at eit rettsleg krav ikkje er oppfylt, blir dette sett på som lovbrot, uavhengig av om det er barnehagelova eller forskrifter fastsett i medhald av denne lova som er brotne. 2.2 Tema for tilsyn Tilsynet skal undersøkje om kommunen som barnehagemyndigheit etterlever dei rettslege krava som er sett for å fatte vedtak om fritak for foreldrebetalinga for 20 timer (gratis kjernetid) per veke til alle fire- og femåringar, jf. forskrift om foreldrebetaling i barnehagar 3 sjuande ledd, jf. barnehageloven 15. Kommunen si plikt til å opplyse om moderasjonsordninga etter same føresegn òg eit tema for tilsynet. Føresegna om gratis kjernetid ble innført 1. august 2015. Formålet til lova er jamne ut sosiale skilnader, og bidra til at barn av foreldre med låg inntekt kan få plass i barnehage. Det er viktig at kommunen etterlev føresegna slik at foreldre med låg inntekt kan ha råd til barnehageplass. Det er òg viktig at kommunen synliggjer moglegheita for å få gratis kjernetid. Tilsynstemaet er valt ut fordi føresegna er relativt nye, og fordi gratis kjernetid er ei viktig ordning for å jamne ut sosiale skilnader ved å sikre alle barn barnehageplass. Forvaltningslova gir fleire grunnleggjande reglar om sakshandsaming for offentlege organ. Formålet med forvaltningslova er i fyrste omgang å leggje tilhøva til rette for ei trygg sakshandsaming i forvaltninga. Fylkesmannen har difor, etter ein heilskapleg vurdering, funne grunnlag for å sjå nærmare på vedtaka kommunen treff når dei fattar vedtak om gratis kjernetid. 2.3 Om gjennomføringa av tilsynet Tilsyn med Fedje kommune vart opna gjennom brev 9. mars 2016, der relevant dokumentasjon blei etterspurt. Fylkesmannens vurderingar og konklusjonar er baserte på skriftleg dokumentasjon. Fylkesmannen gjer merksam på at ein i dette tilsynet ikkje vil vurdere om sjølve utrekninga av reduksjonen i foreldrebetalinga, som kjem fram i vedtaka, er korrekte. 3
Følgjande dokument inngår i dokumentasjonsgrunnlaget for tilsynet: Tilbakemelding etter tilsyn vedtak om fritak for foreldrebetaling Fedje kommune (oversendingsbrev) 20123 (opplysningar om barnetal) 20124 (Fedje barnehage ønsker å minne om Nasjonal ordning for reduksjon i foreldrebetalingen frå 1. mai 2015) 20125 (vekebrev, veke 19 og 20) 2.3 Tidslinja i tilsynet Kommunen fekk varsel om tilsyn i brev av 9. mars 2016 med krav om innsending av dokumentasjon Fylkesmannen fekk dokumentasjon frå kommunen den 8. april 2016. 3. Etterleving av rettslege krav ved vedtak om gratis kjernetid 3.1 Rettsleg krav 3.1.1 Forskrift om foreldrebetaling Det følgjer av forskrift om foreldrebetaling 3 sjuande ledd: «Kommunen skal gi fritak for foreldrebetaling for 20 timer per uke til alle fire- og femåringer i husholdninger med en samlet personinntekt, etter skatteloven kapittel 12, og skattepliktig kapitalinntekt under en inntektsgrense fastsatt av Stortinget. Tilsvarende gjelder for barn med utsatt skolestart». Føresegna sikrar at alle fire- og femåringar, og barn med utsatt skulestart, som bur i hushald med låg inntekt har rett til 20 timar gratis opphaldstid i barnehagen per veke. Gratis kjernetid gjeld for barn som har nest siste og siste år i barnehagen, og gjeld uavhengig av om barnet har deltid- eller heiltidsplass. Formålet med ordninga er å innføre ein betre sosial profil på foreldrebetalinga i barnehagen, og legge til rette for at fleire får moglegheita til å nytte eit tilbod om barnehageplass. Det er kommunen, som barnehagemyndigheit, som ansvaret for å handsame søknadar om gratis kjernetid. Som utgangspunkt gjeld søknaden for eitt barnehageår av gangen. 3.1.2 Forvaltningslova Når kommunen skal handsame ein søknad om gratis kjernetid, må dei følgje føresegna i forvaltningslova i kapittel V «om vedtaket» ( 23-27b). Dette stiller mellom anna krav til at vedtaket er grunngjeve og at det blir vist til dei reglar vedtaket byggjer på, med mindre parten kjenner reglane, og at klageadgang, klagefrist, klageinstans og nærare framgangsmåte ved klage er nemnt. Forvaltningslova stiller krav til at ei sak skal vere så godt opplyst som mogleg, og at grunngjevinga skal sette parten i stand til å forstå vedtaket. Dette stiller krav til at kommunen, på ein god og forståeleg måte, viser korleis dei rekna ut fritaket for gratis kjernetid. Vurderinga av kommunen etterlev nemnte føresegn vert gjort under punkt 3.2 i rapporten. 4
3.2 Fylkesmannes vurderingar Fedje kommune har i oversendingsbrevet opplyst at dei ikkje har fatta vedtak om gratis kjernetid. Kommunen har soleis ikkje noko vedtak som Fylkesmannen kan vurdere opp mot regelverket. Kommunen har i telefonsamtale med Fylkesmannen opplyst at kommunen ikkje har mottatt nokon søknadar om gratis kjernetid. 3.3 Fylkesmannens konklusjon På grunn av kommunen ikkje har mottatt søknadar om gratis kjerne har ikkje Fylkesmannen grunnlag for å vurdere om kommunen etterlev regelverket i handsaminga av søknadane. 4. Kommunen sine metodar for å informere om gratis kjernetid 4.1 Rettslege krav Det følgjer av forskrift om foreldrebetaling 3 sjuande ledd at foreldre med låg inntekt har rett til gratis kjernetid. Sjå punkt 3.1.1 for meir utfyllande om føresegna. Ordninga med gratis kjernetid blei innført 1. august 2015. Formålet med gratis kjernetid er å innføre ein betre sosial profil på foreldrebetaling i barnehagen, og leggje til rette for at fleire kan nytte eit tilbod om barnehageplass. Det er kommunen, som barnehagemyndigheit, som har ansvaret for ordning med gratis kjernetid. For ordninga skal bli realisert bør kommunane gi informasjon til dei føresetta om ordninga med gratis kjernetid. Dette vil også vere i tråd med krava til god forvaltningsskikk. 4.3 Fylkesmannens vurderingar Det er viktig at kommunen ikkje berre opplyser om ordninga om gratis kjernetid via internett, all den tid det ikkje er alle føresette som har tilgang på internett. Det er difor viktig at kommunen også gir barnehagen melding om ordninga, samt gir melding til føresette. Fylkesmannen vurderer at det er spesielt viktig å undersøkje om informasjon til målgruppa er tilstrekkeleg når kommunen til no ikkje har motteke søknadar om gratis kjernetid. Fedje kommune har opplyst at dei har gitt informasjon om gratis kjernetid via nettsider og eigne informasjonsskriv på kommunekontoret. I tillegg har kommunen sendt brev til barnehagen og føresette. Fylkesmannen finn at dette er tilstrekkeleg til å gi føresette informasjon på en måte som oppfyller krava. Fylkesmannen finn at kommunen har gitt informasjon til føresette på ein tilstrekkeleg måte, og at dette er i tråd med omsynet til god forvaltningsskikk. 5. Fylkesmannen sin konklusjon Ut i frå innsendt dokumentasjon og opplysningar finn ikkje Fylkesmannen grunnlag for å konkludere med lovbrot. Innsendte opplysningar tilseier at kommunen har gitt tilstrekkeleg informasjon om gratis kjernetid til dei føresette og barnehagen. Ettersom kommunen ikkje har fatta vedtak om gratis kjernetid, føreligg det ikkje grunnlag for Fylkesmannen å vurdere om kommunen etterlev dei rettslege krava til vedtak. 5
Med helsing Jarle Berggraf Tilsynsleiar Marianne Svege Seniorrådgjevar Brevet er godkjent elektronisk og har derfor inga underskrift. 6