Vinje kommune Økonomi, plan og utvikling Arkiv saknr: 2013/2722 Løpenr.: 10512/2016 Arkivkode: 99/7 Utval Møtedato Utval Saksnr Plan- og miljøutvalet 31.08.2016 16/102 Kommunestyret 15.09.2016 16/86 Sakshandsamar: Turid Opsund Mæland Framlegg til detaljregulering for Arbuneset 99/7-2. gongs handsaming og endeleg vedtak Vedlegg: 1 Plankart 2 Framlegg til detaljregulering for Arbuneset 99/7-1. gongs handsaming 3 Tekstdel_Arbuneset Dokument i saka: Kommunedelplan Vågslid, både gjeldande og framlegg til ny Vinje kommune 19.11.2013, referat frå oppstartsmøte Plankontoret Hallvard Homme AS 05.12.2013, varsel om oppstart av planarbeid Innspel til planarbeid: Fylkesmannen i Telemark Telemark fylkeskommune Statens vegvesen Geir Thorland Kari Amundsen Jan Ove Øen Elen Gaard og Knut Kristiansen Arbuneset Hyttevelforening NVE Knut Kristiansen Liv Sølvi Frøkedal Bakke
Bakgrunn: Plan og miljøutvalet vedtok i møte 10.02.2016, sak 16/17, å leggje framlegg til detaljregulering for Arbuneset ut til offentleg ettersyn i samsvar med plan og bygningslova 12-10. Planframlegget legg til rett for ei utviding og fortetting av området med 13 nye tomter, samt tilhøyrande veg og VA anlegg. I tillegg opnar den nye planen for auka utnyttingsgrad og utviding av tomtegrenser. Planframlegget vart lagt ut til offentleg ettersyn i brev 27.04.2016 med frist for merknader 17.06.2016. Det er registrert 8 merknadar til planframlegget: Fylkesmannen i Telemark: Er positive til at det vert opna for ei fortetting av eksisterande felt i staden for å ta i bruk nye områder. Anbefaler samstundes å leggje til rette for tiltak som kanaliserar ferdsel vekk frå villreinens leveområde. Minnar og om at utbygging skal skje med omsyn på landskap og estetikk og at ein må tenkje på både nær og fjernverknad ved utforming av tomter og bygging av fritidsbustadar. Meinar det er viktig å sikre ålmenta sin tilgang til vatnet som ei kjelde til friluftsliv og rekreasjon og forventar at 50 meters byggjegrensa langs vatn vert handheva. Statens Vegvesen, Telemark fylkeskommune og NVE: Ingen merknader Jan Ove Øen: Har tidlegare bedt om å få tilleggsareal til sin tomt 99/137. Dette er ikkje kome med i planforslaget og ber om at dette vert teke med. Det er ynskje om eit tilleggsareal på 600 kvadrat. Elen Gaard og Knut Kristiansen: Ynskjer å regulere inn ein vegtrase til hytta si slik at det er mogleg å opparbeide ein lågstandard veg til hytta si 99/62. Geir Thorland: Meinar hytte nr 72 vil liggje i silhuett sett frå skiløype og veg. Ynskjer at hytte 72 og 74 vert trekt noko mot nord/vest og at hytte 72 får kotehøgde 1 meter lågare enn kollen på tomta. Arbuneset Hyttevelforeining: Meinar planlagt fortetting er djupt urimeleg og er fortvila over både prosessen og situasjonen. Listar opp ei rekkje punkt som taler mot fortetting: Åtkomst til skiløypene og området mot vatnet blir vanskelegare. Oppfattar det som ei privatisering av strandsona. Konflikt mellom privatøkonomiske interesser hjå grunneigar og allemannsretten. Kauparar av tomter i felt 3 er ikkje orientert om avtala mellom grunneigar og velforeininga om at det ikkje skal fortettast i den gamle delen. Kan oppfattast som eit frislepp for ytterligare utbygging i strandsona rundt Arbuvatn. Problem med brøyting i eit fortetta område.
VA og straumnett er maksimalt utnytta i det nyaste feltet. Ei betydelig auke i biltrafikk på tilkomstvegane som er mykje bruka som turveg. Velforeininga ynskjer å redusere til 8 tomter, dei ynskjer ikkje utleigetomter i området og meinar det kan verte ein potensiell konflikt med naboane i området. Til slutt foreslår velforeininga å flyte skiløypa frå Arbtjønni til strandlina langs vatnet og knyte saman med løypene på aust og vestsida av Arbuvatn for å lette tilkomsten til løypa på vestsida. Vurdering: Kommentar til merknader: Eigar av 99/62 ynskjer å få regulert inn ein vegtrase slik at dei kan opparbeide ein enkel veg til hytta si. Ulike løysingar er diskutert med eigar av 99/62, til slutt er det landa på eit alternativ som alle er einige om. Vegtraseen er lagt inn i kartet. Eigar av 99/137 har avtale med grunneigar om kaup av omkring 600 kvadrat tilleggsareal til tomta si. Dette vert lagt inn i planen. Eigar av tomt 99/58 tok kontakt etter fristen med ynskje om å få litt tilleggsareal. Etter avtale med grunneigar er også dette teke med i siste versjon av Det er ynskje om å flyte skiløypa som går over Arbutjønni til strandlina. Dette ynsket er i tråd med kommunens mål om å få skiløypene til å gå utanom islagte vatn med tanke på sikkerheit og forutsibarheit rundt skiløypene og ein vil rå til at skiløypa vert lagt inn på sørsida av Arbutjønni. Det er kome merknad på at tomt 72 og 74 bør flytast då det er fare for at hyttene kan bli liggjande i silhuett og at dei vert godt synlege frå mellom ana skiløypa. Om ein ser på området i 3D ser ein at tomt 72 og 74 vil ligge lågare enn dei andre tomtene langs same vegen, på ei flate i terrenget. Det er ei bratt skråning ned til nabohytta på tomt 43 som kanskje vil gjere at denne ser hytta på tomt 72 i himmelsjå. Men dette vil ikkje hindre utsikt for naboane då den nye hytta kjem på baksida av dei gamle.
Tettleik og omfang: Planen legg til rette for 13 nye tomter i den nyaste delen av hyttefeltet på Arbuneset. Hyttevelforeininga rettar kritikk mot at ein tillèt så mange nye tomter i og med at utkast til ny kommunedelplan for Vågslid seier fylgjande om området: «Landskapsomsyn, forsiktig fortetting, inntil 20 %.» Planen seier likevel ikkje noko om prosenten gjeld tal nye tomter eller areal. I planforslaget er det regulerte området utvida med 23 daa. Noko som gjer at dei nye tomtene ikkje berre vert plassert innimellom eksisterande hytter som rein fortetting, men og ut over eksisterande område. Dagens struktur i feltet vil i stor grad verte oppretthaldt. Det einaste som syns å bryte med dagens struktur i feltet er dei fire tomtene som ligg etter kvarandre nedanfor vegen. Desse kan få ein negativ og dominerande effekt ned mot vatnet og virke som ei barriere mot strandsona for dei andre hyttene som vert liggjande bak. Fylkesmannen presisera og i sitt brev at ein må sørgje for å sikre ålmenta sin tilgang til vatnet som ei kjelde til friluftsliv og rekreasjon. Ein enkel tilgang ned til vatnet vil kanskje også vere med på å bidra til ei kanalisering av ferdsel vekk frå villreinens leveområde. Sakshandsamar rår difor til at ei av dei fire tomtene vert teke ut av planen, det vil også vere med på å skape litt luft og grøntområde mellom hyttene slik som det er elles i feltet. Endringane som er foreslege vert sett på som mindre vesentlege og ein meinar det ikkje er nødvendig med ny høyring. Saka går til kommunestyret for endeleg vedtak. Rådmannens framlegg til vedtak: 1. Ei av tomtene 59 62 vert teken ut. 2. Ny veg til tomt 99/62 og tilleggsareal til tomt 99/137 og 99/58 som allereie er lagt inn i 3. Skiløypa vert lagt på sørsida av Arbutjønni. Rådmannen, Jan Myrekrok, rådmann /s/ Handsaming i Plan- og miljøutvalet 31.08.2016: Framlegg frå Ap v. John Kleiv: Pkt. 1 går ut. Kleivs framlegg blei sett opp mot rådmannens framlegg til pkt. 1. Kleivs framlegg blei samrøystes vedteke.
Rådmannens framlegg til pkt. 2 og 3 blei samrøystes vedteke. 4. Ny veg til tomt 99/62 og tilleggsareal til tomt 99/137 og 99/58 som allereie er lagt inn i 5. Skiløypa vert lagt på sørsida av Arbutjønni. Saksordførar: John Kleiv Handsaming i Kommunestyret 15.09.2016: Framlegg frå V. Børge Skårdal: Saka blir utsett. Framlegget til Skårdal fall med 22 mot 1 røyst. Framlegget frå plan- og miljøutvalet blei samrøystes vedteke. 6. Ny veg til tomt 99/62 og tilleggsareal til tomt 99/137 og 99/58 som allereie er lagt inn i 7. Skiløypa vert lagt på sørsida av Arbutjønni.