NORDFJORDRÅDET MØTEBOK

NORDFJORDRÅDET MØTEBOK Møtedato: 06.06.2016 Møtetid: Kl. 10:00 14:00 Møtestad: Formannskapssalen på rådhuset i Vågsøy, 3 etg Saksnr.: 015/16-020/16 Desse medlemmene møtte: Kristin Maurstad Magni Aa Berge Stig Olav Lødemel Stein Robert Osdal Kommune Vågsøy Gloppen Hornindal Selje Forfall/møtte ikkje Kommune Følgjande varamedl. møtte Kommune Alfred Bjørlo Eid Eli Førde Aarskog Eid Sven Flo Styn Torstein Tvinnereim Stryn Ugilde Sak i forv.lova Følgjande varamedl. møtte Møteleiar: Av rådmennene møtte: Andre: Utlevert i møtet: Orientering: Sjå sak 16/16! Sp.mål/interpell.: Synfaring: Diverse: Underskrifter: Kristin Maurstad Jan Kåre Fure (Gloppen), Ørnulf Lillestøl (Selje) og Per Kristian Storevik (Stryn) Sekretær Birte Fossheim Nils P. Støyva Leiar i fagopplæringsnemnda (sak 16/16) Ingvill Flo, dagleg leiar PwC i Stryn (sak 18/16) Kristin Maurstad Side 1

SAKLISTE Sak nr. Sakstittel 015/16 Godkjenning av møtebok, innkalling, dagsorden og sakliste 016/16 Referat og orienteringssaker 017/16 Fråsegn frå Nordfjordrådet - fleire statlege arbeidsplassar til Nordfjord 018/16 Utkast til strategi- og handlingsplan for Nordfjordrådet 2016 og 2017 019/16 Refusjon av transportutgifter til ungdomsskulane i Nordfjord i samband med hospitering 020/16 Godkjenning av årsrekneskap for 2015 og forvaltning av minnegåvefond for Nordfjord Side 2

NORDFJORDRÅDET SAKSPAPIR SAKSGANG Styre, utval, komite m.m. Møtedato Saksnr. Nordfjordrådet 06.06.2016 015/16 Avgjerd av: Nordfjordrådet Saksbehandlar: Birte Fossheim Arkiv: Objekt: Arkivsaknr.: 16/768-1 Godkjenning av møtebok, innkalling, dagsorden og sakliste Møteboka frå Nordfjordrådet sitt møte den 4. april i år blir lagt fram til godkjenning. Leiaren har sett opp slik dagsorden for dette møte: 10.00 Referat og orienteringssaker: * Behovet for læreplassar i offentleg og privat sektor. Nils P Støyva - Distriktssekretær i LO, Jan Atle Stang nestleiar fagopplæringsnemnda, Sissel Brusegård - opplæringsavdelinga i fylkeskommunen 11.00 * Brev frå sjukehusaksjonen Nordfjord uttale om mobbing og sjikane 11.15 * Drøfting rundt omorganisering av driftseiningane i politiet. Kva rolle skal Nordfjordrådet ha? 11.45 Fråsegn om statlege arbeidsplassar 12.00 Lunsj 12.30 Utkast til strategi- og handlingsplan for Nordfjordrådet - basert på resultat frå arbeidsseminar 25. mai 13.15 Pause 13.30 Fordeling av midlar til hospitering for ungdomsskulane i Nordfjord 13.45 Minnegåvefondet godkjenning av årsrekneskap, årsmelding og avklaring forvaltning av gåvefondet 14.15 Møte slutt LEIAREN SI TILRÅDING: 1. Nordfjordrådet godkjenner møteboka frå sitt møte den 4. april 2016 2. Nordfjordrådet godkjenner innkallinga og saklista til møtet den 6. juni 2016. Side 3

06.06.2016 NORDFJORDRÅDET 015/16 VEDTAK: 1. Nordfjordrådet godkjenner møteboka frå sitt møte den 4. april 2016 2. Nordfjordrådet godkjenner innkallinga og saklista til møtet den 6. juni 2016. Vedtaket var samrøystes. Side 4

NORDFJORDRÅDET SAKSPAPIR SAKSGANG Styre, utval, komite m.m. Møtedato Saksnr. Nordfjordrådet 06.06.2016 016/16 Avgjerd av: Nordfjordrådet Saksbehandlar: Birte Fossheim Referat og orienteringssaker Arkiv: Objekt: Arkivsaknr.: 16/767 Refererte skriv og meldingar: Nr Dok.ID T Dok.dato Avsendar/Mottakar Tittel 1 16/5633 I 02.05.2016 Sjukehusaksjonen Uttalar frå ordførar Nordfjord 2 16/6719 I 02.05.2016 LO v/nils P. Støyva Behovet for å auke tal læreplassar i offentleg og privat sektor. Orienteringssaker: 1) Behovet for å auke tal læreplassar i offentleg og privat sektor. Orientering ved Nils P Støyva - Distriktssekretær i LO, Jan Atle Stang - nestleiar fagopplæringsnemnda, Sissel Brusegård - opplæringsavdelinga i fylkeskommunen. - Trongen for læreplassar i offentleg og privat sektor - Partnerskapavtale mellom NHO, LO, fylkeskommunen og regionrådet i Sogn, sjå vedlegg - Ny nasjonal samfunnskontrakt for fleire læreplassar Dialog om kva tiltak ein kan sett i verk i Nordfjordregionen. 2) Drøfting rundt omorganisering av driftseiningane i politiet. Kva rolle skal Nordfjordrådet ha? LEIARAEN SI TILRÅDING: Saka vert lagt fram utan tilråding. 06.06.2016 NORDFJORDRÅDET 1) Behovet for å auke tal læreplasser i offentleg og privat sektor Nils P. Støyva presenterte fagopplæringsnemnda si rolle i arbeidet retta mot yrkesfag og læreplassar i kommunane. Prognosane viser at det vil vere stor mangel etter fagarbeidarar framover, og det er utfordrande å skaffe nok læreplassar. 2) Brev frå sjukehusaksjonen Nordfjord uttale om mobbing og sjikane Side 5

Brev frå sjukehusaksjonen var ikkje diskutert i møte, men utsett til neste møte i august. 3) Drøfting om omorganisering av driftseiningane i politiet Det er på gang ei omorganisering av driftseiningane i politiet. Vest politidistrikt vert invitert til eit møte i Nordfjordrådet for å informere om arbeidet til Nordfjordkommunane samla. 4) Kandidatar til representantskapen i Alarmsentralen Nordfjordrådet er bede om å kome med innspel til leiar og nestleiar i representantskapet i Alarmsentralen 5) Invitasjon frå Sunnmøre Regionråd til workshop om regionsreforma. Nordfjordrådet er invitert av Sunnmøre Regionråd til ein workshop omkring regionsreforma. Det er lagt opp til ei dagssamling til hausten. Workshopen skal styrke regionane sin kunnskap og betraktningar i forhold til sine tilbakemeldingar på regionsreforma. 016/16 VEDTAK: 1. Nordfjordrådet ser ei viktig kopling til eigen strategi- og handlingsplan der eitt av satsingsområda er utdanningstilbod i Nordfjord. Fagopplæringsnmenda vert ein nyttig samarbeidsaktør for Nordfjordrådet framover. 2. Brev frå sjukehusaksjonen var ikkje diskutert i møte, men utsett til neste møte i august. 3. Nordfjordrådet inviterer Vest politidistrikt til møte for å informere om omorganisering av driftseiningane i politiet. 4. Kristin Maurstad koordinerer og sender tilbakemelding på kandidatar til representantskapet i Alarmsentralen frå Nordfjordrådet. 5. Nordfjordrådet gir tilbakemelding til Sunnmøre Regionråd om at ein ønskjer å delta på workshop omkring regionsreforma til hausten. Vedtaket var samrøystes. Side 6

NORDFJORDRÅDET SAKSPAPIR SAKSGANG Styre, utval, komite m.m. Møtedato Saksnr Nordfjordrådet 06.06.2016 017/16 Avgjerd av: Nordfjordrådet Saksbehandlar: Birte Fossheim Objekt: Arkiv: X61 Arkivsaknr.: 16/771-2 Fråsegn frå Nordfjordrådet - fleire statlege arbeidsplassar til Nordfjord Ingen vedlegg. Bakgrunn for saka: I samfunnsdebatten om utflytting av statlege arbeidsplassar har Nordfjordrådet engasjert seg på vegne av Nordfjordregionen. Saksutgreiing: Nordfjordrådet krev at Regjering og Storting lokaliserer langt fleire statlege arbeidsplassar enn i dag til Nordfjord, som del av den varsla planen for utflytting av statlege arbeidsplassar i løpet av 2016. Dette kravet må også Sogn og Fjordane fylkeskommune stille seg bak, og arbeide målretta med å oppnå. Nordfjord er ein bu- og arbeidsmarknadsregion med omlag 30.000 menneske, fire sterke senter som kompletterer kvarandre (Måløy, Nordfjordeid, Sandane og Stryn), sterk kultur for innovasjon og gründerånd og eit svært offensivt og variert næringsliv. Alt ligg til rette for vekst i Nordfjord i åra framover, fordi vi har eit næringsliv som er godt tilpassa "det grøne skiftet" og framtidas vekstnæringar. Skal Nordfjord vekse, er vi likevel avhengig av ein variert samansetnad av arbeidsmarknaden, med arbeidsplassar også for unge folk med høg utdanning. Her er statlege etatar og kompetansemiljø ein nøkkelfaktor. Dei siste 10-15 åra har Staten gradvis "flytta ut" av Nordfjord. Berre i fireårsperioden 2008-11 forsvann 10% av alle statlege arbeidsplassar i Nordfjord (Kjelde: Møreforsking, rapport 40/2013 "Utviklingstrekk i Nordfjord"). Samtidig har talet på statlege arbeidsplassar i dei største byane i Noreg auka kraftig. I Sogn og Fjordane har det vore kraftig vekst i talet statlege arbeidsplassar i Indre Sogn og omlag stabilt tal i Sunnfjord. Dersom Sogn og Fjordane skulle hatt like mange statlege arbeidsplassar pr innbyggar som Oslo, skulle det ha vore om lag 6.000 statlege arbeidsplassar i Sogn og Fjordane. Det reelle talet er ca 2.000 (Kjelde: SSB, regulativlønte i statleg tariffområde pr 01.10.2014). Av dei ca 2.000 statlege arbeidsplassane i Sogn og Fjordane ligg godt over 1.000 i kommunane Sogndal og Leikanger, over 500 ligg i Førde-regionen og under 200 i Nordfjord-kommunane samla - sjølv om folketalet i Nordfjord er tre gonger større enn i Sogndal/Leikanger. Side 7

Nordfjord som region er difor grovt underrepresentert når det gjeld statlege arbeidsplassar og kompetansemiljø. Dette trass i at regionen er sterk nok som bu- og arbeidsmarknad til å kunne vere minst like godt vertskap for statlege etatar og institusjonar som t d Indre Sogn. Nordfjordrådet krev difor at staten no nyttar høvet gjennom den planlagde utflyttinga av statlege arbeidsplassar til å lokalisere heile eller deler av statlege institusjonar til Nordfjord. Det bør vere eit rimeleg mål at ein gjennom slik utflytting aukar talet statlege arbeidsplassar i Nordfjord frå 200 til ca 750. Økonomiske konsekvensar for Nordfjordrådet: Ingen. Sekretæren si vurdering: Fråsegna frå ordførar Alfred Bjørlo i Eid kommune er eit politisk innspel som ikkje treng nokon administrative vurderingar. LEIAREN SI TILRÅDING: Nordfjordrådet godkjenner framlegget til fråsegn om statlege arbeidsplassar i Nordfjord slik det går fram av saka. 06.06.2016 NORDFJORDRÅDET 017/16 VEDTAK: Nordfjordrådet godkjenner framlegget til fråsegn om statlege arbeidsplassar i Nordfjord slik det går fram av saka, men nest siste avsnitt skal lyde slik: «Nordfjord som region er difor grovt underrepresentert når det gjeld statlege arbeidsplassar og kompetansemiljø. Dette trass i at regionen er sterk nok som bu- og arbeidsmarknad til å kunne vere godt vertskap for statlege etatar og institusjonar.» Vedtaket var samrøystes. Side 8

NORDFJORDRÅDET SAKSPAPIR SAKSGANG Styre, utval, komite m.m. Møtedato Saksnr Nordfjordrådet 06.06.2016 018/16 Avgjerd av: Nordfjordrådet Saksbehandlar: Birte Fossheim Objekt: Arkiv: U00 Arkivsaknr.: 16/133-9 Utkast til strategi- og handlingsplan for Nordfjordrådet 2016 og 2017 Vedlegg: Dok.nr Tittel på vedlegg 275777 Strategi- og handlinsplan for Nordfjordrådet 2016-2017 - utkast Bakgrunn for saka: Nordfjordrådet har siste tida jobba med å definere satsingsområde for kva ein vil prioritere i perioden 2016 2017. Den 25. mai vart det arrangert ein dagssamling på Sorenskrivargarden Leikvin på Eid, der ein samla ordførarar, rådmenn, plan- og utviklingssjefar og næringssjefar. På samlinga jobba ein med satsingsområde, tiltak og organisering, noko som gav grunnlag for utarbeiding av utkast til strategi- og handlingsplan for Nordfjordrådet. Saksutgreiing: På strategisamlinga på Leikvin 25. mai hadde vi sett av tre faglige bolkar knytt til tematikken: 1. Samspel med FoU for næringsutvikling spesielt retta mot nye grøne næringar og kunnskapsbasert næringsutvikling der vi hadde med oss Dag Lothe frå Forskningsrådet og Kjetil Kvåle frå Kunnskapsparken i Sogn og Fjordane. 2. Regional utvikling gjennom ein fleirkjernestruktur. Her hadde vi med oss Knut Arne Gurigard frå Regionrådet for Hallingdal. 3. Inkludering gjennom utdanning. Her hadde vi med oss Hallgeir Hansen som er rektor på Firda vidaregåande skule. Etter kvar foredrag vart det jobba i grupper med å prioritere satsingsområde og korleis ein skulle organisere desse gjennom arbeidet i Nordfjordrådet. Fokuset var Nordfjordrådet som pådrivar og tilretteleggar. Etter samlinga 25. mai har sekretær for Nordfjordrådet i lag med Ingvill Flo i PwC jobba med å samle innspela, og lage eit utkast til strategi- og handllingsplan for Nordfjordrådet. Sidan samlinga var så tett innpå møte i Nordfjordrådet er utkastet ikkje klart til utsending før i slutten av veka, og vil bli ettersendt på epost. Økonomiske konsekvensar for Nordfjordrådet: Nordfjordrådet har engasjert PwC ved Ingvill Flo til å bistå Nordfjordrådet med strategiarbeidet - både med planlegging og gjennomføring av samlinga på Leikvin 25. mai og med utforming av strategidokument i ettertid. Vi har søkt KS om OU-mildar til strategiarbeidet vi har jobba med. Denne søknaden har vi ikkje fått svar på enno. Dersom vi Side 9

ikkje får tilsagn om eksterne midlar, vil strategiprosessen gje Nordfjordrådet ei utgift i konsulenthonorar, leige av lokalet og matservering på Leikvin, reiserekningar til foredragshaldarar tilsaman rundt kr 70.000. Sekretæren si vurdering: Det har vore ein fagleg og nyttig prosess å jobbe med satsingsområde for Nordfjordrådet. Prosessen har skapt engasjement for å jobbe med regional utvikling og vist prosjekt som ein kan samlast om i regionen. Regional utvikling i Nordfjord er ein kontinuerleg prosess, og for Nordfjordrådet vil strategiarbeidet gje oss ei retning for kva utviklingsprosjekt som vi vil jobbe i fellesskap om og prioritere i perioden 2016 og 2017. LEIAREN SI TILRÅDING: Nordfjordrådet godkjenner strategi- og handlingsplan for perioden 2016 og 2017. 06.06.2016 NORDFJORDRÅDET 018/16 VEDTAK: Nordfjordrådet godkjenner strategi- og handlingsplan for perioden 2016 og 2017 med innspel til endringar som kom fram i møte. Vedtaket var samrøystes. Side 10

NORDFJORDRÅDET SAKSPAPIR SAKSGANG Styre, utval, komite m.m. Møtedato Saksnr Nordfjordrådet 06.06.2016 019/16 Avgjerd av: Nordfjordrådet Saksbehandlar: Birte Fossheim Objekt: Arkiv: 026 Arkivsaknr.: 16/754-9 Refusjon av transportutgifter til ungdomsskulane i Nordfjord i samband med hospitering Ingen vedlegg. Bakgrunn for saka: Nordfjordrådet har i fleire år støtta opp ei satsing for at ungdomsskulane i Nordfjord skal få hospitere på dei vidaregåande skulane i regionen. Dette har ein gjort ved å dekke inntil 50 % av kostnadane ungdomsskulane har hatt til transport i samband med hospiteringa. Saksutgreiing: Ungdomsskulane sender årleg inn sine dokumenterte utgifter i samband med hospiteringa. I år har Nordfjordrådet fått følgjande søknadar om refusjon: Skule Samla utgifter 2016 Refusjonssum 2016 Selje skule 7797 50 % 3899 Stryn ungdomsskule 13409 50 % 6705 Eid ungdomsskule 15135 50 % 7568 Vågsøy ungdomsskule 17316 50 % 8658 Olden skule 9343 50 % 4672 Davik oppvekst 7878 50 % 3939 Stadlande skule 8307 50 % 4153 Bremanger skule 4074 50 % 2037 Gloppen ungdomskule 18536 50 % 9268 101794 50897 Det er ikkje kome inn søknad om refusjon frå Hornindal innan fristen 1. mai. Heller ikkje etter påminning på epost. Bremanger kommune er ikkje medlem av Nordfjordrådet, men betalar for å deltaka i to prosjekt utdanningsval og karrieremessene. Dette gir Bremanger skule rett til å søke om refusjon av utgifter i samband med hospitering. Økonomiske konsekvensar for Nordfjordrådet: Nordfjordrådet har sett av kr 50.000 i budsjettet til dette tiltaket i 2016. Samla søknadssum i 2016 er på kr 50.897. Side 11

Sekretæren si vurdering: Det har før om åra vore karriererettleiar i opplæringsavdelinga til Sogn og Fjordane fylkeskommune (Stein Inge Strøm) som har forvalta og hatt dialogen med ungdomsskulane i Nordfjord omkring refusjon av utgifter i samband med hospitering. Avtalen med Karriere Sogn og Fjordane er under revidering, og vi har pr dags dato ingen avtale om kven som koordinerer refusjon av utgifter til hospitering eller korleis vi skal organisere denne ordninga framover. I år har difor sekretæren i Nordfjordrådet fått tilsendt alle søknadane om refusjon, og handtert søknadane etter mal frå tidligare år med refusjon av inntil 50 % av transportkostnadane. Det er interessant å sjå denne stønadsordninga opp mot satsingsområda til Nordfjordrådet. Det som må vere målet med dette tiltaket er at elevar i Nordfjord på denne måten blir godt kjent med dei vidaregåande skuletilboda regionen vår har, og at dette igjen har ein samanheng med kunnskap om regionalt næringsliv og behovet for framtidig arbeidskraft. Nordfjordrådet må slik sett ha dialog med samarbeidsparter som informerer elevane om skuletilbodet i regionen, og karrieremesser som viser kva regionen vår treng av arbeidskraft. LEIAREN SI TILRÅDING: Nordfjordrådet støtter ungdomsskulane i regionen si hospitering med å dekke 50 % av transportkostnadane. I 2016 utgjere dette kr 50.897. 06.06.2016 NORDFJORDRÅDET 019/16 VEDTAK: Nordfjordrådet støtter ungdomsskulane i regionen si hospitering med å dekke 50 % av transportkostnadane. I 2016 utgjere dette kr 50.897. Vedtaket var samrøystes. Side 12

NORDFJORDRÅDET SAKSPAPIR SAKSGANG Styre, utval, komite m.m. Møtedato Saksnr Nordfjordrådet 06.06.2016 020/16 Avgjerd av: Nordfjordrådet Saksbehandlar: Birte Fossheim Objekt: Arkiv: 026 Arkivsaknr.: 16/755-2 Godkjenning av årsrekneskap for 2015 og forvaltning av minnegåvefond for Nordfjord Vedlegg: Dok.nr Tittel på vedlegg 275311 Årsrekneskap 2015 til signering 275319 Statutter minnegåvefond i Nordfjord 275361 Saksutgreiing og vedtak i Nordfjordrådet 2014 om minnefond 275362 Reaksjonar på avvikling av stiftinga 275310 Artikkel i Fjordingen des 2014 Bakgrunn for saka: Nordfjordrådet forvalter eit minnegåvefond som vart oppretta av Nordfjordlaget i Amerika i 1947. Kommunerevisjonen i Nordfjord har sendt årsrekneskapen og årsmeldinga til godkjenning og signering. Saksutgreiing: Nordfjordrådet forvalter eit minnegåvefond der det står kr 411.042 på konto. Det har ikkje vore delt ut midlar frå stiftinga sidan 2003. Statuttane for legatet som er frå 1947 seier at rentene frå grunnfondet skal gå til «verdige trengende, skaffe kroppsvanføre særutdannelse, at de blir i stand til å ærnære seg selv ved nyttig arbeide og til å skaffe særlig begavet ungdom spesialutdannelse i et eller annet fag innenfor grensene til Nordfjord». Det var i mange år sosialkontora i den einskilde kommune som kanaliserte aktuelle søknader til leiaren i legatstyret. Dette vart (i 2005) beskrive som ei ordning som fungerte godt. Sidan midlane i perioden fram til 2014 var lite omsøkt, gjorde Nordfjordrådet eit vedtak om å starte ein avviklingsprosess av stiftinga «Mindegaven til Nordfjord», noko som medførte ulike protester og reaksjonar. Saksutgreiinga i 2014 gir ei god beskrivelse av mulege modellar for kva ein kan gjere med ei stifting. I ei stifting kan det gjennomførast: 1. Vedtektsendring 2. Tildeling i samsvar med deler av vedtektene for å tilpasse seg dagens situasjon 3. Opphevelse/avvikling Dei ulike alternative er godt beskrive i saksutgreiinga frå 2014 som ligg ved saka. Side 13

Til tross for vedtaket i 2014 står Nordfjordrådet framleis som forvalter av minnegåvefondet. Rådet må difor avklare om ein skal halde fram ein avviklingsprosess, eller om ein vil gjere om på vedtaket i 2014. Økonomiske konsekvensar for Nordfjordrådet: Ingen. Sekretæren si vurdering: Det å avvikle ei stifting er komplisert, og utifrå saksutgreiinga i 2014 så er det muleg å forvalte minnegåvefondet utifrå pkt 2 der ein tilpassar statuttane til dagens kontekst. Nordfjordrådet må avklare om ein vil oppretthalde vedtaket frå 2014 med å avvikle minnegåvefondet. Mi vurdering er at fondet er av ein slik storleik på over kr 400.000, og at vi derfor bør tilstrebe å finne ei løysing for å forvalte fondet med å tilpasse statuttane til dagens situasjon. Dette krev også at må vi kartlegge aktuelle samarbeidsparter for å gjere fondet kjent og avklare vidare organisering og forvaltning av fondet. Etter strategidiskusjonane i Nordfjordrådet, er det også ein viss optimisme for at Nordfjordrådet kan få si eiga heimeside, der vi kan marknadsføre fondet og nå ut til potensielle søkjarar. At Nordfjordrådet tek eit aktivt grep for å forvalte fondet, kan då vere ei oppmuntring og inspirasjon til aktuelle søkjarar og ungdom i Nordfjord. LEIAREN SI TILRÅDING: Nordfjordrådet godkjenner årsrekneskap og årsmelding for 2015 for minnefondet. Nordfjordrådet vel å vidareføre forvaltninga av minnegåvefondet frå Nordfjordlaget i Amerika gjennom å tilpasse statuttane til dagens situasjon. 06.06.2016 NORDFJORDRÅDET 020/16 VEDTAK: Nordfjordrådet godkjenner årsrekneskap og årsmelding for 2015 for minnefondet. Nordfjordrådet vel å vidareføre forvaltninga av minnegåvefondet frå Nordfjordlaget i Amerika gjennom å tilpasse statuttane til dagens situasjon. Vedtaket var samrøystes. Side 14