MELAND KOMMUNE SAKSPAPIR Styre, komite, utval Møtedato Sbh. Saknr Utval for drift og utvikling 19.11.2013 ANB 083/13 Formannskapet 20.11.2013 ANB 116/13 Kommunestyret 11.12.2013 ANB 088/13 Avgjerd av: Kommunestyret Saksbeh.: Anny Bastesen Ansv. ANB Arkiv: N-130.3 Arkivsaknr 13/1737 RAPPORTERING 2013 - VEDLIKEHALDSPLAN FOR KOMMUNALE BYGG. Dokumentliste: Nr T Dok.dato Avsendar/Mottakar Tittel 2 I 07.11.2013 Jens Dahl OVERSYN UTFØRT VEDLIKEHALD 2013. Vedlegg. Saksutgreiing: Kommunestyret godkjente vedlikehaldsplanen for kommunale bygg i møte 19.10.2011: Kommunestyret godkjenner Vedlikehaldsplan for kommunale bygningar datert 10.10.2011, med årlege vurderingar av handlingsdelen (tiltaksplanen) i samband med budsjettarbeidet. Konkrete prioriteringar vert gjort av Utval for drift og utvikling i første kvartal kvart år, på bakgrunn av kommunestyret sitt budsjettvedtak. Rapportering av utført vedlikehald og oppdatering av handlingsdelen vart gjort første gong hausten 2012, med vedtak i kommunestyret 28.11.2012, sak KS-103/12. I budsjettet for 2013 vart vedlikehaldsmidlane stroke. På bakgrunn av kommunestyret sitt budsjettvedtak, var det ingen prioriteringssak å leggje fram for Utval for drift og utvikling første kvartal 2013. For å få utført arbeid som hastar mest, vart restmidlane i investeringsbudsjettet for 2012 strekt ut i 2013. Saman med bruk av eigne krefter er såleis dei mest påtrengjande vedlikehaldstiltaka gjennomført, dette går fram av vedlagte oppdaterte tiltaksplanar for kommunale bygg og kommunale utleigebustader.
Kommunale bygg I 2013 er det gjort tiltak på Rossland skule (skifta vindauge, tetta vindauge, installert brannvarslingsanlegg, lydisolering mellom kontor, pussa opp vaskerom, laga bod) og det er i tillegg planlagt å modernisere nokre toalett, rehabilitere grupperom, skifte fleire vindauge, kle inn heissjakt og skifte noko golvbelegg. På Vestbygd skule er det planlagt å slipe og lakke golvet i gymnastikksalen og skifte ytterdører der. På Meland Ungdomsskule er det ein del arbeid i gang/noko arbeid planlagt i 2013; maling av gang, utvendig maling / pussing av fasade, oppussing naturfagrom, utskifting av dører, montering av brannstige, skifting av noko utvendig kledning. På Sagstad skule er mindre avvik etter branntilsyn utbetra, fuktskader på kjøkken og i sløydsal er utbetra, nokre arbeidsplassar for lærarane er ombygd, eit klasserom er rehabilitert i samband med vasslekkasje. På Grasdal skule er det montert snøfangar på tak, skifta nokre takrenner, lagt nytt sportsdekke i gymnastikksalen, skifta vindauge mot solsida, skifta flaggstang. I Marihøna barnehage er det i gang eit arbeid med å skifte kledning, vindauge og dør, i tillegg er det gjennomført drenering og opprusting av uteområdet. På Meland sjukeheim er det ikkje gjort arbeid av betydning i 2013, her venter ein til nybygget er ferdig. På Rådhuset er det sett i stand kontor til kulturavdelinga / frivilligsentralen, og gjort noko branntetting. Kommunale utleigebustader I utleigebustadene er det gjort utskiftingar og oppgraderingar der det har vore nødvendig før nye leigetakarar har flytta inn, i hovudsak m.o.t. kjøkken og bad Vurdering: Når arbeida som er nemnt over er sluttført, er det ikkje meir midlar til å drive planlagt vedlikehald av kommunale bygg. Behov for tiltak, lista opp i vedlagte tiltaksplanar, kan ikkje gjennomførast utan at det vert tilført midlar. I framlegg til driftsbudsjett for 2014 er det ikkje rom for dette. Administrasjonen er uroleg for det verdibevarande vedlikehaldet som ikkje blir utført. Administrasjonen vil så langt råd er utføre driftsmessige oppgåver, så som reparasjonar av elektriske anlegg, ventilasjonsanlegg, driftskontrollanlegg, innbrotsalarmar og brannvarslingsanlegg mm, og elles sikre at låssystem og maskiner / utstyr virkar. Reparasjonar etter hærverk og ruteknusing vil også bli prioritert. Når det gjeld framtidig vedlikehald, ser ikkje administrasjonen at det er grunnlag for å leggje fram ei sak om prioriteringar før det er budsjettmessig dekning for det. Administrasjonen rår elles til at vedlikehaldsplanen blir revidert i retning av at rådmannen får fullmakt til å prioritere tiltak innafor den årlege budsjettramma, i tråd med prinsippa i det nye delegeringsreglementet som kommunestyret vedtok 24.10.2012. Årleg rapportering vert då gjort i samband med budsjettarbeidet, med korrigeringar der kommunetyret finn det nødvendig. Den generelle delen av vedlikehaldsplanen inngår i kommunen sin planstrategi og det er naturleg å komme tilbake til ein slik revisjon når budsjettsituasjonen har endra seg. ADMINISTRASJONEN - FRAMLEGG TIL VEDTAK: Kommunestyret tek oversikt over gjennomførte vedlikehaldstiltak for den kommunale bygningsmassen for 2013 til orientering.
19.11.2013 UTVAL FOR DRIFT OG UTVIKLING UDU-083/13 SAMRØYSTES FRAMLEGG TIL VEDTAK: Kommunestyret tek oversikt over gjennomførte vedlikehaldstiltak for den kommunale bygningsmassen for 2013 til orientering. 20.11.2013 FORMANNSKAPET FS-116/13 SAMRØYSTES FRAMLEGG TIL VEDTAK: Kommunestyret tek oversikt over gjennomførte vedlikehaldstiltak for den kommunale bygningsmassen for 2013 til orientering. 11.12.2013 KOMMUNESTYRET Framlegg til tilleggsvedtak frå Høgre: "Vedlikehaldsplan for kommunale bygg skal fortsatt leggjast fram for politisk prioritering." Avrøysting: Formannskapet sitt framlegg til vedtak vart samrøystes vedteke. Framlegg til tilleggsvedtak frå Høgre vart samrøystes vedteke. KS-088/13 SAMRØYSTES VEDTAK: Kommunestyret tek oversikt over gjennomførte vedlikehaldstiltak for den kommunale bygningsmassen for 2013 til orientering. Vedlikehaldsplan for kommunale bygg skal fortsatt leggjast fram for politisk prioritering. Rett utskrift Dato: Kopi til: Plan utbygging og kommunalteknikk
MELAND KOMMUNE SAKSPAPIR Styre, komite, utval Møtedato Sbh. Saknr Formannskapet 18.12.2013 PIO 126/13 Avgjerd av: Kommunestyret Saksbeh.: Per Inge Olsen Ansv. IHJ Arkiv: N-211.3 Arkivsaknr 13/218 GARANTIANSVAR VED OVERDRAGELSE AV MAURTUA BARNEHAGE SA TIL LÆRINGSVERKSTEDET BARNEHAGER Dokumentliste: Nr T Dok.dato Avsendar/Mottakar Tittel 1 I 10.10.2013 Adv.firma Romstad as MAURTUA BARNEHAGE 2 U 18.10.2013 Adv.firma Romstad as MAURTUA BARNEHAGE 4 I 18.11.2013 Læringsverkstedet AS SØKNAD OM OVERFØRING AV GARANTIANSVAR IFM OVERDRAGELSEN AV MAURTUA BARNEHAGE SA Saksutgreiing: Læringsverkstedet Maurtua AS (selskap under stifting) har som intensjon å overta Maurtua Barnehage frå eigarselskapet Maurtua Barnehage SA, som er planlagt oppløyst etter gjennomføring av denne transaksjonen. Eigar av Læringsverkstedet Maurtua AS (sus) er Læringsverkstedet A/S, org. Nr.878620852. Som del av denne transaksjonen skal Læringsverkstedet Maurtua AS (sus) overta lån i Husbanken som Maurtua Barnehage SA i dag har knytt til barnehagebygget. Kommunen har ytt garanti for dette lånet, panteobligasjon er tinglyst den 27.05.2004 med dagbok nr 4624 (ikkje vedlagt). Det er naudsynt at kommunen aksepterer at garantien knytt til dette lånet vert overført til dei nye eigarane. Læringsverkstedet framstår som ein seriøs barnehageaktør. Firmaet har drevet Flatøy barnehage i vel eitt år. Kommunen har god erfaring med det formelle samarbeidet med firmaet. Meland kommune har og behov for at Maurtua barnehage fortsett drifta med den storleiken på barnegruppa den no har. I skriv datert 18.11.2013 opplyser Tore Nedland i Læringsverkstedet AS at restgjeld for lånet i Husbanken pr 31.08.2013 er kr 6.116.000,-, og at garantien må lyde på denne summen.
Ved oppstart av barnehagen i 2004 var det Trygge Barnehagar AS som administrerte denne saken på vegne av Meland Foreldrelagsbarnehage BA, som seinare har endra namn til Maurtua Barnehage SA. Garantien blei først gjeve som garanti til byggelån stort kr 8,2 mill i sak KS-017/2002, der vedtaket mellom anna lyder: Meland kommune godtar pant i festeavtale for byggelån, husbanklån og 2. prioritetslån. Meland kommune stiller simpel garanti for lån, inntil kr. 8,6 mill., til utbyggar, svarande til prisen for ein tre-avdelings barnehage. Etter ei samla vurdering blir Trygge Barnehagar as valt ut som aktuell utbyggjar, på vegne av Meland Foreldrelagsbarnehage BA. Ved overføring frå byggelån til Husbanklån i 2004 signerte kommunen den 15.04.2004 kausjonserklæring på kr 7.720.000,-som sikkerhet for Husbanklånet, som ein nå søker om å få overført med redusert verdi (kr 6.116.000,-) til Læringsverkstedet Maurtua AS (sus) i samband med overtaking av barnehagen. ADMINISTRASJONEN - FRAMLEGG TIL VEDTAK: "Meland kommune garanterer for Læringsverkstedet Maurtua AS (sus) sin overtaking av restgjeld kr 6.116.000,- i Husbanken knytt til selskapet si overtaking av Maurtua Barnehage. Garantiansvaret vert å trappe ned tilsvarande nedbetalingsplanen for lånet, og gjeld i resterande løpetid på lånet som er 30 år gjeldande frå 2004." 18.12.2013 FORMANNSKAPET Framlegg til endring av administrasjonen sitt framlegg til vedtak frå rådmannen. "Meland kommune stiller simpel kausjon for Læringsverkstedet Maurtua AS " Administrasjonen sitt framlegg til vedtak med endring vart samrøystes vedteke. FS-126/13 SAMRØYSTES FRAMLEGG TIL VEDTAK: "Meland kommune stiller simpel kausjon for Læringsverkstedet Maurtua AS (sus) sin overtaking av restgjeld kr 6.116.000,- i Husbanken knytt til selskapet si overtaking av Maurtua Barnehage. Garantiansvaret vert å trappe ned tilsvarande nedbetalingsplanen for lånet, og gjeld i resterande løpetid på lånet som er 30 år gjeldande frå 2004."