Utviklingsavdelinga SAKSPROTOKOLL Sakshandsamar: ERLEVIK Arkivsaknr: 2016/1556 Arkiv: L12 Utvalsaksnr Utval Møtedato 6/17 Formannskapet 24.01.2017 SØKNAD OM OPPSTART PÅ DETALJREGULERINGSPLAN: DEL AV B43 - BUSTADFELT LEIKONG MED NAUSTOMRÅDE Tilråding: Rådmannen rår til at søknaden om oppstart av detaljreguleringsplan for del av B43 vert godkjend. Møtebehandling: Utviklingsleiar Jarl Martin Møller og planleggar Erlend Sporstøl Vikestrand møtte og orienterte i saka. Rådmannen si tilråding vart samrøystes vedteken med slik endring «Formannskapet godkjenner søknaden om B43.» Vedtak i Formannskapet - 24.01.2017 Formannskapet godkjenner søknaden om oppstart av detaljreguleringsplan for del av B43. Særutskrift:
Vedlegg: 1. Søknad om oppstart av planarbeid Detaljplan for B43 og naustområde Leikong i Herøy kommune, jf. PBL 12-8. 2. Referat frå oppstartsmøte. Saksopplysningar: I samsvar med 12.8 i Plan- og bygningslova vert det med dette lagt fram for formannskapet i Herøy kommune spørsmål om oppstart av arbeid med reguleringsplan for B43 på Leikong i Herøy gnr. 76 bnr. 1 mfl. Målet med planarbeidet er å leggje til rette for ulike typar bustadar m/ tilhøyrande infrastruktur. I tillegg finn tiltakshavar det tenleg å ta med naustområde som vil stette opp om tilbodet om bustadtomter. Tiltakshavar: Raymond Audin Nykrem Søknad om oppstart av planarbeid detaljplan for B43 og naustområde Leikong i Herøy kommune, jf. PBL 12-8 Areal planarbeidet vil omfatte: Kartutsnittet nedom viser planarbeidet sine fasar. I fase 1 vil vi utgreie overordna forhold av betydning der vi ser heile eigedomen til Nykrem som er lagt ut til bustadbygging i samanheng. Dette slik at delutbygging kan skje på forsvarleg vis. Moment som er tenkt avklara i denne fasen: - Plassering av vegføringar for utnytting av heile eigedomen innan B43/prinsippskisse: kontroll med konstruksjon av lengdeprofil. - Skisse med vurdering av /oppdeling i typar utbyggingsareal, leikeplassar inkl. - Avgrense 1. delområde som kan byggast ut. - Avklaring av rasfare. - Avklaring av støysituasjon frå fylkesvegen. I fase 2: I denne fasen skal vi utarbeide ein detaljreguleringsplan for 1. byggetrin av bustadfeltet samt ta med nytt naustområde. Bustadfeltet er tenkt til frittståande bustader og bustader i konsentrerte former. Tal bustader sjåast i samanheng med kostnader knytt til vegtilkomst, overvatn mv. Naustområdet vert ein viktig del av tomtetilbodet. Tenkt avgrensing av naustområde vil avvike frå kommuneplanen. Endeleg avgrensing er ikkje klar. Siktemålet er å få til to rekkjer med naust og båtopptrekk. For å sikre båtopptrekket mot bølgjer kan det vere aktuelt med ein mindre molo utom opptrekket. Planavgrensinga må inkludere fyllinga. Før forvarsling vil vi søkje å avklare botndjupnene slik at grensa for varslingsområdet kan fastsetjast noko meir sikkert. Naustområdet ser tiltakshavar på Side 2 av 5
som eit tilbod utover tal bustader i 1. byggetrin for bustadfeltet. Nausta er tenkt med ulik storleik for å gje eit variert tilbod, jf. elles kommuneplanen sine reglar knytt til nauststorleik. Kommuneplan: Kommuneplanen sin arealdel 2013-2025 vart vedteken i kommunestyre i K-sak 137/14 i møte 24.11.2014. Området B43 er vist som framtidig bustadareal med krav om reguleringsplan. Langs stranda er sett av areal til naustføremål, men dette arealet er heller smalt og kan vere vanskeleg å få til god løysing for. Ei utviding medfører avvik frå kommuneplanen, men ikkje i omfang som medfører krav om konsekvensutgreiing. Side 3 av 5
Tilkomst vegtilknyting offentleg veg: Dei ulike bustadvegane som skal gje tilkomst til feltet og naustområdet vert frå fylkesveg 61. Plassering av kryss mv. avklarast i fase 1 av planarbeidet. Særskilde moment: Arealet inngår ikkje i kommuneplanen sin KU-del. Dette fordi arealet var med i førre kommunedelplan og at arealbruken er ført vidare i den nye planen. Rasfare og støy er særskilde moment som må avklarast. Elles vil avklaringar i høve naturmangfald og kulturminne skje som del av planprosessen. Hovudsaka er å få til ein plan som gjev eit godt attraktivt bustadtilbod. Dette betyr både eit variert bustadtilbod og god disponering av arealet slik at det vert grunnlag for eit godt bumiljø. For realiseringa av utbygginga må planen gjevast ei form som gjer stegvis utbygging av arealet realistisk og at vilkåra elles gjer utbygging økonomisk forsvarleg. Vi vil i den samanheng peike på naustområdet som særleg viktig i høve det samla bustadtilbodet og folk sine forventningar til å kunne nytte kysten i si fritid. Plantype utforming: Tiltakshavar legg til grunn å fremje plansaka som ein detaljplan etter PBL 12-3. Side 4 av 5
Vurdering og konklusjon Tiltakshavar har presentert eit prosjekt for utvikling av nye bustadtomter og naustareal på Leikong. Ideane som er skildra og skissert er stort sett i tråd med kommuneplanen sin arealdel, med mindre justeringar på naustområdet. Ei eventuell utfylling i sjø vil vise tydeleg att i landskapet. I kommuneplanen sin arealdel er det avsett område til etablering av småbåthamn (SH6) i området sørvest for det skisserte naustområdet. Ei fylling med etablering av naust vil kunne etablere ein heilskapleg bruk av området, der ein kombinerer naust, båtopptrekk og på sikt ei småbåthamn. Det tiltenkte bustadområdet ligg i bratt terreng og det må gjerast utgreiingar for å sikre arealet mot skred og anna geofare. Tiltakshavar er kjend med at tilkomst til tomtene skal vere i høve til vegnormalar for Herøy kommune og at dette kan vere krevjande. Administrasjonen ser positivt på etablering av nye bustader i området og meiner at planane vil gi ei positiv utvikling av areal på Leikong. Etablering av naust til eigedomane vil gi eit godt tilbod til dei busette og kan legge meir til rette for bruk av sjøareala i området. Fosnavåg, 04.01.2017 Olaus-Jon Kopperstad Rådmann Jarl Martin Møller Avd.leiar Sakshandsamar: Erlend Sporstøl Vikestrand Side 5 av 5