Statens vegvesen Fylkesmannen i Oppland Postboks 987 2626 LILLEHAMMER Behandlande eining: Sakshandsamar/telefon: Vår referanse: Dykkar referanse: Vår dato: Region øst Tone Tidemand Skappel / 15/244039-14 01.02.2017 61271383 Kommuneplanens arealdel Vågå kommune 2016 2027 - andre gongs høyring - motsegn Vi viser til e-post datert 21.12.2016 med 2. gongs høyring av kommuneplanens arealdel for Vågå. Vi viser og til vår uttale ved 1. gongs høyring av planen, datert 08.02.2016. Vår uttale blir med dette oversendt Fylkesmannen i Oppland som ledd i forsøket med statleg samordning av motsegner. Statens vegvesen sitt ansvar i planarbeidet er i første rekke knytt til arealbruken langs riksog fylkesveg. Vi har også ansvar for å sjå etter at føringane i Nasjonal transportplan (NTP), statlege planretningsliner for samordna bustad-, areal- og transportplanlegging, vegnormalane og andre nasjonale og regionale arealpolitiske føringar blir ivaretekne i planlegginga. Vi uttalar oss som forvaltar av riksveg på vegne av staten, forvaltar av fylkesveg på vegne av fylkeskommunen og som statleg fagstyresmakt med sektoransvar på transportområdet. Sentrumsutvikling og varehandel - Nasjonale og regionale mål og føringar Statlege planretningsliner for samordna bustad-, areal- og transportplanlegging (SPR SBATP) har som mål å fremme kompakte byer og tettstader, redusere transportbehovet og legge til rette for klima- og miljøvennlege transportformer. Ifølge retningslinene skal handelsverksemd lokaliserast ut frå ei regional heilskapleg vurdering tilpassa eksisterande og planlagt senterstruktur. I Oppland er senterstrukturen fastlagt i Regional plan for attraktive byer og tettsteder i Oppland. Denne planen følger opp Rikspolitisk bestemmelse for kjøpesentre som har som formål å legge til rette for regional samordning av politikken for kjøpesenteretableringar der hensikta er å styrke eksisterande by- og tettstadsentre. Den rikspolitiske bestemmelsen slår fast at kjøpesentre berre kan etablerast i samsvar med godkjent fylkesplan (regional plan). Postadresse Telefon: 02030 Kontoradresse Fakturaadresse Statens vegvesen Industrigata 1 Statens vegvesen Region øst firmapost-ost@vegvesen.no 2619 LILLEHAMMER Landsdekkende regnskap Postboks 1010 Nordre Ål 2605 LILLEHAMMER Org.nr: 971032081 9815 Vadsø
2 I Regional plan for attraktive byer og tettsteder i Oppland er Vågå definert som områdesenter. Dei juridisk bindande føresegnene til planen setter ei øvre arealgrense på 6000 m 2 for ny handelsverksemd innanfor indre sentrumssone i områdesentre. Utanfor indre sentrumssone er arealgrensa 1500 m 2. Arealgrensene gjeld ikkje for plass- og/eller transportkrevjande varehandel. For områdesentre angir føresegnene utstrekning på indre sentrumssone på 600 800 m frå ytterkant til ytterkant. Merknadar til planforslaget Avgrensing av indre sentrumssone - motsegn Området er endra og utvida frå 1. gongs høyring, slik at også arealet innanfor Vågå næringspark no ligg innanfor indre sentrumssone. Indre sentrumssone har i planforslaget ei utstrekning i luftline på om lag 1 km, både nordsør og aust-vest. Manglande forbindelse over elva, gjer at avstanden langs eksisterande vegnett er over 2 km frå ytterkant til ytterkant av sentrumssona, frå Vågå næringspark til Brustugu. Avgrensinga er ikkje i tråd med regional plan der Vågå er definert som områdesenter, med retningsgjevande utstrekning frå ytterkant til ytterkant på 600 800 m jf. regional planbestemmelse 2. f). Kommunen grunngir avviket med at det er viktig at næringsparken blir liggande innanfor sentrumssona jf. føringar i Samfunnsdelen om at næringsparken skal være nært knytt til sentrumskjernen og både ha detaljhandel og plasskrevjande næring/industri. I tillegg viser kommunen til at alt areal innanfor sentrumssona ligg innanfor ein radius på 500 m frå to definerte kollektivknutepunkt, skysstasjon i sentrum der lokale bussruter stoppar, og busstopp for ekspressbussane ved YX-stasjon langs rv. 15. Ved avgrensing av indre sentrumssone må ein ta utgangspunkt i lokale forhold jf. den regionale planen. Dette kan vere mellom anna eit historisk senter, kollektivknutepunkt eller utviklingsforhold. Det skal og vere gangavstand frå ende til annan jf. den regionale planen. Statens vegvesen meiner det er lite relevant å bruke haldeplassane som grunnlag for å definere indre sentrumssone. Etter vårt syn bør ein ta utgangspunkt i det som er dagens sentrum, jamfør kommunens definerte kjerneområde for det historiske sentrum, og gå maks. 300 400 m ut frå dette. Foreslått avgrensing av indre sentrumssone vil gi rom for etablering av detaljhandel med inntil 6000 m 2 over eit svært stort område, noko som ikkje vil bygge opp om eksisterande sentrumskjerne. Planen kjem med dette i strid med nasjonale mål i SPR-SBATP om utvikling av kompakte byer og tettstader, og tilrettelegging for handelsverksemd tilpassa eksisterande senterstruktur jf. punkt 4.5 i retningslina. Også i mindre tettstader kan fortetting nær sentrum bidra til kortare avstandar og føre til at fleire går eller syklar. Planen kjem og i strid med føringar i regional plan når det gjeld utstrekning av indre sentrumssone jf. punkt 2. f).
3 Vidare høyrer område for fritids- og turistformål FT02E sør i området etter vårt syn ikkje med i ei indre sentrumssone. I og med at området er tatt med i sentrumssona kan det på sikt opnast for etablering av handelsverksemd her som kan svekke dagens sentrum. Statens vegvesen har motsegn til planens avgrensing av indre sentrumssone. Etter vår vurdering må indre sentrumssone avgrensast i elva jf. sentrumssone vist ved 1. gongs høyring av planen, samt nord for område B/FO/K01 Brustugu og FT02E (fritids- og turistformål). FO/NO1 Næringsparken - motsegn Næringsparken er i planforslaget ein del av indre sentrumssone, noko som opnar for handelsetableringar inntil 6000 m 2. Området ligg på austsida av elva, og har tilkomst frå fv. 452. Kommunen ønskjer meir detaljhandel her, og arealet er difor foreslått som kombinert formål forretning/næring. Det er ikkje sett krav om reguleringsplan før utbygging av området, og det er heller ikkje gitt rammer for kva slags forretningsverksemd som kan etablerast eller arealgrenser for varehandel. Planen legg til rette for å knytte området tettare opp mot resten av sentrum, ved å vise framtidig gangveg/bru over elva på plankartet. Det ligg inne gangbru i gjeldane reguleringsplan for området frå 1998, men det er ikkje knytt rekkefølgjekrav til bygging av gangbrua, heller ikkje i forslag til ny kommuneplan. Vi anbefaler at dette blir gjort. Næringsparken er etter vårt syn ikkje ein naturleg del av sentrum. Området er bilbasert, og har i dag ingen direkte tilknyting til sentrum, verken for gåande eller køyrande. Utbygging av nærings- og handelsområder utanfor eller i utkanten av eksisterande sentrumsområder, vil vanlegvis vere bilavhengige og auke transportbehovet, noko som er i strid med nasjonale mål om kompakte byer og tettstader og redusert transportbehov jf. SPR-SATB. Statens vegvesen har motsegn til manglande føresegn for utbygging av område FO/N01. Det må innarbeidast krav i føresegnene om at området berre kan byggjast ut etter reguleringsplan, og at det vert gitt føresegner som sikrar ei maksimal arealgrense for detaljhandel på 1500 m 2 BRA i tråd med regional planbestemmelse punkt 3. B/FO/K01 Brustugu - motsegn Kommunen ønskjer å utvikle Brustugu-området, for å trekke fleire forbipasserande til Vågåmo sentrum. Handelsanalyse gjennomført i 2015 tilrår at det blir tilrettelagd for handelskonsepter med storformat her. Statens vegvesen viser til vår uttale ved 1. gongs høyring av planen, der vi mellom anna meinte at arealet er eigna til handel med plasskrevjande varar og med ei arealgrense for detaljhandel på 1500 m 2. Planframlegget gjer rom for etablering av inntil 6000 m 2 BRA detaljhandel innanfor området, jf. føresegn 9.4.4. Statens vegvesen har motsegn til planens føresegner for område B/FO/K01, dersom det ikkje blir sikra ei arealgrense for detaljhandel på 1500 m 2 bruksareal for dette området.
4 Nye område lagt til ved 2. gongs høyring - FS01 kortbaneflyplass på Grov Nytt område for kortbaneflyplass er lagt til planen sidan 1. gongs høyring, og vi meiner Grov er ei betre lokalisering enn det tidlegare foreslåtte området på Sørem. Arealet ligg sørvest for fv. 51, som er hovudveg med streng haldning til avkøyrsler. Det er ingen tilkomst til området i dag, men det skal utarbeidast reguleringsplan med konsekvensutreiing for området. Statens vegvesen føreset at det ikkje blir etablert ny avkøyrsle frå fv. 51 til kortbaneflyplassen, og at kommunen tek utgangspunkt i eksisterande avkøyrsle frå fv. 51 og ev. utbetrar denne. Vi ber om at dette vilkåret blir teke med i føresegna 10.2. - B01 Stokstadåsen Kommunen legg til rette for 40 terrasseleilegheiter på eit område som ligg langt frå Vågåmo sentrum. Tilkomst vil vere frå fv. 463 Sjårdalsvegen, og ei mogleg utbygging vil krevje utbetring av dette krysset. Området blir bilbasert, og av omsyn til areal- og transport vil vi ikkje tilrå bustader her. Vi rår kommunen til heller å satse på sentrumsnære leilegheiter, og støtte opp om tettstaden Vågåmo med skule og sentrumsfunksjonar. - SN01 og SN02 Område for spreidd næring Det er lagt inn to område for spreidd næringsverksemd, Pina seter på Randsverk og Kalven seter på Lemonsjøen. Begge områda er uregulert, og kan byggjast ut utan reguleringsplan. For område SN01 Pina seter vil det vere naudsynt med tillating til utvida bruk av avkøyrsle frå fv. 51 før utleigehytter blir teke i bruk. Område SN02 Kalven seter ligg langs fv. 51, og er omfatta av 50 m byggegrense jf. veglova. Det vil vere naudsynt med både dispensasjon frå byggegrense og tillating til utvida bruk av avkøyrsle før det byggjast ut her. Dette gjeld og før det etablerast aktivitetspark og ev. parkeringsplassar innanfor byggegrensa. Kommunen må tydeliggjere desse krava i føresegna 12.2, med følgjande ordlyd: Det kan ikkje byggjast eller etablerast ny verksemd innanfor område SN01 og SN02 før det ligg føre godkjenning frå Vegvesenet om utvida bruk av avkøyrsle og ev. dispensasjon frå byggegrense. - SBH/VF01 Vanglandet Planframlegget legg til rette for småbåthamn og friluftsområde i tilknyting til Brustugu. Det skal utarbeidast felles reguleringsplan for område SBH/VF01 og SB01 Brustugu. Statens vegvesen føreset at området får felles tilkomst via Brustugu, og at dette avklarast i reguleringsplan. Vi vil ikkje tillate ny direkte avkøyring frå rv. 15, og tilrår at området får tilkomst via fv. 452. - R12E Otta Området er vist som eksisterande område for råstoffutvinning, med godkjend reguleringsplan. I gjeldande Reguleringsplan for Otta frå 2001 er området vist som industri, men reguleringsplanen omfattar ikkje avkøyring frå rv. 15. Rv. 15 er nasjonal hovudveg med svært streng haldning til avkøyrslar. Avkøyringa oppfyller ikkje dagens krav til utforming, verken når det gjeld stigningsforhold eller dimensjonering for store køyretøy. Vidare bruk av området til lagring av masser vil difor krevje godkjenning frå Statens vegvesen, og vi ber om at dette blir innarbeidd i føresegna 9.10.
5 Byggegrenser og avkøyrslar Føresegna er ikkje endra i tråd med vår uttale ved 1. gongs høyring av planen når det gjeld byggegrenser og haldningsklassar for avkøyrslar. Punkt 6.1.1 om byggegrense langs offentlig veg viser til at byggegrense langs riks- og fylkesvegar skal vere i samsvar med veglova 29. Vi vil minna om at det er vedtak i Fylkestingets FT-sak 85/12 om funksjonsklassar som er førande for byggegrenser langs fylkesvegar. Byggegrense langs riksveg er 50 m etter veglova 29. Det er elles Rammeplan for avkøyrsler som er retningsgivande for rv. 15. Vi ber om at dette blir retta opp i føresegna 6.1.1 og 10.1 jamfør vår uttale ved 1. gongs høyring, og at funksjonsklassane blir vist på plankartet. Konklusjon Statlege planretningsliner for samordna bustad-, areal- og transportplanlegging (SPR-BATP) og Regional plan for attraktive byer og tettstader i Oppland frå 2016 inneheld nasjonale og regionale mål og føringar om kompakte byer og tettstader, avgrensing av sentrumsområde og arealgrenser for varehandel. Med bakgrunn i desse måla og føringane har Statens vegvesen som fagstyresmakt med sektoransvar på transportområdet motsegn til planen, dersom følgjande ikkje blir endra: 1. Avgrensinga av den indre sentrumssona blir endra i tråd med regional plan, slik at område FO/N01 Vågå næringspark, B/FO/K01 Brustugu og FT02E (fritids- og turistformål) blir liggande utanfor den indre sentrumsona 2. Område FO/N01 berre kan byggjast ut etter reguleringsplan, og med krav i føresegna som sikrar ei maksimal arealgrense for detaljhandel på 1500 m 2 BRA i tråd med regional plan 3. Område B/FO/K01 Brustugu blir sikra ei arealgrense for detaljhandel på 1500 m 2 BRA Statens vegvesen sluttar oss elles til foreslåtte arealdisponeringar og synest planframlegget er godt gjennomarbeidd. Vegavdeling Oppland Med helsing Cato Løkken avdelingsdirektør Hans Martin Asskildt seksjonssjef Dokumentet er godkjent elektronisk og har difor ingen handskrivne signaturar. Kopi Fylkesmannen i Oppland - Innsigelse,