TYSNES KOMMUNE KRAVSPESIFIKASJON MALING AV UGGDAL KYRKJE Oppdatert for utlysing andre gang
Innhald 1 GENERELT... 2 2 Arbeid omfattar... 3 2.1 Alternativ 1. - Vasking, fjerning av all laus maling/oljemaling, grunning og maling... 3 2.2 Alternativ 2. Fjerning av all maling inn til bart tre... 3 2.3 Generelt for begge alternativa.... 3 2.4 Male arbeid... 4 2.5 Fargekodar... 4 2.6 Arbeidstid/leveringstid... 4 2.7 Kvalitetssikring... 4 2.8 FDV-bok... 4 3 Rigg og drift... 4 3.1 Rigg og Drift VVS-anlegg.... 4 3.2 Rigg og Drift EL-anlegg.... 5 3.3 Rigg og Drift av vern, miljø og helse.... 5 3.4 Rigg og Drift av Forlegningsbrakke/lagerbrakke... 5 3.5 Rigg og Drift av transportanlegg... 5 3.6 Kontinuerleg rydding/hovudrydding... 5 3.7 Rigging, drift og nedrigging av byggjeplass... 6 4 Framdriftsplan... 6 1 GENERELT Tysnes Kommune skal forestå maling av Uggdal kyrkje. Uggdal kyrkje vart bygd i 1876 av kyrkjebyggjar Ole Vangberg frå Trøndelag. Kyrkja er bygd i tre og er 35 m lang og 13,8 m brei, tårnet har ei høgd på 33 m. Uggdal kyrkje vart sist mala i 2005. Det er gravferdsdagar tysdag og fredag. I 2014 var det totalt 13 gravferder i Uggdal kyrkje. Ved evt. gravferd vert det gitt beskjed ca 4-5 dagar før gravferda. Medan gravferda pågår kan det ikkje gjerast arbeid på kyrkja. Det kan utførast malerarbeid på kyrkja måndag til laurdag kl. 07.00 22.00 Dersom det av økonomiske eller andre grunnar ikkje er mogleg å gjennomføra oppdraget i 2015 ønskjer me som opsjon ein pris på å gjera oppdraget i 2016. Arbeidet skal gjennomførast mest mogeleg i samsvar med retningsliner frå Riksantikvaren om maling av eksteriør på verneverdige bygningar og dette dokumentet. Tysnes kommune Førespurnad malerarbeid Side 2 av 6
2 ARBEID OMFATTAR 2.1 Alternativ 1. - Vasking, fjerning av all laus maling/oljemaling, grunning og maling Heile kyrkja skal reingjerast, skrapast og malast (inkludert vindauge). Malararbeidet skal utførast mest mogelge i samsvar med vedlagte retningsliner frå Riksantikvaren. Før ein maler skal kyrkja vaskast og skrapast jamføre same retningsliner. Ver merksam på at det skal nyttast pensel og ikkje rull, maling skal påførast i tynne lag. Tak og mur på kyrkja skal beskyttast slik at desse ikkje vert tilgrisa med maling Entreprenøren må uføra arbeidet varsamt. a. Skraping og vask av overflatene. All laus og sprukken maling/oljemaling skal fjernast, sjå omtale i vedlegg; Riksantikvarens informasjon om kulturminne, pkt 3.9.8 Maling: Malingsfjerning på utvendig panel b. Grunning av avdekka flater: Alle felt der treverket er heilt avdekka skal grunnast først med grunning av linolje før ein malar. Flatene skal vere turre og fri for smuss. For å oppnå heft på plastrenner og nedløp må desse fyrst reingjerast med raudsprit. For å oppnå heft på renner/nedløp må desse fyrst reingjerast med white-spirit og etterpå bør ein påføre eit tynt strøk med etsgrunning (wash-primer). Dette for å gi god vedheft for malinga. c. Malararbeidet: Overflater der eksisterande linoljemaling er bra, skal mattast ned med salmiakk blanda i vatn og skyllast heilt reint før ein startar malinga. Vindauga skal ikkje malast når det er stor temperaturforskjell inne og ute. Stor temperaturforskjell fører til kondens, som igjen fører til høg fuktigheit i trevirket utvendig. Malinga skal påførast i to tynne strøk på alle flater der underlaget er jamt, og der eksisterande farge er jamn. Sjå vedlegg: Riksantikvarens informasjon om kulturminne, pkt 3.9.4, Utvendig maling: Linoljemaling - eigenskapar og bruk. 2.2 Alternativ 2. Fjerning av all maling inn til bart tre. All maling skal fjernast i samsvar med råd frå Jotun i vedlegg J. Deretter skal malararbeidet utførast mest mogelge i samsvar med vedlagte retningsliner frå Riksantikvaren. Ref. pkt. b og c ovanfor. 2.3 Generelt for begge alternativa. Fargeval: fargen på vegger og lister skal vera kvit. Ved oppstart av malararbeida skal det gjerast ei prøvemaling, deretter skal ein vente i to veker for å sjå om det kjem fram reaksjonar eller forandringar i den malte overflata. Dette vert gjort for å sikre eit godt resultat av arbeidet. Resultatet av prøvemalinga skal godkjennast av Tysnes kyrkjelege fellesråd v/kyrkjeverja før ein startar med maling av kyrkja. Tysnes kommune Førespurnad malerarbeid Side 3 av 6
Tilbodet skal gjevast som fast pris eks. mva. Tilbodsgjevar må sjølv berekna mengder og omfang av arbeidet. Vindauga skal kittast i det omfang som det er nødvendig. Arbeidet/leveransen skal vera komplett i alle deler, sjølv om dette ikkje klart går fram av konkurransegrunnlaget m/vedlegg. Det skal og leverast FDV-dokumentasjon ved overlevering. 2.4 Male arbeid Krav til utføring skal være i samsvar til NS8406. 2.5 Fargekodar Tysnes kyrkjelege fellesråd skaffar fargekoder til aktuelt bygg. Det er ikkje fargeendring. 2.6 Arbeidstid/leveringstid Ein har eit ønskje at arbeidet skal starta i veke 23/15. Det er eit krav at arbeidet skal vera avslutta medio august 2015. Arbeidet skal utførast i samsvar med oppgjeve framdriftsplan. Det skal klart gå fram av tilbodet om ein avvik på dette punktet. Arbeidet skal pågå kontinuerleg til ferdigstilling med nødvendig mannskap tilpassa framdriften Med grunnlag i synfaringa og vurdering av oppgjeve framdriftsplan og tilbydar sin kontroll av leveringstid på materialar etc., skal tilbydar oppgje i tilbodsskjema, vedlegg C, talet på arbeidsdagar som ein reknar å bruka for å utføra komplett arbeid. 2.7 Kvalitetssikring Ein føreset at leverandøren har KS-system for oppfølging av eigne arbeidarar og at systemet vart nytta på dette prosjektet. I samband med avklaringsmøter må KS-plan verta gjennomgått i samråd med byggjeleiar og justerast for dette prosjektet. For malararbeid er entreprenøren pålagt å følgja KS system, komplett med logg og dagbok. Utvitydig dokumentasjon på utførte mengder samt kvalitet må gå fram av entreprenøren sitt KS-system. 2.8 FDV-bok FDV-bok skal leverast Tysnes kommune ved sluttføring av arbeidet. Denne skal bl.a. innehalda dokumentasjon på kva produktval ein har hatt. 3 RIGG OG DRIFT I samband med prising av rigg og drift skal følgjande orientering leggjast til grunn: 3.1 Rigg og Drift VVS-anlegg. Vatn til buk i samband med arbeid kan hentast frå utvendige tappekranar eller på andre måtar etter avtale med Tysnes kommune. Tysnes kommune Førespurnad malerarbeid Side 4 av 6
3.2 Rigg og Drift EL-anlegg. Straum kan hentast frå kommunen til lett utstyr. Det må avklarast med Tysnes kommune kva kapasitet ein kan ta ut på utvendige kontaktar. Ved større straumuttak må eige straumaggregat brukast. Tilkopling og ev. kabel/utstyr må entreprenøren stå for. 3.3 Rigg og Drift av vern, miljø og helse. Entreprenøren har alt ansvar som hovudvernombud i samsvar med «Lov om arbeidsmiljø, arbeidstid og stillingsvern m.m.» Entreprenøren har ansvar for å følgja opp sin plikter som er gjeve i Arbeidsmiljøloven, Internkontrollforskrifta samt Byggherreforskrifta og skal på grunnlag av dette utarbeida HMS-plan for eigne arbeidarar. 3.4 Rigg og Drift av Forlegningsbrakke/lagerbrakke Entreprenør står sjølv ansvarleg for innreiing til skift, spiserom, sanitær etc. I tillegg skal entreprenøren sjølv ha ansvar for eige lager. Plassering av rigg/brakker vil vera kostnadsfritt på kommunen sin eigedom, men må avklarast på førehand. 3.5 Rigg og Drift av transportanlegg Entreprenøren skal sjølv ha ansvar for stillas, lift etc for å kunna utføra arbeidet i samsvar med framdriftsplanen. Entreprenøren har også alt ansvar for nødvendig sikring av eigne tilsette i arbeidet. 3.6 Kontinuerleg rydding/hovudrydding I arbeidsperioden skal det etablerast strenge rutinar for rydding og reinhald med målsetting om å oppnå: Godt arbeidsmiljø Minst mogeleg sjenanse for brukarar og naboar Meir rasjonell produksjon Sikra eit reint sluttprodukt Det er ein føresetnad for kontrakten at entreprenør føl opp spesifiserte rydde- og reinhaldsrutinar. Før oppstart av arbeid skal entreprenøren godkjenna at det er tilstrekkeleg rydda før han tek til med sitt arbeid. Dersom ein entreprenør skal utføra eit arbeid som kan føra til nedstøving/tilgrising av andre installasjonar/bygningsdelar m.m. pliktar han å gjera nødvendige tiltak for å hindra dette. Dersom rutinane for rydding og reinhald ikkje vert fylgt opp på ein tilfredsstillande måte, vil byggherren sørgja for opprydding på entreprenøren sin rekning. Arbeidet vert vurdert som avslutta når alt er utført og levert i samsvar med kontrakten inkl. opprydding av arbeidsplassen. Tysnes kommune Førespurnad malerarbeid Side 5 av 6
Entreprenør må sjølv sørgja for avfallskonteinar for avfall. Entreprenør er også ansvarleg for at alt avfall vert handsama i samsvar med lov og forskrifter som gjeld for ulikt avfall. Ev. plassering av konteinar må avtalast med byggherre. 3.7 Rigging, drift og nedrigging av byggjeplass Total sum for Rigg og Drift inkl. alle nødvendige og relevante ytingar skal overførast til tilbodsskjema vedlegg C. 4 FRAMDRIFTSPLAN Framdriftsplan skal danna grunnlaget for kontraktsfesta produksjonstid. Ev. merknadar til plan vedr. oppstartstidspunkt og varighet samt leveringstider på materialar/produkt med erfaringsmessig lang leveringstid, må takast med i tilbodsbrevet. I tilbodsbrevet skal det også gjevast opp OPPSTARTSDATO og VARIGHET/FERDIGDATO. Tysnes kommune Førespurnad malerarbeid Side 6 av 6