1 Rådmannen - plan Oddstein Haugen 6879 SOLVORN Eirik Nitter Walaker 6879 SOLVORN 09.05.2014 Arkivsak: 14/877 Løpenr.: 14/5585 Sakshandsamar: Arne Ingjald Lerum Off. forskrift 7 Personopplysningar - ikkje publisering Svein Arne Engesæter 6879 SOLVORN Førespurnad om naustbygging i regulert vernesone F1/BLV4 i Solvorn Eg viser til dykkar førespurnad, motteke her 19.03.2014. I førespurnaden ber de om Luster kommune si vurdering knytt til riving av 2 naust og bygging av nye naust på tomtene. Dei 2 nausta er i dag samanbygde. De ønskjer også å få kommunen si førehandsvurdering knytt til spørsmålet om det er mogleg å utvide naustgruppa med eit tredje naust. Plansituasjon. Gjeldande reguleringsplan for Solvorn vart godkjend av Luster kommunestyre i 1995. Det var då vist eit mindre naustområde innafor badeplassen i BLV4, her var det opna for å byggje 3 nye naust, i tillegg til dei opphavlege 3. Ved kommunestyret sitt vedtak av 21.09.2000, sak 53/00, vart reguleringsplanen endra ved at naustområdet vart utvida slik at det vart høve til å byggje 8 nye naust. Området er fullbygt, dvs. det er oppført i alt 11 nye naust og 3 nye bolverksbryggjer. Synfaring. Luster kommune og Sogn og Fjordane fylkeskommune v/kulturavdelinga hadde 04.07.2013 ei felles synfaring i Solvorn. Her såg vi på ulike aktuelle spørsmål/saker i Solvorn, m.a. knytt til fortetting og utbetring av naust i strandområdet inn mot Neset. Konklusjonar. Riving og oppattbygging. På synfaringa 04.07.2013 vart det konstatert at dei 2 eksisterande nausta er i dårleg stand, jf. det som er skrive i førespurnaden dykkar. Luster kommune vil kunne tilrå at dei 2 nausta blir rivne og erstatta med 2 nye naust, utforma på same måte som dei 8 som er oppførte austafor. Kommunen viser her meir spesifikt til formkrav sette i 9.20 i reguleringsføresegnene knytte til reguleringsplan for Solvorn. For at nausta skal framstå som «bruksnaust», må golv og dør mot fjorden utformast slik at det er råd å dra båt rett inn i naustet, jf. utforminga av dei 3 nausta som ligg nærast. Ettersom dette gjeld naust som er regulerte inn som bygg som skal stå, vil byggjeløyve vere avhengig av at det blir gjeve dispensasjon frå reguleringsplanen. Administrasjonen vurderer ein slik dispensasjon til å vere «kurant», dvs. at søknaden ikkje treng handsamast politisk. ADRESSE: TELEFON: TELEFAX E-POST ADRESSE: ORGANISASJONSNR. Luster kommune Sentralbord: 57 68 55 01 postmottak@luster.kommune.no 964 968 241 Rådhuset 57 68 55 00 Bankgiro: 6868 Gaupne 3785.07.00142
Evt. nytt naust. Plan- og forvaltningsstyret handsama i møte 13.04.2010, førespurnad frå Eirik Nitter Walaker om å får dele frå nausttomt i dette området. Utskrift av møtebok m/saksutgreiing er lagt ved, vedlegg 1 og 2. Situasjonen er ikkje endra frå 2010, då denne saka vart handsama. Det blir ikkje tilrådd å gje dispensasjon, evt. setje i gang reguleringsarbeid, for å gje høve til å føre opp fleire naust i området. Med helsing Arne Ingjald Lerum plansjef tlf.:57 68 55 07 Vedlegg: Utskrift av møtebok m/saksutgreiing, PFV-sak 21/10. Mottakar ar: Oddstein Haugen 6879 SOLVORN Eirik Nitter Walaker 6879 SOLVORN Svein Arne Engesæter 6879 SOLVORN Kopi til: Sogn og Fjordane fylkeskommune Postboks 173 6801 FØRDE
Saksprotokoll Vedlegg 1. Plan- og forvaltningsstyret 13.04.2010 Sak: 21/10 Tittel: :: Eirk N. Walaker. Førespurnad om frådeling av nausttomt frå gnr. 176, bnr. 4. Arkivsak: 10/54 Behandling: Det vart halde synfaring. Skriv m/foto av 22.02.10 frå Gunn Beate Sjøthun vart lagt fram i møtet. Rådmannen si tilråding vart samrøystes vedteken. Vedtak: 1. Søknaden blir å handsame som ein førespurnad, jf. formelle krav til dispensasjonssøknader etter reglane i 19-1 i plan- og bygningslova. 2. Plan- og forvaltningsstyret viser til gjeldande reguleringsplan, og reguleringsprosess knytt til denne. Naustområdet er no fullt utbygt i samsvar med reguleringsplanen. Planog forvaltningsstyret vil ikkje tilrå at det blir gjeve dispensasjon, eller sett i gang reguleringsarbeid, for å leggje til rette for utbygging av området ut over dei råmene gjeldande reguleringsplan fastset.
SAKSFRAMLEGG Vedlegg 2. Sakshandsamar: Arne Ingjald Lerum Arkiv: MTR 176/4 Arkivsaksnr.: 10/54 Eirik N. Walaker. Førespurnad om frådeling av nausttomt frå gnr. 176, bnr. 4. Dispensasjon frå reguleringsplan. Rådmannen si tilråding: 1. Søknaden blir å handsame som ein førespurnad, jf. formelle krav til dispensasjonssøknader etter reglane i 19-1 i plan- og bygningslova. 2. Plan- og forvaltningsstyret viser til gjeldande reguleringsplan, og reguleringsprosess knytt til denne. Naustområdet er no fullt utbygt i samsvar med reguleringsplanen. Planog forvaltningsstyret vil ikkje tilrå at det blir gjeve dispensasjon, eller sett i gang reguleringsarbeid, for å leggje til rette for utbygging av området ut over dei råmene gjeldande reguleringsplan fastset.
Saksutgreiing: Prenta vedlegg: 1. Søknad om frådeling. 2. Kartskisse. 3. E-post av 22.02.10 frå Gunn Beate Sjøthun. 4. Brev av 22.02.10 frå Eirik Nitter Walaker. Uprenta vedlegg: Andre dokument i saka. Samandrag: Eirik Nitter Walaker har søkt om frådeling av ei nausttomt i regulert og utbygt naustområde i Labergbukta i Solvorn. Frådeling av tomt her vil vere avhengig av reguleringsendring eller at det blir gjeve dispensasjon frå reguleringsplan. Søknaden blir handsama som ein førespurnad. Dette gjeld eitt tett utbygt naustområde som no er fullt utbygd i samsvar med reguleringsplanen. Det blir ikkje rådd til at det blir opna for ytterlegare bygging av naust i området. Utval som har vedtaksmynde: Saka blir handsama som ein førespurnad. Svaret vil vere ei tilråding, som ikkje er eit einskiltvedtak. Plan- og forvaltningsstyret er rett organ for handsaming av ei slik sak, jf. delegert mynde etter reglane i 12-8, 12-11 og kap. 19, i plan- og bygningslova. Fakta: Ved søknad, datert 11.12.09, motteken her 11.01.10, har Erik Nitter Walaker søkt om frådeling av 2 nausttomter i regulert naustområde i Solvorn. Søknaden ligg ved som vedlegg 1. Kartskisse som viser aktuelle tomter er vist på kartskisse, vedlegg 2. Kjøpar er Gunn Beate Sjøthun, 6687 Lærdal. Nabovarsel m.m. ligg ikkje føre. Ved brev av 09.02.10 herifrå til Eirik Nitter Walaker, vart det gjeve ei orientering om gjeldande reguleringssituasjon. Vidare frådeling av nausttomter og bygging av naust her, vil vere avhengig av reguleringsendring, eller at det evt. blir gjeve dispensasjon frå reguleringsplanen. Konklusjonen i brevet var at administrasjonen per i dag ikkje vil tilrå endring av reguleringsplanen, eller at det blir gjeve dispensasjon frå gjeldande plan. Eirik Nitter Walaker har, ved brev av 22.02.10, endra søknaden til å gjelde frådeling av ei tomt der det tidlegare har stått eit naust. Situasjon. Den omsøkte nausttomta ligg i naustområdet i Labergbukti. I naustområdet står det i dag 13 naust, 2 er av eldre dato og 11 er nye, oppførte etter 2000. Området er no fullbygt i samsvar med reguleringsplanen, i tillegg til nausta er det oppført 3 nye bolverksbryggjer. Plansituasjon Området der nausttomta er søkt frådelt, ligg innanfor reguleringsplanen for Solvorn, seinast endra ved kommunestyret sitt vedtak av 21.09.2000. Området gjeld areal som er regulert til høvesvis friområde/spesialområde bygnings- og landskapsvern, F1/BLV4. Formelle tilhøve. Ettersom det ikkje ligg føre formell frådelingssøknad m/nabovarsel m.m., blir søknaden å handsame som ein førespurnad. Gunn Beate Sjøthun er i telefonsamtale 22.02.10 orientert om dette, jf. vedlegg 3. Vurdering: Tilhøvet til gjeldande reguleringsplan.
Gjeldande reguleringsplan for Solvorn vart godkjend av Luster kommunestyre i 1995. Det var då regulert inn eit mindre naustområde aust for badeplassen i F1/BLV4, her var det opna for å byggje 3 nye naust. Ved kommunestyret sitt vedtak av 21.09.2000, sak 53/00, vart reguleringsplanen endra ved at naustområdet vart utvida slik at det vart høve til å byggje ytterlegare 8 naust. Dette reguleringsvedtaket vart påklaga av grunneigaren, Eirik Nitter Walaker, som ønskte å få regulert inn ytterlegare 1 nausttomt i tillegg til dei 8. Dette galdt ei tomt som var søkt plassert om lag på same staden der det no er søkt om frådeling. Ved brev av 12.03.01 tok fylkesmannen avgjerd i klagesaka, klaga vart ikkje teken til følgje. Konklusjon. Både reguleringsplanen frå 1995 og reguleringsendringa i 2000, vart godkjende etter ein lang og omfattande reguleringsprosess. I den siste reguleringssaka vart på talet på naust og utforminga av nausta i området, fastsett etter ei detaljert vurdering av kor sterkt området kunne utnyttast. Fagorgan på fylkesnivå fann det m.a. lite tilrådeleg å opne for meir utbygging enn dei 3 nausta som var tillatne etter reguleringsplanen frå 1995. Området er no fullbygt, dvs. det er oppført i alt 11 nye naust og 3 nye bolverksbryggjer. Frå grunneigar/søkjar si side blir det vist til at det på den omsøkte tomta har stått eit naust tidlegare. Dette naustet vart rive i 80-åra. Ettersom dette var situasjonen også då området vart regulert, kan det ikkje i denne saka leggjast vekt på dette tilhøvet, jf. avgjerda i klage over reguleringsvedtaket. Dato: 25.03.2010. Tore Eriksen Arne Ingjald Lerum rådmann plansjef Særutskrift skal sendast: m/kopi til: