Vinje kommune Økonomi, plan og utvikling Arkiv saknr: 2013/1443 Løpenr.: 8514/2015 Arkivkode: 144/K11 Utval Møtedato Utval Saksnr Plan- og miljøutvalet Sakshandsamar: Dorthe Huitfeldt Høyring av Kommunedelplan for stiar og løyper i Vinje kommune Vedlegg: 1 Forslag til Kommunedelplan for stiar og løyper i Vinje kommune 2 Forslag til Bestemmelsar og retningsliner 3 Forslag til Avtaler om bruk av utmark i Vinje kommune Dokument i saka: 1 Sti- og løypeplan - oppstart av planarbeid 2 Utkast til planprogram Bakgrunn: I møte 13.03.2014 vedtok kommunestyret planprogram for stiar og løyper i samsvar med plan og bygningslova (PBL) 11-13. Bakgrunnen for arbeidet med ein kommunedelplan for stiar og løyper er behov for heilskapleg og oppdatert oversikt over eksisterande og framtidig tilrettelegging for stiar og løyper. For ein reiselivs/hyttekommune av Vinje sin storleik er har også løypenettet blive viktig infrastruktur, som ein del av tilbodet. Ein har ikkje tidlegare hatt eit samla oversyn over gjeldande stiar og løyper innanfor Vinje kommune sine grenser. I samband med høyringa ynskjer ein innspel på aktuelle, nye. Planprosessen skal munne ut i ein temaplan for stiar, skiløyper og sykkelløyper med kart, der det er ei heilskapleg og oppdatert oversikt over eksisterande stiar, løyper og moglege sykkelløyper. Føringar i planprogrammet:
Kommunedelplan for stiar og løyper skal gjelde for heile kommunen. For å vise samanheng i løypenettet, er Den Norske Turistforening (DNT) sitt løypenett på Hardangervidda og andre heiområde område visa i kart. Løypene som er heimla i motorferdselplanen er ikkje eit tema i planen, men rekreasjonsløypenettet er visa som referanse. Det er ikkje utarbeidd eigen konsekvensutgreiing, med planomtale i tråd med PBL 4-2 kring sentrale tema, men det er gjort vurderingar knytt til sentrale tema: Biologisk mangfald Omsyn til villrein behov for kanalisering av ferdsle osv. Omsyn til andre trua og sårbare plante- og dyrearter, jf. kjente registreringar Landskap Plassering og utforming av trasear med tanke på terrenginngrep Universell utforming Verknad for born og unges interesser Beredskap og ulukker Trafikktryggleik Skred Kulturminne Tilhøve til kjende kulturminne og kulturmiljø Jakt og fisk Jordbruk og utmarksbeite «Det enkle friluftsliv» Turløyper i nærleiken av tettstader og hytteområde Idrottsarrangement Mogleg vidareutvikling av stiar og andre attraksjonar for reiselivet Folkehelse Vurdering: Sterk vekst i utbygging av fritidseiningar aukar presset på løypenettet og løypenettet er ein viktig del av infrastrukturen og tilbodet. Eit velutvikla løypenett gir gode naturopplevingar og er helsefremmande for fastbuande og tilreisande. Det overordna målet er å skjerme det som er sårbart, men likevel arbeide positiv med tilrettelegging. Det er viktig med ein samla oversikt over eksisterande stiar og løyper. Den seinare tida har det kome ynskje om at ein kan vise til aktuelle sykkelløyper. Det kjem og spørsmål til kommunen om å etablere nye trasear. Planen vil avklare køyrereglar for dette. Tema ein ynskjer innspel på: Stiar I kartet er det teikna inn eksisterande stiar. I tekst er det omtala aktuelle, nye. Skiløyper I kartet er det teikna inn eksisterande skiløyper og løyper for faste arrangement. Sykkelløyper I kartet er det teikna inn vegar/grusvagar som kan egne seg for sykkel.
Sykling Plankartet visar kva løyper ein meiner er aktuelle for sykling. Det er ikkje lagt inn løyper for utforsykling og terrengsykling i planen, men det kan vere aktuelt på sikt, dersom reiselivet eller andre aktørar ynskjer utvikling av eit tilbod innanfor dette segmentet. Riding og køyring med hest Planen omfattar ikkje denne bruken, men ein oppmodar næringsaktørar og rideklubbar til samarbeid med grunneigarar dersom det er behov for tilrettelegging. Snøskuterløyper og skiløyper I nokre få område går snøskuterløyper og skiløyper parallelt. Det er på dei strekningane der det ikkje er rå og skilje traseane. Dette bør vere akseptablet for båe brukargrupper. Landbruk og beite Omsynet til landbruket og beiteinteressene er viktige. Beiteinteressene skal takast omsyn til. I dei områda som kjem fram i ny beitebruksplan, skal det søkjast i høve nye trasear. I enkelte område skal det ikkje vere stiar eller sykkelløyper av omsyn beitedyr. Informasjon om t.d. bandtvangsreglar må gjerast kjent og kan vere del av ein skiltplan. Villrein Eit godt utbygd løypenett vil forhindre mykje av trafikken utanfor løyper og inn i alle sårbare område. Dette skal vi få til ved å kanalisere ferdsel, og med bruk av bestemmelsar og retningsliner. Det vi vil vere område der det ikkje skal vere tilrettelagte trasear av omsyn til villreinen. Grensene for villreinens leveområde kjem fram i dei regionale planane for Hardangervidda og Heiplanen. Ved oppretting av nye stiar, skiløyper og sykkeltrasear i desse områda og i randsonene skal kommunen uttale seg. Kommunen kan/bør stenge eller stanse oppkøyring av løyper dersom det er fare for konflikt med villreinen. Kulturminne og kulturlandskap Mange av fornminna er kartlagt, og ved opparbeiding av løypetrasear skal ein unngå konfliktar med m.a. automatisk freda kulturminne. Når ei startar opp arbeidd med reguleringsplanar og ved opparbeiding av trasé, utover rydding av vegetasjon, skal kulturminneavdelinga i Telemark fylkeskommune vurdere behov for kartlegging/ registrering av eventuelle kulturminne. Vinje kommune er oppteke av å ivaretaka kulturlandskap. Det er i denne planen ikkje lagt opp til inngrep som vil gjere skade på kulturmiljø. Ein meiner løypekøyring kan tillatast i slike område, men ein må sikre at slik ferdsel ikkje gjer skade på innmark. Kulturminneplanen som er under arbeid, vil vere eit nyttig verktøy når ein skal etablere nye trasear. Natur og miljø Nye tiltak skal balansere behovet til naturopplevingar med omsynet til naturverdiane. Helsefremjing I «Plan for idrett, fysisk aktivitet og friluftsliv 2014 2017» er hovudmålet å på best mogleg måte legge til rette for og stimulere til fysisk aktivitet for innbyggjarane. Hjelpe lag og organisasjonar med planlegging og informasjon om t.d. tilskottsordningar, bidreg til dette.
Universell utforming Kommunen har få område der menneske med nedsett funksjonsevne kan koma seg ut i naturen. Ved planlegging av nye tiltak, skal det vurderast om det er mogeleg å finne løysingar for denne bruken og så langt råd leggjast til rette for det. Grunneigaravtaler Der det ikkje er grunneigaravtaler, eller ved nye tiltak, skal det liggje føre grunneigaravtale, før tiltaket søkjast om eller arbeid blir sett i verk. Utbyggingsavtaler For tilrettelegging av stiar, skiløyper og sykkelløyper, vil kommunedelplan for stiar og løyper som hovudregel gjelde framom dei øvrige kommunedelplanane. Dersom det blir lagt opp til at nye trasear blir avklart i planarbeidet, vil det vere ønskeleg at desse kan opparbeidast direkte etter kommunedelplanen utan ytterlegare plankrav. Dette føreset at opparbeidingsgrad/standard og plassering blir gjennomført etter denne planen. Der opparbeiding krev terrenginngrep, må tiltaket avklarast etter plan og bygningslova og kulturminnelova før det blir gjeve byggeløyve. Viktig infrastruktur Trafikksikre løysingar Ved etablering av nye trasear eller endring av eksisterande t.d. i samband med fortetting av hyttefelt, er trafikksikre løysingar både til trase og eventuelt parkeringsløysing eit krav. Parkering (oversikt over parkeringsplassar kjem i etterkant av høyring) Utfartsparkering er ei stor utfordring. I dag er det noko parkering i samband med utbyggingsområda i Vågslid og på Rauland og i Rauland sentrum. Døme: det er opparbeidd parkering på Falkeriset, men denne har allereie for liten kapasitet. Dette gjeld og ved andre utfartspunkt slik som ved Vehus (stien til Vehuskjerringa) og Tehytta og stien til Bossnuten. Det kan ikkje opparbeidast parkeringsplass som medfører vesentlege terrenginngrep, eller oppstillingsplass for meir enn 10 bilar, før området inngjeng i godkjend reguleringsplan. Skilting Ved opparbeiding og/eller oppgradering av sti, skiløype og sykkelløype skal traseen, innan 2 år, merkast/skiltast i trå med Merkehandboka «Skilting og gradering av turløyper og andre aktivitetstilbud i naturen». Vedlikehald Naturen skal forvaltast med respekt, og betre løysingar for drift og rydding av løypenett skal bidra til fornuftig bruk og mindre forsøpling. Dette krev systematisk oppfølging og at ansvar for oppgåvene er avklart. Det vil og vere viktig med regelmessig ryddingsarbeid, og at merking og skilting blir halde ved like. Det er laga forslag til grunneigaravtaler som bidreg til å avklare ansvarstilhøva. Tiltaksplan I samband med andre gongs handsaming i Plan og miljøutvalet, og etter høyring og innspel, skal det lagast det forslag til tiltaksplan. Der det er mogleg, skal tiltaka innarbeidast i andre, aktuelle planar, så som Næringsplan, Landbruksplan osb.
Rådmannens framlegg til vedtak: 1. Jf. Plan og bygningslova 11-14 legg Plan og miljøutvalet Kommunedelplan for stiar og løyper 2016-2026 ut på høyring i 6 veker. Rådmannen, Jan Myrekrok, rådmann /s/