Sakspapir SAKSGANG Styre, utval, komite m.m. Møtedato Saksnr Sakshands. Nærings-, plan- og bygningsutvalet IREVAG Kvam formannskap 19.04.2005 074/05 SOVA Kvam formannskap 25.04.2005 102/05 SOVA Nærings-, plan- og bygningsutvalet 25.02.2009 023/09 IREVAG Nærings-, plan- og bygningsutvalet 06.05.2009 042/09 IREVAG Nærings-, plan- og bygningsutvalet 30.06.2009 081/09 IREVAG Nærings-, plan- og bygningsutvalet 27.01.2010 003/10 ASGJ sstyre 09.02.2010 005/10 ASGJ Nærings-, plan- og bygningsutvalet 24.03.2010 ASGJ Avgjerd av: styre Saksh.: Åsta Gjelland Arkiv: N-504 Objekt: Arkivsaknr 05/278 2. gongshandsaming - Reguleringsplan for gnr 134 bnr 30, Klubben kafe, m.fl., Omastrand. Samandrag: Næring-, plan- og bygningsutvalet vedtok den 30.06.09, sak 081/09, at framlegg til reguleringsplan for gnr 134, bnr 30 Klubben kafe m.fl. Omastrand, av 15.01.09, skulle leggjast ut til off. ettersyn. Planen låg til offentleg ettersyn og var på høyring i perioden 14.07.09 til 20.09.09. Fylkesmannen i Hordaland fekk utsett uttalefristen, og uttalen vart motteken 09.10.09. I vedtaket til NPB-sak 081/09 godkjenner NPB-utvalet planframlegget som føreligg, og supplerer med fylgjande tillegg: Planframlegget inneheld ikkje nødvendige tiltak for vegframføring til Fjellstrand og øvrige trafikale løysingar i området. Rådmannen finn ikkje at vedtaket set vilkår for oppfylgjing av framsette påstand. Det er motteke fleire uttalar til reguleringsframlegget, sjå oversikt i kap. saksopplysningar. Det er ikkje kome merknad til andre tema enn det som har vore påpeika tidlegare i planprosessen. Innspela er kommenterte i kap. vurdering. Rådmannen forheld seg til dei vedtak som er føreteke i saka, og tilrår å godkjenna framlagde regulering.
Rådmannen sitt framlegg til vedtak: godkjenner med heimel i plan- og bygningslova 27-2 nr 1. av 14. juni 1985, reguleringsplan for gnr 134, bnr 30 Klubben kafe m.fl. Omastrand. Vedtaket gjeld plankart og føresegner av 15.01.09, dokumenta er arkivert på journalid 09/1971. Det vert sett vilkår om at reguleringsføresegnene 3.2 skal supplerast med eit nytt pkt. med fylgjande tekst: - 1. høgd skal nyttast til føremål herberge. Det kan tilretteleggjast for inntil 12 bueiningar. 2. høgd skal nyttast til føremål bustad. Det kan tilretteleggjast for inntil 6 bueiningar. Etter at planen er vedteken og revidert jf. vedtaket, skal den straks kunngjerast og underrettast på vanleg måte i medhald av reglane i plan- og bygningslova 27-2 nr 3., av 14. juni 1985. Plankart (SOSI-format og PDF-format) og føresegner skal reviderast i samsvar med endeleg godkjenning av reguleringa. Det vert stilt krav om at tiltakshavar / planleggjar dekker kostnadane / tek arbeidet med oppdateringa av plankart og føresegner. Klage: Heradsstyret sitt vedtak om godkjend reguleringsplan kan klagast på av den som er part eller har rettsleg klageinteresse, jf. Plan- og bygningslova 27-3 og 15, av 14. juni 1985. Frist for klage er 3 veker frå kunngjeringsdato. Evt. klage skal stilast til Fylkesmannen i Hordaland, men sendast, Grovagjelet 16, 5600 Norheimsund. I ein klage er det høve til å be om at gjennomføring av tiltaket vert utsett inntil klagesaka er avgjort, jf. Forvaltningslova 27, 3. ledd Om tiltak vert sett i verk før klagefristen er gått ut, eller før det føreligg endeleg vedtak etter handsaming av evt. klage, må tiltakshavar bera kostnadene med evt. seinare retting av tiltaket. Informasjon: Part i saka har rett til å gjera seg kjent med dokument i saka jf. Forvaltningslova 18 og 19. 27.01.2010 Nærings-, plan- og bygningsutvalet Framlegg til tilråding frå Reidar Tolo, U: Planframlegget inneheld ikkje nødvendige tiltak for vegframføring til Fjellstrand og øvrige trafikale løysingar i området. Planframlegget vert avvist Framlegg til tilråding frå Martin Vik, Sp: Utsette saka. Røysting vedr. utsetting: Framlegget vart vedteke mot ei stemme. Reidar Tolo stemte i mot.
NPB-003/10 Tilråding: Utsette saka. Lista inneheld sentrale dokument som det er referert til eller sitert frå i saksframstillinga: JournalpostID Brevdato Tittel Avsendar 08/20456 NPB-sak 081/09 1.gongshandsaming - 09/1971 27.01.2009 Planføresegner og plankart som ligg til grunn for vedtak i sak 081/09 09/4571 05.03.2009 Innkalling til Synfaring på Klubben kafe Omastrand 01.04.09 09/9491 20.05.2009 29.05.09 - Frist for innlevering merknad etter synfaring. Ing. Egil Ulvund A/S 09/8300 04.05.2009 Merknad etter synfaring. Karsten Lund 09/8447 06.05.2009 Merknad etter synfaring. Inger og Alv geir Oma 09/10453 03.06.2009 Merknad etter synfaring. Fjellstrand AS 09/11135 12.06.2009 Notat vurdering av mottekne merknadar etter synfaring. 09/12917 13.07.2009 Informasjonsbrev - offentleg ettersyn av framlegg til reguleringsplan 09/14666 18.08.2009 Kunngjering i HF 14.07.09 - off. ettersyn av reguleringsframlegg 09/14490 12.08.2009 Førebels uttale ber om utsett frist, kostnadsoverslag arkeologisk registrering Hordaland fylkeskommune kultur og idrettsavdelinga 09/15681 31.08.2009 Uttale Statens vegvesen Region Vest 09/16661 15.09.2009 Uttale Kvam Kraftverk 09/16835 17.09.2009 Uttale Inger og Alv Geir Oma 09/17006 21.09.2009 Endeleg fråsegn Hordaland fylkeskommune Strategi- og næringsavdelinga 09/17007 21.09.2009 Uttale Karsten Lund 09/17049 21.09.2009 Uttale Fjellstrand AS
09/17531 30.09.2009 Presisering av vedtak i sak 081/09 utvida merknadsfrist til 15.10.09 '09/18104 09.10.2009 Uttale Fylkesmannen i Hordaland miljøvernavdelinga '09/18527 19.10.2009 Merknad til vedtak NPB 081/09 Ing. Egil Ulvund A/S '09/18552 19.10.2009 Merknad til vedtak NPB 081/09 Fjellstrand AS For å opne dokument det er referert til i tabellen må du klikke på lenka under her. Skriv så inn JournalID i søkefeltet DokumentID og utfør søket. http://www.kvam.no/innsyn5/wfinnsyn.aspx?response=journalpost_sok&simple=false
Saksopplysningar: Ny plandel av Plan- og bygningslova tredde i kraft 01.07.09; http://lovdata.no/all/nl-20080627-071.html 34 gjer greie for diverse overgangsreglar frå plan- og bygningslova av 14.juni 1985 (pbl.85). Iflg. 34-2 skal reguleringsplanar som var vedtekne lagd ut på høyring før 01.07.09 handsamast etter reglane som gjaldt før denne dato. Denne reguleringssaka vert handsama etter 27-2 nr 1 i pbl.85, sjå detaljar nedanfor. Næring-, plan- og bygningsutvalet vedtok den 30.06.09, sak 081/09, at framlegg til reguleringsplan for gnr 134, bnr 30 Klubben kafe m.fl. Omastrand, skulle leggjast ut til off. ettersyn. Når det gjeld opplysningar ang. føremål med reguleringa, tilhøvet til gjeldande arealstatus og andre tema i saka før 1.gongshandsaminga i NPB-utvalet, vert det synt til saksdokumentet og vedtaket i sak 081/09; http://www.kvam.no/innsyn5/wfdocument.aspx?journalpostid=2008020456&dokid=304486& I samsvar med vedtaket vart planframlegget kunngjort i Hordaland Folkeblad og lagt ut på sine nettsider den 14.07.09. Planen låg til offentleg ettersyn og høyring i perioden 14.07.09. til 20.09.09. På bakgrunn av mange innsende planframlegg frå Kvam herad, ba Fylkesmannen i Hordaland om utsett frist. FM kom med uttale den 09.10.09. Fleire partar påpeika at informasjonsbreva som vart sendt ut i samband med kunngjering og off. ettersyn av planen var mangelfullt i høve orientering om vedtaket. Dette synte seg å vera tilfelle, og sende den 30.09.09 ut ei orientering (sjå JournalID 09/17531) om tilhøvet, og gav partane utvida frist for å koma med merknad. Det er motteke uttalar til reguleringsframlegget frå fleire partar, sjå oversikt i lista over sentrale dok. som det er referert til i denne saksframstillinga. Innspela vert omtala og kommentert under kap. vurdering. Kartet er eit utsnitt av reguleringsplan for Om Kværner Fjellstrand industri gnr 133 bnr 6. m.fl., vedteken i 1996 (på nedsida av riksvegen, og reguleringsplan for Oma vedteken i 1973 (på oppsida av riksvegen, samt industriområdet i vest)
Kartet er eit utsnitt av kommuneplanen sin arealdel vedteken 13.06.06 Vurdering: For vurderingar i plansaka fram til 1.gongshandsaminga i NPB-utvalet den 30.06.09 sjå sak; http://www.kvam.no/innsyn5/wfdocument.aspx?journalpostid=2008020456&dokid=304486& Tema og problemstillingar som er kome opp etter 30.06.09 vert gjort greie for i dette saksdokument. Mottekne innspel i samband med off. ettersyn og høyring i saka vert her kort referert. Innspela kan lesast via Innsyn på www.kvam.no JournalID til innspela er å finna i oversikta ovanfor. Vedtak i NPB-sak 081/09: I vedtaket til NPB-sak 081/09 godkjenner NPB-utvalet planframlegget som er framlagd, og at dette skal sendast på høyring m.m. Fylgjande ordlyd er også lagd inn som del av vedtaket: Planframlegget inneheld ikkje nødvendige tiltak for vegframføring til Fjellstrand og øvrige trafikale løysingar i området. At planframlegget ikkje inneheld nødvendige tiltak for vegframføring til Fjellstrand og øvrige trafikale løysingar i området, vert av rådmannen tolka som ein påstand. Rådmannen finn ikkje at vedtaket set vilkår for oppfylgjing av påstanden. Framlegget til regulering vart difor lagd på høyring jf. vedtaket (føresegner og plankart av 15.01.09, JournalID 09/1971). I høve sjølve ordlyden i påstanden finn rådmannen at planframlegget inneheld ein tilkomst som er dimensjonert for trailertrafikk til Fjellstrand, samt andre trafikale løysingar som fortau og busslomme i tilknyting til Rv 49. Løysingane vert av rådmannen rekna som akseptable. Dei trafikkale løysingane i høve Rv 49 er også godkjende av Statens vegvesen. Uttale frå Fjellstrand AS, Syner til at ordlyden; Planframlegget inneheld ikkje nødvendige tiltak for vegframføring til Fjellstrand og øvrige trafikale løysingar i området. - frå vedtak 081/09 ikkje var kome med i varslinga dei mottok i høve off. ettersyn av planframlegget. Med tanke på framtidig omstrukturering/vidare utbygging av verftet kan Fjellstrand ikkje akseptera at det kommunale
området sør for vegkrysset som fører ned til verftsområdet vert privatisert og utbygd slik reguleringsplanen no viser. Reguleringa medfører at ei evt. framtidig endring/tilpassing av nedkøyringa til verftet vert hindra, og det einast arealet som kan nyttast til parkering i dette området vert regulert til byggjeområde. Meiner også at reguleringa er til hinder for gode trafikale løysingar og tilkomst for området sør/vest for planområdet, eit område som kommuneplanen avset til framtidig utbygging og der Fjellstrand pr i dag har etablert boligrigg. Fjellstrand ber om at reguleringa ikkje vert gjennomført, og at området forblir eit off. areal med parkeringsareal og gangveg med mogelegheit for framtidige trafikale omleggingar i området. Rådmannen tek ikkje stilling til detaljane i Fjellstrand sin uttale, men å imøtekoma innspelet vil innebera at heile fundamentet i reguleringa vert teke bort. Reguleringsarbeidet og føremålet med reguleringa er i samsvar med dei vedtak som er føreteke av i heile planprosessen. Dette gjeld vedtak om klarsignal for oppstart; FSK-sak 102/05 og vedtak om godkjenning av planframlegg og utlegging til off. ettersyn; NPB-sak 081/09. Rådmannen forheld seg til dei vedtak som allereie er føreteke i saka, og innstiller difor på å godkjenna framlagde regulering. Om Fjellstrand sitt innspel evt. skal imøtekomast må avgjerast politisk. Uttale frå ing. Egil Ulvund AS http://www.kvam.no/innsyn5/wfdocument.aspx?journalpostid=2009018527&dokid=324409& Ing. Egil Ulvund AS er engasjert som planleggjar i denne saka, av tiltakshavar Odd og Jorunn Hagen. Ulvund har på vegne av tiltakshavarane skrive ei vurdering til fylgjande ordlyd frå vedtaket i NPB-sak 081/09: Planframlegget inneheld ikkje nødvendige tiltak for vegframføring til Fjellstrand og øvrige trafikale løysingar i området. Her fylgjer ei punktvis utdrag av uttalen: - Løyve til eks. vegtilkomst til Fjellstrand er gjeve som ein dispensasjon frå reguleringsplan av 1996 - Oma Kværner Fjellstrand industri, gnr 133 bnr 16 m.fl.. Dispensasjonsvedtaket vart gjeve av hovudutvalet i den 17.12.1997. - Føremålet med framlagde reguleringsendring er å regulera inn eks. vegtilkomst, og regulera området som pr i dag er utbygd med kafe og 3 hytter til område med kombinert føremål for bustad/herberge/bevertning. Syner til at dei 3 hyttene i kommuneplanen av 2006 er avsett til byggjeområde for bustadar. - Kvam formannskap som det faste utval for plansaker godkjende den 24.05.05 at det kunne setjast i gang regulering, jf. føremål skissert i pkt ovanfor her. - I samband med varsling om oppstart regulering i februar 2007 uttrykkjer Fjellstrand at nødvendige sikringstiltak for tilkomstvegen til Fjellstrand må ha høg prioritet i planen. - Fundamentet i planarbeidet har vore at den kryss- og vegløysinga som føreligg i dag frå riksvegen til Fjellstrand er ei løysing som har vore akseptert både av Statens vegvesen, og Fjellstrand. Det har i planprosessen ikkje kome signal om at planframlegget skal omfatta nye tiltak for vegframføring til Fjellstrand, eller at området skal liggja som eit reserveareal i tilfelle Fjellstrand ein gong i framtida skulle få trong for det. - Syner til at kommuneplanen avset området mellom krysset til Fjellstrand, riksvegen og krysset til bustadfeltet til bustadføremål. Kommuneplanen viser ikkje til trafikkareal el. andre trafikale løysingar i bustadområdet. Finn det meir naturleg at det kan tilretteleggjast for parkeringsareal på området vest for bustadområdet, som i kommuneplanen er avsett til byggjeområde for off. bygg. - Krysset frå riksvegen til Fjellstrand, slik det ligg i dag, er dimensjonert for dei største køyretøytypar som riksvegen kan trafikkerast med, og eksisterande og planlagt bygg er ikkje til hinder for framkomelegheit.
- I høve gangsamband mellom Fjellstrand og brakkeriggen, så er det regulert fortau langs riksvegen mellom dei to kryssområda. - Reguleringsarbeidet har vorte utført i tråd med plan- og bygningslova, kommuneplanen sin arealdel, vedtak i, mottekne merknadar/innspel. Tiltakshavar oppmodar på det sterkaste om å gå vidare med den vegframføringa og dei trafikkale løysingar som ligg i planframlegget. Sjå merknadane ovanfor, til vedtaket NPB-sak 081/09 og uttalen frå Fjellstrand AS. Føremålet og arbeidet med reguleringa er i samsvar med dei vedtak som føreteke av Kvam herad i denne planprosessen. I planprosessen frå melding om oppstart i 2007 til NPB-utvalet si synfaring i april-09 har det ikkje kome signal frå Fjellstrand el. andre om at planframlegget skal ta opp i seg nye tiltak for vegframføring til Fjellstrand. Framlegg til regulering vart godkjend av NPB-utvalet den 30.06.09, utan vilkår. Rådmannen forheld seg til dei vedtak som allereie er føreteke i saka, og innstiller difor på å godkjenna framlagde regulering. Om Fjellstrand sitt innspel evt. skal imøtekomast må avgjerast politisk. Uttale frå Inger og Alv Geir Oma, eigar av gnr 134 bnr 27 Her fylgjer eit punktvis utdrag frå merknaden: - Påpeikar at dei hadde ein merknad til saka, datert 05.05.09, og at denne ikkje var med i saksdokumenta til sak 081/09 som vart handsama av NPB-utvalet den 30.06.09. - Deira merknadar i saka, datert 15.03.07 og 05.05.09 står ved lag. - Tilkomsten til deira bustad på gnr 134 bnr 27 er i reg.framlegget gitt ny tilkomst. - Reg.plan frå 1998 (rådmannen rettar årstalet til 1996) reg. tilkomst til bustaden frå riksvegen, ein tilkomst på gangfelt (rådmannen trur Oma meiner gang- og sykkelveg). - Reg.plan frå 1973 reg. inn tilkomstveg på oppsida av bustaden. - Oppsummerer at det no er regulert inn 2 tilkomstvegar og eit gangfelt (rådmannen trur Oma meiner gang- og sykkelveg). - Påpeikar at gnr 134 bnr 27 har regulert inn 3 vegar over eigedomen, og at det hindrar all vidare utvikling av eigedomen. - Korleis er tilkomst til gnr 134 bnr 18 tenkt løyst? - Finn ikkje at det pt. er utført tiltak som betrar trafikksikkerheita for deira del. - Krev at NPB-utvalet ser på den totale trafikkløysinga i området og betrar trafikksikkerheita før ulukka kan vera eit faktum. Inger og Alv Geir Oma, heretter kalla Oma, sin merknad av 05.05.09 er vurdert/kommentert av rådmannen i eit notat på saka, datert 12.06.09. Dette notatet skal ha vore del av dokument oversendt NPB-utvalet før den 30.06.09, dvs. at det skal ha vore del av deira avgjerdsgrunnlag i saka. Syner her til vurderinga; http://www.kvam.no/innsyn5/wfdocument.aspx?journalpostid=2009011135&dokid=316845& Oma vart informert om dette i brev frå datert 30.09.09. Oma sin merknad av 15.03.07 er vurdert i rådmannen si saksutgreiing til NPB-sak 081/09, sjå http://www.kvam.no/innsyn5/wfdocument.aspx?journalpostid=2008020456&dokid=304486& Oma finn det urimeleg at eigedomen deira på oppsida av vegen, via 3 reguleringsplanar, får regulert inn 3 vegar over eigedomen. I oppstartsvedtaket i saka krov planutvalet at reguleringa måtte ta med avkøyringar på nordsida av riksvegen. Desse avkøyringane var allereie regulert inn til ei felles avkøyring frå riksvegen i reguleringsplanen for Oma Kværner Fjellstrand industri, gnr 133 bnr 16 m.fl. som vart vedteken i 1996. Utifrå at den felles avkøyringa ikkje var opparbeidd då ny regulering skulle setjast i gang, var det nødvendig for å setja krav til at ny regulering skulle ta opp i seg problemstillinga i høve tilkomst. Dette som
del av trafikksikring i høve riksvegen. I planprosessen har ein stadfesta prinsippet om felles avkøyring frå 1996-planen. Plassering og utforming av den felles avkøyringa er tilpassa gang- og sykkelveg, og areal for busslomme. Reguleringa inneber at ein noko større del av gnr 134 bnr 27 no vert bandlagd til vegføremål enn tilfelle var i 1996-planen. Dette er del av gang- og sykkelveg og del av busslomme. Ny regulering omfattar ikkje avkøyringa til gnr 134 bnr 12 og 18, men det er teke høgde for at desse eigedomane kan få tilkomst via gang- og sykkelvegen frå den felles avkøyrsla til riksvegen. Reguleringsplan for Oma vedteken i 1973 syner ein tilkomstveg i overkant av eigedomane gnr 134 bnr 8, 27, 12 og 18. 1973-planen har ikkje vorte iverksett i dette området, og med det er heller ikkje den planlagde tilkomstvegen bygd. 1996-planen og den nye reguleringa stadfestar at dei nemnde eigedomane gnr 134 bnr 8, 27, 12 og 18 skal ha tilkomst nedanfrå riksvegen. 1973-planen må truleg reviderast, både utifrå omsyn til tilkomstvegen og at planen også elles kanskje ikkje svarar til dagens krav, men rådmannen har funne det urimeleg å krevja at heile 1973-planen må takast inn som del av planområdet for den reguleringa ein no har under utarbeiding. Revisjon av 1973-planen må/kan takast opp som eiga reguleringssak. Oma etterlyser trafikksikring i planen. Rådmannen finn at regulering av busslommer, gangog sykkelveg, samling av private avkøyrsler til ei felles avkøyrsle til riksvegen til saman er grunnlag for gode trafikksikrings-tiltak i området. Når det gjeld gnr 134 bnr 27 på nedsida av riksvegen er området pr i dag del av 1996-planen. Rådmannen har i planprosessen oppmoda planleggjar om å innlemma eigedomen i planområdet, for å kunna sjå på trafikksikringa i ein heilheit. Det har ikkje vore vilje til denne utvidinga, og kommunen har heller ikkje sett absolutt krav til det. Tilkomst til gnr 134 bnr 27 er pr i dag ikkje opparbeidd i samsvar med gjeldande plan ( 1996-planen.). Hadde det vore tilfelle, meiner rådmannen at trafikktryggleiken for gnr 134 bnr 27 ville vore betre enn tilfelle er i dag. Detaljeringar i reguleringsarbeidet i høve Rv 49 er gjort utifrå dialog med Statens vegvesen. Rådmannen finn at tilkomst-løysingane er føreteke tilfredsstillande i høve totalbiletet, og finn ikkje å kunna imøtekoma Oma si framsette misnøye med dette. Uttale frå Karsten Lund Her fylgjer eit punktvis utdrag frå merknaden: 1. Syner til at 3 innspel til plansaka, etter synfaringa 01.04.09, ikkje var med i saksdokumenta til sak 081/09 som vart handsama av NPB-utvalet den 30.06.09. 2. Syner til at planframlegget ikkje kan godkjennast utan av fylgjande ordlyd frå vedtak i NPB-sak 081/09 er teke hand om: Planframlegget inneheld ikkje nødvendige tiltak for vegframføring til Fjellstrand og øvrige trafikale løysingar i området. 3. Stiller spørsmål til om reguleringa vert utarbeidd i privat el. off. regi? Krev at ryddar opp i gjeldande reguleringsplan frå 1973. 4. Reguleringsplanen føreslåast avvist i sin heilskap. 1. Karsten Lund, heretter kalla Lund, sin merknad av 01.05.09, er vurdert/kommentert av rådmannen i eit notat på saka, datert 12.06.09. Likeeins merknaden frå Inger og Alv Geir Om datert 05.05.09 og merknaden frå Fjellstrand As datert 27.05.09. Rådmannen sitt notat skal ha vore del av dokument oversendt NPB-utvalet før den 30.06.09, dvs. at notatet skal ha vore del av NPB-utvalet sitt avgjerdsgrunnlag i saka. Syner her til vurderinga i notatet;
http://www.kvam.no/innsyn5/wfdocument.aspx?journalpostid=2009011135&dokid=316845& Lund vart informert om dette tilhøvet i brev frå datert 30.09.09. 2. Syner til rådmannen sin kommentar til vedtak i NPB-sak 081/09 ovanfor. 3. Reguleringssaka vert utarbeidd i privat regi. Ing. Egil Ulvund AS er engasjert som planleggjar av tiltakshavar Odd og Jorunn Hagen. Utifrå at ein del av reguleringa råka off. areal, vart det gjort ein avtale mellom planleggjar/tiltakshavar og om ei kostnadsdeling av reguleringsarbeidet. Kommunen har såleis betalt noko av kostnaden med reguleringa, men arbeidet er utført i privat regi. Deler av reguleringsplanen for Oma vedteken i 1973 er ikkje realisert, m.a. det som ang. gnr 134 bnr 5. Reguleringsplanen for Oma Kværner Fjellstrand industri, gnr 133 bnr 16 m.fl. som vart vedteken i 1996 og den nye reg.planen regulerer m.a. annan tilkomst for gnr 134 bnr 8, 27, 12, 18 og byggjeområde på gnr 134 bnr 5 enn det 1973-planen gjer. 1973-planen er truleg moden for ein revisjon, både utifrå omsyn til tilkomstvegen og at planen også elles kanskje ikkje svarar til dagens situasjon og krav. Rådmannen har likevel funne det urimeleg å krevja at heile 1973-planen må takast inn som del av planområdet for den reguleringa ein no har under utarbeiding. Revisjon av 1973-planen må/kan takast opp som eiga reguleringssak. Det kan godt vera det er som skal gjera den jobben, men det kan ikkje fastsetjast i denne reguleringssaka. 4. Rådmannen finn at reguleringa er føreteke tilfredsstillande, og finn ikkje å kunna imøtekoma Lund si framsette misnøye med reguleringa. Uttale frå Statens vegvesen Syner til at dei har vorte teke med på råd fleire gonger i planprosessen. Dei etterlyser lengd på siktlinjer for busslomma, for å sjå om den oppfyller gjeldande krav. Dei krev at dette vert gjort før godkjenning av planen. Utover dette har ikkje Statens vegvesen nokon merknad til reguleringa. Fartsgrensa på Rv 49 i planområdet er 50 km/t. Statens vegvesen si håndbok 232 definerer ikkje krav til lengd på siktelinjer. I føregåande utgåve var kravet til stoppsikt ved 50 km/t definert til 50 m. Kravet til sikt bakover er presisert til 1,5 gonger stoppsikt og bør kunna oppnåast via bussen sin venstre spegel. Ved utkøyring frå busslomma i vest er sikten bakover meir enn to gonger stoppsikt. Busslomma i aust vil få sikt bakover ca. 1,5 gonger stoppsikt (75-80 m) når gang- og sykkelstien frå busslomma og nordover er opparbeidd. Trase for gangog sykkelsti utanfor planområdet er sikra i gjeldande plan frå 1996. Rådmannen finn at kravet til siktelinjer for begge busslommene er ivareteke i planen. Uttale frå Fylkesmannen i Hordaland Uttalar at samlokalisering av næring og bustad kan vera konfliktfylt. Fylkesmannen rår til at det vert nærare avklart kva areal som skal nyttast til bustad og næring. Det bør også avklarast kor mange einingar planen opnar for og korleis utforminga av området, tilgjengeleg uteareal og kvaliteten på desse vert ivareteke. Det er tenkt 6 einingar for bustader, og desse vert lokalisert til 2. høgda. 1. høgda er tenkt til utleige med ca. 10-12 mindre bueiningar. Presisering av antal einingar, bustad i 2.høgd og herberge i 1.høgd vert å ta inn som eit nytt pkt i føresegnene 3.2.
Tilkomst til 1. høgda er tenkt rett frå terreng eller rampe på framsida av bygget mot riksvegen, slik at ein oppnår universell utforming på tilkomsten utan særleg tilrettelegging. Tilkomst til 2. høgda er tenkt via trapper på baksida av bygget. Tilkomsten må tilretteleggjast med trappeheis for rørslehemma. Syner til skisse av planlagde bygg på s. 16 i planomtalen motteke okt. 2007; http://www.kvam.no/innsyn5/wfdocument.aspx?journalpostid=2008017071&dokid=300907& I føresegner 3.1.1.2 er det sett krav om at det ved søknad om tiltak i byggjeområda skal utarbeidast situasjonsplan for heile området. Det er m.a. definert at situasjonsplanen skal omfatta utforming av eigna uteopphaldsareal som skal liggja på bakken i eit samanhengande areal og vera eigna til leik og opphald. Rådmannen finn denne løysinga som akseptabel. Uttale frå Hordaland Fylkeskommune I brev datert 12.08.09 krev fylkeskommunen ei markundersøking i høve kulturminne. I brev datert 15. sept. vert dette kravet trekt attende, pga kapasitetsproblem. Dei skriv vidare at dei ikkje har nokon avgjerande merknad i saka. Det vert orientert om at tiltakshavar pliktar å varsla evt. funn av automatisk freda kulturminne, jf. Kulturminnelova 8 2.ledd. Uttalen inneheld ingen vesentleg merknad til reguleringa. Uttale frå Kvam Kraftverk Dersom reguleringa medfører endringar/auka straumforbruk, må tiltakshavar ta kontakt med kraftverket for å planleggja forsterking el. ny straumforsyning. Kostnadar med dette vil verta belasta utbyggjar etter NVE sine retningslinjer for anleggsbidrag. Uttalen inneheld ingen vesentleg merknad til reguleringsplanen. Merknaden er knytt til utbygginga, og vert ei sak mellom tiltakshavar og kraftverket. Konklusjon: Reguleringsarbeidet og føremålet med reguleringa er i samsvar med dei vedtak som er føreteke av i heile planprosessen. I samband med off. ettersyn og høyring har det ikkje kome fram merknad til andre tema enn det som har vore påpeika tidlegare i planprosessen. Rådmannen forheld seg til dei vurderingar og vedtak som allereie er føreteke i saka, og innstiller difor på å godkjenna framlagde regulering.