Bygland kommune Arkiv: Saksmappe: 2011/397 Sakshandsamar: Inger Siri Lidi Dato: 04.11.2014 Saksframlegg Utv.saksnr Utvalg Møtedato 67/14 Plan- miljø og ressursutvalet 25.11.2014 80/14 Kommunestyret 10.12.2014 Detaljreguleringsplanen for Grimsdalen hyttefelt - 3. gongs handsaming Rådmannen si innstilling: Med heimel i Plan- og bygningsloven 12-12 vert Detaljreguleringsplanen for Grimdsalen Saksprotokoll i Plan- miljø og ressursutvalet - 25.11.2014 Handsaming: Sigrid Greibrokk erklærte seg ugild i saka. Kai Larsen møtte som varamedlem. Plan-, miljø- og ressursutvalet sluttar seg samrøystes til rådmannen si innstilling. Innstilling til kommunestyret: Med heimel i Plan- og bygningsloven 12-12 vert Detaljreguleringsplanen for Grimdsalen Saksprotokoll i Kommunestyret - 10.12.2014 Handsaming: Plan, miljø og ressursutvalet si innstilling blei samrøystes vedteken. Vedtak: Med heimel i Plan- og bygningsloven 12-12 vert Detaljreguleringsplanen for Grimsdalen
SAKSUTGREIING Samandrag/ konklusjon Forslag til detaljregulering for Grimsdalen hyttefelt tilrådast godkjent med dei endringane som er gjort etter høyring og offentleg ettersyn. Endringane er gjort for å imøtekome merknader frå ulike partar. Bakgrunn for saka Detaljreguleringsplanen for Grimsdalen hyttefelt inneheld utbygging til 51 nye hyttetomter og 2 eksisterande for låg standard hytter utan straum og vatn. Tilkomsten er sumarstid via eksisterande skogsbilvegen - Vatnedalsvegen, vinterstid er det vinterparkering på garden i Hovstad. I Plan- miljø og ressursutvalsmøte den 25.06.2014 vart det vedteke at reguleringsplanen skulle sendast ut på ny høyring. Detaljreguleringsplanen for Grimsdalen hyttefelt har vore ute på ny høyring og offentleg ettersyn i perioden 15.07.2014 26.08.2014. Det kom inn 6 merknader. Aust-Agder fylkeskommune, datert 26.08.2014 Seksjon for plan og natur har ingen merknader til offentlig ettersyn for planen. NVE, datert 07.08.2014 Slik som planen er nå er det ingen av områda regulert til fritidsbustader som ligg innafor aktsemdområde for skred. NVE har med bakgrunn i dette ikkje lenger grunnlag for motsegn til detaljreguleringsplanen for Grimsdalen. Før kommunen vedtar planen må omsynsoner for skredfare teiknast inn på planen der aktsemdsonene overlappar planområdet. Føresegner som ivaretar tryggleiken må knytast til omsynssonene. Omsynssoner vil verte teikna på plankartet, samt føresegn. Statens vegvesen, datert 11.08.2014 - Planføresegn pkt. 2.1 andre punktum om at Statens vegvesen skal godkjenne vertikalgeometri i kryss før utbygging, må bli fastsatt som rekkeføljeføresegn etter plan- og bygningslova 12-7 nr. 10 og ikkje som fellesføresegn som planforslaget no viser. - Det er planlagt arealføremål parkering i arealet mellom fylkesvegen og parkeringslommene på parkeringsplass P1 (26 P-pl). For at det ikkje skal bli mistydingar om kva dette arealet kan nyttast til ber vi om at dette blir regulert til anna vegareal grøntanlegg (sosi-kode 2019) på lik line som dei øvrige vegnære areala i planen.
- Planføresegn 2.16 omtalar tilhøva kring krava til etablering av renovasjonsbod før bruksløyve på hyttene blir gitt utan at plasseringa er nærmare fastsatt i plankartet. Vi gjer dykk difor oppmerksam på at det må søkjast om dispensasjon frå byggegrensa (20 m) til fylkesvegen dersom renovasjonsboden skal etablerast innanføre byggegrensa. Føresegn pkt. 2.1 andre punktum vert å flytte til rekkeføljeføresegn. Ein er klar over at ein må søkje om dispensasjon frå byggegrensa for oppsetting av renovasjonsbod. Det er valt å ikkje take med føremålet i planen til renovasjonsboden pga.at den vert liggjande 1.2 km frå parkeringsplassen og skal settast opp i samråd med SMG (Setesdal miljø og gjenvinning). Nytt føremål vert lagt til. Dagfinn Hovstad, datert 25.08.2014 Eg har ingen spesiell innvending til planen utover plasseringen av parkeringsplassene i nærheten av min tomt. Gjelder p-plasser med hhv. 12 og 26 plasser. Disse er nå flyttet litt lenger bort frå min eigedom, men støyproblematikken er ikkje endret. Det er denne eg i hovudsak protesterer mot. Den nærmaste p-plassen er blitt redusert og flytta noko frå førre høyringsutkast. Nærmast p-plass ligger i luftline om lag 70 meter frå bustadhuset. Dei bygningane som står mellom p- plass og bustadhuset vil dempe noko av støyen sjølv om lyden går «oppover». Støyen vil og vere avgrensa til den tida når Vatnedalsvegen er vinterstengt. ÅDT for hyttefelt er og mykje lågare enn for bustadhus. Ulempene er blitt minimalisert ved at nokre p-plassar er vorte flytta. Sigrid Greibrokk, udatert I detaljreguleringsplanen er vinterparkering lagt på dyrka mark, fram til eventuelt ein parkeringsplass på toppen av bakkane står klar. Eg venter ennå på konkrete forslag til dette då eg er ein av grunneigarane der. Initiativet sit hos utbyggar. Mange av hyttene vil erfaringsvis ha snøskutar. Dei seinare åra har det vore lite snø nede i bygda rundt påske. Snøskuterane vert då parkert langsetter Vatnedalsvegen og er til stort hinder for td. Slepekøyring av tømmer. Det er ikkje aktuelt med parkering av snøskuter langs vegen, dette må avtalast med grunneigarane og andre alternativ til parkering bør leggjast inn i detaljreguleringsplanen. Det er regulert inn vinterparkering på eigen eigedom for at parkeringsbehovet skal verte dekt til alle hyttene inntil felles parkeringsplass vert etablert av grunneigarane og veglaget det er lagt til ei føresegn ang det. Grunneigarar og veglaget bør gå saman og få utarbeida ein ny reguleringsplan for parkeringsarealet ved Vatnedalsvegen då den vil verte av ein viss storleik pga. at det er fleire grunneigarar som har utlagt framtidige hytteområde, samt at det er fleire hytter som soknar til denne vegen. Når det gjelder merknad om at det må leggjast inn alternativ parkering i planen vert det å tolke som at dette gjelder snøscooterparkering om vinteren. Snøscooterkøyring vert styrt gjennom anna lovverk, og dei som søkjar om snøscooterløyve til kommunen må sjølve innhente løyve frå grunneigarane. Bygland kommune har inga lokal forskrift for motorferdsel i utmark. Det er
ikkje vedtekne snøscootertrasear i området heller som regulerer tilhøvet mellom skuterkøyrarar og grunneigarane utover motorferdselslova og Fylkesmannen i Aust-Agder, datert 14.08.2014 Miljøvernavdelinga stiller spørsmål til om det er mogleg å byggje på tomt A3, da byggegrensa ligg svært nære vegen. I tillegg er tomt A9 og A10 plassert på toppen av kollene og kan skape silhuetter avhengig av korleis tomtene blir opparbeid. Vi ber kommunen vurdere å plassere tomtene lengre nede på sida av kollen for betre landskapstilpassing. Miljøvernavdelinga kjenner ikkje til andre regionale miljøverninteresser innan planområdet. Dette er ikkje til hinder for at det kan vere andre miljøverninteresser som er viktige for lokalsamfunnet. Kommunen er ansvarleg for å ta vare på lokale miljøverninteresser. Dei andre avdelingane har ingen ytterlegare merknader til planforslaget. Ved tomt A3 er det 10 meter til føremålsgrensa for vegen som er regulert med ei total breidde på 8 meter. Byggegrense er lagt inn med avstand til vassdrag, 30 meter. Tomta vil sjølvsagt berre kunne byggjast med ei lita hytte. Bygging på A9 meiner sakshandsamar ikkje vil skape silhuett verknad, kotene har ein ekvidistanse på 5 meter. Tomta vert liggjande på kote 495 med to toppar/kollar på kote 500. Her vil det vere mogleg å plassere hytta fint i terrenget. A10 vert liggjande på kote 505 m.o.h. Breidda på kotelina er i gjennomsnitt på 40 meter, og det er ein del vegetasjon på tomta og i området rundt, så tomta og hytta vil ikkje verke så dominerande i terrenget. Planen legger opp til at vegetasjonen skal bevarast mest mogleg, og det skal gjerast minst mogleg terrenginngrep. Formelt grunnlag - Plan- og bygningsloven 12-12 Vurderingar og konsekvensar Ein reguleringsplan kan ikkje takast opp til godkjenning før motsegn er vorte trekte skriftleg frå instansane. Etter denne siste høyringsperioden har NVE trekt si motsegn attende i brev 07.08.2014. Tidlegare tomter A17 og A18 er teke ut av planen. Ordning med vinterparkeringsplassar er mykje diskutert, og er ikkje optimal. Slik det no ligg føre, så kjem vinterparkeringsplassar nære innpå utbyggjar sitt gardstun og også nærme anna busetnad i Hovstad. Vidare er det planlagt parkeringsplassar på om lag 2 daa dyrka mark. På den andre sida er det i kommuneplanen ikkje avmerkt aktuelle område for vinterparkering jf framtidige hytteområde som ikkje har vinterbrøyta bilveg. Det har kome merknader til parkeringsforslaga i høyringsperioden. Kommunen har og kome med oppmoding om at grunneigar og planleggjar bør gå i dialog med andre grunneigarar/veglag for å kome til ei løysing lengre inne langs Vatnedalsvegen. I planomtalen står det at grunneigar har vore i dialog med grunneigarar/veglag for og prøve å kome til ei løysing på vinterparkering. Det hadde ikkje ført fram pr. i dag, slik at vinterparkeringa er tenkt løyst på eigen grunn som skissert. Grunneigarane i veglaget er
samde om å jobbe mot å få tilrettelagt for felles vinterparkering ca. 3 km inn på Vatnedalsvegen (toppen av bakken) i framtida. Tidspunkt var foreløpig uvist i flg. grunneigar. Den største parkeringsplassen med 42 p-plassar er regulert søraust for avkøyrsla til Vatnedalsvegen, på det dyrka jordet sørvest for bustadhusa. Etter føresegna i pkt. 5.2 er den tenkt opparbeida når det er blitt seld 25 hyttetomter. Ved å redusere talet p-plasser frå 80 til 38 i aust som planlagt tidlegare, er det teke noko omsyn til det som har kome inn av merknad frå naboar, sjølv om plassering ikkje er optimal med tanke på parkeringsplassar for heile hyttefeltet. Som skrive tidlegare så skal veglaget vere interessert i ei felles løysing i framtida, dette må grunneigaren halde fram med å arbeide mot. For å sikre ei betre framtidig løysing, så må det skisserast i føresegnene at ved felles framtidig parkeringsplass langs Vatnedalsvegen, så skal skal p-plassar på garden ikkje lenger nyttast. Detaljreguleringsplanen er i tråd med arealføremålet i kommuneplanen, utbygging for fritidsbusetnad. I samband med 2. gongs handsaminga vart prinsippa i Naturmangfaldlova handsama. Planen er vurdert til å ikkje røre naturmangfaldet på ein negativ måte. Planen har ei varigheit på 5 år frå kunngjeringsdato for utbygging. Er ikkje området utbygd innan desse 5 åra, må planen takast opp til ny handsaming og planvedtak med ei gyldigheit for 2 år om gongen. Bygland, 13.01.2015 Rådmann Vedlegg: 1. Brev frå Aust-Agder fylkeskommune, datert 26.08.2014 2. Brev frå NVE, datert 07.08.2014 3. Brev frå Statens vegvesen, datert 11.08.2014 4. Brev frå Dagfinn Hovstad, datert 25.08.2014 5. Brev frå Sigrid Greibrokk, journalført 26.08.2014 6. Fylkesmannen i Aust-Agder, datert 14.08.2014 7. Plankart med føresegner Melding om vedtak sendast: Cay N. Hovstad, Hovstad, 4742 Grendi Planleggjar: Tor Egil Rossevatn, Haddeland, 4596 Eiken