Sogndal kommune MØTEINNKALLING Utval: KOMMUNESTYRET Møtestad: Kommunestyresalen Møtedato: 26.04.2007 Tid: 09:00 Eventuelt forfall kan meldast til telefon 57 62 96 00 - Varamedlemmar møter etter nærare avtale. Meldt forfall: Bjarne Lerum (FrP) Dagfinn Bondevik (FrP) Jarle Aarvoll (AP) Claus Kvamme (H) Jarle Skartun (SP) Innkalla: Magdalon Sætre Bent W. Sætre Per Roar Pettersen Gjert Heiberg Synnøve Stalheim SAKSLISTE Saksnr. Arkivsaksnr. Tittel 11/07 07/282 Kommunestyre 26.04.2007 Konstituering - meldingar m.v. 12/07 07/648 Forskrift om jakt etter hjort - endring av minsteareal 13/07 06/1424 FORSKRIFT OM HUNDEHALD, SOGNDAL KOMMUNE 14/07 07/868 Den interkommunale næringsretta utviklingsordninga 15/07 07/704 Kompetanseplan for grunnskulen i Sogndal 2005-2008 Rullering av handlingsprogram for 2007 16/07 07/840 Årsmelding og årsrekneskapet til KF Sogndal ølutsal 17/07 07/14 ÅRSREKNESKAP OG ÅRSMELDING 2006 - SOGNDAL KOMMUNE. Sak i eige hefte: 18/07 06/570 PRIVAT REGULERINGSPLAN GBNR. 54/1 - HOLLEKVE. 2. GONGS HANDSAMING Sakene er offentleg utlagde i Tenestetorget, Sogndal bibliotek og Busenteret i Fjærland. Du finn og informasjon på heimesidene våre: www.sogndal.kommune.no
Sogndal, 19.04.2007. Karen Marie Hjelmeseter -ordførar- Gerd Kleiven formannskapssekretær
Sogndal kommune Sak 11/07 Kommunestyret Saksh.: Gerd Kleiven Arkiv: 065 Arkivsak: 07/282 Saksnr.: Utval Møtedato 1/07 Kommunestyret 08.02.2007 11/07 Kommunestyret 26.04.2007 Sak 11/07 Kommunestyre 26.04.2007 Konstituering - meldingar m.v. Pkt. 1 OPNING A. Konstituering av møtet * Møtet lovleg sett med 20 representantar og følgjande varamedlemar tilstades: Per Roar Pettersen (AP) innkalla for Jarle Aarvoll, Gjert Heiberg (H) innkalla for Claus Kvamme, Magdalon Sætre (FrP) innkalla for Bjarne Lerum, Bent W. Sætre (FrP) innkalla for Dagfinn Bondevik, Synnøve Stalheim (SP) innkalla for Jarle Skartun * Godkjenning av innkalling og sakliste * Møteleiar: Ordførar Karen Marie Hjelmeseter. * Ope møte. * Val av to representantar til å underteikne møteprotokollen. Framlegg: Sigurd Sætre og Per Osvald Bøthun. B. Godkjenning av møteprotokoll frå møte 08.02.2007. Pkt. 2 Pkt. 3 ORIENTERINGAR OG DRØFTINGAR. SKRIV OG MELDINGAR A. Kontrollrapport for 2006 vedkomande skatteoppkrevjarfunksjonen i 1420 Sogndal kommune. Brev datert 12.02.2007 frå Hordaland skattefutkontor. Pkt. 4 INTERPELLASJON/SPØRSMÅL Ingen meldt. Vedlegg: Pkt. 3.A. Sogndal, 19.04.2007 Gerd Kleiven -F.sekr.- Side 3 av 25
Sogndal kommune Sak 12/07 Kommunestyret Saksh.: Eva Nilsen Huke Arkiv: K40 Arkivsak: 07/648 Saksnr.: Utval Møtedato 29/07 Forvaltningsutvalet 29.03.2007 12/07 Kommunestyret 26.04.2007 Sak 12/07 Forskrift om jakt etter hjort - endring av minsteareal Forvaltningsutvalet si tilråding: Følgjande forskrift om jakt etter hjort, Sogndal kommune, Sogn og Fjordane, fastsett av Sogndal kommunestyre 26. april 2007, med heimel i lov av 29. mai 1981 nr. 38 om viltet 16 og forskrift av 22. mars 2002 nr. 314 om forvaltning av hjortevilt og bever 4 og 5, vert vedteken: 1. Jakt etter hjort gjeld for heile kommunen. 2. Minsteareal for hjort vert fastsett til 550da for sone 1. Sone 1 er avgrensa av kommunegrensa mot Leikanger, Sognefjorden, Sogndalselvi og frå Sogndalselvi mellom gnr 63 og 55 til Reppanipa, Stavafjellet, Kollsetevatnet, Fagereggivatnet og til Leikanger grense. Omfanget av sone 1 går fram av vedlagd kart datert mars 2007. 3. Minstearealet for hjort vert fastsett til 1000da for sone 2. Sone 2 er avgrensa frå kommunegrensa mot Luster langs grensa mot sone 3 over Tylderingen, i grensa mellom gardane Orrestad og Hildeskor til Sogndalselvi, frå Sogndalselvi mellom gnr 63 og 55 til Reppanipa, Stavafjellet, Kollsetevatnet, Fagereggivatnet og til Leikanger grense, langs kommunegrensa mellom Sogndal og Leikanger; i grensa mot sone 6 og 7 i fjellområdet langs gamle kommunegrensa mot Balestrand, til grenselinja mot Luster, langs kommunegrense mot Luster og til Tylderingen. Omfanget av sone 2 går fram av vedlagd kart datert mars 2007. 4. Minstearealet for hjort vert fastsett til 600da for resten av kommunen,dvs.sone 3,4,5,6,og 7. 5. Kommunen sin heimel etter forskrifta 6 til å fråvike minstearealet med inntil 50% ved tildeling av fellingsløyve vert delegert til rådmannen. 6. Denne forskrifta trer i kraft straks og samstundes vert fastsett minsteareal for Sogndal Kommune i forskrift om jakt etter hjort, Sogndal Kommune, Sogn og Fjordane, med verknad frå 28.04.2006, oppheva. Vedlegg: 1. Lov om behandlingsmåten i forvaltningssaker, kap VII Om forskrifter, s 17 18. 2. Brev frå Slinde og Nornes- Ølmheim Lomelde om tildeling av fellingsløyve 2007. 3. Referat frå møte i hjorteutvalet 6/3-2007 4. Kart datert 27.03.2007 over soneinndeling framlagt i møtet. Saksutgreiing: Bakgrunn: Sogndal kommune endra forskrift om minsteareal i 2006 til 650 da i heile kommunen med unntak av sone 2 der minstearealet vart sett til 1000da. Det synte seg at einskilde område fekk Side 4 av 25
Sak 12/07 ei lågare tildeling enn det som var tiltenkt frå kommune og hjorteutval. For å få ei god forvaltning vart det difor gjeve fråvik frå minsteareal for alle valda i sone 1. Det ser ut til at hjortestamma i Sogndal aukar sjølv om kommunen har auka tildelingane mykje i fleire år. Omfanget av innmarkshjort og påkøyrsler aukar stadig, og områda der det vert problem spreier seg. Det er viktig å få effektivt uttak av hjort ved at valda organiserer seg godt og tek ut dyra der dei til ei kvar tid står. Vi vurderer tiltak som målretta avskyting med vekt på uttak av produksjonsdyr og forlenga jakt. Kommunen i samarbeid med Sogndal hjorteutval har sett i gang ein prosess for å utarbeide bestandsplanar og få oppretta storvald i heile kommunen. Ved avskytingsavtale i samband med bestandsplan og storvald gjer grunneigarane sjølv ei vurdering i eit større område om ynskt utvikling og ynskt uttak og har større mogelegheit til å styre uttaket innafor storvaldet sine grenser. Dette kan vere ein måte å effektivisere jakta på. Prosessen tek tid, og vi må rekne med tildeling av fellingsløyve til hovedtyngden av hjortevalda etter minsteareal i 2007. Det kan og vere aktuelt å utvide jakta i tid. Dette skal samordnast med nabokommunane, og Fylkesmannen har mynde til å utvide jakta av bestandsmessige, næringsmessige eller forvaltningsmessige omsyn. Både m.o.t. forvaltning av hjorteviltet til glede og nytte for grunneigarar og jegerar og av omsyn til andre samfunnsinteresser, er det i Sogndal viktig å få tatt ut nok dyr. Det er viktig at det vert tildelt nok løyver til dei områda der det er og vert felt mykje dyr. Bakgrunnen for framlegg om endring av minsteareal er at det er søkt om fråvik frå minsteareal for to vald i sone 1 og at det er framlegg frå Sogndal hjorteutval om å endre minsteareal for alle soner, unnateke sone 2, for å auke tildeling av fellingsløyver. Sjølv med ei slik endring vil det vera ynskjeleg at valda går saman i større einingar, storvald, og får ansvar for og mynde til forvaltning innafor sitt område i tråd med kommunen si målsetting. Større vald vil gje utteljing for overskytande dekar og dermed kunne få tildelt enno fleire løyver. Ei endring i andre soner frå 650 til 600da vil og gje ei noko auka tildeling i vald med god avskyting. Det ser ut til å vere rett å halde på 1000da som minsteareal i sone 2. Den føreslegne endringa vil føre til tildeling av i alt ca 590 fellingsløyve i 2007. Tildelinga i 2006 var 552dyr. Det er vanskelegare forvaltningsmessig å halde kontroll på fråvik frå minsteareal fordi mange vald vil kunne påberope seg ulike grunnar for at det er naudsynt å fråvike minstearealet ved tildeling til deira vald. Det gjer at bruk av minsteareal er ein ryddigare prosess. Det kunne vere aktuelt i framtida å sjå på om noverande soneinndeling er føremålstenleg i samband med vurdering av minsteareal. Vurdering: Det er svært mykje hjort i einskilde område av kommunen. Det er viktig å halde ein høveleg stor hjortestamme av omsyn til grunneigarar, jegerar og andre samfunnsinteresser. Endring av forskrift om jakt etter hjort minsteareal, er eit mindre grep for å sikre god tildeling av fellingsløyver i dei områda der det er mykje hjort og problem med hjort. Sogndal, 23.03.2007. Jostein Aanestad Arthur Langeland - rådmann- -einingsleiar- Side 5 av 25
Sogndal kommune Sak 13/07 Kommunestyret Saksh.: Eva Nilsen Huke Arkiv: K44 Arkivsak: 06/1424 Saksnr.: Utval Møtedato 146/06 Forvaltningsutvalet 07.12.2006 28/07 Forvaltningsutvalet 29.03.2007 13/07 Kommunestyret 26.04.2007 Sak 13/07 FORSKRIFT OM HUNDEHALD, SOGNDAL KOMMUNE Forvaltningsutvalet si tilråding: 1. Kommunestyret vedtek forskrift etter lov om hundehald jf vedlagd framlegg datert 28.03.07. 2. Mynde etter lova 6 f og 9 e er i forskriften delegert til forvaltningsutval og rådmann. Etter handsaminga i forvaltningsutvalet er det laga nye innleiande føresegner, jfr. vedlegg 1. Forvaltningsutvalet sitt vedtak/tilråding: 1. Kommunestyret vedtek forskrift etter lov om hundehald jf vedlagd framlegg datert 22.03.07. Før forskrifta vert handsama i kommunestyret skal følgjande endringar gjerast: - 4a vert endra til: I bustadområde, friområde og leikeplassar eller område lagd til rette for leik - 4 b vert endra til: frå 1.april til 1. november - 5b går ut. 2. Mynde etter lova 6 f og 9 e er i forskriften delegert til forvaltningsutval og rådmann. Handsaming i forvaltningsutvalet 29.03.2007: Gerd Karin Torstad (SP) la fram forslag om at 4 b vert endra til: frå 1.april til 1. november Jarle Aarvoll (AP) og Synnøve Stalheim (SP) la fram følgjande forslag: - 4a vert endra til: I bustadområde, friområde og leikeplassar eller område lagd til rette for leik - 5b går ut. Forvaltningsutvalet slutta seg til desse endringane. Tilråding frå administrasjonen: 1. Kommunestyret vedtek forskrift etter lov om hundehald jf vedlagd framlegg datert 22.03.07. Side 6 av 25
Sak 13/07 2. Mynde etter lova 6 f og 9 e er i forskriften delegert til forvaltningsutval og rådmann. Vedlegg: 1. Forskrift om hundehald, Sogndal kommune, Sogn og Fjordane. Framlegg datert 28.03.2007. 2. Lov om hundehold (hundeloven) av 7. juli 2003. 3. Rundskriv frå justis- og politidepartement om hundeloven datert 08.01.2004. 4. Uttale frå Kjørnes Camping datert 19.02.2007. 5. Uttale frå Knut P Bøyum datert 15.02.2007. 6. Merknader til ny forskrift om hundehald, Sogndal kommune frå Sogndal og omland Hundeklubb datert 13.02.2007. 7. Uttale til forskrift om hundehald i Sogndal kommune frå Sogndal og Leikanger Bonde- og småbrukarlag datert 15.02.2007. Saksutgreiing: Bakgrunn: Forvaltningsutvalet la utkast til forskrift om hundehald ut på høyring 14.12.2006. Høyringsfrist var sett til 15.02.2007. Kommunen har motteke innspel frå Sogndal ettersøkslag, Sogndal og Leikanger Bonde og småbrukarlag, Knut P Bøyum, Sogndal og Omland Hundeklubb innan fristen og uttale frå Kjørnes Camping 19. februar. Alle innspel er vurderte. Sogndal Kyrkjelege Fellesråd har og hatt saka til gjennomsyn og har ikkje merknader. Sogndal Ettersøkslag har ikkje merknader til forskrifta. Konklusjon: Ingen endringar. Sogndal og Leikanger Bonde og småbrukarlag ynskjer ei formulering av 4 pkt b om bandtvang slik: I utmark og innmark : fram til 1. november istaden for i utmark og innmark der bufe beiter: fram til 1. november med grunngjeving at det lett kan oppstå mistydingar om kva område bandtvangen gjeld for, dette avdi det ikkje alltid er så lett å vita om t.d. eit utmarksområde er nytta til husdyrbeite. Dei skriv at for å unngå slike mistydingar, ynskjer vi at den utvida bandtvangen for hundar gjeld for alt utmarks og innmarksareal i kommunen. Omsynet til viltet tilseier og at ein slik praksis er rett. Konklusjon: Framlegg til endring vert teken til fylgje. Sogndal og Omland Hundeklubb skriv at dei er positive til at Sogndal kommune vil vedta eigen forskrift om hundehald i kommunen, og har få merknader til forskrifta. Dei vil likevel peike på : 4a) Hundar skal haldast i band og under forsvarleg oppsyn: a) I bustadområde og friområde innafor bustadområde, samt i og nær anlegg for idrett og friluftsaktivitet med unntak av organisert aktivitet: Heile året Dei er positive til denne paragrafen og vil framheve at det er viktig at unntaket for organisert aktivitet vert oppretthelde. Det er ein føresetnad for aktiviteten i hundeklubben at dei kan trene og gå konkurransar uten at hunden er i band. Dei kommenterer vidare 5 Om område der hundar har avgrensa tilgjenge. Dei opplyser at det og er andre hundar i teneste enn førarhundar og skriv at : Dette kan være politihunder, hjelpehunder som for eksempel kan være en hund som en som sitter i rullestol har, eller hørehunder som hører for en som er døv. Vi mener at unntaket bør utformes slik at det Side 7 av 25
Sak 13/07 omfatter alle hunder som er i tjeneste eller som trenes for slik tjeneste, og har følgende forslag til endring av forskriftsbestemmelsen: a) Hundar har ikkje tilgjenge til skular eller skulegarden og barnehagar utan etter avtale mellom hundeeigar/førar og den som har ansvaret for skulen eller barnehagen b) Hundar har ikkje tilgjenge til leikeplassar eller område lagt til rette for leik c) Hundar har ikkje tilgjenge til kyrkjegardar eller gravlunder Unntak er tenestehundar i arbeid eller trening. Konklusjon: Framlegg til endring vert teken til fylgje. Knut P Bøyum meiner at forskrifta er :gjennomsyra av ein tone som gjev melding om at hundehald er problemfylt og til sjenanse. Han skriv vidare at Hundehald er i regelen ikkje konflikfylt, men tvert imot ei kjelda til livskvalitet, gleda, utfalding av ulike aktivitetar og nytte. Han ber om at det i det innleiande vert peikt på alle verdiane hundehald medfører; selskap, kameratskap, mosjon, opplevingar, nytte i arbeid (sauehundar t.d.), nytte i fritid(jakt og ettersøkshundar t.d.) osb, og teke høgd for at det kan drivast og utviklast. Han har punktvise kommentarar: 1. Syner til ovanståande og i tillegg ordleggja seg slik at hundehaldet i sine ulike former i seg sjølv vert sidestilt med tildømes fri leik, spesielt born. 2. Når ein definerer bufe konkret til storfe, sau, geit og hest burde ein og føya til frittgåande fjørfe t.d. høner, ender og gjess. I økologisk samanheng kan og gris vera eit beitedyr. 5.pkt b. Hundar må kunne ha tilgjenge til leikeplassar og område som er lagt til rette for leik dersom hunden er i band. Ein forelder som fylgjer borna til ein leikeplass, evnt. eit friområde, må kunne ta med hunden og la den liggje i band og under kontroll medan han/ho ventar på at barnet skal leike seg ferdig. 7. Urimeleg støy frå ein hund på ein eigedom er eit noko vagt uttrykk, Er det krav om meir støy enn frå ein grasklyppar i kykjetid ein sundag, er det krav om meir støy enn frå stereoanlegget i hagen når ungdomane solar seg, er det krav om meir støy enn frå den noko rusa festlyden som tydelegvis har det kjekt kl 02.00 natt til torsdag? 8. å ta med seg etterlatenskapane frå våre pelskledde vener er for dei fleste ein sjølvsagt ting, og nokso uproblematisk å ha i ei forskrift. Men det gjev litt uklåre signal når det ikkje gjeld for hestepærer, sigarettsneipar, tyggis, kattar som driv anleggsverksemd i blomsterbed osb. Han avsluttar med at Dei aller, aller fleste er fornuftige eigarar som tek omsyn til omgjevnadane samstundes som dei har stor hugnad av sitt hundehald. For dei som ikkje kan styra seg vil heller ikkje ei forskrift som legg kjelkar i vegen for seriøse hundeeigarar vera til nytte. Konklusjon: Det vesentlege av innhaldet inngår i hundelova. Framlegget vert ikkje teke til fylgje. Kjørnes Camping uttaler at dei har 17000 reisande i løpet av sommarmånadene og at dei ligg i eit attraktivt tur- / aktivitets- og rekreasjonsområde for folk i nærmiljøet. Dei skriv at det aukande hundehaldet gjer kvardagen utfordrande, serleg etter at det har vorte mykje lettare for turister å ta med eigne hundar til landet. Dei prøver så godt dei kan å informere om reglane for bandtvang i Norge og dele ut hundeposar gratis. Dei skriv at mange luftar hunden sin når dei kjem og når dei dreg og at Side 8 av 25
Sak 13/07 eksrementer lett kan spolere ferien om folk får dette inn på teppebelagte golv i campingvogner, bobilar og fortelt. Dei ynskjer godt synleg og lettfattleg informasjon om kva retningsliner som gjeld. Vidare skriv dei at 3,4 og 8 er definerte intensjonar som tydeleg står i høve til det dei ynskjer å oppnå. Konklusjon: Innspelet er av generell karakter og 3,4 og 8 vert i liten grad endra, og berre i tråd med innhaldet i denne kommentaren. Vurdering: I 2003 kom det ny hundelov. I Rundskriv frå Justis- og politidepartementet heiter det : Hundeloven regulerer sider ved hundehold som har et sikkerhets- eller miljøaspekt. For hundehold gjelder ei rekke andre lover i tillegg til hundelova, der det er nemnt m.a. lov om dyrevern, lov om dyrehelse, lov om rettshøve mellom grannar m.m. Felles for desse lovene er at dei aktuelle føresegner i hovudsak rettar seg mot dyrehald generelt. Det heiter vidare at hundehald er utbredt og representerer noko svært positivt for mange menneske. I hundelova har kommunane fått eit omfattande og klårt definert mynde til å gje forskrifter. Det er ynskjeleg å ha retningslinjer som gjeld alminneleg hundehald for å få forsvarleg og triveleg hundehald i alle delar av kommunen, m.a. i tettbygde strok og barnehagar, skular, idrettsanlegg m.m. I Sogndal er og beitebruk ein svært viktig del av landbruket og det er difor serleg trong for bandtvangsreglar i høve beitande bufe. Normal beiteperiode er 1. mai 1. november. Konklusjon: Etter prinsippa i delegasjonsreglementet er det naturleg å leggje mynde etter denne forskrifta til rådmannen og forvaltningsutvalet. Rådmannen kan gjere førstegongsvedtak om saka er kurant, alternativt vil saka verte handsama av forvaltningsutvalet. Klage over administrative vedtak går som hovedregel til forvaltningsutvalet. Delegasjonsvedtaket går inn i saka i samband med handsaming etter høyringa. Rådmannen tilrår at forskrift om hundehald i Sogndal kommune, Sogn og Fjordane vert vedteken. Sogndal, 23.03.2007. Jostein Aanestad -rådmann- Eva Nilsen Huke -fagkonsulent- Side 9 av 25
Sogndal kommune Sak 14/07 Kommunestyret Saksh.: Jostein Aanestad Arkiv: U01 Arkivsak: 07/868 Saksnr.: Utval Møtedato 25/07 Formannskapet 19.04.2007 14/07 Kommunestyret 26.04.2007 Sak 14/07 Den interkommunale næringsretta utviklingsordninga Formannskapet si tilråding: Ordførar Karen Marie Hjelmeseter representerer Sogndal kommune i styret for den interkommunale næringsretta utviklingsordninga. Handsaming i formannskapet den 19.04.2007: Arvid Stenehjem (AP) la fram forslag om at ordførar Karen Marie Hjelmeseter representerer Sogndal kommune i styret. Vedlegg: Utkast til vedtekter for den interkommunale næringsretta utviklingsordninga Oversikt over hovudtypar av tiltak for bruk av midlar over kap 551, post 60 Saksutgreiing: Bakgrunn: Fylkestinget har gjort vedtak om at det skal opprettast ei foreining med namnet Den Interkommunale Næringsretta Utviklingsordninga som kompensasjon for auka arbeidsgjevaravgift i kommunane Førde, Sogndal og Flora (INU FSF). Foreininga har som føremål: - å fordele alle næringsretta utviklingsmidlar løyvd over kap. 551.61 i statsbudsjettet til Sogn og Fjordane fylkeskommune og som blir gitt som kompensasjon for bortfall av differensiert arbeidsgjevaravgift for verksemder i kommunane Førde, Sogndal og Flora. - å utarbeide forslag til handlingsplan og lokale retningsliner for korleis denne kompenasjonsordninga best kan nyttast for å fremje næringslivsutvikling i desse kommunane. Dette for at konkurranseulempa med bortfall av differensiert arbeidsgjevaravgift skal bli minst mogeleg - å sjå til at fordelinga av midlar skjer i tråd med retningsliner og føringar gitt av Sogn og Fjordane fylkeskommune og Kommunal- og regionaldepartementet (KRD). - å styrke samarbeidet mellom offentleg og privat sektor i dei involverte kommunane, samt vidareføre det sterke næringslivsengasjementet som vart etablert under DAA-ordninga og underbygge eit forsterka samarbeid mellom dei involverte kommunane, totalt sett. Side 10 av 25
Sak 14/07 I 2007 er rammene for ordninga fastsett til 21,2 mill. kroner. Det er ei verksemd i Sogndal kommune som betaler full arbeidsgjevaravgift, og som bidreg til å generere midlar til ordninga. Vedlegg 2 gjev eit oversyn over aktuelle område for bruk av midla i ordninga. Det går fram av punkt 6 i utkast til vedtekter at styret for ordninga skal ha 10 medlemmar, og at eitt medlem vert peika ut av kvar av det tre kommunane. Vurdering: I k-sak 0054/06 om næringsorganisering i Sogndal kommune heiter det i punkt 6 at: Formannskapet, ordførar og rådmann sine sentrale funksjonar i næringsarbeidet vert vidareført. Med bakgrunn i dette kan det vera naturleg at ordførar eller rådmann vert peika ut til medlem i styret i INU FSF. Sogndal, 12. april 2007 Jostein Aanestad rådmann Side 11 av 25
Sogndal kommune Sak 15/07 Kommunestyret Saksh.: Knut Ole Myren Arkiv: A00 &34 Arkivsak: 07/704 Saksnr.: Utval Møtedato 27/07 Formannskapet 19.04.2007 15/07 Kommunestyret 26.04.2007 Sak 15/07 Kompetanseplan for grunnskulen i Sogndal 2005-2008 Rullering av handlingsprogram for 2007 Formannskapet si tilråding: Kommunestyret vedtek revidert handlingsprogram i Kompetanseplan for grunnskulen i Sogndal 2005-2008. Prenta vedlegg: 1. Framlegg til revidert handlingsprogram 2005-2008 2. Kompetanseplan for grunnskulen i Sogndal 2005-2008 vedteken i kommunestyret den 01.09.05 Uprenta vedlegg: 1. Brev frå fylkesmannen dagsett 20.03.07 Kvalitetsutvikling i skulesektoren statlege tilskot og plankrav 2. St.meld. nr. 30 (2003-2004) Kultur for læring 3. Utdannings- og forskingsdepartementet Kompetanse for utvikling. Strategi for kompetanseutvikling i grunnskuleopplæringa 2005-2008. 4. Strategisk plan for utvikling av skulane i Sogndal 2006-2009 5. Sogndal kommune - Temaplan for entreprenørskap i skulen 2004-2008 Saksutgreiing: Bakgrunn: I samband med handsaminga av St.meld. nr. 30 (2003-2004) Kultur for læring slutta Stortinget seg til eit framlegg frå Regjeringa om å investere i eit monaleg kompetanseløft for å realisere dei sentrale måla i stortingsmeldinga. Som ei konsekvens av dette har departementet og Kommunenes Sentralforbund i samarbeid med lærarorganisasjonane utarbeidd ein strategi for kompetanseutvikling i grunnopplæringa 2005-2008. Her vert det streka under at det er skuleeigar, det vil seie kommunen, sitt ansvar å utvikle, vedta og gjennomføre planar for kompetanseutvikling i samarbeid med dei partane det gjeld. Dei kommunale planane skal ta seg av lokale kompetansebehov innanfor dei prioriterte områda, og vil vere eit vilkår for å få utbetalt statleg tilskot til kompetanseheving i skulen. Planen skal omfatte ein kompetansestrategi for perioden 2005-2008 og ein plan for det enkelte budsjettår som gjer greie for konkrete kompetanseutviklingstiltak og eigenfinansiering frå Side 12 av 25
Sak 15/07 skuleeigar. Det er kommunestyret som skal vedta planen. Fylkesmannen skal ha planen til orientering. Kommunen har for 2007 fått tilsagn om kr. 348 000 til kompetanseheving. I tillegg har vi fått tilsagn om kr. 150.000 i øyremerka tilskot (entreprenørskap, språkopplæring og den kulturelle skulesekken). Dei øyremerka tilskota må vi søkje på. Gjennom regionen vil det og vere høve til å søkje på midlar til leseopplæring og vidareutdanning i naturfag. Det generelle økonomiske tilskotet til kompetanseutvikling føreset at skuleeigar har utarbeidd politisk vedtekne planar. Planen skal ivareta lokale kompetansebehov innanfor dei nasjonalt prioriterte områda. Planen skal omfatte kompetanseutviklingsstrategi for perioden 2005-2008 og ein plan for det enkelte budsjettår. Årsplanen skal gjere greie for konkrete tiltak og skuleeigar sin eigenfinansiering. Tiltaka skal byggje på ei kartlegging og vurdering av kompetansebehova i den enkelte skule og lærebedrift. Planen skal handsamast av kommunestyret og dannar grunnlaget for utbetaling. Frist for skuleeigar sitt politiske vedtak om årsplan er sett til 1. mai. Sogndal kommune vedtok Kompetanseplan for grunnskulen i Sogndal 2005-2008 den 01.09.05, og det er trong for årleg revisjon av handlingsprogrammet for å møte plankravet frå fylkesmannen. Planen skal vere eit resultat av lokal deltaking og forankring på den einskilde skule. Skuleeigar skal gjere greie for dette. I samband med gjennomføring av regionrådet sitt skuleutviklingsprogram Sats på skulen Snu Sogn har kommunen forplikta seg til å sette av 20% av statstilskotet. I fjor var denne prosentsatsen 15% og omfatta og felles satsingar gjennom KS sitt skuleutval. Kommunale føringar for bruk av kompetansemidlane vil vere: Strategisk skuleplan for kommunen Prioriterte satsingsområde er tilpassa opplæring, entreprenørskap og lokalkunnskap, fysisk aktivitet og kosthald og lesing, skriving, rekning og ikt som grunnleggjande dugleik. Kommunal plan for entreprenørskap Planen vektlegg kjennskap til lokalsamfunnet og næringslivet, nyskaping og kreativitet og undervisningskompetanse innan entreprenørskap Kompetanseplan for grunnskulen i Sogndal Planen legg vekt på vidareutdanning innanfor realfag, lesing/skirving digital kompetanse og språk. Andre satsingsområde er entreprenørskap, fysisk aktivitet/kosthald og skuleleiaropplæring. Sogn regionråd sitt skuleutviklingsprosjekt Sats på skulen Snu Sogn med vekt på kompetanseheving for skuleleiarane, kommunen som skuleeigar, skuleutvikling i samanheng med samfunnsutviklinga og fagnettverk som arena for kompetanseutvikling. I Sogndal kommune er oppfølging av dette programmet eit av ti på topp punkta i økonomiplanen. Skulane sine kompetansebehov i høve til gjennomføring av Kunnskapsløftet Vurdering: Planlagde tiltak for 2005 og 2006 er i all hovudsak gjennomførte eller starta opp. Ein del tiltak spesielt dei som gjeld vidare- og etterutdanning vert gjennomført skuleåret 2006/07. Prioriterte Side 13 av 25
Sak 15/07 område har vore vidare- og etterutdanning, arbeid med lokale læreplanar og innføring i entreprenørskap for alle lærarane. Kompetanseheving for skuleleiarar vert først sett i gang hausten 2007 jf. Sogn regionråd sitt skuleutviklingsprogram Sats på skulen Snu Sogn. Prioriterte område i 2007 er: Vidare- og etterutdanning innanfor dei prioriterte områda i strategisk skuleplan og i samsvar med dei behova som skulane har (lesing/skriving, realfag og språk) Kompetanseheving for skuleleiarane jf. regionrådet sitt utdanningsopplegg opplegget vil gå over 3 år fordelt på to grupper. Målgruppe er rektor, inspektør og pedagogisk konsulent Arbeidet i nettverksgruppene jf. regionrådet sitt skuleprogram Kompetanseheving innan pedagogisk bruk av ikt. Dette er eit område som er prioritert i strategisk skuleplan og ikt strategi for skulane. Entreprenørskap Oppfølging av strategisk skuleplan, plan for entreprenørskap og regionrådet sitt skuleutviklingsprogram er eitt av ti på topp punkta i økonomiplanen. Framlegg til handlingsprogram bygger elles på kartlegging av behov for kompetanse og interesse for vidare- og etterutdanning på den einskilde skule. Sogndal, 18.04.07 Jostein Aanestad rådmann Side 14 av 25
Sogndal kommune Sak 16/07 Kommunestyret Saksh.: Gerd Kleiven Arkiv: 210 Arkivsak: 07/840 Saksnr.: Utval Møtedato 6/07 Kontrollutvalet 17.04.2007 16/07 Kommunestyret 26.04.2007 Sak 16/07 Årsmelding og årsrekneskapet til KF Sogndal ølutsal Tilråding: Årsmelding og årsrekneskap for 2006 til KF Sogndal ølutsal vert godkjendt. Vedlegg: 1. Årsmelding 2006 for KS Sogndal Ølutsal. 2. Årsrekneskap 2006 for Sogndal komm. Ølutsal. 3. Revisjonsmelding datert 10.04.2007 frå Sogn og Fjordane revisjon. 4. Saksframlegget frå sekretariatet for kontrollutvala. 5. Kontrollutvalet sin uttale datert 17.04.2007. Saksutgreiing: Viser til vedlegg nr. 4. Saka vert framlegt for kommunestyret til godkjenning. Sogndal, 19.04.2007 Gerd Kleiven -F.sekr.- Side 15 av 25
Sogndal kommune Sak 17/07 Kommunestyret Saksh.: Kåre Træen Arkiv: 004 &14 Arkivsak: 07/14 Saksnr.: Utval Møtedato 26/07 Formannskapet 19.04.2007 17/07 Kommunestyret 26.04.2007 Sak 17/07 ÅRSREKNESKAP OG ÅRSMELDING 2006 - SOGNDAL KOMMUNE. Formannskapet si tilråding: Samrøystes: 1. Årsrekneskap og årsmelding 2006 for Sogndal kommune vert vedteke med dei disposisjonar som er gjort i vedlagd årsrekneskap og årsmelding. Tilråding med 5 røyster (SP, FrP; H, V, KrF): 2. Rekneskapsmessig mindreforbruk kr 9 090 016 vert disponert slik: Pensjonsfond 300 000 Fond for arbeidsmiljø 100 000 Grunnkapital Kraftfond II 450 000 Avkastningsfond Kraftfond II 546 921 Rentereguleringsfond 600 000 Avdragsfond 2 700 000 Vedlikehaldsfond 591 000 Fond for grunnkjøp 2 602 095 Utbetring Stedje kapell 500.000 Vegvedlikehald 500.000 Støtte Umlalazi 100.000 Barne & ungdom, parterskapsavtale 100.000 Samrøystes: 2. Rådmannen får fullmakt til å disponere midlar frå vedlikehaldsfondet i samsvar med dei behova for vedlikehaldstiltak som er dokumentert i tilstandsrapport for den kommunale bygningsmassen. 3. Formannskapet får fullmakt til å disponere midlar frå fond for grunnkjøp. Handsaming i formannskapet den 19.04.2007: Kontrollutvalet sin uttale datert 17.04.2007 vart omdelt i møtet. Notat datert 19.04.07 frå rådmann om sjukefråvær vart omdelt i møtet. Helge Torstad (KrF) la fram forslag om å redusere rentereguleringsfond med 500.000,- og nytta desse midlane til nytt fond for opprusting av Stedje kapell. Arvid Stenehjem (AP) la fram følgjande forslag: 1. Pensjonsfond 300.000,- 2. Fond for arbeidsmiljø 100.000,- +100.000,- Side 16 av 25
Sak 17/07 3. Grunnkapital Kraftfond II 450.000,- 4. Avkastningsfond Kraftfond II 546.921,- 5. Rentereguleringsfond 1.800.000,- -1.100.000 = 700.000,- 6. Avdragsfond 2.700.000,- 7. Vedlikehaldsfond 591.000,- +200.000,- 8. Fond for grunnkjøp 2.602.125,- 9. Ungdom og barn ( ølfondet ) +500.000,- 10.Kulturhus (ny kinosal) +300.000,- 9.090.016,- =0 Karen Marie Hjelmeseter (SP) la fram følgjande forslag: 1,0 mill. frå rentereguleringsfondet til vegvedlikehald 100.000,- frå rentereguleringsfondet til tiltak i Umlalazi. Sigurd Sætre (FrP) la fram følgjande forslag: Pensjonsfond 300 000 Fond for arbeidsmiljø 100 000 Grunnkapital Kraftfond II 450 000 Avkastningsfond Kraftfond II 546 921 Rentereguleringsfond 800 000 Avdragsfond 2 700 000 Vedlikehaldsfond FDV 1.090.000 Fond for grunnkjøp 1.503.095 Fond for crusemottatk 100.000 Vedlikehaldsfond veg/park 500.000 Kapitalfond kyrkjegardar 500.000 Kapitalfond SoS 500.000 Det vart halde gruppemøte. Nytt framlegg frå Arvid Stenehjem (AP): 1. Pensjonsfond 300.000,- 2. Fond for arbeidsmiljø 100.000,- 3. Grunnkapital Kraftfond II 450.000,- 4. Avkastningsfond Kraftfond II 546.921,- 5. Rentereguleringsfond 1.800.000,- -1.200.000 = 600.000,- 6. Avdragsfond 2.700.000,- 7. Vedlikehaldsfond 591.000,- 8. Fond for grunnkjøp 2.602.125,- 9. Ungdom og barn ( ølfondet ) +400.000,- 10.Kulturhus (ny kinosal) +200.000,- 11.Støtte Umlalazi +100.000,- 12.Stedje kapell +500.000,- 9.090.016,- =0 Revidert framlegg frå Sigurd Sætre (FrP): Pensjonsfond 300 000 Fond for arbeidsmiljø 100 000 Grunnkapital Kraftfond II 450 000 Avkastningsfond Kraftfond II 546 921 Rentereguleringsfond 800 000 Avdragsfond 2 700 000 Vedlikehaldsfond 990.000 Fond for grunnkjøp 1.503.095 Fond for crusemottatk 100.000 Vedlikehaldsfond veg/park 500.000 Kapitalfond kyrkjegardar 500.000 Kapitalfond SoS 500.000 Side 17 av 25
Sak 17/07 Fond Nord-Sør 100.000 Nytt framlegg frå Karen Marie Hjelmeseter (SP): Redusert avsetjing rentereguleringsfond -1,2 mill. Utbetring Stedje kapell +0,5 Vegvedlikehald +0,5 Støtte Umlalazi +0,1 Barne & ungdom, parterskapsavtale +0,1 Forslaget frå Sigurd Sætre fekk 1 røyst og fall. Dei endelege forslaga frå Karen Marie Hjelmeseter og Arvid Stenehjem vart sette opp mot kvarandre. Forslaget frå Karen Marie Hjelmeseter fekk 5 røyster (SP, FrP; H, V, KrF). Forslaget frå Arvid Stenehjem fekk 2 røyster (AP). Tilråding frå rådmann: 1. Årsrekneskap og årsmelding 2006 for Sogndal kommune vert vedteke med dei disposisjonar som er gjort i vedlagd årsrekneskap og årsmelding. 2. Rekneskapsmessig mindreforbruk kr 9 090 016 vert disponert slik: Pensjonsfond 300 000 Fond for arbeidsmiljø 100 000 Grunnkapital Kraftfond II 450 000 Avkastningsfond Kraftfond II 546 921 Rentereguleringsfond 1 800 000 Avdragsfond 2 700 000 Vedlikehaldsfond 591 000 Fond for grunnkjøp 2 602 125 3. Rådmannen får fullmakt til å disponere midlar frå vedlikehaldsfondet i samsvar med dei behova for vedlikehaldstiltak som er dokumentert i tilstandsrapport for den kommunale bygningsmassen. 4. Formannskapet får fullmakt til å disponere midlar frå fond for grunnkjøp. Vedlegg: - Årsrekneskap og årsmelding 2006 eige hefte. - revisjonsmelding 2006 - vedtak i kontrollutvalet. - sjukefråværsrapport 2006 Saksutgreiing: Kommunestyret skal vedta årsrekneskap og årsmelding innan seks månader etter utgangen av rekneskapsåret. Det er formannskapet som innstiller til vedtak i kommunestyret. Kopi av revisjonsmelding skal vere sendt formannskapet før formannskapet si handsaming. Kontrollutvalet skal gje uttale om årsrekneskapen til kommunestyret før kommunestyret gjer vedtak. Kopi av denne uttalen skal vere formannskapet i hende før dette organet avgir innstilling om årsrekneskapen til kommunestyret. Kontrollutvalet har møte 17. april, og uttalen frå kontrollutvalet vert lagt fram i møte til formannskapet. Rådmannen utarbeider årsmeldinga, og fremjar denne for formannskapet. Kontrollutvalet har fått tilsendt årsmelding til utvalet sitt møte om uttale til årsrekneskapen. Kommunestyret skal handsame årsrekneskapen og årsmeldinga samtidig. Side 18 av 25
Sak 17/07 For kommentarar til drifts- og kapitalrekneskapen vert det vist til årsmeldinga. Avsetjingar og finansiering i kapitalrekneskapen. Rådmannen tilrår at ikkje budsjetterte inntekter i kapitalrekneskapen vert avsett til ubunde kapitalfond og at ikkje budsjetterte utgifter i kapitalrekneskapen vert finansiert med bruk av lånemidlar, salsinntekter og fond slik som det er gjort i kapitalrekneskapen pr. prosjekt frå side 9 i rekneskapen og forklaring i årsmelding kap. 2.2 side 8. Rådmannen tilrår at rekneskapsmessig mindreforbruk kr 9 090 016, vert disponert slik: Pensjonsfond 300 000 Fond for arbeidsmiljø 100 000 Grunnkapital Kraftfond II 450 000 Avkastningsfond Kraftfond II 546 921 Rentereguleringsfond 1 800 000 Avdragsfond 2 700 000 Vedlikehaldsfond 591 000 Fond for grunnkjøp 2 602 125 Frå 2004 har kommunen ein større sjølvrisiko på AFP-pensjon mellom 62 og 64 år. Det er og auke i tal AFP-pensjonistar. Ettersom kommunen har påteke seg sjølvrisiko vert det som i 2004 og 2005 tilrådd å avsette kr 300 000 til pensjonsfondet for å møte denne risikoen. Pr 31.12.06 var saldo i fondet kr 600 000, utgifter i 2006 kr 719 000. Som oppfølging av tiltak for arbeidsmiljø som tilsettedagen, er det tilrådd avsett kr 100 000. Avkastninga for kraftfond II var i 2006 på kr 2 196 921, av dette er det etter budsjettet avsett til avkastningsfondet 1,2 mill kroner. Resterande vert tilrådd disponert til prisregulering av grunnkapitalen kr 450 000 og auka avsetjing til avkastningsfondet med kr 546 921. Kommunestyre vedtok i 2006 endring i kommunen sin lånestrategi slik at gjeldsportefølgja vert forvalta med større fleksibilitet for val av renterisiko. For å møte endringar i kapitalutgifter knytt til marknadstilhøva skal det prioriterast å gjere avsetjingar til eit rentereguleringsfond. Storleiken på dette fondet vert vurdert ut i frå den del av låneportefølgja som er knytt til generaløkonomien (totale lån redusert med formidlingslån, VAR-lån og lån med rentekompensasjon), og sentrale prognose for renteutviklinga (Norges Bank og SSB). Pr 31.12.06 utgjer nemnde lånestorleik om lag 200 mill kroner, og prognose tilseier at renta skal auke. Forskjellen mellom flytande rente og 5 års fast rente er no om lag 1 %. Under føresetnad at 50 % av lån knytt til generaløkonomien kunne vore knytt til fast rente, utgjer differansen i årleg rente mellom flytande og fast om lag 1 mill kroner. Med dette som grunnlag, og for å sikre seg fram i tid, tilrår rådmannen at det vert avsett 1,8 mill kroner til rentereguleringsfondet, slik at fondet har ein kapital på 5 mill kroner. Det er i kommunen sine reglar for finansforvaltning vedteke at rådmannen får fullmakt å bruke av rentereguleringsfondet, når renteutgifter som følgje av renteauke vert meir enn budsjettert. I økonomiplan 2007 2010 er det budsjettert med avdragsutsetting på til saman 2,7 mill kroner. Kommunestyret har vedteke at avdragsutsetting på til saman 2,7 mill kroner i planperioden vert henta inn at i samband med rekneskapsresultat og/eller framtidig økonomiplanar. Side 19 av 25
Sak 17/07 I rekneskap 2006 hadde FDV tenestene eit mindreforbruk på kr 591 000. Kommunen har eit stort etterslep på vedlikehald av kommunale bygningar, vurdert til 25 mill. kroner. Det vert tilrådd at mindreforbruket på 591 000 kroner vert avsett til vedlikehaldsfondet, og at rådmann får fullmakt til å disponere midlar frå vedlikehaldsfondet i samsvar med dei behova for vedlikehaldstiltak som er dokumentert i tilstandsrapport for den kommunale bygningsmassen. Kommunen skal i dei næraste år gjennomføre innløysing av grunnareal til ein stor kostnad som det ikkje er teke høgd for i økonomiplanen. Dette gjeld m.a. utviding av kommunalt næringsområde på Kaupanger og ev. i Fjærland, festeareal for kommunal drift på Fosshaugane, utviding av Åbergevegen, strandlinje i Sogndal sentrum, parkeringsplass Stedje kyrkje, utviding av kyrkjegarden på Kaupanger, utvikling av Mundal sentrum, bustadområde for sosial bustadbygging på Ulvahaugen og div. festeareal frå Opplysningsvesenets fond. Dette er areal som er regulert til offentlege føremål eller arealbruksendringar som ligg i 10-på-topp punkt i gjeldande økonomiplan og i framlegg til revidert kommuneplan. Det er ikkje teke høgd for grunnkjøp i gjeldande økonomiplan. Til delfinansiering av nemnde tiltak vert det tilrådd å avsette 2,6 mill kroner på eit fond for grunnkjøp. Det vert tilrådd av formannskapet får fullmakt til å disponere midla frå fond for grunnkjøp. Sogndal 12.4.2007 Jostein Aanestad rådmann Side 20 av 25
Sogndal kommune Sak 18/07 Kommunestyret Saksh.: Torbjørn Hasund Arkiv: L12 Arkivsak: 06/570 Saksnr.: Utval Møtedato 58/06 Forvaltningsutvalet 04.05.2006 12/07 Forvaltningsutvalet 25.01.2007 36/07 Forvaltningsutvalet 29.03.2007 18/07 Kommunestyret 26.04.2007 Sak 18/07 PRIVAT REGULERINGSPLAN GBNR. 54/1 - HOLLEKVE. 2. GONGS HANDSAMING Tilråding: Kommunestyret i Sogndal vedtek reguleringsplan for Hollekve hyttegrend, dagsett 02.10.06, jfr. plan- og bygningslova 27-2 nr 1. Før planen vert lagd fram for kommunestyret skal det gjerast følgjande endringar: 1. Det skal i plankartet leggjast inn sikttrekantar i kryss mot kommunal veg. 2. Felles avkøyrsle/tilkomstveg skal avsluttast i høgde med avslutninga av P1 og arealet vidare nordover skal teiknast inn som område for fritidsbustader. 3. Ny tilkomstveg skal avsluttast ved dei to nordlegaste nyregulerte hyttene 4. Det skal regulerastny løysing for avkøyrsle i samsvar med vedlegg frå Bjørn Helge Aanes og skildring i saksutgreiinga. 5. Det skal i føresegnene 7 Fellesområde førast på kva tomter fellesarealet skal vere felles for 6. Det skal i føresegnene 7 Fellesområde a) felles avkøyrsle / veg stå: Vegen skal sikrast ei god utforming og plassering i terrenget med ei god avslutning mot steinmuren. Tilråding frå administrasjonen: Kommunestyret i Sogndal vedtek reguleringsplan for Hollekve hyttegrend, dagsett 02.10.06, jfr. plan- og bygningslova 27-2 nr 1. Før planen vert lagd fram for kommunestyret skal det gjerast følgjande endringar: 1. Det skal i plankartet leggjast inn sikttrekantar i kryss mot kommunal veg. 2. Felles avkøyrsle / tilkomstveg skal avsluttast i høgde med avslutninga av P1 og arealet vidare nordover skal teiknast inn som område for fritidsbustader. 3. Ny tilkomstveg skal avsluttast ved dei to nordlegaste nyregulerte hyttene Side 21 av 25
Sak 18/07 4. Det skal vurderast ny løysing for avkøyrsle i samsvar med vedlegg frå Bjørn Helge Aanes og skildring i saksutgreiinga. Dersom slik løysing teknisk ikkje let seg gjennomføre skal ein nytte avkøyrsle slik den er lagt fram i planframlegget. Uavhengig av løysing skal F5 og avstikkar frå avkøyrsle takast ut. 5. Det skal i føresegnene 7 Fellesområde førast på kva tomter fellesarealet skal vere felles for 6. Det skal i føresegnene 7 Fellesområde a) felles avkøyrsle / veg stå: Vegen skal sikrast ei god utforming og plassering i terrenget med ei god avslutning mot steinmuren. Handsaming i Forvaltningsutyvalet 29.03.2007: Rådmann la fram følgjande endring av punkt 4: 1. Det skal regulerast ny løysing for avkøyrsle i samsvar med vedlegg frå Bjørn Helge Aanes og skildring i saksutgreiinga. Vedlegg: Planhefte med planomtale, føresegner og plankart Merknader Saksutgreiing / vurdering Planen har vore ute til offentleg ettersyn i perioden 10.02.07 13.03.07. Det har kome inn 5 merknader. 1. Bjørn Helge Aanes, dagsett 14.02.07 Viser til vedtak i FU sak 0087/04, møtedato 09.12.04 (sjå vurdering pkt 5.). Verkar som om dette ikkje er teke omsyn til i planframlegget. Hyttene på tomtane 3 og 4 er i dag ferdigstilte med felles avkøyrsle og felles parkering. Meiner at dei 4 nye hyttene må kunne nytte same avkøyrsla. Vår vurdering Sjå vurdering under punkt 5. 2. Statens vegvesen, region vest, dagsett 09.03.07 Planområdet ligg til kommunal veg og kjem ikkje i kontakt med riksveg eller fylkesveg. Viktig at avkøyrslene inn i hytteområdet er oversiktlege og trygge. Meiner difor at det bør regulerast inn sikttrekantar i avkøyrslene. Vår vurdering Det er planlagt ei monaleg utviding av hyttefelta i reguleringsplan Hollekve Stedjekammen som no er ute til offentleg ettersyn. Som følgje av dette vil trafikken langs vegen auke. Den planlagde utvidinga av vegen vil og kunne føre til auka fart på strekninga. Innstilling Det skal i plankartet leggjast inn sikttrekantar i kryss mot kommunal veg. 3. Tone Kristin Urheim v/kjell Urheim, dagsett 12.03.07 1. Grensa til den festa hyttetomta til Terje Monsen (gjeld eksisterande tilkomstveg) Side 22 av 25
Sak 18/07 Ber om at det vert justert i planen slik at den felles hyttevegen sluttar ved sørenden av Monsen si festetomt, og at vegen vidare vert privat veg for Urheim. 2. Vegutløysing for hyttetomt tilhøyrande Karl Reppen Karl Reppen si hytte, gbnr. 54/3 er avertert til sals. I samband med det har ein interessert kjøpar vurdert om det kan vere mogleg å knyte seg til tilkomstvegen. Det er Urheim i mot. Difor er det no etter deira meining ekstra viktig at det går fram av reguleringsplanen at den felles hyttevegen sluttar ved grensa til Monsen si festetomt mot syd. Vår vurdering pkt 1 og 2 Reppen si hyttetomt, og som no nokon ønskjer å kjøpe, ligg utanfor planområdet. Tomta ligg inne i ein annan reguleringsplan, del av Vassli, gbnr. 54/2. I denne planen er det regulert inn tilkomst til tomta. Planen er ikkje realisert og det er ikkje bygd veg fram i dag. Rådmannen ser det ikkje som føremålstenleg å leggje opp til å tene hyttetomter i denne reguleringsplanen med omtala tilkomstveg. Monsen si hyttetomt har i dag tilkomst via P1. Innstilling Felles avkøyrsle / tilkomstveg skal avsluttast i høgde med avslutninga av P1 og arealet vidare nordover skal teiknast inn som område for fritidsbustader. 3. Ny veg til nye hytter i hytteområdet På framlegg til reguleringsplan for utviding av Hollekve hyttegrend er det oppført ein veg like fram til, og over den austlege delen av hytteeigedomen til Urheim, 54 / 20. Urheim vil ikkje gå med på at denne vegen blir ført over sin eigedom og kan heller ikkje sjå noko føremål med den nordlegaste delen av vegen. Dei meiner den planlagde nye vegen bør avsluttast ved grensa til deira eigedom. Vår vurdering Vi kan ikkje sjå at vegen vidare etter dei to nordlegaste hyttene har nokon funksjon. Rådmannen har ikkje merknader til at denne vegen vert avslutta ved dei to nordlegaste nyregulerte hyttene. Innstilling Ny tilkomstveg skal avsluttast ved dei to nordlegaste nyregulerte hyttene 4. Fylkesmannen i Sogn og Fjordane, dagsett 13.03.07 Meiner det kan vere fornuftig arealdisponering å fortette med hytter i tilknyting til eksisterande utbyggingsområde, i staden for å ta i bruk nye område til fritidsføremål. Elles ingen avgjerande merknader. 5. Arkitektkontoret Locus på vegne av Kari og Edvard Hatlevik, dagsett 12.03.07 Gjeld hytta som ligg utanfor planområdet mot aust, på nedsida av den planlagde felles parkeringsplassen P4 og tilkomstvegen til dei 4 nye hyttene i området. Tre hovudpunkt: Side 23 av 25
Sak 18/07 Ber om at parkeringsarealet ikkje vert gjort større enn naudsynt Høgdeplasseringa av både parkeringsplassen og tilkomstvegen bør fastsetjast i reguleringsplanen. Terrengtilpassinga både av parkeringsarealet og av tilkomstvegen vil ha mykje å seie for hytta. Det må gå klart fram av planarbeidet kven fellesarealet (veg- og parkering) skal vere felles for Vår vurdering Forvaltningsutvalet gjorde i møte 09.12.04, møte 0087/04 slikt vedtak: Forvaltningsutvalet vedtek mindre vesentleg endring tilknytt utbyggingsplan Hollekve hyttegrend jfr plan og bygningslova 28-1 nr 2. Følgjande endring vert vedteke: 1. Føremålsendring frå felles parkeringsplass P/F for tomt 3 og 4 til hytteføremål innlemma i hyttetomtene 3 og 4 2. Tomtegrensa mellom 3 og 4 vert tilpassa slik at både tomt 3 og 4 får tilkomst via felles avkjørsle. 3. Føresegner tilknytt felles parkeringsplass for tomt 3 og 4 går ut. Bjørn Helge Aanes skriv i sin merknad at hyttene på tomtane 3 og 4 er ferdigstilte med felles avkøyrsle og felles parkering. I merknaden skriv han og at han meiner dei 4 nye hyttene må kunne nytte same avkøyrsla. I følgje han er også eigar av tomt 3, Rønnekleiv samd i dette. Vi ser det som føremålstenleg å unngå for mange avkøyrsler inn på den kommunale vegen. I utgangspunktet er det difor ønskjeleg med ei avkøyrsle. Stigninga på terrenget her er mellom 1/10 1/15. Det skal difor vurderast om det er teknisk mogleg å nytte same avkøyrsle som tomt 3 og 4, svinge seg nordaustover parallelt med den kommunale vegen og så dreie nordover og fortsette langs steingarden. Då vegen er teikna inn svært nær hytta til Hatlevik skal ein og søkje å plassere vegen og parkeringsplassen noko lenger vekk frå steingarden og eigedomen til Hatlevik. Dersom ei slik løysing teknisk ikkje let seg gjennomføre skal avkøyrsle leggjast som i planframlegget. F5 og avstikkar vestover skal takast ut, uavhengig av kva løysing som vert valt, jf at tomt 3 og 4 allereie har tilkomst. Det er lagt opp til 1,5 biloppstillingsplassar pr. hytte i P4. Plassen er om lag 10 meter brei og 30 meter lang. Utforminga gjer at det er plass til ei (1) rad bilar. Rådmannen meiner det vil kunne vere behov for ein parkeringsplass av denne storleiken her. Ikkje minst på vinteren. Vi vil difor ikkje gå inn for reduksjon av storleiken på parkeringsplassen. Tilkomstveg og biloppstillingsplass skal plasserast og utarbeidast slik at den er til minst mogleg sjenanse for hytta til Hatlevik, dette gjeld og drenering og overflatevatn. Innstilling Det skal vurderast ny løysing for avkøyrsle i samsvar med vedlegg frå Bjørn Helge Aanes og skildring i saksutgreiinga. Dersom slik løysing teknisk ikkje let seg gjennomføre skal ein nytte avkøyrsle slik den er lagt fram i planframlegget. Uavhengig av løysing skal F5 og avstikkar frå avkøyrsle takast ut. Det skal i føresegnene 7 Fellesområde førast på kva tomter fellesarealet skal vere felles for Det skal i føresegnene 7 Fellesområde a) felles avkøyrsle / veg stå: Vegen skal sikrast ei god utforming og plassering i terrenget med ei god avslutning mot steinmuren. 26.03.07 Side 24 av 25
Sak 18/07 Jostein Aanestad rådmann Arthur Langeland tenesteleiar plan og næring Side 25 av 25