Side 2 av 10 Saksutgreiing til folkevalde organ Dato: Arkivref: 04.01.2016 2015/186-4/2016 / 504 Saksbehandlar: Linda Djuvik 53423156 linda.djuvik@bomlo.kommune.no Sak nr i møte Utval Møtedato 10/16 Utval for areal og samferdsel 27.01.2016 FRAMLEGG TIL REGULERINGSPLAN FOR FRITIDSBUSTADER 99/22, 47, 48 BREKKE PLANID 201504 Rådmannen sitt framlegg til vedtak: 1. Framlegg til detaljreguleringsplan for fritidsbustader Brekkesjøen gnr. 99, bnr. 22,47, 48 og del av gnr. 4 m.fl. i Bømlo datert 19.11.2015 med tilhøyrande reguleringsføresegner vert i medhald av plan- og bygningslova 12-10 vedteke utlagt til offentleg gjennomsyn. Saksprotokoll i Utval for areal og samferdsel - 27.01.2016 Vedtak: Utval for areal og samferdsel gjorde samrøystes vedtak i samsvar med rådmannen sitt framlegg. Dokument i saka: Brev frå AS Bygg Prosjekt v/daniel Fylkesnes med framlegg til reguleringsplan dato 29.12.2015 Sak i Utval for areal og samferdsel sak PS 33/15 dato 04.03.2015 Brev frå Bømlo kommune, brannvern v/bjørn Hroar Sortland dato 13.05.2015 Brev frå Fylkesmannen i Hordaland dato 18.05.2015 Brev frå Kystverket Vest dato 19.05.2015 Brev frå Bømlo vatn og avløpsselskap dato 20.05.2015 Brev frå Statens vegvesen region vest dato 10.06.2015 Brev frå Asbjørn Halleraker og Ole Magnus Brekke gnr. 99, bnr. 38 og 39 dato 23.06.205 Brev frå Wenche Sæverud Gåsland og Elin Sæverud gnr. 99, bnr. 21 dato 24.06.2015 Brev frå Lars Gunnar Brekke gnr. 99, bnr. 51 dato 24.06.2015 Brev frå Oddmund A. Krunenes gnr. 99, bnr. 11 dato 29.06.2015 Bakgrunn for saka: Utval for areal og samferdsel handsama i møte 04.03.2015 sak PS 33/15 prinsippsøknad for å melde oppstart av detaljreguleringsplan for fritidsbustadområde for gnr. 99, bnr. 22, 47, 48 og del av gnr. 4 m.fl. Brekkesjøen. Det vart gjort samrøystes slikt vedtak:
Side 3 av 10 1. I samsvar med 12-3 i Plan- og bygningslova vil rådmannen rå til at gnr. 99, bnr. 22, 47 og 48 og del av gnr. 4 m.fl. Brekkesjøen i Bømlo vert teke opp til regulering til fritidsbustadføremål med tilhøyrande tilkomstveg og parkeringsareal. Forslagsstillar skal melde oppstart av planarbeidet i samsvar med Plan- og bygningslova 12-8. 2. Som ein del av arbeidet med detaljreguleringsplanen skal det i samsvar med sjekklistene vist i kap. 1.1. Beredskapsomsyn i kommuneplanen gjennomførast ein risiko- og sårbarhetsanalyse. Eventuelle tiltak og avbøtande tiltak skal innpassast i føresegnene til reguleringsplanen og takast omsyn til ved utbygging. 3. Krav til parkering for fritidseigedomar, jmf. 4.3.6 i føresegner til gjeldande kommuneplan må takast med i reguleringsføresegner og i reguleringsplankart. AS Bygg Prosjekt v/daniel Fylkesnes har på vegne av Helga Lill Krunenes, Frode Bukkøy og John L. Økland sendt framlegg til privat detaljreguleringsplan for gnr. 99, bnr. 22, 47, 48 og del av gnr. 4 m.fl. PLANSTATUS: Kommuneplan I gjeldande kommuneplan er området vist som område for framtidig fritidsbusetnad, bruk og vern av sjø og vassdrag med tilhøyrande strandsone og LNRF-område. Det er krav til reguleringsplan i byggjeområda for 99/22,47 og 48. Reguleringsplan Området er ikkje regulert tidlegare. Planforslaget Forslagsstiller er Helga Lill Krunenes, Frode Bukkøy og John L. Økland. Planområdet er totalt ca. 3,3 daa. Av det er: 1. Bygningar og anlegg Småbåtanlegg i sjø og vassdrag med tilhøyrande strandsone Fritidsbustader 2. Samferdselsanlegg og teknisk infrastuktur Køyreveg Gangveg/gangareal Annen veggrunn/grøntareal Parkeringsplasser 3. Landbruks-natur- og friluftsformål samt reindrift Jordbruk 0,7 daa 0,7 daa 0,2 daa 0,1 daa 0,1 daa 0,6 daa 0,1 daa BYGNINGAR OG ANLEGG Fritidsbustad konsentrert Hovudformål med plan er å tilrettelegge for fritidsbygg innanfor eigedom g.nr. 99, br.nr. 22, 47 og 48. Totalt areal for fritidsbygg er ca. 0,7 daa. Arealet avgrenses til ovannemnde eigedomsgrenser og til formålsgrense mot sjø og mot gangveg i bakkant av området. Interne eigedomsgrenser kan regulerast
Side 4 av 10 av eigarane. Det kan totalt opprettast 5 eigedommar innanfor fritidsområdet. Byggeavstand til naboeigedomar utanfor planområdet skal vera min. 0,5 m. Innanfor planområdet kan ein avtale å bygge inntil nabogrenser. (Felles vegg i grense) Ein har nytta arealformålet fritidsbygg konsentrert for å kunne føre opp konsentrert bygningsmasse opp til maks 2 einingar pr. bygg. Bygningar kan førast opp som ein eller to etasjers bygg. Einingar kan delast både med vertikalt eller horisontalt skille, men utan kommunikasjon mellom brukseiningane. Utnytting av fritidsområdet og reglar for bygningar etc. skal fylgje reglar i fylgje Kommuneplan for Bømlo 2013-2025. Viser spesielt til pkt. 4.3. Ein nemner fylgjande: Utnytting: Maks bruksareal pr. eining er 110 m 2 BRA. BRA reknast for bygning i fylgje NS 3940. Mønehøgde maks 8,0 m. Kvar fritidseining kan bygge uthus/grillhus opp til 15 m 2 BTA og høgde maks 3,0 m. Fortrinnsvis i bakkant av eigedommen. Uthus kan også byggast som tilbygg til fritidshus utan dør mellom uthus og fritidshus. Utforming/estetikk: Takvinkel 35-45 o. Terrasse/veranda i bakkant av fritidshus er tillatt. Mot sjøside kan byggast altan maks 14 m 2 og maks 2,0 m ut frå vegg. Bygningsutforming og materialval skal tilstrebe eit maritimt miljø. Viser til tradisjonell utforming og materialval for fritidsbygg (rorbu) i standsona. Parkeringsplass for fritidseiningane: Gjeldande krav til p.plasser for fritidshus er i fylgje gjeldande kommuneplan 2 plasser for bil pr. fritidseining. I og med manglande tilkomstveg til fritidstomtene, er krav til parkering løyst ved at fritidseigedommane dokumenterer rett til 2 stk. plasser innanfor felles privat p.plass for området. P.plasser inngår i denne plan som del av samferdselsanlegg og teknisk infrastruktur. Parkeringsplasser skal vera opparbeida før løyve til tiltak for fritidsbustadar blir gjeve. Viser til rekkefylgjekrav ifylgje reguleringsføresegner. Renovasjon: Vedk. avfallslevering vises til gjeldande ordning som Bømlo kommune har i sambarbeid med SIM. I praksis må hytteeigarane levere avfall til utplasserte hyttecontainarar. Brannberedskap: Krav om slokkevatn og tilstrekkeleg tilkomst for redning og slukking ifylgje TEK 10 pkt. 11-17 m/veiledning. Ein er merksam på problemstillinga med tilkomst for tilstrekkeleg rask og effektiv slokke- og redningsinnsats. Krav til maks 50 m slangeuttak er vanskeleg samt at tilkomst for å nytte sjø som slokkevatn er også problematisk pga. gangveg med bredde ned til 1,0 m. Tilfredsstillande løysing vedk. slokkevatn må avklarast og dokumenterast før tiltak vert godkjent. Krav i fylgje dette framgår av reguleringsføresegnene. Småbåtanlegg i sjø og vassdrag Området med formål småbåtanlegg i sjø og vassdrag har areal ca. 0,7 daa. Området strekker seg frå noverande strandlinje og ut i sjø til plangrense her. Området skal nyttast for fast brygge samt flytebrygge og nødvendig plass for båt v/brygge og tilkomst for båt. Fast landbrygge skal forankrast til land og med stabil understøtte i sjø. Landbrygger skal kunne byggast utover småbåtanlegg ca. 5,0 m frå byggeområdet for fritidshus. Flytebrygge skal plasserast ut frå fast kai med nødvendig landgang frå denne. Flytebrygge skal ha maks storleik 15 m 2 og maks bredde 2,5 m. Eigedom med eventuelt gjeldande godkjent rett til større flytebrygge i området, skal fortsatt kunne nytte denne. Kai og
Side 5 av 10 flytebrygger skal tilretteleggast og oppankrast slik at desse ikkje hindrar normal ferdsel på sjø i området. Alle tiltak i sjø skal godkjennast av hamnemyndighetene før tiltak gjennomføres. SAMFERDSELSANLEGG OG TEKNISK INFRASTRUKTUR Kjøreveg Kjøreveg er avsatt som del av eksisterande veg fram til Brekkesjøen. Areal ca. 0,2 daa. Vegen er å rekne som felles privat tilkomstveg for dei som har tinglyst vegrett til sjøeigedommane. Området skal vera open for tilkomst til ei kvar tid. Skal ikkje nyttast som p.plass. Gangveg Frå tilkomstveg/p.plass er avsatt gangveg med bredde 1,0 m i bakkant av eksisterande og framtidige fritidseigedommar. Dette er felles privat gangveg for alle fritidseigedommane. Vegen skal til ei kvar tid vera open (bredde 1,0 m). Det kan ikkje byggast eller installerast noko som hindrar passering lags vegen. Ein skal tilstrebe å tilrettelegge vegen slik at universell utforming kan vera tilfredsstilt for heile veglengda. Anna veggrunn grøntareal Areal her har eit areal på ca. 100 m 2. Dette området utgjer skråning langs p.plass. Området skal fungere som grøntareal. Det skal her vera rett til å tilrettelegge for trapp/sti mellom veg og p.plass over grøntfelt. Parkeringsplass For å tilfredsstille krav til p.plasser for alle sjøeigedommane i området, er det utbygd stor felles/privat p.plass innanfor området i plan vist som p.plass. Areal utgjer ca. 0,6 daa og gjev plass for ca. 25-30 p.plasser (personbilar). Plasser er godkjent og utbygd ut frå tidlegare byggesak. Arealbruken reknast som vurdert i samband med godkjent søknad. P.plasser er disponible for alle som har tinglyst avtale om disponering. Krav til alle fritidseigedommane (einingane) er at dei disponerer 2 p.plasser kvar. Grunneigar av p.plassen skal tilsjå at antal rettigheter samsvarar med fysisk disponible plassar her. P.plass skal tilrettelegge spesiell plass for minst 2 stk. HC. p.plasser. Parkeringsplassen skal vera ferdig utbygd før løyve til oppføring fritidsbygg vert gjeve. Viser til reguleringsføresegner. LANDBRUKS- NATUR- OG FRILUFTSOMRÅDE SAMT REINDRIFT Eit mindre område innanfor plangrensa strekkjer seg innover LNFR-område. Dette arealet skal ikkje disponerast til anna enn som plan tilseier. Vurderingar: Merknader til oppstart av planarbeid I samband med oppstartsmeldinga er det kome inn nokre merknader som følgjer vedlagt. Her kjem planleggjar sine samandrag av innkomne merknader og hans kommentarar til desse: 1. Bømlo kommune, brannvern v/bjørn Hroar Sortland, 13.05.2015 Det må sytast for at krava i veiledning til forskrav om tekniske krav til byggverk, 11-17 om krav til kjørbar atkomst for brannvernet vert ivareteke. Ein er merksam på problemstillinga med tilkomst for tilstrekkeleg rask og effektiv slokke- og redningsinnsats. Krav til maks 50 m slangeuttak er vanskeleg samt at tilkomst for å nytte sjø som slokkevatn er også problematisk pga. gangveg med bredde ned til 1,0 m. Tilfredsstillande løysing
Side 6 av 10 vedkomande sløkkevatn må avklarast og dokumenterast før tiltak vert godkjent. Krav i fylgje dette framgår av reguleringsføresegnene 2.2 pkt. 02. 2. Fylkesmannen i Hordaland, 18.05.2015 Fylkesmannen legg til grunn at planarbeidet er i samsvar med overordna plan og at det ikkje er i strid med nasjonale føringar for arealpolitikken. ROS-analyse: Kommunane skal fremja samfunnstryggleik i si planleggi ng, jf. plan- og bygni ngslova (pbl.) 3-1 bokstav h. Pbl. 4-3 set difor krav om utarbeid ing av ROS-analyse i alle plansaker, samt krav til handtering av risiko i plan. ROS-analysen skal visa risiko og sårbarheit som har verknad for om arealet er eigna til utbyggi ng, og eventuelle end ringar i slike forhold som følgje av planlagt utbygging. Teknisk forskrift (TEK I0) definerer kva som er aksepta bel risi ko for m.a. flaum og skred. Akseptkriteria for anna type risi ko må definerast av kommunen. Fylkesmannen legg til grunn at slike akseptkriteria bør vera minst l ike strenge som for flaum og skred. Al le risikotilhøve skal merkast på plankartet med omsynssone. Vidare skal krav t il risikored userande t iltak gå fram av planføresegnene. På nettsida www.miljokommune.no kan ein hente nyttige tips ti l planleggi ng. Vi ønskjer lykke til vidare med planarbeidet. Viser til vedlagt plangrunnlag med ROS-analyse. 3. Kystverket Vest, 19.05.2015 Det opplyses at planen gjelder oppstart av detaljreguleringsplan for fritidsbustader. Eksisterende arealbruk i planområde er i dag fritidsbustader med tilhørende trafikkareal og parkeringsplasser. I gjeldende kommuneplan er området vist som fritidsboliger med krav til reguleringsplan. Ved planlegging i sjø må det tas hensyn til sjøvertsferdsel, og det er derfor viktig at det ikke planlegges tiltak/aktiviteter som kan komme i konflikt med fremkommeligheten i farvannet. Det må tas med i planbestemmelsene at tiltak som faller inn under havne- og farvannslovens bestemmelser skal godkjennes av havnemyndighet. Dette er teke med i reguleringsføresegner 2.2 pkt. 05. 4. Bømlo vatn og avløpsselskap AS, dato 20.05.2015 Bømlo Vatn og Avløpsselskap AS har følgjande merknader til reguleringsplanen: 1. VA-plan må utarbeidast og godkjennast av BVA før anleggsstart. 2. Kostnaden med framlegging, utbygging og tilkopling av VA leidningar til offentlig nett må takast av utbyggjar. Det er teke omsyn til merknad i planarbeidet jf. føresegner 2.2 pkt. 02 Generelle tilhøve som avklarast i samband med gjennomføring. Viser ellers til planomtale. Kostnadstilhøve vedkjem ikkje plansaka. 5. Statens vegvesen region vest, 10.06.2015 Planområdet ligg ikkje til riks- eller fylkesveg og fører heller ikkje til tiltak på desse. Vi har difor ingen merknader til planen.
Side 7 av 10 6. Asbjørn Halleraker og Ole Magnus Brekke ( 99/38,39), 23.06.2015 Viser til brev datert den 13/5 2015 ang oppstart planarbeid Brekkesjøen, Bømlo G.nr.99. Når det gjeld felles gangveg i bakkant av eksisterande fritidshus, kan bnr. 38 og bnr. 39 ikkje godta breidda på 1,5 m. Arealet vårt er lite i utgangspunktet, og med gangvegen lagt slik som skissa viser, blir tomtene våre svært reduserte Bredda ifylgje offentliggjering av plan er oppgjeven til 1,5 m. Denne er no i planforslaget redusert til 1,0 m for heile vegtraseen. 7. Wenche Sæverud Gåsland og Elin Sæverud ( 99/21), 24.06.2015 Vi er eigar av bruks nr. 21 på den aktuelle gnr. 99 og er næraste nabo i aust til omsøkte planområde. Tomta vår høyrer til Brekke med gnr. 99 og vi ynskjer primært at den skal bli innlemma i planområdet og såleis bli ein del av den kommande reguleringsplanen. Om det ikkje kan la seg gjere å utvide planområdet meiner vi at det idet minste i reguleringsplanen må sikrast tilkomst til vår tomt over Brekke. Vi vil peike på at planområdet i sjø går vesentleg ut over det som er avsett i kommuneplanen. Vi vil også minne om at kommuneplanen ikkje opnar for tiltak i sjø innafor det avsette planområdet. Denne utvidinga av planområdet i sjø meiner vi taler sterkt for at vår tomt bør innlemmast i reguleringsplanen, i motsett fall vil planen sterkt innskrenke tilkomsten i sjø til vår tomt. Vi kan ikkje akseptere tiltak i sjø som vil redusera tilkomsten til vår tomt og må derfor be om at plangrensa i sjø vert sett som i gjeldande kommuneplan om det ikkje lar seg gjere å utvide planområdet mot aust. Ynskje om utvida reguleringsområdet vidare mot aust Planområdet er avgrensa til hensynssone i kommuneplan som har krav til regulering. Forslagstiller/eigar her ynskjer å avgrensa plan som valt. Planavgrensing er også avklart med kommunen ifylgje oppstartsmøtet. Vidareføring gangveg over planområde til eigedom 99/21. Gangveg er avslutta innanfor 99/22 då eigedom 99/21 ikkje har rett til veg over planområdet. Planavgrensing i sjø Planområdet i sjø er noko redusert i høve plan som vist i fylgje offentliggjering. Vidareføring av grenselinje mellom eigedom 99/22 og 99/21 ut i sjø er vurdert ut frå gjeldande regelverk. 8. Lars Gunnar Brekke (99/51), 24.06.2015 Felles gangveg skal vera 1,0 m som i skylddelingspapirer. Bredda ifylgje offentliggjering av plan er oppgjeven til 1,5 m. Denne er no i planforslaget redusert til 1,0 m for heile vegtraseen. 9. Oddmund A. Krunenes (99/11 sameige), 29.06.2015
Side 8 av 10 Området fig.1,eier jeg en andel av. Dette området er fra gammelt av, et sted for å dra opp båter og vedlikeholde båter. Stedet skal fortsatt brukes til det. Ved den stadig utbygging av rorbuer og mer folk i området, ber jeg om at utbygger bygger og vedlikeholder et kjøresterkt rekkverk på østsiden for å ivareta sikkerheten når en drar opp båter med traktorer og lignende. Det gjøres også tiltak for at ikke blir anledning for å parkere biler der. Fig 1. Etter de siste årene privatisering og bygging av rorbuer i strandsonen i området ber jeg om at området fig. 2 anlegges det gjestehavn. Dette merkes tydelig fra sjøen, så folk vet hvor en kan gå på land. Ved den nylige opparbeidet parkeringsplass,merkes det opp til 4stk. gje steparkering. Isamme området settes det opp et orienteringskart som viser vei til og fra gjestehavn og parkeringsplass.
Side 9 av 10 Fig. 2 I I I I [' 0... I \ Når det gjelder eiere av gnr/bnr 99 /48 er ikke alle reelle eiere med i matrikkel. Legger ved tinglyst kjøpsavtale som viser at byggesaksbehandler i Bømlo kommune, Kåre Valde også er eier. Regner med at det orienteres til de rette personer i Bømlo kommune. Gjeld fysisk tiltak innanfor eigedom for sameige. Denne eigedommen inngår ikkje i plan. Tiltaket er heller ikkje relevant i saka. Ynskje om gjestehamn innanfor planområdet. Dette vil komme i konflikt med eigedomsinteresser og er ikkje aktuelt. Opplysningar vedk. eigartilhøve eigedom 99/48. Dette vedkjem ikkje reguleringssaka. Vurderingar: I planforslaget ynskjer ein å leggje til rette for etablering av fritidsbustader med tilhøyrande tilkomstveg, parkeringsareal og småbåtanlegg. I gjeldande kommuneplan er området vist som fritidsbustad med krav til regulering. Område i sjø er vist som bruk og vern av sjø og vassdrag med tilhøyrande strandsone. Planarbeidet er såleis i samsvar med gjeldande plangrunnlag. Rådmannen sluttar seg til planleggjar sine vurderingar og rår til at framlegg til privat detaljreguleringsplan for fritidsbustader Brekkesjøen gnr. 99, bnr. 22, 47, 48 og del av gnr. 4 vert lagt ut til offentleg gjennomsyn. Økonomiske konsekvensar: Utbyggjar skal dekka alle kostnadane med utbygginga. Miljømessige konsekvensar: Det er ikkje registrert viktige viltområder eller naturtypar i planområdet.
Side 10 av 10 Beredskap- og samfunnstryggleik: Fagkunnig har gjennomført ROS-analyse. Det er ingen tiltak i raudt felt, dvs. ingen tiltak er naudsynt. Folkehelse: Planen ligg til rette for at området kan brukast til fritidsaktivitetar. Auka friluftsaktivitetar er generelt positivt for folkehelsa. Oppsummering og konklusjon: Det ligg ikkje føre vesentlege merknader i samband med oppstart av planarbeidet. Rådmannen viser til vurderingane som går fram av saka og rår til at framlegg til privat detaljreguleringsplan for fritidsbustader Brekkesjøen gnr. 99, bnr. 22, 47, 48 og del av gnr. 4 vert lagt ut til offentleg gjennomsyn.