Hjartdal kommune Styre, råd, utval Møtedato Saknummer Sakshandsamar Utval for plan og utvikling 26.08.2015 042/15 AEB Kommunestyret 09.09.2015 079/15 AEB Saksansvarleg: Anne E. Bamle Arkiv: K2-L12 Arkivnr.: 14/2696 DETALJREGULERINGSPLAN - ADKOMSTVEG TIL FLUGONFJELL OG, DEL AV 90/3, 90/4, 90/20, 90/21, 90/23 M.FL. - EIGENGODKJENNING Dokument i saka: Nr T Dok.dato Avsendar/Mottakar Tittel 11 S 12.11.2014 DETALJREGULERINGSPLAN - NY ADKOMSTVEG FLUGONFJELL OG, DEL AV 90/3, 90/4, 90/20, 90/21, 90/23 M. FL., FORSLAGSSTILLAR TUDDAL EIENDOMSUTVIKLING AS 12 I 25.11.2014 Adv. Bjørbæk AS KOPI AV BREV SENDT FYLKESMANNEN I TELEMARK VEDK. ADKOMSTVEG TIL FLUGONFJELL OG 13 U 01.12.2014 Sjå adresseliste DETALJREGULERINGSPLAN TIL OFFENTLEG ETTERSYN OG HØYRING - NY ADKOMSTVEG TIL FLUGONFJELL OG, DEL AV 90/3, 90/4, 90/20, 90/21, 90/23 M.FL. 19 I 09.12.2014 Telemark Fylkeskommune 15 I 10.12.2014 Region sør Statens vegvesen SVAR - HØRING AV DETALJREGULERING AV ADKOMSTVEG TIL FLUGONFJELL OG REGULERINGSPLAN FOR NY ADKOMSTVEG TIL FLUGONFJELL OG - HØRINGSUTTALE 16 I 14.12.2014 Ole G. Rue MERKNAD TIL NY ADKOMSTVEG FLUGONFJELL/ 17 I 16.12.2014 Fylkesmannen i Telemark UTTALE - NY VEGTRASSE FLUGONFJELL -. KOPI AV BREV TIL ADV BJØRBÆK 18 I 30.12.2014 Notodden kommune ADM. UTTALE - ADKOMSTVEG TIL FLUGONFJELL OG SVAR PÅ HØYRING - NY ADKOMSTVEG FLUGONFJELL- 20 I 07.01.2015 Direktoratet for mineralforvaltning 21 I 13.01.2015 Adv. Bjørbæk AS INNSPEL TIL DETALJREG.PLAN - NY ADKOMSTVEG FLUGONFJELL- 22 I 15.01.2015 Adv.Bjørbæk AS SAK. 14/4563-2 -VARSEL OM OPPSTART AV
DETLJREGULERING. KOPI AV BREV TIL TELEMARK FYLKESKOMMUNE 23 I 15.01.2015 Stein Vidar Hansen MERKNAD TIL PLANFORSLAGET - NY ADKOMSTVEG FLUGONFJELL- 24 I 15.01.2015 Hjartdal elverk MERKNAD TIL PLANFORSLAGET - ADKOMSTVEG TIL FLUGONFJELL - 25 I 15.01.2015 Fylkesmannen i Telemark 26 U 26.03.2015 Adv. Bjørbæk AS; Multiconsult; Tuddal Eiendomsutvikling AS UTTALE TIL REGULERINGSPLAN - NY ADMKOMSTVEG FLUGONFJELL - DETALJREGULERINGSPLAN - NY ADKOMSTVEG TIL FLUGONFJELL OG. VARSEL OM UNDERSØKELSER I MARKA 27 I 18.06.2015 Ecofact AS NOTAT BIOLOGISK UNDERSØKING 28 X 23.06.2015 Plan, bygg og oppmåling - Anne E. Bamle E-POSTUTVEKSLING KOMMUNEN - MULTICONSULT OG ECOFACT Vedlegg: Plankart, planomtale og føresegner Dok nr 25, 26, 27, 28, 19, 15, 20, 18, 24, 21, 12, 17, 22, 16 og 23 Aktuelle lover, forskrifter, avtaler m.m.: LOV-2008-26-07-71: Lov om planlegging og byggesaksbehandling (pbl) LOV-2009-06-19-100: Lov om forvaltning av naturens mangfold (nml) Kommuneplanen for Hjartdal kommune 2010-2020 Saksgang: Utval for plan og utvikling tilrår Kommunestyret eigengodkjenner planen Bakgrunn for saka: Grunneigarar: Fleire Forslagsstillar: Tuddal Eiendomsutvikling AS Regulant: Multiconsult Detaljreguleringsplanen blei handsama første gong i Utval for plan og utvikling 26.11.14 og lagt ut til offentleg ettersyn og høyring. Bakgrunnen for planen er å legge til rette for ny adkomstveg til hyttefelta i Hovdemarken, Flugonfjell og Kålidalen. Det er i dag to adkomstvegar; ein via Hovdevegen og ein via Flugonvegen. Detaljreguleringsplanen gjeld omlegging av dei første 600 m av Flugonvegen.
Det er rekkefølgjekrav i fleire gjeldande reguleringsplanar i Hovdemarken og i Flugonfjell at ny adkomst må etablerast. Traseen er tidligare detaljprosjektert i tråd med jordskifteskjønn i 2011. Detaljreguleringsplanen er i tråd med arealdelen i kommuneplanen. Vurdering: I gjeldande arealdel til kommuneplanen ligg traseen inne som framtidig samleveg. Tiltaket har vore gjenstand for motsegn frå Fylkesmannen i Telemark, men motsegna vart trekt og arealdelen godkjent 22.10.14. I høyringsperioden har det kome inn innspel og merknader frå: Fylkesmannen i Telemark 14.01.15 Fylkesmannen ber om at det blir gjennomført ei undersøking og eit notat med vurderingar etter 8 12 i naturmangfoldloven. Undersøking i marka for mellom anna å undersøke om beitemarka i området har særskilte verdiar som ugjødsla beitemark blei gjennomført 15.06.15. Rapport frå firma Ecofact datert 18.06.15 syner ei slåttemark på 0,7 da som får verdi B (viktig) Verdien er satt til B grunngjeve med at slåttemarka er i hevd eller har vore i hevd til ganske nyleg. Storleiken og mangel på raudlisteartar gjer at lokalitet ikkje får verdi A (svært viktig). Dette er dei to verdiane (lokalitetar) som finnes, jamfør forskrift om utvalte naturtyper etter nml. Som avbøtande tiltak er det foreslått at traseen med fordel kan leggast utanom slåttemarka. Som det gjeng fram av vedlagte e-post-korrespondanse i etterkan av rapporten, ligg traseen allereie utanom slåttemarka. Eit anna avbøtande tiltak, som ikkje har med funnet av slåttemarka å gjere, men som Ecofact meiner kan lette framtidig bruk av området som jordbuksområde, er å flytte traseen til meir skogkledde areal. Rådmannen finn ingen grunn til å fremme framlegg som gjer at det må søkjast om dispensasjon frå kommuneplanens arealdel. Rapporten syner at naturmangfoldloven er tatt omsyn til ved valt trase. Telemark fylkeskommune 09.12.14 Fylkeskommunen sin konklusjon er at dei ikkje har merknader til planframlegget. Grunngjevinga er at framlegget er i tråd med kommune og ikkje i konflikt med regionale arealbruksinteresser. Ingen Statens vegvesen 09.12.14 Vegvesenet har to krav dei vil ha inn i føresegnene: Eksisterande avkjørslar ved fylkesvegen som er vist stengd skal vere stengd seinast når det nye krysset K1/K2 tas i bruk Teknisk plan for krysset K1/K2 må godkjennast av Statens vegvesen før arbeidet med vegen K2 kan starte opp. Krav 1 er satt inn i føresegnene punkt 2.2
Krav 2 er satt inn i føresegnene 3. setning i punkt 1.2, men er endra av rådmannen til å lyde: Teknisk plan for krysset K1/K2 må godkjennast av Statens vegvesen før arbeidet med vegen K1 kan starte opp. Direktoratet for mineralforvaltning 07.01.15 Ingen merknader. Ingen Miljøhygienisk avdeling 30.12.14 Ingen merknader. Ingen Hjartdal elverk AS 15.01.15 Elverket gjer merksam på at kryssing og nærføring av dei sine anlegg må tilfredsstille forskrift FEA-F 1995. Blir tatt til etterretning. Advokatene Bjørbæk AS 13.01.15 Uttale er gitt på vegne av grunneigarane Oddgeir Kasin, Anlaug Rue Oikarinen og Olav J. Kåsa. Kasin og Kåsa vert direkte berørt av traseen medan Oikarinen leigar bort si jord til Kåsa. Oikarinen vert derfor indirekte berørt fordi tiltaket vil vanskeleggjere landbruksdrifta til Kåsa. Konklusjonen i uttala er at Tiltaket vil beslaglegge landbruksjord Tiltaket vil vanskeleggjere vidare landbruksdrift Tiltaket kan føre til nedlegging av drift på gardane Tiltaket fører til at 90/4 mister vegadkomst til eigne driftsbygningar Tiltaket fører til at 90/20 mister to avkøyringar Tiltaket fører til at 90/21, regulert til næring, vert beslaglagt Tiltaket fører til at Rue-grenda fortsatt må bære all belastning frå hyttetrafikken Vidare meiner advokat Bjørbæk at det er fleire alternative trasear som ikkje legg beslag på landbruksjord. Han ber om at konsekvensar og alternativ vert utgreia nærare før detaljerregulering blir gjennomført. På generelt grunnlag vil rådmannen si at tiltaket er i tråd med overordna kommuneplan. Kommuneplanen har vore gjenstand for sakshandsaming i kommunen gjennom lang tid og tiltaket har vore gjenstand for eigen handsaming i kommuneplanen sin arealdel. Fylkesmannen kom som nemnt under bakgrunn for saka med motsegn til kommuneplanen sin arealdel nettopp på dette tiltaket. Motsegna blei til slutt trekt og arealdelen til kommunen blei samrøystes eigengodkjent så seint som i oktober 2014. Denne detaljreguleringsplanen er den første planen som er til (slutt)handsaming i tråd med gjeldande kommuneplan.
Med dette som bakteppe og med respekt for den omfattande sakshandsaminga som arealdelen har fått, finn rådmannen det vanskeleg å gå inn i dei merknadane som advokat Bjørbæk kjem med. Det er dei same merknadane som kom til kommuneplanen sin arealdel og som kommunestyret har vurdert i den samanheng. I tillegg til den konsekvensutgreiinga som tiltaket var gjenstand for under arbeidet med arealdelen, har det no vore gjennomført ny registrering/ny biologisk vurdering av traseen. Rådmannen syner til rapport frå Ecofact som er omtalt tidligare under uttala frå Fylkesmannen i Telemark. Rådmannen vil kommentere to av punkta i advokat Bjørbæk sin konklusjon nærare: 90/4 mister vegadkomst til eigne driftsbygningar. Det er lagt inn ny adkomst med rekkefølgjekrav om at denne skal opparbeidast samtidig som ny veg blir bygd. Det er nemnt av advokat Bjørbæk ei næringstomt som ligg der ny trase forlèt fylkesvegen. Kartfesting av denne tomta blei gjort 1. august 2014 etter ei opprydding av eit gamalt skyldskifte. Samtidig blei grensa mellom 90/3 og 90/9 noko endra. Det same skjedde mellom 90/23 og 90/9. Etter rådmannen si vurdering har dette ingen betydning for saka. Næringstomta blei ikkje etterlyst av eigar under arbeidet med arealdelen. Rådmannen kan ikkje sjå at resultatet, dvs arealdelen til kommuneplanen, hadde fått anna handsaming om plasseringa av næringstomta hadde vore kjent på eit tidligare tidspunkt. Det er korrekt at 90/20 mister to avkøyringar frå fylkesvegen. Det er gjort etter krav frå Statens vegvesen i eit møte 21.10.14. Tema for møtet var i hovudsak planavgrensing, avklaring rundt eksisterande avkøyrslar frå fylkesvegen til mellom anna dagens veg samt adkomst frå den nye vegen til eigedomar som naturleg kan få ny adkomst. Det er lagt inn i planframlegget ny adkomst til mellom anna 90/20 frå den nye traseen. Til slutt nemner rådmannen at advokat Bjørbæk har sendt brev 21.11.14 til Fylkesmannen i Telemark kor han gir uttrykk for at han ikkje forstår på kva grunnlag motsegna til kommuneplanen sin arealdel vart trekt. Vedlagt i saka ligg dette brevet samt Fylkesmannen sitt svarbrev datert 16.12.14. Advokat Bjørbek sendte den 13.01.15 brev til Telemark fylkeskommune om at han ved ein synfaring i området i oktober 2014 blei merksam på merker i terrenget som kan vitne om at det kan ligge kulturminne midt i den foreslåtte traseen. Rådmannen har ingen kommentarar til desse to breva. Dei er ikkje stila til kommunen. Ole G. Rue 12.12.14 Rue peikar på at kartet er feil. Det stemmer og vil seinast bli korrigert til kommunestyret si handsaming. På grunn av ferieavvikling kan ikkje rådmannen garantere at korrigert kart kjem til handsaminga i Utval for plan og utvikling. Som nemnt tidligare i saka blei eit eldre skyldskifte kartfesta i august 2014 samtidig blei grensa mellom 90/3 og 90/9 noko endra. Det same skjedde mellom 90/23 og 90/9. Stein Hansen på vegne av Steinsarmen Hytteforening og Flugonfjell Hytteforening 15.01.15
Hytteforeningane ber om at det blir utført trafikktelling. Vidare ber dei om at heile traseen opp til planlagt veg til Hovdemarken blir vurdert og at det blir utarbeida ei konsekvensanalyse basert på kva auka trafikk fører med seg. Dei meiner stigning, breidde og underlag er for dårleg til å tåle dagens trafikkmengde. Hytteforeningane ber kommunen stille krav til betre vegstandard for heile Flugonvegen før planen vert eigengodkjent. Flugonvegen er ein privat veg. Kommunen er ikkje rett adressat for hytteforeningane sine framlegg og krav. Rådmannen si samla vurdering er at planen no kan leggast fram for slutthandsaming og eigengodkjenning. Planen er i tråd med kommuneplanens arealdel og manglande utgreiing etter naturmangfoldloven 8 12 er gjennomført. Avbøtande tiltak er ikkje naudsynt da slåttemarka ikkje vert berørt av traseen. RÅDMANNEN TILRÅR: Med heimel i plan og bygningsloven 12-11 og 12-12 eigengodkjenner Hjartdal kommunestyre detaljreguleringsplan for ny adkomstveg til Flugonfjell og Hovdemarken, del av 90/3, 90/4, 90/20, 90/21, 90/23 m.fl. Saksordførar: 26.08.2015 Utval for plan og utvikling Handsaming: Bjørg Sletta Rue stilte spørsmål om eigen habilteit. Ho er grunneigar og part. Inger Øya Grøgård stilte spørsmål ved sin eigen habilitet. Ho er oppsittar til Flugonvegen. Utvalet sa Inger Øya Grøgård samrøystes inhabil etter fvl 6,2. ledd, særegne forhold, og Bjørg Sletta Rue samrøystes inhabil etter fvl 6, 1. ledd, bokstav a. Utvalet valte Heidi K. Solberg som leiar under handsaminga av denne saka. Det var 5 medlemmer til stades. Saka vart drøfta. Utvalet sine medlemmer synte til brev grunneigar Oikarinen som mente det var kulturminner i området. Rådmannen la fram rapport datert 01.06.12 frå Telemark Fylkeskommune som syner at planen ikkje kjem i konflikt med automatisk freda kulturminner. Utvalet valte Mathias Kleppen som saksordførar.
Votering: 4 stemte for og 1 stemte mot rådmannen si tilråding. POU-042/15 VEDTAK: Med heimel i plan og bygningsloven 12-11 og 12-12 eigengodkjenner Hjartdal kommunestyre detaljreguleringsplan for ny adkomstveg til Flugonfjell og Hovdemarken, del av 90/3, 90/4, 90/20, 90/21, 90/23 m.fl. Saksordførar: Mathias Kleppen 09.09.2015 Kommunestyret HANDSAMING: Bjørg Sletta Rue stilte spørsmål om eigen habilteit. Ho er grunneigar og part. Inger Øya Grøgård stilte spørsmål ved sin eigen habilitet. Ho er oppsittar til Flugonvegen. Gunhild Dølen møtte. 16 av 17 tilstades. Olav Listul fremma følgjande forslag: Saka sendast tilbake til administrasjonen for å: - berekne støy - eventuelt vurdere alternative traseer VOTERING: Forslaget frå Listul blei sett opp mot tilrådinga frå utval for plan og utvikling. Utval for plan og utvikling si tilråding blei vedteke med 10 mot 6 stemmer. KOM-079/15 VEDTAK: Med heimel i plan og bygningsloven 12-11 og 12-12 eigengodkjenner Hjartdal kommunestyre detaljreguleringsplan for ny adkomstveg til Flugonfjell og Hovdemarken, del av 90/3, 90/4, 90/20, 90/21, 90/23 m.fl.