Vår dato: Vår referanse: Sak nr D- 22.09.2016 2014/370-50122720/2016 Vår saksbehandlar: Direkte telefonnr.: Dykkar dato: Dykkar referanse: Njål Gunnar Slettebø 53 42 31 32 «REFDATO» «REF» «MOTTAKERNAVN» «ADRESSE» «POSTNR» «POSTSTED» VEDTEKEN PLANSTRATEGI BØMLO KOMMUNE 2016-2020 Kommunestyret i Bømlo handsama i møte 19.09.2016 sak 81/16 revidert planstrategi for Bømlo kommune. Kommunestyret gjorde samrøystes slikt vedtak: Bømlo kommune vedtek med dette revidert planstrategi for Bømlo kommune 2016-2020 datert mai 2016. Med helsing Bømlo kommune Njål Gunnar Slettebø Landbrukssjef Dette brevet er godkjent elektronisk og har derfor inga underskrift Adresse: Rådhuset, Leirdalen 1, 5430 BREMNES Telefon: 53 42 30 00 Organisasjonsnr.: 834 210 622 postmottak@bomlo.kommune.no Telefax: 53 42 30 01 Bankgiro: 3201.61.51687 www.bomlo.kommune.no Postgiro for skatt: 6345.06.12199
Side 2 av 8 Saksutgreiing til folkevalde organ Dato: Arkivref: 12.08.2016 2014/370-18776/2016 / 501 Saksbehandlar: Njål Gunnar Slettebø 53 42 31 32 njal-gunnar.slettebo@bomlo.kommune.no Sak nr i møte Utval Møtedato 53/16 Formannskapet 06.09.2016 81/16 Kommunestyret 19.09.2016 REVIDERT PLANSTRATEGI BØMLO KOMMUNE 2016-2020 Saksprotokoll i Kommunestyret - 19.09.2016 Vedtak: Kommunestyret gjorde samrøystes vedtak i samsvar med rådmannen sitt framlegg. Saksprotokoll i Formannskapet - 06.09.2016 Innstilling: Formannskapet innstiller samrøystes overfor kommunestyret i samsvar med rådmannen sitt fremlegg. Rådmannen sitt framlegg til vedtak: Bømlo kommune vedtek med dette revidert planstrategi for Bømlo kommune 2016-2020 datert mai 2016. Dokument i saka: Vedtak i kommunestyret 23.09.2014 sak 77/14 Melding om oppstart av arbeidet med rullering av vedteken planstrategi med brev av 09.02.2016 Brev frå Fylkesmannen datert 11.02.2016 og 28.06.16 Internt notat frå Folkehelsekoordinator og kommuneoverlege datert 18.02.2016 Mandat frå rådmann datert 29.02.16 Brev frå Fylkeskommunen datert 22.02.2016 og 16.08.16 Brev frå Kystverket vest datert 04.03.2016 Brev frå Statens vegvesen datert 18.03.16 og 01.07.16 Brev frå Autoservice AS datert 13.03.16
Side 3 av 8 Brev frå Fiskeridirektoratet datert 22.03.16 og 12.08.16 Brev frå Fiskarlaget Vest datert 30.03.16 og 11.07.16 Vedtak i Formannskapet 31.05.2016 Brev frå BVA datert 28.06.16 Brev frå Landmark Maskin AS motteke 18.08.16 Bakgrunn for saka: I juli 2009 trådde ny plan- og bygningslov i kraft. 10-1 er førande: «Kommunestyret skal minst en gang i hver valgperiode og senest ett år etter konstituering, utarbeide og vedta en kommunal planstrategi. Planstrategien bør omfatte en drøfting av kommunens strategiske val knyttet til samfunnsutvikling, herunder langsiktig arealbruk, miljøutfordringer, sektorenes virksomhet og en vurdering av kommunens planbehov i valgperioden.» Kommunestyret vedtok gjeldande planstrategi for Bømlo kommune 23.09.2014 for åra 2014-2018. Rådmannen nedsette ei arbeidsgruppe 29.02.2016 som fekk mandat til å utarbeide revidert planstrategi til formannskapsmøte 31 mai 16. Formannskapet handsama i møte 31.05.2016 framlegg til revidert planstrategi Bømlo kommune 2016-2020. Det vart samrøystes gjort slikt vedtak: Bømlo Formannskap legg framlegg til planstrategi for Bømlo kommune 2016-2020 ut til offentleg gjennomsyn. Framlegg til planstrategi vert sendt på høyring slik det no ligg føre. Kva er ein planstrategi? Kommunal planstrategi er ikkje ein plantype, men eit verktøy for kommunen til å fastlegge det vidare planarbeidet. Planstrategien definerer difor i seg sjølv ingen nye utviklingsstrategiar, men peikar på utfordringar som skal løysast i fastlegginga av strategiar, føringar og tiltak ved revidering av eksisterande planar eller utarbeiding av nye i ein 4 års periode. Planstrategien vil og kunne gje grunnlag for å vurdere om einskilde planar skal opphevast. Kommunen kan revidere planstrategien i løpet av perioden etter behov. Planstrategien er ikkje formelt bindande for kommunen, og kan fråvikast dersom det er gode grunner for det. Det er ikkje krav til same høyring og offentleg ettersyn som planar utarbeida etter plan- og bygningslova. Ein har plikt til å innhenta synspunkt frå statlege, regionale organ og nabokommunar. Forslag til planstrategi skal offentleggjerast minst 30 dagar før handsaming i kommunestyret. Planstrategien vert vedteken av kommunestyret og kan ikkje påklagast eller fremjast motsegn til. Høyringsfråsegner: Revidert planstrategien vart sendt ut til høyringsinstansane og utlagt til offentleg gjennomsyn i tida 10.06.2016 til 15.08.2016. Det kom inn desse høyringsfråsegnene: Bømlo Vatn og Avløpsselskap: BVA har fylgjande merknad: Det er eit omfattande og godt dokument som ligg føre. I forhold til kap. 12 Beredskap og samfunnstryggleik, ser BVA det slik at det i enkelte av dei planane som skal utarbeidast, er viktig å være med i utarbeidinga. Dette håper me at det blir tatt omsyn til. Fylkesmannen i Hordaland-ingen merknad
Side 4 av 8 Norges vassdrags- og energidirektorat (NVE) ingen merknad Fiskarlaget Vest: utdrag av brevet av 11.07.16 Revidering av kommuneplanen, samfunns- og arealdelen, er planlagt starta i 2017. Fiskarlaget Vest ser svært positivt på arbeidet som er sett i gang med fiskerihamna i Hovlandshagen. I framlegg til planstrategi står det og m.a.; «- leggje til rette for fleire småbåthamner og-sikre eigna lokalitetar for oppdrettsnæringa.» Når det gjeld både etablering av småbåthamner og lokalitetar for oppdrettsnæringa må ein plassere dei i område som ikkje kjem i konflikt med fiskeriinteressene. Sjøvern i høve fiskeri må vere like naturleg som jordvern for jordbruk. Når det gjeld oppdrettsanlegg kan ikkje Fiskarlaget Vest godta at m.a. fortøyingar kjem inn i reketrålfelt, som er naturlege område som ikkje kan flyttast. I tillegg er ein skeptisk til plassering av lakse-/ørretoppdrett ved reketrålfelt i høve m.a. bruk av avlusingsmidlar som kan skade andre krepsdyr enn lusa, jf. rapport frå Havforskningsinstituttet om saka i januar 2013. IRIS i Stavanger har og gjort nokon forsøk i høve bruk av einskilde avlusingsmiddel i høve reke. Ein nyttar og andre avlusingsmiddel, som ein gjerne ikkje kjenner konsekvensane av for det marine liv. I den samanhengen kan nemnast at ein har funne ut at kobbar (som er brukt på merdane) ikkje går saman med avlusingsmetoden ved bruk av hydrogenperoksid. I høve miljø må ein og ta med at merd ane no blir spylt reine på lokaliteten, og den forureininga det utgjer. Når det gjeld småbåthamner vil Fiskarlaget Vest vise til at det finst to viktige publiseringer kring tema småbåthamner. Den eine er NGl-rapport "Kartlegging av forurensing i utvalgte småbåthavner i Norge" (TA-2751/2010), som viser at småbåthavner forurensar grunnen og sjøbotn, og at spyling og vedlikehald av skrog er den største kjelda. ClENS-rapport: 2-2011" Helhetlig planlegging og utvikling av miljøvennlige småbåthavner. Kunnskapsstatus" gjev ei rekkje råd om korleis negativ miljøpåverknad frå småbåthamner kan avgrensast. Ein vil vise til Fiskeridirektoratet si nettside når det gjeld registrerte fiskeriinteresser I kartet kan ein leggje på ulike lag når det gjeld m.a. «Kystnære fiskeridata», «Marint biologisk mangfold» og «Farled, fiskerihavner» Bruken av kystsona, på land og sjø, heng tett saman, og det må ein ha med seg i den vidare planlegginga. Ein vil og samstundes minne om at framtidige generasjonar og må ha mogelegheit til å utnytte strandsona.
Side 5 av 8 På bakgrunn av ovannemnde forutset ein at kommunen ivaretar fiskeriinteressene både på sjø og land, dvs. nausta real inkl. kai, mottak av fisk, leverandørar og andre som har til knyting til fiskeri i ulike plansamanhengar i tillegg til samfunns- og arealdelen, t.d. kommunedelpan vatn og avløp, strategisk næringsplan. I planlegginga må kommunen og m.a. ta omsyn til naturmangfaldlova og vassrammedirektivet. Til slutt vil ein igjen minne om at Fiskarlaget Vest /Sunnhordland Fiskarlag må bli tatt med i arealplanlegginga frå starten av. Statens vegvesen: Statens vegvesen har ansvaret for at føringar i nasjonal transportplan, Statlege planretningslinjer for samordna bustad- og transportplanlegging, vegnormalane og andre nasjonale og regionale arealpolitiske føringar vert ivareteken i planlegginga. Vi kjem med uttale som forvaltar av riksveg på vegne av staten, forvaltar av fylkesveg på vegne av fylkeskommunen, og som statleg fagmynde med sektoransvar innan vegtransport. Bømlo kommune har nyleg vedteke oppdatert trafikksikringsplan. Den er eit viktig verktøy på fleire måtar, og me brukar den aktivt når det skal søkast om midlar på budsjetta. Det er svært viktig å ha ein oppdatert plan på dette området. Bømlo har inngått avtale som trafikksikker kommune, noko som er svært positivt og gjer trafikksikringsplanen endå meir aktuell. Bømlopakken går sin gang med fin framdrift i prosjekta. Godt samarbeid mellom Bømlo kommune/bømlo vatn og avløp og Statens vegvesen er avgjerande for at framdrifta går fint. Ei samordning mellom vegbygging og utbygging av vatn og avløpsnettet er samfunnsnyttig. Ein revisjon av prosjekt og kostnader i Bømlopakken er starta opp, og det er mogeleg at nye prosjekt vert teke med. Elles er det fleire prosjekt under arbeid utanom Bømlopakken, og fleire småprosjekt som ein har fått midlar til, blant anna bygging av fortau frå Tverråna til Svortland, fleire busslommer og busskur er komen på plass, og det pågår planarbeid for strekninga Tverråna Alvsågkrysset og for miljøgate gjennom Svortland sentrum. Her vil det særleg bli lagt vekt på tilrettelegging for mjuke trafikkantar. Bømlo kommune ser føre seg oppstart av rullering av kommuneplanen neste år, då med særleg fokus på oppdatering i strandsona. Ein slik rullering er også eit godt høve til oppdatere og rydde opp i gamle planar. Det er mange tema som skal flettast inn i ein overordna plan, m.a arealbruk og bustadsutvikling, folkehelse, næringsområder m.m Ein ser også klart at der det vert lagt til rette for lett tilgjengelege sykkel-/gang- og turvegar vert dei mykje brukt. Dette er viktig å ta med i planlegging og utvikling av områder. Vi har ingen fleire merknader no og vonar på fortsatt godt samarbeid med Bømlo kommune. Fiskeridirektoratet: Syner til brev av 06.06.2016 med framlegg til revidert planstrategi for Bømlo kommune. I følgje planstrategien er etablering av ny fiskerihamn i Hovlandshagen og å sikre eigna lokalitetar for oppdrettsnæringa aktuelle utfordringar for næringslivet i kommunen. Vi tykkjer det er positivt at kommunen har desse måla.
Side 6 av 8 I arealdelen til kommuneplanen leggast det stor vekt på omsynet til naturmangfaldslova, og dei viktigaste naturtypeområda er sikra i kommuneplanen. Det er viktig å tenke på marint biologisk mangfald i denne samanhengen. Bømlo har blant anna korallrev, gytefelt og store tareskogområde. Informasjon om desse områda kan ein mellom anna finne i kartverktøyet på Fiskeridirektoratet si heime side. Ein finn denne informasjonen under «Marint biologisk mangfold» og «Kystnære fiskeridata» i lista til venstre for kartet. Elles viser vi til vår uttale av 22.03.2016: «Akvakulturnæringa treng lokalitetar der dei har rom for utvikling. Det er viktig å involvere næringa i planarbeid slik at ein om mogeleg, kan unngå at dei treng å søke om dispensasjon når dei skal gjere endringar av anlegga eller på plasseringa av desse. Det er også viktig at kommunen fortsetter å sette av viktige fiskeriområde i planar slik at desse områda vert tatt vare på. Her er det viktig å få lokale næringsaktørar på banen slik at områda vert riktig avteikna på kart. Dette vil verke konfliktdempande gjennom å synleggjere desse områda.» Hordaland Fylkeskommune: Fylkeskommunen har i brev til kommunane 22.02.2016 gjeve generelle og temavise synspunkt på prioriteringar i arbeidet med kommunale planstrategiar knytt til vedtekne regionale planar og fylkeskommunen sitt forvaltingsansvar. Planstrategien bør omfatta drøfting av kommunen sine strategiske val knytt til samfunnsutvikling, som langsiktig arealbruk, miljøutfordringar, verksemda i sektorane og vurdering av kommunen sitt planbehov i perioden. Føremålet er å klargjere kva planoppgåver kommunen bør starta opp eller føra vidare for å leggje til rette for ei ønskt utvikling i kommunen. Den kommunale planstrategien for Bømlo kommune drøfter mellom anna: Miljø og klima Infrastruktur og offentlege eigendommar Langsiktig arealbruk/ bustadbygging Næringsliv og sysselsetting Folkehelse Samhandling Oppvekst, kultur og idrett Helse, sosial og omsorg Integrering Beredskap og samfunnstryggleik Kommunen som organisasjon Planstrategien til Bømlo kommune føl opp synspunkta i brev frå fylkeskommunen av 22.02.2016. Planstrategien tar føre seg drøftingar av kommunen sine strategiske val knytt til samfunnsutvikling. Det gjort drøftingar av gjeldande planer og vurdert at det er naudsynt med rullering av kommuneplanen i 2017. Hordaland fylkeskommune har ingen vesentlege merknader til planstrategien til Bømlo kommune og ynskjer lykkje til med ny planstrategi. Landmark Maskin AS:
Side 7 av 8 Vi syner til utlyst revisjon av kommunal planstrategi, og ber om at ein i perioden tar med ny reguleringsplan for utviding av massetaksområdet til Landmark Maskin as på Ersland, gnr.118 bnr.2 og 3. Ein tenkjer seg at massetaksområdet vert utvida i mot vest og mot nord med 50-100 dekar. Gjeldande arealplan er kommuneplan med arealføremål LNFR. Tilgrensande arealplan er vedteken 06.05.2013 med planident 201110. Vurderingar: I høyringsfråsegnene til revidert planstrategi er det ikkje kome framlegg om endring i prioriterte planoppgåver. Landmark Maskin AS har kome med ynskje om oppstart av ny reguleringsplan for utviding av område for masseuttak ved Erslandsvegen. I planstrategien er det lagt opp til rullering av kommuneplanen i 2017. I arbeidet med arealdelen til ny kommuneplanen vil dette innspelet verte vurdert. Rådmannen rår difor til at revidert planstrategi vert vedteken av kommunestyret slik han føreligg utan endring. I revidert planstrategi for Bømlo kommune 2016-2020 er prioriterte planoppgåver lista opp i tabellen sist i vedlagt planstrategi. X i tabellen markerer formeldt oppstartsår. I framlegg til revidert planstrategi er det sett opp rullering av kommuneplanen med areal- og samfunnsdel i 2017. Rullering av kommuneplanen bør ikkje utsetjast då det er trong for ein ny gjennomgang av arealbruken særleg i strandsona. Først og fremst er det trong for å fastsetje kva område det er plankrav på ved utbygging i naustområda. Vidare er det viktig å få på plass føresegn til kommuneplanen som fastsetter at der det er motstrid mellom gamle reguleringsplanar i strandsona og ny kommuneplan så er det føresegnene til kommuneplanen som gjeld framfor gamle reguleringsplanar. Dette er viktig for å sikre at utbygging i strandsona er i samsvar med rikspolitiske retningsline for strandsona. I revidert planstrategi har ein gjort ei endring i høve gjeldande planstrategi. Ein har sett opp sektorovergripande planarbeid i eige kapitel. Her er folkehelse, integrering og frivilligstrategi teke inn. Folkehelseperspektivet skal vera gjennomgåande innan alt virke og på alle forvaltningsnivå, då folkehelsearbeidet i stor grad handlar om å involvera tverrsektorielt i kommunen, samfunnsaktørar og nettverk. Det same gjeld integreringsarbeidet. Gruppa med minoritetsspråklege bebuarar aukar. Dette gir utfordringar i høve til å sikre integrering på alle felt i samfunnslivet. Her gjer ein framlegg om ein eigen integreringsplan. I føringar frå sentralt hald er det eit mål om å involvere frivillig sektor meir målretta. Det er trong for å tenkja nytt om samspelet mellom kommunen og lag og organisasjonar. Korleis kan ein få til eit meir forpliktande samarbeid? Elles legg ein opp til at arbeidet med rullering av klima- og energiplanen skal starte i 2016. Når det gjeld reguleringsplanane for opprusting av fylkesvegane som er ein del av Bømlopakken, er dei prioritert i samsvar med prioriteringane i Bømlopakken. Hordaland Fylkeskommune, Statens vegvesen og Bømlo kommune samarbeider om desse. Helse, sosial og omsorg har i 2016 starta arbeidet med kommunedelplan for Helse-Sosial-omsorg 2015-2025. Denne vil erstatte handlingsplan for Helse-sosial-omsorg 2016 vedteken i Utval for helse og omsorg 12.11.15.
Side 8 av 8 Når det gjeld oppvekst vart skulebruksplan 2014-2025 vedteken i 2015. Planstrategien legg opp til at denne bør reviderast i 2019. Revidert planstrategi vert med dette lagt fram til formannskapet og kommunestyret til endeleg vedtak. Økonomiske konsekvensar: Gjennomføring av planstrategien vil krevje at det i budsjettet vert sett av nok midlar til planarbeid. Erfaringa er at rullering av kommuneplanen er omfattande og krev både personellressursar og budsjettmidlar. Miljømessige konsekvensar: Rullering av klima- og energiplan er sett opp i 2016. Beredskap- og samfunnstryggleik: Rullering av beredskap og kriseplan er prioritert i 2016. Folkehelse: Folkehelseperspektivet skal vera gjennomgåande innan alt virke og på alle forvaltningsnivå, då folkehelsearbeidet i stor grad handlar om å involvera tverrsektorielt i kommunen, samfunnsaktørar og nettverk. Oppsummering og konklusjon: I plan- og bygningslova står det at kommunestyret skal i kvar valbolk skal utarbeida og vedta ein kommunal planstrategi. Formannskapet handsama i møte 31.05.2016 framlegg til revidert planstrategi Bømlo kommune 2016-2020. Revidert planstrategien vart sendt ut til høyringsinstansane og utlagt til offentleg gjennomsyn i tida 10.06.2016 til 15.08.2016. Det kom inn høyringsfråsegnene frå Fiskarlaget Vest, Hordaland Fylkeskommune, Fiskeridirektoratet, BVA, Landmark Maskin og Statens vegvesen. Det kom ikkje inn framlegg om endringar i prioriterte planoppgåver. Rådmannen rår difor til at revidert planstrategi vert vedteken av kommunestyret slik han føreligg.