EID KOMMUNE Formannskapet HOVUDUTSKRIFT Møtedato: 26.02.2015 Møtetid: Kl. 12:00 14:30 Møtestad: Kommunestyresalen Saksnr.: 027/15-041/15 Forfall meldt frå følgjande medl. Parti Følgjande varamedl. møtte Parti Ann-Magritt Hopland Eikås Sp Torbjørn Nes Hjelle Sp Ugilde Sak Følgjande varamedl. møtte Møteleiar: Frå adm. møtte: Utlevert i møtet: Orientering: Sp.mål/interpell.: Synfaring: Diverse: Rådmann Åslaug Krogsæter, Elin Leikanger, Torfinn Myklebust, Ole Starheim, Harald Sivertsen. Anita Otneim Hoddevik orienterte om ROS-analyse arbeidet Møteleiar ordførar Alfred Bjørlo gjekk frå møtet kl 13.15, etter sak og varaordførar Gunvald Ludvigsen overtok som møteleiar. Underskrifter: Magnar Aase Alfred Bjørlo Tore Hjelle
Sakliste Sak nr. Saktittel 027/15 Godkjenning av innkalling og saksliste 028/15 Godkjenning av møteprotokoll 029/15 Referatsaker 030/15 Orienteringssaker frå ordførar til formannskapet 2015 031/15 Rutinar for sakshandsaming av felles samarbeidsavtalar, ordningar og prosjekt innan helseområdet og tilhøyrande finansiering 032/15 Samlesak. Kommunal medfinansiering av samhandlingsprosjekt og felles ordningar mellom Helse Førde og kommunane. 033/15 Klage på reguleringsplan for Myroldhaug - Aarestrup 034/15 Privat detaljreguleringsplan for masseuttak på Lund - Vedtak av planprogram 035/15 Søknad om dispensasjon for oppføring av ny kai - Hennebygda 036/15 Søknad om dispensasjon frå kommuneplanens arealdel - Frådeling til fritidsføremål - Hundeide 037/15 Bustadsosial handlingsplan 2015 - kravspesifikasjon Fjellvegen 2 038/15 Sal av tomt på Golvsengane - godkjenning av avtale 039/15 Fleirbrukshall ved Nordfjordeid skule -kravspesifikasjon for totalentreprise 040/15 Val ny varamedlem til vassregionutval og vassområdeutval 041/15 Orienteringssaker frå rådmann til formannskapet 2015
EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Formannskapet 26.02.2015 027/15 JEA Avgjerd av: Saksansv.: Janne Endal Andersson Arkiv: Namn-, Namn- Objekt: Arkivsaknr 15/340 GODKJENNING AV INNKALLING OG SAKSLISTE RÅDMANNEN SI TILRÅDING: Innkalling og sakliste 26.02.2015 vert godkjent. 26.02.2015 FORMANNSKAPET F-027/15 VEDTAK: Innkalling og sakliste 26.02.2015 vert godkjent.
EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Formannskapet 26.02.2015 028/15 JEA Avgjerd av: Saksansv.: Janne Endal Andersson Arkiv: Namn-, Namn- Objekt: Arkivsaknr 15/341 GODKJENNING AV MØTEPROTOKOLL RÅDMANNEN SI TILRÅDING: Møteprotokollen frå møte 22.01.2015 vert godkjent. 26.02.2015 FORMANNSKAPET F-028/15 VEDTAK: Innkalling og sakliste 26.02.2015 vert godkjent.
EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Formannskapet 26.02.2015 029/15 JEA Avgjerd av: Saksansv.: Janne Endal Andersson REFERATSAKER Arkiv: Namn-, Namn- Objekt: Arkivsaknr 15/339 Nr Dok.ID T Dok.dato Avsendar/Mottakar Tittel 1 15/837 U 22.01.2015 Norges Blindeforbund Sogn og Fjordane 2 15/846 I 23.01.2015 Fylkesmannen i Sogn og Fjordane Svar på søknad om økonomisk støtte til produksjon av lydavis Tilskot til komunal veterinærteneste - vakt- og administrasjonstilskot - 2015 3 15/1120 U 29.01.2015 Aleksander Raftevoll Søknad om støtte til Artistisk utvikling 4 15/1139 U 30.01.2015 Motorføreren Søknad om annonse/tilskot 5 15/1138 I 29.01.2015 Det kong. komm.- og moderniseringsdept. 6 15/1121 I 29.01.2015 Sogn og Fjordane fylkeskommune 7 15/1171 I 30.01.2015 Kommunal- og moderniseringsdepart ementet 8 15/1215 I 30.01.2015 Sogn og Fjordane fylkeskommune Høring - Forskrift om forsøk med nedsatt stemmerettsalder til 16 år ved kommunestyrevalget i 2015 Kopi av skriv til Opera Nordfjord -Fylkeskommunalt tilskot til Opera Nordfjord for 2015 Komm. og fylkeskommunale reglement om folkevaldes taushetsplikt ved lukking av møte Statsbudsjettet 2015 Kap. 1429 post 70 - Bevaringsprogram for utvalte arkeologiske kulturminner (BARK) 9 15/1269 I 02.02.2015 Stryn kommune Utgreiingsmodellar for endra kommunestruktur. 10 15/1348 I 03.02.2015 Gloppen kommune Vidare arbeid med kommunereforma i Nordfjord - Gloppen
kommunestyre sitt vedtak 11 15/1271 I 02.02.2015 Hornindal kommune Utgreiingsmodellar for endra kommunestruktur - melding om vedtak 12 15/1437 U 04.02.2015 Gloppen kommune Nei til søndagsopne butikkar 13 15/1473 I 05.02.2015 Kari Krogh Nytt omsorgssenter.orientering om status. 14 15/1493 I 04.02.2015 Kreftforeningen Søknad om støtte - kraftak mot kreft 15 15/1726 I 09.02.2015 Fjord1 Orientering ferjebyte Anda- Lote! 16 15/1732 I 10.02.2015 Kommunal-og moderniseringsdep. 17 15/1737 I 10.02.2015 Sogn og Fjordane Energi 18 15/1778 I 10.02.2015 Vestlandsk sommarsymfoni v/ NASOL Høring - forslag til endringer i tekniske krav til løfteinnretninger Generalforsamling Sogn og Fjordane Energi AS 18. juni kl 11:00 på Sandane Rekneskap og rapport for 2014 19 15/1700 I 10.02.2015 Norsk fjordhestsenter Strategiplan Norsk Fjordhestsenter 20 15/1498 I 04.02.2015 Sogn og Fjordane fylkeskommune Norsk kulturindeks 2014 - resultat for Sogn og Fjordane 21 15/1872 U 12.02.2015 Helse-og omsorgsdepartemente t Høring om varigheten av kommunale salgs- og skjenkebevillinger mv 22 15/1920 I 13.02.2015 Kjølsdalen Musikklag Søknad økonomisk støtte skolekorpsseminar Brassfest 6. juni 23 15/1927 U 13.02.2015 Stortingsbenken i Sogn og Fjordane Invitasjon til besøk og orienteringar på Nordfjord sjukehus 24 15/1947 U 18.02.2015 Formannskapet Oppfølging av vedtak i formannskapet 2013-2015 til møte 26.02.2015 25 15/1736 I 10.02.2015 Fylkesmannen i Sogn og Fjordane 26 15/1729 I 09.02.2015 Kommunerevisor Markvard Sunde Kommunereforma - tid for val av retning med utgreiingar Særutskrifter frå Samstyret for Kommunerevisjonen i Nordfjord 27 15/1563 I 05.02.2015 Reisemål Stryn og Nordfjord Beslutningsgrunnlag samordningsprosess for Destinasjon Ålesund & Sunnmøre, Geiranger - Trollstigen og Reisemål Stryn & Nordfjord 28 15/591 I 08.01.2015 Post Norsk VS: Tilsagn om støtte frå
Fjordhestsenter kommunalt næringsfond - profilering av kulturarrangement i Eid kommune. 29 15/2100 U 18.02.2015 Utvala Prioriterte satsingsområde 30 15/1592 I 06.02.2015 Ann Mari Bjørlo Vedk. sak 12/2344 - Handsaming 31 15/2126 I 13.02.2015 Kommunaldeparteme Høring - Endring av ntet 32 15/2139 I 18.02.2015 Reisemål / Destination Stryn & Nordfjord 33 15/2124 I 18.02.2015 Sogn og Fjordane fylkeskommune matrikkelforskriften Pressemelding reiseivsfusjon Regional transportplan for Sogn og Fjordane 2014-2023 Funksjonsinndeling av fylkesvegnettet 34 15/2323 I 23.02.2015 Nordfjordrådet Fergebyte på strekninga Anda-Lote 35 15/2325 I 23.02.2015 John Olav Vereide Søknad Langelandsmonumentet 36 15/2368 I 16.02.2015 Eikanger-Bjørsvik musikklag Økonomisk støtte til deltaking i Europamesterskapet for Brass Band 2015 37 15/2422 I 13.02.2015 Stamvegutvalet for E39 v/jenny Følling Krav om straks tiltak brev til Statens Vegvesen 38 15/2488 I 24.02.2015 Selje kommune Melding om vedtak - Kommunereform - Ny kommunestruktur 39 15/2495 U 25.02.2015 Foreldre i Stårheim bustadfelt Ang. sak om leikeplass ved Stårheim bustadfelt II 40 15/2497 I 25.02.2015 Ørsta kommune To saker om kommunereform - vedtak i Ørsta kommunestyre 12.2.2015 41 15/2498 I 23.02.2015 Helse-og omsorgsdepartemente t Høring om endringer i forskrift om nasjonalt vaksinasjonsprogram - Tilbud om hepatitt B-vaksine til alle barn
RÅDMANNEN SI TILRÅDING: Refererte saker vert tekne til etterretning slik dei ligg føre. 26.02.2015 FORMANNSKAPET Vedkomande referatsak 7, skriv frå Kommunal- og moderniseringsdepartementet: Det skal utarbeidast ei sak om endring i kommunale og fylkeskommunale reglement om teieplikt for folkevalde ved lukking av møte. F-029/15 VEDTAK: Refererte saker vert tekne til etterretning slik dei ligg føre.
EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Formannskapet 26.02.2015 030/15 ABJ Avgjerd av: Saksbehandler: Alfred Bjørlo Arkiv: 080 Objekt: Arkivsaknr 15/28 Orienteringssaker frå ordførar til formannskapet 2015 1. Firda Kaserne - møte med Forsvarsdepartmentet (jmf mail til formannskapet i går, som må journalførast og leggast ved saka) 2. E39 Lote-Anda og ferjemateriell - møte med Samferdsledepartementet (jmf brev som gjekk til departementet sist veke) RÅDMANNEN SI TILRÅDING: Orienteringa vert teken til vitande. 26.02.2015 FORMANNSKAPET Ordførar orienterte om oppstart av Mjølkeprojektet i Eid og Stryn. F-030/15 VEDTAK: Orienteringa vert teken til vitande. Åslaug Krogsæter -rådmann-
10
EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Driftsutvalet 12.02.2015 005/15 KKR Formannskapet 26.02.2015 031/15 KKR Kommunestyret 26.03.2015 KKR Avgjerd av: Saksbehandler: Kari Krogh Arkiv: Objekt: H00 Arkivsaknr 15/190 Rutinar for sakshandsaming av felles samarbeidsavtalar, ordningar og prosjekt innan helseområdet og tilhøyrande finansiering Aktuelle lover, forskrifter, avtalar m.m.: Lov om kommunale helse-og omsorgstenester Rammeavtale mellom Helse Førde og kommunane i Sogn og Fjordane Diverse delavtalar mellom Helse Førde om kommunane i Sogn og Fjordane Kva saka gjeld: Gjeld kommunen si haldning til framlegg oversendt frå rådmannsutvalet i KS for å sikre finansiering, forankring og forenkle sakshandsaming m.m. knytt til igangsetting av nye samarbeidsprosjekt. Bakgrunn for saka: KS/rådmannsutvalet i Sogn og Fjordane har (16.01.15) sendt ut to saksframlegg til kommunane, denne saka og sak om Kommunal medfinansiering av samhandlingsprosjekt og felles ordningar: «Vi ber om at desse sakene vert handsama i den enkelte kommune innan 1. april 2015, og at saksdokument med vedtak vert meldt tilbake hit etter ferdig behandling i kommunen». Kommunalsjefnettverket for helse- og omsorgstenestene i Nordfjord drøfta saka i møte den 23.01.15, og har utarbeidd ei felles saksutgreiing/-framlegg til politisk sakshandsaming i kvar kommune. Prenta vedlegg: 11
Skriv av 24.10.14 av frå kommunalsjefnettverket for helse-, sosial og omsorg i Nordfjord om behovet for ei felles samhandlingsstilling knytt til helse-og omsorg i kommunane. Saksframlegget frå KS, dagsett 16.01.15. Saksutgreiing: Denne saka tek utgangspunkt i saksframlegget som KS har sendt ut etter handsaming i rådmannsutvalet. Kommunane vert oppmoda om å ta stilling til saka gjennom politiske vedtak innan 01.04.15. Kommunane i Sogn og Fjordane og Helse Førde har etablert ei rekkje felles prosjekt og ordningar for å utvikle tenestene innanfor helseområdet. Dette må seiast å vere ein svært positiv måte i fellesskap å drive tenesteutvikling på til beste for den enkelte kommune og fylket samla. Men det betyr også ei økonomisk forplikting for kommunane, i tillegg til tilskot frå til dømes Helsedirektoratet, Helse Vest og Helse Førde, jfr. kva som går fram av anna sak om kommunal medfinansiering, som vert handsama parallelt med denne. Det er ønske om ei betre forankring i kommunane av prosjekt m.v. som er planlagt igangsett, i denne saka er det framlegg til korleis dette kan gjerast. Samstundes ligg det i saka eit framlegg til finansieringsordning når vedtak om igangsetting av prosjekt m.v. er gjort. Dette inneber oppretting av eit fond på 1 mill.kr. Rådmannsutvalet i KS Sogn og Fjordane har gjort følgjande vedtak i saka: «Det i saken skisserte opplegg for felles prosess og finansiering av samhandlingsprosjekt sendast kommunane som ein «saksmal» kommunane kan nytte i si behandling, der ein kan gi innspel til det som er foreslått, både når det gjeld rutinar for sakshandsaming og finansiering herunder om det er ønskeleg med etablering av eit slikt fond, og i så fall også forslag om kostnadsdeling» Erfaringa syner at det er vanskeleg å legge opp til ei sakshandsaming som er effektiv med omsyn til tid og ressursar og som samstundes tek i vare omsynet til kvar enkelt kommune både politisk og administrativ. Framlegget til prosedyre - slik det går fram av denne saka - vil ta noko tid å gjennomføre, men tidsperspektivet bør likevel ikkje vere lengre enn eit halvt år. Forslaget gjeld avtalar, prosjektmandat, finansiering mm. Når det gjeld finansiering kjem ein tilbake til to forenkla alternativ nedanfor. 1. Prosjekteigar sender ut orientering om prosjektet. Dette vert handsama i aktuelt kommunalsjefnettverk, regionale rådmannsnettverk og i regionråda. Desse gir tilbakemeldingar til prosjekteigar. Målet med denne runden er å få informert politisk og administrativ leiing i kommunane og setje i gong lokale prosessar. Det er også eit mål å få dei første tilbakemeldingane på eventuelle endringar og justeringar. 2. På bakgrunn av dei første tilbakemeldingane lagar prosjekteigar til eit høyringsutkast som vert sendt til politisk handsaming i kommunane. Kommunane styrar sjølve lokal politisk saksgang. Målet med denne runden er å få tilbakemeldingar på kva omsyn som er viktig for kvar enkelt kommune og korleis ein på best måte kan gjere endringar og justeringar for å kome desse omsyna i møte. 3. Etter høyringa lagar prosjekteigar til eit endeleg framlegg. Dette framlegget vert sendt til politisk handsaming i kommunane. I denne runden vil det i utgangspunktet ikkje vere 12
mogeleg å gjere endringar i framlegg til vedtak, men kommunane kan sjølvsagt røyste i mot. Målet i denne runden er å få likelydande positive vedtak i alle kommunane. Skal ein få til samarbeid er det viktig med likelydande vedtak i alle kommunar. Difor er forankringsprosessen i trinn 1 og 2 avgjerande. Om det ikkje vert gjort ein god jobb her vil ein kunne risikere at heile prosessen tek mykje lengre tid. Økonomiske konsekvensar: Finansiering Det er mogeleg å sjå føre seg tre ulike alternativ. Kva alternativ som vert å nytte, vil avhenge av type prosjekt og storleik på prosjektet. 1. Finansieringa vert handsama som omtala ovanfor. (Rutinar for sakshandsaming.) Det vert i utgangspunktet lagt opp til ein kostnadsdeling med 25 % pr. kommune og 75 % pr. innbyggar. I nokre tilfelle vil andre modeller kunne bli tilrådd. 2. Det vert etablert et fond på inntil kr. 1.000.000. Kommunane finansierar fondet med inntil kr. 500.000 pr år. (Ca kr 5 pr innbyggar). Fylkesstyret i KS gjer vedtak om bruk av fondet. Fondet kan brukast når kommunal del av eit prosjekt utgjer inntil kr 300.000,-. Fondet kan ikkje brukast til driftsprosjekt som treng finansiering over fleire år. 3. Utviklingsmidlar Fylkesmannen. I den grad det er muleg å nytte utviklingsmidlar frå Fylkesmannen til fellesprosjekt for heile fylket, vil desse inngå som delfinansiering av slike prosjekt. Om denne måten å samordne seg på let seg gjere, vil det kunne gi ein langt enklare måte å handtere deltaking i slike samarbeidsprosjekt på. KS ber kommunane kome med kommentarar til dei føreslegne rutinane for sakshandsaming, finansiering m.m. Med i vurdering av denne saka, er det naturleg å ta med seg det innspelet som kommunalsjefnettverket i Nordfjord har kome med når det gjeld behovet for oppretting av ei felles samhandlingsstilling for kommunane for ivaretaking og oppfølging av felles oppgåver knytt til helse-og omsorg, jfr. vedlegg. Rådmannsgruppa i Nordfjord støtta framlegget i skriv til KS Sogn og Fjordane og rådmannsutvalet i KS er positive, men ser utfordringar med finansiering fordi det må vere eit spleiselag mellom kommunane, med ein vertskommune som arbeidsgjevar, ikkje ei KSstilling. Vurdering: Den skisserte prosedyren for handsaming av aktuelle samhandlingsprosjekt synest fornuftig, det må bli omstendelege prosessar når 26 kommunar er involverte. Ein føresetnad er at det vert gjeve konkrete tilbakemeldingar i trinn 1 og at det vert gjort tydlege politiske vedtak i trinn 2. Litt avhengig av tidspunkt for første initiativet, kan det halde hardt med gjennomføring i løpet av eit halvt år. Regionråd/nettverk har gjerne møte ein gong pr mnd og møtehyppigheit i politiske organ er mindre enn tidlegare, med lengst opphald knytt til sommar og årsskiftet. 13
Når det gjeld finansiering så vert det vurdert slik, at det dei siste åra har vore så stor aktivitet på store prosjekt, at det bør vere tid for å roe ned aktiviteten med nye omfattande og kostnadskrevjande prosjekt for ein periode. Dvs. at det bør vere tilstrekkeleg å ta stilling til finansiering samstundes som evt. prosjekt vert sakshandsama. For å unngå å handsame same prosjektet fleire gongar, er det viktig at det vert sett ei samla ramme for prosjekt som er tenkt inndelt i fleire fasar, sjølv om berre kostnaden i første fase er kjend. Til orientering vil Eid kommune si årlege utgift til eit prosjektfond slik som skissert, utgjere ca kr. 30 000 pr år. Framfor å forplikte seg til etablering av eit fond på 1 mill.kr, med årleg bidrag frå kommunane på 0,5 mill.kr, bør det bli sikra midlar til ei interkommunal samordningsstilling innafor helse, omsorg og folkehelse. Ei slik stilling vil vere viktig både for initiativ på vegner av kommunane, for planlegging, tilrettelegging og oppfølging av alle typar samhandlingsprosjekt. Stillinga vil på dette området kunne representere ei meir likeverdig og samordna kommunerolle i høve spesialisthelsetenesta og andre samhandlingsaktørar, enn det som er tilfellet i dag. Stillinga vil og kunne sikre naudsynt oppfølging og arbeid med implementering i kommunane. RÅDMANNEN SI TILRÅDING: Eid kommune har følgjande kommentarar til dei føreslegne rutinar for sakshandsaming og finansiering av felles samarbeidsavtaler, ordningar og samhandlingsprosjekt innan helseområdet og tilhøyrande finansiering: 1. Dei skisserte retningslinene for handsaming av aktuelle samhandlingsprosjekt vert støtta. Ein føresetnad er at det vert gjeve konkrete tilbakemeldingar i trinn 1 og at det vert gjort tydlege politiske vedtak i trinn 2 slik at det er godt fundament for samrøystes vedtak i trinn 3. 2. Når det gjeld finansiering vert det gjeve støtte til alternativ 1, evt. i kombinasjon med alternativ 3. Dvs. at vedtak om deltaking i finansiering føl sakshandsaming av prosjektet med kostnadsdeling 25 % likt og 75 % etter folketal som hovudregel, evt. etter fråtrekk av tilskotsmidlar frå fylkesmannen eller andre. 3. For prosjekt som er forventa å verte inndelt i fleire fasar, vert det viktig å få fram ei samla kostnadsråme for kommunale bidrag ved politisk handsaming av spørsmålet om prosjektdeltaking. 4. Framlegget om oppretting av eit prosjektfond med årlege bidrag frå kommunane på 0,5 mil.kr. vert ikkje støtta av Eid kommune. Jfr. behovet for å lande dei mange prosjekta som kommunane no er involverte i før det vert sett i gang nye, ressurskrevjande prosjekt. 14
5. Etablering av ei interkommunal samhandlingsstilling for kommunesektoren vil ha prioritet framfor oppretting av eit prosjektfond. 12.02.2015 DRIFTSUTVALET DFU-005/15 VEDTAK: Som rådmannen si tilråding, samrøystes. 26.02.2015 FORMANNSKAPET F-031/15 VEDTAK, SOM INNSTILLING TIL KOMMUNESTYRET: Eid kommune har følgjande kommentarar til dei føreslegne rutinar for sakshandsaming og finansiering av felles samarbeidsavtaler, ordningar og samhandlingsprosjekt innan helseområdet og tilhøyrande finansiering: 1. Dei skisserte retningslinene for handsaming av aktuelle samhandlingsprosjekt vert støtta. Ein føresetnad er at det vert gjeve konkrete tilbakemeldingar i trinn 1 og at det vert gjort tydlege politiske vedtak i trinn 2 slik at det er godt fundament for samrøystes vedtak i trinn 3. 2. Når det gjeld finansiering vert det gjeve støtte til alternativ 1, evt. i kombinasjon med alternativ 3. Dvs. at vedtak om deltaking i finansiering føl sakshandsaming av prosjektet med kostnadsdeling 25 % likt og 75 % etter folketal som hovudregel, evt. etter fråtrekk av tilskotsmidlar frå fylkesmannen eller andre. 3. For prosjekt som er forventa å verte inndelt i fleire fasar, vert det viktig å få fram ei samla kostnadsråme for kommunale bidrag ved politisk handsaming av spørsmålet om prosjektdeltaking. 4. Framlegget om oppretting av eit prosjektfond med årlege bidrag frå kommunane på 0,5 mil.kr. vert ikkje støtta av Eid kommune. Jfr. behovet for å lande dei mange prosjekta som kommunane no er involverte i før det vert sett i gang nye, ressurskrevjande prosjekt. 5. Etablering av ei interkommunal samhandlingsstilling for kommunesektoren vil ha prioritet framfor oppretting av eit prosjektfond. 15
Åslaug Krogsæter -rådmann- 16
EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Driftsutvalet 12.02.2015 006/15 KKR Formannskapet 26.02.2015 032/15 KKR Kommunestyret 26.03.2015 KKR Avgjerd av: Saksbehandler: Kari Krogh Arkiv: Objekt: H00 Arkivsaknr 15/192 Samlesak. Kommunal medfinansiering av samhandlingsprosjekt og felles ordningar mellom Helse Førde og kommunane. Prenta vedlegg: K-sak 48/11: Godkjenning av søknader om felles samhandlingsprosjekt i Sogn og Fjordane knytt til Samhandlingsreforma. Retningsliner og budsjett for felles brukarutval Framlegg til saksutgreiing frå KS Uprenta vedlegg: Godkjenning av ny rammeavtale med Helse Førde Godkjenning av delavtale mellom Helse Førde og Eid kommune- Kunnskapsoverføring og informasjonsutveksling Godkjenning av delavtale mellom Helses Førde og Eid kommune: Samarbeid om IKT-løysingar Godkjenning av avtale mellom Helse Førd og Eid kommune- Gjensidig hospiteringsordning. Aktuelle lover, forskrifter, avtalar m.m.: Rammeavtale mellom Helse Førde og Eid kommune Delavtale om kunnskapsoverføring og informasjonsutveksling Delavtale om IKT-løysingar lokalt Delavtale om gjensidig hospiteringsordning Kva saka gjeld: 17
Gjeld godkjenning av løpande kostnader for Eid kommune knytt til samhandlingsprosjekt mellom Helse Førde og kommunane og som tidlegare er akseptert gjennom vedtak i politiske organ i Eid kommune. Bakgrunn for saka: KS/rådmannsutvalet i Sogn og Fjordane har (16.01.15) sendt ut to saksframlegg til kommunane, denne saka og sak om «Rutinar for sakshandsaming av felles arbeidsavtalar, ordningar og prosjekt innan helseområdet og tilhøyrande finansiering»: «Vi ber om at desse sakene vert handsama i den enkelte kommune innan 1. april 2015, og at saksdokument med vedtak vert meldt tilbake hit etter ferdig behandling i kommunen». Kommunalsjefnettverket for helse- og omsorgstenestene i Nordfjord drøfta saka i møte den 23.01.15, og har utarbeidd ei felles saksutgreiing/-framlegg til politisk sakshandsaming i kvar kommune. Saksutgreiing: Denne saksutgreiinga tek utgangspunkt i saksframstilling til saka tilsendt frå KS med oppmoding om politisk handsaming innan 01.04.15 etter føregåande handsaming i KS sitt rådmannsutval. Kommunane i Sogn og Fjordane og Helse Førde har etablert fleire felles prosjekt og ordningar for å utvikle samhandlinga og tenestene innanfor helse og omsorg. I høve til prosjekt er det m.a. løyvd midlar frå Helsedirektoratet til kommunane (v/vertskommunen Førde) som føreset ein tilsvarande kommunal eigendel. For nokre av desse tilskota er den kommunale eigendelen ikkje løyst. I tillegg til dette har kommunane og Helse Førde etablert eit felles brukarutval (jfr Rammeavtalen sitt punkt 7 og konklusjon i koordineringsrådet 04.10.12). Etter fastsette retningsliner skal kommunane og Helse Førde dele kostnadene knytte til dette brukarutvalet. Rådmannsutvalet i KS Sogn og Fjordane har gjort slikt vedtak i saken: «Kommunal medfinansiering av dei i saken omtalte samhandlingsprosjekt og felles ordningar vert sendt kommunane for vedtak i samsvar med tabellar innteken i saken, og med fordelingsnøkkel 25 % likt og 75 % etter folketal. Forplikting om gjennomføring av prosjekta følgjer av tidlegare vedtak, og finansieringa er såleis ei oppfølging av dette. Kommunane vert bedne om å behandle dette slik ein finn det føremålstenleg innan 1. april 2015.» Nedanfor er det gjort nærare greie for dei aktuelle prosjekta og ordninga med felles brukarutval. Telemedisin Sogn og Fjordane. Kommunane i Sogn og Fjordane og Helse Førde gjennomførte i 2011/2012 eit forprosjekt (fase 1) for å kartlegge og vurdere - aktuelle bruksområde for telemedisin - viktige føresetnader for å kunne ta i bruk telemedisinske verktøy på ein effektfull måte. 18
Alle kommunane gjorde i juni 2011 vedtak om å delta i prosjektet og løyve sin del av ein eigendel på 400 000 kr for den første fasen. Kostnaden for Eid kommune på ca kr 20 000 vart betalt i desember 2012. I 2013/2014 vart det gjennomført eit hovudprosjekt (fase 2) der bruk av videokonferanse og telemedisinske løysingar vart prøvd ut innanfor nokre prioriterte område (m.a. hud/sår og akuttmedisin). Vidare er det tilrettelagt for breidding til alle kommunane og implementering av tenleg utstyr ved alle sjukeheimar og legekontor. Videoutstyr vil i stor utstrekning kunne nyttast ved rettleiing/opplæring, gjennomføring av møte, osv. Kommunale kostnader knytt til telemedisinprosjektet som kjem fram i denne saka, gjeld fase 2 av prosjektet. Sogn og Fjordane er leiande i landssamanheng på dette området. Dette kan også vere naturleg ut frå fylket sin struktur når det gjeld spreidd busetnad og avstandar. Prosjektet er finansiert gjennom fleire ulike finansieringskjelder. M.a. har kommunane i 2013 fått kr 500 000 i tilskot frå Helsedirektoratet. I høve til dette er det føresett ei tilsvarande kommunal finansiering. Dette har ikkje vorte følgt opp i høve til kommunane så langt. Denne kommunale eigenfinansieringa er lagt inn i budsjettet for fase 3 i prosjektet, som er godkjent av den felles styringsgruppa. Tabell 1 Fordeling 25 % likt og 75 % etter folketal Deltakar Innb.tal Fordelt likt Etter folketal Sum Flora kommune 11 779 4 808 40 537 45 345 Gulen kommune 2 315 4 808 7 967 12 775 Solund kommune 815 4 808 2 805 7 613 Hyllestad kommune 1 391 4 808 4 787 9 595 Høyanger kommune 4 183 4 808 14 396 19 204 Vik kommune 2 688 4 808 9 251 14 059 Balestrand kommune 1 306 4 808 4 495 9 303 Leikanger kommune 2 268 4 808 7 805 12 613 Sogndal kommune 7 623 4 808 26 234 31 042 Aurland kommune 1 715 4 808 5 902 10 710 Lærdal kommune 2 174 4 808 7 482 12 290 Årdal kommune 5 496 4 808 18 914 23 722 Luster kommune 5 089 4 808 17 514 22 322 Askvoll kommune 3 011 4 808 10 362 15 170 Fjaler kommune 2 853 4 808 9 819 14 627 Gaular kommune 2 928 4 808 10 077 14 885 Jølster kommune 3 070 4 808 10 565 15 373 Førde kommune 12 685 4 808 43 655 48 463 Naustdal kommune 2 776 4 808 9 554 14 362 Bremanger kommune 3 950 4 808 13 594 18 402 Vågsøy kommune 6 091 4 808 20 962 25 770 Selje kommune 2 782 4 808 9 574 14 382 Eid kommune 5 926 4 808 20 394 25 202 Hornindal kommune 1 223 4 808 4 209 9 017 Gloppen kommune 5 694 4 808 19 596 24 404 Stryn kommune 7 134 4 808 24 551 29 359 Sum finansiert av kommunane 125 000 375 000 500 000 Arbeid, reise, møte m.v. 0 Øvrige 0 Eksterne tilskot 500 000 Sum 108 965 1 000 000 Samhandlingsbarometeret Spesialist- og kommunehelsetenesta skal samarbeide som likeverdige partar og utvikle tenestene basert på kunnskap. Dette må i større grad enn tidlegare vere tilgjengeleg og felles kunnskap. Det bør samarbeidast om å finne fram til data som er relevante og viktige, korleis dei kan tolkast, korleis dei skal samanstillast og tilgjengeleggjerast og korleis dei kan nyttast. 19
Prosjektet «Samhandlingsbarometeret» hadde i starten som føremål å få fram gode data for skilnader i tilvisingsrater og forbruk av spesialisthelsetenester. Men fokuset er etter kvart utvida til å omfatte andre data som ein ser som nyttig styringsinformasjon, m.a. annan statistikk i høve helse- og omsorgstenester, undersøkingar, forskingsresultat, omtale av prosjekt og samarbeidsavtalar. Prosjektet er unikt i landssamanheng og Helsedirektoratet og andre helseføretak har vurdert dette som interessant og vurdere tilsvarande løysingar. Så langt har prosjektet i hovudsak vore finansiert av Helse Vest/Helse Førde med i alt 2,270 mill kr i 2010-2013. Kommunane har i 2013 fått 500 000 i tilskot frå Helsedirektoratet. I høve til dette er det føresett ei tilsvarande kommunal finansiering. Dette har ikkje vorte følgd opp i høve til kommunane så langt. Når det gjeld mogleg fordeling av denne eigendelen på kommunane, er det føresett at ein del av eigenfinansieringa kan dekkast ved kommunane sitt eige arbeid, deltaking på møte, reiseutgifter osv. Dette er fastsett til 125 000 kr, eller ca 5 000 kr pr kommune. Tabell 2 Fordeling 25 % likt og 75 % etter folkertal Deltakar Innb.tal Fordelt likt Etter folketal Sum Flora kommune 11 779 3 606 30 403 34 009 Gulen kommune 2 315 3 606 5 975 9 581 Solund kommune 815 3 606 2 104 5 710 Hyllestad kommune 1 391 3 606 3 590 7 196 Høyanger kommune 4 183 3 606 10 797 14 403 Vik kommune 2 688 3 606 6 938 10 544 Balestrand kommune 1 306 3 606 3 371 6 977 Leikanger kommune 2 268 3 606 5 854 9 460 Sogndal kommune 7 623 3 606 19 676 23 282 Aurland kommune 1 715 3 606 4 427 8 033 Lærdal kommune 2 174 3 606 5 611 9 217 Årdal kommune 5 496 3 606 14 186 17 792 Luster kommune 5 089 3 606 13 135 16 741 Askvoll kommune 3 011 3 606 7 772 11 378 Fjaler kommune 2 853 3 606 7 364 10 970 Gaular kommune 2 928 3 606 7 557 11 163 Jølster kommune 3 070 3 606 7 924 11 530 Førde kommune 12 685 3 606 32 741 36 347 Naustdal kommune 2 776 3 606 7 165 10 771 Bremanger kommune 3 950 3 606 10 195 13 801 Vågsøy kommune 6 091 3 606 15 722 19 328 Selje kommune 2 782 3 606 7 181 10 787 Eid kommune 5 926 3 606 15 296 18 902 Hornindal kommune 1 223 3 606 3 157 6 763 Gloppen kommune 5 694 3 606 14 697 18 303 Stryn kommune 7 134 3 606 18 414 22 020 Sum finansiert av kommunane 93 750 281 250 375 000 Arbeid, reise, møte m.v. 125 000 Øvrige 0 Eksterne tilskot 500 000 Sum 108 965 1 000 000 Gjensidig hospiteringsordning Å få til god samhandling og god kvalitet i ei samhengande behandlingskjede føreset aktørar i helsevesenet som kjenner til kvarandre. Leiarar og fagfolk i spesialisthelsetenesta og kommunehelsetenesta må vite om kvarandre sine oppgåver og rutinar for å forstå heilskapen og gjennom det vere i stand til å samhandle og utvikle kvaliteten. 20
Partane har sett behovet for å etablere ei systematisk gjensidig ordning for hospitering for sjukepleiarar og helsefagarbeidarar og tilsvarande fagpersonale. I tillegg til at dette kan gje verdifull fagleg innsikt og kompetanseutvikling, ser ein at dette kan ha ein positiv kulturskapande effekt. Det har i 2012-2013 vore gjennomført eit felles prosjekt for å utvikle ei hospiteringsordning og eit framlegg til eigen samarbeidsavtale mellom Helse Førde og kommunane. Dette prosjektet er finansiert. I samband med godkjenning av sluttrapporten av prosjektet har partane vore samde om at Helse Førde og kommunane deler kostnadene med ei 10 % koordinatorstilling. Dette er stipulert til ca 90 000 kr, med 45 00 kr på kvar av partane, og fordelinga mellom kommunane er tilrådd å vere 25 % likt og 75 % etter folketal. Tabell 3 Fordeling 25 % likt og 75 % etter folkertal Deltakar Innb.tal Fordelt likt Etter folketal Sum Flora kommune 11 779 433 3 648 4 081 Gulen kommune 2 315 433 717 1 150 Solund kommune 815 433 252 685 Hyllestad kommune 1 391 433 431 864 Høyanger kommune 4 183 433 1 296 1 729 Vik kommune 2 688 433 833 1 266 Balestrand kommune 1 306 433 405 838 Leikanger kommune 2 268 433 702 1 135 Sogndal kommune 7 623 433 2 361 2 794 Aurland kommune 1 715 433 531 964 Lærdal kommune 2 174 433 673 1 106 Årdal kommune 5 496 433 1 702 2 135 Luster kommune 5 089 433 1 576 2 009 Askvoll kommune 3 011 433 933 1 366 Fjaler kommune 2 853 433 884 1 317 Gaular kommune 2 928 433 907 1 340 Jølster kommune 3 070 433 951 1 384 Førde kommune 12 685 433 3 929 4 362 Naustdal kommune 2 776 433 860 1 293 Bremanger kommune 3 950 433 1 223 1 656 Vågsøy kommune 6 091 433 1 887 2 320 Selje kommune 2 782 433 862 1 295 Eid kommune 5 926 433 1 835 2 268 Hornindal kommune 1 223 433 379 812 Gloppen kommune 5 694 433 1 764 2 197 Stryn kommune 7 134 433 2 210 2 643 Sum finansiert av kommunane 11 250 33 750 45 000 Arbeid, reise, møte m.v. 0 Øvrige 0 Eksterne tilskot 0 Sum 108 965 45 000 Brukarutvalet i Sogn og Fjordane Kommunane og Helse Førde har med verknad frå 01.01.13 etablert eit felles brukarutval. Dette er i tråd med intensjonane i samhandlingsreforma, sentrale føringar og går også fram av Rammeavtalen mellom Helse Førde og kommunane. Partane skal etter fastsette retningsliner dekke 50 % kvar av kostnadene med det felles brukarutvalet. KS skal avklare korleis kostnadene skal fordelast mellom kommunane. Eit samla budsjett for brukarutvalet for 2015 er førebels stipulert til 175 000 kr. Budsjettet skal etter retningslinene godkjennast av koordineringsrådet. 21
Tabell 4 Fordeling 25 % likt og 75 % etter folkertal Deltakar Innb.tal Fordelt likt Etter folketal Sum Flora kommune 11 779 841 7 094 7 935 Gulen kommune 2 315 841 1 394 2 235 Solund kommune 815 841 491 1 332 Hyllestad kommune 1 391 841 838 1 679 Høyanger kommune 4 183 841 2 519 3 360 Vik kommune 2 688 841 1 619 2 460 Balestrand kommune 1 306 841 787 1 628 Leikanger kommune 2 268 841 1 366 2 207 Sogndal kommune 7 623 841 4 591 5 432 Aurland kommune 1 715 841 1 033 1 874 Lærdal kommune 2 174 841 1 309 2 150 Årdal kommune 5 496 841 3 310 4 151 Luster kommune 5 089 841 3 065 3 906 Askvoll kommune 3 011 841 1 813 2 654 Fjaler kommune 2 853 841 1 718 2 559 Gaular kommune 2 928 841 1 763 2 604 Jølster kommune 3 070 841 1 849 2 690 Førde kommune 12 685 841 7 640 8 481 Naustdal kommune 2 776 841 1 672 2 513 Bremanger kommune 3 950 841 2 379 3 220 Vågsøy kommune 6 091 841 3 668 4 509 Selje kommune 2 782 841 1 675 2 516 Eid kommune 5 926 841 3 569 4 410 Hornindal kommune 1 223 841 737 1 578 Gloppen kommune 5 694 841 3 429 4 270 Stryn kommune 7 134 841 4 297 5 138 Sum finansiert av kommunane 21 875 65 625 87 500 Arbeid, reise, møte m.v. 0 Øvrige 0 Eksterne tilskot 0 Sum 108 965 87 500 Samanstilling Dei samla kostnadene for dei enkelte kommunane ut frå dei ulike alternativa er oppsummert i tabellen nedanfor. Tabell 5 22
Vurdering: Sogn og Fjordane har klart å samle seg om nokre prosjekt og ordningar som vert vurderte å vere viktige for å utvikle tenestene og samhandlinga innan helse og omsorg. I høve til utviklingsprosjekta omtalt i denne saka har ein fått vesentlege eksterne tilskotsmidlar. Helse Førde/Helse Vest og andre aktørar si medfinansering går fram av planane og retningslinene for prosjekta og det felles brukarutvalet. Det som no står att - og som det er viktig å følgje opp - er kommunane si eigenfinansiering i tilknyting til tilskot frå Helsedirektoratet og medfinansieringa av brukarutvalet. Kostnaden for Eid kommune ved Telemedisinprosjektet fase 2 på kr. 25 201,- er ein eingongskostnad, det same gjeld utgift på kr.18 902 til prosjekt samhandlingsbarometer. Når det gjeld samhandlingsbarometeret, har ikkje alle kommunane i fylket gjort positive vedtak om å delta vidare etter prosjektperioden, - noko av forklaringa er truleg at ein del av samhandlingsstatistikken ikkje omfattar tal i høve spesialisthelsetenesta i nabofylke. Avhengig av bidrag frå andre aktuelle samarbeidspartar og kva som vil vere endeleg driftsbudsjett, må dei kommunane som vil delta, pårekne nokre årlege kostnader til drift. 23
Då Eid kommunestyre gjorde positivt vedtak i 2013, var årskostnaden kalkulert til kr 13 009,-. Kva som skjer i høve kommunane vidare er uavklart, men saka må uansett opp til ny politisk avklaring dersom det vert vesentlege avvik i høve dei føresetnadene som låg til grunn for handsaming i 2013. Kostnad til administrering av gjensidig hospitering på kr. 2 268,- og kostnad ved felles brukarutval på kr.4410,-, vil vere ei løpande årleg utgift f.o.m. 2015. Eid kommune har tidlegare fatta vedtak om å slutte seg til alle dei 4 prosjekta / samarbeidstiltaka. Det er skjedd endringar etter budsjettvedtak i desember som gjer at kostnadene kan bli dekka innafor driftsbudsjettet til sektoren. RÅDMANNEN SI TILRÅDING: 1. Eid kommune vil i 2015 betale sin del i medfinansieringa av i dei to samhandlingsprosjekta: Telemedisin med kr 25 202,- Samhandlingsbarometeret med kr. 18 902,- -dette som følgjer av tidlegare vedtak om deltaking i prosjekta. I tillegg vil Eid kommune ta sin del av årlege driftsutgifter f.o.m. 2015 knytt til fellesfinansiering av : Administrasjon av gjensidig hospiteringsordning med kr. 2 268,- Kostnader knytt til felles brukarutval med kr. 4 410 Samla utgifter i 2015: Kr. 50 782,- 2. Kostnadene på kr 50 782,- for 2015 skal dekkjast av disposisjonsfondet til Eid kommune, kontonr.: 25690001 (fondet har ein saldo på ca. kr 500 000,-). 3. Dei løpande utgiftene frå 2016 (ca. kr 7000,- i 2015) skal innarbeidast i kommunen sitt framtidige driftsbudsjett. 12.02.2015 DRIFTSUTVALET DFU-006/15 VEDTAK: Som tilrådinga til rådmannen, samrøystes. 24
26.02.2015 FORMANNSKAPET F-032/15 VEDTAK SOM INNSTILLING TIL KOMMUNESTYRET: 1. Eid kommune vil i 2015 betale sin del i medfinansieringa av i dei to samhandlingsprosjekta: Telemedisin med kr 25 202,- Samhandlingsbarometeret med kr. 18 902,- -dette som følgjer av tidlegare vedtak om deltaking i prosjekta. I tillegg vil Eid kommune ta sin del av årlege driftsutgifter f.o.m. 2015 knytt til fellesfinansiering av : Administrasjon av gjensidig hospiteringsordning med kr. 2 268,- Kostnader knytt til felles brukarutval med kr. 4 410 Samla utgifter i 2015: Kr. 50 782,- 2. Kostnadene på kr 50 782,- for 2015 skal dekkjast av disposisjonsfondet til Eid kommune, kontonr.: 25690001 (fondet har ein saldo på ca. kr 500 000,-). 3. Dei løpande utgiftene frå 2016 (ca. kr 7000,- i 2015) skal innarbeidast i kommunen sitt framtidige driftsbudsjett. Åslaug Krogsæter -rådmann- 25
EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Formannskapet 26.02.2015 033/15 KDA Avgjerd av: Saksbehandler: Kristine Dahl Arkiv: Objekt: L12 Arkivsaknr 10/182 Klage på reguleringsplan for Myroldhaug - Aarestrup Prenta vedlegg: Aktuelle lover, forskrifter, avtalar m.m.: Kva saka gjeld: Handsaming av klage på detaljreguleringsplan for Myroldhaug av Oddlaug Aarestrup og Kjell Aarestrup. Bakgrunn for saka: Eid kommunestyre vedtok i møte den 11.12.2014, sak KS-149/14 detaljreguleringsplan for Myroldhaug. Detaljreguleringsplanen legg til rette for framtidig utbygging av offentleg tenesteyting i planområdet. Saksutgreiing: Økonomiske konsekvensar: Vurdering: Klagar meiner at planen ikkje tilfredsstiller krava til ein detaljreguleringsplan. Klagar meiner at krava til ein detaljreguleringsplan er at den skal syne kva som skal skje i framtida, kvar det skal skje og korleis det skal bli utforma. Det vert vidare peika på at føresegnene er lite konkrete og meiner at det med eit krav på BYA min. 35% og maks. 60 % er umogleg å vurdere om dette er dårleg eller god arealutnytting. Klagar ber om at det vert lagt fram ein konkret plan som gjer det mogleg å forstå om tiltaket har god nok arealutnytting. Reglane om detaljreguleringg går fram av plan- og bygningslova (pbl.) 12-3. Og i pbl. 12-3 første ledd står det følgjande: 26
Detaljregulering brukes for å følge opp kommuneplanens arealdel og eventuelt etter krav fastsatt i en vedtatt områderegulering. Detaljregulering kan skje som utfylling eller endring av vedtatt reguleringsplan. Plan- og bygningslova set med dette ikkje opp spesifikke krav til innhaldet i ein detaljreguleringsplan. Men utforming og innhald av slike planar er nærare definert i førearbeida og i rettleiaren om utarbeiding av reguleringsplanar etter plan og bygningslova I førearbeida, Ot.prp.nr. 32 (2007-2008) punkt 6.12, er det mellom anna sagt følgjande om detaljreguleringsplanar: Formål og virkemidler er i det vesentlige like for detaljregulering og områderegulering. Detaljregulering er en plan for bruk og vern av mindre områder, og for utforming, bruk og vern av bygninger, uterom og anlegg. Detaljregulering er planformen for gjennomføring av utbyggingsprosjekter og tiltak, vernetiltak og sikring av ulike typer verdier. Den erstatter tidligere detaljert reguleringsplan og bebyggelsesplan. Detaljreguleringsplanen regulerer bruk og vern av eit mindre område i Nordfjordeid og utgangspunktet for planarbeidet var knytt til behovet for utviding av sjukeheim med tilhøyrande fasilitetar/infrastruktur, jf. side 4 i planomtalen. Vidare skal området nyttast til kommunale omsorgsbustadar og barnehage. Mogleg utnytting av delar av det regulerte området er vist på plankartet, men det er ikkje krav for detaljregulering at ein detaljregulerer området for eit ferdig prosjektert utbyggingsprosjekt. Dette ville innebere ei førehandsbinding av kommunen som planmynde, og dette er heilt klart ikkje intensjonen med lova eller plansystemet. Men ein detaljreguleringsplan skal danne rammene for utbygginga av området og planen skal, som klagar peikar på, vere føreseieleg. I reguleringsføresegnene er type arealbruk, byggjegrenser, maksimal utnytting, maksimal byggjehøgd og krav til terrengtilpassing nærare avklara. Den overordna infrastrukturen i planområdet er vidare regulert inn. Rådmannen kan etter dette ikkje sjå at utarbeidd detaljreguleringsplan for Myroldhaug er i strid med pbl. 12-3 og førearbeida sine krav til ein detaljreguleringsplan. Slik rådmannen ser det, så er planen også utforma i samsvar med planeksempelet for detaljregulering til offentleg føremål i rettleiaren, sjå side 66 flg. i rettleiaren. Klagar ber om at berre naudsynt areal vert detaljregulert, og klagar på at det ikkje er lagt fram plan som syner krav til areal og planlagd utbygging. Klagar meiner at det ut frå plankartet er umogleg å vurdere om fastsatt krav til BYA gjev god eller dårleg arealutnytting. Det går fram av plankart og føresegner at graden av utnytting skal vere minimum 35% og maksimum 60%. I tillegg til å detaljregulere eit område til ny sjukeheim, vert området detaljregulert til offentleg tenesteyting for å sike nok kommunalt areal i framtida. Planen byggjer på vedtekne strategiar i kommuneplanen sin samfunnsdel og handlingsdel og mellom anna Omsorgsplan for Eid kommune 2007-2010 (16) Trinn 1: Investeringar. I denne planen er det avdekt eit behov for utbygging av sjukeheim og det er i tillegg forventa ein auke i etterspurnaden av offentlege tenester i åra som kjem, sjå mellom anna planomtalen side 5, 7 og 9. 27
Når ein har sett kravet til utnytting på minimum 35%, så seier dette talet noko om minimum utbygging og utnytting i byggjetrinn 1. Det må deretter påreknast utbyggingar i fleire trinn i åra framover. Maksimal utnytting er likevel sett til 60%. Om talet synes noko lågt, så må ein ha med seg at det i planområdet skal etablerast køyrevegar, interne gangvegar og rekreasjonsområde for bebuarane. Det skal også setjast av eit område for bevaring av kulturmiljø. Totalt sett meiner rådmannen at det framtidige behovet for areal og bruken av dette er godt fundert. Klagar viser til planomtalen punkt 5.2 der det heiter at «detaljreguleringa legg med dette til rette for å omdisponere eit større grøntareal til byggjeareal». Klagar viser til at dette er feil, då området er eit landbruksareal. Klagar ber om at denne opplysninga vert retta opp. Merknad med same type innhald vart også sendt inn av klagar då planen låg ute til offentleg ettersyn. Innspelet vart då teke til følgje, og kommunestyret gjorde i møte den 11. desember 2014, sak 149/14, vedtak om å endre planomtalen på dette punktet. Kommune-styret var såleis kjend med at området vart nytta til landbruk og beite då planen vart vedteken. Klagar viser vidare til punkt 9.17 i planomtalen, der det går fram at kommunen ikkje har kjennskap til interessemotsetnadar i området. Det er vanskeleg for klagar å forstå kvifor kommunen kan skrive dette då grunneigarane tydleg har signalisert at dei ikkje er interessert i å gje vekk meir enn naudsynt av landbrukseigedomane. Denne merknaden vart også sendt inn av klagar då planen låg ute til offentleg ettersyn, og vart kommentert i saksutgreiinga til kommunestyret sitt møte den 11. desember 2014, sak 149/14. Merknaden frå rådmannen si side, var då at det i denne saka ligg føre interesse-konflikt, mellom anna mellom omsynet til grunneigarinteresser, jordvern og offentleg tenesteyting. Det vart med dette erkjent at punkt 9.17 er feil. Det er sjølvsagt uheldig at setninga har følgd planomtalen, men kommunestyret har vore kjende med alle interessemotsetnadane i saka før vedtaking av detaljreguleringsplanen. Feilen i punkt 9.17 i planomtalen er difor ikkje ein feil som kan ha verka inn på vedtaket sitt innhald.. Merknadane knytt til avgrensing av planområdet vart også sendt inn av klagar då planen låg ute til offentleg ettersyn, og vart kommentert i saksutgreiinga til kommunestyret sitt møte den 11. desember 2014, sak 149/14. Vurderinga har vore at det offentlege har behov for dette området, og at dei private interessene difor må vike. Rådmannen held fast på denne vurderinga i klageomgangen, og viser elles til utgreiinga knytt til arealbehovet ovanfor. Klagar viser til slutt til forvaltningslova 17, som seier at saka skal vere så godt opplyst som mogleg, og klagar på at politikarane som skulle vedtak planen ikkje hadde fått opplyst at byggjegrunnen var vanskeleg. Klagar gjer merksam på at grunneigarane hadde mange opplysningar som ettertida har synt seg korrekte. Klagar meiner at saka er så mangelfult opplyst at planen må kjennast ugyldig, jf. forvaltningslova 17 og 24. Slik rådmannen ser det, så har det både i forkant og gjennom heile planprosessen vore kjent at grunntilhøva på planområdet er usikre. Før planen vart lagt ut til offentleg ettersyn, vart det gjort geotekniske undersøkingar i grunnen, som påviste område der ytterlegare tiltak må gjerast i samband med prosjektering og utbygging. Denne opplysninga vart lagt fram for formannskapet i møte den 20. mars, sak 057/14. Formannskapet valde likevel å gå vidare med detaljreguleringa og leggje planen ut til offentleg ettersyn. Rådmannen kan ikkje sjå at det ligg føre manglar ved sakshandsaminga på dette punkt. 28
Klagar gjer elles merksam på at kommunen ikkje eig arealet ovanfor, og ber om at ein vert samde om eigedomstilhøva før det vert gjort ytterlegare planlegging. Rådmannen tek orienteringa med seg vidare, i samband med gjennomføring av reguleringsplanen. RÅDMANNEN SI TILRÅDING: Formannskapet i Eid kommune stadfestar Eid kommunestyre sitt vedtak i møte 11. desember 2014, sak 149/14, om godkjenning av detaljreguleringsplan for Myroldhaug. Klagen frå Oddlaug Aarestrup og Kjell Aarestrup vert ikkje teken til følgje. 26.02.2015 FORMANNSKAPET F-033/15 VEDTAK: Formannskapet i Eid kommune stadfestar Eid kommunestyre sitt vedtak i møte 11. desember 2014, sak 149/14, om godkjenning av detaljreguleringsplan for Myroldhaug. Klagen frå Oddlaug Aarestrup og Kjell Aarestrup vert ikkje teken til følgje. Åslaug Krogsæter -rådmann- 29
EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Formannskapet 26.02.2015 034/15 KDA Avgjerd av: Formannskapet Saksbehandler: Cecilie Marie Åshamar Arkiv: L12 Objekt: 67/1 Arkivsaknr 10/120 Privat detaljreguleringsplan for masseuttak på Lund - Vedtak av planprogram Prenta vedlegg: Framlegg til planprogram Aktuelle lover, forskrifter, avtalar m.m.: Plan- og bygningslova (pbl) Kva saka gjeld: Vedtak av planprogram for utarbeiding av detaljreguleringsplan for Lund masseuttak. Planprogrammet skal legge rammer for vidare arbeid med utarbeiding av detaljreguleringsplan. Bakgrunn for saka: Alvin Drage AS ynskjer å utvide masseuttaket på Lund. Dette utløyser krav om detaljregulering. Då planavgrensinga ikkje er i samsvar med avgrensinga av noverande massetak i kommuneplanen sin arealdel 2007-2018, er det stilt krav om utarbeiding av planprogram som grunnlag for utarbeiding av detaljreguleringsplanen. Alvin Drage AS nyttar Nordplan AS som konsulent for å utarbeide planprogram og detaljreguleringsplan. Saksutgreiing: Ved utarbeiding av detaljreguleringsplanar som kan ha vesentlege verknadar for miljø og samfunn, skal det som ledd i varslinga av planoppstart utarbeidast eit planprogram som grunnlag for planarbeidet, jf. pbl 4-1. Eid kommune stilte krav om planprogram for detaljreguleringsplanen då området ikkje var i samsvar med kommuneplanen sin arealdel 2007-2018. Det er forslag til planprogram som no skal vedtakast. 30
Nordplan AS har varsla om planoppstart og sendt ut forslag til planprogram til aktuelle høyringsinstansar, heimelshavarar og naboar, jf. pbl 12-9. Liste over desse er å finne i forslag til planprogram under kapittel 1.4. Forslag til planprogram låg ute til offentleg ettersyn i perioden juni til juli 2014. Nordplan AS mottok seks uttaler frå: Statens vegvesen, Sogn og Fjordane fylkeskommune, Norges vassdrags- og energidirektorat (NVE), Fylkesmannen i Sogn og Fjordane, Direktoratet for mineralforvaltning og Odd Egil Nilsen. Merknadsvurderinga er lagt ved forslaget til planprogram. Merknadane er i stor grad retta mot innhaldet i detaljreguleringsplanen og dei utgreiingar som naturleg skal utførast som grunnlag for den framtidige arealbruken i området. Desse merknadane har Nordplan AS kommentert med tanke på oppfølging i sjølve detaljreguleringsplanen. NVE hadde ein merknad knytt til nærare vurdering av skredfare. Etter dialog med NVE valte Nordplan AS i samråd med forslagsstillar, å avgrense detaljreguleringsplanen til å berre omfatte råstoffutvinning, då næringsformålet ville krevje ei geologisk vurdering av skredfare. Forslagstillar vil truleg hente ut råstoff i dette området i lang tid, difor er rådmannen einig i denne vurderinga. For å sikre at området kan nyttast til næring i framtida, meiner likevel rådmannen at etterbruk av området bør følgjast opp i detaljreguleringsplanen. Gjennom reguleringsplan har kommunen høve til å stille krav om mellom anna istandsetjing og etterbruk, jf. «Temaveileder uttak av mineralske forekomster og planlegging etter plan- og bygningsloven». Ynskjeleg etterbruk i området er næring, jf. pågåande revisjon av kommuneplanen sin arealdel. Dette vil utløyse krav om nærare vurdering av skredfare, rådmannen meiner difor at det må utarbeidast ny detaljreguleringsplan for området når dette vert aktuelt. På noverande tidspunkt er det viktig å sikre at området i framtida vert sett av til og vil eigne seg som næringsområde. Økonomiske konsekvensar: Dette vedtaket har ikkje økonomiske konsekvensar for kommunen, då det er ein privat forslagsstillar som står bak forslaget og vil stå for vidare utarbeiding av detaljreguleringsplan for Lund massetak. Vurdering: Kommunestyret kan delegere mynde til å fastsette planprogram, jf. pbl 12-9 tredje ledd. Dette inneber at formannskapet har mynde til å gjere endeleg vedtak i saka, jf. delegeringsreglementet i Eid kommune. For å sikre etterbruk gjennom detaljreguleringsplanen, tilrår rådmannen å legge til etterbruk som eit tema i planomtalen under kapittel 4.3, med følgjande tekst: «Etterbruk Ved utarbeiding av plan vil det bli gjort greie for etterbruk av planområdet. Ynskjeleg etterbruk i området er næring, jf. pågåande revisjon av kommuneplanen sin arealdel. Det vil bli fastsett plankrav for etterbruk, då anna bruk av området kan medføre nye krav i samband med utarbeiding av detaljreguleringsplan. Krav til istandsetjing for å legge til rette for etterbruk, vil bli nærare vurdert i planen.» RÅDMANNEN SI TILRÅDING: 31
Med heimel i plan- og bygningslova 12-9 vert privat forslag til planprogram for utarbeiding av detaljreguleringsplan for Lund masseuttak vedteke, med følgjande tillegg under kapittel 4.3: «Etterbruk Ved utarbeiding av plan vil det bli gjort greie for etterbruk av planområdet. Ynskjeleg etterbruk i området er næring, jf. pågåande revisjon av kommuneplanen sin arealdel. Det vil bli fastsett plankrav for etterbruk, då anna bruk av området kan medføre nye krav i samband med utarbeiding av detaljreguleringsplan. Krav til istandsetjing for å legge til rette for etterbruk, vil bli nærare vurdert i planen.» 26.02.2015 FORMANNSKAPET F-034/15 VEDTAK: Med heimel i plan- og bygningslova 12-9 vert privat forslag til planprogram for utarbeiding av detaljreguleringsplan for Lund masseuttak vedteke, med følgjande tillegg under kapittel 4.3: «Etterbruk Ved utarbeiding av plan vil det bli gjort greie for etterbruk av planområdet. Ynskjeleg etterbruk i området er næring, jf. pågåande revisjon av kommuneplanen sin arealdel. Det vil bli fastsett plankrav for etterbruk, då anna bruk av området kan medføre nye krav i samband med utarbeiding av detaljreguleringsplan. Krav til istandsetjing for å legge til rette for etterbruk, vil bli nærare vurdert i planen.» Åslaug Krogsæter -rådmann- 32
EID KOMMUNE Møtebok Adm.vedtak SAKSGANG Styre, utval, komite m.m. Møtedato Saksnr Saksansv. Formannskapet 26.02.2015 035/15 HSB Saksbeh:.: Haakon Stauri Begby Arkiv: GBNR-148/4, K2-L42 L42 Objekt: Arkivsaknr 14/2049 SØKNAD OM DISPENSASJON FOR OPPFØRING AV NY KAI - HENNEBYGDA Saksdokument: Nr T Dok.dato Avsendar/Mottakar Tittel 1 I 19.11.2014 Atle Henden Søknad u/a - Oppattbygging av kai etter Dagmar 2 I 27.11.2014 Atle Henden Søknad om dispensasjon 4 U 19.12.2014 fmsfpost@fylkesmannen.no, Fylkesmannen i Sogn og Fjordane - oversending til uttale - Etablering av kai - gnr. 148 bnr. 4 - Eid kommune 3 U 19.12.2014 Fylkesmannen i Sogn og Fjordane Fylkesmannen i Sogn og Fjordane - oversending til uttale - Etablering av kai - gnr. 148 bnr. 4 - Eid kommune 5 U 06.01.2015 Atle Henden Oppattbygging av kai etter orkanen Dagmar - orientering om vidare sakshandsaming - gnr. 148 bnr. 4 7 U 09.01.2015 fmsfpost@fylkesmannen.no, Fylkesmannen i Sogn og Fjordane - oversending til uttale - Etablering av kai - gnr. 148 bnr. 4 - Eid kommune 8 I 19.01.2015 Fylkesmannen i Sogn og Fjordane Eid kommune - dispensasjon for bygging av kai på gbnr 148/4 9 U 20.01.2015 Atle Henden Motteke fråsegn frå fylkesmannen - etablering av ny kai - Hennebygda - gnr.148 bnr. 4 33
Prenta vedlegg: 1. Søknad om løyve til tiltak med vedlegg 2. Oversendingsbrev til fylkesmannen i Sogn og Fjordane 3. Brev til Atle Henden om vidare saksgang 4. Fylkesmannens fråsegn Aktuelle lover, forskrifter, avtalar m.m.: Plan- og bygningslova, naturmangfaldslova. Kva saka gjeld: Søknad om dispensasjon frå landbruks-, natur- og friluftsføremålet (LNF) i arealdelen til kommuneplanen og søknad om dispensasjon frå plan- og bygningslova (pbl) 1-8, byggjeforbodet i 100-metersbeltet langs sjø, for oppføring av ny kai på gnr. 148 bnr. 4 i Hennebygda. Bakgrunn for saka: Atle Henden har søkt om etablering av ny kai etter orkanen «Dagmar» i 2011. Der kaia stod er det i dag ei steinrøys. Denne skal fjernast og området skal jamnast til. Den nye kaia skal etablerast 30-40 meter aust for der den gamle kaia låg og murast opp med gråsteinsmur mot vest og sør. Kaia vil gå ein meter forbi svaberg og ut i sjøen. Storleik på kaia er oppgjeve å vere 4 meter i breidde og vil gå 1 meter forbi svaberg og ut i sjø. Eksisterande anleggsveg er meint forlenga for å koma til med maskiner under bygginga. Dette området vil bli sådd til grøntareal i ettertid. Det er ein skråning mellom kommunal snuplass og den tenkte kaia. Tiltakshavar meiner kaia vil gå meir i eitt med naturen, og beskytte den kommunale snuplassen, enn kva tilfellet ville vere med å setje opp kaia på same stad som den låg tidlegare Saksutgreiing Området der eigedomen ligg er i kommuneplanen avsett til reint LNF-område. Utgangspunktet er då at det ikkje er tillate med anna utbygging enn landbruksføremål. Søknaden er oversendt Fylkesmannen i Sogn og Fjordane for uttale pr. e-post 19. desember 2014. Eid kommune mottok fråsegn frå fylkesmannen 19. januar 2015. Fylkesmannen hadde ikkje merknadar til tiltaket. All den tid området er avsett til reint LNF-område krev flytting av kaia dispensasjon frå arealdelen i kommuneplanen og dispensasjon frå byggjeforbodet langs 100-metersbeltet langs sjø. 34
Dispensasjonssøknaden er grunngjeve med følgjande: Ny kai vil fungere betre enn den gamle. Lokaliseringa av den nye kaia på omsøkt plass vil vere mindre skjemmande enn om kaia skulle byggjast opp att der den gamla kaia låg. Ved å flytte kaia vil ein oppnå å få til ei kai som går meir i eitt med naturen samt beskytte mot kommunal snuplass, framfor å setja opp ei langt meir skjemmande kai lik den som var der tidlegare. Vurdering: Spørsmålet er om det kan gjevast dispensasjon i denne saka. Forbodet mot inngrep i strandsona vert vurdert fyrst, deretter vil dispensasjon frå kommuneplanen vurderast. Utgangspunktet for vurderinga går fram av pbl. 1-8 andre ledd som har slik ordlyd: «Andre tiltak etter 1-6 første ledd enn fasadeendringer kan ikke settes i verk nærmere sjøen enn 100 meter fra strandlinjen målt i horisontalplanet ved alminnelig høyvann. Dette er likevel ikke til hinder for fradeling ved innløsning av bebygd festetomt etter tomtefestelova» Det kan gis dispensasjon frå føresegner etter pbl. 19-1 flg. Vilkåra er etter pbl. 19-2 at omsyna bak føresegna det vert dispensert frå ikkje vert vesentlig tilsidesatt. Vidare er det eit vilkår at fordelene ved å gi dispensasjon må være klart større enn ulempene etter en samlet vurdering. Omsynet bak forbodet mot tiltak i strandsona er mellom anna å ivareta naturomsyn og å sikre ålmenta sin ferdsle. Vidare er det i førearbeida i Ot. prp. nr. 32 (2007-2008) sagt følgjande: Regjeringen ønsker en strengere og mer langsiktig strandsoneforvaltning. Det er derfor nødvendig med en streng praksis ved behandlingen av dispensasjoner i 100-metersbeltet langs sjøen. Forbudet i 1-8 mot bygging i 100-metersbeltet langs sjøen veier tungt. Det skal svært mye til før dispensasjon kan gis til bygging her, spesielt i områder med stort utbyggingspress. I kommentar til ny plandel, utgjeve av Miljøverndepartementet av 1. juni 2009, står det følgjande om dispensasjon frå forbodet mot tiltak i strandsona: Det er et nasjonalt mål at strandsonen skal bevares som natur- og friluftsområde tilgjengelig for alle. Regjeringen ønsker en strengere og mer langsiktig strandsoneforvaltning. Det er derfor nødvendig med en streng praksis ved behandlingen av dispensasjoner i 100 metersbeltet langs sjøen. Forbudet i 1 8 mot bygging i 100 metersbeltet langs sjøen veier tungt. Det skal svært mye til før dispensasjon kan gis til bygging her, spesielt i områder med stort utbyggingspress. Det er gjennomført søk i databasar etter sjeldne naturtypar og kulturminne og det er ikkje funne noko, jf. prinsippa i naturmangfaldslova 8-12. 35
Rådmannens vurdering er at dei omsyn som byggjeforbodet langs sjø skal ivareta, ikkje vert vesentleg tilsidesett ved at dispensasjon vert gjeve. Inn under denne vurderinga legg rådmannen mellom anna vekt på at det har stått ei kai i område tidlegare. Tiltaket vil vidare ikkje føre til ei ytterligare privatisering av strandsona, og det vert lagt vekt på at omsøkt kai vil bli mindre skjemmande enn den førre kaia. Det vert også vektlagt at fylkesmannen ikkje hadde merknadar til tiltaket. Vidare meiner rådmannen at fordelane ved å gje dispensasjon er klart større enn ulempene, etter ei samla vurdering av saka. Kaia legg til rette for friluftsliv og bruk av området langs sjø. Spørsmålet er så om det kan gjevast dispensasjon frå kommuneplanens arealdel. Utgangspunktet er at det i LNF-område ikkje er tillate med frådeling eller bygging utanom til landbruksføremål eller næringsverksemd basert på bruket sine ressursar, jf. plan- og bygningslova 11-7 nr. 5 bokstav a. Omsyna bak reglane om LNF-område er å leggja til rette for landbruk. Dei omsyna som planen skal ivareta vert, etter rådmannen sitt syn, ikkje vesentleg tilsidesett ved at dispensasjon vert gjeve i denne saka. Rådmannen legg her vekt på at det har vore etablert kai i område tidlegare, samt at den nye kaia vil verte mindre skjemmande enn den gamla kaia. Rådmannen kan etter dette ikkje sjå at etableringa kjem i konflikt med landbruks- eller friluftsinteresser. Det vert vidare lagt til grunn at fordelane ved å gje dispensasjon er klårt større enn ulempene, og vilkåra for å gje dispensasjon er med dette oppfylte. RÅDMANNEN SI TILRÅDING: Med heimel i plan- og bygningslova pbl.) 19-2 jf. 19-1 vert det gjeve dispensasjon frå LNF- føremålet i arealdelen til kommuneplanen og dispensasjon frå pbl. 1-8, byggjeforbodet langs sjø, for oppføring av kai på gnr. 148 bnr. 4, slik det er søkt om. 26.02.2015 FORMANNSKAPET F-035/15 VEDTAK: Med heimel i plan- og bygningslova pbl.) 19-2 jf. 19-1 vert det gjeve dispensasjon frå LNF- føremålet i arealdelen til kommuneplanen og dispensasjon frå pbl. 1-8, byggjeforbodet langs sjø, for oppføring av kai på gnr. 148 bnr. 4, slik det er søkt om. Åslaug Krogsæter -Rådmann- 36
37
EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Formannskapet 26.02.2015 036/15 KDA Avgjerd av: Formannskapet Saksbehandler: Haakon Stauri Begby Arkiv: Objekt: 17/1 Arkivsaknr 14/1576 Søknad om dispensasjon frå kommuneplanens arealdel - Frådeling til fritidsføremål - Hundeide Prenta vedlegg: 1. Søknad om frådeling med vedlegg 2. Mangelsbrev sendt Atle Hundeide 3. Søknad om dispensasjon frå Ole Petter Huneide 4. E-post frå Ole Petter Hundeide 5. Fråsegn frå Fylkesmannen i Sogn og Fjordane 6. Kartutsnitt Hundeide Aktuelle lover, forskrifter, avtalar m.m.: Plan- og bygningslova (pbl.) Kva saka gjeld: Atle Hundeide og Ole Petter Hundeide har søkt om frådeling av 2 daa jordbruksareal for oppføring av fritidsbustad til Ole Petter Hundeide på gnr. 17 bnr. 1 i Eid kommune. Bakgrunn for saka: Plan- og utviklingsavdelinga har motteke søknad om frådeling. Området er i arealdelen til kommuneplanen avsett til landbruks-, natur- og friluftsområde med høve til spreidd bustadbygging (LNF-B område). Frådeling til fritidsføremål krev difor dispensasjon frå arealføremålet i kommuneplanen. Saksutgreiing: 38
Arealet som ein ynskjer å dele frå til fritidsføremål er registrert som fulldyrka jord og skog av særs høg bonitet. Søknaden er i tråd med krava i pbl. oversendt Fylkesmannen i Sogn og Fjordane til uttale og det har kome inn uttale frå landbruksavdelinga. Fylkesmannen rår i frå at det vert gjeve dispensasjon for frådeling av hyttetomt i denne saka. Ole P. Hundeide opplyser at han ynskjer å få delt frå ei tomt til fritidsføremål frå farsgarden. Han kjenner tilhøyr til bygda og ynskjer å ha ein stad å kome til og nytte området til jak, fiske m.m. Hundeide har vidare kommentert landbruksavdelinga sin uttale, og skriv i e-post av 12. januar 2015 følgjande: «Hei, har i dag mottatt brev om uttalelsen til fylkesmannen i Sogn og Fjordane om fradeling av tomt til fritidsbolig. Jeg vil komme med noen fakta angående dette: Av de fire brukene på ytre Hundeide er det ingen som er i drift i dag. Der jeg har søkt om fradeling er det en trekant på ca 40/50meter x 20meter som er egnet som dyrkbar jord ca 400m2 og som er flat nok til å sette opp et hus, resten er kupert terreng som ikke er egnet som dyrka mark. Tomtens størrelse kan reduseres fra 2 mål til ca 1 mål. Vi er fire søsken, min eldste bror har overtatt småbruket på odel, mine to søstre har fått fradelt hver sin tomt og nå er det jeg som søker om fradeling. Ønsker å ha et sted i bygda å komme til. Dette vil også skape inntekter til bygda både på kort sikt og på lang sikt. Håper dere kan ta dette i betraktning ved behandling av saken». Vurdering: Vurdering etter plan- og bygningslova: Det kan gis dispensasjon frå plan etter pbl. 19-1 flg. Vilkåra er etter pbl. 19-2 at omsyna bak føresegna det vert dispensert frå, ikkje vert vesentlig tilsidesatt. Vidare er det eit vilkår at fordelene ved å gi dispensasjon må være klart større enn ulempene etter en samlet vurdering. Eigedomen er i arealdelen avsett til landbruks-, natur- og friluftsområde med høve til spreidd bustadbygging (LNF B). Oppføring av fritidsbustad krev dermed dispensasjon frå arealføremålet i kommuneplanen. Søknad om dispensasjon frå Ole Petter Hundeide er motteke Eid kommune 13. november 2014. Dispensasjonssøknaden er grunngjeve med tilhøregheit til bygda og eit ynskje om å ha ein plass å kome til med tanke på jakt, fiske osv. Omsyna bak reglane om LNF-område er å leggja til rette for landbruk. I førerabeida til planog bygningslova (Ot. prp. nr. 32 (2007-2008)), på side 242 er det uttala følgjande om dispensasjon: 39
«Avvik fra arealplaner reiser særlige spørsmål. De ulike planene er som oftest blitt til gjennom en omfattende beslutningsprosess og er vedtatt av kommunens øverste folkevalgte organ, kommunestyret. Planene omhandler dessuten konkrete forhold. Det skal ikke være en kurant sak å fravike gjeldende plan.» Det er vidare uttalt at det må ligge føre «klar overvekt av hensyn som taler for dispensasjon. Ordvalget innebærer at det normalt ikke vil være anledning til å gi dispensasjon når hensynene bak bestemmelsen det søkes dispensasjon fra fortsatt gjør seg gjeldende med styrke.» Eid kommune har i retningsliner til kommuneplanens arealdel gjeve retningsliner for arealdisponering innafor kjerneområda landbruk, matproduksjon og kulturlandskap. Hundeide er peika ut som kjerneområde kulturlandskap. Av retningslinene går det fram følgjande om omdisponering av jordbruksareal i desse områda: «Omdisponering av jordbruksareal i kjerneområde for kulturlandskap skal skje på ein slik måte at verdien av kulturlandskapet ikkje vert vesentleg redusert. Bygningstiltak innafor kjerneområdet skal vere tilpassa byggjestilen som gjev karakter til området. Andre tiltak i området skal vere godt tilpassa terreng og ikkje redusere verdien av landskapet vesentleg. Skogsmark anna utmark innafor avgrensinga av kjerneområde har ikkje spesiell status framfor liknande område utafor kjerneområdet. Ved vurdering av omdisponering skal omsynet til kulturlandskapsmiljøet i område tilleggjast vekt uavhenging av kva arealkategori ein omdisponerer.» For Hundeide går det fram følgjande av retningslinene: «Kjerneområde kulturlandskap Kjerneområdet omfattar jordbruksareal og bygningar innafor avgrensa område. Området har varierande grad av drift og større deler av området står i fare for å falle ut av drift. Areal med svak drift eller der drift er opphørt gror igjen.» Spørsmålet er så om dispensasjon kan gjevast i denne saka. I databasen skog & landskap er området som er søkt frådelt registert som fulldyrka mark og skog med særs høg bonitet. Fulldyrka jord kan nyttast til åkervekst eller til eng, og kan fornyast ved pløying. At skogen har særs høg bonitet betyr at skogen har forventa produksjonsevne for bartrevirke større enn 0,5 m 3 pr. dekar og år. Av pbl. 19-2 fjerde ledd går det også fram at «statlege og regionale rammer og mål skal tillegges særlig vekt» ved vurderinga av om dispensasjon skal gjevast. Vern av dyrkbar jord ei sterk nasjonal interesse og eit landbrukspolitisk satsingsområde. Frådeling til av jordbruksareal for oppføring av fritidsbustad vil soleis stride mot desse nasjonale interessene, noko som må tillegast vekt ved vurderinga om dispensasjon skal gjevast som omsøkt. 40
Fylkesmannen i sin uttale til saka har uttalt seg negativt om søknaden. Det går fram av pbl. 19-2 fjerde ledd at dispensasjon ikkje bør gjevast når statlege mynde har uttalt seg negativt om ein dispensasjonssøknad. Mot dette taler det faktum at området som er søkt frådelt ifølgje kartet, ser ut til å vere den mest egna staden m.o.t plassering, då det ut i frå kartet ikkje er så bratt her som på andre delar av tomta. Områda sør for arealet omsøkt til frådeling er registrert som innmarksbeite og det kunne slik sett vore ei meir gunstig plassering. Imidlertid er det, ut i frå kartet, så bratt i dette området at det er lite truleg at desse områda er egna til oppføring av fritidsbustad. På e-post motteke 12. januar 2015 frå Ole Petter Hundeide vert det gjort nærare rede for dette, jf. ovanfor. Det går også fram av e-posten at storleik på tomta kan reduserast frå to mål til eit mål, samt at ingen av bruka på ytre Hundeide er i drift i dag. Ein godkjenning av dispensasjonssøknaden som omsøkt vil også føre til at areal ikkje gror igjen då frådelinga vil leggje til rette for bruk av arealet, jf. Eid kommunes retningsliner til arealdelen. Rådmannen vurderer det etter dette slik at det kan gjevast dispensasjona frå plan- og bygningslova i denne saka. Inn under denne vurderinga legg vi vekt på at ingen av dei fire bruka på ytre Hundeide er i drift i dag. Vi legg også vekt på at det meste av området, etter søkjar opplysningar ikkje er egna til dyrka mark, og at søkjars bror og syster tidlegare har fått frådelt areal frå same gbnr til to bustadtomt; dagens gbnr. 17/12 og 17/13. Dei to fekk frådelt kva si tomt i 1988. Eigar av 17/12 fekk frådelt 953 m 2, mens eigar av 17/13 fekk frådelt 1253 m 2. Desse teigane er i dag eigd av søkjars to systre. Eid landbruksnemd hadde følgjande vurdering av tilhøva i 1988: Om 17/12(frådeling av det gamle bustadhuset og tunet): «Både driftsbygning og bustadtomt vart i midten av 70-åra flytt (bygd nytt) frå Øvre Hundeide og ned til sjøen. Gamlehusa er ikkje i bruk etter den tid. ( ) Søknaden gjeld tunet + ca. 200 m 2 grunnlendt dyrka jord, samla ca. 1 dekar. Bruka på Hundeide er bratte, kuperte og grunnlendte og er knapt nok levebrød aleine i framtida, så deltidsjordbruk er det sannsynlege. For bygda er det viktig at folk buset seg der, ein bør ikkje vise alle til bustadfelt i eller nær sentrum. Denne frådelinga har ikkje negative verknader på bruket og og heller ikkje grannane vil få ulemper. Det er kommunal veg fram til tunet.» Om 17/13: «Arealet det her er søkt om er registrert som gjødsla beite og fulldyrka B-jord, omlag halvparten av kvar. Storleik ca. 0,8 da. Det ligg ved fylkesvegen. I dette tilfelle er tomta noko uheldig plassert med tanke på gardsdrifta, heimeteigen er lang og smal og er vanskeleg nok å hauste inn som det er. Ei anna plassering som er betre, er av same grunn vanskeleg å finne.» Etter å ha vore på synfaring på staden vert 17/12 og 17/13 godkjent. Om 17/13 skriv landbruksnemda følgjande: «også tomt nr. 2 nede ved fylkesvegen vert godkjent frådelt. Frådelingane er ikkje driftsøkonomisk forsvarlege, men samfunnsinteresser av større vekt (her; busettingsomsynet) veg etter landbruksnemda sitt syn tyngre her.» 41
Å nekte frådeling når søkjars bror og syster tidlegare har fått frådelt areal, kan kome i konflikt med forbodet mot usakleg forskjellsbehandling. Vi vektlegg også at søkjar har opna for å reduserer tomtestorleiken frå to til ein dekar. Det er ikkje gjort treff i databasar for kulturminne eller viktige naturområde. Rådmannen vurderer det vidare slik fordelane ved å gje dispensasjon er klart større enn ulempene. Inn under denne vurderinga legg vi vekt på at det tidlegare er gjeve løyve til frådeling på eigedomen, samt at ingen av bruka på ytre Hundeide er i drift i dag. RÅDMANNEN SI TILRÅDING: Med heimel i plan- og bygningslova 21-1 fyrste ledd bokstav m, vert det gjeve løyve til frådeling av 1 daa jordbruksareal for oppføring av fritidsbustad på gnr. 17 bnr. 1 i Eid kommune, slik det er søkt om. 26.02.2015 FORMANNSKAPET F-036/15 VEDTAK: Med heimel i plan- og bygningslova 21-1 fyrste ledd bokstav m, vert det gjeve løyve til frådeling av 1 daa jordbruksareal for oppføring av fritidsbustad på gnr. 17 bnr. 1 i Eid kommune, slik det er søkt om. Åslaug Krogsæter -rådmann- 42
EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Driftsutvalet 12.02.2015 010/15 ROP Formannskapet 26.02.2015 ROP Formannskapet 26.02.2015 037/15 ROP Avgjerd av: Formannskapet Saksbehandler: Elin Leikanger Arkiv: Objekt: L71 Arkivsaknr 15/59 Bustadsosial handlingsplan 2015 - kravspesifikasjon Fjellvegen 2 Prenta vedlegg: Utkast til kravspesifikasjon totalentreprise Aktuelle lover, forskrifter, avtalar m.m.: Bustadsosial handlingsplan Eid kommune 2013-2023. Lov og forskrift for offentlege anskaffelser. Kommunale reglar for investeringsprosjekt. Kva saka gjeld: Godkjenning av kravspesifikasjon for totalentreprise for 9 bustadar/leilegheter. Bakgrunn for saka: I bustadsosial handlingsplan kap 8.2 går det fram at tomten til tidlegare Prestemarka barnehage skal nyttast til bygging av utleigebustader. Byggjeprogram for 9 bueiningar vart godkjend i sak KS 12/15: «Byggjeprogram for byggjing av 9 bustader i Fjellvegen 2 vert godkjend, jf alternativ 2 i saksutgreiinga». Etter kommunen sine reglar for investeringsprosjekt kravspesifikasjon ved totalentreprise godkjennast av formannskapet, etter innstilling frå politisk styringsgruppe. Saksutgreiing: Driftsutvalet er politisk styringsgruppe for prosjektet. Det er oppretta ei prosjektgruppe som har følgjande samansetjing: Kommunalsjef Elin Leikanger (prosjektansvarleg) 43
Prosjektleiar Roger Oppedal Avd.leiar flyktningetenesta Rune Engeseth Driftsjef Tore Nyhammer-Taklo NAV leiar Bodil Førde Prosjektgruppa vil verte styrka med brukarrepresentasjon, men det er førebels ikkje avklart korleis dette skal organiserast. Lov og forskrift om offentlege anskaffelser gjev klare føringar på korleis innkjøp mv skal/kan gjennomførast. Dette regelverket må kommunen følgje. Prosjektgruppa har utarbeidd ein kravspesifikasjon for bygging av nye bustader som totalentreprise. Det er lagt vekt på at bustadane skal vere robuste, ha nøktern standard og låge livssykluskostnader. Økonomiske konsekvensar: Det vert rekna med at husbanken gjev minimum 20% i tilskot, dette saman med husleige gjer at bustadane vert rekna som sjølvfinansierte. Vurdering: Kravspesifikasjonen er eit godt grunnlag for at kommunen skal kunne skaffe tenlege bustadar i samsvar med vedteken tiltaksplan i bustadsosial handlingsplan. Kravspesifikasjonen er ikkje kvalitetssikra og komplett når saka vert lagt fram for driftsutvalet. Rådmannen tilrår at dette arbeidet vert gjort i forkant av formannskapet si handsaming. Alternativt må saka utsetjast til neste møte i driftsutvalet (12. mars 2015) RÅDMANNEN SI TILRÅDING: Kravspesifikasjon for bygging av 9 bueiningar i Fjellvegen 2 vert godkjent. Rådmannen får fullmakt til å kvalitetssikre og komplettere konkurransegrunnlaget i tida fram til formannskapet si handsaming. 12.02.2015 DRIFTSUTVALET DFU-010/15 VEDTAK: Som rådmannen si tilråding, samrøystes. 44
26.02.2015 FORMANNSKAPET F-037/15 VEDTAK: Kravspesifikasjon for bygging av 9 bueiningar i Fjellvegen 2 vert godkjent. Rådmannen får fullmakt til å kvalitetssikre og komplettere konkurransegrunnlaget i tida fram til formannskapet si handsaming. Åslaug Krogsæter -rådmann- 45
EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Formannskapet 26.02.2015 038/15 ELE Kommunestyret 26.03.2015 ELE Avgjerd av: Kommunestyret Saksbehandler: Elin Leikanger Arkiv: 611 L71 Objekt: Arkivsaknr 12/1762 Sal av tomt på Golvsengane - godkjenning av avtale Prenta vedlegg: 1. F-sak 142/12: Bustadområde Golvsengane - sal av kommunal tomt 2. Notat til formannskapet, Bustadområde Golvsengane - utlysing av kommunal tomt for sal m/vedlegg 3. Referat frå oppfølgingsmøte utbygging av tomt på Golvsengane 4. Framlegg til kjøpekontrakt Kva saka gjeld: Saka gjeld sal av areal på Golvsengane, gbnr 44/594 Bakgrunn for saka: Formannskapet gjorde følgjande vedtak i F-sak 142/12: Eid kommune lyser ut tilbod på kjøp av tomt, samt prosjektering, bygging, drift og utleige av 6 utleiebustader, jf saksutgreiinga. Resterande areal kan tilbydar disponere sjølv til utleigebustader/bustader for sal. Kontrakt vil verte tildelt tilbydaren med det økonomisk mest fordelaktige tilbod, basert på følgjande kriterie. - Funksjonalitet på utleigebustadane, herunder planar for samla utnytting av tomtearealet (storleik, arrondering og bustadmiks.) - Gjennomføringsevne, med særleg vekt på tilbydd organisasjon og erfaring. - Kvalitet på finansiering av prosjektet - Kvalitet på driftskonsept - Pris for tomten 46
- Husleige på utleigeeiningane Grunna tvil om tolking av dette vedtaket vart del lagt fram eit notat til formannskapet. Utlysing vart etter dette kunngjort i samsvar med vedlegg til dette notatet. Det kom inn to tilbod, og tilbodet frå Andor Hovden AS vart vald. Dette prospektet hadde beste score på alle dei tre konkurransekriteria: Funksjonalitet, husleige og tomtepris. Tilbydar fekk tilsendt kjøpekontrakt, men denne har aldri vore signert. Eid kommune eig framleis gbnr 44/594. Saksutgreiing: I prosess knytt til byggjesøknad vart det avklara at byggjeplanane til Andor Hovden AS ikkje let seg gjennomføre i samsvar med gjeldande reguleringsplan. Hovden starta difor ein reguleringsprosess, med sikte på å tilpasse reguleringsplan til konkurransegrunnlaget. Formannskapet avviste saka, og reguleringsplanen vart ikkje lagt ut til offentleg ettersyn. Hovden utarbeidde deretter nye planar, som vart presentert for administrasjonen i møte 16.02.15. Det vart konkludert med at heller ikkje desse planane var i samsvar med reguleringsplanen. Andor Hovden AS melde då tilbake til kommunen at det ikkje vil vere mogeleg å gjennomføre planlagd konsept innanfor gjevne rammer. Firmaet ønskjer framleis å byggje ut tomten på Golsengane, men andel utleigeeiningar må då reduserast. Økonomiske konsekvensar: Andor Hovden AS har tilbode kr 500.000 for den aktuelle tomta. Vurdering: Bygging av utleigeeiningar er vanskeleg å finansiere, noko som syner seg i heile landet. Det er svært få kommersielle utleigeaktørar i marknaden, utleige avgrensar seg i regelen til sokkelhusvære etc i vanlege einebustader. Kravet om bygging av utleigeeiningar var truleg avgjerande for åt få tilbydarar melde seg då tomta vart lyst ut for sal. Tilbakemelding frå kjøpar tilseier at utleigeeiningane i praksis må finansierast gjennom sal av andre einingar i byggjeprosjektet. Med redusert tal bueiningar på tomten, vert konsekvensen at det ikkje er økonomisk forsvarleg å etablere så mange utleigeeiningar som føresett. Revidert framlegg til kjøpekontrakt er utarbeidd i dialog med Andor Hovden AS. Avtalen legg opp til at tal utleigeeiningar vert redusert frå 6 til 2. Det totale antalet bueiningar på tomten vil også verte redusert, utan at samla omfang er avklara. Reguleringsplanen seier at her skal etablerast minst 8 bueiningar. Vedlagd kjøpekontrakt byggjer på det opprinnelege kontraktsframlegget, men tal utleigeeiningar er redusert. Kjøpar ønskjer ikkje å overta eigedommen før byggjeløyve ligg føre, og dette er no presisert. Vidare er kjøpar forplikta til å starte byggjearbeid seinast eitt år frå kontraktsdato. Det er to år sidan den aktuelle tomten vart lyst ut for sal. Manglande gjennomføring har fleire årsaker, utan at dette vert drøfta i denne saka. Saka har vore svært ressurskrevjande både for kommunen og kjøpar, så det er positivt at det no vert lagt opp til ei utbygging i samsvar med gjeldande reguleringsplan. Tal utleigebustader vert lågare enn føresett i utgangspunktet, men 47
ivaretek likevel intensjonen om å leggje til rette for fleire utleigebustader. Rådmannen rår difor til at kjøpekontrakten vert godkjend slik den ligg føre. RÅDMANNEN SI TILRÅDING: Kjøpekontrakt mellom Eid kommune og Andor Hovden AS vert godkjend jf vedlegg 4. 26.02.2015 FORMANNSKAPET F-038/15 VEDTAK: Ordførar gjorde framlegg om at sak 38/15 vert trekt. Saka vart trekt. Åslaug Krogsæter -rådmann- 48
EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Driftsutvalet 12.02.2015 009/15 TMY Formannskapet 26.02.2015 039/15 TMY Avgjerd av: Saksbehandler: Torfinn Myklebust Arkiv: D11 Objekt: 44/114 Arkivsaknr 13/2208 Fleirbrukshall ved Nordfjordeid skule -kravspesifikasjon for totalentreprise Prenta vedlegg: Tilbodsutgreiing (TU) 04.02.15 TU-V1 Samandrag av tilbod TU-V3 Kontraktsbestemmelser TU-V7-1 Geo.rapport 28.01.15 TU-V10-1 Teikningar liten hall TU-V10-2 Teikningar stor hall Notat fargeval 04.02.15 (ikkje del av tilbodsgrunnlaget) Aktuelle lover, forskrifter, avtalar m.m.: Lov om grunnopplæring Plan- og bygningslov Lov og forskrift om off.anskaffelser Lov om arbeidsmiljø Forskrift om inneklima i skular og barnehagar KUD Føresegner om tilskot til anlegg Kva saka gjeld: Godkjenning av kravspesifikasjon for totalentreprise. Bakgrunn for saka: Eid kommunestyre vedtok i sak 104/14 rom- og funksjonsprogram for fleirbrukshall ved Nordfjordeid skule. Kommunestyret sitt vedtak lhar følgjande ordlyd: 49
1. Rom og funksjonsprogrammet for fleirbrukshall vert godkjent etter alternativ 6, med ein hall på 23X24 meter og eit bruttoareal på 1214 kvadratmeter. I tillegg kjem 50 m2 til lager for lag og organisasjonar. 2. Prosjektet vert utforma slik at ein oppnår spelemidler på kr 4.000.000,- 3. Det vert sett ei ramme for Eid kommune sine nettoutgifter på kr 28,6 mill. Dette inkluderer kr 1,8 mill til teglfasade. 4. Manglande finansiering på kr 12,0 mill. + kr 1.800.000, totalt kr 13,8 mill,- vert finansiert med auka låneopptak. 5. Hallen vert bygt som vist på situasjonsplan alternativ nord. Rådmannen får i oppgåve å lyse bygging av ny fleirbrukshall/gymsal ut på anbod slik at ein får inn anbod både på alternativ 1 og 6, slik det går fram av saksutgreiinga Saksutgreiing: Prosjektgruppa har i samarbeid med Nordplan AS fått utarbeidd planer for ny fleirbrukshall i to alternativ. Prosjektgruppa er samansett av medlemer frå mellom anna idrettsråd, samarbeidsutval, elevråd og dei ansatte ved skulen. Det er gjennomført grunnundersøkelser på tomta. Totalentreprenørane må prosjektere bygget med grunnlag i desse undersøkelsane. Prosjektgruppa har halde seg til mandatet frå kommunestyret, men har valgt å gjere ei endring på alternativet for liten hall. Prosjektgruppa har utvida breidda for hallen til 25 meter, dette for å ha høve for seinare utviding av hallen til 25X45 meter. Ved utteikning av alternativet for stor hall vart det ståande eit udisponert areal på 12,7 m2, dette har prosjektgruppa valt å nytte til kiosk. I planane er det lagt vekt på at anlegget skal utformast i tråd med dei arkitekttoniske kvalitetane som er på skuleområdet. Det er og lagt vekt på å anlegget skal ha gode miljømessige løysingar og lave livssykluskostnader. Kravspesifikasjon og planer er lagt opp for at dei skal stette krava i KUD sine føresegner om tilskot til anlegg. Det er og lagt opp til å få eit funksjonelt anlegg, først og fremst for skulen sin del, men og for at anlegget skal kunne fungere godt for lag og organisasjoner. At prosjektet vert utlyst i to alternativ vil gjere det noko meir utfordrande for tilbydarane. Dei må legge ned meir arbeid i tilbodet enn om der berre var eitt alternativ. Det er utarbeidd følgjande reviderte framdriftsplan for prosjektet: 26.februar 15 Godkjenning kravspekk i formannskapet 27.februar 15 Utlysing Doffin 22.april 15 Anbodsfrist 30.april 15 Formannskapet val av utbyggingsomfang 07.mai 15 Kommunestyret. val av utbyggingsomfang 27.mai 15 Inngåing av kontrakt 10.aug 15 Byggestart 10.okt 16 Ferdig bygg 01.des 16 Innflytting, ta i bruk Tidsramma i anbodsfasen er veldig stram. Ein så kort anbodsfrist kan virke ekskluderande for einskilde firma. Økonomiske konsekvensar: 50
Dei økonomiske konsekvensane ved utbygginga og dei ulike alternativa er gjort rede for i K- sak 104/14. Når formannskap/kommunestyre skal velje utbyggingsomfang vil tilbodsprisane for dei ulike alternativa vere avklart. Vurdering: Planane som er utarbeidd for fleirbrukshall ved Nordfjordeid skule vil gje tenlege lokale for skulen sin bruk. Uansett alternativ vil den og føre til betre tilbod til lag og organisasjonar, den vil og medføre at Eid idrettshus vert avlasta i bruk. Alternativet med stor hall vi først og fremst bli ein treningsarena for lag og organisasjonar. Sidan hallen ikkje vil ha tribune for publikum vil den bli mindre brukt til kamparrangement. Planane som er utarbeidd er eit godt grunnlag for å få konkurranse på anskaffelsen, men den stramme tidsplanen kan medføre at det kjem inn færre tilbod enn kva ein elles kunne forvente. Administrativ styringsgruppe bør få fullmakt til å kunne gjere mindre endringar i kravspesifikasjonen dersom dei finn det turvande. RÅDMANNEN SI TILRÅDING: 1. Kravspesifikasjon for totalentreprise fleirbrukshall vert godkjent slik dei følgjer som vedlegg i saka, 2. Administrativ styringsgruppe kan gjere mindre endringar i kravspesifikasjonen om dei finn det formålstenleg.. 12.02.2015 DRIFTSUTVALET DFU-009/15 VEDTAK: Som rådmannen si tilråding, samrøystes. 26.02.2015 FORMANNSKAPET F-039/15 VEDTAK: 1. Kravspesifikasjon for totalentreprise fleirbrukshall vert godkjent slik dei følgjer som vedlegg i saka, 2. Administrativ styringsgruppe kan gjere mindre endringar i kravspesifikasjonen om dei finn det formålstenleg. Åslaug Krogsæter -rådmann- 51
52
EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Formannskapet 26.02.2015 040/15 TMO Kommunestyret 26.03.2015 TMO Avgjerd av: Kommunestyret Saksbehandler: Terje Moldestad Arkiv: 033 Objekt: Arkivsaknr 11/1614 Val ny varamedlem til vassregionutval og vassområdeutval Prenta vedlegg: E-post frå Gunvald Ludvigsen og Tore Hjelle. Saksutgreiing: Gunvald Ludvigsen skriv i e-post dat. 09.02.2014: «Dag- Henning Reksnes er ikkje-fungerande vararepresentant i vassutvalet. Anne Britt Andersen, som er Eid kommune sin faste representant i dette utvalet, ynskjer at vi finn ei erstatning for Dag-Henning for resten av valperioden. I det dette var ein «Høgre-plass», ber eg om innspel frå deg Tore slik at vi kunne få vald ein ny vara på førstkommande f.møte.» Tore Hjelle skriv følgjande svar: «Vårt forslag er Jostein Huneide. Har avklara dette med Jostein.» RÅDMANNEN SI TILRÅDING: Jostein Huneide vert valt til nytt varamedlem i vassregionutvalet for resten av valperioden. 26.02.2015 FORMANNSKAPET 53
F-040/15 VEDTAK SOM INNSTILLING TIL KOMMUNESTYRET: Jostein Huneide vert valt til nytt varamedlem i vassregionutvalet for resten av valperioden. Åslaug Krogsæter -rådmann- 54
EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Formannskapet 26.02.2015 041/15 ÅKR Avgjerd av: Saksbehandler: Åslaug Krogsæter Arkiv: 080 Objekt: Arkivsaknr 15/29 Orienteringssaker frå rådmann til formannskapet 2015 1. Førebels årsrekneskap for 2014 2. Orientering om geotekniske undersøkingar Myroldhaug 3. Orientering om breibandsstøtte 4. Orientering om initativ frå Sogn og Fjordane Fylkeskommmune om å reforhandle driftsavtalene for kulturinstitusjonane i fylket 5. Orientering om overordna ROS arbeid RÅDMANNEN SI TILRÅDING: Orienteringssakene vert tekne til vitande. 26.02.2015 FORMANNSKAPET F-041/15 VEDTAK: Orienteringssakene vert tekne til vitande. Åslaug Krogsæter -rådmann- 55