Side 1 SAMLA SAKSFRAMSTILLING Arkivsak: 09/95-16247/10 Saksbeh.: Arkivkode: Saksnr.: Utval Møtedato 89/10 Formannskap/ plan og økonomi 26.08.2010 66/10 Kommunestyret 09.09.2010 Berit Marie Galaaen PLAN soneinndeling SAMLA SAK - GROADALEN PÅ REIMEGREND - REGULERINGSPLAN Administrasjonen si innstilling: Formannskap/ plan og økonomi den 26.08.2010 sak 89/10 Behandling i møte: Administrasjonen si innstilling vart samrøystes tilrådd. Saksordførar: Atle Bilsback Tilråding: Saksordførar: Atle Bilsback Kommunestyret den 09.09.2010 sak 66/10 Behandling i møte: Repr. Atle Bilsback la fram saka på vegne av utval for formannskap/plan og økonomi. Utval for formannskap/plan og økonomi si tilråding vart samrøystes vedteken. Vedtak:
Side 2 Administrasjonen si utgreiing: 2. DOKUMENT SOM BAKGRUNN FOR SAKA: Dokument merka med * ligg ved. *25.11.09 Fråsegn Statens vegvesen *18.12.09 Fråsegn NVE *02.12.09 Fråsegn Hordaland Fylkeskommune *22.12.09 Fråsegn Geir M. R. Skagen (advokatene Ommundsen & co) *08.06.10 E-post frå Geir M.R.Skagen *08.06.10 Kommentar til fråsegn/merknader frå Arkitketbruket ans *04.08.10 Fråsegn Hordaland Fylkeskommune *15.06.09 Planframlegg 3. SAMANDRAG AV SAKA: Privat detaljreguleringsplan for Groadalen på Reimegrend har vore ute til offentleg ettersyn. Arkitektbruket ans legg no fram planforslag til 2.gongs behandling og endeleg godkjenning. Arkitektbruket ans v/sigbjørn Dugstad fremjar planen på vegne av tiltakshavar Kåre Øvsthus, Dagny Vangen, Lars Kvarekval. Føremålet med planarbeidet er å leggja til rette for 10 nye tomter for frittliggjande fritidsbustadar som fortetting i eksisterande hytteområde. Det er krav om at dei 10 nye hyttene inklusive dei eksisterande hyttane som vert liggjande innafor plangrensa må regulerast. Saka har venta på avklaring frå Hordaland Fylkeskommune. Det kom inn 4 merknader til planforslaget ved offentleg ettersyn. Hordaland fylkeskommune kom med endeleg fråsegn fyrst i august 2010. Administrasjonen rår til at framlegg til privat detaljreguleringsplan for Groadalen på Reimegrend vert godkjent. 4. FAKTA OM SAKA: Det vart halde oppstartsmøte den 13.01.2009. Arbeidet vart annonsert i avisa Hordaland den 05.02.2009, og varselbrev, datert 23.01.2009, vart sendt til aktuelle offentlege instansar og til grunneigarar og naboar i området. Det kom inn 6 merknadar/fråsegn til varselet. Vedtak om offentleg ettersyn FPL møte den 05.11.2009 sak 107/09 Planforslaget låg ute til høyring i tida 16.11.09 til 05.01.10 Det kom inn 5 merknader etter offentleg ettersyn Hyttefeltet er med i kommuneplanen for Voss 2007 2018. Tiltakshavar:
Side 3 Kåre Øvsthus, Dagny Vangen, Lars Kvarekval. Rådgjevar VA: Odd Bakketun as Reguleringsframlegget er utarbeidd av: Arkitektbruket ans v/ sivilarkitekt Sigbjørn Dugstad Tilkomst til feltet er ved privat veg som har avkøyrsle frå fylkesveg 307 på Reime. Bilparkering er på private parkeringsplassar på Reime, Brekke og Øvsthus. Det er 2 større parkeringsplassar i nærområdet. Desse er skilt ut og fleire av dei eksisterande fritidsbustadane i planområdet har kjøpt seg inn i desse plassane. Dette vil halda fram. Ein legg likevel inn turvande bilparkeringsplassar på tiltakshavarane sin eigen grunn. Det er stor trong for parkeringsplassar då dette er eit mykje brukt utfartsområde. Frå nærmaste parkeringsplass er det gangveg inn i planområdet. Avstand frå nærmaste bilparkering til midt i planområdet er det ca 600 meter. Lengste avstand frå bilparkering til midt i planområdet er det ca 1000 meter. Terrenget hellar lett mot aust søraust. Mot sør- sørvest er det ein rygg langs heile planområdet. Delar av området er myrlendt. Området har innslag av lauvskog. Høgdeskilnaden innafor planområdet er ca 70 meter. Frå nivå 650 til nivå 720 moh. Planområdet har eit samla areal på 130 da der parkeringsarealet har eit areal på ca 1,0 da. Planområdet er inndelt i fylgjande føremål etter plan- og bygningslova: Byggjeområde, 12-5. Ledd nr. 1 - Område for frittliggjande fritidsbustader Samferdsleanlegg og teknisk infrastruktur, 12-5. Ledd nr. 2 - Felles avkøyrsle - Felles parkeringsplass. - Anna felles veggrunn. LNF-føremål. 12-5. Ledd nr. 5 - Jordbruk og skogbruk. Det kan leggjast inn vatn i hyttene under føresetnad av at det vert installert separate prefabrikkerte kloakkreinseanlegg for gråvatn. Arbeidet skal utførast i tråd med rapport utarbeidd av VVSrådgjevar Ing. Odd Bakketun as, datert 30.09.09. Det skal ikkje leggjast inn vassklosett i fritidsbustadane. Straum til dei nye hyttene må i utgangspunktet hentast frå nettstasjonen Sverdalen 2. Framføringa skal skje ved jordkabel. Området er eit hyttefelt med frittliggjande og spreidd bygnad. Leik føregår på eigne tomter og i friluftsområdet mellom hyttetomtene. Klatring i tre, leiking i småbekkar, fiske i Brekkeselva. Her er skiløyper om vinteren og det kan lagast småbakkar for hopp og leik i tildels urørt natur. Det går stiar og skiløyper gjennom planområdet. Desse vert nytta som tilkomst til hyttene og som turstiar vidare
Side 4 innover i Brekkedalen i eit framifrå turterreng. Eksisterande turvegar og stiar er teikna inn på tilhøyrande illustrasjonsplan. Tomtene har varierande terrenghelning men dei fleste er relativt flate. Fleire av dei eksisterande hyttene i området ligg på terrengryggen mot sør-sørvest. 2 av dei nye tomtene vert lagt her. Dei resterande ligg på flatare parti. På knausar og kollar. Området er relativt flatt utan bratte helningar med fare for ras eller utgliding. 5. ADMINISTRASJONEN SI VURDERING: Planforslaget vil samsvare med gjeldande kommuneplan. Innkomne fråsegner etter offentleg ettersyn er kort oppsummert og kommentert av planleggjar og administrasjonen. Statens vegvesen Føreset at det ikkje vert parkering langs fylkesveg 307. Minnar om at det må søkjast om utvida bruk av eksisterande avkøyrsle og at det er eigarane/brukarane av den private vegen som har ansvar for å halda frisiktssona ved tilkomstveg 307. Har elles ingen merknader til planen. Kommentar frå planleggjar: Parkering skal skje på innregulerte parkeringsplassar og ikkje langs fylkesvegen. I samband med utskiljing og sal av tomter vil det verta søkt om utvida bruk av eksisterande avkøyrsle. Administrasjonen viser til at parkeringsforholda er sikra i reguleringsplanen. Det skal hindre at hytteeigarane parkerer langs fylkesvegen. Det er stilt krav til 1,5 p-plassar pr. hytte eining og det er oppfylt. Det er totalt 34 hytter innafor området og det er regulert inn 51 p-plassar. Det er i tillegg stilt rekkefylgjekrav til opparbeiding av parkeringsplassane før det vert gjeve bruksløyve. Hordaland Fylkeskommune kultur- og idrettsavdelinga Det er ikkje registrert automatisk freda kulturminne innafor planområdet. Planområdet ligg likevel slik til at det er potensial for funn av automatisk freda og nyare tids kulturminne her. Det er naudsynt med arkeologisk registrering. Registreringa kan skje tidlegast i april 2010. Fylkeskonservatoren ber om utvida frist for fråsegn i saka til 31. mai 2010. I endeleg fråseg datert 4.august 2010 trekkjer dei kravet om arkeologisk registrering. Kommentar frå planleggjar: Tiltakshavar aksepterte kravet og kostnadane med arkeologisk gransking. I midten av mai ( veke 19 ) vart det meldt til Fylkeskonservatoren at området var fritt for snø. Pr. 08.06.10 er det ikkje kome uttale. Saka har venta på avklaring frå Hordaland Fylkeskommune. Dei ba om utsett høyringsfrist for å utføre ei arkeologisk registrering. Dei fremja ein ny frist til 31.mai 2010 pga. at registreringane i marka måtte gjennomførast etter snøsmelting. Fylkeskommunen har ikkje gjennomført registreringa innafor fristen og dei beklagar at dei ikkje har fylgt opp saka. Dei har derfor trekt sitt krav om registrering og går inn for godkjenning av planforslaget slik det ligg føre. Dei har og vurdert det slik at
Side 5 dette området allereie er utbygd og meiner etter å ha sett litt nærare på det at det truleg ikkje er stor fare for å finne nye kulturminne på staden. NVE Har ingen innvendingar mot planen. Frå eigar av tomt gnr. 141, bnr. 51 Geir M.R. Skagen v/ advokat Ove Jan Ommundsen. Har fleire merknader når det gjeld planframlegget og tilhøvet til sin eigen eigedom. Har i ettertid kome til semje med tiltakshavar og har trekt tilbake merknaden. Viser til skriv datert 08.06.2010. Administrasjonen ser det som veldig positivt at eksisterande hytteeigar og tiltakshavar/grunneigar har kome til enigheit. Problemstillinga som vart reist av hytteeigar var av privatrettsleg art. Oppsummering: Administrasjonen påpeikte ved oppstart at det kan vere ei utfordrande oppgåve å fortette i eksisterande hytteområde. Forholdet til eksisterande situasjon har vore viktig i denne prosessen. Det har vore peika på kor viktig det er å oppretthalde skiløype og utfartsåre for ålmenta slik den er i dag. Skiløypa går mellom eksisterande hytter. Føremålet har og vore å prøve å oppretthalde karakteren på eksisterande hytteområde og ta mest mogleg omsyn til eksisterande hytter under utarbeidinga og planlegginga av nye tomter. I dette tilfelle har det ikkje kome store innvendingar i høyringsperioden og planforslaget synes derfor å vere løyst på ein tilfredstillande måte for hyttenaboane rundt. Administrasjonen meiner at det er positivt at allereie utbygde område vert fortetta der det er nok areal, i staden for å etablere nye hytter på urørt areal. Det har vore viktig i prosessen og få målt opp og sikra at dei reelle tomtegrensene i terrenget stemmer med plankartet. Administrasjonen føreset at det er gjort. Hyttene skal ikkje ha køyreveg heilt fram til hytta. Det vert regulert inn sommar- og vinterparkering i samband med eksisterande parkeringsplassar som grunneigarane til dels har opparbeida. Det skal regulerst tomter til frådeling og det skal verta eigande tomter. Det er tenkt å nytte eksisterande traktorveg som transportveg for bygginga, samt helikopter og scootertransport som er mest skånsamt for landskapet. Ein må hugse å søkje om løyve for bruk av motorisert køyretøy i utmark. Det kan leggjast inn vatn i hyttene. VA rapporten som ligg til grunn for planforslaget skal vere førande for løysingane som vert valt for dei einskilte byggesakene. Konklusjon: Planforslaget som no vert lagt fram for endeleg godkjenning er presentert på ein oversiktlig og god måte. Det er utfyllande føresegner som er tydeleg og retningsgjevande. Administrasjonen rår til at planframlegget vert endeleg godkjent.