Stryn kommune 2014 Planprogram for Storesunde - del av Kommunedelplan Langeset - Stryn - Storesunde Planstrategi Samfunnsdel Handlingsdel/Økonomiplan Arealdel Kommunedelplan Kommunestyret 27.02.2014 Sak 11/1461, dokument 22
INNHALD 1. Innleiing 4 1.1. Gjeldande kommuneplan 4 1.2. Bakgrunn med planarbeidet 4 1.3. Planavgrensning 5 1.4. Planprogram 5 2. Rammer for planarbeidet 6 2.1. Nasjonale retningsliner 6 2.2. Regionale føringar 6 2.3. Kommunale planar 6 3. Alternative løysingar 7 3.1. Bustader 7 3.2. Fritidsbustader 7 3.3. Næringsareal 7 3.4. Gang og sykkelveg 7 4. Behov for utgreiingar 8 4.1. ROS-analyse 8 4.2. Konsekvensutgreiing 8 5. Planprosessen 9 5.1. Organisering 9 5.2. Medverknad 9 5.3. Framdriftsplan 9
1. INNLEIING 1.1. GJELDANDE KOMMUNEPLAN Kommuneplanen er det overordna styringsdokumentet og skal vere førande for utviklinga i kommunen. Den består av ein samfunnsdel og ein arealdel. Ein revisjon av samfunnsdelen blir gjennomført i løpet av 2013. Arealdelen skal vise samanhengen mellom framtidig samfunnsutvikling og arealbruk. Arealdelen er juridisk bindande, og omfattar plankart, planomtale og føresegner. Plankartet skal vise hovudføremål og omsynssoner for bruk og vern av areal. I 2006 reviderte kommunen heile arealdelen, dette omfatta eitt hovudkart samt 13 delplanar som viser arealbruken med større detaljering. Kystsoneplanen vart utarbeidd i ein eigen planprosess og vedteken i 2009. Kommunen har revidert to av kommunedelplanane. Kommunedelplan for Loen sentrum vart vedteken i 2012, medan kommunedelplan for Bøasetra-Ullsheim vart vedteken i 2013. 1.2. BAKGRUNN MED PLANARBEIDET Kommunestyret vedtok planstrategi for 2012-2015 i møte den 19.09.2012. Planstrategien klargjer kommunen sitt behov for planar, og prioritering av desse, i inneverande kommunestyreperiode. I planstrategien var følgjande planoppgåve prioritert høgast av kommunestyret: Revisjon av kommunedelplan for Stryn sentrum, inkludert vurdering av behov for ny trasé for tilkomstveg frå Stryn sentrum til hytteområda nord for Stryn sentrum. Kommunedelplanen for Stryn sentrum vert utvida austover frå Rise bru til Gjørven inkludert vurdering av gang- og sykkelveg austover frå Rise bru og behov for nye næringsareal. Det er allereie utarbeidd planprogram for kommunedelplan Langeset-Stryn-Gjørven. I samband med fastsetjing av dette planprogrammet vedtok kommunestyret at planområdet skulle utvidast austover til og med Storesunde, sjølv om dette ikkje er eit prioritert område i planstrategien.
1.3. PLANAVGRENSNING Opphavleg omfatta planområdet arealet frå Langeset i vest til Gjørven i aust, frå og med Vetlevika i sør til og med Lida i nord. Ettersom Storesunde no blir innlemma vil planen få nemninga kommunedelplan for Langeset-Stryn-Storesunde. Området er illustrert på kartskissa under, der ein viser utvidinga av planområdet. Plangrensa må ikkje tolkast heilt bokstaveleg, då endeleg plangrense kan bli justert undervegs i arbeidet. Dersom konseptvalutgreiinga (KVU) for ny trasé for E39 endar med konsept K10 indre line, vil det til dømes vere aktuelt å justere vestre del av planområdet til å omfatte noko meir av rv.15/e39 mot Hornindal grense. Storesunde Førebels planavgrensing for kommunedelplan for Langeset-Stryn-Storesunde. 1.4. PLANPROGRAM Etter ny plan- og bygningslov skal det utarbeidast planprogram for samtlege kommuneplanar. Framlegg til planprogram skal sendast på høyring og leggast ute til offentleg ettersyn samstundes med varsel om oppstart av planarbeid. Kommunestyret skal fastsetje planprogrammet. Eit planprogram skal gjere greie for føremålet med planarbeidet, planprosessen med fristar og deltakarar, opplegget for medverknad, kva alternativ som vil verte vurdert og behov for utgreiingar. Planprogrammet for kommunedelplan Langeset-Stryn-Gjørven blei fastset av kommunestyret 27. juni 2013. I og med at det då blei vedteke at Storesunde skulle vere omfatta av planen, må ein utarbeide eit eige planprogram for dette området. Tema som ein må vurdere ved ein revisjon av kommunedelplan for område Storesunde er følgjande: Behov for nye bustadareal Behov for nye fritidsbustadar Behov for nye næringsareal Behov for gang- og sykkelveg frå Rise bru til Mindresunde
2. RAMMER FOR PLANARBEIDET Planarbeidet er styrt av plan- og bygningslova av 2008. Planen vil bli utforma innanfor nasjonalt lovverk, forskrifter, statlege og regionale mål og retningsliner. 2.1. NASJONALE RETNINGSLINER Nasjonale forventningar til regional og kommunal planlegging vart vedteken ved kongeleg resolusjon 24. juni 2011. Dokumentet handlar om kva regjeringa forventar at statlege mynde, fylkeskommunane og kommunane skal ta omsyn til i planlegginga. I plan- og bygningslova er det sett opp ein del nasjonale oppgåve som kommunen må ta omsyn: Setje mål for den fysiske, miljømessige, økonomiske, sosiale og kulturelle utviklinga i kommunar og regionar, avklare samfunnsmessige behov og oppgåve, og seie korleis oppgåvene kan løysast Sikre jordressursane, kvaliteter i landskapet og vern av verdifulle landskap og kulturmiljø Sikre naturgrunnlaget for samisk kultur, næringsutøving og samfunnsliv Leggje til rette for verdiskaping og næringsutvikling Leggje til rette for god forming av bygdeomgjevnader, gode bumiljø og gode oppvekst- og levekår Fremme befolkningens helse og motvirke sosiale helseforskjell, samt bidra til å førebyggje kriminalitet Ta klimaomsyn gjennom løysningar for energiforsyning og transport Fremje samfunnssikkerhet ved å førebyggje risiko for tap av liv, skade på helse, miljø og viktig infrastruktur, materielle verdiar mv. 2.2. REGIONALE FØRINGAR Sogn og Fjordane fylkeskommune som regional planstyresmakt har vedtatt fleire planar som òg er retningsgjevande for kommunal planlegging. Dette er mellom anna følgjande: Fylkesplan 2005 2008 «Vegen vidare for Sogn og Fjordane» Regional transportplan Sogn og Fjordane 2014 2023 (under utarbeiding) Regional plan for verdiskaping (under utarbeiding) Regional plan for folkehelse (under utarbeiding) Fylkesmannen i Sogn og Fjordane skal følgje opp statlege vedtak, mål og retningsliner. 2.3. KOMMUNALE PLANAR I samband med revisjon av samfunnsdelen vil det bli lagt ein del føringar som må takast omsyn til i kommunedelplan for Langeset-Stryn-Storesunde. I tillegg vil mellom anna følgjande interkommunale og kommunale planar gje føringar for planen: Samla utviklingsplan for Indre Nordfjord som reisemål Kommunedelplan for bygningsvern Kommunedelplan for differensiert forvaltning av Stryne-, Loen- og Oldenvassdraget Kommunedelplan for idrett, fysisk aktivitet og friluftsliv 2013-2016 Kommunedelplan for kultur 2013-2016
3. ALTERNATIVE LØYSINGAR 3.1. BUSTADER Kommunedelplanen skal vise nye bustadområde mellom Langeset og Vinsrygg-Tverrfjellet i vest og Storesunde i aust. Det skal leggjast ut sentrumsnære bustadfelt samt LNF-område med spreidd bustader. 3.2. FRITIDSBUSTADER Kommunedelplanen skal vise nye område for fritidsbustader mellom Langeset og Vinsrygg- Tverrfjellet i vest og Storesunde i aust. 3.3. NÆRINGSAREAL Tilgang på areal for etablering eller utviding av privat næringsverksemd er avgjerande for utvikling av næringslivet i heile kommunen. Det er for liten tilgang til sentrumsnært næringsareal i Stryn. Næringsarealet på Tonningsleirane har ikkje rom for ekspansjon. Kommunedelplanen må opne for nye næringsareal. Dei mest aktuelle alternativ er: Fortetting og utviding av eksisterande næringsareal nær sentrum Langesetområdet, utviding av Stryn miljø- og næringspark mot vest, sør og evt. aust og nord Areal aust for Stryn sentrum Ønskje om næringsareal på Langeset kan auke ytterlegare ved eventuelt val av trasé for E39 etter K10-alternativet. Det kan oppstå interessekonflikt om arealbruken, særleg mellom landbruksinteresser og andre næringsinteresser på dyrka jord aust for Stryn sentrum. Overordna retningslinjer om vern av dyrka jord og landbruksnæringa sitt arealbehov, må då vegast mot behov for areal til andre næringar. 3.4. GANG OG SYKKELVEG Gang- og sykkelveg Stryn sentrum-rise bru vart bygd i 2012. Forlenging av gang- og sykkelveg frå Rise bru til Gjørven er viktig, særleg innafor strekninga som ikkje har tilbod om skuleskyss. I og med at planområdet no er utvida til å omfatte Storesunde må ein vurdere gang- og sykkelveg vidare frå Gjørven til Storesunde.
4. BEHOV FOR UTGREIINGAR 4.1. ROS-ANALYSE Kommunen som planmynde har ansvar for at samfunnstryggleiken vert ivareteken i planar etter plan- og bygningslova. Det skal takast omsyn til risiko og sårbarheit som kan true liv, helse, miljø, viktig infrastruktur og materielle verdiar. Det er krav om ei risiko- og sårbarheitsanalyse (ROSanalyse) ved utarbeiding av planar for utbygging, jf. pbl 4-3. På kommuneplannivå skal potensiell risiko og sårbarheit identifiserast. Det er berre dei områda som er vurdert som framtidig utbyggingsområde eller LNF med spreidd utbygging, og som omfattar ei endring i høve gjeldande plan, som skal utredast. Analysa skal femne om alle risiko- og sårbarheitstilhøve som er avgjerande for om areal er eigna til utbygging og kva eventuelle tiltak som må gjennomførast for å oppnå akseptabel risiko. Klimaendringane er forventa å påverke framtidig risiko og sårbarheit, og ROS-analysen må difor vurdere også konsekvensen av klimaendringane. 4.2. KONSEKVENSUTGREIING Krav om konsekvensutgreiing er heimla i plan- og bygningslova 4-2; For regionale planar og kommuneplanar med retningsliner eller råmer for framtidig utbygging og for reguleringsplanar som kan få vesentlege verknader for miljø og samfunn, skal planskildringa gje ei særskild vurdering og skildring konsekvensutgreiing av planen sine verknader for miljø og samfunn. Kravet står også i forskrift om konsekvensutgreiingar. Kommunedelplanen fell inn under 2 - Planar og tiltak som alltid skal handsamast etter forskrifta. I nedenståande tabell står det nemnt dei tiltaka som må utgreiiast i kommunedelplanen, del Storesunde. Dei alternative løysingane som kommunen kan sjå i dag er lista opp, men dette kan endra seg i løpet av planprosessen. Dette gjeld òg for dei skisserte utgreiingstema. TILTAK ALTERNATIV LØYSING UTGREIINGSTEMA NYE NÆRINGSAREAL - Storesunde Ureining Transportbehov Kulturminne og kulturmiljø Naturmangfald Sikring av jordressursar NYE OMRÅDE FOR BUSTADER OG FRITIDSBUSTADER - Storesunde Transportbehov Kulturminne og kulturmiljø Naturens mangfald Sikring av jordressursar Tilgjenge til uteområde og gang- og sykkelvegnett GANG- OG SYKKELVEG - Rise bru - Mindresunde Sikring av jordressursar Kulturminne og kulturmiljø Naturmangfald Tilgjenge til uteområde og gang- og sykkelvegnett
5. PLANPROSESSEN 5.1. ORGANISERING Kommuneplanarbeidet er administrativt leia av rådmannen, som òg er bindeleddet mot formannskap og kommunestyre for å sikre den politiske forankringa av arbeidet. Under rådmannen blir det praktiske arbeidet i hovudsak gjort av seksjon plan- og næring, i ei arbeidsgruppe samansett av seksjonsleiar, plankonsulent, miljøvernleiar og landbrukssjef. 5.2. MEDVERKNAD Det vil vere høve til å kome med innspel i samband med oppstart av planen samt i samband med offentleg ettersyn. Det vil bli arrangert opne informasjonsmøte knytt til nokre aktuelle tema. Førebels ser ein ikkje behovet for særskilde møter som berre vedkjem Storesunde. 5.3. FRAMDRIFTSPLAN Som ein følgje av at kommunestyret vedtok at kommunedelplanen skulle omfatte Storesunde måtte framdriftsplanen reviderast. Kommunen legg no opp til følgjande framdriftsplan: Fasar i planarbeidet Ansvarleg Fristar/Framdrift Framlegg til planprogram for Storesunde Plan og Næring Oktober 2013 Vedtak om oppstart og høyring av planprogram Formannskapet 18. oktober 2013 Kunngjere varsel om oppstart av kommunedelplanen og høyring av planprogrammet Plan og Næring 21. oktober 9. desember 2013 Fastsetjing av planprogram for Storesunde Kommunestyret 19. desember 2013 Utarbeide framlegg til kommunedelplan for Langeset- Stryn-Storesunde Plan og Næring Oktober 2013 mars 2014 Medverknad frå interne og eksterne partar Plan og Næring Vinter 2013/2014 Samråd med offentlege sektormynde planforum Plan og Næring Vinter 2013/2014 1. gongs handsaming vedtak om offentleg ettersyn Formannskapet Våren 2014 Offentleg ettersyn 6 veker Plan og Næring Sommaren 2014 Handsaming av merknader, utarbeiding av endeleg Plan og Næring Hausten 2014 planframlegg Samråd med offentlege sektormynde planforum Plan og Næring Hausten 2014 2. gongs handsaming av planframlegget Formannskapet Hausten 2014 Vedtak kommunedelplan for Langeset-Stryn-Storesunde Kommunestyret Siste halvår 2014 ***