Hjartdal kommune 3692 Sauland Møteinnkalling for Kommunestyret Møtedato: 03.02.2010 Møtestad: Kommunehuset, kommunestyresalen Møtetid: Kl. 17:00 Kommunestyremedlemene blir med dette kalla inn til møtet. Den som har lovleg forfall, eller er ugild i nokon av sakene, må melda frå så snart råd er, tlf. 35 02 80 00, slik at varamedlem kan bli kalla inn. Stad Sauland, 27.01.2010 Tema: - Demokratiundersøking Olav Tho Ordførar Drøftingssak: - Interpellasjon til kommunestyret frå Hjartdal AP v/audun Dølen og Sven Tore Løkslid Sakliste Sak nr. Saktittel 001/10 GODKJENNING AV MØTEBOK 002/10 ETABLERING AV NY MODELL FOR FORVALTNINGAV VERNEOMRÅDE - INVITASJON TIL Å DELTA I NASJONALPARK-/VERNEOMRÅDESTYRE
Hjartdal kommune Styre, råd, utval Møtedato Saknummer Sakshandsamar Kommunestyret 03.02.2010 001/10 IL Saksansvarleg: Ingebjørg Landsverk Arkiv: K1-033 Arkivnr.: 10/80 GODKJENNING AV MØTEBOK RÅDMANNEN TILRÅR Møteboka blir godkjent slik ho ligg føre.
Hjartdal kommune Styre, råd, utval Møtedato Saknummer Sakshandsamar Formannskapet 19.01.2010 001/10 RB Kommunestyret 03.02.2010 002/10 RB Saksansvarleg: Roar Borgerås Arkiv: K2-K12 Arkivnr.: 09/477 ETABLERING AV NY MODELL FOR FORVALTNINGAV VERNEOMRÅDE - INVITASJON TIL Å DELTA I NASJONALPARK- /VERNEOMRÅDESTYRE Dokument i saka: Nr T Dok.dato Avsendar/Mottakar Tittel 1 I 21.05.2009 Fylkesmannen i Telemark VERNEOMRÅDE MED LOKAL FORVALTNING- TILSKOT TIL 2 I 14.12.2009 Det Kongelige Miljøverndepartemen t INFORMASJONSTILTAK ETABLERING AV N MODELL FOR FORVALTNING AV VERNEOMRÅDE - INVITASJON TIL Å DELTA I NASONALPARK- /VERNEOMRÅDESTYRE Vedlagde dokument: Ingen Saksgang: Formannskapet gjer vedtak Bakgrunn for saka: I brev datert 14.12.09 inviterar Miljøverndepartementet blant andre kommunane i Brattefjell/Vindeggen landskapsvernområde til å delta i ein ny forvaltningsmodell av nasjonalparkar og verneområder. Den nye forvaltningsmodellen innber at den forma for lokal forvaltning vi har i dag vil opphøre. Sakshandsaming og forvaltning etter verneforskrifta for Brattefjell-Vindeggen
landskapsvernområde vil bli overført frå kommunen til eit interkommunalt styre for verneområdet. Dersom kommunane takkar nei til den nye modellen med lokalt verneområdestyre, vil konsekvensen vere at forvaltninga blir overført til fylkesmannen. Kommunane må difor ta stilling til om dei ønskjer at det blir oppretta eit lokalt styre for Brattefjell/Vindeggen landskapsvernområde eller om forvaltninga skal gå attende til fylkesmannen. Kommunane har fått frist til 10.02.2010 til å gje tilbakemelding om dei ynskjer dette. Om den nye forvaltningsmodellen: Den nye modellen går ut på at Brattefjell/Vindeggen skal forvaltast av eit interkommunalt politisk samansatt styre beståande av ein representant frå kvar kommune (primært ordførar), i tillegg til ein representant frå fylkeskommunen. Styret skal syte for ein heilskapleg og kontinuerleg forvaltning på tvers av administrative grenser, og innanfor ramma av naturmangfaldlova og verneforskrifta for det enkelte området. Styret skal ikkje handsame saker etter anna lovverk. Styret skal samarbeide med andre berørte partar gjennom eit breitt samansatt fagleg rådgjevande utval beståande av t.d. grunneigarar, villreinnemnd, frivillige organisasjonar osv. Det vil bli oppretta ei forvaltarstilling som mellom anna vil ha sekretæriatfunksjonen for styret. Forvaltaren skal tilsetjast av fylkesmannen i nær dialog med styret. Forvaltaren vil vere underlagt styret i høve knytt til forvaltning av verneområdet, og fortrinnsvis ha kontorplassering i geografisk nær tilknytning til det aktuelle verneområdet. Finansiering av ordninga vil skje gjennom løyvingar over statsbudsjettet. Eit vilkår for å få lokal forvaltning er at fleirtalet av berørte kommunar ønskjer å delta i forvaltninga av verneområdet. Det takast sikte på at styra skal etablerast frå og med mars-april 2010. Vurdering: Naturmangfoldslova og verneforskrifta for Brattefjell-Vindeggen landskapsvernområde gjev klare og avgrensa rammer for kva tiltak som kan gjennomførast i landskapsvernområdet. Innanfor desse rammene finst det likevel eit handlingsrom. Rådmannen er av den oppfatning at dette handlingsrommet blir best utnytta ved å velje modellen med eit interkommunalt styre. Når det gjeld lokalisering av forvaltarstillinga bør denne leggast til Norsk Villreinsenter Sør på Skinnarbu. Det er ein viktig føresetnad at forvaltaren har eit fagmiljø rundt seg. Norsk Villreinsenter Sør har eit fagmiljø som vil bli ytterlegare styrka dersom forvaltarstillinga blir lagt dit. Geografisk er også Skinnarbu eit godt utgangspunkt nær Brattefjell-Vindeggen. Det vurderast til å vere ein fordel å samarbeide med Hardangervidda nasjonalpark om forvaltarstillinga, men det er ein føresetnad at Brattefjell-Vindeggen får sitt eige verneområdestyre.
RÅDMANNEN TILRÅR: Hjartdal kommune ønskjer å delta i lokal forvaltning av Brattefjell-Vindeggen landskapsvernområde i samsvar med den nye modellen, slik Miljøverndepartementet har invitert til ved brev av 14.12.09. Dette vil skje i samarbeid med Seljord,Tinn og Vinje kommunar. Vi ønskjer at sekretæriatsarbeidet vert utført av ein verneområdeforvaltar med kontor på Norsk Villreinsenter Sør på Skinnarbu. Vi ser det som fordelaktig med eit samarbeid med Hardangervidda nasjonalpark om sekretær, men det er ein føresetnad at Brattefjell-Vindeggen får sitt eige verneområdestyre. Sekretæriatet må ha lokal tilknytting, difor er det uaktuelt med plassering utanfor Telemark. 19.01.2010 Formannskapet Framlegg frå Olav Tho: - Forvaltningen av verneområda fullt ut er statleg finansiera, og det setjast av tilstrekkelege midlar til å sikre ein god forvaltning av områda. - Forvaltningsstyra tildelast ei økonomisk ramme for det aktuelle verneområdet, og disponerar sjølv bruken av desse midlane i verneforvaltninga. - Konkrete forvaltningsoppgåver overlatast til kommunane. Det er i dette høve trong til å gå gjennom dei oppgåver som i dag er tillagt Statens Naturoppsyn (SNO). Med lokal forvaltning dannast eit nytt forvaltningsorgan som naturleg kan overta oppgåver innanfor skjøtsels-,informasjons- og tilretteleggingstiltak, mens SNO beheld si tilsynsmynde FOR-001/10 TILRÅDING: Hjartdal kommune ønskjer å delta i lokal forvaltning av Brattefjell-Vindeggen landskapsvernområde i samsvar med den nye modellen, slik Miljøverndepartementet har invitert til ved brev av 14.12.09. Dette vil skje i samarbeid med Seljord,Tinn og Vinje kommunar. Vi ønskjer at sekretæriatsarbeidet vert utført av ein verneområdeforvaltar med kontor på Norsk Villreinsenter Sør på Skinnarbu. Vi ser det som fordelaktig med eit samarbeid med Hardangervidda nasjonalpark om sekretær, men det er ein føresetnad at Brattefjell-Vindeggen får sitt eige verneområdestyre. Sekretæriatet må ha lokal tilknytting, difor er det uaktuelt med plassering utanfor Telemark. - Forvaltningen av verneområda fullt ut er statleg finansiera, og det setjast av tilstrekkelege midlar til å sikre ein god forvaltning av områda. - Forvaltningsstyra tildelast ei økonomisk ramme for det aktuelle verneområdet, og disponerar sjølv bruken av desse midlane i verneforvaltninga. - Konkrete forvaltningsoppgåver overlatast til kommunane. Det er i dette høve trong til å gå gjennom dei oppgåver som i dag er tillagt Statens Naturoppsyn (SNO). Med lokal forvaltning dannast eit nytt forvaltningsorgan som naturleg kan overta oppgåver innanfor skjøtsels-,informasjons- og tilretteleggingstiltak, mens SNO beheld si tilsynsmynde. Vedtaket var samrøystes.