FØRESEGNER DETALJREGULERING FOR HILJESTEINSVIKA NAUSTOMRÅDE PLANID 1160-13-10 1 Generelt 1.1 Desse reguleringsføresegnene gjeld for det området som på plankartet er vist med reguleringsgrense. 1.2 I samsvar med 25 i plan- og bygningslova er arealet regulert til følgjande formål: Bygningar og anlegg; o Fritidsbusetnad, frittliggjande (1121) - F o Uthus / naust / badehus (1589) - N o Småbåtanlegg i sjø (1587) - S o Renovasjonsanlegg (1550) - R Samferdselsanlegg og teknisk infrastruktur; o Køyreveg (2010) o Kollektivhaldeplass (2073) o Gatetun (2014) o Annan veggrunn tekniske anlegg; grøfter, skråningar (2018) Grøntstruktur; o Friområde, 3041 o båtopptrekk (3900) Omsynssoner o Omsynssone brannvern med byggeforbod (740) o Frisiktsone (140) 2 FELLESFØRESEGNER 2.1 Føresegnene gjeld innanfor ramma av plan- og bygningslova med tilhøyrande føresegner for Vindafjord kommune. 2.2 Etter at reguleringsplanen med tilhøyrande føresegner er godkjent, kan det ikkje inngåast privatrettslege avtalar som er i strid med planen eller føresegnene. 2.3 Sideterrenget langs vegane skal gjevast tiltalande utforming i harmoni med terrenget langs vegen. Parkliknande anlegg, gangvegar og murar skal utformast på ein tiltalande 1
måte. Vegfyllingar og jordskjeringar skal såast til med grasfrø som gjev ein vegetasjon mest mogleg lik vegetasjonen i området. 2.4 Vegane 2 og 3, gatetun, parkeringsplass og båtopptrekk skal vera felles for noverande og framtidige eigarar av naust, fritidseigedomar og tomter i området. 2.5 I plankartet er det definert ei strandline som fell saman med eksisterande strandline der avstanden mellom strandlina og byggelina mot veg er større enn 8,0 m. Der denne avstanden er mindre enn 8,0 m, er det definert ei ny strandline i avstand 8,0 m frå byggegrensa mot veg. Denne definerte strandlina skal leggast til grunn for vurderinga av korleis nausta og pirane kan plasserast. Den definerte strandlina vil og vera ei grense for kor langt ut i sjøen ein kan fylla for å få nytt areal til å bygge naust på. 2.6 Tiltak som brygger, flytebrygger, utfyllingar, sjøleidningar m.m. krev løyve av hamnemynde i tillegg til handsaming etter Plan- og bygningslova, jf Hamne- og farvasslova. 2.7 Dersom det under anleggsarbeid eller anna verksemd i planområdet vert gjort funn av automatisk freda kulturminne, må arbeidet stoppast og kulturminnemynde varslast, jf lov om kulturminne. 2.8 Bygningar skal ikkje førast opp eller tas i bruk for menneske med mindre det er forsvarleg tilgang til hygienisk tilfredsstillande drikkevatn og slokkevatn jf. Pbl. 27-1, første ledd. 3 BYGNINGAR OG ANLEGG; uthus, naust, badehus 3.1 Definisjon av naust Naust er uthus for oppbevaring av mindre båtar og utstyr for bruk av sjøen i rekreasjonssamanheng. 3.2 Tomtedeling Talet på naust innanfor det einskilde naustområdet (N1, N2, N3, N4, N5, N6 og N7) kan ikkje overstige det talet som er vist på plankartet. 3.3 Plassering av naustbygning Nye naust kan førast opp som vist på plankartet. Byggegrense mot veg er vist i kartet. Terreng kan berre planerast mellom sjøen og kote + 3,0. Ikkje fleire enn 3 naust kan ha gavl mot sjøen på rett line. Gavllina skal i tilfelle brytast med ei forskyving på minst 1,0 m. I byggesøknaden skal visast plassering og utforming av bygningar på naboeigedomar i same naustområdet og ev. på naboeigedom i tilgrensande naustområde. 2
3.4 Naustbygningar Naust kan ha ein maksimal storleik på 40 m². Naust skal byggast i ein etasje med maksimal gesimshøgde på kote 4,5 og maksimal mønehøgde på kote 6,5 i naustområda N1, N2, N3, N4 og N5, men likevel slik at gesimshøgde ikkje overstig 3,5 m og mønehøgde 5,5 m. I naustområda N6 og N7 kan naust byggast med maksimal gesimshøgde på kote 3,5 og maksimal mønehøgde på kote 5,5, slik at gesimshøgde ikkje kan overstige 2,5 m og mønehøgde 4,5 m. Nausta skal byggast med gavl mot sjøen og ha saltak. Takvinkel skal vera større enn 35 grader og mindre enn 50 grader. Det er tillate med maks 2 vindauge som til saman ikkje overstig 1 m 2. Naust på gnr. 291, bnr. 93 skal ha brannhindrande vegg mot fritidsbustaden på nabotomta. Det same gjeld vegg i naust på gnr. 291, bnr. 52 dersom avstand til fritidsbustaden er mindre enn 8,0 m. Kommunen kan også setja krav om brannhindrande skiljevegg mellom andre naust. Naust skal tilpassast lokal byggeskikk og førast opp som tradisjonelle naust. Byggemateriale skal vere i tre eller stein. Tak skal tekkast med materiale av tre, takstein eller skifer. Fargebruken skal variere, men vere tilpassa omgivnader og heilskapen i naustområdet. Fasade mot sjø skal ha sidehengsla tett naustdør, skal plasserast midt på gavlen og skal ikkje vera høgare enn skjeringspunktet mellom vegg og underkant tak. Naust skal så langt som råd er, byggast slik at det ikkje stenger for allmenn ferdsel mellom naust og sjø. Stengsel som kan hindre persontilgang til naustområde og brygger, t.d. gjerde, grinder, levegg, skilt m.m., er ikkje tillate. Vatn og avløp kan leggast inn, for avløp må det søkjast særskilt. 3.5 Renovasjonsanlegg Det skal etablerast samleplass for avfall i tilknyting til dei to avkjøringane. Samleplassane er felles for nausttomter, naust og fritidsbustadar som har tilkomst til området. Avfallshandteringa i naustområdet skal vera i tråd med forureiningslova. 4 BYGNINGAR OG ANLEGG, fritidsbusetnad 4.1 Område F 1 Hytteeigedomen kan i framtida nyttast som i dag. Det er eit vilkår at eksisterande tilkomst blir stengt og erstatta av tilkomst frå og parkering på veg V2. Det er krav om 2 parkeringsplassar. Hytta skal vera i 1 høgd og kan vera på inntil 60 m² BYA, maks. mønehøgd 4,0 m og maks gesimshøgd 2,5 m. 3
Som utvendig kledning skal i hovudsak nyttast tre og/eller naturstein. Fargeval skal tilpassast naturen. Dersom hytta blir riven eller brenn ned og skal byggast opp att, skal taket utførast som saltak med takvinkel minimum 22 grader og med taktekking av lite reflekterande materiale. Møneretning skal vera parallell med strandlina. I byggesøknad skal det på alle fasadar visast planlagt og eksisterande terreng. Grunnmur eller pelar skal vera så låge som mogleg, og topp grunnmur skal ligga på minimum kote 2,5. Dersom det skal bli lagt inn vatn i hytta, må det dokumenterast utsleppsløyve. 4.2 Område F2 Hytteeigedomen kan i framtida nyttast som i dag. Det er eit vilkår at eksisterande tilkomst blir stengt og erstatta av tilkomst frå veg V3. Det er krav om 2 parkeringsplassar. Hytta kan ha 1 hovudhøgd med naustfunksjon i underhøgda, med BYA inntil 60,0 m², maks mønehøgd 7,0 m og maks gesimshøgd 4,5 m. Dersom hytta blir riven eller brenn ned og skal byggast opp att, skal taket byggjast som saltak med minimum takvinkel på 35 grader. I byggesøknad skal det på alle fasadar visast planlagt og eksisterande terreng. Grunnmur eller pelar skal vera så låge som mogleg, og topp grunnmur for hovudhøgda skal ligga på minimum kote 2,5. Dersom det skal bli lagt inn vatn i hytta, må det dokumenterast utsleppsløyve. 5 BYGNINGAR OG ANLEGG; småbåtanlegg 5.1 Anlegg i sjø Det er stilt krav om felles bryggeanlegg for naustområda. Det går fram av plankartet kor mange pirar/brygger som er tillate innanfor kvart område for småbåtanlegg. Ved utbygging av pir/brygge vil det bli stilt krav om plan for fellesanlegg innanfor kvart område for småbåtanlegg. Utbyggar av pir/brygge for enkeltnaust, må vere klar over at det ved seinare høve kan stillast krav om omgjering til fellesanlegg. Pir/Brygge skal ikkje byggast slik at det stenger for ålmenn ferdsel mellom naust og sjø. Innanfor området kan byggast pir / brygger og leggast ut flytebrygger og fortøyingsanlegg knytt til bruken av naust og fritidseigedomar. Pir/Brygge skal ha maksimal storleik på 2x6 meter. Flytebrygger som kjem på utsida av dette skal ikkje vere lenger enn at dei totalt kjem maksimalt 10 m ut frå strandline ved flo sjø. Brygger som blir lagt ut som fellesanlegg for fleire båteigarar, kan gå lenger ut i sjøen. Det skal ikkje vera samanhengande brygge langs heile strandlina på tomta, men det kan settast opp dykdalb for å legga båten langs land til enden av pir eller flytebrygge. 4
5.2 Det må sikrast at fortøying til flytebrygger ikkje kjem så langt ut at dei kjem i konflikt med bruken av utanforliggande ankringsområde for fartøy og riggar. 5.3 Planlagde tiltak må prosjekterast og dimensjonerast for å tole påkjenning frå vind og bølger. 6 SAMFERDSLEANLEGG OG TEKNISK INFRASTRUKTUR 6.1 Køyreveg Tilkomst til planområdet skjer på veg 1 som er E 134. Ingen inngrep som hindrar fri sikt langs denne, er tillate. Veg 2 og veg 3 skal opparbeidast i høve til plankart. Vegane er felles for eksisterande eigedomar og framtidige nausttomter fråskilt desse, langs kvar av vegane. 6.2 Det skal utarbeidast teknisk plan for utforming av veganlegg som berører E 134. Teknisk plan skal vere i samsvar med Handbok 139 Tegningsgrunnlag, og han skal godkjennast av Statens vegvesen. Krav til stigningsforhold og sikt skal vere i samsvar med Handbok 017. 6.3 Kollektivhaldeplass Området er sett av til busslomme ved E 134. Det kan settast opp busskur. 6.4 Gatetun Austleg del av planområdet har tilkomst via gatetun. Arealet er sett av til parkering, avog påstiging samt anna felles areal for nausttomter, naust og fritidsbustad som har tilkomst til området. 6.5 Parkering Parkering skal skje på oppmerka plassar langs veg 2. Parkeringsplassar er felles for nausttomter/ naust som er knytt til veg 2. 6.6 Annan veggrunn Området kan nyttast for å lage skjeringar og fyllingar for veganlegget. Det kan også leggast tekniske føringar innanfor arealet og grøftesystem for å samle opp avrenning frå E 134. Etter ferdigstilling av veg skal arealet opparbeidast og haldast ved like på ein slik måte at dei får ein tiltalande utsjånad. Større areal skal plantast til. 7 GRØNTSTRUKTUR 7.1 Friområde Området skal vere opent for allmenta og nyttast til rekreasjon, friluftsliv og bading. Tilrettelegging som fremmar bruken av området som rekreasjonsområde er tillate. 5
7.2 Kombinert friområde og båtopptrekk Område er sett av til kombinert formål båtopptrekk og friområde. Når det ikkje er båtar på slipp, skal området kunne nyttast til friluftsliv. Det føreset at arbeid i samband med slipping ikkje skaper forureining, og at det vert tilrettelagt for oppsamling av avfall. Området er offentleg. Båtopptrekket er felles for nausttomter, naust og fritidsbustadar innanfor planområdet, men kan også nyttast av andre mot ev. betaling. 8 OMSYNSSONER 8.1 Omsynssone brannvern Området kan ikkje byggast på og kan berre nyttast på ein slik måte at det mellom tilliggjande bygningar er eit ope, brannhindrande rom som vist i planen 8.2 Sikringssone - frisikt I frisiktsone ved kryss og avkøyrsle skal det vera fri sikt over ei høgd på 0,5 m over vegane sitt planum. 9 REKKEFØLGJEKRAV 9.1 Opparbeiding av tilkomstveg Det kan ikkje gjevast byggeløyve på nye eller eksisterande nausttomter før den aktuelle tilkomstvegen er opparbeidd og tomta har dokumentert vegrett og rett til parkering på opparbeidd parkeringsplass i samsvar med planen. 9.2 Før det kan gjevast byggeløyve til nye naust på eigedomar med plass til 3 eller fleire nye naust, må det leggast fram disposisjonsplan som viser storleik og plassering av alle nausta på eigedomen. Vindafjord kommune, INJ 02.10.13 Vindafjord kommune, INJ 13.08.14 6