Planomtale Kommuneplan Nissedal kommune 2014-2025 Arealdelen HØYRINGSUTKAST, ajourført etter f-sak 116/13.
Innhald 1. Innleiing 1.1 Forslagsstillar... 3 1.2 Bakgrunn... 3 2. Planinnhald... 4 2.1 Samfunnsdelen... 4 2.2 Arealdelen... 4 2.2.1 Byggeområde for konsentrert utbygging av bustader og næring... 5 2.2.2 Avvikling av "eldre", ikkje utnytta område for fritidsbustader nye område for fritidsbustader... 5 2.2.3 Kartfesting av framtidige fritidsbustader/næringsbygg (såkalla driftshytter) i høgareliggande areal (over 500 moh)... 6 2.2.4 Tilrettelegging for friluftsliv, mellom anna ta inn stiar og løyper som er avklara gjennom tidlegare planprosessar... 6 2.2.5 Synleggjere trasear for snøskuter (avhengig av godkjent prøveordning)... 6 2.2.6 Kjende fornminne... 6 2.2.7 Restriksjonssoner og bandlagt areal (til dømes fareområde og verneområde)... 6 2.2.8 Byggjegrense mot vassdrag... 6 2.2.9 Planføresegnene... 7 3. Konsekvensutgreiing... 7 3.1 Konsekvensvurdering av dei nye byggeområda (B4, B5, H34, H35 og H36) (pbl. 11-7 andre ledd nr. 1)... 8 3.2 Samferdselsanlegg og teknisk infrastruktur (pbl 11-7 andre ledd nr. 2)... 10 3.3 Grønstruktur (pbl. 11-7 andre ledd nr. 3)... 10 3.4 Landbruks-, natur- og friluftsformål samt reindrift (pbl. 11-7 andre ledd nr. 5)... 10 3.5 Andre vurderingar... 11 2
1. Innleiing 1.1 Forslagsstillar Nissedal kommune er forslagsstillar. Kartgrunnlaget er og utarbeidd av kommunen. 1.2 Bakgrunn I plan- og bygningslova (pbl) går det fram av 10-1 at kommunestyret i kvar valperiode skal ta stilling til om gjeldande kommuneplan skal reviderast eller vidareførast utan endringar. Kommunestyret vedtok 24.01.13 kommunal planstrategi 2013-15 (sak 001/13). Her blei det slått fast at arbeidet med revidering av samfunnsdelen burde starte opp raskt, tidleg i 2013, og at det til samfunnsdelen måtte utarbeidast ein handlingsdel. Kommunestyret vedtok 20.06.2013 planprogrammet for kommuneplanrevisjonen. Planarbeidet er delt i to hovudbolkar; samfunnsdelen og arealdelen. I planprogrammet blei det sett opp mål for planarbeidet for dei to delane. Mål for planarbeidet samfunnsdelen For at kommuneplanen skal bli eit praktisk og nyttig styringsverktøy, var det ønskjeleg å avgrense planen til tema der kommunen står overfor særlege utfordringar. På bakgrunn av dette blei fylgjande område sett i fokus: Bustadbygging og folketalsutvikling Næringsliv og næringsarbeid Infrastruktur Levekår Skule og utdanning Kultur Samfunnsdelen skal syne samanhengen mellom denne og den tilhøyrande arealdelen i kommuneplanen. Gjeldande kommuneplan har nedfelt levereglar for tilsette og politikarar i Nissedal kommune, vedtekne av kommunestyret. Desse er drøfta på nytt i planprosessen, og har fått omtale også i den reviderte planen. For å sikre gjennomføring av den langsiktige delen av kommuneplanen, og temaplanar som er avleia av denne, er det viktig med ei kopling til økonomiplanen (kommuneplanens 4 årige handlingsprogram). Mål for planarbeidet arealdelen Kommunal planstrategi la opp til ein moderat revisjon av arealdelen. For dei fem områda Kyrkjebygda, Kyrkjebygdheia, Treungen sentrum, Gautefallheia og Felle er det utarbeidd eigne kommunedelplanar. Desse blir vidareført og rullert parallelt med arealdelen i kommuneplanen (sjå eigne planomtalar for kvar av desse). Forutan ei ajourføring av eksisterande arealbruk, la planprogrammet opp til at fylgjande tema skulle takast opp til ny vurdering: Plankartet: Område for konsentrert utbygging for bustader (huskrullar) og næring. Avvikling av "eldre", ikkje utnytta område for fritidsbustader nye område for fritidsbustader Kartfesting av framtidige fritidsbustader/næringsbygg (såkalla driftshytter) i høgareliggande areal (over 500 moh) Tilrettelegging for friluftsliv, mellom anna ta inn stiar og løyper som er avklara gjennom tidlegare planprosessar Synleggjere trasear for snøscooter (avhengig av godkjent prøveordning) Kjende fornminne Restriksjonssoner og bandlagt areal (til dømes fareområde og verneområde) 3
Byggegrense mot vassdrag Planføresegnene: Universell utforming og tilgjenge for alle befolkningsgrupper Utvidingsareal for eksisterande fritidsbustader Heimel til tilkoplingsplikt for eksisterande fritidsbustader, jf. pbl 30-6 1.3 Medverknad Medverknad i planprosessen gir eigarskap til planen. Det er ein føresetnad for lojalitet til- og gjennomføring av han. I 2012 sette kommunestyret ned eit bu- og næringsutval med særleg tanke på arealsituasjonen for nyetableringar av bustader og næringsverksemd. Det blei halde fleire folkemøte, og konklusjonane frå utvalet blei drøfta og nedfelt i eit kommunestyrevedtak. Resultatet derifrå har lagt klare føringar for revisjonsarbeidet både av samfunnsdel og arealdel av kommuneplanen nå. Nyleg vedteken revidert strategisk næringsplan for kommunen (2013), har også vore eit styrande dokument ved rulleringa av både samfunnsdelen og arealdelen. I arbeidet med næringsplanen var politisk leiing godt representert i dei ulike arbeidsgruppene som kom med innspel i dette planarbeidet. I revideringa er det lagt vekt på involvering av politikarane også i dei seinare fasane i prosessen. Dette gjeld både formannskapet og kommunestyret. 2 Planinnhald 2.1 Samfunnsdelen I den nye samfunnsdelen av kommuneplanen er det lagt vekt på dagens situasjon og utfordringar for kommunen. Den innleiande delen av planen er difor heilt omarbeidd frå tidlegare versjon. Vi har konsentrert oss om dei 6 områda vi meiner vi har størst utfordringar i den komande 12-årsperioden: - Bustadbygging og folketalsutvikling - Næringsliv og sysselsetjing - Infrastruktur - Levekår - Skule og utdanning - Kultur. Måldelen av planen byggjer på same struktur som før, med bare små endringar. Eitt av måla som før stod som hovudmål (røyk- og rusfri ungdom) er flytt til den delen av kommuneplanen som gjeld andre delar av unges oppvekstvilkår i kommunen under helse- og omsorgstenester. Dette er i tråd med målpunktet over i same del av planen (utstrekt samarbeid mellom helsestasjon, barnehage og skule om å tryggje barn og unges oppvekst. I tillegg er måla som gjeld for den kommunale delen av NAV trekt ut som eit eige avsnitt i måldelen. Begge endringane er gjort for å lette oppfylginga av desse måla. 2.2 Arealdelen I arealdelen er hovudlinene frå gjeldande kommuneplan vidareført når det gjeld arealbruken. Plankartet ser likevel noko annleis ut som fylgje av ny plan- og bygningslov. Arealdelen gjeld også framleis bare det arealet som ikkje er omfatta av ein av dei fem nemnde kommunedelplanane. Også resultatet av temavurderingane varsla i planprogrammet som er summert i punkta nedanfor, er avgrensa tilsvarande. Frå 1960-1970 og 1980-talet har kommunen nokre disposisjonsplanar. Desse ligg som eksisterande byggeområde for fritidsbustader både i kommuneplanen og i kommunedelplanane. Vidare utbygging i desse områda vil framleis krevje ny reguleringsplan. Unnateke disposisjonsplanar skal alle detaljplanar (regulerings- og utbyggingsplanar) og kommunedelplanane gjelde framom kommuneplanen. Tilknytingsplikt til vatn- og avløp, heimla i kommuneplanen, jf. pbl. 30-6, skal likevel vere gjeldande framom desse. 4
2.2.1 Byggjeområde for konsentrert utbygging av bustader og næring Det særskilde bu- og næringsutvalet peika på fleire område aktuelle for bustadbygging. Desse er seinare blitt supplert med område spela inn frå grunneigarar. Gjeldande kommuneplan har tre område utlagt som byggeområde for heilårsbustader (B1, B2, B3). For B2 er det utarbeidd reguleringsplan (Tveitli, 2008). Dei to andre byggeområda B1 (Århus) og B2 (Åsen) blir vidareført saman med to nye område, B4 (Gamlehaug, sør) og B5 (Berlihaugen). I føresegnene blir det lagt opp til at felta B1, B4 og B5 (inntil fem heilårsbustader) kan sleppe krav om reguleringsplan, detaljregulering. Kommunen har difor m.a. bestilt arkeologisk undersøking av desse felta, noko som er lova ferdig hausten 2013. (Etter at saksframstillinga var ferdig, er rapporten frå desse undersøkingane komen.) Kommuneplanen har ikkje avsett andre område for spreidd bustadbygging, sjølv om all erfaring tilseier at det vil dukke opp ønskje om bygging utanfor desse områda. Det er gjort ut frå at det er umogeleg på førehand å vite nøyaktig kor ein eventuell tomtekjøpar ønskjer å byggje hus. Planen legg difor framleis opp til at dette må løysast ved dispensasjonssøknader. Dei gjeldande retningslinene ved dispensasjon for utbyggingstiltak i LNFR-områda, blir i størst mogeleg grad vidareført. Areal avsett til næring (forretning, industri, campingplass, utleigehytter) blir alle vidareført. Det har ikkje kome innspel på bruk av nytt areal til byggeområde for næring frå private. Kommunen har likevel vald å legge inn eit areal som byggeområde for næring i randsona rundt IATAs verksemd på Langmoen. Arealet er avgrensa i samsvar med det som var aktuelt reguleringsomfang ved varsla planoppstart av privat reguleringsforslag i 2009. Kommunen ser positivt på næringsetablering, også utanom kommuneplanens avsette område. Dette må derimot på same vis som for bustadbygging, løysast ved dispensasjonar då ein planrevisjon sjølv med særleg fokus på dette temaet, ikkje vil kunne fange opp alle ønskje som kan kome i planperioden. Næring i denne samanheng er næring utanom landbruket. Konsekvensvurderingane som er gjort for dei føreslegne endringane, er samla i avsnitt 3 - Konsekvensutgreiing - i denne planomtalen. 2.2.2 Avvikling av "eldre", ikkje utnytta område for fritidsbustader nye område for fritidsbustader Det er peika ut tre område som satsingsområde for konsentrert hytteutbygging i kommunen. Områda er Kyrkjebygdheia, Gautefallheia og Felle. Alle desse tre har eigne kommunedelplanar, og utviklinga der vil bli omtala i separate revisjonssaker for desse planane. I kommuneplanens arealdel, dvs i areal utanfor kommunedelplanane, er det i gjeldande plan lagt ut 23 H-område som framtidige byggeområde for fritidsbustader, der det er krav om reguleringsplan før utbygging kan finne stad. Sidan planen blei godkjent i 2007/08, har to av desse felta fått detaljreguleringsplan. Det gjeld felta H1 (Buktebakken, 2010) og H20 (Vedlausfjell, 2012). Planprogrammet signaliserte at område som hadde lege inne som framtidige byggeområde over tid, og der det ikkje var varsla planoppstart, ville bli vurdert tilbakeført til LNFR-status. Dette ville og vere i samsvar med meldinga dei aktuelle grunneigarane fekk ved førre planrevisjon i 2007. Kommuneplanen har eit 12-årsperspektiv. Planen har blitt revidert i 1998, 2003 og 2007 før denne revisjonen. Det vil difor nå vere naturleg å tilbakeføre planlagte byggeområde som kom inn ved 1998- revisjonen, og der det ikkje har skjedd noko. Unytta område som kom inn ved 2003-revisjonen, må tilsvarande vurderast tilbakeført ved neste revisjon o.s.b., slik dei aktuelle grunneigarane alt er blitt varsla om. Slike tilbakeføringar vil dels skje mot grunneigarars ønskje. Det er likevel tilrådd å fjerne desse byggeområda for ikkje å få ein for statisk plan. Skulle nokre av desse vise seg å bli aktuelle ved eit seinarte høve, vil det ikkje telje negativt at dei har vore inne som byggeområde tidlegare. Områda det gjeld er H2 (Nesi), H3 (Strånd), H8 (Flesjedalen, utv.), H15 (Stiåsen) og H16 (Spjotvasslia, utv.). H13 (Sundkollen) er blitt med vidare då det her er varsla planoppstart (2010), sjølv om kommunen ikkje har mottatt noko planforslag i tida etter dette. Til innspelsfristen kom det inn tre forslag til nye byggeområde for konsentrert utbygging av fritidsbustader. Rådmannen har tilrådd to av desse, H34 (Ånundsbuoddane) og H35 (Furulund) lagt 5
inn i planen. Det tredje H36 (Stegardåsen/ Illekleiv) blei etter ei samla vurdering, ikkje tilrådd tatt inn som nytt byggeområde. Formannskapsbehandlinga førte derimot til at det vestre feltet av H36-området er blitt med i høyringsutkastet. Konsekvensvurderingane som er gjort for dei føreslegne endringane, er samla i avsnitt 3 - Konsekvensutgreiing - i denne planomtalen. 2.2.3 Kartfesting av framtidige fritidsbustader/næringsbygg (såkalla driftshytter) i høgareliggande areal (over 500 moh) Lokalisering av fritidsbustader/driftshytter vil bli vidareført. Det vil seie dei såkalla støylsmiljøa (S1- S13), (S15-S21) og fritidsbustadene i området Meselvatn- Kornfjell (F1 og F2). F3 ved Blidtønn er bygd. Det har ikkje kome innspel på nye område. Føresegnene for desse vil bli vidareført. Det vil m.a. bety at delingsforbodet etter jordlova framleis vil vere styrande. Ein hovudgrunn for å opne for desse utbyggingane, har vore å kunne styrke næringsgrunnlaget for eksisterande bruk. Frådelingar vil kunne gje det motsette resultatet. Det har difor ikkje blitt gitt frådelingar for desse tilfella sidan støylsmiljøa kom inn som eit omgrep ved kommuneplanvedtaket i 1998. 2.2.4 Tilrettelegging for friluftsliv, mellom anna ta inn stiar og løyper som er avklara gjennom tidlegare planprosessar Dette punktet har ikkje fått særleg aktualitet for kommuneplankartet, derimot for kommunedelplankarta for Kyrkjebygdheia og Gautefallheia. Den merka turløypa mellom desse to planområda er lagt inn. Det er også ei turløype mellom Gautefallheia og Felle, innmålt av Havrefjell turlag. Det er inga endring for LNFR-område markert med F som det dominerande (gjeld Vikodden og området Jettegrytune i Fyresåna). 2.2.5 Synleggjere trasear for snøskuter (avhengig av godkjent prøveordning) Slik lovverket er i dag er det ikkje opna for rekreasjonskøyring med snøskuter. Nissedal kommune er ein av mange kommunar som har søkt om å bli med i ei ny landsomfattande prøveordning for slik køyring i faste trasèar. Det er ingen konklusjon på dette, og det har difor ikkje vore grunnlag for å arbeide meir med dette ved denne kommuneplanrevisjonen. Det er heller ikkje arbeidd med dette ut frå endra signal frå den nye regjeringa. 2.2.6 Kjende fornminne Kommuneplankartet skal supplerast med registrerte fornminne. Lokalitetar som har id-nr og koordinatar kan leggast inn i kartet. Kartfestinga blir derimot ikkje uttømande. Kommunen er difor usikker på korleis temaet best skal synleggjerast, og vil vente på høyringssvaret frå kulturminnemyndet hjå fylkeskommunen før det blir gjort noko endeleg med dette. Området rundt nedlagte Søftestad gruver er lagt inn som verneverdig kulturminne. 2.2.7 Restriksjonssoner og bandlagt areal (til dømes fareområde og verneområde) Det er inga endring for verneområda Lytingsdalen og Vidmyr, medan områda ved Heitfjell og Solhomfjell er utvida. Desse er verna i medhald av lov om naturvern. Endringane er ajourførte i plankartet. 2.2.8 Byggjegrense mot vassdrag I gjeldande kommuneplan er det ei generell byggjegrense mot vassdrag på 50 meter, 100 meter langs Nisser og Tjørull og i nedbørsfeltet til verna vassdrag (Kilåi, Gautefallelva, Gjerstadvassdraget og Vegårvassdraget). Desse avstandsgrensene blir redusert til arealet mellom vatn og veg der sonene blir gjennomskorne av offentleg veg. Ved denne planrevisjonen tilrådde rådmannen å vidareføre desse 6
byggjegrensene. Formannskapet ønskja derimot at den generelle 50-metersgrensa og skulle gjelde rundt Nisser og Tjørull. Dette blei særleg grunngjeve med at Kviteseid kommune har 50 metersgrense for Nisser. 2.2.9 Planføresegnene Universell utforming og tilgjenge for alle befolkningsgrupper Dette punktet er innarbeidd i føresegn nr 3 Utarbeiding av reguleringsplan med denne ordlyden; Alle reguleringsplanar skal innehalde konsekvensutgreiing for personar med nedsett funksjonsevne. Reguleringsplanen må difor avklare kva tiltak som skal ha universell utforming. Kommunen kan setje strengare krav til slik utforming enn kva lova krev. Utvidingsareal for eksisterande fritidsbustader Gjeldande kommuneplan har ei føresegn om at eksisterande fritidsbustader i byggeområde kan utvidast til maksimalt 120 m2 bruksareal (T-BRA), jf. føresegn 1.3 6.ledd. Denne føresegna har i praksis vist seg å vere for generell. Særleg vil ei slik utviding av fritidsbustader nær vatn/vassdag kunne gje uheldige utslag. Føresegna er difor splitta i to, der fyrste del er som i gjeldande plan, men der utvidingar av fritidsbustader i byggeområde innom dei særskilde omsynssonene langs vatn/vassdrag er avgrensa til maksimalt 75 m2 BRA. Utviding skal her i tillegg skje bort frå vatnet. Definisjonen av storleiksgrensa for uthus/bod/garasje i tilknyting til fritidsbustad, 30 m2 BTA, har synt seg upraktisk. Denne er endra til 30 m2 BRA. Heimel til tilkoplingsplikt for eksisterande fritidsbustader, jf. pbl 30-6 Denne heimelen er på plass ved at det i føresegn 1.3 er ført inn eit nytt ledd med dette innhaldet. 3 Konsekvensutgreiing I konsekvensutgreiinga blir planens verknader for miljø og samfunn, jf. pbl. 4-2 vurdert. Det vil seie at det skal gjerast ei slik vurdering for endringar i arealbruken i høve til denne i gjeldande plan. Endringane i arealbruken er vurdert i høve til naturgitt og menneskeskapt risiko, miljø (naturverdiar, INON, forureining/støy, energibruk, og landskapstilpassing), friluftsliv, kulturminne, landbruk, vilt, vassdragsnærleik, universell utforming og born- og unges interesser. Endringa er vurdert opp mot kva status området har i gjeldande plan. I samband det fyrste vurderingstemaet, naturgitt og menneskeskapt risiko, er det utarbeidd ei risiko og sårbarhetsanalyse (ROS-analyse) for arealbruksendringane. Denne analysen omfattar også dei framtidige byggeområda for bustad og fritidsbustader som alt ligg i planen, men som ikkje er detaljplanlagt (18 stk), nye området som er kome med i planen (4 stk) og nye område som ikkje kom med (1 stk), i alt 23 område. Dette er i samsvar med innspel frå samfunnsavdelinga hjå fylkesmannen. ROS-analysen bygger m.a. på innhenta opplysingar frå NVEs nettstader for flaumkart, steinsprang og snøskred, og frå lokal kraftprodusent/leverandør. ROS-analysen for byggeområde i kommuneplanen ligg som vedlegg til denne planomtalen. For vurdering av tema miljø (naturverdiar/inon/energibruk/forureining og støy/landskap) er det utarbeidd ein rapport om biologisk mangfald for m.a. desse felta i kommuneplanen; B1, B4, B5, H34, H35 og H36. Rapporten ligg som vedlegg til denne planomtalen. Områda er sjekka mot det offisielle INON-kartet over inngrepsfri natur, registrerte naturtypar i Nissedal (Edvardsen 2004), Naturbasen og Artsdatabanken (DN). Områda er vidare vurdert opp mot støykjelder som skytebanar og trafikk, og mot mogeleg tilkopling til eksisterande infrastruktur for vatn og avløp. Kulturminne er sjekka mot det sentrale registeret Askeladden. Det er i tillegg tinga kulturminneregistrering for felta B1, B4 og B5. Felt B3 har alt ei slik registrering i samband med at det her er sett i gang reguleringsplanprosess. Registreringa er forseinka, og planomtalen må difor i denne omgangen skrivast utan at resultata av denne er kjent. (Resultatet er nå kjent, og tatt inn i vurderingsskjemaet.) Kommunens temakart for vilt er nytta. Dette er sist oppdatert av firmaet Faun natyrforvaltning AS i 2012. Vurderinga er også gjort etter supplerande opplysingar frå lokal viltkunnskap, m.a. fugleregistreringane av Anders Hals. 7
Vurderingane i høve til friluftslivet er gjort lokalt, basert på observasjonar i /opplysingar frå nærmiljøet. Landbrukskontoret har vurdert innspela i høve til jordvern, under dette også høve til produktiv skogsmark. Eige notat ligg som vedlegg til planomtalen. I tillegg er det gjort vurderingar i høve til nærleik til vassdrag, til universell utforming, til verknaden for born og unges oppvekstmiljø og til eventuelt andre samfunnsmessige konsekvensar av endringane. Notatet frå born og unges talsperson ligg som vedlegg til denne planomtalen 3.1 Konsekvensvurdering av dei nye byggeområda (B4, B5, H34, H35 og H36) (pbl. 11-7 andre ledd nr. 1) B4 Gamlehaugen, sør: Byggeområde heilårsbustad, ca 15 dekar Tema Naturgitt risiko (ras/flaum/radon etc) Menneskeskapt risiko (Infrastruktur, tidlegare bruk, ulovleg bruk) Miljø (Naturverdiar/INON, forureining/støy, energibruk, estetikk og landskapstilpassing) Friluftsliv Kulturminne og kulturlandskap Landbruk jordvern Vilt Vassdrag og vassdragsnære område Universell utforming Verknad for born og unges oppvekstmiljø Status i gjeldande kommuneplan Merknad/grad av konflikt Ingen, for radon sjå kommuneplanens føresegn nr 3 6.ledd, og byggforskrifta (TEK) 13-5. Ingen Nyleg hogge, på sikt middels potensiale for biologisk mangfald. Ingen raudlisteart. Inga konflikt med INON. Inga forureining/ støykjelde i nærleiken. Krev separat v/a-løysing. Alternativ energi; ved, jordvarme og varmeutveksling frå Nisser. Terrengbakgrunn for god landskapstilpassing. Ingen kjent bruk i dag. Ingen automatisk freda kulturminne. Steinkjellar i feltgrensa. Ikkje dyrka/dyrkbar mark, høg skogbonitet. Inga registrering i viltkartet. Delar av byggeområdet vil ligge i 100 m beltet langs Nisser, men bak byggeline for eksisterande bygg. Skrånande terreng. Lite realistisk å oppnå meir enn lovkrava på dette området. Ingen bruk av området i dag. Tilrettelegging kan gje positivt bidrag for målgruppa. LNF Konklusjon: Området blir lagt inn som framtidig byggeområde for heilårsbustader. B5 Berlihaugen: Byggeområde heilårsbustad, ca 12 dekar Tema Naturgitt risiko (ras/flaum/radon etc) Menneskeskapt risiko (Infrastruktur, tidlegare bruk, ulovleg bruk) Miljø (Naturverdiar/INON, forureining/støy, energibruk, estetikk og landskapstilpassing) Friluftsliv Kulturminne og kulturlandskap Landbruk jordvern Vilt Merknad/grad av konflikt Ingen, for radon sjå kommuneplanens føresegn nr 3 6.ledd, og byggforskrifta (TEK) 13-5. Ingen Delar prega av hage/beitemark. Middels potensiale for biologisk mangfald. Ingen raudlisteart. Inga konflikt med INON. Inga forureining/ støykjelde i nærleiken. Krev separat v/a-løysing. Alternativ energi; ved, jordvarme. Enkelt å landskapstilpasse. Ingen kjent bruk. Ingen automatisk freda kulturminne. Rydningsrøysar Ikkje dyrka/dyrkbar mark, høg skogbonitet. Inga registrering i viltkartet. 8
Vassdrag og vassdragsnære område Universell utforming Verknad for born og unges oppvekstmiljø Status i gjeldande kommuneplan Ikkje ved vatn/vassdrag. Lett å tilpasse utover lovkrav (uteområde m.m.) Ingen bruk av området i dag. Tilrettelegging kan gje positivt bidrag for målgruppa. LNF Konklusjon: Området blir lagt inn som framtidig byggeområde for heilårsbustader. H34 Ånundsbuoddane: Byggeområde fritidsbustad, ca 120 dekar Tema Naturgitt risiko (ras/flaum/radon etc) Menneskeskapt risiko (Infrastruktur, tidlegare bruk, ulovleg bruk) Miljø (Naturverdiar/INON, forureining/støy, energibruk, estetikk og landskapstilpassing) Friluftsliv Kulturminne og kulturlandskap Landbruk jordvern Vilt Vassdrag og vassdragsnære område Universell utforming Verknad for born og unges oppvekstmiljø Status i gjeldande kommuneplan Merknad/grad av konflikt Ingen, for radon sjå kommuneplanens føresegn nr 3 6.ledd, og byggforskrifta (TEK) 13-5. Ingen Lite potensiale for biologisk mangfald. Ingen raudlisteart. Ingen konflikt med INON. Inga forureinings/støykjelde i nærleiken forutan opna massetak i fjell. (Gaurak massetak, sporadisk drift.) Krev separat v/a-løysing, eventuelt sjøledning til Treungen sentr. Alternativ energi; ved, jordvarme. Enkelt å landskapstilpasse. Sporadisk bruk av strandlina frå sjøsida. Opprettheld byggeforbodssona på 100 m langs Nisser. Ikkje registrert konflikt. Krav om arkeologisk undersøking ved detaljregulering. Ikkje dyrka/dyrkbar mark, skog av låg bonitet. Inga registrering i viltkartet. Byggeområdet er avgrensa med 100 m- avstand til Nisser. Lett å tilpasse utover lovkrav (uteområde m.m.) Ingen bruk av området i dag. Tilrettelegging kan gje positivt bidrag for målgruppa. LNF Konklusjon: Området blir lagt inn som framtidig byggeområde for fritidsbustader. H35 Furulund: Byggeområde fritidsbustad, ca 11 dekar Tema Naturgitt risiko (ras/flaum/radon etc) Menneskeskapt risiko (Infrastruktur, tidlegare bruk, ulovleg bruk) Miljø (Naturverdiar/INON, forureining/støy, energibruk, estetikk og landskapstilpassing) Friluftsliv Kulturminne og kulturlandskap Landbruk jordvern Vilt Merknad/grad av konflikt Ingen, for radon sjå kommuneplanens føresegn nr 3 6.ledd, og byggforskrifta (TEK) 13-5. Kryssing av Fjonevegen (låg ÅDT) for tilkomst til båt- og badeplassar i Nisser. Middels potensiale for biologisk mangfald. Ingen raudlisteart. Ikkje i konflikt med INON. Inga forureining/støykjelde i nærleiken. Krev separat v/a-løysing. Alternativ energi; ved, jordvarme. Enkelt å landskapstilpasse. Ingen kjent allmenn bruk. Ikkje registrert konflikt. Krav om arkeologisk undersøking ved detaljregulering. Gjengrodd dyrka mark og skog av høg bonitet. Ikkje registrert i vilkartet 9
Vassdrag og vassdragsnære område Universell utforming Verknad for born og unges oppvekstmiljø Status i gjeldande kommuneplan Ligg ca 50-100 m frå Nisser, men har offentleg veg i mellom. Lett å tilpasse utover lovkrav (uteområde m.m.). Ingen bruk av området i dag utover bruken frå tre eksisterande hytter. Tilrettelegging kan gje positivt bidrag for målgruppa. LNF Konklusjon: Området blir lagt inn som framtidig byggeområde for fritidsbustader. H36 Stegaråsen/Ilekleiv: Byggeområde fritidsbustad, ca 65 dekar Tema Nauturgitt risiko (ras/flaum/radon etc) Menneskeskapt risiko (Infrastruktur, tidlegare bruk, ulovleg bruk) Miljø (Naturverdiar/INON, forureining/støy, energibruk, estetikk og landskapstilpassing) Friluftsliv Kulturminne og kulturlandskap Landbruk jordvern Vilt Vassdrag og vassdragsnære område Universell utforming Verknad for born og unges oppvekstmiljø Status i gjeldande kommuneplan Merknad/grad av konflikt Ingen, for radon sjå kommuneplanens føresegn nr 3 6.ledd, og byggforskrifta (TEK) 13-5. Kryssing av rv41 (700 ÅDT) for tilkomst til badeplassar i Nisseråna. Lite potensiale for biologisk mangfald. Ingen raudlisteartar. Ikkje i konflikt med INON. Inga forureining, krev separat v/aløysing eventuelt tilkopla kommunalt nett. Litt trafikkstøy frå rv41. Alternativ energi; ved, jordvarme. Enkelt å landskapstilpasse. Badeplassar mykje nytta av allmenta nord for området. Nærområde for Høgefoss bustadfelt Ikkje registrert konflikt. Krav om arkeologisk undersøking ved detaljregulering. Ikkje dyrka/dyrkbar mark, skog av høg og middels bonitet. Inga registrering i viltkartet Mindre del av området ligg nærare Nisseråna enn 50 m. Lett å tilpasse utover lovkrav (uteområde m.m.). Negativ for eksisterande bruk. Positiv ved nye tilretteleggingstiltak. LNF Konklusjon: Etter ei samla vurdering tilrådde rådmannen ikkje å legge inn området som framtidig byggeområde for fritidsbustader. Formmannskapsbehandlinga la derimot vestre del av området, dvs feltet på vestsida av rv41 inn slik plankartforslaget nå syner. 3.2 Samferdselsanlegg og teknisk infrastruktur (pbl 11-7 andre ledd nr. 2) I tillegg til vegar, kraftliner, skytebanar og avfallsplass er det ved revisjonen også lagt inn eksisterande kraftstasjonar og røyrgater over bakken. Langs høgspentliner med straumføring 66 kv eller meir, er det lagt inn ei omsynssone på 50 m til kvar side. Dette er å sjå på som ei suppering av plankartet. Det varslar derimot ikkje nye tiltak i denne kategorien og har såleis ikkje vore gjenstand for konsekvensutgreiing. 3.3 Grønstruktur (pbl. 11-7 andre ledd nr. 3) Løyper som del av eit overordna nett er lagt inn på plankartet. Denne suppleringa har heller ikkje vore gjenstand for konsekvensutgreiing. 10
3.4 Landbruks-, natur- og friluftsformål samt reindrift (pbl. 11-7 andre ledd nr. 5) Det er ikkje gjort endringar her som skulle tilseie konsekvensvurdering av tiltaket. 3.5 Andre vurderingar Nissedal kommune har spreidd busetjing over store delar av kommunen. Miljømessig kan ein stille spørsmål ved om dette er fornuftig, men truleg er verdien så stor at negative konsekvensar blir mindre synlege. I snitt blir det bygd 0-3 bustader kvart år utanfor regulerte felt. Totalt sett er dette så lite at det ikkje kan få særlege konsekvensar for arealbruken i kommunen. Kommunen ser på variasjonen i mogelege stader å busetje seg som ein styrke. Areal som er avsett til industri og næring er avgrensa. Truleg er det tilstrekkeleg i den neste kommuneplanperioden. Heller ikkje dette vil få store konsekvensar m.o.t. arealbruk. Det er likevel svært viktig til ei kvar til å ha ledig areal til den delen av næringslivet som treng areal på eit industriområde for utvidingar eller nyetableringar. I Nissedal er det ei målsetting å konsentrere fritidsbustader i dei større utbyggingsområda i kommunen; Kyrkjebygdheia, Gautefallheia og Felle. Konsentrert utbygging kan likevel skje i dei avsette byggeområda (H13, H17, H19 og H21-H36). Det har derimot vist seg at tilsvarande felt ikkje har hatt same utbyggingstakt som dei som ligg nærare alt etablerte område. Det er difor å vente at denne utviklinga vil halde fram og at avsette område ikkje viser eit reelt utbyggingsbehov, meir eit ønskje om å ha eit variert tilbod også av område for fritidsbustader. For ein del er det slik at dei ønskjer ei hytte utanfor utbyggingsområda, gjerne knytt til området der dei bur eller har vakse opp. Planen opnar ikkje for slik spreidd utbygging. Det vil vere dispensasjonspraksisen som avgjer om slike bygg i det heile kjem opp. Til nå har dei vedtekne retningslinene for slike dispensasjonar hindra hytter i høgdelag over 500 moh, og i omsynssonene langs vatn og vassdrag. Om slike hytter blir lagt i same område som der det ligg hytter frå før, vil dei derimot kunne bli mindre dominerande og med det mindre omstridde enn om dei blir liggande i urørt terreng. 11