REGULERINGSFØRESEGNER TIL DETALJREGULERINGSPLAN FOR NAUSTMYRANE HYTTEFELT DEL AV GNR.42 BNR.1 M.FL. Desse føresegnene utgjer saman med plankart av 06.06.2012 detaljreguleringsplan for Naustmyrane hyttefel, del av gnr.42 bnr.1 mfl. Planen opnar for 32 nye fritidsbustadar, veg fram til nokre få tomter, samt 5 nye parkeringsplassar. Desse parkeringsplassane gjev dekning for alle eksisterande hytter, framtidige hytter og for ålmenta. På plankartet er tomtene bokstavert i høve til følgjande system Tomter merka T_Axx Eksisterande hytteeigedomar. Tomter merka T_Bxx Nye hytteeigedomar på Gnr 42 Bnr 1 Tomter merka T_Cxx Nye hytteeigedomar på Gnr 40 Bnr 1 Tomter merka T_Dxx Nye hytteeigedomar på Gnr 41 Bnr 1 Tomter merka T_Exx Nye hytteeigedomar på Gnr 41 Bnr 4 Tomter merka T_Hxx Nye hytteeigedomar på Gnr 40 Bnr 6 Målereglar i planen Når ikkje anna er presisert i føresegnene gjeld teknisk forskrift (TEK), rettleiar T1205 (grad av utnytting) og NS3940 for utnyttingsgrad og måling av høgder, areal og volum. Utbygd areal er det same som bebygd areal i NS3940. Terrasse lågare enn 0,5 meter over terreng vert ikkje rekna med i utbygd areal (BYA).
Feil! Fant ikke referansekilden. Detaljregulering for Naustmyrane hyttefelt Føresegner Reguleringsføremål Areala innanføre plangrensa er regulert til Areal (da) BYGNINGAR OG ANLEGG (PBL 12-5 1.ledd ) - Fritidsbustad 75,7 - Skiløype 7,9 - Naust 2,3 SAMFERDSLEANLEGG OG TEKNISK INFRASTRUKTUR (PBL 12-5 2.ledd) - Køyreveg 5,2 - Anna veggrunn - teknisk anlegg 2,5 - Parkeringsplass 5,3 GRØNNSTRUKTUR (PBL 12-5 3.ledd) - Turveg/sti 2,9 LANDBRUKS-, NATUR- OG FRILUFTSFØREMÅL (PBL 12-5 5.ledd) - Landbruks-, natur og friluftsområde 441,0 BRUK OG VERN AV SJØ OG VASSDRAG (PBL 12-5 6.ledd) - Friluftsområde i sjø og vassdrag 26,5 OMSYNSSONAR (PBL 12-6 1. ledd) - Faresone - Høgspenningsanlegg 16,8 - Sikringssone - Frisikt 0,9 - Bevaring kulturmiljø 0,3 - Bandlegging kulturminne 0,1 Arealet av heile planområdet 569,4 Side 2 av 6
Feil! Fant ikke referansekilden. Detaljregulering for Naustmyrane hyttefelt Føresegner 1 Fellesføresegner 1.1 Innanfor planområdet skal eksisterande vegetasjon vernast så langt som mogleg, og det skal gjerast minst mogleg terrenginngrep med sprenging og fylling 1.2 Kommunen skal godkjenne plan for tekniske løysingar før arbeid på eigedomen kan setjast i gang. 1.3 Om det vert gjort funn av gjenstandar eller konstruksjonar under arbeid med tiltak i planområdet, må arbeidet straks stansast og rette kulturminnestyresmakter varslast for nærare gransking, jf. Kulturminneloven 8, 2.ledd. 1.4 Etter at reguleringsplanen er vedteken er det ikkje lov å etablera privatrettslege avtalar i strid med planen. 1.5 Rekkefølgekrav Før bygging av hytter på den enkelte tomt kan starte, skal avkjørsel til offentleg veg og/eller tilstrekkeleg tal på parkeringsplassar vera opparbeidd i samsvar med plan. 1.6 Rekkefølgekrav Vert det innlagt vatn i hytta skal det vere gjeve godkjent utsleppsløyve for eininga. Det er ikkje tillete med utslepp av «svartvatn», med unntak av dei område der ein vaplan godkjend av Odda kommune syner andre løysingar. 1.7 Rekkefølgekrav Før det vert tillete å føre opp nye bueiningar i planområdet skal det lagast ein vegplan for mindre utbetringar av den kommunale vegen frå Tveit til og i planområdet. Denne planen skal godkjennast av Odda kommune. Tiltaka i planen skal vere gjennomførde før det kan gjevast ferdigattest på bygg for fritidsbustader i planområdet. Vegplanen skal innehalde tiltak for å betre framkomsten på vegen som; - Skoging langs vegen for å auke siktlengda langs vegen - Fjerning av mindre terrengdelar som hindrar sikt framover vegbana - Etablering av minimum 3 nye møteplassar på strekningar der ein vurderer at det er problem knytt til framkomsten på vegen - Vurdering av utviding av eksisterande møtemoglegheiter for å auke kapasiteten på bilar på desse. Side 3 av 6
Feil! Fant ikke referansekilden. Detaljregulering for Naustmyrane hyttefelt Føresegner 2 Bygningar og anlegg (PBL. 12-5, nr.1) 2.1 Fritidsbusetnad 2.1.1 På kvar tomt for fritidsbustad kan det etablerast ei bueining for fritidsbruk. 2.1.2 Bygga skal ha saltak med takvinkel på mellom 25 og 37 grader og tekkast med lite reflekterande materiale som; torv, tre eller skifer. Der anna plassering, utforming og takvinkel gjev ei betre tilpassing til terreng og kringliggande utbygging, kan kommunen godkjenne dette. 2.1.3 Hyttene kan ha ei gesimshøgd på maksimalt 4.5 meter og mønehøgd på maksimalt 6.5 meter. Høgdene skal målast frå gjennomsnittleg planert terreng, jf Teknisk forskrift og rettleiar Grad av utnytting. 2.1.4 Kvar hyttetomt kan ha maksimalt bebygd areal(bya) 100 m 2. Eventuelle uthus, bod og anneks inngår i BYA. Areal til parkering kjem i tillegg, der dette kjem inn på tomta. 2.1.5 Kommunen skal ved handsaming av den einskilde byggjesøknad sjå til at hyttene får ei harmonisk og estetisk god utforming og plassering i terrenget. Hyttene skal plasserast nøyaktig i terrenget ved byggjesøknad. Eksisterande vegetasjon skal takast vare på så langt råd er. Det skal ikkje byggjast på toppen av høgdedrag og bergknausar slik at hyttene vert liggjande i silhuett. 2.1.6 Hyttene skal ha materiale, bygningsform, vindauge og fargar som harmonerer med naturen og kringliggande bygg. Hyttene skal utvendig ha mørke fargar som går igjen i naturen i området. 2.1.7 Det er ikkje tillete med gjerder på tomtene. 2.1.8 Grunnmur til hyttene skal framstå som samanhengande, ikkje med pilarar. Synleg grunnmur skal ikkje vera høgare enn 1.2 meter. Synleg grunnmur skal vera i naturstein. 2.1.9 Bygg kan plasserast nærare eigedoms- og føremålsgrenser enn 4 meter mot grenselinja mellom eigedomane. Bygg som ligg nærare nabobygg enn 8 meter må ha tilfredstillande brannførebyggande tiltak, jf Teknisk forskrift. 2.1.10 Hyttene skal ved materialval og utforming velje løysningar som er energieffektive, for å ikkje forme løysingar som krev høgare energibruk enn det som er naudsynt. Hyttene skal ha skorstein og lukka eldstad for bruk av biobrensel. 2.1.11 Ved byggjesøknad skal det visast omfang av terrenginngrep og korleis terreng kan setjast i stand. Ved framføring av VA-anlegg, tele- og elektriske kablar innanfor byggjeområda, skal desse så langt som mogleg leggjast i jordkabel så lenge terrenget på staden kan tilbakeførast i størst mogleg grad til opphavleg terreng. Dette skal ikkje gjerast med djupe grøfter som gjev store terrenginngrep utan at dette kan skje i andre byggetiltak (som veg ol). Elles i terrenget skal ein eventuelt lage grunne grøfter og isolere tilfredstillande med massar oppå terrenget. 2.1.12 For dei hyttene som har vegtilkomst skal gjeldande krav for universell utforming og tilkomst for alle brukargrupper til tomtene gjelde. Side 4 av 6
Feil! Fant ikke referansekilden. Detaljregulering for Naustmyrane hyttefelt Føresegner 2.2 Naust 2.2.1. I eksisterande område for naust kan det førast opp bygg med storleik på opptil 5 meter mønehøgd over eksisterande terreng. Det er tillate å legge til rette for båtoppdrag, men inngrepet i grunnen skal haldast så lite som mogleg. Nausta skal plasserast i god avstand til vatnet, og ingen tiltak skal hindre ålmenn tilgang i strandsona framom nausta. Bygga skal ha saltak med takvinkel på mellom 25 og 37 grader og tekkast med lite reflekterande materiale. 2.2.2. I framtidig område for naust (N1) skal krav til fysisk utforming og storleik av bygga vere tilsvarande som for dei eksisterande naustområda ( 2.2.1). For område N1 skal det før utbygging lagast ein samla plan for naustområdet, og plassering og utforming skal følgje dei tradisjonelle prinsippa i området med ulik takvinkel og frittståande naust. Nausta skal ikkje vere rekkenaust. I dette området kan nausta plasserast heilt nedtil vatnet. 2.3 Skiløype Det er synt plassering for skiløype i plankartet. Denne syner dei trasear som kan nyttast for etablering av skilløype i området. Skiløypa kan justerast etter snøtilhøve og terreng, men skal følgje desse hovudtraseane. 3 Samferdsleanlegg og teknisk infrastruktur (PBL. 12-5 nr. 2) 3.1 Det kan opparbeidast vegar og parkeringsplassar i hytteområdet som vist i planen. Det kan gjerast mindre justeringar i vegplassering om dette fører til mindre inngrep og betre tilpassing til terrenget. Fyllingar og skjeringar må tilpassast det tilstøytande terreng. Vegar skal ikkje asfalterast og sjølve kjørebanen kan ha ein bredde på inntil 3 m. 3.2 Dei private parkeringsplassane har kapasitet til både grunneigarane i planområdet, hytteeigarar utanføre planområdet og rettighetshavarar i område. Hovudparkeringsplassen i aust er angitt som offentleg parkering og skal ha tilstrekkeleg kapasitet for ålmenn bruk. Delar av den offentlege parkeringsplassen skal likevel vere private parkeringsplassar, så lenge det er tilstrekkeleg kapasitet for ålmenn bruk. Alle nye hyttetomter utan vegtilkomst skal ha rett til to nye, tilviste oppstillingsplassar for parkering på dei nye parkeringsplassane. 3.3 Turveg/sti Det er høve til å etablere stiar for overordna bruk i desse traseane. Maksimal breidd på stiane, med grusdekke, er 1 meter, og dei skal kunne justerast for å vere best mogleg tilpassa terrenget. 4 Landbruks-, natur- og friluftsføremål (PBL. 12-5, nr.5) 4.1 I tillegg til sin funksjon som friluftsområde, kan området nyttast til vanleg landbruksmessig drift av utmark og beite. 4.2 I friluftsområda er det ikkje tillete å driva verksemd eller oppføre bygg eller anlegg som er til hinder for at området kan brukast som friluftsområde. Det kan leggjast kablar og røyr i området, men då skal inngrepa formast slik at det blir minst mogleg sår i landskapet. 4.3 Gjerder som er til hinder for fri ferdsel i området er ikkje tillete. 4.4 Det er høve til å opparbeida sti i friluftsområdet, men ikkje breiare enn 1 meter. 4.5 Det må ikkje gjerast tiltak som er til hinder eller fare for fugle- og dyrelivet. Side 5 av 6
Feil! Fant ikke referansekilden. Detaljregulering for Naustmyrane hyttefelt Føresegner 4.6 Det er ikkje lov å utføre inngrep som endrar tilhøve i kantvegetasjonen langs vasstrengen og i dei områda som blir oppfatta som ein del av vasstrengen. Det er heller ikkje lov å utføre inngrep som medfører endring i sjølve vasstrengen 5 Bruk og vern av sjø og vassdrag (PBL. 12-5 nr.6) Dei regulerte areala i vatn skal vere opne for friluftsliv. I Reinsnosvatnet kan det leggast til rettes for moderat båtbruk i samband med nausta og trafikken innover vatnet, men det er ikkje høve til å etablere større konstruksjonar som er til hinder for ålmenn bruk av området som friluftsområde. 6 Omsynssonar (PBL. 12-6) 6.1 I sikringssone frisikt skal ikkje konstruksjonar, vegetasjon eller del av terreng vera høgare enn 0,5 meter over nivå på tilstøytande vegar. 6.2 I faresone høgspenningsanlegg kan det ikkje førast opp bygg for varig opphald, eller leggast til rette for aktivitet som går på tvers av trygt opphald i fareområdet. Ved arbeid i fareområdet skal tryggingsreglar for slikt arbeid følgjast. 6.3 For omsynssona bevaring kulturmiljø er det ikkje tillete med tiltak som kan skade kulturminna. Det skal ikkje leggast gangstiar over dette området eller utførast noko arealinngrep jf. Kulturminnelova 3. 6.4 For bandleggingssona bandlegging etter lov om kulturminne er det registrert kulturminne som er automatisk freda etter kulturminnelova. Det er ikkje tillete med tiltak som kan skade kulturminna. Side 6 av 6