JØLSTER KOMMUNE Formannskapet Møtedato: 22.09.2008 Møtestad: Kommunehuset Møtetid: Kl. 14:00 Møteinnkalling Varamedlemar Innkallinga vert sendt både til varamedlemar og ein del andre mottakarar til orientering. Varamedlemar møter berre etter nærare innkalling. Når du må melde forfall Dersom du ikkje kan møte, må du så snart som råd kontakte tenestekontoret (tlf 57 72 61 00 eller postmottak@jolster.kommune.no). Då kallar administrasjonen inn vara for deg. Når du er ugild i ei sak Det er kvar medlem som tek opp spørsmålet men utvalet sjølv som bestemmer om du er ugild. Dersom du meiner du kan vere ugild i ei sak, avklarar du med partigruppa/gruppeleiar om det er aktuelt med vara. Du finn meir om reglane om ugildskap i forvaltningslova 6-10. Sakliste Sak nr. Saktittel 044/08 Referatsaker 045/08 Førespurnad om kommunal drift av asylmottak ved Jølster hotell - drøftingssak Jølster kommune Gerd Dvergsdal ordførar
Jølster kommune Saksutgreiing SAKSGANG Styre, utval, komite m.m. Møtedato Saksnr Sakshands. Formannskapet 22.09.2008 044/08 SRØ Sakshandsamar: Svanhild Røkenes Referatsaker Vedlegg: Arkiv: FE-, FA- Arkivsaknr 08/841 Nr Dok.ID T Dok.dato Avsendar/Mottakar Tittel 1 08/3334 I 03.09.2008 Skattedirektoratet Informasjon om Fylkestingenes rolle ved oppnevning og organisering av nye skatteutvalg mm Rådmannen sitt framlegg til vedtak: Referatsakene vert tekne til orientering.
Jølster kommune Saksutgreiing SAKSGANG Styre, utval, komite m.m. Møtedato Saksnr Sakshands. Formannskapet 22.09.2008 045/08 JBY Sakshandsamar: Jostein By Arkiv: FE-024, FA-F31 Arkivsaknr 08/729 Førespurnad om kommunal drift av asylmottak ved Jølster hotell - drøftingssak Vedlegg: Dok.dato Tittel Dok.ID 16.09.2008 Drøftingsnotat 6523 Saksutgreiing: Viser til utsende drøftingsnotat dagsett 16.09.08 Rådmannen sitt framlegg til vedtak: Saka vert lagt fram utan framlegg til vedtak Dokumentliste: Nr T Dok.dato Avsendar/Mottakar Tittel 2 I 15.07.2008 Utlendingsdirektoratet Landsomfattende etablering av statlige mottak for asylsøkere 1 I 28.07.2008 Utlendingsdirektoratet Informasjonsdag om driftsoperatørrolla 3 I 02.09.2008 Jølster Hotell Asylmottak ved Jølster Hotell 5 I 02.09.2008 Jølster Hotell Asylmottak ved Jølster Hotell? 4 U 04.09.2008 Jølster Hotell Asylmottak ved Jølster Hotell - 6 U 16.09.2008 Heggheim Geir; Audun Høyvik; Klakegg Oddmund; Gjelsvik Hildegunn Risnes; Atle Reidar Sandnes; Ragnhild Sæle; Sandal Jakob Andre; Huus Anne June Iversen førebels svar Innkalling til møte måndag 22.09.08
7 U 16.09.2008 Formannskapet Drøftingsnotat
JØLSTER KOMMUNE Leiargruppa Formannskapet 16.09.2008 Vår ref JBY 08/729-7 Dykkar ref Arkiv 024, F31 Løpenummer 08/3402 Drøftingsnotat Førespurnad om kommunal drift av asylmottak ved Jølster Hotell Jølster kommune har ved epost av 02.09.08 fått førespurnad frå eigaren av Jølster hotell på Vassenden om kommunen kan vere interessert i å drive asylmottak i bygget (og i 4 husvære som er bygde inntil hotellet). Førespurnaden er vedlagt. Etter interne drøftingar mellom ordføraren og administrasjonen finn vi det rett å leggje førespurnaden fram for formannskapet til informasjon og førebels drøfting. For å unngå spekulasjonar og uvisse mellom innbyggjarane i kommunen, basert på m.a. medieoppslag, finn vi det naudsynt å ha ekstra møte i formannskapet så snart det er praktisk mogleg. For å sikre breiast mogleg grunnlag for denne drøftinga, vert også dei partia som ikkje har fast representant i formannskapet innkalla til møtet. Dersom formannskapet konkluderer med at Jølster kommune ikkje bør arbeide vidare med førespurnaden, kan saka leggjast til side utan å bruke tid på saksutgreiing, informasjonsmøte osv. Dersom formannskapet meiner at det kan vere grunnlag for å vurdere førespurnaden nærare, vil rådmannen lage fullestendig saksutgreiing til ordinært møte i formannskap og kommunestyre. I mellomtida og før rådmannen utformar endeleg saksutgreiing med tilråding må kommunen i så fall invitere til opent informasjons- og drøftingsmøte på Vassenden, slik at innbyggjarane får best mogleg informasjon og høve til å leggje fram synspunkt. På eit slikt møte må både kommunen og UDI Vest delta. Dersom formannskapet meiner at saka skal vurderast nærare, må kommunen også ha konkrete drøftingar med huseigar om husleige- og andre vilkår, og administrasjonen må gjennomføre ei synfaring for å vurdere bygget / bygningane på teknisk / fagleg grunnlag. I denne omgang legg rådmannen fram berre nokre få faktaopplysningar og problemstillingar som grunnlag for ei førebels drøfting: Førespurnaden gjeld Jølster hotell. Sjølve hotellbygget skal gi rom for ca. 75 plassar dersom det vert nytta som asylmottak. Eigaren viser òg til at det er bygt 4 husvære i nær tilknyting til hotellet, der han meiner at det kan vere plass til 15 20 asylsøkjarar. Eigaren peikar på at det òg kan vere aktuelt å drøfte evt. drift av asylmottak med ein av dei private, kommersielle aktørane i marknaden, Lopex AS. Telefon: Telefaks: Bankgiro, skatt Bankgiro: Organisasjonsnr: 57 72 61 00 57 72 61 01 6345.06.14310 3703.07.00024 963 923 600 6843 SKEI postmottak@jolster.kommune.no www.jolster.kommune.no
2 Ullensvang herad i Hardanger har i 20 år vore driftsoperatør for eit asylmottak i den stoleiken det her kan vere aktuelt med. I følgje opplysningar frå kommuneleiinga i Ullensvang har dei i all hovudsak gode røynsler med drifta, både i høve til lokalmiljøet, den generelle kommunale drifta og den interne drifta ved mottaket. Kommunen har tilsett naudsynt personale ved mottaket, og lønnskostnadene og andre driftsutgifter vert dekt gjennom den årlege avtalte løyvinga frå UDI (Utlendingsdirektoratet). I avtala for 2004 var løyvinga til drifta fastsett til ca. 3,5 mill. kroner (utanom godtgjersle for husleige), basert på 64 faste plassar. Summen er indeksregulert i samsvar med konsumprisindeksen kvart år. Tilsvarande avtale for mottak drive av privat stifting i Lund kommune gir i 2008 ca. 4,0 mill. kroner for 95 faste plassar, utanom godtgjersle for husleige. Ullensvang kommune viser til at indeksreguleringa har vore noko for knapp til å fange opp lønnsveksten i kommunal sektor fullt ut dei siste åra. Dette har ikkje ført til kommunale nettoutgifter, men det har påverka det samla innhaldet i drifta av mottaket. Som vertskommune får Ullensvang ca. kr. 800.000 uavhengig av driftsoperatøransvaret. Dette har kommunen m.a. nytta til å styrkje helsetenesta med ½ helsesøsterstilling og elles til generell kompensasjon / styrking i kommunebudsjettet. Undervisning av barn (i vanleg grunnskule) og vaksne (i eigen skule ved mottaket) er finansiert med øyremerkte, statlege tilskot / refusjonar. Rådmannen trur ikkje at det er realistisk å rekne med at kommunal drift av asylmottak ved Jølster hotell vil gi nokon økonomisk gevinst for kommunen. Det er heller ikkje grunn til å tru at det vil medføre økonomisk belastning for kommunen. Økonomisk er det mest realistisk å rekne med eit nøytralt resultat. Riktig nok må ein rekne med at dei private operatørane driv med eit visst overskot det er ingen grunn til å rekne med at dei gjer det av rein idealisme. Men ved drift i kommunal regi kan det t.d. vere vanskelegare å kalkulere med økonomisk gevisnt enn det er for verksemder som har stordriftsfordelar gjennom drift av tilsvarande mottak over heile landet. Etablering av kommunale arbeidsplassar er eit sterkare argument enn mogleg økonomisk gevinst. Ved vurderinga av om Jølster kommune skal gå vidare med tanken om evt. kommunal drift av asylmottak ved Jølster hotell, er det rett å drøfte mellom anna følgjande: - Vil etablering og drift av eit kommunalt drive mottak kunne gjennomførast utan at det går ut over ordinære kommunale tenester? Jamvel om driftskostnadene vert dekte gjennom avtalt løyving frå UDI, vil det særleg i ein startfase krevje stor arbeidsinnsats frå den administrative leiinga i kommunen. - Kva for verknader vil etablering av asylmottak på Vassenden ha i høve til lokalmiljøet? - Talar røynslene frå perioden det var asylmottak (drive av den private verksemda HERO AS) i perioden frå 1998, for eller imot etablering av nytt mottak i 2008 / 2009. Dersom røynslene talar for, tilseier røynslene i så fall at det heller bør vere kommunal enn privat drift? - Korleis vil eit pr. i dag ukjend tal barn gi utslag for det samla undervisningstilbodet ved Vassenden skule? Har skulen t.d. kapasitet (i form av lokale) til å ta imot fleire elevar? Ullensvang kommune opprettar eigne grupper for elevar frå asylmottaket dei unngår m.a. å dele klassar på den måten. Er det fysisk mogleg å organisere undervisninga på tilfredsstillande måte? - Kor stor tryggleik har kommunen for at ei evt. etablering vinteren 2008 2009 vert såpass varig at det er forsvarleg å byggje opp ein organisasjon med eigne tilsette osv? Vil eit
3 mottak verte nedlagt etter t.d. 2 3 år, med dei konsekvensane det har for m.a. tilsetjingstilhøvet for dei tilsette? - Er bygningane tenlege for føremålet? Jamvel om Jølster hotell vart godkjent for drift av asylmottak med sjølvhushaldning i 1998, må bygget vurderast på nytt no både i høve til brannforskrifter og andre formelle krav. - Kva skjer dersom Jølster kommune ikkje går vidare med tanken om drift i kommunal regi? Dersom eigaren gjer avtale avtale med privat operatør, som så gjer avtale med UDI, har ikkje kommunen formell påverknadsrett, og det kan verte etablert asylmottak der i alle fall. Dersom formannskapet meiner at kommunen skal arbeide vidare med å vurdere førespurnaden, vil den vidare sakshandsaminga måtte avklare dei spørsmåla som det i dag ikkje er mogleg å gi fullgode svar på. Dersom kommunen konkluderer med at ein vil arbeide vidare med sikte på å gå inn for kommunal drift av eit asylmottak, vert det i første omgang aktuelt å gi eit tilbod til UDI, utan at vi på førehand veit sikkert om UDI vil godta eit tilbod og / eller om kommunen og UDI kjem til semje om innhaldet i ei avtale. I samråd med ordføraren legg rådmannen fram dette drøftingsnotatet som eit enkelt grunnlag for den førebels drøftinga. Meir utfyllande informasjon og tilleggsopplysingar vil verte lagt fram i møtet. Med helsing Jostein By Rådmann 57726104