SAKSFRAMLEGG Sakshandsamar: Reidulf Kjørsvik Arkiv: A2 151 Arkivsaksnr.: 09/1458 Grunnskuleressursane - ny fordelingsmodell gjeldande frå 01.08.10 Rådmannen si tilråding: ::: Sett inn innstillingen under denne linja 1. Formannskapet vedtek ny modell for fordeling av ressursar til skulane i Luster gjeldande frå 01.08.10 slik det går fram av saksutgreiinga. 2. Formannskapet er innforstått med at ved utrekning av basistimetal for skulane som del av førearbeidet til kommunebudsjettet, kan rådmannen foreslå avvik frå dei tradisjonelle skulekrinsgrensene for enkeltelevar der større fleksibilitet medfører reduksjon i tal grupper/klassar og dermed innsparing av personalkostnader. ::: Sett inn innstillingen over denne linja... Sett inn saksutredningen under denne linja
2 Saksutgreiing: Prenta vedlegg: 1. Førebels økonomisk ramme 2010 2. Elevtal, klassedeling og basistimetal skuleåret 2009/10. 3. Elevar med behov for tilleggsressursar over 70% av eigen skuletid. 4. Utrekning av elevkomponentar ved fordeling av budsjettmidlar. 5. Basistimetal og administrasjonsressurs på skulebudsjetta i 2009 6. Referat frå møte 4.6.09. Samandrag: Rådmannen legg i saka fram forslag til ny fordelingsmodell for ressursar til grunnskulen i Luster gjeldande frå 01.08.10. Forslaget er utarbeidd med tilvising til kommunestyret sitt vedtak om ressursar til grunnskulen for skuleåret 2009/10, jf vedtak i k-sak 27/09, pkt 4. Eit element i den nye fordelingsmodellen vil vere at rådmannen - som lekk i dei ordinære budsjettprosessane - vil kunne fremje forslag avvik frå ordinære skulekrinsgrenser av pedagogiske og/eller økonomiske grunnar. Utval som har vedtaksmynde: Formannskapet. Jf vedtak i k-sak 27/09 pkt 4. Fakta og vurdering: I samband med saka om godkjenning av stillingsressursar i grunnskulen for skuleåret 2009/10, handsama i kommunestyret den 23.04.09 under k-sak 027/09, gjorde rådmannen - i eit notat vedlagt saka - framlegg om ei endring i fordelinga av ressursane til den einskilde grunnskulen i Luster frå 01.08.2010. Kommunestyret gjorde følgjande vedtak: Kommunestyret ber rådmannen utarbeide ein alternativ modell for tildeling av ressursar til grunnskulen i Luster. Modellen bør byggje på skissa i vedlegg 3. Modellen må liggje føre før sommaren 2009 slik at han kan nyttast i budsjettarbeidet for 2010. For skuleverket bør modellen ta til å gjelde frå 01.08.2010 i og med at kommunestyret no tildeler ressursar for skuleåret 2009/10. Formannskapet får fullmakt til å godkjenne den nye modellen. A) Kort skissering av noverande ordning 1) Personalressursar: Godkjenning av stillingsressursar for lærarar/administrasjon og skuleassistentar vert føreteke av kommunestyret som eiga sak i april månad føre kvart skuleår. Rådmannen fordeler den godkjende samleressursen på den einskilde skulen etter gjeldande lov/avtaleverk og eventuelle føringar frå kommunestyret. Lønnsutgifter for godkjende stillingsheimlar for sekretærane ved Luster ungdomsskule og Hafslo barne- og ungdomsskule følgjer budsjettåret. 2) Undervisningsmateriell, vikarutgifter m.m. Økonomisk ramme for undervisningsrelaterte utgifter t.d. til vikarutgifter, lærebøker, undervisningshjelpemiddel og inventar vert gitt i kommunen sitt årsbudsjett. Rådmannen føretek fordelinga mellom skulane slik at kvar rektor får sitt årsbudsjett. (Utgifter til vedlikehald av bygningar, reinhald, vaktmeistertenester og skuleskyss vert ikkje medrekna her).
3 B) Motivasjon for ny tildelingsmodell: a) Den einskilde skulen får eit driftsbudsjett som følgjer kalenderåret, og som vert vedteke samstundes med kommunebudsjettet. b) Det vert lagt betre til rette for eigne prioriteringar med eventuelle omprioriteringar av driftsmidlar ved den einskilde skulen. c) Ei desentralisering av arbeidsoppgåver frå kommunenivå/rådmann til skulenivå/rektor. C) Framlegg til ny fordelingsmodell gjeldande frå 01.08.2010 Modellen grunnar seg på desse føresetnadene: 1) Ressursar til skulane skal fordelast etter objektive kriterium ( t.d. elevtal) 2) Den einskilde skule skal sikrast drift innan lov, føresegner og avtaleverk. Modellen sine 5 grunnelement: Skulebudsjettet til den einskilde grunnskulen vert tilført midlar for budsjettåret etter desse fem fordelingssummane: 1) Basisressurs: Lønnsutgifter til basistimetalet, administrasjonsressursen og til ev godkjent sekretærstilling vert tildelt skulebudsjettet til den einskilde skulen utrekna etter lønnsnivået for vedkomande stillingskategori, inklusive funksjonstillegg. Basistimetalet for den einskilde skulen vert å rekne for kvart skulehalvår i vedkomande budsjettår (vår og haust) etter 8-2 i Opplæringslova m/tilhøyrande føringar frå Stortinget. Endringar i elevtalet i løpet av budsjettåret, anten pga. tilvekst eller fråflytting. medfører ikkje endringar i basistimetalet. Administrasjonsressursen er den delen av rektor-/undervisningsinspektørstillinga som er godkjent nytta til administrative oppgåver. 2) Elevar med særleg stort behov for tilleggsressurs: Lønsutgifter vert tildelt med bakgrunn i konkrete vedtak til den einskilde skule. Tildelinga for hausthalvåret vert førebels og kan verta justert i samband med konkret vedtak for skuleåret om tilleggshjelp av pedagog/skuleassistent til elevar som har behov for slik hjelp i 70 % eller meir av veketimetalet sitt. 3) Elevkostnad: Budsjettet til den einskilde skulen (rektor) vert tilført ein sum i høve til elevtalet ved skulen, midlar som skal nyttast til personalutgifter utover det som ligg inne i pkt.1-2 og til undervisningshjelpemiddel og inventar. Kostnader som inngår i elevkostnadssummen: Lønnskostnader til gruppedelingstimar Lønnskostnader til spesialundervisning for elevar med behov for tilleggshjelp i mindre enn 70 % av veketimetalet sitt. Vikarutgifter Personalutgifter som til kvar tid følgjer av sentralt gitt avtaleverk (kontaktlærar, seniortiltak, arbeidslette, 2-timarsramma på ungdomssteget m.m.) Pedagogisk utviklingsarbeid på skulenivå (IKT-arbeid, Olweus-arbeid, teamleirar, kursverksemd, etterutdanning m.m.) Ugifter til undervisningsmateriell ( lærebøker, fritt skulemateriell m.v.)
4 Utgifter til undervisningsutstyr og inventar Utgifter i samband med leirskuleverksemd og elevekskursjonar. Av fleire årsaker (større veketimetal, gruppedeling i tilvalsfag, større lærebokkostnader mv) bør ein elev på ungdomssteget reknast meir enn ein elev på barnesteget ved fordeling av elevkostnadssummen. Prøvevis for budsjettåra 2010 og 2011 vert 1 ungdomsskuleelev rekna som 1,33 barneskuleelev. 4) Norskopplæring /morsmålsopplæring til elevar utan norsk som morsmål. Summen vert fordelt til den einskilde skule årleg med bakgrunn i tal elevar som skal ha morsmålsopplæring. 5) Utgifter/inntekter for gjesteelevar, dvs. elevar som får grunnskuleundervisning i annan kommune enn heimekommunen. For å synleggjere korleis modellen vil verke, har ein i følgjande 5 vedlegg lagt inn tala i 2009-10-budsjettet i aktuelle rekneark: Vedlegg 1: Utrekningar fram til elevkostnadssum med utgangspunkt i førebels rammetal for 2010. Med frådrag av 4 ulike kategoriar av lønnskostnader, kjem ein fram til ein elevkostnadssum 12,3 mill. kr for vårhalvåret og 8,8 mill. kr for hausthalvåret - som vert å fordele på dei 9 grunnskulane i høve til elevtalet ved kvar skule. NB! Gjennomsnittslønn vert å fastsette etter nærare vurdering, m.a. når det gjeld pensjonsutgifter og arbeidsgjevaravgift og endringar i lønnsavtalar. Vedlegg 2: Utrekning av basistimetal (Her utrekna for skuleåret 2009-2010 ) Utrekninga følgjer dei retningslinjene som galdt fram til kriterietala vert tekne ut av lovteksta til Opplæringslova. Basistimetalet er det veketimetalet som elevane på dei ulike klassestega er på skulen, og dette timetalet - omrekna til lærarårsverk den absolutte minsteressursen til skulen. NB! Rektor har høve til å gruppere elevane på andre måtar enn i denne utrekninga. Vedlegg 3: Oversyn over veketimetal for elevar med behov for tilleggshjelp på 70 % eller meir av veketimetalet sitt. (Her vist for hausthalvåret 2009) I hausthalvåret 2009 vil i alt 20 elevar i grunnskulen i Luster ha behov for tilleggshjelp av pedagog og/eller skuleassistent i 70 % eller meir av skuletida si. Budsjetta til den einskilde skulen vil få tilført midlar som dekkjer ekstrakostnadane for desse elevane. Vedlegg 4: Utrekning av tal elevkomponentar ved fordeling av elevkostnadssum. (Her vist for budsjettåret 2009). Ein har her vist korleis ein reknar seg fram til tal elevkomponentar ved kvar skule idet 1 ungdomskuleelev tel 0,33 gonger meir enn ein barneskulelev.
5 Vedlegg 5: Fordeling av basistimetals- og administrasjonsressurs på skulebudsjetta. (Her vist for budsjettåret 2009 ) Dette vedlegget gjev eit oversyn over stillingsprosentar ved kva grunnskule som går til lærarstillingar innan basistimetalet og til administrative oppgåver. D) Høve til større fleksibilitet ved fastsetjing av basistimetalet Ved utrekning av basistimetalet kan det oppstå tilfelle slik som ved utrekninga av basistimetalet for skuleåret 2009/10, jf. vedlegg 2 at ved flytting av einskildelevar eller eit fåtal elevar frå ein skulekrins til ein annan, kan ein få innsparingar i tal elevgrupper / klassar - som igjen gjev høve til økonomiske omdisponeringar. Ein større fleksibilitet i høve til noverande skulekrinsgrenser kan medføre eit betre pedagogisk tilbod ved fleire av skulane våre. Rådmannen meiner difor at kommunestyret bør vurdere slike fleksible løysingar i samband med handsaminga av kommunebudsjettet. Jf eigen drøfting på temadagen 28.05.09 om dette. Dato: 2.juni 2009 Tore Eriksen Inger Marie Evjestad Rådmann rådgjevar Særutskrift skal sendast: m/kopi til:... Sett inn saksutredningen over denne linja