SAKSFRAMLEGG Sakshandsamar: Jan Magne Svåi Arkiv: 130 N00 &13 Arkivsaksnr.: 13/1884 Regional transportplan Sogn og Fjordane 2014-2023 Funksjonsinndeling av fylkesvegnettet Rådmannen si tilråding: Luster kommune meiner at fylkesvegane i Luster kommune ikkje skal delast i meir enn tre funksjonsklassar. B, C og D. Luster kommune tilrår slik funksjonsinndeling på fylkesvegane i kommunen; Fylkes-veg Gamal Framlegg ny Merknad nr funksjonsklas se funksjonsklas se 55 Primær B Nasjonal turistveg. Sognefjellet vinterstengt. 331 Sekundær C Lokal samleveg Luster sørside frå Skjolden til Urnes 331 Øvrig C Lokal tilkomstveg Urnes i Luster 332 Øvrig D Lokal tilkomstveg i Fortun 333 Øvrig D Lokal tilkomstveg i Skjolden 334 Sekundær D Lokal samleveg i Jostedalen 334 Sekundær D Lokal tilkomstveg i Jostedal 335 Øvrig D Lokal tilkomstveg i Jostedal 336 Øvrig D Lokal tilkomstveg Marifjøra 337 Sekundær C Lokal samleveg Hafslo - Veitastrond 338 Øvrig C Lokal samleveg til Solvorn 339 Øvrig D Lokal tilkomstveg Indre Hafslo 603 Primær C Lokal samleveg til Marifjøra 604 Primær C Lokal hovudveg til Jostedal
Saksutgreiing: Prenta vedlegg: Uprenta vedlegg: Fylkesvegnettet i Sogn og Fjordane. Nye funksjonsklassar Samandrag: I desember 2013 vedtok fylkestinget i Sogn og Fjordane Regional transportplan for Sogn og Fjordane 2014 23. Gjennom endeleg vedtak av Regional transportplan har fylkestinget godkjent at fylkesvegnettet skal delast inn i funksjonsklassar basert på eit sett kriterium. Framlegget til defineringa av funksjonsklassar for fylkesvegnettet er no komme. Kommunen er beden om å komme med attendemelding på framlegget. Rådmannen ser at funksjonsinndelinga og statusen til dei ulike vegane vil bety noko både i høve vedlikehald og framtidig utbygging av vegane. I saka frårår rådmann at fylkesvegar i kommunen vert plassert i lågaste funksjonsklasse. Utval som har vedtaksmynde: Formannskapet Fakta: I desember 2013 vedtok fylkestinget i Sogn og Fjordane Regional transportplan for Sogn og Fjordane 2014 23. Gjennom endeleg vedtak av Regional transportplan har fylkestinget godkjent at fylkesvegnettet skal delast inn i funksjonsklassar basert på eit sett kriterium. Defineringa av funksjonsklassar for fylkesvegnettet kjem fram av prenta vedlegg. Funksjonsinndelinga av fylkesvegnettet skal gje kunnskap som kan nyttast for ei heilskapleg og behovsbasert utvikling av vegnettet. Funksjonsinndelinga skal leggast til grunn ved vurdering av behov for standard som breidde, kurvatur osb., på ulike vegstrekningar. Dei skal også vere grunnlag for prioriteringar av drifts- og vedlikehaldstiltak og investeringar i handlingsprogrammet. Ved langsiktig planlegging og dimensjonering av innsatsen på fylkesvegnettet skal funksjonsklassane leggast til grunn. Basert på vedtekne kriterium og funksjonsklassar har fylkeskommunen og Statens vegvesen gått gjennom fylkesvegnettet og plassert fylkesvegane inn i dei ulike funksjonsklassane. Kommunane er bedne om å gå gjennom framlegget til funksjonsinndeling av vegnettet. Eventuelle merknader til plassering av fylkesvegane må sendast til fylkeskommunen innan 27. mars 2015. For Luster kommune har fylkeskommunen og Statens vegvesen gjort følgjande vurderingar: Fylkesveg Gamal Framlegg Merknad nr funksjonsklasse ny funksjons klasse 55 Primær C Nasjonal turistveg. Sognefjellet vinterstengt. 331 Sekundær D Lokal samleveg Luster sørside frå Skjolden til Urnes 331 Øvrig E Lokal tilkomstveg Urnes i Luster 332 Øvrig E Lokal tilkomstveg i Fortun 333 Øvrig E Lokal tilkomstveg i Skjolden 334 Sekundær D Lokal samleveg i Jostedalen 334 Sekundær E Lokal tilkomstveg i Jostedal
335 Øvrig E Lokal tilkomstveg i Jostedal 336 Øvrig E Lokal tilkomstveg Marifjøra 337 Sekundær D Lokal samleveg Hafslo - Veitastrond 338 Øvrig D Lokal samleveg til Solvorn 339 Øvrig E Lokal tilkomstveg Indre Hafslo 603 Primær D Lokal samleveg til Marifjøra 604 Primær C Lokal hovudveg til Jostedal I samband med høyring av framlegg til Nasjonal transportplan 2014-2023, den 26.04.2012 sak 32/12, hadde kommunestyre følgjande fråsegn vedrørande Fylkesveg 55. Fylkesveg 55 er gjennomgangsåra gjennom heile Luster kommune. Den har avgjerande betydning for utviklinga av Luster kommune. Den er og mykje nytta som gjennomgangsåre om sommaren mellom aust- og vestlandet. Vegen var den første i landet som vart klassifisert som nasjonal turistveg. Luster kommune ber difor om at fylkesveg 55 blir omklassifisert til riksveg. Det må òg prioriterast midlar til tofeltsveg på strekninga Nes Fortun. Kommunen har ikkje fått gjennomslag for omklassifisering. Vurdering: Gamal funksjonsinndeling av fylkesvegane syner tre klassar; primær, sekundær og øvrig. Funksjonsinndelinga vil ha ein betyding og konsekvens for standard på vedlikehald, prioritering av ressursar til drift og investering. Byggjegrenser vil og verte påverka av funksjonsinndelinga. Det er rådmannen si vurdering at fylkesvegane i Luster kommune ikkje treng differensierast meir enn dei er no. Skulle det vere behov for ei ytterlegare differensiering så er det etter rådmannen si vurdering grunnlag for at inndelinga mellom riksveg, fylkesveg og kommuneveg bør drøftast på nytt. Jf kommunen sitt standpunkt om fv 55 som riksveg og framlegg om funksjonsklasse E som vert jamstilt med kommunevegar. Ei slik klassifisering bør medføre at det er like tenleg at det vert kommuneveg der kommunane får både ansvar og ressursar til å halda denne del av vegnettet. Eit særtrekk ved fylkesvegane i Luster, og ikkje minst dei mindre fylkesvegane, er at dei har stor trafikk i turistsesongen. Trafikken vil variere, men generelt er trafikken aukande. Dette bør vurderast som eit særskilt kriterium ved klassifisering og gi ein høgare funksjonsklasse enn andre kriterium tilseier. Rådmannen meiner at ingen av vegane i Luster skal vere i funksjonsklasse E. Sjå vurderinga under. Rådmannen sitt framlegg til funksjonsklasseinndeling i Luster kommune: Fv 55 Gaupne Sogndal. Primært meiner kommunen at vegen skal omklassifiserast til riksveg, men det er ikkje tema i denne saka.. Rådmannen sin vurdering: Funksjonsklasse B Fv 55 Nasjonal turistveg Gaupne Lom. Vegen er til dels smal og med dårleg kurvatur og varierande grunnforhold I framlegg til funksjonsinndelinga blir det viset til i kriteria at Fv 55 Sogndal Lom skal ha funksjonsklasse C. Kommunestyre har tidlegare gjett fråsegn, i samband med Nasjonal transportplan, der kommunestyre ber om at Fv. 55 blir omklassifisert til
riksveg. Rådmannen si vurdering er at denne skal ha same funksjonsklasse som vegen frå Sogndal til Gaupne. Rådmannen si vurdering: Funksjonsklasse B Fv 331 Skjolden til Urnes. Vegen har stor turisttrafikk om sommaren, med betydeleg trafikk av bilar og bussar som skal besøke verdsarvbygget Urnes stavkyrkje, Feigumfossen, Lerum sitt saftmuseum og Munthehuset. Etablering av cruisekai i Skjolden har auka busstrafikken vesentleg. Mange nyttar og vegen som ei rundkøyring ved bruk av ferja til Urnes. Vegen er smal og treng betydeleg opprustingstiltak og vedlikehald. Ei eventuell nedskriving av funksjonsklasse til D fører til at vegen kjem lengre ned på prioriteringslista. Rådmannen si vurdering: Funksjonsklasse C Fv 331, Lokal tilkomstveg på Urnes. Same vurdering som på veg Skjolden Urnes, då vegane høyrer saman. Fv 332 Lokal tilkomstveg i Fortun. Dette er ein veg som bind saman innbyggjarar i Fortunsdalen med sjølve tettstaden Fortun. Vegen vert nytta for å komme til skule, barnehage, butikk og forsamlingslokale, og sjølvsagt som pendlingsveg. Fv 333 Lokal tilkomstveg i Skjolden. Dette er ein veg som bind saman innbyggjarane i Mørkridsdalen med tettstaden Skjolden, der det er skule, barnehage, butikk og forsamlingslokale. Det er aukande turisttrafikk på vegen mot Mørkridsdalen/Breheimen. Fv 334 Lokal samleveg i Jostedalen. Rådmannen ser ingen grunn til å dele vegen med ein annan funksjonsklasse frå Høge bru til Fåberg ved Storekloppi, 1 km frå Fåberg. Vegen er til dels smal og uoversikteleg. Treng opprustingstiltak. Alle som skal til Nigardsbreen og/eller Styggevatnet, som er store turistmål, må bruke denne vegen for å komme fram. Frå Gaupne til Høgebru, Fv. 604, er det forslag frå fylkeskommunen at funksjonsklassen skal vere C. Dette er og rådmannen sin vurdering. Men å dele heile strekkinga, Gaupne Fåberg, opp i 3 funksjonsklassar meinar rådmannen ikkje er haldbart. Fv 335 Lokal tilkomstveg i Jostedal. Dette gjeld både vegen frå Høge bru til Espe og Gjerde til Bergset. Den fyrste vegen er tilkomstveg til barnehage, skule og samfunnshus. Veg til Bergset er ein mykje nytta veg for turistar som vil sjå Bergsetbreen. Fv 336 Lokal tilkomstveg Marifjøra. Dette er ein veg som bind saman innbyggjarar på Eikjastrondi med tettstaden Marifjøra og Indre Hafslo. Må og nytte vegen for å komme til skule, barnehage, butikk og forsamlingslokale. Fv 337 Lokal samleveg Hafslo Veitastrond. Etter at dei planlagde og prioriterte tiltaka på Veitastrondsvegen er gjennomførde vil det framleis vere fleire utsette strekningar/punkt på vegen som må sikrast, både med tanke på ras og rekkverk. Vegen er og smal og til dels uoversiktleg. Det er og aukande turisttrafikk om sommaren. Med andre ord ein veg som må ha høg prioritering. Fv 338 Lokal samleveg til Solvorn. Solvorn har etter kvart ein betydeleg turisttrafikk. I Solvorn er det og ei populær badeplass, der både innbyggjarar frå Luster og
nabokommunane kjem for å bade og slappe av. Vegen er smal og med dårleg kurvatur. Vegen treng utbetring. Fv 339 Lokal tilkomstveg Indre Hafslo. Alle som skal til skule og barnehage på Indre Hafslo må nytte denne vegen. Vegen var tidlegare hovudvegen gjennom Indre Hafslo, og standaren er vorten tydleg dårlegare etter at «nye» vegen vart bygd. Deler av vegen manglar rekkverk eller har låge støypekantar. Varierande grunnforhold gjer at vegen er betydeleg dårlegare i deler av året. Vegen treng opprustingstiltak. Fv 603 Lokal samleveg til Marifjøra. Veg gjennom tettstaden Marifjøra. Tilkomstveg til Tørvis hotell, kai og til alle som skal nytte Fv 336. Fv 604 Lokal hovudveg til Jostedal. Dette gjeld vegen som går frå Gaupne til Høgebru. Mykje turisttrafikk om sommaren. Vegen er fleire stadar smal og har dårleg kurvatur. Vegen treng opprustningstitak. Dato:10.03.15 Jarle Skartun Jan Magne Svåi rådmann rådgjevar Særutskrift skal sendast: m/kopi til: