VINDAFJORD KOMMUNE SAKSPAPIR Saksnummer Utval Vedtaksdato 005/15 Kommunestyret 24.02.2015 Saksbehandlar: Aarvik, Sissel Sak - journalpost: 11/3280-2015002062 ANDRE GANGS HANDSAMING - DETALJREGULERING FOR NAUSTOMRÅDE ULVEBNE Rådmannen sitt framlegg til vedtak: 03.02.2015 Formannskapet Rådmannen sitt framlegg til vedtak vart samrøystes tilrådd. FS-006/15 tilråding samrøystes: 24.02.2015 Kommunestyret Formannskapet si tilråding vart samrøystes vedtatt. KS-005/15 Vedtak: Aktuelle lover, forskrifter, avtalar, reglement m.m.: Plan- og bygningslova. Planområdet vart vurdert i høve til naturmangfaldlova i saksframlegget til førstegangshandsaming av planen. Saka gjeld: Andre gangs handsaming av Detaljregulering for naustområde Ulvebne.
Saksopplysningar / vurdering: Planutkastet vart førstegangshandsama i formannskapet 30.09.14, sak 094/14. Offentleg ettersyn og høyring vart gjennomført i tidsrommet 13.10. 01.12.14. Dette vart også kunngjort i Grannar og Haugesunds Avis og på kommunen sine nettsider. Grunneigarar og naboar vart orienterte om høyringa i eige brev. Følgjande merknader kom inn: Kystverket brev datert 26.11.14 Deira merknadar til oppstart av planarbeidet er følgd opp, og dei har ikkje ytterligare merknader til planforslaget. Fylkesmannen i Rogaland brev datert 24.11.14 Dei peikar på at det er manglande samsvar mellom kart og føresegner. I føresegnene er det nytta formålet Samferdsel og teknisk infrastruktur kai/brygger og Bruk og vern av sjø og vassdrag småbåthamn. På plankartet er dette vist som Småbåtanlegg under føremålet Bygningar og anlegg og som Ferdsel under føremålet Bruk og vern av sjø og vassdrag. Dette må rettast opp slik at kart og føresegner samsvarar. Vidare gir dei fagleg råd om å sikra allmenn ferdsel i området ved å: Leggja inn samanhengande gangveg, slik at ein sikrar allmenn ferdsel gjennom planområdet og til grønstrukturen mellom naust 9 og 10. Presisere at kai skal vera tilgjengeleg for ferdsel og allmenta. Kart og føresegner er endra slik at det er samsvar mellom desse. Det er knapt med areal mellom vegen og sjøen. Gangvegen er regulert inn for å sikra tilgjenge mellom parkeringsplassen og friluftsområdet i sør og friområdet i nord. Å regulera inn gangveg mellom nausta og parkeringsplassen vil krevja meir areal eller redusert parkeringsareal. Ytterlegare utfylling i sjøen er ikkje ynskjeleg. Det er spesielt smalt mellom fyllingsfoten nedanfor avkøyringa frå fylkesvegen og nausta. Rådmannen vil ikkje rå til at planen vert endra på dette punktet. Det følgjer av utkastet til 9.2 at det ikkje skal etablerast stengsel som kan hindra persontilgang til naustområde og bryggjer. I dette legg rådmannen at det også var meint at det skal vera allmenn tilgang, inkl. til kai, men dette vert presisert i føresegnene 3.8. Statens vegvesen brev datert 30.10.14 Før oppstart søkte tiltakshavar vegvesenet om etablering av avkøyrsle til naustområdet. Av deira vedtak datert 02.01.14 går det fram at det kan påreknast løyve på gitte føresetnadar. I planforslaget er avkjørsla i samsvar med føresetnadane, bortsett frå at plasseringa er endå betre ved auka avstand til ei eksisterande avkjørsle på motsett side av fylkesvegen. Vegvesenet tilrår at tilkomsten til naustområdet vert dimensjonert med omsyn til bilar med båthengjar, køyring med byggjemateriell og utrykkingskøyretøy. Planforslaget syner ei byggjegrense på 15 m frå senter fylkesveg. Mellom vegen og byggjegrensa skal det normalt ikkje tillatast parkering, manøvrering av køyretøy, opphald, lagring, faste installasjonar m.m. I planforslaget ligg ein stor del av parkeringsarealet mellom byggjegrensa og fylkesvegen. Dei tilrår at planen blir endra på dette punktet og ei anna parkeringsløysing vert funne.
Det må presiserast i føresegnene at det skal utarbeidast ein teknisk plan for avkøyringa frå FV 734 og andre anlegg som kan påverka fylkesvegen. Teknisk plan skal vera i samsvar med vegvesenet si Handbok R700 Tegningsgrunnlag. Planen skal godkjennast av vegvesenet. Området er så bratt med så liten avstand mellom vegen og sjøen at det er vanskeleg å byggja tilkomstveg for større køyretøy. Bilar med vanleg bilhengjar kan køyra ned til området, men vegen er ikkje dimensjonert for større lastebilar og større båthengjarar, ref. planskildringa. Ved frakt av materialar m.m. i samband med bygging i området, må det nyttast køyrety som vegen er dimensjonert for. Ev. må det søkjast om midlertidig anleggsveg for det konkrete prosjektet. Ambulanse vil ha tilkomst til området slik vegen er planlagd. Dersom det oppstår brann i naustområdet, vil avstanden mellom vegen og naustet/nausta vera så liten at brannbilar nok uansett må stå oppe på fylkesvegen. Som allereie nemnt er terrenget i området bratt og det er liten avstand mellom vegen og sjøen. Dette er bakgrunnen for plasseringa av parkeringsområdet. Utan stor utfylling i sjøen vil det ikkje vera mogeleg å finna anna parkeringsareal. Ei slik løysing vil vera lite heldig ut frå landskapsomsyn og vil krevja store massar. Pga. høgdeskilnaden i området, vil ikkje parkering som planlagt vera til hinder for sikt frå fylkesvegen. Når det gjeld ev. konfliktpunkt i forhold til drift og vedlikehald av fylkesvegen kan brøyting vera eit tema. Dette vil skje på ei tid på året, då bruken av naustområdet med tilhøyrande parkering vil vera liten. Rådmannen tilrår at parkeringsløysinga vert vedteken slik som føreslått. Krav om teknisk plan og godkjenning av denne av vegvesenet går allereie fram av føresegnene 4.2. Det vert teke inn ei presisering av at teknisk plan skal vera i samsvar med vegvesenet si Handbok R700 Tegningsgrunnlag. Rådet for eldre og funksjonshemma - brev datert 26.11.14 Ber om at det vert teke omsyn til den universelle utforminga av området. På det meste av strekninga vil stigninga på tilkomstvegen vera på 10 % eller litt mindre, dvs. brattare enn krava til universell utforming. Vegen er lagt så slak som mogeleg, ref. den store høgdeskilnaden og det smale området. Området vil vera tilgjengeleg med bil og enkeltnaust og bryggjer / kai og tilkomsten til desse kan utformast universelt. Terje Svelland brev datert 01.12.14 Han er nærast nabo sør for planområdet og har følgjande merknadar: 1. Fartsgrensa på fylkesvegen bør senkast ved eventuell utbygging. Dagens grense med 80 km/t er allereie langt over det forsvarlige. Tilkomstvegen til naustområdet vil medføre fleire potensielle situasjonar enn no, noko som vil auka risikoen for trafikkfarlige situasjonar ytterligare. Ei fartsgrense på 50 eller 60 km/t gjennom Ulvebne-området bør koma som ein konsekvens av utbygginga. 2. Ein eventuell godkjent reguleringsplan bør innebera krav om ein rimelag utbyggingstakt av området, med krav om frist for ferdigstelling og eventuell rekkjefølgjeprogresjon på dei ulike nausta. Ein "evig" utbyggingsperiode bør unngåast. 3. Friområde / omsynssone bekk, sør i naustområdet, er vist med ei breidde på 16-22 meter nordover frå grensa til hans eigedom. Han understrekar at minimum dette må overhaldast, og at friluftsområdet med omsynssona vert oppretthalde i naturleg tilstand.
4. Det store talet naust vil medføra eit behov for ei do-løysing. Det bør vurderast ei form for felles toalettmogelegheit med eit lukka system nord på naustområdet. Dette for å minimere at friluftsområdet vert teke i bruk til dette, samt for å hindra at eventuell lukt kjem for nær hans eigedom. (Området har allereie vore brukt til å dumpa ròte silofor nær hans eigedom, med lukt som har vore merkbart irriterande, særlig ved nordavind). 5. Ved utbygging må eventuelt skrot og anna som hamnar på sjøen straks ryddast bort av utbyggjar. Vind- og straumforhold, samt plasseringa av hans eigedom i sørenden av bukta, fører allereie til at veldig mykje av det som rek på sjøen, hamnar på hans strand. 6. I flg. føresegnene skal ikkje campinginnretningar tillatast i området. Kven har ansvaret for at forbodet vert etterfølgd? Komande nausteigarar bør uansett få klar forståing av forbodet, samt påleggjast ansvar med å oppretthalda det. 7. Vegen ned til naustområdet bør asfalterast. Dette for å redusera støyen som grusveg medfører. 8. Han ber om at utforminga av dei enkelte nausta blir i samsvar med teikningane i planen. 1. Siktsoner er lagt inn i planen og Statens vegvesen har ingen merknad knytt til fartsgrensa på strekninga i forhold til avkjørsla. Det skal utarbeidast teknisk plan for avkjørsla og denne skal godkjennast av vegvesenet. Rådmannen legg til grunn at dette gir tilfredsstillande trafikkløysing på staden med dagens fartsgrense. 2. For å kunna starta ei utbygging, må tilkomstvegen byggjast først. Det vil vera vanskeleg å setja krav om utbyggingstakt og progresjon i utbygginga. Det er planlagd mange naust, som realistisk ikkje vil kunna bli bygde over ein kort periode. Det går fram av 9.1 at naust med tilhøyrande kai/bryggje kan skje trinnvis. Omfanget av byggjetrinnet skal avklarast ved førehandskonferanse. 3. Storleiken på friområdet går fram av kartet. Føresegnene slår fast at området skal oppretthaldast i naturleg tilstand og at det ikkje skal skje inngrep i omsynssona langs bekken. 4. Det er ikkje vanleg å krevja felles toalett i eit naustområde, heller ikkje der det vert regulert inn mindre felles friområde / friluftsområde. Dette vil berre vera aktuelt i større og mykje brukte område. Det kan søkjast om å leggja inn toalett i naust. Når det gjeld dumping av silofôr skal ikkje skje på slike stadar, og vil i alle fall vera i strid med området sin funksjon som friluftsområde. 5. I alle utbyggingsprosjekt har tiltakshavar ansvar for å ha ein ryddig byggjeplass der han har kontroll på materiell og avfall. 6. Dei som kjøper nausttomt / naust i området skal gjerast kjende med / gjera seg kjende med føresegnene i reguleringsplanen. Både dei og ev. eigar av fellesareal må sjå til at planen vert etterlevd. Det kan ev. setjast opp skilt på parkringsområdet om at camping ikkje er tillate. 7. Rådmannen finn det ikkje rimeleg å krevja asfaltering av tilkomstvegen til naustområdet av omsyn til ein hyttenabo. Dette m.a. vurdert ut frå kost/nytte og på bakgrunn av sannsynleg bruksomfang både av naustområdet og hytteeigedomen.
8. Tal på naust går fram av plankartet. 3D-illustrasjonen som følgjer planen er retningsgjevande for utbygginga. Føresegnene om storleik på naust (BYA), møne- og gesimshøgde, min. kote på golv, naustdører, tal på vindauge m.m. er juridisk bindande og skal følgjast i byggjesøknadane. Konklusjon Med dei endringane som er gjort, rår rådmannen til at planen vert vedteken. Vedlegg: FØRESEGNER 150115 FØRESEGN - 3D-ILLUSTRASJON Plankart 150115 Planskildring