ØRSTA KOMMUNE Personalstaben Formannsskapet Saksnr Løpenr. Saksansvarleg Arkiv Dato 2014/1799 10326/2014 HOFSET 520 14.08.2014 LØNSPOLITIKK FOR ØRSTA KOMMUNE- TIL FORMANNSKAPET Ørsta kommune har i samsvar med Hovudtariffavtalen kap. 3.2 utarbeidd ein lokal lønspolitikk. Denne skal gjerast kjent for alle tilsette, slik at det for den tilsette er føreseieleg og ein får høve til å innrette seg i samsvar med vedteken lønspolitikk. Ei arbeidsgruppe sett saman av representantar i frå arbeidsgivar og organisasjonane har revidert tidlegare lønspolitiskplan og sender med dette ut nytt framlegg til lønspolitikk for Ørsta kommune. Organisasjonane og seksjonane er sett som høyringsinstansar, og det er opp til hovudtillitsvalde og seksjons/stabsleiarar å gjere framlegget kjend for sine medlemmar/underordna. I tillegg vert framlegget sendt til formannsskapet for orientering. Frist for å kome med høyringssvar vert sett til 27.08.14. Eventuelle svar vert å sende elektronisk i vedlegg (wordfil) til stabsleiar personal. Med helsing Idun Lee Hofset stabsleiar personal Vedlegg: Lønspolitikk for Ørsta kommune Postadresse: Dalevegen 6 postmottak@orsta.kommune.no www.orsta.kommune.no 6153 ØRSTA 700 49 700 700 49 711 939461450 MVA 3992.07.30144
Lønspolitikk for Ørsta kommune Gjeldande frå 01.05.14 Foto:Janne G. Dagfinrud
LØNSPOLITIKK FOR ØRSTA KOMMUNE Gjeldande frå 01.05.2014 Verdiane våre ligg til grunn for alt arbeidet vi gjer, og hovudmålsettingane for lønspolitikken for Ørsta kommune er nedfelt i arbeidsgivarstrategien vår. Ørsta kommune sin lønspolitikk har som mål å stimulere til initiativ, auka ansvar og god bruk av ressursar. Ørsta kommune skal ha ein lønspolitikk som sikrar likeverdige vilkår, rekruttering og kompetanse. Ørsta kommune skal gje grupper og einskildpersonar konkurransedyktige vilkår gjennom forhandlingar. Påskjøning i form av auka løn skal brukast til å motivere til kompetanseutvikling, innsats og resultat på individ- og gruppenivå. Kommunen sin lønspolitikk og kriterium for lønsutvikling skal vere kjent i heile organisasjonen. Lønspolitikken vert utarbeidd i samarbeid mellom tillitsvalde og arbeidsgjevar. Partane ynskjer gjennom lønspolitikken å verte samde om korleis lønssystemet skal brukast, og kva for lønsmessige tiltak som er naudsynte for å nå verksemda sine mål. Lønspolitikken skal vere eit hjelpemiddel i arbeidet med å rekruttere og halde på godt kvalifisert arbeidskraft. Partane er samde om at føremålet med å utarbeide ein lokal lønspolitikk, er at prosessen fører fram til løysingar det er semje om, og som seinare kan vere til nytte ved lokal lønsfastsetjing. Tilsette i Ørsta kommune skal ha likeverdig løn sett i høve til: -kompetanse -lokal lønsutvikling på tvers av seksjonar og kapittel -i høve til kvinne/mann
I samband med hovudtariffoppgjera vert lønspolitikken evaluert og ved endringar vert det lagt fram sak for administrasjonsutvalet. Om partane vert samde om endringar i vedlegga, vert desse handsama administrativt. Sentrale føringar går framfor lokale føringar og kjem kvart år som tillegg til lønspolitikken. Ørsta kommune sin overordna lønspolitikk gjeld alle som er omfatta av HTA 1. 1. her definert som tilsette i faste stillingar og mellombelse tilsetjingar/vikariat utover 6 månader. Forholdet til kven som er omfatta av lokale forhandlinga, mellom anna forholdet til dei uorganiserte, vert handsama på drøftingsmøta knytt til lokale forhandlingar jf. HTA vedlegg 3. Forhandlingsutvalet fylgjer dei ulike kapitla og har fylgjande samansetning: -Kapittel 3.4.2, kapittel 4 og kapittel 5 : Rådmannen og stabsleiar personal. Aktuelle seksjonsleiar skal vere involvert i prosessen. -Kapittel 3.4.1 C: Rådmannen og ordføraren -Kapittel 3.4.1 A: Representantar frå formannskapet Prosedyre for fastsetjing av løn og kapittelplassering for tilsette i Ørsta kommune: Lønsfastsetjing og lønsendring skjer ved: l. Fastsetjing av løn ved tilsetjing. For stillingar som har minsteløn skal ein ved utlysing/ved tilsetting som hovudregel nytte minsteløn for stillinga, jfr. HTA kap. 4 og minstelønstabell. Avvik av minsteløn v/utlysing/tilsetjing vert avgjort av forhandlingsutvalet v. rådmannen. 2. Fastsetjing av løn ved sentrale forhandlingar. 3. Fastsetjing av løn ved lokale forhandlingar heimla i sentrale oppgjer og avtale. 4. Fastsetjing av løn etter særskilde forhandlingar Som hovudregel skal stillingar plasserast i kapittel 4, berre unntaksvis i kapittel 5. Formelle leiarar er plasserte i kapittel 3 Rekrutteringstilskot: For aktuelle yrkesgrupper kan det i kvart einskild tilfelle verte vurdert om det skal ytast eit rekrutteringstilskot. Eit slikt tilskot vert gitt som ein kronesum (stillingstillegg) tillagt minstelønn og kan vere knytt til arbeid ved spesifikk tenestestad. Forhandlingsutvalet avgjer om slikt tilskot skal ytast. Lønsfastsetting av ferievikarar: Det vert frå personalstaben utarbeidd tabell for avlønning av ferievikarar på grunnlag av endringar i lønstabell pr. 01.05.
Vedlegg 1. Gjeld kapittel 3. Seksjonsleiarar og einingsleiarar Leiarfunksjonen er svært viktig i alle ledd i organisasjonen. I samsvar med vedteken arbeidsgivarstrategi vil kommunen sikre at denne gruppa har eit akseptabelt og konkurransedyktig lønsnivå. Definisjon av leiar i Ørsta kommune: For å bli normert som leiar må stillinga ha personalansvar, budsjettansvar og fagleg ansvar. Leiarar i Ørsta kommune skal ha likeverdig løn i den enkelte stilling sett i høve til kompetanse, lokal lønsutvikling på tvers av seksjonane og i forhold til kvinne/mann. Leiarar skal lønast minimum kr 30 000,- høgare enn høgste minstelønn for dei som dei er sett til å leie. (Definisjon høgste minsteløn: t.d. sjukepleiar, førskulelærar, adjunkt) Denne sikringa gjeld ikkje om underordna har høg personleg løn på grunn av spesial-, spisskompetanse eller arbeidstakarar med særleg høgt utdanningsnivå (t.d. lektor i skule). I samband med innføring av nytt styringssystem er det for kapittel 3 eit auka fokus på individuell vurdering og lønsfastsetting. Påskjøning i form av auka løn skal brukast til å motivere til kompetanseutvikling, innsats og resultat på individ- og gruppenivå. Ved lønsvurdering av leiarane vert m.a. kriteria i leiaravtalane lagt til grunn. Desse kan t.d vere: -tal årsverk -relevant kompetanse -lønnsnivå i eininga -rekruttering -særlege omsyn i eininga/seksjonen -målkort
Vedlegg 2 Gjeld kapittel 4. Definisjonar ulike tillegg kap. 4 : Stillingstillegg: kr.tillegg som fylg stillingsstorleik (t.d. ped.leiar, SFO- koordinator, fagleiar, arbeidsleiar, kompetanse, 20 års ansiennitet, 58 år) Funksjonstillegg: kr.tillegg uavhengig av stillingsstorleik. (t.d lærlingeinstruktør, primærkontakt, fagkoordinator, tillitsvalde, leksehjelp, kontaktlærar, samlingsstyrar) Lista er ikkje uttømmande Lokale tillegg som er definerte som funksjonstillegg fylgjer den som til ei kvar tid har oppgåva. Dersom oppgåva vert flytta eller fell vekk, misser ein tillegget. Spesifisering av ulike tillegg knytt til kapittel 4. Der ikkje anna er spesifisert skal kostnaden vert trekt av lokal pott i samband med dei første lokale forhandlingar etter at tillegget er gitt. Pedagogisk leiarar (st.kode 7637) og Fagleiarar (st.kode 7453): kr. 15 000.- jf. HTA avlønning ped.leiar over sentral minsteløn for gjeldande faggruppe. Dette tillegget skal ikkje gå av lokal pott (jfr. tvisteprotokoll av 2009). Eventuell utjamning ved ytterlegare auke av minstebeløp må krevjast av organisasjonane og skal gå av lokal pott. Pr. 01.05.14 er det framforhandla for ped.leiarane kr. 3000.- i tillegg. Partane er samde om at målsettinga er at det skal gjerast tilsvarande for fagleiarane. Relevant tilleggsutdanning/kompetanseutvikling, jfr HTA kap. 4.A.4 Riksmeklingsmannen sitt forslag punkt 5, 4. avsnitt 2010: Om lag kr 20 000,- for lønnstillegg etter 1års relevant videre-/etterutdanning og/eller vurdert realkompetanse. For relevant videre-/etterutdanning av kortere varighet enn 1 år, dog begrenset nedad til 3 måneder, benyttes lønnsrelasjonen forholdsmessig. Ørsta kommune vil nytte slike lønstillegg for vidare/tilleggsutdanning: Studiepoeng/ tilsvarande Kr. tillegg i 100% stilling 15 7000.- 30 14 000.- 60 28 000.- Kompensasjon for relevant vidare-/tilleggsutdanning, vert vurdert ved at organisasjonane krev det, rettkjend dokumentasjon skal medfylgje kravet. Realkompetanse: Kompetansegivande oppgåver og anna opplæring som er relevant for stillinga kan verte vurdert i lokale forhandlingar. (Eventuelle tillegg i lønn endrar ikkje plassering på minstelønstabellen)
Tillegg ved 20 års ansiennitet: Tilsette får eit lønstillegg jf. tabell nedanfor på kr 5000,- i 100% stilling når dei får 20 års ansiennitet og organisasjonane krev det. Stillingsgrupper Tillegg ved 20 års lønsansiennitet i 100% stilling 4b1 Kr. 5000.- 4b2 Kr. 5000.- 4b3-4b4 Kr. 5000.- 4c1-4c5 Kr. 5000.- Tillegg ved 58 år: Tilsette får eit lønstillegg på kr 5000,- i 100% stilling når dei fyller 58 år og organisasjonane krev det.
Vedlegg 3. Gjeld kapittel 5. Etter administrativ omorganisering pr. 01.05.12 skal alle med formelt leiaransvar i Ørsta kommune vere plassert i kapittel 3. For Ørsta kommune sin del er det berre spesielle stillingsgrupper og særskilde stillingar som vert innplassert i kapittel 5. Det vert årleg gjennomført lønsforhandlingar for tilsette som er plassert i kapittel 5. Lønsreguleringa skal ta omsyn både til lønsutviklinga i tariffområdet og vurderinga av kommunen sin totale situasjon mellom anna med tanke på økonomi og krav til effektivitet. Ved lønsfastsetting vert dei tilsette m.a. vurdert ut i frå HTA 5.4. sine kriterium: - Stillinga si kompleksitet - Kompetanse - Ansvar - Innsats - Resultatoppnåing Omsynet til behovet for å rekruttere og behalde arbeidstakarar kan også verte vurdert.