NYTT frå Stad 2020 / oktober 2018

Transkript

1 NYTT frå Stad 2020 / oktober 2018 tilsette i Eid og Selje OMSTILLINGSPROSJEKTET STAD 2020 Vi skriv no oktober og det er berre litt over eitt år til Stad kommune er ein realitet! Etter ein omfattande prosess med mange involverte, har programleiar Åslaug Krogsæter no vedteke ein overordna organisasjons- og leiarstruktur for Stad kommune. No startar ein krevjande fase der vi skal innplassere leiarar og tilsette i organisasjonsstrukturen. Sjølv om det er to mindre kommunar som skal finne saman til ein litt større kommune, så er ei kommunesamanslåing likevel ein stor og omfattande prosess. Vi veit at både leiarar og tilsette kan omfatte slike endringsprosessar på ulike måtar. Vi oppfordrar alle til å ta vare på kvarandre og til å sjå det store biletet i omstillingsprosessen. Verksemdsoverdraging I perioden fram til vil både Selje og Eid bli drifta som normalt, men med fokus på å avvikle dei gamle kommunane og skape ein ny kommune i fellesskap. I 2020 vert den nye kommunen Stad etablert. Dette skjer gjennom verksemdsoverdraging, der alle som har ein arbeidsavtale i Eid og Selje utover vert tilsette i den nye kommunen. Ingen tilsette vil bli sagt opp i samband med kommunesamanslåinga, men nokre tilsette får endra stillingar og/eller endra oppgåver. Målet for omstillingsprosjektet - er å organisere nye avdelingar, tilsetje og innplassere tilsette i Stad kommune. Tilsette skal oppleve at det har vore gjennomført ein god og ryddig prosess for å organisere nye avdelingar, tilsetje og innplassere tilsette i Stad kommune. Tilsette har i utgangspunktet rett til å reservere seg mot overdraginga, men ved kommunesamanslåingar vil dei gamle kommunane opphøyre. I praksis betyr dette at tilsette som reserverer seg mot å bli overførte til Stad kommune, vil stå utan jobb. Grensejustering Bryggja Frå skal også området Bryggja overførast frå Vågsøy kommune til Stad kommune. Grensejuseringa er organisert som eit eige prosjekt. Ein sentral del av prosjektet er verksemdsoverdraging av omsorgssenteret på Bryggja/heimetenester. Dei tilsette ved omsorgssenteret vil bli overførte frå Vågsøy kommune til Stad kommune som ny arbeidsgjevar frå

2 Dei tilsette ved omsorgssenteret på Bryggja/heimetenester vil også ha ein reservasjonsrett mot å bli overførte til Stad kommune. Grensejusteringsprosjektet vil avklare prosessen vidare, mellom anna avklare fristar. Løns- og arbeidsvilkår Den sentrale tariffavtalen mellom KS og hovudsamanslutninga vil gjelde også i Stad kommune. Alle tilsette har i utgangspunktet rett til å behalde sine løns- og arbeidsvilkår som ein har på overføringstidspunktet i den nye kommunen, men arbeidsgjevar vil, saman med hovudtillitsvalde, vurdere eksisterande avtaler og protokollar i dei gamle kommunane Selje og Eid. Dette vil bli gjort for å vurdere om kommunane sine særavtalar skal vidareførast eller seiast opp. Det vert også arbeidd med å vurdere reglement, rutinar og retningslinjer. Etter kommunesamanslåinga vil ein oppleve at det kan vere nokre ulikskapar i løns- og arbeidsvilkår mellom tilsette frå dei gamle kommunane. Målet er å harmonisere lønsskilnader over tid. Pensjonsordningane er tariff-festa og vil bli vidareførte som dei er i ny kommune. Den sentrale tariffavtalen mellom KS og hovudsamanslutinga vil gjelde også for Stad kommmune Organisering av den nye kommunen Etter ein omfattande prosess der mange har vore involverte, er den overordna organisasjonsstrukturen i Stad kommune no vedteken, jf. sak 18/ Åslaug Krogsæter vert rådmann i Stad kommune. Leiargruppa vil bli samansett av rådmann, fire kommunalsjefar og tre stabsleiarar. Leiargruppa vert tilsett i løpet av hausten Ingen av dei noverande kommunalsjefane for helse og omsorg i Selje og Eid kommunar ønskjer å halde fram som kommunalsjef i Stad kommune. Rådmannen har avklart at dei andre kommunalsjefane ikkje er aktuelle for denne stillinga. Stillinga som kommunalsjef for helse og omsorg vert derfor lyst ut internt i begge kommunar så snart som mogleg. Dersom det etter intern utlysning ikkje vert tilsett i stillinga, skal stillinga lysast ut eksternt.

3 Fastsetjing av utvalsområde for omstillinga Ei kommunesamanslåing er ei stor omstilling som påverkar begge kommunane og dei tilsette. Leiarar på ulike nivå vert overtallige og skal konkurrere om leiarstillingar i den nye kommunen. Dei som ikkje får tilbod om leiarstilling skal vurderast for anna passande arbeid. For å handtere denne omstillinga er det viktig at ein fastset tydelege utvalsområde for omstillinga og lagar prosedyrar og reglar for korleis omstillingsarbeidet skal skje. Det følgjer av hovudtariffavtalen kap 1 3 pkt.3.3 at utvalsområdet for omstillinga (det området utveljing av dei overtalige skal skje) kan vere snevrare enn heile kommunen. Partane er samde om å snevre utvalsområdet for å unngå at dette blir for komplisert og berøre fleire tilsette enn nødvendig. Partane ønskjer mest mogeleg føreseielege forhold, jf. målsetnaden i omstillilingsavtalen av , jf. nr 020/18. Partane er samde om at utvalsområdet ikkje skal vere så snevert at det kan uthole stillingsvernet. Utvalsområdet i omstillinga vert definert som administrasjon (leiargruppa og stabsområda) og dei einingane som ikkje er stadbundne. Desse områda og einingane er berørte og må organiserast på ny. Einingar som ikkje inngår i utvalsområdet for omstillinga (stadbundne) Dei fleste einingane i Selje og Eid vil halde fram som i dag ved overføringstidspunktet Dette vil gjelde skular, barnehagar, sjukeheimar og basar for heimetenester. Einingsleiarar, assisterande einingsleiarar og andre tilsette i desse einingane vil bli overførte og direkte innplasserte i Stad kommune: Leikvang barnehage Selje barnehage Flatraket barnehage Stårheim barnehage Golvsengane barnehage Gjerdane barnehage Stadtlandet skule Selje skule Flatraket skule Stårheim skule Haugen skule og barnehage Nordfjordeid skule Hjelle skule Eid ungdomsskule Heimetenesta Stadlandet Heimetenesta Selje Heimetenesta Eid Omsorgssenteret på Bryggja/ heimetenester Bu- og miljøtenesta Eid Seljetunet omsorg og rehabilitering Hogatunet bu- og behandlingssenter Interkommunale tenester Nordfjord sjukehus Det skal drøftast nærare kvar omsorgssenteret på Bryggja/heimetenester skal plasserast i organisasjonskartet til Stad kommune. Ei kommunesamanslåing er ei stor omorganisering der ein både skal fordele arbeidsoppgåver på ny, ta i bruk elektroniske verktøy til ulike typar oppgåver og utvikle betre tenester til innbyggjarane. Sjølv om mange einingar ikkje får endra organisering frå , så er dei likevel i ein endringsfase som krev at mange engasjerer seg og bidrar til forbetring og utvikling.

4 Einingar som må organiserast på ny (berørte) Delar av den nye kommunen må organiserast på ny frå Dette gjeld leiargruppa, dei tre stabsområda og ti nye einingar i Stad kommune. Dette betyr at mange tilsette blir del av ei større eining, får kanskje ny leiar og fleire kollegaer. Dei ti einingane er: Barnevern Helse Kommunalteknikk Plan og forvaltning Brann, redning og førebyggjing Eigedom Samfunnsutvikling Kultur Opplæring og integrering Arbeid og velferd (NAV) Delar av den nye kommunen må organiserast på ny frå Dette gjeld leiargruppa, dei tre stabsområda og ti nye einingar i Stad kommune Det er førebels ikkje avklart korleis NAV skal organiserast i den nye kommunen. Leiarane i NAV er statleg tilsette. Det er derfor ikkje opp til prosjektet Stad 2020 å avgjere kven som skal leie NAV i Stad kommune. På dette området må ein vente på avklaringar frå NAV regionalt. Det er heller ikkje avklart korleis pedagogisk-psykologisk teneste (PPT) i Stad kommune skal organiserast. Her er fleire modellar aktuelle. Dette må ein kome attende til seinare i prosessen. Stillingskategoriar innanfor utvalsområdet I omstillingsprosjektet er det innanfor utvalsområdet for omstillinga definert tre stillingskategoriar for leiarar som er overtallige: Kommunalsjefar og stabsleiarar Einingsleiarar Fagleiarar og arbeidsleiarar I første omgang er det gjennomført samtalar med alle berørte leiarar. I desse samtalane har ein kartlagt kva alle tenkjer om leiarstilling i Stad kommune eller ev. anna stilling. Leiarar får også høve til å melde rettskrav til konkret stilling dersom ein ønskjer det. Kommunalsjefar og stabsleiarar vert innplasserte først. Deretter vert einingsleiarar innplasserte og til slutt fagleiarar og arbeidsleiarar.

5 I kvar innplasseringsprosess skal dei som er omfatta vurderast i forhold til kvalifikasjonar sett opp mot krav i stillinga. Dersom fleire er kvalifiserte for stillinga - så skal den best kvalifiserte få tilbodet Dersom fleire står likt - så skal den med lengst ansiennitet få tilbod om stillinga Den som ikkje får stillinga har krav om å få tilbod om anna passande arbeid Tilsetjingane skal skje i nært samarbeid med tillitsvalde. Andre tilsette i utvalsområdet (som ikkje er leiarar) vert innplasserte i einingane og får i hovudsak med seg dei tidlegare arbeidsoppgåvene. Arbeidsgjevar kan likevel, i medhald av styringsretten, justere noko på arbeidsoppgåvene i samarbeid med arbeidstakarane. Spørsmål om rettskrav til leiarstillingar Kommunalsjefar og stabsleiarar vert innplasserte først. Deretter einingsleiarar og til slutt fagleiarar og arbeidsleiarar Ved ulike omorganiseringar kan det oppstå spørsmål om nokre tilsette kan gjere krav på stillingar i verksemda. KS har lagt til grunn at det i utgangspunktet ligg til arbeidsgjevar sin styringsrett å organisere kommunen. Dersom omorganiseringar får betydning for innhaldet i inngåtte arbeidskontrakter, må arbeidsgjevar vurdere om ein kan gjennomføre endringane einsidig, eller om nokon av dei berørte arbeidstakarane har rettar til stillingar (rettskrav). Rettspraksis viser at dersom arbeidskontrakten i vesentleg grad vert vidareført i ny stilling, vil arbeidsgjevar ikkje stå fritt til å bytte ut arbeidstakaren med ein ny. I Stad kommune vil det bli oppretta stillingar som fleire leiarar kan hevde ligg tett opp til deira noverande arbeidsavtalar. Døme kan vere kommunalsjef for oppvekst og opplæring, kommunalsjef for areal og eigedom, stabsleiar økonomi, einingsleiarstillingar osv. Spørsmål som må avklarast er: Er den nye stillinga ei vidareføring av nedlagt stilling? Vert arbeidskontrakten i vesentleg grad vidareført i ny stilling? Er grunnpreget i den nye stillinga lik den som fall bort? I slike tilfelle må det skje ei konkret vurdering av innhaldet i stillingane før og etter verksemdsoverdraginga. Krava i den nye stillinga må vere sakleg grunngjeve. Dersom konklusjonen er at vedkomande har rettskrav, så skal vedkomande få tilbod om den nye stillinga.

6 Førebels vurdering av rettskrav til leiarstillingar i Stad kommune KS har lagt til grunn at ei kommunesamanslåing i utgangspunktet vil innebere at den tilsvarande leiar- eller nøkkelstillinga i den nye kommunen har same ansvarsområde, men vil tene eit større område med fleire innbyggjarar, tilsette osv. Dette kan utelukke eit rettskrav på stillinga i den nye kommunen. Det å vere leiar i ein samanslått kommune vil på alle leiarnivå kunne vere meir krevjande enn å vere leiar i ein etablert kommune. Særleg vil dette gjelde i oppstartsperioden der ulike kulturar, haldningar og rutinar skal samordnast. Mellom anna vil ein leiar i ein samanslått kommune i større grad måtte forholde seg til og handtere at tilsette har ulike individuelle arbeidsvilkår som kan skape særlege utfordringar. Når ein skal kartlegge kva kompetanse som er nødvending i den nye leiarstillinga, må desse forholda vurderast. Dette kan innebere at det er sakleg å stille krav til leiareigenskapar utover det som har vore gjort i dei tilsvarande leiarstillingane i dei enkelte kommunane. Det vert derfor førebels vurdert slik at leiarar i Selje og Eid kommunar i utgangspunktet ikkje har rettskrav til stillingar i Stad kommune. Det var denne vurderinga som også vart gjort for rådmannstillinga i den nye kommunen. I prosessen vert det likevel lagt opp til at alle kommunalsjefar, stabsleiarar, berørte einingsleiarar, fagleiarar og arbeidsleiarar i Eid og Selje kommunar har rett til å melde rettskrav til leiarstillingar i Stad kommune. Dersom det vert fremja slike rettskrav, skal desse krava handsamast individuelt. Anna passande arbeid Kommunesamanslåingar fører til at fleire leiarar på ulike leiarnivå vert overtallige. Arbeidsgjevar har plikt til å vurdere anna passande arbeid for kvar enkelt av desse. Føresetnad er at vedkomande er kvalifisert for stillinga. Arbeidsavtalar Det er bestemt at alle tilsette skal ha nye arbeidsavtalar før overgangen til Stad kommune. I 2019 vert det skrive omlag 1000 arbeidsavtalar. Dette er ein prosess som må planleggast godt saman med einingsleiarane og tillitsvalde. Målet er at i løpet av 2019 så vil alle tilsette få nye arbeidsavtalar tilsendt. Anna passande arbeid er arbeid som innhaldsmessig og lønsmessig er mest mogleg likt det opphavelege arbeidet. Arbeidsgjevar har berre plikt til å gi eitt tilbod om anna passande arbeid. Dersom anna passande arbeid ikkje finst, har arbeidsgjevar plikt til å tilby ledig arbeid på eit lågare stillingsnivå. Før slikt tilbod vert gitt skal det gjennomførast drøftingsmøte etter arbeidsmiljølova Utvelginga av kven som eventuelt skal få tilbod om ei stilling som anna passande arbeid, må skje ut frå dei kriteria som gjeld for samanslåingsprosessen og som er drøfta med dei tillitsvalde. Dersom det ikkje er overtallige som oppfyller kompetansekrava til den nye leiarstillinga eller det er avgjort at dei som oppfyller kompetansekrava ikkje ønskjer stillinga, skal stillinga lysast ut internt og/eller eksternt. Med venleg helsing Åslaug Krogsæter Programleiar Stad 2020 Ingunn Rotihaug Prosjektleiar omstillingsprosjektet

7 Oktober TIDSPLAN OKTOBER Overordna organisasjons- og leiarstruktur vedteken Drøftingsmøte med tillitsvalde i omstillingsprosjektet - vidare prosess (omstillingsprosjekt fase 2 (framdriftsplan), utvalsområde (kven som er omfatta og prosedyre), kvalifikasjonskrav leiarar, prinsipp for lønsplassering). Frist for kommunalsjefar og stabsleiarar til å melde rettskrav Felles leiarmøte Eid og Selje Samtalar med kommunalsjefar og stabsleiarar Rådmannen innstiller kommunalsjefar og stabsleiarar NOVEMBER Kommunalsjefar og stabsleiarar er innplasserte Drøftingsmøte med tillitsvalde i omstillingsprosjektet. Kommunalsjefane tiltrer styringsgruppa for Stad Felles leiarmøte Eid og Selje Drøftingsmøte med tilitsvalde i omstillingsprosjektet - vidare prosess November Samtalar med einingsleiarar Frist for einingsleiarar til å melde rettskrav Kommunalsjefane innstiller einingsleiarar Drøftingsmøte med tillitsvalde i omstillingsprosjektet Felles leiarmøte Eid-Selje DESEMBER Einingsleiarane er innplasserte. Bemanningsplanar er klare. Fagleiarar, arbeidsleiarar og tilsette i berørte avdelingar er innplasserte Kontoplan og skyggebudsjett ferdig Arbeidsavtalar er ferdige