Bjørnafjorden kommune Plan Multiconsult Linda Djuvik Sønstabø Referanse nr. Saksh. Dykkar ref. Dato 22/40589 Asle J. Andås - 56 57 50 00-16.06.2022 post@bjornafjorden.kommune.no Melding om vedtak på høyring og offentleg ettersyn av planprogram for Aldalen Det er gjort følgjande vedtak i saka: SAK 108/2022, 01.06.2022 Plan-, bygg- og miljøutvalet Vedtak: Plan-, bygg-, og miljøutvalet legger planprogrammet datert 09.05.2022 på høyring på følgjande vilkår: Det greiast ut om korleis gjeldande planar og lovverk er relevante for planarbeidet. Det undersøkast og utgreiast om det finnast alternative lokasjoner for Utdjupe tema lysforureining. Vedtaket er gjort med heimel i plan- og bygningslova 12-11 og 12-10. Med vennleg helsing Asle J. Andås Kommuneplanleggjar Brevet er godkjent elektronisk og har derfor inga underskrift. Kopi til: Bolaks v/karina Antonsen Hjelle
Bjørnafjorden kommune Høyring og offentleg ettersyn av planprogram for Aldalen Saksbehandlar: Caroline Lygren Arkivsaksnr.: 22/1906 Arkivkode: 20220300L13 JournalpostID: 22/25917 Saksnr: Utval: Dato: 108/2022 Plan-, bygg- og miljøutvalet 01.06.2022 Kommunedirektøren sitt forslag til vedtak: Plan-, bygg-, og miljøutvalet legger planprogrammet datert 09.05.2022 på høyring på følgjande vilkår: Vedtaket er gjort med heimel i plan- og bygningslova 12-11 og 12-10. Bjørnafjorden, den 13.05.2022 Christian Fredrik Fotland Kommunedirektør Side 2 av 7
Behandling og vedtak/uttale i følgjande utval: PLAN-, BYGG- OG MILJØUTVALET 01.06.2022 Tilleggsforslag: Nytt punkt til alternativ 2 i framlegg til vedtak, foreslått av Marie Hauge, Miljøpartiet dei grøne Den varsla utvidinga av oppdrettsanlegget er for stor og bidrar til uforholdsmessig sterkt arealpress frå akvakultur i området. Området vert innskrenka i tråd med prinsippa for berekraftig arealbruk slik at det ikkje bandlegg meir areal enn det som trengs for å oppretthalda gjeldande MTB. Behandling: Aud-May Boge, H, hadde sendt inn førespurnad til administrasjonen i høve habiliteten hennar fordi ho eig naboeigedomen. Administrasjonen si vurdering var at ho er inhabil jf. kommunelova 11-10, 1. ledd, og forvaltningslova 6. 2. ledd. Utvalet drøfta habiliteten hennar, og fann ho inhabil til å behandle saka. Det var ingen vara i hennar stad, og såleis åtte røysteføre i saka. Marie Hauge, Mdg, fremja tilleggspunkt til Alternativ 2 i framlegg til vedtak. Basert på førespurnad frå utvalet om ytterligare opplysningar kring kulepunkta i vedtaket, blei saka utsett til etter lunsj. Plansjef Jannicke A. Sem-Onarheim orienterte. Pause kl. 13.40-13.45. Kommunedirektøren sitt forslag blei samrøystes vedtatt. Marie Hauge, Mdg, fekk 3 røyster (2 Mdg og 1Sv), og fall. Vedtak: Plan-, bygg-, og miljøutvalet legger planprogrammet datert 09.05.2022 på høyring på følgjande vilkår: Vedtaket er gjort med heimel i plan- og bygningslova 12-11 og 12-10. Samandrag: Konsekvensar av vedtaket: Økonomi: Tiltaket vil kunne styrke ei lokal næring i møte med framtida sine utfordringar. Klima: Vedtaket innber at forslagstillar kan gå vidare med arbeidet for å vurdere utviding av anlegg. Planprogramet seier at planarbeidet skal legge føringar på ny verksemd slik at fjorden sin tilstand både før, under og etter planlagt tiltak er godkjent. Gjennom planarbeidet vil ein sjå på kva negativ verknader anlegget vil kunne ha på vasskvaliteten i fjordbassenget. Folkehelse: Utviding av oppdrettsanlegg beslaglegge større område der folk ferdes i fjorden. Planprogrammet skal sjå på planen sin verknad på friluftslivet og evt. tiltak. Saksframlegg: 1. Saksframlegg Bakgrunn Plan-, bygg- og miljøutvalet vedtok oppstart av planarbeid for detaljreguleringsplan for Aldalen, akvakulturområde i møte den 27.04.2022, sak 103/2022. Arbeidet er ikkje i samsvar med arealdelen til kommuneplanen og det er difor krav om planprogram. Planprogrammet er planen for planarbeidet. Side 3 av 7
Føremålet med reguleringsplanen er å flytte og utvide eksisterande oppdrettsanlegg i sjø, samt utvide område regulert for akvakultur. Bakgrunnen for reguleringsplanen kjem som følgje av at Aker BP og Equinor har planar om tilknyting for kraft frå land til Noa-Krafla-feltet i Nordsjøen. Eksisterande oppdrettsanlegg er fortøya med anker og boltar. Desse ankera må flyttast og endrast geografisk for å unngå konflikt i samband med etablering av straumkabelen. Oppdrettsanlegget er av gamal standard, forslagsstillar ønskjer difor å utvide anlegget for å møte framtida sitt behov for akvakultur. Multiconsult er konsulent på vegne av forslagsstillar Bolaks AS. Planområdet er uregulert og er i kommuneplanens arealdel i hovudsak sett av til vannareal for allmen flerbruk, bruk og vern av sjø og vassdrag med tilhøyrande strandsone og delvis akvakultur. Planområdet ligg i Aldalen i Lønningdal, ca. 10 km frå Os sentrum. Planområdet er ca. 3870 daa. Planprogrammet skildrar korleis planen held seg til overordna føringar og planar. Planprogrammet gjer óg greie for bakgrunn, innhald og framdrift, medverknad og utgreiingsprogram for konsekvensutgreiing (KU). 2. Vurdering Planområdet er avsett til vannareal for allmenn fleirbruk, bruk og vern av sjø og vassdrag med tilhøyrande strandsone og delvis akvakultur i kommuneplanens arealdel og utløyser difor krav om konsekvensutgreiing med planprogram etter forskrift om konsekvensutgreiing 8- b, "tiltak i vedlegg II som behandles etter en annen lov enn plan- og bygningsloven". Akvakultur fell under vedlegg II, punkt 1, bokstav f, og lovbehandlinga er knytt opp til Akvakulturloven. Jf. akvakulturovlen 15 -a, kan ein ikkje gi løyve til akvakultur om tiltaket er i strid med vedtatt arealplanar etter plan- og bygningsloven. Da tiltaket er vurdert å kunne få vesentlege verknader for miljø og samfunn, utløyser planforslaget også krav om planprogram jf. plan- og bygningsloven 4-1, første ledd. Jf. pbl 12-9 og 12-4. Føremålet med konsekvensutgreiinga (KU) er å klargjere verknadene av tiltak som kan få vesentlege konsekvensar for miljø, naturresursar og samfunn. Konsekvensutgreiinga skal sikre at desse verknadene vert vurdert, både under planlegging av tiltaket og når det skal takast stilling til om tiltaket skal gjennomførast, eventuelt på kva vilkår. Forskrift om konsekvensutgreiingar løyser ut krav om at det seinast ved varsling og kunngjering av oppstart skal leggjast fram eit planprogram, jf. plan- og bygningsloven 12-9. Dette er utarbeida og ligg ved saka. Forslagsstillar har konkludert med at følgjande tema skal utgreiast: Naturmangfald Ein skal sjå nærmare på planen sin verknad på naturmiljøet knytt til både land, sjø og vassdrag. Vesentlege tema her vil vera lokal belastning på ytre miljø; biologisk mangfald, forureining, smitteomsyn, lakselus og risiko for rømming. Planframlegget skal legge til grunn krav til dokumentasjon, kunnskapsgrunnlag og vurderingar i naturmangfaldlova 8-12. Samla verknad og belastning av fjordsystemet skal vektleggast. Side 4 av 7
Nærmiljø; lyd, lys og lukt I planprosessen vil ein sjå nærare på tiltaket sin påverknad av utslepp i tilknyting til fagrapportar. Det skal gjerast greie for korleis støy skal vurderast og handterast. I den vidare prosessen vil ein utarbeide støykart og utgreie evt. avbøtande tiltak. Planen skal følgje gjeldande retningsliner for støy. Utarbeiding av støysonekart vil vera ein del av den vidare planprosessen, og evt. avbøtande tiltak skal sikrast. Krav til støy skal vere i samsvar med gjeldande retningslinjer. Friluftsliv på sjø og i strandsona Kring planområdet er det fleire viktige friluftsområde. Ein del av desse omfattar også strandsone med sjø og vassdrag. Det er ingen statleg sikra friluftsområde innanfor planområdet, men ca. 3,5 km austom planområdet ligg det statleg sikra friluftsområdet Raudlio Stokkedalen. I planprosessen skal ein sjå nærare på planen sin verknad på; tilgjenge til attraktive friluftsområde, fritidsfiske, linesetting og det allmenne friluftslivet. Planframlegget vil legge til grunn eksisterande kunnskap. Grunnlagsmaterialet er lista opp i framlegg til planprogram som ligg vedlagt i saka. Landskap Planområdet ligg i Hovdasundet ved innseglinga til Samnangerfjorden. Hordaland fylkeskommune har kartlagt landskapstypar og verdisett desse. Planområdet er i følgje kartlegginga omfatta av landskapstype Middels breie fjordløp, som er eit vanleg førekomande landskap. Planframlegget skal synleggjere tiltaket sin visuelle påverknad på landskapet. Verknader for naboar og nærområde skal skildrast. Eksisterande kunnskap vil bli lagt til grunn. Grunnlagsmaterialet er lista opp i framlegg til planprogram som ligg vedlagt i saka. Fiskeri og ferdsel på sjø Det er registrert låssettingsplass og fiskeplassar (passive reiskapar) for lokale fiskarar i nærleiken av planområdet. Bruk av og tilkomst til desse skal synleggjerast i planframlegget. Det skal og utgreiast korleis tiltaket tek vare på gytefelt, då det er registrert gytefelt i nærleiken av planområdet. Farleia inn til Samnangerfjorden går forbi Aldalen-lokaliteten. Tilhøve til ferdsel i fjorden, forbi anlegget skal avklarast i planarbeidet. Vidare i planprosessen vil ein sjå nærare på tiltaket sin verknad på: fiskeri, fangstplassar, sjøfiske, gamle fangstplassar for laksefiske, sjølaksefiske og ferdsel knytt til både land og sjø. Planframlegget vil legge til grunn eksisterande kunnskap. Grunnlagsmaterialet er lista opp i framlegg til planprogram som ligg vedlagt i saka. Vassmiljø Ein utviding av oppdrettsanlegget vil ha verknader på vasskvaliteten i fjordbassenget, fordi organisk materiale kan påverke oksygeninnhaldet i fjorden. I planprosessen skal ein sjå på planen sin verknad på tilstanden i fjorden, i tilknyting til fagrapportar. Planframlegget skal leggje føringar som sikrar at fjorden sin tilstand både før, under og etter planlagt tiltak er godkjent. Planframlegget vil legge til grunn eksisterande kunnskap. Side 5 av 7
Samfunnsverknad Havbruk i Noreg er ein stor næring og utgjorde i 2021 71% av den samla eksportverdien av sjømat. Fiskeridirektoratet sin statistikkbank viser at det i Vestland er 1804 personar som er sysselsette i produksjonen av laks, regnbogeaure og aure i 2020. I følgje Nofima rapport, ringverknadsanalyse, utgjer 1 årsverk i havbruksnæringa 1,4 årsverk i andre næringar. Tiltaket vil kunne bidra til å oppretthalde arbeidsplassar i lokalsamfunnet. I planframlegget skal det gjerast greie for tiltak som kan gjere området og regionen meir attraktivt som tilflyttingsområde, mellom anna gjennom næringsutvikling og tilrettelegging for private næringslivsaktørar. Tilhøve til anna planlegging I konsekvensutgreiinga skal det gjerast greie for gjeldande nasjonale mål og retningsliner, fylkesplanar, kommuneplanar og andre relevante planar. Det skal belysast i kva grad tiltaket samsvarar med planane, og i kva grad ein må søkje løyve frå offentlege mynde for å kunne gjennomføre tiltaket. Risiko og sårbarheit For å kunne redusere omfang av skadar og uønska hendingar, skal risiko og sårbarheit kartleggast i høve menneske- og naturskapte hendingar. Sentrale tema vil vera tilhøve for akvakultur-områda; ras og skred, ferdsel og ekstrem vêr. Og tilhøve for omkringliggjande areal; ureining (støy, lys, luft), botntilhøve, rømming, smitte til villfisk (sjukdom og lakselus), samt ferdsel og fiske. Eksisterande grunnlagsmaterialet er lista opp i framlegg til planprogram som ligg vedlagt i saka. Supplerande registreringar/undersøkingar: Moglege konsekvensar planlagde tiltak vil i forhold til beredskaps og ulukkers risiko utgreiast gjennom ROS- analyse av det konkrete prosjektet. Forhold knytt til støy og lys for naboar vert vurdert i dette kapitelet. Forslag til alternative vedtak 1. Planprogrammet kan leggast ut på høyring og offentleg ettersyn slik den ligg føre. 2. Planprogrammet kan leggast ut på høyring og offentleg ettersyn, på følgjande vilkår: Før endeleg vedtak av planprogrammet må: 3. Planprogrammet sendast i retur til administrasjonen for utbetring. Konsekvens av alternativ 1: Planen leggast ut på høyring og offentleg ettersyn slik den ligg føre Konsekvens av alternativ 2: Planen leggast ut på høyring og offentleg ettersyn, men vilkårene må innarbeidast før slutthandsaming av planprogrammet. Konsekvens av alternativ 3: Planen sendast i retur til administrasjonen for utbetring. Planen vert ikkje lagt ut på høyring og offentleg ettersyn i denne omgang. 3. Konklusjon Administrasjonen anbefaler utvalet til å velje alternativ 2. Side 6 av 7
Planprogrammet leggast ut på høyring og offentleg ettersyn på følgjande vilkår: Før endeleg vedtak av planprogrammet må: Bjørnafjorden, den 13.05.2022 Caroline Lygren Rådgjevar Side 7 av 7