Kvam herad Sakspapir SAKSGANG Styre, utval, komite m.m. Møtedato Saksnr Sakshands. Kvam formannskap 05.10.2004 190/04 RUVI Delegert rådmannen 14.12.2004 662/04 RUVI Avgjerd av: Saksh.: Rune Vik Arkiv: N-511, GBNR-A032/0301 Objekt: Arkivsaknr 2004001547 Søknad om rammeløyve på gnr. 32 bnr. 301, Toloheimen sjukeheim, Norheimsund. Ombygging/tilbygg til eksisterande sjukeheim. Søknad om dispensasjon frå pbl. 70.2 og 87 Samandrag: Kfr. saksopplysningar og vurdering. Rådmannen sitt framlegg til vedtak: Det faste utvalet for plansaker, Kvam formannskap, dispensere med heimel i pbl. 7 frå avstandskravet i pbl. 70.2, for oppføring av karnapptilbygg på sjukeheim på gnr. 32 bnr. 301 i Norheimsund, 2,2 meter frå grenselina til gnr.32 bnr.1. Vidare vert det gjeve dispensasjon med heimel i pbl. 88, frå pbl. 87 i samband med krav til isolasjonsevne i yttervegger. Søknad om rammeløyve for ombygging av Toloheimen sjukeheim på gnr. 32 bnr. 301 i Norheimsund, vert godkjend med heimel i 93 og 95 a i plan- og bygningslova på følgjande vilkår: 1. At krav i TEK 7-26 Brannspredning mellom byggverk vert ivareteke gjennom kontrollplan. Kontrollplan må sendast Kvam herad. 2. At plassering av bossrom vert avklart. 3. At samtykke etter arbeidsmiljølova 19 vert gjeve av Arbeidstilsynet. Krav som evt. må koma i vedtak frå arbeidstilsynet må stettast. Ansvarleg søkjar må senda saka til arbeidstilsynet for godkjenning.
Arkitektkontoret Vaardal-Lunde A/S vert godkjend som ansvarleg søkjar (SØK -tiltaksklasse 2), ansvarleg prosjekterande og kontrollerande for prosjektering (PRO/KPR 2), arkitekturprosjektering av byggverk samt for brannteknisk, lyd og bygningsfysisk prosjektering. Interconsult ASA vert godkjend som ansvarleg prosjekterande og kontrollerande for prosjektering (PRO/KPR -2) av konstruksjonsteknisk prosjektering for grunn-, betong-, tre- og stålarbeid. Opticonsult AS vert godkjend som for ansvarleg prosjekterande og kontrollerande for prosjektering (PRO/KPR -2) av sanitæranlegg, sløkkingsanlegg, varmeanlegg, luftbehandlingsanlegg og automatisering for VVS- teknikk. Opticonsult AS vert godkjend som ansvarleg prosjekterande og kontrollerande for prosjektering (PRO/KPR -3) av tekniske installasjonar, styring, regulering og overvaking, lysanlegg, brannalarmanlegg, nødlysanlegg og ledesystem samt av løfteinnretningar/heisar. Igangsetting av tiltaket kan ikkje skje før vilkår i rammeløyve er stetta, søknad om igangsettingsløyve, kontrollerklæring for prosjektering samt søknader om ansvarsrettar (UTF/KUT/SAM), er framsendt til og godkjent av heradet. 05.10.04 Kvam formannskap Røysting: Rådmannen sitt framlegg til vedtak fekk 8 røyster og vart samrøystes vedteke. FSK-190/04 Vedtak: Det faste utvalet for plansaker, Kvam formannskap, dispensere med heimel i pbl. 7 frå avstandskravet i pbl. 70.2, for oppføring av karnapptilbygg på sjukeheim på gnr. 32 bnr. 301 i Norheimsund, 2,2 meter frå grenselina til gnr.32 bnr.1. Vidare vert det gjeve dispensasjon med heimel i pbl. 88, frå pbl. 87 i samband med krav til isolasjonsevne i yttervegger. Søknad om rammeløyve for ombygging av Toloheimen sjukeheim på gnr. 32 bnr. 301 i Norheimsund, vert godkjend med heimel i 93 og 95 a i plan- og bygningslova på følgjande vilkår: 1. At krav i TEK 7-26 Brannspredning mellom byggverk vert ivareteke gjennom kontrollplan. Kontrollplan må sendast Kvam herad. 2. At plassering av bossrom vert avklart. 3. At samtykke etter arbeidsmiljølova 19 vert gjeve av Arbeidstilsynet. Krav som evt. må koma i vedtak frå arbeidstilsynet må stettast. Ansvarleg søkjar må senda saka til arbeidstilsynet for godkjenning.
Arkitektkontoret Vaardal-Lunde A/S vert godkjend som ansvarleg søkjar (SØK -tiltaksklasse 2), ansvarleg prosjekterande og kontrollerande for prosjektering (PRO/KPR 2), arkitekturprosjektering av byggverk samt for brannteknisk, lyd og bygningsfysisk prosjektering. Interconsult ASA vert godkjend som ansvarleg prosjekterande og kontrollerande for prosjektering (PRO/KPR -2) av konstruksjonsteknisk prosjektering for grunn-, betong-, tre- og stålarbeid. Opticonsult AS vert godkjend som for ansvarleg prosjekterande og kontrollerande for prosjektering (PRO/KPR -2) av sanitæranlegg, sløkkingsanlegg, varmeanlegg, luftbehandlingsanlegg og automatisering for VVS- teknikk. Opticonsult AS vert godkjend som ansvarleg prosjekterande og kontrollerande for prosjektering (PRO/KPR -3) av tekniske installasjonar, styring, regulering og overvaking, lysanlegg, brannalarmanlegg, nødlysanlegg og ledesystem samt av løfteinnretningar/heisar. Igangsetting av tiltaket kan ikkje skje før vilkår i rammeløyve er stetta, søknad om igangsettingsløyve, kontrollerklæring for prosjektering samt søknader om ansvarsrettar (UTF/KUT/SAM), er framsendt til og godkjent av heradet. Dokumentasjon: Lista inneheld sentrale dokument som det er referert til eller sitert frå i saksframstillinga. Dokumentnummer er relatert til arkivsaksnr.2004001547. Kart er kopiert inn som vedlegg. Dok.nr Tittel Brevdato 1 Søknad om dispensasjon (vedlegg B-1) 08.07.2004 2 Situasjonsplan og teikningar 6 Revidert situasjonsplan som viser avstand til nabogrense 6 Fasadeteikning som viser eksisterande fasadar og nye/oppgraderte fasadar.
Saksopplysningar: Det vert søkt om rammeløyve for ombygging av Toloheimen sjukeheim på gnr. 32 bnr. 301 i Norheimsund. Søknaden inneheld søknad om dispensasjon dagsett 08.07.04 (dok.1, vedlegg B-1), følgjebrev dagsett 08.07.04 (dok.1, vedlegg E-1), opplysningar om tiltaket sine ytre rammer og bygningsspesifikasjon, kvittering for nabovarsel, situasjonsplan datert 07.07.04, teikningar over eksisterande bygg datert 07.03.00, teikningar over omsøkt tiltak datert 07.07.04, brannplanar datert 07.07.04, kontrollplan for prosjektering for viktige og kritiske område samt søknader om ansvarsrett. Eksisterande sjukeheim har tre etasjar inkl. kjellaretasje. Bygget skal byggjast om med enkeltrom. Eit lite karnapptilbygg over to etasjar i tilknyting til fellesstova skal etablerast. Det skal også etablerast nytt overbygd inngangsparti og eit bodtilbygg. Eksisterande terrassar mot vest i u.- til 2.etg. skal byggjast inn i bygget. Balkongar i 1.- og 2.etg. skal etablerast med ei utkraging utanfor eksisterande fasadeliv. I 2.etg. skal tak over arealet mot nord /vest hevast til same høgd som resten av eksisterande etasje. Over 2. etasje / på tak er det planlagt eit påbygg som teknisk rom. Utbygd areal (BYA) for tilbygg er i søknad opplyst å vera 13 m 2. Bruksareal (BRA) for tilbygg og påbygg er oppgjeve til 166 m 2. I samband med ombygginga er det planlagt installert brannalarmanlegg og sprinkling. Gjeldande plan for området er Reguleringsplan for Tolo// Nordheim godkjend 15.09.1982. Arealføremålet er vist som off. bygningar/ sjukeheim. Ansvarleg søkjar har i brev dagsett 08.07.04 (dok.1, vedl. E-1) opplyst at det ikkje er motteke merknader frå naboar. Det ligg pr. i dag ikkje føre samtykke etter arbeidsmiljølova. Det vert søkt om disp. frå pbl. 70.2 og 87, jfr. brev dagsett 08.07.04 (dok.1, vedl. B-1). 1) Søknad om disp. etter pbl. 7, frå avstandskravet i 70.2 i plan- og bygningslova (sitat): Planlagt tilbygg på 2,6 m 2 i to etasjer kommer nærmere enn 4 meter til nabogrense. Avstand fra utbygg til nabo gnr/bnr: 32/1 vil bli ca. 2,2 m. Eksisterende bygning er på det nærmeste ca. 1 meter fra samme nabogrense. Tilbygg er plassert ved fellesstue for å få mest mulig lys inn i rommet og for å få utsikt til fjorden. Tilbygg er utformet så lite som mulig og brannforebyggende tiltak vil bli ivaretatt. 2) Søknad om disp. etter pbl. 88, frå 87 i plan- og bygningslova vedk. endring, reperasjon eller bruksendring m.v. av beståande byggverk (sitat): Institusjonen skal nå bygges om til bare å inneholde ensengsrom. I.h.t. plan- og bygningsloven skal gjeldende forskrifter tre i kraft dersom det foretas slike betydelige endringer som her, dagens krav til varmeisolasjon skal oppfylles. Yttervegger der store endringer skal foretas og nye vegger vil bli oppført etter dagens krav. Dette gjelder gavlvegg mot vest og vegger i to etasjer i tidligere kjøkkenfløy. Samtlige vinduer i hele bygget vil bli skiftet ut med nye som har høy spesifikasjon mh.t isolasjonsevne. Tiltak for å redusere kuldebroer i overgang yttervegg/ dekker vil bli utført.
En oppgradering av resterende yttervegger for å helt oppfylle kravene vil måtte utføres med utvendig tilleggsisolasjon og platekledning utenpå tegelfasadene, og følgelig føre til en total endring av bygningens karakter. Tiltakshaver anser dette som lite ønskelig, og en søker følgelig om dispensasjon fra kravet. Eit tredje forhold ved tiltaket er at avstand frå tilbygg til nabobygg/løe på gnr.32 bnr.1 er oppgjeve til 5,4 meter. Her må kravet i TEK 7-26 Brannspredning mellom byggverk stettast. Følgjande føretak har søkt om ansvarsrett i samband med søknad om rammeløyve: Arkitektkontoret Vaardal-Lunde A/S for ansvarleg søkjar (SØK tiltaksklasse 2), arkitekturprosjektering og kontroll av arkitekturprosjektering (PRO/KPR -2) av byggverk samt brannteknisk, lyd og bygningsfysisk prosjektering og kontroll av slik prosjektering (PRO/KPR -2). Føretaket har sentral godkjenning. Interconsult ASA for ansvarleg prosjekterande og kontrollerande for prosjektering (PRO/KPR -2) av konstruksjonsteknisk prosjektering for grunn-, betong-, tre- og stålarbeid. Føretaket har sentral godkjenning. Opticonsult AS for ansvarleg prosjekterande og kontrollerande for prosjektering (PRO/KPR -2) av sanitæranlegg, sløkkingsanlegg, varmeanlegg, luftbehandlingsanlegg og automatisering for VVS- teknikk. Føretaket har sentral godkjenning. Opticonsult AS for ansvarleg prosjekterande og kontrollerande for prosjektering (PRO/KPR -3) av tekniske installasjonar, styring, regulering og overvaking, lysanlegg, brannalarmanlegg, nødlysanlegg og ledesystem samt av løfteinnretningar/heisar. Føretaket har sentral godkjenning. Vurdering: Eksisterande bygningskropp har i dag plassering ca. 1 meter frå grenselina til nabo på gnr.32 bnr.1. I samband med lite karnapptilbygg på 2,6 m 2 med oppgjeve avstand 2,2 meter til nabogrensa, vert det søkt om disp. frå avstandskravet i pbl. 70.2 (sitat vedk. avstandskrav): Hvis ikke annet er bestemt i plan etter kap. VI eller VII, skal bygning ha en avstand fra nabogrense som minst svarer til bygningens halve høyde og ikke under 4 meter. I gjeldande arealplan ligg både løebygning og uthus på naboeigedommen 32/1 i område som i plan er vist som byggjeområde for off. bygningar/ sjukeheim. Tiltaket/ sjukeheimen i seg sjølv skal stetta krav og behov i storsamfunnet. Administrasjonen meinar derfor at det ligg føre særlege grunnar for at det kan gjevast dispensasjon med heimel i pbl. 7, frå avstandskravet i pbl. 70.2. Krav i samband med brannsmitte mellom byggverk i TEK 7-26 må uansett stettast. Tiltaket skal vurderast i høve til Plan og bygningslova 87, nr 1. Endring, reparasjon eller bruksendring m.v. av bestående byggverk, der det heiter: Tiltak på byggverk må ikke utføres, hvis det vil føre til at byggverket kommer i strid med bestemmelser gitt i eller i medhold av denne loven, eller fører til at byggverket kommer ytterligere i strid med de nevnte bestemmelser enn det allerede er. På byggverk som er i strid med plan etter kap. VI og VII må ikke utføres arbeid som nevnt i nr. 2 a, c eller e med mindre planen følges. Byggverk som er i strid med plan etter kap. VI og VII må ikke tas i bruk til annet formål enn tidligere.
88 i plan- og bygningslova utgjer dispensasjonsheimelen i forhold til 87 (sitat): Kommunen kan dispensere fra bestemmelser gitt i eller medhold av denne loven for de tiltak som nevnt i 87, når det finnes forvarlig ut fra helsemessige og brann- og bygningstekniske hensyn, og tiltaket ikke fører til at byggverket kommer ytterligere i strid med loven enn det er fra før. Kommunen kan sette vilkår for dispensasjonen. Det er opplyst i søknad at dagens krav til varmeisolasjon ikkje vert oppfylt, då det er lite ynskjeleg å etterisolere tegelfasadar og dermed endra bygget sin karakter. På fasadane dette gjeld vil nye vindauger med høg isolasjonsevne verta sett inn, samt tiltak for å redusera kuldebruer i overgang yttervegg/dekker vil verta utført. Dei andre fasadane vil verta isolert etter dagens krav. Det er ikkje dokumentert i søknaden kor stort avvik omsøkt løysing vil gje i forhold til krav i TEK. Administrasjonen kan ikkje sjå at tiltaket kjem ytterlegare i strid med lova enn frå før. Ei slik løysing som her er omsøkt, vil truleg heller ikkje ha noko innverknad helsemessig for bebuarane på institusjonen. Ut frå estetikk og kanskje også i forhold til vedlikehaldsaspektet, kan det forsvarast at eksisterande tegelfasadar bør kunne stå som i dag. Administrasjonen meiner derfor at heimel for å dispensera etter 88 frå 87 i plan- og bygningslova, ligg føre.