Vest-Telemarktinget Møte 29. april 2014 Sakliste til møte i Vest-Telemarktinget 29. april 2014 01/2014 Opprop 02/2014 Godkjenning av innkalling og sakliste 03/2014 Val av 1 person til å skrive under protokollen i lag med regionordførar 04/2014 Orientering om samhandlingsreformen v/samhandlingskoordinator Sissel Bitustøyl 05/2014 Godkjenning av årsmelding og årsrekneskap for Vest-Telemarkrådet 2013 06/2014 Val av revisor 07/2014 Organisering av lokal kollektivtrafikk i Telemark Framlegging av rapport v/bård Norheim og Miriam Søgnen Haugsbø, Urbanet Analyse AS
Vest-Telemarktinget Møte 29. april 2014 Sak 04/2014 Orientering om samhandlingsreformen v/samhandlingskoordinator Sissel Bitustøyl Bakgrunn. Samhandlingskoordinator for Vest-Telemark, Sissel Bitustøyl har ved fleire høve orientert Rådet/Tinget om samarbeidet mellom kommunane og sykehuset Telemark i samband med samhandlingsreformen. For å oppdatere Tingets medlemmer har vi invitert Sissel til å kome til møtet 29. april med tanke på nærare informasjon om dei ulike aktivitetane/prosjekta. Det er sett av 1 times tid, og sentrale stikkord i denne orienteringa er: - 2 år med kommunal medfinansiering - erfaringa med prosjekt som har gått over til drift - avtalene i Telemark - kva skjer? - analyse av sjukehusforbruk - kommunale Ø-hjelpsplassar - avtaler om kjøp av tenester mellom kommunane i Vest-Telemark Forslag til vedtak: Vest-Telemarktinget tek orienteringa til vitande.
Vest-Telemarktinget Møte 29. april 2014 Sak 05/2014 Godkjenning av årsmelding og årsrekneskap for Vest-Telemarkrådet 2013 Bakgrunn. Forslag til årsmelding og årsrekneskap for 2013 vart handsama i rådsmøte 18. mars 2014. For rekneskapsåret 2013 har Vest-Telemarkrådet eit netto driftsresultat på kr. 573 396,- som er føreslege overført til det generelle disposisjonsfondet. Vest-Telemarkrådet godkjende i møtet 18. mars det framlagte forslaget til årsmelding og årsrekneskap 2013 for framlegging for endeleg godkjenning i Vest-Telemarktinget. Forslag til vedtak: Vest-Telemarktinget godkjenner det framlagte forslaget til årsmelding og årsrekneskap 2013.
Vest-Telemarktinget Møte 29. april 2014 Sak 06/2014 Val av revisor Bakgrunn. Vest-Telemarkrådet har over tid nytta Telemark Kommunerevisjon v/valeria Sunde som revisor for si verksemd. Vi foreslår at denne ordninga held fram også for rekneskapsåret 2014. Forslag til vedtak: Som revisor for rekneskapsåret 2014 vel ein Telemark Kommunerevisjon v/valeria Sunde.
Vest-Telemarktinget Møte 29. april 2014 Sak 07/2014 Organisering av lokal kollektivtrafikk i Telemark Framlegging av rapport v/bård Norheim og Miriam Søgnen Haugsbø Urbanet Analyse AS Bakgrunn. Telemark fylkeskommune har ansvaret for den lokale kollektivtrafikken i fylket, herunder også skuletransporten. Frå 2006 har fylkeskommunen delegert innkjøpsansvaret for desse tenestene til Vestviken Kollektivtrafikk AS. VKT hadde i utgangspunktet tilsvarande oppgåver også i Buskerud og Vestfold, men Buskerud har i ettertid trekt seg ut av dette. Organiseringa av den lokale kollektivtrafikken i Telemark har hatt betydeleg merksemd, og har vore oppe til politisk handsaming ved fleire høve. Saken er viktig, ikkje minst for distrikta, og dreiar seg mellom anna om kven som skal ha inntektsansvaret i samband med rutekøyringa. Det er utarbeidd 2 omfattande rapportar som etter vårt syn ikkje svarar fullt ut på dei aktuelle spørsmåla. Vest-Telemarkrådet har på bakgrunn av dette bestilt ein egen rapport frå konsulentselskapet Urbanet Analyse AS for å få synleggjort kva konsekvenser val av kontraktsform har for dei lokale transportselskapa. Rapporten blir lagt fram på møtet i Vest- Telemarktinget 29. april. Vi ser det som svært viktig å ta vare på etablert næring, og har i møte 21. januar oppretta ei nettverksgruppe beståande av regionordførar og regionvaraordførar frå Vest-Telemarkrådet og 2 representantar frå Telemark Bilruter AS. Samarbeidet i nettverksgruppa er av langsiktig karakter, og har i fyrste omgang fokus på organiseringa av kollektivtrafikken. Problemstillingane rundt dette er også framført i møte mellom den øvste leiinga i fylkeskommunen og Vest-Telemarkrådet i mars i år. I møte 10. desember 2013 vedtok Fylkestinget å handsame saken på nytt i møte i juni 2014. Samstundes vart det gjort vedtok om å skipe til ein temadag der alle sider ved organisering av lokal kollektivtrafikk og skuleskyss skulle belysast. Slik temadag vert arrangert i samband med møte i Fylkestinget tysdag 29. april på Morgedal Hotell, og vi har lagt opp til at medlemmene av Vest-Telemarktinget får høve til å vera tilstades der. Bård Norheim frå Urbanet Analyse AS vil på føremiddagen vera tilstades i Vest- Telemarktinget, og legge fram innhaldet av den nye rapporten. Norheim er også engasjert av Telemark fylkeskommune seinare på dagen der han i tillegg til gjennomgang av vår rapport også skal belyse temaet: " Kontrakter som styringsinstrument for kollektivtrafikk og skoleskyss" Forslag til vedtak: Vest-Telemarktinget tek orienteringane til vitande. Vedlegg: Vedtak i Fylkestinget 10. des 2013 Notat VTR: Kjenneteikn ved netto- og bruttokontrakter Program for temadag i Morgedal 29. april