Hjartdal kommune 3692 Sauland Møteinnkalling for Utval for næring og teknikk Møtedato: 14.06.2012 Møtestad: Formannskapssalen Møtetid: Kl.09:00 Oppmøte ved kommunehuset. Synfaring i Tuddal vedk. NOT-sak 023/12 Ta med mat og drikke. Utvalsmedlemene blir med dette kalla inn til møtet. Den som har lovleg forfall, eller er ugild i nokon av sakene, må melda frå så snart råd er, tlf. 35 02 80 00, slik at varamedlem kan bli kalla inn. Stad Sauland, 07.06.12 Audun Dølen leiar Sakliste Sak nr. Saktittel 020/12 GODKJENNING AV MØTEBOK 021/12 DELEGASJONSSAK 022/12 REFERATSAKER 023/12 HALVOR T. BØEN, SØKNAD OM DELING AV EIGEDOMEN GNR. 95, BNR. 3 024/12 SØKNAD OM KONSESJON VEDKOMANDE EIGEDOMEN HAUKÅS, GNR. 84, BNR. 14 OG 22. 025/12 BROT PÅ KONSESJONSVILKÅR I SAMBAND MED OVERTAKING AV EIGEDOMEN HOVDEJORD NEDRE, GNR. 11, BNR. 5. 026/12 BROT PÅ KONSESJONSVILKÅR I SAMBAND MED OVERTAKING AV EIGEDOMEN TRAIN, GNR. 50, BNR. 2
Hjartdal kommune Styre, råd, utval Møtedato Saknummer Sakshandsamar Utval for næring og teknikk 14.06.2012 020/12 IL Saksansvarleg: Ingebjørg Landsverk Arkiv: K1-033 Arkivnr.: 12/901 GODKJENNING AV MØTEBOK RÅDMANNEN TILRÅR Møteboka blir godkjent slik ho ligg føre.
Hjartdal kommune Styre, råd, utval Møtedato Saknummer Sakshandsamar Utval for næring og teknikk 14.06.2012 021/12 IL Saksansvarleg: Ingebjørg Landsverk Arkiv: K1-033 Arkivnr.: 12/899 DELEGASJONSSAK FNOT-006/12 27.04.2012: UTVIDA JAKTTID FOR ELG VEDTAK Hjartdal kommune søkjer Telemark fylkeskommune om at jakttida for elg utvidast frå og med 1. november til og med 30. november. FNOT-007/12 02.05.2012: ANNE GRETE VÅLE - SØKNAD OM ENDRING FRÅ PUNKTFESTE TIL EIGEDOMSTOMT VEDTAK Hjartdal kommune v/rådmannen gjev med heimel i jordlova løyve til deling av eigedomen gnr. 37, bnr. 1 slik at feste nr. 31 endrast til eigedomstomt med areal på inntil 1 dekar. Tomta skal liggje som vist på kart i målestokk 1:10.000 vedlagt søknaden. FNOT-008/12 07.05.2012: VEGLAGET ÅRHUS BRU - SKJESVATN - HEVING AV TURAVGIFT VEDTAK Hjartdal kommune godkjenner at turavgifta på vegen Århus bru Skjesvatn/Valoset/Hundemyr blir auka til kr. 60,-. Avgiftsmidlane skal nyttast til drift av vegen.
TILRÅDING Delegasjonssakene blir teke til etterretning slik dei ligg føre.
Hjartdal kommune Styre, råd, utval Møtedato Saknummer Sakshandsamar Utval for næring og teknikk 14.06.2012 022/12 IL Saksansvarleg: Ingebjørg Landsverk Arkiv: K1-033 Arkivnr.: 12/900 REFERATSAKER Nr Dok.ID T Dok.dato Avs./Mott. Tittel 1 12/2426 I 19.04.2012 Direktoratet for naturforvaløtning KOPI AV BREV TIL DIREKTORATET FOR NATURFORVALTNING VEDK. KLAGESAK TILRÅDING Referatsakene blir teke til etterretning slik dei ligg føre.
Hjartdal kommune Styre, råd, utval Møtedato Saknummer Sakshandsamar Utval for næring og teknikk 23.04.2012 015/12 HH Utval for næring og teknikk 14.06.2012 023/12 HH Saksansvarleg: Harald Helliksen Arkiv: GBNR- 95/3 Arkivnr.: 11/1983 HALVOR T. BØEN, SØKNAD OM DELING AV EIGEDOMEN GNR. 95, BNR. 3 Dokument i saka: Nr T Dok.dato Avsendar/Mottakar Tittel 1 I 28.10.2011 Halvor T. Bøen HALVOR T. BØEN, SØKNAD OM FRÅDELING AV TOMT TIL EKS. HYTTE/BU UNDER GNR. 95/3 3 U 26.04.2012 Halvor T. Bøen SØKNAD OM DELING, GNR. 95, BNR. 3
Vedlagde dokument: 2 stk. kart Aktuelle lover, forskrifter, avtaler m.m.: LOV 1995-05-12 nr 23: Lov om jord (jordlova), 12 deling av landbrukseigedom. Saksgang: Utval for næring og teknikk avgjer saka etter jordlova. Bakgrunn for saka: Halvor T. Bøen, eigar av gnr. 95, bnr. 3, Nord-Sjåvatn, søkjer om deling av eigedomen. Søknaden gjeld etablering av punktfeste til eksisterande bu/hytte som tidlegare er bygd/brukt som arbeidsbrakke av Statsnett. Bua er no overteken av grunneigar. I følgje søknaden ligg bua i nordenden av Sjåvatn, ca. 3 km frå nærmaste veg frå Busnes-sida og med ca. ¾ times gange herifrå. Parsellen skal nyttast til fritidshus. Eigedomen ligg i landbruks-, natur- og friluftsområde (LNFR-område) i arealdelen til gjeldande kommuneplan og innafor det såkalla Gaustaområdet. Gbnr. 95/3 har i følgje jordregisteret eit totalareal på ca. 2.146 dekar der ca. 608 dekar er uproduktiv skog. Resten av arealet er myr og fjell. Eigedomen er del av driftseininga Tråer, gnr. 100, bnr. 5 i Notodden kommune. Denne eigedomen har i følgje jordregisteret eit totalareal på ca. 1.590 dekar der ca. 30 dekar er fulldyrka jord, ca. 1.299 dekar er produktiv skog og resten uproduktive areal. Vurdering: Kommunen kan gje løyve til deling av landbrukseigedom dersom samfunnsinteresser av stor vekt taler for det, eller delinga er forsvarleg ut frå omsynet til avkastinga eigedomen kan gje. Det skal takast omsyn til om deling kan føre til drifts- eller miljømessige ulemper for landbruket i området, til godkjende planar etter plan- og bygningslova og omsynet til kulturlandskapet. Tiltak som har stor verdi for folk flest eller ei større gruppe personar kan representere ei samfunnsinteresse av stor vekt. Eksempel på dette kan vera etablering av idrettsanlegg, industritiltak, tilleggsnæring som vil kunne gje arbeidsplassar. Det er ingen slike interesser i denne saka. Utleige av bua som søkjast frådelt, kunne nok gje ei lita inntekt til garden. Driftseininga har elles gode ressursar. Bortfall av ei eventuell leigeinntekt vil etter rådmannen sitt syn ikkje gjera delinga uforsvarleg ut frå avkastinga eigedomen kan gje. Gbnr. 95/3 har ikkje produktive landbruksareal, men han kan nyttast til utmarksbeite. Det er lite truleg at deling ville medføre drifts- eller miljømessige ulemper for beitebruk i området.
Dersom det skal takast omsyn til slike forhold, må dessutan ulempene vera konkret påreknelege og ha ein viss styrke og eit visst omfang. Rådmannen kan ikkje sjå at dette er tilfelle. Området inneheld ingen spesielle kulturlandskapskvalitetar. At det ligg føre ein plan for arealbruken, er i seg sjølv eit moment av stor vekt som taler mot at arealet blir nytta til andre formål. Det er høve til nekte deling for å hindre tilfeldig frådeling og infiltrasjon i LNFR-område. Det er ikkje i samsvar med kommuneplanen å etablere fritidseigedomar i område som i planen er lagt ut til LNFR-område. Arealbruken er nøye vurdert i samband med godkjenning av kommuneplanen, og det skal vera tungtvegande grunnar for å avvike frå planen. Rådmannen vil leggje avgjerande vekt på at den omsøkte delinga ikkje er i samsvar med gjeldande kommuneplan og kan difor ikkje tilrå at søknaden blir imøtekomen. RÅDMANNEN TILRÅR: Hjartdal kommune avslår med heimel i 12 i jordlova søknad frå Halvor T. Bøen om deling av eigedomen gnr. 95, bnr. 3. Det visast til vurderingane over. 23.04.2012 Utval for næring og teknikk Handsaming: Framlegg frå Audun Dølen: Saka utsetjast for synfaring. VOTERING: Framlegget frå Audun Dølen vart vedteke med 4 mot 1 røyst. NOT-015/12 VEDTAK: Saka utsetjast for synfaring.
Hjartdal kommune Styre, råd, utval Møtedato Saknummer Sakshandsamar Utval for næring og teknikk 14.06.2012 024/12 HH Saksansvarleg: Harald Helliksen Arkiv: GBNR- 84/14 Arkivnr.: 11/1364 SØKNAD OM KONSESJON VEDKOMANDE EIGEDOMEN HAUKÅS, GNR. 84, BNR. 14 OG 22. Dokument i saka: Nr T Dok.dato Avsendar/Mottakar Tittel 1 U 03.10.2011 Anne Lise Sætre BUPLIKT ETTER KONSESJONSLOVA 5. 2. LEDD, GNR. 84, BNR. 14. 2 I 14.10.2011 Adv. Moen Erikstein SAK: BOPLIKT - v/torkel Moen 3 U 09.11.2011 Anne Lise Sætre PÅLEGG OM Å SØKJE KONSESJON SOM FØLGJE AV BROT PÅ BUPLIKT ETTER KONSESJONSLOVA 5, 2. LEDD VED OVERTAKING AV EIGEDOMEN GNR. 84, BNR. 14. 4 I 14.12.2011 Anne Lise Sætre SØKNAD OM KONSESJON PÅ ERVERV AV FAST EIENDOM, GNR. 84/14,22 5 U 19.12.2011 Advokat Torkel Moen 6 I 21.12.2011 Adv. Moen Erikstein AS SØKNAD OM KONSESJON VEDKOMANDE EIGEDOMEN HAUKÅS, GNR 84, BNR 14 OG 22 I HJARTDAL KOMMUNE. EIGAR: ANNE LISE SÆTRE. VEDR. KONSESJON - SPØRSMÅL ANG. UTDANNING OG ARBEID
Vedlagde dokument: Dokument nr. 4 (med vedlegg) og 6. Aktuelle lover, forskrifter, avtaler m.m.: LOV 2003-11-28 nr 98: Lov om konsesjon ved erverv av fast eiendom (konsesjonsloven) mv. Rundskriv M-2/2009, Landbruks- og matdepartementet. Saksgang: Utval for næring og teknikk avgjer saka. Bakgrunn for saka: Anne Lise Sætre overtok eigedomen Haukås, gnr. 84, bnr. 14 og 22, etter far sin i 2010. Eigedomen ligg i Tuddal. Eigenerklæring om konsesjonsfridom er tinglyst 04.03.2010. I erklæringa har Anne Lise Sætre opplyst at ho er klar over at ho må søkje konsesjon dersom ho ikkje sjølv skal busette seg på eigedomen innan eitt år og bu der i minimum 5 år. Fristen for busetjing var då 04.03.2011. Hjartdal kommune har også sendt orienteringsskriv om bu- og driveplikta ved tileigning/kjøp av landbrukseigedom. I utgangspunktet er det ei personleg buplikt for bebygd eigedom med meir enn 25 dekar dyrka jord eller 500 dekar produktiv skog. Hjartdal kommune registrerte hausten 2011 at Anne Lise Sætre ikkje hadde flytta til eigedomen og sende 03.10.2011 brev til Sætre og bad om merknader til dette. Advokat Torkel Moen gav i brev av 14.10.2011 tilbakemelding på kommunen sitt brev. I vedtak av 09.11.2011 blei Anne Lise Sætre pålagd å søkje om konsesjon på eigedomen innan ein månad. Hjartdal kommune mottok 14.12.2011 søknad om konsesjon. Gnr. 84, bnr. 14 og 22 har i følgje Jordregisteret eit totalareal på 885 dekar, der ca. 17 dekar er innmarksbeite, ca. 823 dekar produktiv skog og ca. 45 dekar uproduktive/ikkje klassifiserte areal. Eigedomen har skogbruksplan frå 1994. I planen er registrert eit produktivt skogareal på 642 dekar, der 68% har middels bonitet og 32% låg bonitet. AT Plan har nyleg gjennomført taksering av skogen i kommunen. Dei opplyser at registrert produktivt areal på Haukås er om lag 700 dekar. Bygningar på eigedom er i følgje søknaden våningshus, gamal tømre, bur, driftsbygning, tømmerstue, stall, grisehus, gamal løe og garasje. Det blir opplyst at bustadhus og garasje er i brukbar stand, mens resten av bygningane er i mykje dårleg stand. Det blir opplyst at det er årlege vassdragserstatningar på kr. 10.850 pr. 2009, vidare at jordbruksareal og utmark er leigd bort til beite i 10 år rekna frå 04.03.2010. Det er bror av søkjaren som disponerar beitet med tinglyst rett fram til 04.03.2020. Søkjaren meiner at denne bruksretten sikrar at jordbruksareala og kulturlandskapet haldast i god hevd. Ein verditakst frå 2009, utarbeida av takstmann Erling Gaaserud, er lagt ved søknaden. I taksten er det gjeve nærmare opplysningar om jorda, skogen og bygningar. I følgje søkjar har eigedomen ein marginal storleik og avkastningsevne. Advokat Moen skriv at avkastningsevna er tilnærma neglisjerbar, og at dei samla driftsinntekter berre er i størrelsesorden kr. 17.- 18.000 pr. år, medrekna årlege vassdragserstatningar. Det blir opplyst at
søkjaren vil setja i stand dei gamle bygningane på garden, og at dette tilseier at eigedomen må få store årlege økonomiske bidrag frå eigar og familie. I følgje søknaden har søkjaren en sterk, kvalifisert og meget nær tilknytning til eiendommen gjennom slekt og opphold og arbeid på gården fram til foreldrene døde. Når det gjeld utdanning og arbeid, blir det opplyst at Anne Lise Sætre er utdanna møbelsnikkar. Ho arbeider i dag som deleansvarleg på delelageret til Biltema i Skien. Ektemannen til søkjaren er utdanna bilmekanikar. Han arbeider no som salssjef hos Formo Bil AS i Skien. Advokat Moen meiner at begge ektefellane er i ein alder som gjer det klart upårekneleg at dei vil kunne få kvalifisert arbeid i rimeleg nærleik av eigedomen. I følgje søknaden har sjukdom medført at livssituasjonen til søkjaren er blitt uventa vanskeleg i forhold til spørsmålet om busetjing og drift av eigedomen. Det blir opplyst at behandlinga av sjukdommen er avslutta, og at ho no er symptomfri. Det blir søkt om varig fritak for buplikta, subsidiært at det blir gjeve fritak inntil bruksretten til broren fell bort 04.03.20. Vurdering: Ved avgjerd av søknad om konsesjon for overtaking av landbrukseigedom skal det i følgje 9 i konsesjonslova leggjast serleg vekt på: 1. om den avtalte prisen tilgodeser en samfunnsmessig forsvarlig prisutvikling, 2. om erververs formål vil ivareta hensynet til bosettingen i området, 3. om ervervet innebærer en driftsmessig god løsning, 4. om erververen anses skikket til å drive eiendommen, 5. om ervervet ivaretar hensynet til helhetlig ressursforvaltning og kulturlandskapet I følgje 9 siste ledd gjeld første ledd nr. 1 og 4 ikkje i ei sak som dette. Punkta 2, 3 og 5 ovanfor skal det leggjast serleg vekt på, og dei har stor vekt. I tillegg til desse punkta skal det mellom anna leggjast vekt på storleiken på eigedomen, avkastningsevne og husforhold. Desse momenta skal ikkje tilleggjast serleg vekt. Søkjars tilknyting til eigedomen og livssituasjonen til søkjar kan tilleggjast vekt som eit korrigerande moment. For Hjartdal kommune er det sers viktig og oppretthalde eller helst auke folketalet. Samfunnsdelen til kommuneplan 2010-2020 har som overordna mål at Hjartdal kommune skal vera ein kommune med befolkningsauke og ha tre livskraftige bygder. Strategisk næringsplan 2010-2015 har som hovudmål å få fleire innbyggjarar og fleire arbeidsplassar. Det er ikkje ynskjeleg at gardsbruk eller andre bustadeigedomar blir ståande utan fast busetjing. Rådmannen meiner det er grunn til å tru at det finst andre som ville erverve Haukås for å bu der. Omsynet til busetjinga kan gje grunnlag for å nekte konsesjon, eller at det blir sett vilkår om buplikt. Omsynet til busetjinga taler sterkt for at slikt vilkår blir sett. Eigedomen er greitt arrondert og samla i ein teig. Mykje av skogen/utmarka har bratt terreng. Ervervet vurderast som ei god driftsmessig løysning. Landbruksdepartementet antek at ein eigar som sjølv bur på eigedomen, lettare kan ivaretaka eigedomen sine ressursar i eit langsiktig perspektiv enn ein som ikkje bur der. Rådmannen er einig i dette. I forhold til at bror til søkjaren disponerar eigedomen sine innmarks- og utmarksareal til beite fram 2020, finn rådmannen likevel at omsynet til heilskapleg ressurs-
forvaltning og kulturlandskapet blir ivareteke på ein rimeleg grei måte. Det skal leggjast vekt på, men ikkje serleg vekt på, eigedomsstorleik, avkastningsevne og husforhold. Rådmannen vurderar avkastningsevna til eigedomen som relativt beskjeden. Inntekter frå jakt kjem truleg i tillegg til inntektene som er nemnt i søknaden. Eigedomen bør kunne gje eit supplement til anna inntekt, om enn ikkje så stort. Det er positivt at søkjaren vil setja i stand dei gamle bygningane på garden, men dei har i dag ikkje nokon funksjon når det gjeld drift av eigedomen. Rådmannen meiner derfor at kostnader ved eventuell istandsetjing av bygningane ikkje kan trekkjast inn ved vurdering av avkastningsevna til eigedomen. Vurderinga skal elles byggje på ei framtidsretta vurdering av pårekneleg avkastning. Sjølv om avkastningsevna til eigedomen er relativ lita, taler dette etter rådmannen sitt syn likevel ikkje for fritak eller utsetjing av buplikta. Husforholda taler ikkje for fritak for buplikta. Bustadhuset er i brukbar stand, slik at det ligg til rette for snarleg flytting til eigedomen. Rådmannen finn at søkjaren har ein forholdsvis sterk tilknyting til eigedomen, sjølv om ho ikkje har vore fast busett der. Rådmannen kan sjå at søkjar og ektefelle ikkje har nemneverdig nytte av utdanninga si i noverande arbeid, men meiner at det sentrale vil vera moglegheitene for arbeid sett i forhold til stillingane dei har i dag. Desse moglegheitene vurderast som relativt gode. Når det gjeld helsesituasjonen til søkjaren, kan rådmannen ikkje sjå at dette forholdet pr. i dag gjer det vanskeleg å flytte til eigedomen. Tilknyting og livssituasjon er elles, som nemnt, korrigerande moment. Det er berre dersom den samla vurderinga av andre moment gjev tvil om korleis samfunnsinteressene best kan ivaretakast, at livssituasjonen eller tilknytinga kan bli avgjerande. Sjølv om enkelte moment i saka kan tale for varig fritak frå buplikta eller eit tidsavgrensa fritak fram til 04.03.2020, vil rådmannen leggja avgjerande vekt på at busetjingsomsynet. Ivaretaking av dette omsynet gjer det vanskeleg å gje konsesjon utan vilkår om buplikt. Det må då vurderast om buplikta skal vera ei personleg plikt for eigaren eller om ho kan oppfyllast av andre. Rådmannen meiner at omsynet til busetjinga vil bli best ivareteke om eigar sjølv bur på eigedomen. Ved personleg buplikt vil eigars band og tilknyting til bygda truleg bli sterkare. Stabil busetjing på landbrukseigedomen, sett i eit langsiktig perspektiv, vil etter rådmannen si vurdering bli betre ivareteken ved at Anne Lise Sætre bur på eigedomen i fem år, enn ved at nokon andre bur der. Eit alternativ til dette, men etter rådmannen sitt syn ei dårlegare løysing, kan vera at søkjaren får konsesjon med vilkår om at eigedomen blir nytta som heilårsbustad i den tida ho eig han. Dersom søkjaren sjølv buset seg på eigedomen, vil buplikta då vera avgrensa til fem år. Rådmannen vil tilrå at det blir sett vilkår om personleg buplikt. Ei viss utsetjing av buplikta, slik at søkjaren fær noko tid til å forberede fast busetjing på garden, bør kunne aksepterast. Det blir derfor tilrådd at det blir gjeve konsesjon med vilkår om tilflytting innan 1. juli 2015. RÅDMANNEN TILRÅR: 1. Anne Lise Sætre får konsesjon på eigedomen Haukås, gnr. 84, bnr. 14 og 22.
2. Konsesjon blir gjeve på vilkår av at Anne Lise Sætre buset seg på eigedomen innan 1. juli 2015 og deretter sjølv bur på eigedomen i minst fem år i samanheng.
Hjartdal kommune Styre, råd, utval Møtedato Saknummer Sakshandsamar Utval for næring og teknikk 14.06.2012 025/12 HH Saksansvarleg: Harald Helliksen Arkiv: GBNR- 11/5 Arkivnr.: 11/1688 BROT PÅ KONSESJONSVILKÅR I SAMBAND MED OVERTAKING AV EIGEDOMEN HOVDEJORD NEDRE, GNR. 11, BNR. 5. Dokument i saka: Nr T Dok.dato Avsendar/Mottakar Tittel 1 I 01.11.2011 Arnt W. Nygård KOPI AV BREV TIL SKATT SØR DAT. 28.10.11 2 I 21.12.2011 Adv. Graffoco ARNT WIGGO NYGÅRD - HOVDEJORD NEDRE - GNR/BNR 11/5 - BOPLIKT 3 U 18.04.2012 Arnt Wiggo Nygård BROT PÅ KONSESJONSVILKÅR VEDKOMANDE EIGEDOMEN HOVDEJORD NEDRE, GNR. 11, BNR. 5. Vedlagde dokument: Dokument nr. 2. NOT-sak 040/05. NOT-sak 041/09. Aktuelle lover, forskrifter, avtaler m.m.: LOV 2003-11-28 nr 98: Lov om konsesjon ved erverv av fast eiendom (konsesjonsloven) mv. Saksgang: Utval for næring og teknikk avgjer saka. Bakgrunn for saka:
Arnt Wiggo Nygård fekk 15.08.2005 (NOT-sak 040/05) konsesjon for overtaking av eigedomen Hovdejord nedre, gnr. 11, bnr. 5. Det blei sett som vilkår for konsesjon at eigedomen drivast på ein forsvarleg måte og at søkjaren buset seg på eigedomen innan 1. september 2010 og deretter sjølv bur på eigedomen i minst fem år i samanheng. Nygård søkte om utsetjing av buplikta med fem år. Vilkåret om busetjing innan 1. september 2010 var såleis i samsvar med ynskje frå søkjaren. Nygård søkte 29.06.2009 om varig fritak frå buplikta. Søknaden blei avslått, og vilkåret om busetjing innan 01.09.2010 blei ikkje endra. Nygård flytta ikkje til eigedomen innan 01.09.2010 og fekk ved brev frå kommunen av 12.11.2010 melding om at konsesjonsvilkåra ikkje var oppfylde, at dette kunne medføre at konsesjonen blei trekt tilbake og at han i så fall ville bli pålagd å selja eigedomen. Nygård blei beden om merknader til dette innan 14 dagar. Kommunen fekk etter dette telefon frå son til Nygård. Han bad kommunen avvente saka på grunn av spesielle hendingar som hadde oppstått i familien. I månadsskiftet januar/februar fekk kommunen beskjed frå Nygård om at han var registrert i Folkeregisteret som busett på eigedomen frå 01.02.2011. Folkeregisteret omgjorde hausten 2011 vedtaket sitt om godkjenning av flyttemeldinga. Nygård er dermed å rekne som busett i Ski kommune. Hjartdal kommune mottok 22.12.2011 brev frå advokat Terje Søvik som representant for Nygård. Det blir bede om ny handsaming av konsesjonssaka, og Søvik foreslår på vegne av sin klient at saka blir lagt fram med slik innstilling: I vedtak fatta av Hjartdal kommune, utvalg for næring og teknikk, 15.08.2005 i sak NOT-040/05 gjøres slik endring: Plikt for Arnt Wiggo Nygård til å busette seg på Hovdejord nedre og deretter sjølv bu på eigedomen i minst fem år i samanheng, som vart sett som vilkår for konsesjon til overtaking av eigedomen, oppheves. Vurdering: Søknad om konsesjon på eigedomen er, som nemnt ovanfor, handsama av Utval for næring og teknikk 15.08.2005 og søknad om varig fritak for buplikt 15.09.2009. Det er ikkje grunnlag for å handsame konsesjonssøknaden på nytt. Det er konstatert brot på konsesjonsvilkår. Saka blir derfor å handsame etter konsesjonslova 16, andre og tredje ledd som har denne ordlyden: Dersom en konsesjon er gitt på grunnlag av uriktige eller ufullstendige opplysninger om forhold av vesentlig betydning, eller erververen overtrer fastsatte vilkår for konsesjon av vesentlig betydning, kan konsesjonen trekkes tilbake. Blir konsesjonen trukket tilbake, skal det fastsettes en frist for innehaveren til å sørge for at eiendommen blir overdratt til noen som lovlig kan erverve den. Oversittes fristen, får 19 tilsvarende anvendelse. Ved avgjerd av søknad om konsesjon for erverv av landbrukseigedom, er omsynet til busetjinga eit forhold det skal leggjast særleg vekt på. Auking av busetjinga i heile kommunen er eit viktig mål for Hjartdal kommune. Det er ikkje ynskjeleg at gardsbruka blir fritidseigedomar. Ved handsaming av søknadar om konsesjon, kan omsynet til busetjinga åleine vera tilstrekkeleg til å setja vilkår om buplikt. Ved handsaming av søknaden om konsesjon i 2005 og søknaden om varig fritak for buplikt i 2009 blei det lagt stor vekt på omsynet til busetjinga. Advokat Søvik skriv i sitt brev av 21.12.2011 at det synast å vera einigheit mellom Hjartdal kommune og Nygård om at arbeid i distriktet er ein grunnleggjande føresetnad for busetjing.
Rådmannen kan ikkje sjå at dette er tilfelle. Livssituasjonen til søkjar er dessutan berre eit korrigerande moment ved handsaming av konsesjonssøknadar der nær slektning eller ein med odelsrett søkjer konsesjon fordi dei ikkje skal oppfylle den lovbestemte buplikta. Nygård har ikkje odelsrett og er heller ikkje ein nær slektning. Rådmannen sin konklusjon blir at brot på vilkåret om busetjing på eigedomen innan 1. september 2010 må reknast som vesentleg, og at konsesjonen bør trekkast tilbake. Dette vil seie at Nygård må overdra eigedomen til nokon som lovleg kan erverve han og innan ein fastsett frist. Ein gjer merksam på at dersom fristen oversittast, kan Fylkesmannen utan nærmare varsel la eigedomen selja etter reglane om tvangssal så langt dei passar, jf. konsesjonslova 19. RÅDMANNEN TILRÅR: 1. Konsesjon til Arnt Wiggo Nygård for overtaking eigedomen Hovdejord nedre, gnr. 11, bnr. 5, gjeven av Hjartdal kommune 15.08.2005 i NOT-sak 040/05, trekkjast tilbake. 2. Arnt Wiggo Nygård må innan 1. november 2012 overdra eigedomen til nokon som lovleg kan erverve han.
Hjartdal kommune Styre, råd, utval Møtedato Saknummer Sakshandsamar Utval for næring og teknikk 14.06.2012 026/12 HH Saksansvarleg: Harald Helliksen Arkiv: GBNR- 50/2 Arkivnr.: 11/1388 BROT PÅ KONSESJONSVILKÅR I SAMBAND MED OVERTAKING AV EIGEDOMEN TRAIN, GNR. 50, BNR. 2 Dokument i saka: Nr T Dok.dato Avsendar/Mottakar Tittel 1 U 10.11.2011 Ole Henrik Larsen BROT PÅ KONSESJONSVILKÅR VEDK. EIGEDOMEN TRAIN, GNR. 50, BNR. 2. 2 U 10.11.2011 Ole Henrik Larsen BROT PÅ KONSESJONSVILKÅR VEDK. EIGEDOMEN TRAIN, GNR. 50 BNR. 2 3 U 23.04.2012 Ole Henrik Larsen EIGEDOMEN TRAIN, GNR. 50, BNR. 2. BROT PÅ KONSESJONSVILKÅR. Vedlagde dokument: NOT-sak 015/10. Aktuelle lover, forskrifter, avtaler m.m.: LOV 2003-11-28 nr 98: Lov om konsesjon ved erverv av fast eigedom (konsesjonslova) mv. Saksgang: Utval for næring og teknikk avgjer saka. Bakgrunn for saka:
Ole-Henrik Larsen overtok eigedomen Train, gnr. 50, bnr. 2, etter far sin i 2008. Eigenerklæring om konsesjonsfridom er tinglyst 21. april 2008. Vilkår for konsesjonsfridom er at ervervar buset seg på eigedomen innan eitt år og deretter sjølv bur der i minst 5 år. Eigedomen Train har i følgje jordregisteret 27,3 dekar fulldyrka jord, 8,6 dekar overflatedyrka jord, 310,6 dekar produktiv skog og 255,4 dekar andre areal. Hjartdal kommune konstaterte i oktober 2009 at Larsen ikkje hadde flytta til eigedomen. Kommunen sende han 22.10.2009 brev om at buplikta ikkje var oppfylt og gjorde merksam på at kommunen då kan påleggje han å søkje konsesjon. Det blei bede om merknader til dette innan 14 dagar. Kommunen mottok ikkje skriftlege merknader, men Larsen opplyste på telefon at melding om flytting var til vurdering av Folkeregisteret. Ved brev av 14.12.2009 blei Larsen med heimel i 13 tredje ledd i konsesjonslova pålagd å søkje om konsesjon. Kommunen mottok 02.02.2010 søknad om konsesjon. Larsen fekk 09.03.2010 (NOT-sak 015/10) konsesjon på eigedomen. Det blei sett som vilkår for konsesjon at han buset seg på eigedomen innan 01.08.2011 og deretter sjølv bur på eigedomen i minst fem år i samanheng. I saksframlegget i konsesjonssaka stod mellom anna: Det sentrale i saka er omsynet til busetjinga i området. Dette skal det leggjast stor vekt på. Ei upersonleg buplikt kan medføre ustabile og usikre forhold med tanke på busetjing, til dømes kortvarige leigeforhold og problem med å få leigetakarar. Me ser det slik at det er nødvendig med ei personleg buplikt for å sikre omsynet til busetjinga. Me vurderar det som pårekneleg at andre ville erverve eigedomen for å bu der. Larsen blei 10.11.2011 ved brev frå kommunen varsla om at brot på vesentlege konsesjonsvilkår medfører at kommunen må vurdere om det er grunnlag for å trekkje konsesjonen tilbake, og at han vil bli pålagd å selja eigedomen dersom konsesjonen blir trekt tilbake. Ole-Henrik Larsen har ikkje flytta til eigedomen. I følgje Folkeregisteret er han busett i Sarpsborg kommune. Vurdering: Av konsesjonslova 16, 2. ledd går det fram at dersom ein ervervar overtred fastsette vilkår av vesentleg betyding, kan konsesjonen trekkjast tilbake. Auking av busetjinga i heile kommunen er eit viktig mål for Hjartdal kommune. Brot på vilkåret om busetjing må etter rådmannen sitt syn reknast som vesentleg. Konsesjonen bør derfor trekkjast tilbake. Dette vil seie at Ole-Henrik Larsen må overdra eigedomen til nokon som lovleg kan erverve han og innan ein fastsett frist. Ein gjer merksam på at dersom fristen oversittast, kan Fylkesmannen utan varsel la eigedomen selja etter reglane om tvangssal så langt dei passar, jf. konsesjonslova 19. RÅDMANNEN TILRÅR: 1. Konsesjon til Ole-Henrik Larsen for overtaking av eigedomen Train, gnr. 50, bnr. 2 og gnr. 53, bnr. 15, gjeven av Hjartdal kommune 09.03.2010 i NOT-sak 015/10, trekkjast tilbake. 2. Ole-Henrik Larsen må innan 1. november 2012 overdra eigedomen til nokon som lovleg kan erverve han.