Møtestad: Sognefjord Hotel Møtedato: 12.12.2012 Tid: 12.00 MØTEPROTOKOLL Kommunestyret SAKLISTE: Sak nr. Arkivsak nr. Tittel 72/12 12/1226 Endring av selskapsavtale for Alarmsentralen Sogn og Fjordane IKS 73/12 12/571 Reiselivsorganisering i Sogn 74/12 12/187 Symjetilbodet i Leikanger 75/12 12/1102 Intensjonsavtale mellom Nordbohus Sogn og Leikanger kommune - ny handsaming 76/12 12/1200 Kommunale betalingssatsar og gebyr - 2013 77/12 12/1113 Budsjett og økonomiplan 2013-2016 78/12 12/1251 Regulering investeringsbudsjett 2012-2013 79/12 12/1272 Analyse og plan for forvaltningsrevisjon 2013-2016 80/12 12/1258 Sognekraft AS- konvertering av ansvarleg lån til eigenkapital 81/12 12/114 Kommunale bustader - rapport frå arbeidsgruppe 82/12 12/979 Søknad om tiltak og dispensasjon - massetak ved Kleppavegen
83/12 12/1067 Retningsliner for startlån 84/12 12/1281 Møteplan 2013, formannskap og kommunestyre 85/12 12/1282 Orienteringar
72/12 Endring av selskapsavtale for Alarmsentralen Sogn og Fjordane IKS Leikanger kommunestyre vedtek framlegg til endring av selskapsavtalen for Alarmsentralen Sogn og Fjordane IKS. 73/12 Reiselivsorganisering i Sogn 1. Kommunestyret vedtek at Leikanger kommune går inn i det nye reisemålsselskapet med ein eigedel på 1,56 %, der kjøp av aksjar utgjer kr 23 473, samt går inn på ei 3 årig avtale med driftstilskot i samsvar med interimsstyret sitt oppsett. 2. Ordførar får fullmakt til å møte på stiftingsmøte til det nye selskapet og underteikne for eigardelen og driftsavtalen. 74/12 Symjetilbodet i Leikanger Framlegg frå repr. Jan Sigurd Haugen (SV) Leikanger kommunestyre meiner at arbeidsgruppa sin rapport samanfattar behovet og alternative løysingar med bygging av nytt symjebasseng på ein god måte. Kommunestyret vel å følgje opp rapporten på følgjande måte: 1. Bassengstorleiken skal vera opplæringsbasseng, 10,5 x 12,5 meter.
2. Ungdomsskulen vert valt som lokaliseringsalternativ. Framdrifta med bygging av basseng skal følgja som oppsett i investeringsplanen. Vedtak: Framlegget frå Jan Sigurd Haugen vart samrøystes vedteke VEDTAKET lyder etter dette slik, samr.: Leikanger kommunestyre meiner at arbeidsgruppa sin rapport samanfattar behovet og alternative løysingar med bygging av nytt symjebasseng på ein god måte. Kommunestyret vel å følgje opp rapporten på følgjande måte: 1. Bassengstorleiken skal vera opplæringsbasseng, 10,5 x 12,5 meter. 2. Ungdomsskulen vert valt som lokaliseringsalternativ. Framdrifta med bygging av basseng skal følgja som oppsett i investeringsplanen. 75/12 Intensjonsavtale mellom Nordbohus Sogn og Leikanger kommune - ny handsaming Repr. Trude Risnes ba kommunestyret vurder sin habilitet i saka. Kommunestyret vedtok samrøystes at Trude Risnes var inhabil ved handsaming av saka. Kommunestyret vart sett med 15 representantar. VEDTAKET lyder etter dette slik: Leikanger kommune finn ikkje å vilja gå inn som grunneigarpart i intensjonsavtalen. Leikanger kommune har ikkje merknader til den kommunale eigedommen vert inkludert i prosjektet slik som omtalt i intensjonsavtalen. Kommunen føreset at planfaglege spørsmål som friareal/leik og trafikktrygging vert innarbeidd i prosjektet. Kommunen vil få taksert verdien av eigedomen før eit eventuelt sal.
76/12 Kommunale betalingssatsar og gebyr - 2013 Framlegg frå ordførar Olav Lunden om fylgjande endring i formannskapet i tilråding vedk. årsgebyr for feiing og tilsyn: Satsane for årsgebyr for feiing og bustadtilsyn vert frå 01.01.13 endra til: a. Feiing kvart år kr 400,- og bustadtilsyn kvart 4. år kr 100,- = kr 500,- b. Feiing kvart 2. år kr 200,- og bustadtilsyn kvart 4. år kr 100,- = kr 300,- c. Feiing kvart 4. år kr 100,- og bustadtilsyn kvart 4. år kr 100,- = kr 200,-. Mva. kjem i tillegg. Avrøysting: Det vart først røysta over ordførar Olav Lunden sit endringsframlegg: Framlegget vart samrøystes vedteke: Det vart så røysta over formannskapet si tilråding med endringsframlegget frå ordførar Olav Lunden. Vedtak: Formannskapet si tilråding med endringsframlegget frå ordførar Olav Lunden vart samrøystes vedteke VEDTAKET lyder etter dette slik, samr.: Leikanger kommunestyre vedtek regulering av kommunale avgifter, årsgebyr og betalingssatsar for 2013 i samsvar med hefte: «Betalingssatsar Leikanger kommune 2013» med fylgjande endring: Satsane for årsgebyr for feiing og bustadtilsyn vert frå 01.01.13 endra til: a. Feiing kvart år kr 400,- og bustadtilsyn kvart 4. år kr 100,- = kr 500,- b. Feiing kvart 2. år kr 200,- og bustadtilsyn kvart 4. år kr 100,- = kr 300,- c. Feiing kvart 4. år kr 100,- og bustadtilsyn kvart 4. år kr 100,- = kr 200,-. Mva. kjem i tillegg. 77/12 Budsjett og økonomiplan 2013-2016 Framlegg frå repr. Jan Sigurd Haugen (SV) om nytt kulepunkt i formannskapet si tilråding.
Kommunestyret vedtek å auke eigedomsskatten for «bustaddelen» med 1 promille. Meirinntekta skal finansiere forlenging av stilling for rusmiddelkonsulent med 550.000, styrke budsjettet til barneskulen med 100.000, styrke budsjettet til ungdomsskulen med 100.000, resten skal gå til styrking av det samla kommunebudsjettet. Avrøysting: Det vart først røysta over framlegget frå repr. Jan Sigurd Haugen (SV) om auke av eigedomsskatten. Framlegget fall med 10 mot 6 røyster Det vart så røysta over formannskapet si tilråding Vedtak: Formannskapet si tilråding vart samrøystes vedteke med den endring at samla finansiering låneopptak vert auka med kr. 7.000.000,- VEDTAKET lyder etter dette slik, samr.: Kommunestyret vedtek Budsjett 2013 og Økonomiplan 2013 2016 for Leikanger kommune i samsvar med rådmann sitt budsjettgrunnlag med desse endringane for 2013: Investering: Kommunestyret vedtek å ta opp lån til bygging av nytt helsesenter/ omsorgsbustader med kr. 7.000.000,- i 2013. Finansiert med lån totalt kr. 20.500.000,- Driftsbudsjettet: 1. Kommunen skal delta i ordningane med overgrepsmottak og Smiso. Utgiftene vert dekka innanfor ramma. 2. Kr. 100.000 til ny reiselivsorganisering 3. Kr. 10.000 som tilskot til Fridtjofjubileet. 4. Kr. 30.000 som tilskot til Sogn og fjordane fylke jubileum fylkesjubileet 5. Det vert ført til inntekt kr. 146.000 knytt til VAR-ordning Budsjett 2013 vert vedteke på netto rammer med ei saldering mot disposisjonsfondet på kr.1.893.000,-. Skatt til kommunen blir fastsett i samsvar med høgste lovlege sats. Eigedomsskatt: Med heimel i Eigedomsskattelova 2 og 3 vert det skrive ut eigedomsskatt i Leikanger kommune.
I medhald av Eigedomsskattelova 3 bokstav e, vidarefører Leikanger kommune eigedomsskatt på faste eigedomar i klårt avgrensa område som heilt eller delvis er utbygde på byvis eller der slik utbygging er i gang og på verk og bruk i heile kommunen. Leikanger kommune vedtek å vidareføre eigedomsskatt i området Sogndal grense i aust til krysset rv.55/valbrekkevegen i vest. Grensa mot sør fylgjer kommunegrensa i sjøen og i nord yttergrensa for fast busetnad. I samsvar med esktl. 11 fyrste ledd, vert den alminnelege eigedomsskattesatsen fastsett til 7,0 promille. I medhald av esktl. 12 bokstav a, vert det fastsett ulik promille for bustaddelen i eigedommar med sjølvstendige bustaddeler. Denne satsen vert sett til 2,5 promille for 2013. Den same satsen gjeld og for fridtidsbustader. Ved taksering og utskriving av eigedomsskatt nyttar kommunen tidligare vedtekne skattevedtekter. 78/12 Regulering investeringsbudsjett 2012-2013 1. Leikanger kommunestyre vedtak overføring av anlegg frå 2012 til 2013 med totalt kr.13.327.000,-. Finansiering vert overført med tilsvarande sum: Lånemidlar og momskompensasjon kr.10.363.000,- Tilskot/fond kr.2.964.000,-. 2. Leikanger kommunestyre vedtek låneopptak med kr.3.979.000,-. 79/12 Analyse og plan for forvaltningsrevisjon 2013-2016
Kommunestyret i Leikanger vedtek framlagde planar for forvaltningsrevisjon og selskapskontroll for Leikanger kommune 2012 2015. 80/12 Sognekraft AS- konvertering av ansvarleg lån til eigenkapital Leikanger kommunestyre vedtek at ordførar får fullmakt til å stemma ja på ekstraordinær generalforsamling i Sognekraft AS til styret sitt framlegg om å konvertera ansvarleg lån til eigenkapital. 81/12 Kommunale bustader - rapport frå arbeidsgruppe Framlegg frå repr. Trude Risnes (V) om fylgjande tillegg til formannskapet si tilråding: Kommunestyret ber rådmannen legge fram sak om korleis rapporten skal fylgjast opp i løpet av våren 2013. Vedtak: Formannskapet si tilråding med tilleggsframlegget frå Trude Risnes vart samrøystes vedteke VEDTAKET lyder etter dette slik; samr.: Kommunestyret tek rapporten til vitande med fylgjande tillegg: Kommunestyret ber rådmannen legge fram sak om korleis rapporten skal fylgjast opp i løpet av våren 2013.
82/12 Søknad om tiltak og dispensasjon - massetak ved Kleppavegen Framlegg frå repr. Ole Simen Nesdal (SP) om fylgjande endra punkt 3 i tilrådinga frå rådmannen: Når vidare drift ikkje er aktuelt, skal uttaksområdet sikrast mot ulukker samt ryddast spesielt med omsyn til estetiske verdiar. Etter avslutninga skal det plantast gran i ytterkant av uttaket og foten av skjeringa for å avbøta synsverknad av terrenginngrepet. Framlegg frå ordførar Olav Lunden: Leikanger kommunestyre finn ikkje å kunne gi dispensasjon frå arealdelen i kommuneplan frå LNF-område til byggeområde då kommunestyret etter ei samla vurdering ikkje finn at fordelane ved å gi dispensasjon er klart større enn ulempene. Avrøysting: Framlegget frå ordførar Olav Lunden vart sett opp mot rådmannen si tilråding med endringsframlegget frå Ole Simen Nesdal Vedtak: Framlegget frå Olav Lunden vart vedteke med 15 mot 1 røyst VEDTAKET lyder etter dette slik, med 15 mot 1 røyst: Leikanger kommunestyre finn ikkje å kunne gi dispensasjon frå arealdelen i kommuneplan frå LNF-område til byggeområde då kommunestyret etter ei samla vurdering ikkje finn at fordelane ved å gi dispensasjon er klart større enn ulempene. 83/12 Retningsliner for startlån
Leikanger kommunestyre vedtek framlegget til «Retningsliner for startlån» slik dei føreligg. Retningslinene blir sett i verk frå 01.01.2013. 84/12 Møteplan 2013, formannskap og kommunestyre Leikanger kommunestyre vedtek møteplan for 2013 slik den ligg føre. 85/12 Orienteringar TEMA: 1. Orientering om planskisse for tettstadutvikling Hermansverk, parsell rv 55 og bankplassen v/leiar av sentrumsgruppa T. Dahle 2. Orientering om Gamle sjukeheimen v/rådmann 3. Orientering frå møte i Sogn Regionrådet v/ordførar