Intervju med hamnemynde i Stord kommune. 1. Kva er dykkar arbeid hos hamnemynde i Stord kommune, og korleis er dykkar rolle på Eldøyane? Mitt namn er Inge Espenes og eg er Hamnesjef i Stord Hamnestell. På Eldøyane er har me ansvaret for ei offentleg hamn. Denne vert drifta av Stord base as. Vår oppgåve er å tilretteleggje for gods som går over sjø og land. Det er nasjonale føringar for å få mest mogleg av godstrafikken til å bruke båt i staden for bil. 2. Kva er grunnen for at de kan finne det naudsynt at parkbelte i industristrøk vert tatt vekk og erstatta med formålet kontor/industri som er det formålet som resten av Eldøyane har? Dette er ein svært sentral stad på Eldøyane næringspark, då det grensar til sjø på ein stad med brådjup. Her vil ein lett kunne byggje ein djupvasskai, som vil kunne gagne bedrifta på Stord. Eg kan ikkje sjå at eit smalt parkbelte heilt yttarst på Eldøyane kan vera meir verdifult enn å oppretthalda arbeidsplassar på Stord. Me meina at dette gagnar Stord kommune. 3. De har nyleg fått ein støyrapport for Eldøyane som er utført på Eldøyane i 2014. Er det noko i rapporten som gjer at de må gjera endringar i aktivitetar som gir støy på dykkar tilgrensande eigedom? Stord Base as som driftar området gjer så godt dei kan for at deira verksamd ikkje skal vera for støyane. Likevel er det ikkje alle ting som ein kan gjera inne. Noko støy er det. Me har landstrøm ved kaia. Likevel kan ikkje store båtar nytte seg av dette. Dei må ha motoren i gang, då det er så energikrevjande elektronikk i skipa. Det er ingen hamner i Norge som har kapasitet til å gje landstrøm til store suplybåtar per dags dato. Me kan ikkje gjera noko med at det vert lasting på natta heller. Når båtane kjem, lastar dei. Dei har ein tidsplan som dei må halde. 4. Viss ein får gjort endring av plan trur du det er sannsynleg at det vil gje redusert risiko eller auka risiko for forureining av sjø, jord, vatn, eller luft? Og har de ev. eit forslag til avbøtande tiltak som kan hindra hindre forureining? Dette veit eg litt om. Eg er med i IUA Haugesund ( Interkommunalt Utval mot akutt forureining på sjø og land). Generelt kan me seia at det er større sannsynlegheit for ulykker jo fleire anløp ein har. Ved ulykke vil det også kunne bli forureining. Båtar og skip kan også gje noko luftforureining. Når det er sagt, så trur eg ikkje at ny djupvasskai på sørleg del av Eldøyane vil gje auka fare for forureining. På slike store opperasjonar/oppdrag som er tiltenkt på denne staden er det strenge krav til båtar.
5. Vil ein ny djupvasskai medføre mindre aktivitet på område for offentleg hamn? Det er heilt anna aktivitet som kan kome til sørspissen av Eldøyane, men at det vert djupvasskai der vil nok ikkje forandre at det framleis vil vera båttrafikk til Stord kommune si hamn. Last som skal vidare frå Eldøyane vert lasta av på Stord kommune si hamn på Eldøyane. Det er ein del av båttrafikken til Stord hamn som ikkje skal lenger enn internt på Eldøyane. Det er ringverknad av at ein har oppdrag på Stord. Dersom ein ikkje får oppdrag vil også denne type båttrafikk verte redusert. 6. Sørspissen er lettare å koma til frå fjorden og har stort djup, men er meir vêrhardt og har meir strøming i sjøenenn enn både aust og vestsida av Eldøyane. Vil dette gje større risiko for helse, miljø og tryggleik vil de tru? Dei båtane som ein nyttar på slike oppdrag har så mange og gode trøstarar som gir veldig gode manøvrerings evne. Det gjer at eg ikkje vil seia at det er fere for helse, miljø eller tryggleik. 7. Kva reglar har de for nattarbeid i Stord hamn? Kan de kort oppsummera dei føringane? Me kan dessverre ikkje ha føringar for at det ikkje skal vera nattarbeid ved den offentlege hamna på Eldøyane. Når båtane kjem, har dei eit tett program. Det medfører at det nokon gangar vert arbeid på natta. Det er ikkje alltid at det er støy i samband med avlasting. Det kjem an på kva lasta er. I 2014 var det 236 båtar ved hamna på Eldøyane. det pleier å variera mellom 200 og 300 båtar per år. Dette er ei inntektskjelde for Stord hamnestell. 8. Det er i plan orientert om at ein vil måtte stengje områder på Eldøyane Næringspark sør med gjerde og port slik som det er gjort på Kværner Stord as sine områder. Det vert foreslått for å sikre HMT for dei ulike områda. Kan de som nabo av områder på Eldøyane gje oss utfyllande informasjon om kvifor de meina at dette er viktig eller eventuelt kvifor det ikkje er det? Ein får heilt klart større kontroll på kven som oppheld seg på industriområdet. Ingen uvelkomne kjem inn. Det er ein kjent sak at det er mykje steling der ute. Å kunne stenge av vil også kunne gje tryggleik for bedriftene. Me kan sjå at ved omsyn til HMT så er det ikkje ein fordel at det er ålmenn tilkomst. 9. I plan er det foreslått ei utviding av område for industriområde/ferdsel i sjø (I/FS). Dette strekker seg ca. 250 meter ut i sjø frå land. Er dette området for stort? Kva problem kan de sjå ved at området rundt sørspissen av Eldøyane vert regulert til industri/ferdsel? Stord base as som driftar hamneområdet på Eldøyane har eit viktig oppdrag for vindmøller i 2016. Dei vil trenge dei 250 meter då det skal vera ei tryggleikssone rundt kvar konstruksjon. Det er regulert område for ferdsel nærare land enn ein i arealdelen til kommuneplanen har lagt opp til, og det er tilfredstillande for oss i hamnestellet.
10. Kva synast de som at område for I/FS må sikre? Eg har lest gjennom føresegna og 5. 2 finn eg tilfredstillande. Den er følgjande: Angitt formål i sjø: Industriområde /Ferdsel( I/FS) Området for industriområde og ferdsel i sjø kan ha industriverksemd i sjø, men det skal vera mogleg å kome seg fram med båt i området med låg fart sjølv ved industriaktivitet i området. I området er det tillate med oppankring av fartøy, lektarar, offshore-konstruksjonar og andre flytande gjenstandar. Ein kan ha utdjuping og heving av sjøbotn i område for industriområde i sjø, og det kan leggjast leidningar på havbotnen. Plassering av ankringsbøyar må godkjennast av Stord Hamnestell/Kystverket. Ved utlegg av bøyar og plassering av offshore-konstruksjonar, må vaktbåt vera stasjonert for å sikra den passerande skipstrafikk. Det er krav om søknad til Kystverket om sjølve operasjonen / utlegginga av pontongar. Merking, belysning, vaktfartøy og varsling utover normale rutinar skal vurderast ved kvar operasjon. Det skal vera fri ferdsel for aktuell hamnetilkomst. Området i sjø kan merkast som aktsomheitsområde i sjøkart til navigasjon. 11. Korleis stiller Stord hamnemynde seg til fysisk avstenging i sjø? (sikringssone rundt konstruksjonar). Når ein snakkar om sikringsområde rundt objekt sjø så er det ikkje noko fysisk hinder i sjø. Det er posisjonar i sjø som ein ikkje skal føre båtane. Viss ein kjem for nære konstruksjonen vert ein ropt opp på radioen om at ein må endre posisjon og å senke farten. Kvitsøy VTS har full kontroll på alle båtane som er i området, og er dei som roper opp til fartøy dersom dei nærmar seg konstruksjonar i sjø. Vanlegvis er det ikkje konstruksjonar i sjø lenge, og det er vanleg med vaktbåtar. Det som er oppankra har alltid lys 12. Kva slags utfordingar kan de sjå i å tilretteleggje for større område for I/FS når dette området er nær eit trafikkert område? Det bør ikkje vera nokon stor utfordring. Det betyr berre at når ein har konstruksjonar i område I/FS så ferja ta ytre lei i staden for indre lei. 95 % av trafikken i områdeter ferjene. 13. Har de forslag til avbøtande tiltak i sjø som kan gjera at det ikkje vert eit problem for naboar og sjøfarande at ein får I/FS 250 meter frå land ved sørspissen av Eldøyane? Det er allereie eit godt system. Kvitsøy VTS gir beskjed og vaktbåter.
14. Det er også foreslått områder for ferdsel i sjø (o_ FS1 og o_ FS2). Her skal ein ikkje kunne ha oppankring av konstruksjonar. Stettar desse områda hamnemynde i Stord kommune sine behov? Dersom ikkje, kva er grunnen for det? Slik me ser det så er det ikkje behov for ankring i område som er satt av til ferdsel, så at det er satt krav til at det ikkje skal vera ankring i desse områda bør ikkje vera eit problem. Det er positivt at det ikkje vert hindringar i sjø i desse områda., At desse er gjort større enn i eksisterande plan er også bra. 15. Får de i hamnestellet god nok informasjon når det er konstruksjonar som skal bli ståane i sjø rundt Eldøyane? Me vil sei at me får veldig god informasjon. Me får veta når veta når det kjem båt, kor lenge de skal vera og om det vert endringar. 16. I forslag til plan er noko av den eksisterande infrastrukturen regulert til veg, fortau og gang- og sykkelveg. Vegen fram til Sagfjord Seafarm as og fram til ny djupvasskai er ikkje foreslått regulert til veg, men har formålet kontor/industri. I føresegna går det fram at ein kan bygge veg område for kontor/industri. Føler de at dette er ei ulempe med plan at ikkje all infrastruktur er regulert eller kan det vera fordel med det? Me har stor forståing for at eit industriområde treng fleksibilitet. Me har forstått det slik at ein truleg må endre trase for veg. Det er planert med grus i heile området, og det bør vera lett å forandra ein trase. Ein må søke om løyve ved bygging av ny veg, så kommune og bedrifta er sikra at vegane er dimensjonert for veg i industriområde. Me har forståing for og meiner det er proaktivt at ein vil ha ein plan som ikkje krev dispensasjon for å kunne byggje nye vegar. 17. Landskapet i området regulert til parkbelte i industristrøk er siste rest etter naturleg landskap etter at det vart vedtatt at Eldøyane Næringspark skulle bli ein av Stord kommune sine viktige næringsområder. Frå sjø sida skjermar landskapet for det bakanforliggande industriområdet. Fjerning av dette landskapet gjer industriområdet meir synleg frå sjø. Vil de seia at dette vil gje negative konsekvensar for bedriftene på Eldøyane eller for hamnemynde? Når ein kjem seilande forbi Eldøyane, kan ein likevel sjå industriområdet som er der. Viss parkbeltet var lengre og kanskje høgare, så kunne det hatt ein funksjon. Landskapet gir ikkje mykje le for vind, og har liten funksjon i seg sjølv. 18. De har fått plan og føresegner tilsendt. Er det noko de ynskjer skal bli tilført i plan eller føresegner for å sikre at planen skal vera eit godt verktøy for dei nærmaste 10 år? Nei, det harme ikkje. Foreslått planendringa vil vera viktig dersom ein ynskjer å sikra framtida på land og sjø, ved å gjera det mogleg for industrien å veksa.
19. Slik de ser det vil de seia at planforslaget vil gje negative konsekvensar for samfunn, miljø eller naturressursar? På kva måte eventuelt? Me har tru på at det er positivt for samfunnet, då endringa vil gjera det meir sannsynleg at ein kan dra i land viktige kontraktar. Det vil framleis vera støy frå industriområdet, og kanskje vert det støy frå nytt område for kontor/industri, men då må ein ev. gjera støytiltak dersom dette vert eit problem for naboar. Elles så kan me ikkje sjå at parkbelte kan reknast som ein naturressurs der på Eldøyane så me kan ikkje sjå at det skal vera negativt for naturressursar. 20. Har de forslag til avbøtande tiltak for at ikkje planendringa vil gje negative konsekvensar for samfunn, miljø og naturressursar? Nei, har ikkje det. 21. Dersom det viser seg at ein ikkje får løyve til å gjera reguleringsendringa, kva kan bli konsekvensane for dykk som hamnemynde? På sikt vil me truleg få mindre aktivitet. Dette sidan ein vil få mindre oppdrag på Stord.