Ute mat Korleis laga god mat UTE Sigrid Henjum- 03. desember 2013 1
Taco - ein favoritt også på tur. 4 pers Ingrediensar: 600-800 g kjøtdeig av storfe, hjort, kylling eller svin 1 boks mais 1 paprika i bitar 1/2 lauk 1 lite glas med taco saus Med taco blanding frå pose eller lag din eigen miks(sjå oppskrift lenger nede). Rømme Raspa ost Tacolefser Heima/ på førehand: Steik kjøtet brunt i ei panna, bland i tacopulver, men ikkje tilset vatn slik det står på pulverposen. Ha kjøtet med krydder i ei skål for avkjøling. Hakk lauk og steik til det vert blankt i panna. Ha steikt lauk og oppskåren paprika i bollen med kjøt, saman med ein boks mais. Bland godt og ha eit lite glas med tacosaus med valfri styrke. No skal blandinga berre avkjølast før du har han i ein dobbel brødpose. Då kan du frakta det ut på tur i pluss eller minus grader. Eige Tacokrydder: 3 ts chilipulver 3 ts paprika pulver 2 ts spisskumin 1 ts salt 1 klypa kvitlaukspulver 1 klypa pepar Ute på tur: Ha kjøtblandinga i ein kasserolle, litt vatn eller smør i botnen- rør om og varm opp. Varm lefsa over varmen, ha i kjøt, strø over ost og ha på rømme. mmmmm.. På våren passar det perfekt å plukka unge skot av løvetann å ha som salat. Middagen er klar 2
Termos tips: Fruktsuppe, solbærtoddy med ingefær, miso suppe eller epletoddy med kanel og kardemomme. Ekspedisjonsmat Kva tek ein med seg når ein skal gå over Hardangervidda eller over Grønlandsisen? Mat som er lett i vekt, lett å laga, smakar godt og har nok næring. Grønsaksgryte med couscous for 1 person Bland omlag 50 g couscous Ca 20 g grønnsakssuppe på pose(feks Toro) ca 30 g tørka kjøt eller 50 g spekemat ein neve rosiner om du likar det Ein god klump med smør eller kvitlaukssmør Bland couscous, suppepulver, evt rosiner og tørka kjøt i ein pose. Dette skal berre svella i heitt vatn og ha eit oppkok før det er klart. Omlag 3 dl vatn. Om du får tak i ferdig tørka kjøt kan du bruka det, eller du kan tørka sjølv i varmluftsomn(24 t på 50 grader med halvopen dør). Om vekta ikkje er såå viktig kan du bruka feks morrpølse eller anna spekemat. Vert ekstra godt med litt ost på toppen. Dessert i panna: Lappar er nydleg godt, og om ungane kan få plukka blåbær og strø på vert det moro og. Er blåbæra gøymde under snøen kan frosne blåbær kjøpast i butikken, eller sjokoladebitar vera ei god erstatning. Lappar kan du kjøpa på pose som du blandar ut med vatn på ei flaske rett før du skal steika på panna. Det passar fint når det er kuldegrader ute. Men om du ikkje er på iskalde turar(slik at røra frys), så smakar heimelaga alltid best 3
Lappar: 3 egg 1 dl sukker 5 dl kveitemjøl 5 dl kulturmjølk 1 ts natron 1/2 ts hjortesalt 50 g godt smør(smelta) Bland alt i hop og ha på ei flaske ut på tur. Det er best å ha ei teflonpanne til å steika lappane. Ha røra på panna og strø blåbær eller sjokolade oppi den blaute røra. Steik på begge sider og server :) På bålet: All mat ein lagar på primus, kan og lagast på bål. Her er ein rett som er fin å pakka inn i aluminiumsfolie, som små pakkar: Arabiske netter med hjort og kanel Denne retten smakar like eksotisk som namnet tilseier. Me nordmenn et oftast kanel på grauten og i krydderkaka, men i mange andre land er kanel vanleg saman med kjøt. Haust er tid for jakt, og får du tak i hjort eller anna vilt kjøt er det klart betre enn vanleg karbonadedeig - tykkjer eg. Du kan velja om du vil laga små pakkar i aluminiumsfolie eller - meir miljøvenleg - ha alt i ei stor bål-panne. Pass uansett på at det ikkje vert for mykje på ein gong, slik at det vert ferdig kokt og ikkje berre svidd. Brenn bålet ei stund slik at du får fine glør som du kan legga maten på. For mykje flammar er ikkje bra. Om du har laga mange små pakkar kan du freista trikset med hønsenetting. Ta ein bit med hønsenetting, rull saman til ein sylinder og legg pakkane inni. Då kan du lett snu rullen og pakkane vert varma på alle kantar. Oppi dei arabiske nettene kan du variera med det du har lyst på, men her kjem eit forslag som smakar godt. Til om lag 6 pakkar og 3 personar 4 gulrøter 3 poteter 1 liten purre 2 fedd kvitlauk Nok fersk chili utan frø Skjer alt opp i små bitar og fordel i pakkane. I kvar pakke har du også oppi: 4
Nokre rosiner 1/4 ts kanel 2 ss konsentrert solbærsirup 1 ss godt smør 80-100 g kjøt i små bitar eller kjøtdeig Då veg pakkane omlag 180 g og er på størrelse med ein knyttneve. Smak til med salt og pepar. Til svoltne folk treng du to slike pakkar per person. Det må ligga på bålet til kjøtet er steikt og potetbitane er kokte. Sjå oppi etter femten minutt. Sjekk ofte og pass på at det ikkje svir seg. Båldessert: Ta ei banan og lag eit snitt i innersvingen. Stapp kokesjokolade inn i sprekken og legg banana på bålet til ho er varm og svart. Då kan du bruke vottar for å holda og ei skei til å eta innhaldet. Eigne notat: 5