Vinje kommune Næringskontoret Ånund Åkre Granåsen 66 B 1362 HOSLE Sakshands. Saksnr. Løpenr. Arkiv Dato THORCH 2011/2495 6636/2015 64/15 26.03.2015 Melding om vedtak - Søknad om ny forlenging av frist for buplikt på bustad gnr. 64/15 i Vinje Søknaden blei handsama av plan- og miljøutvalet i Vinje kommune den 25.3.2015 som sak nr.15/21. Utskrift av saka ligg ved. Klagefrist er tre veker, jf. vedlagt informasjonsskriv. Med helsing Thor Christiansen landbruksrådgjevar Vedlegg: Vinjevegen 192, 3890 Vinje Tlf. 3506 2300 Fax 3506 2301 postmottak@vinje.kommune.no www.vinje.kommune.no Bankgiro 2620.07.00200 Organisasjonsnummer 964964610
Vinje kommune Næringskontoret Arkiv saknr: 2011/2495 Løpenr.: 5610/2015 Arkivkode: 64/15 Utval Møtedato Utval Saksnr Plan- og miljøutvalet 25.03.2015 15/21 Sakshandsamar: Thor Christiansen Søknad om ny forlenging av frist for buplikt på bustad gnr. 64/15 i Vinje Vedlegg: 1 Søknad om utsett frist for buplikt på gnr. 64/15, vedtak 19.6.2013 2 Varsel om misleghald - buplikt på gnr. 64/15 i Vinje, datert 27.1.2015 3 Søknad om ny frist for buplikt Vesåsvegen 54, gnr. 64/15 i Vinje, datert 5.2.2015 4 E-post om buplikt på Vesåsvegen 54, datert 12-13.2. 2015 5 Kartutsnitt gnr. 64/15 Dokument i saka: Søknad om konsesjon, datert 17.9.2011 Mellombels svar frå Vinje kommune, datert 4.10.2011 Orientering frå søkjer med vedlegg, datert 10.10.2011 Vedtak om konsesjon, datert 16.11.2011 Brev frå Vinje kommune med påminning om buplikt, datert 3.4.2013 Søknad om utsett buplikt, motteken 10.5.2013 Mellombels svar frå Vinje kommune, datert 14.5.2013 Orientering frå søkjer, motteken 31.5.2013 Vedtak om utsett frist for buplikt på gnr. 64/15, datert 19.6.2013 Varsel om misleghald - buplikt på gnr. 64/15 i Vinje, datert 27.1.2015 Søknad om ny frist for buplikt Vesåsvegen 54, gnr. 64/15 i Vinje, datert 5.2.2015 E-post om buplikt på Vesåsvegen 54, datert 12-13.2. 2015 Kartutsnitt gnr. 64/15 Side 2
Bakgrunn: Ånund Åkre, Hosle overtok bustadeigedomen Vesåsvegen 54, gnr. 64/15 i Bøgrend den 9.8.2011, og fikk den 16.11.2011 konsesjon på vilkår av han eller nokon andre busette seg på staden innan 1.2.2013. Sakshandsamar vurderte då at halvanna år skulle vere nok til å få renovert huset etter dei planane som låg føre i søknaden. I brev frå Vinje kommune den 3.4.2013 blei Ånund Åkre gjort merksam på at eigedomen fortsett ikkje var busett. Plan- og miljøutvalet gav han då nye halvanna år for å renovere, med krav busetting innan 1.9.2014, jf. vedlagt vedtak. I brev frå Vinje kommune den 27.1.2015 blir Ånund Åkre for andre gong varsla om at fristen for tilflytting til gnr. 64/15 er misleghalde. Han blir på nytt orientert om at inndraging av konsesjonen kan vere ei mogleg konsekvens av dette, og blir beden om å kome med merknader. I brev frå eigar datert 5.2.2015 blir kommunen orientert om at eigar som bur og har jobb i Bærum - er oppvaksen i Bøgrend, er mykje der i feriar, og at kjøp av huset er ein erstatning for ei hytte på Våmartveit, sjå vedlegg. Vidare blir det opplyst at oppussinga er meir omfattande enn først tenkt, og ennå ikkje er ferdig då eigar gjer dette sjølve i feriar og helger. Vidare påpeker Åkre at eksisterande regjering ønskjer å fjerne reglar om buplikt i konsesjonslova. Han syner til kommunikasjon med stortingsrepresentantar, der Åkre oppgjev at dei stadfestar overfor han at loven vil bli endra. Han går vidare utifrå at Vinje kommune då utset saka til denne lovendringa er handsama. Åkre viser og til sin til personlege situasjon med ektefelle og jobb i Bærum og Oslo, og det tilhøve der Folkeregisteret krev at ektepar har same bustadadresse. Det blir og vist til at han har eit fritidsabonnement på straum på huset. Han søkjer om å få endra status på huset frå bustad til fritidshus, sekundært ytterlegare utsetting av buplikt utan tidsfrist. Etter ein intern diskusjon i administrasjonen fikk Åkre ein tilbakemelding om at det neppe er aktuelt å innstille positivt på ein bruksendring, sjå vedlagt e-post. I telefonsamtale med sakshandsamar trekker Åkre då søknaden om bruksendring, men bed i staden om å få utsett buplikta utan frist, og i det minste inntil Stortinget har handsama forslag om endring av konsesjonsloven og reglar om buplikt. Vurdering: Søkjer bed om ny utsetting av buplikt på gnr. 64/15 i praksis søknad om endring av vilkår gjeve ved konsesjonsvedtaket noko kommunen har heimel til å gjere etter konsesjonsloven 11, 1 ledd: Konsesjon etter loven kan gis på slike vilkår som i hvert enkelt tilfelle finnes påkrevd av hensyn til de formål loven skal fremme. Det kan lempes på vilkårene etter søknad. Det er no tre år og syv månader sidan søkjer overtok huset i Bøgrend, og det er andre gong han får varsel om misleghald av buplikt. To tidlegare vedtak om frist for tilflytting til eigedomen er ikkje blitt påklaga. Han er to gongar blitt orientert om at kommunen etter konsesjonsloven 16, 2 ledd - kan trekkje tilbake konsesjonen dersom det er vesentleg brot på dette vilkåret: Dersom en konsesjon er gitt på grunnlag av uriktige eller ufullstendige opplysninger om forhold av vesentlig betydning, eller erververen overtrer fastsatte vilkår av vesentlig betydning, kan konsesjonen trekkes tilbake. Side 3
Blir konsesjonen trekt tilbake er søkjer tilsvarande orientert om at etter 16, 3 ledd «skal det fastsettes en frist for innehaveren til å sørge for at eiendommen blir overdratt til noen som lovlig kan erverve den. Oversittes fristen, får 19 tilsvarende anvendelse». Konsesjonsloven 19 inneheld reglar om tvangssal gjennom namsmyndigheitene. Søkjer ynskjer primært å få ny utsetting av buplikt utan frist for tilflytting, alternativt å få ei utsetting inntil reglar om buplikt er handsama i Stortinget. Søkjer har ved to vedtak fått rimelege fristar for oppussing og tilflytting til Vesåsvegen 54. Han har tidlegare gjeve utrykk for at han har som intensjon å flytte tilbake til Bøgrend, medan han i det siste brevet skriv at huset er kjøpt for å erstatte ei hytte i Våmartveit da det er «lettere med buss til og fra hus i Bøgrend enn bygge hytte [..]». Det er og gjeve utrykk for at familiære tilhøve og jobbsituasjon gjer det problematisk å flytte til Vinje. Det er og eit ynskje om å unngå buplikta og tilflytting ved å vente på eit eventuelt vedtak i Stortinget. Vinje kommune har innført forskrift for buplikt på bustadhus, og har samstundes i kommuneplanen 2007-19 vedteke at ein skal handheve reglar om buplikt strengt. Kommunen har likevel i sine bupliktsaker vore romslege og lagt til rette for at eigarar har fått både utsetting og fritak av buplikt på grunn av både oppussing, utdanning, tilknyting, sjukdom og anna. Etter sakhandsamar sin vurdering må ein likevel ha nokre grenser for kor langt ein kan strekkje seg utan at regelverk og praksis blir utan innhald. Søkjer har etter sakshandsamar sitt syn fått gode fristar og blitt halden godt orientert om regelverk og konsekvensar. Grunnleggjande prinsipp for offentleg forvaltning krev kort sagt vedtak etter gjeldane lov. Det å ta omsyn i sakshandsaming til forslag om lovendringar, og til spekulasjonar om eventuelt fleirtal i Stortinget for slike endringar, kan derfor neppe vere i tråd med god forvaltningsskikk. På bakgrunn av dette vil ein ikkje tilrå vidare endring av konsesjonsvilkår for buplikt for gnr. 64/15. Då det er gått over seks månader sidan siste frist for tilflytting gjekk ut, ser ein på overskridinga av vilkåret som vesentleg. Ein vil derfor tilrå at ein - etter konsesjonsloven 16, 2 ledd vil krevje at konsesjonen blir trekt tilbake. Det blir då og lagt vekt på at det ved to høve er gjeve gode fristar for tilflytting, samt at eigar er godt orientert om regelverk og konsekvensar av å ikkje følgje desse. Ein vil samstundes i medhald av konsesjonsloven 18 gje eigar ein frist på tre månader til å sørgje for at gnr. 64/15 bli overdratt til nokon som kan få konsesjon. Ein gjer og merksam på at om denne fristen ikkje blir halden kan fylkesmannen la eigedomen selje etter reglar om tvangssal, jf. konsesjonsloven 19 Side 4
Rådmannens framlegg til vedtak: Plan- og miljøutvalet krev med heimel i konsesjonsloven 16,2 ledd - at konsesjon for erverv av bustad gnr. 64/15 gjeve til Ånund Åkre den 16.11.2011 blir trekt tilbake. Ånund Åkre blir med heimel i konsesjonsloven 18 gjeven ein frist på tre månader frå dags dato for å sørgje for at gnr. 64/15 blir overdratt til nokon som kan få konsesjon, eller som ikkje trenger konsesjon. Rådmannen, Jan Myrekrok, rådmann /s/ Handsaming i Plan- og miljøutvalet 25.03.2015: Framlegget frå rådmannen blei samrøystes vedteke. Plan- og miljøutvalet krev med heimel i konsesjonsloven 16,2 ledd - at konsesjon for erverv av bustad gnr. 64/15 gjeve til Ånund Åkre den 16.11.2011 blir trekt tilbake. Ånund Åkre blir med heimel i konsesjonsloven 18 gjeven ein frist på tre månader frå dags dato for å sørgje for at gnr. 64/15 blir overdratt til nokon som kan få konsesjon, eller som ikkje trenger konsesjon. Side 5