Valle kommune Planprogram til kommuneplan for Valle 2014-2026 Vedteke av Valle kommunestyre 25.06.2014 1
Innhald 1. Innleiing / bakgrunn 3 1.1 Planprogram 3 1.2 Kommuneplan 3 2. Rammer for planarbeidet 5 3. Samfunnsdel 7 4. Arealdel 11 4.1. Arealdelen 11 4.2. Innspel til arealdelen - Konsekvensutgreiing 13 5. Organisering 13 6. Planprosess, medverknad og framdrift 15 Forside: Utsikt frå Øyetjørnsknuten mot Brokke, Foto: Hans Munksgaard. 2
Oppdragsgiver Valle kommune 1. Innleiing / bakgrunn I Planstrategien til Valle kommune er det fastett at kommuneplanen skal reviderast i inneverande valperiode. Samfunnsdelen i gjeldande kommuneplan er frå 2002, medan arealdelen er frå 2006. Kommunedelplan for Bjørnevatn vart vedteken i 2008. Det er behov for å revidere både samfunnsdelen og arealdelen. Rapporttype Planstrategi 12 05-15 VALLE KOMMUNE PLANSTRATEGI 1.1 Planprogram Eit planprogram er eit dokument som fortel formålet med planlegginga, kva planlegginga skal omfatte og korleis planlegginga skal gjennomførast. I tillegg skal det gå fram av planprogrammet korleis innbyggarane i Valle kommune kan påverke planarbeidet. Planprogrammet vert fastsett av Kommunestyret etter ein høyringsperiode på 6 veker. Når planprogrammet er fastsett, er det planprogrammet som leggast til grunn for vidare arbeid med kommuneplanen. Planstrategien til Valle kommune 1.2 Kommuneplan Kommuneplanen er kommunens overordna styringsdokument. Kommuneplanen består av to delar som er intergert i kvarandre, samfunnsdelen og arealdelen. Samfunnsdelen skal trekke opp dei langsiktige måla for Valle kommune, og legge føringar for den framtidige retninga kommunen skal styre mot. Arealdelen er eit juridisk dokument for disponering av areal, der målsettingane konkretiserast. Arealdelen består av plankart, føresegner og retningslinjer for arealbruk i kommunen. Kommuneplan Samfunnsdel Arealdel 3
4
2. Rammer for planarbeidet I 2011 ga regjeringa ut Nasjonale forventningar til regional og kommunal planlegging. Dokumentet legg føringar for innhaldet i den kommunale planlegginga. Døme på tema er folkehelse, arealog transportplanlegging, verdiskaping og næringsutvikling, natur, kulturmiljø og landskap, helse, livskvalitet og oppvekstmiljø. Mange av temaa vil ikkje få eigne omtalar i kommuneplanen, men vert teken inn i dei ulike satsingsområda. Andre rammer for planarbeidet er : Heiplanen Heiplanen, som vart vedteken i 2012, er ein regional plan for heilskapleg forvalting av fjellområda, og sikring av villreinens leveområde. Planen fokuserer på bruk, vern og verdiskaping. Planen differensierer arealbruken i tre soner: Nasjonalt villreinområde, villreinområde (randsoneområda) og bygdeutviklingsområde, og peikar på viktige korridorar for villreintrekk. Verneområde Føljande område i Valle kommune er verna: Verna vassdrag. Njardarheim, Åmdalsvassdraget og Tovdalsvassdraget. Setesdal vesthei Ryfylkeheiane. Landskapsverneområde med dyrelivsfreding (2000). Kyrelitjern naturreservat. Verneplan for myr (1986). I tillegg kjem automatisk freda kulturminne og freda bygningar. Regionplan Agder 2020 Regionplan Agder er ein felles plan for alle kommunane i Agder. Hovedmålet i regionplanen er å utvikle ein sterk og samla landsdel som er attraktiv for busetting og næringsutvikling både i kystsona og dei indre distrikta. Regionplanen har fem satsingsområde; Klima, Det gode livet, Utdanning, Kommunikasjon og Kultur. Planstrategi for Valle kommune Planstrategien vart vedteken 15.5.2012 og gjev føringar for korleis kommunen skal bruke sine planressursar i inneverande valperiode. Planstrategien gjev desse føringane for rullering av kommuneplanen: Kommuneplanen skal reviderast i perioden. Revisjonen skal omfatte både areal og samfunnsdel. For arealdelen er følgjande føringar sentrale: Inkludere føringar frå Heieplanen Løypenett Nye hytteområde Energisektoren/Vassdirektivet/ Forvaltningsplan for vassregion Agder Bustadområde Kulturbygg Det er ønskeleg at samfunnsdelen skal peike på dei målsettingar og oppgåver kommunen har innanfor helse, pleie og omsorg, oppvekst med meir i kommuneplanperioden. Oppfølginga av samfunnsdelen i dei ulike sektorane ønskjer ein i størst mogleg grad å gjere gjennom handlingsplanar. Frå Rygnestad. Foto : Anders Martinsen Fotografer 5
Mot Bergen E 134 Haukeli E 134 E 134 Mot Oslo Rv 9 Fv 45 Dalen Valle kommune Fv 337 Suleskar Mot Stavanger Rv 9 Evje Fv 42 Rv 9 Arendal 6 Kristiansand
Folkehelsevurderingar skal leggjast til grunn for alle tiltak/ prioriteringar. Kommuneplanen skal fokusere på positiv folketalsutvikling ved å sikre: Betre levekår og folkehelse Attraktive arbeidsplassar Næringsutvikling Kommuneplan 2002-2012 Det overordna målet i gjeldande kommuneplan er: Valle kommune skal satse på nyskaping med utgangspunkt i lokalie ressursar og fortrinn. Mangfald og utvikling skal prege næringslivet, kulturen og fritida. Me vil fremje ei utvikling i pakt med miljøet. Planen har fire satsingsområde; Næring, Oppvekst, Omsorg og Kultur, miljø og fysiske kvalitetar. Faksimile fra Fædrelandsvennen 2.2.2014 Arealdelen til kommuneplanen 2006-2018 Gjeldande arealdel til kommuneplanen vart vedteken 7.2.2006, og kommunedelplan for Bjørnevatn vart vedteken 26.3.2008. Planane syner den tillatne arealbruken i Valle kommune i dag med tilhørande føresegner. Hovudgrepa frå gjeldande arealplanar skal vidareførast. Til dømes vert verneområda ført vidare. Strategisk plan for kultur og næring Strategisk plan for kultur og næring er ein plan for å vidareutvikle næringslivet i Valle kommune, der også kommunens rike tradisjon og kulturarv kan utviklast til nye arbeidsplassar. 3. Samfunnsdel Valle kommune har dei siste åra vore prega av at folketalet har falle, og at gjennomsnittsalderen til befolkninga aukar. Valle kommune har fleire levekårsutfordringar, til dømes ligg delen med låginntekstshushald betydeleg over landsgjennomsnittet. Folkehelsearbeidet skal sikre at den einskilde får fleire leveår med god helse, og redusert sosial ulikskap blant innbyggjarane. Folkehelse, integrering, likestilling og mangfald skal leggast til grunn for alt arbeid i kommuneplanen. Urørte naturområde, flotte kulturlandskap og kulturminne er ein viktig ressurs for Valle. Desse kvalitetane skal i størst mogleg grad takast vare på, og leggast til grunn for planarbeidet, særleg innan arealdelen. I løpet av perioden skal Valle gjennomføre arbeidet med kulturminneplan. Hovudutfordringa til kommunen er å kunne tilby attraktive arbeidsplassar, auke befolkningen og få unge til å etablere seg. Det er og særleg viktig at kommunen kan tilby ei meiningsfylt fritid for innbyggarane. Planarbeidet vil derfor legge vekt på: Samferdsle For Valle kommune er det særleg viktig med gode vegar med omverda. Betre kommunikasjon til og frå Valle betyr mykje for både busetting, næringsliv og turisme. Sørlandsutvalget leverte i 2013 ein rapport som blant anna beskriv og vurderar næringsrelevante forhald på Sørlandet. Innan samferdsle foreslår utvalet mellom anna at forsering av RV9 vil vere særleg viktig for å styrke næringsgrunnlaget i Setesdal. Vidare at det settas i gong ei utgreiing om mogleg ny og kortare stamveg frå Oslo til Stavanger over Setesdal og Sirdal. 7
8
Planarbeidet vil ha særleg fokus på desse vegstrekningane, som og er viktige transportårar i nasjonal samanheng: Riksveg 9 gjennom Setesdal, gul midtstripe til Hovden Fylkesveg 337 frå Brokke til Suleskar, evt. Heilårsveg Brokke - Suleskar Fylkesveg 45 frå Valle til Åmot Bukvalitet For å vere ein attraktiv stad å bu, må Valle kommune kunne tilby buområde med gode kvalitetar og uteområde. Aktuelle tema som vil bli vurdert i planprosessen er: Vurdere behov for nytt bustadsareal Variasjon i bustadtyper, storleik og lokalisering Uteområde med kvalitet Trygg og god oppvekst Arbeidsplassar og næringsliv Planarbeidet vil ha som målsetting å trygge eksisterande og legge til rette for nye arbeidsplassar i kommunen. Aktuelle tema som vil bli vurdert i planprosessen er: Vurdere behov for nytt næringsareal Vidareutvikle mat- og landbruksprodukt Vidareutvikle arbeidsplassar innan kultur og handverk Skape fleire abeidsplassar innan naturbasert næringsliv Halde på og vidareutvikle energiproduksjon Trekke til seg nye offentlege arbeidsplassar Utvikle kommunen si rolle som fritidsvert ved å fokusere på: Aktivitetsutvikling Valle som ein attrakiv turistdestinasjon heile året Utvikling av eksisterande og nye hytteområde Kultur og fritid Kommunen skal legge til rette for eit godt samspel mellom profesjonelle og frivillige kulturaktørar. Det er særleg viktig å legge til rette for at barn og unge har oppvekstvilkår med gode og varierte fritidsaktivitetar. Aktuelle tema som vil bli vurdert i planprosessen er: Styrke arbeidet med den kulturelle grunnmuren ; folkebibliotek, kulturskule, kino, fritidsklubb Stimulere det frivillige kulturlivet Satse på kulturelle møtestader, kulturhus / konsertscener Legge til rette for aktiv fritid Idrett og friluftsliv Fleire heilårs turløyper og stiar 9 Foto : Anders Martinsen Fotografer
10
Eksisterande temaplanar Valle kommune har fleire temaplanar som til dømes Plan for helse og omsorg og Strategisk plan for barn og unges oppvekst. Desse planane rullerast og vidareførast uavhengig av kommuneplanen. 4. Arealdel 4.1. Arealdelen Samfunnsdelen til kommuneplanen vil legge føringar for utforminga av arealdelen. Tema som skal takast opp og inkluderast i arealdelen er: Sentrumsutvikling Utvikle sentrumsområda til attraktive stader å bu, møtast og drive næring. Hyttebygging Planarbeidet vil vurdere eksisterande og nye hytteområde for å vidareutvikle Valle som ein turistdestinasjon. Ein vil særleg sjå på hytteområda ved Brokke og Bjørnevatn. Bustadområde Planarbeidet skal gjennomgå bustadområda i kommunen. Målet er å skape gode bustadområde med varierte bustadtypar som er ettertrakta i dag. Det er også eit mål å utvikle eksisterande bustadområde med omsyn til uteareal og leikeplassar. Heiplanen Den nyleg vedtekne Heiplanen skal innarbeidast i kommuneplanens arealdel. Skred Det er naudsynt å kartlegge den reelle skredfaren for busetnaden i kommunen. Dette gjeld spesielt for eksisterande fast busetnad i dalbotnen. Sti og løypeplan Det skal lagast ein sti- og løypeplan som syner kor ferdsla skal kanaliserast. Gamle støyls- og ferdslevegar skal registrerast og inngå som del av planen. Det er særleg viktig med styring av vinterferdsle med omsyn til villrein. Kulturminneplan I løpet av planperioden skal det lagast ein oversikt over kva kommunen har av verneverdige kulturminne og kulturmiljø, som grunnlag for å prioritere eit utval som skal takast vare på. Større, kjende kulturmiljø kan leggast inn i arealdelen. Motorferdsleplan Det skal lagast ein plan for motorferdsle som styrer ferdsle med snøskuter, ATV, lufttransport og anna motorisert ferdsle i utmarka. Denne skal integrerast i kommuneplanens arealdel. Minikraftverk Kommuneplanarbeidet vil vurdere vassdrag som kan ha utbyggingspotensial og som kan byggast ut til mikro- og minikraftverk. I vurderinga vil kommunen legge til grunn NVE sin rapport over vassdrag med utbyggingspotensial. 11 Foto : Anders Martinsen Fotografer
12
4.2. Innspel til arealdelen - Konsekvensutgreiing Kommunen oppmodar grunneigarar og andre til å komme med innspel til planarbeidet. Innspel som omhandlar nye byggeområde må innehalde: Opplysningar om grunneigarforhold, areal og konkret avgrensing på kart Førebels tankar om utbygginga Formålet i gjeldande kommuneplan og kva området vert nytta til i dag. All ny arealbruk skal vurderast mot virkninga på miljø og samfunn. Utgreiinga vil basere seg på eksisterande kunnskap. Ei enkel konsekvensutgreiing (KU) skal innehalde tema om: God arealutnytting og medviten forvalting av klima og miljø Tilkomst/trafikktryggleik Jordvern Biologisk mangfald/grønstruktur/landskap/friluftsliv Kulturminne/kulturmiljø Infrastruktur Risiko og tryggleiksanalyse Kommunen har laga ein rettleiar for konsekvensutgreiing av nye byggeområde, som ligg på kommunen si heimeside. 5. Organisering Det er oppretta ei styringsgruppe for planarbeidet. Styringsgruppa er eit utvida Formannskap med representant frå Krf, då dette partiet ikkje er med i Formannskapet. Planarbeidet vil bli leia av Rådmannen gjennom ei administrativ prosjektgruppe. Prosjektgruppa har ansvaret for planarbeidet, framdrift og opplegg for medverknad. Det vil bli oppretta tre arbeidsgrupper som skal jobbe med temaa bukvalitet, næring og kultur og fritid. Arbeidsgruppene leverer sitt arbeid til prosjektgruppa. Styringsgruppe Leia av Ordføraren Administrativ prosjektgruppe Leia av Rådmannen Arbeidsgruppe Bukvalitet Arbeidsgruppe Næring Arbeidsgruppe Kultur og fritid 13 Foto : Anders Martinsen Fotografer
14
6. Planprosess, medverknad og framdrift Det vil bli gode høve til medverknad i planprosessen. På heimesida til kommunen vil der vere eit eige opplegg for informasjon om og medverknad til planarbeidet. Det planleggast to temamøte og to folkemøte i planprosessen der alle oppfordrast til å delta. Innspel som kommer fram på møta vil bli tatt med vidare i planarbeidet. Det er og ein intensjon om eit eige opplegg for medverknad med barn og unge. Dette skal gjerast i sammarbeid med skulane i kommunen. Framdrifta for planarbeidet er slik: Planprogram på høyring Mars 2014 Frist for innspel til planprogram 15. april 2014 Fastsett planprogram Mai 2014 Temamøte bu- og fritidskvalitetar April 2014 Temamøte næring- og samfunnsutvikling Mai 2014 Folkemøte Valle Juni 2014 Folkemøte Rysstad Juni 2014 Frist for innspel til kommuneplanen 1. august 2014 Plan på høring Oktober 2014 Folkemøte i høyringsperioden Oktober 2014 Vedtak Desember 2014 15 Foto : Anders Martinsen Fotografer
16