ØRSTA KOMMUNE Tekniske tenester Gustav Hole Kalkspatveien 9 1784 HALDEN Saksnr Løpenr. Saksansvarleg Arkiv Dato 2012/153 12141/2012 WANGEN 131/2 25.10.2012 MELDING OM VEDTAK I SAMFUNNSUTVALET 24.10.12, SAK PS 86/12: GNR/BNR 131/2 HOLE, VIDDAL - SØKNAD OM DISPENSASJON FRÅ KOMMUNEPLANEN FOR FRÅDELING AV TO PARSELLAR FOR FRITIDSBUSTAD Saksprotokoll tilråding / vedtak i samfunnsutvalet - 24.10.2012 Samfunnsutvalet, SFU, syner til søknaden om dispensasjon frå kommuneplanen sin arealdel for frådeling av to tomter til fritidsbustader frå eigedomen 131/2 på Viddal. På bakgrunn av innkomne fråsegner og ei vurdering av kva konsekvensar ei frådeling vil ha i høve interessene nedfelt i gjeldande arealdel i kommuneplanen, omsynet til naturmangfald og allmenne interesser, finn SFU at ei frådeling til hyttetomter ikkje vil setje interessene knytt til plangrunnlaget vesentleg til side. Etter ei samla vurdering finn SFU også at fordelane er større enn ulempene. SFU har vore på synfaring og konkluderer med at det vil vere forsvarleg å tillate bygging på tomtene trass i at terrenget er bratt. Med heimel i pbl 19-2 dispenserer SFU såleis frå kommuneplanen for frådeling av to hyttetomter i samsvar med søknaden. Det må leggjast fram fråsegn som sikrar rett til parkering på hovudbruket nedanfor den bratte bakken for å sikre tilkomst heile året og det må kunne gjevast utsleppsløyve og leggjast fram dokumentasjon på at vatn tilfredsstiller krava i drikkevassforskrifta. Vedtak om dispensasjon er gjeld i tre år og kartforretning må rekvirerast innan same frist. Handsaminga (6 røysteføre) Samfunnsutvalet var på synfaring i saka. Fellesframlegg til vedtak som alternativ til rådmannen si tilråding: Postadresse: Dalevegen 6 postmottak@orsta.kommune.no www.orsta.kommune.no 6150 Ørsta 700 49 700 700 49 711 939461450 MVA 3992.07.30144 Besøksadresse Dalevegen 6:
Samfunnsutvalet, SFU, syner til søknaden om dispensasjon frå kommuneplanen sin arealdel for frådeling av to tomter til fritidsbustader frå eigedomen 131/2 på Viddal. På bakgrunn av innkomne fråsegner og ei vurdering av kva konsekvensar ei frådeling vil ha i høve interessene nedfelt i gjeldande arealdel i kommuneplanen, omsynet til naturmangfald og allmenne interesser, finn SFU at ei frådeling til hyttetomter ikkje vil setje interessene knytt til plangrunnlaget vesentleg til side. Etter ei samla vurdering finn SFU også at fordelane er større enn ulempene. SFU har vore på synfaring og konkluderer med at det vil vere forsvarleg å tillate bygging på tomtene trass i at terrenget er bratt. Med heimel i pbl 19-2 dispenserer SFU såleis frå kommuneplanen for frådeling av to hyttetomter i samsvar med søknaden. Det må leggjast fram fråsegn som sikrar rett til parkering på hovudbruket nedanfor den bratte bakken for å sikre tilkomst heile året og det må kunne gjevast utsleppsløyve og leggjast fram dokumentasjon på at vatn tilfredsstiller krava i drikkevassforskrifta. Vedtak om dispensasjon er gjeld i tre år og kartforretning må rekvirerast innan same frist. Det vart røysta alternativt mellom rådmannen si tilråding og fellesframlegget. Fellesframlegget vart vedteke med 6 mot 0 røyster. Rett utskrift av møteprotokollen 25.10.12 Toril Langlo konsulent Kopi til: Fylkesmannen i Møre og Romsdal Fylkeshuset 6404 Molde Møre og Romsdal fylkeskommune Fylkeshuset 6404 Molde Landbrukskontoret, her
ØRSTA KOMMUNE SAKSFRAMLEGG Sakshandsamar: Gunnar Wangen Arkivsak: 2012/153 Løpenr.: 10464/2012 Utvalsaksnr. Utval Møtedato 86/12 Samfunnsutvalet 24.10.2012 Saka gjeld: GNR/BNR 131/2 HOLE, VIDDAL - SØKNAD OM DISPENSASJON FRÅ KOMMUNEPLANEN FOR FRÅDELING AV TO PARSELLAR FOR FRITIDSBUSTAD TILRÅDING TIL VEDTAK: Samfunnsutvalet, SFU, syner til søknaden om dispensasjon frå kommuneplanen sin arealdel for frådeling av to tomter til fritidsbustader frå eigedomen 131/2 på Viddal. SFU er i utgangspunktet positiv til å kunne gje løyve til fritidsbustader i dette området, og ut frå ei vurdering av omsynet til plangrunnlaget og dei innkomne fråsegnene kunne det ligge til rette for det. SFU vurderer likevel dei to omsøkte tomtene som så bratte at det ikkje er tilrådeleg å bygge dei ut med fritidsbustader. Ut frå omsynet til at tomtene må vere teknisk eigna og forsvarlege for ei utbygging samt dei landskapsverknader ei utbygging truleg vil måtte medføre, finn SFU å måtte gje avslag på søknaden. Utskrift til: Gustav Hole, Kalkspatveien 9, 1784 Halden Møre og Romsdal fylkeskommune, Fylkeshuset, 6404 Molde Fylkesmannen i Møre og Romsdal, Fylkeshuset, 6404 Molde Landbrukskontoret, her
Saksvedlegg: Skredfarevurdering frå Møre og Romsdal fylkeskommune, datert 21.12.2011 Søknad om deling av grunn, 15.01.12 Brev datert 24.01.12 Vedlegg til søknad datert 28.05.12 Oversiktskart, grunnkart og ortofoto Uprenta saksvedlegg: Innkomne merknader Saksopplysningar: Det ligg føre søknad om dispensasjon frå kommuneplanen sin arealdel for frådeling av to tomter til fritidsbustad på Viddal. Dei omsøkte tomtene er kvar på om lag 1 daa og ligg i kommuneplanen sitt LNF-område sone C, der det er fastsett følgjande føresegn: Innanfor desse områda kan det berre gjevast løyve til bygging og frådeling i samband med tradisjonell stadbunden næring som har direkte tilknytning til landbruket. Oppføring av fritidshus kan tillatast, men berre på svært strenge vilkår og dersom sektormynde ikkje har merknader. Nokre av dei registrerte viltområda i høve Viltregisteret til Fylkesmannen ligg i denne sona. Det vert synt til temakart nr. 8. Dei omsøkte tomtene ligg innanfor eit vinterbeiteområde for hjort registrert i naturbasen. Det ligg ikkje føre andre særskilde registreringar i kommunen si naturtyperegistrering eller temakarta til kommuneplanen som har betydning for vurdering av søknaden. Det har ikkje kome merknader til søknaden i samband med nabovarslinga. Saka er sendt på høyring og det ligg føre følgjande merknader/fråsegner: Møre og Romsdal fylkeskommune, 20.07.2012 Møre og Romsdal fylkeskommune har ut frå sine ansvarsområde ingen merknader til søknaden. Fylkesmannen i Møre og Romsdal 26.07.2012 Fylkesmannen har ut frå sine ansvarsområde ingen særskilte merknader. Landbruksnemnda, vedtak i sak 55/12 den 13.09.2012 1. Frådeling etter jordlova 12, vedtak: Landbruksnemnda viser til søknad innstempla 25.01.12 på plan- og miljøavdelinga, frå eigar av gnr 131 bnr 2, Gustav Hole, om frådeling av hyttetomter til Live Hole og Eli Hole. Landbruksnemnda viser til saksutgreiinga med konklusjon, og gir løyve etter jordlova 12, til frådeling av om lag 2,0 daa til 2 hyttetomter. Grunngjeving er at frådelinga vert vurdert som forsvarleg utifrå den avkastning som eigedomen kan gje, og at plasseringa ikkje vil gje store drifts- og miljømessige ulemper for landbruket i området. Det vert bedt om at tilgang til bakanforliggjande areal vert sikra for hovudbruket.
2. Dispensasjon frå kommuneplanen, tilråding: Landbruksnemnda viser til søknad innstempla 25.01.12 frå eigar av gnr 131 bnr 2, Gustav Hole, og går inn for at det kan gjevast dispensasjon frå LNF-sona i kommuneplanen for frådeling av hyttetomter i dette tilfellet. Vurdering og konklusjon: Søknad gjeld frådeling av to tomter til fritidsbustader på Viddal. Det omsøkte området er ei bratt li der det er etablert landbruksveg som tilkomst til eit dyrka areal. Det ligg to hytter i nærleiken. Tomtene er svært bratte og medskog, i hovudsak granskog. Spørsmålet om rasfare er avklara gjennom skredfagleg vurdering av fylkesgeologen i brev av 21.12.2011. Det vert her konkludert med at området oppfyller byggteknisk forskrift sitt krav til rastryggleik ( 1000-års skredet ) og såleis stettar tryggleiksklassene S1 og S2. S2 gjeld m.a. for fritidsbustader. I samband med høyringa ligg det ikkje føre særskilde merknader verken frå Fylkesmannen eller frå Møre og Romsdal fylkeskommune. Rådmannen har vurdert ei frådeling som forsvarleg i høve landbruksinteressene og omsyna nedfelt i jordlova, og har tilrådd at frådeling kan gjevast. Landbruksnemnda har slutta seg til tilrådinga og også gjort vedtak om løyve til frådeling etter jordlova. Frådeling og sal av hyttetomter kan ha ein viss effekt i å styrke busettingsgrunnlaget på Vidda, men rett nok i avgrensa omfang. Hytter vil i seg sjølv kunne bidra til å halde oppe aktivitet og vil kunne oppfattast som positivt i og for lokalmiljøet. I høve Naturmangfaldlova ligg dette området innanfor eit større vinterbeiteområde for hjort registrert i Naturbasen. Området ligg ikkje i konflikt med kjende eller spesifikke trekkvegar. Hyttetomtene ligg i nærleiken av andre eksisterande hytter og eksisterande veg. Hjorten har i slike tilfelle stor tilpassingsevne. Det omsøkte arealet utgjer ein svært liten del av det registrerte beiteområdet og har ei slik lokalisering at ein ikkje finn at det ligg føre ein reell konflikt med viltinteressene. Det ligg ikkje føre andre registreringar i høve vilt, friluftsliv, kulturminne eller andre allmenne interesser. Området er lett synleg i landskapsbildet, og kan såleis vere noko eksponert. Det er eit skogkledd område som kan dempe landskapsverknaden av ei bygging. Det bør likevel leggast vekt på å gjennomføre ei ev. utbygging utan store inngrep i høve nær- og fjernverknad i landskapsbildet. Synfaring på området har ikkje avdekt noko som elles kan tyde på at omsynet til naturmangfaldet vert påverka vesentleg verken på negativ eller positiv måte som følgje av søknaden, jf. naturmangfaldlova 8-12. Det ligg også føre søknad frå nabo om frådeling til ei hyttetomt like i nærleiken, Ein har forsøkt å handsame desse samordna, slik at ein kan gjere ei felles vurdering. Spørsmål som vart aktualisert i samband med at kommunen gjennomførte synfaring gjer at denne søknaden likevel vert lagt fram for handsaming først. Ut frå innkomne fråsegner og ei fagleg vurdering av kva konsekvensar ei frådeling vil ha i høve spørsmål om arealbruk og tilhøvet til gjeldande arealdel i kommuneplanen, naturmangfald og allmenne interesser m.m., tilseier at ei frådeling til hyttetomter ikkje vil setje omsynet til plangrunnlaget vesentleg til side. Det vil også ligge føre grunnlag for å
kunne konkludere med at fordelane er større enn ulempene. Med bakgrunn i dette er vilkåra for å kunne gje dispensasjon oppfylt. I samband med saksførebuinga var kommunen ved sakshandsamar og representant for byggesaksavdelinga på synfaring. Ein kunne slå fast at det omsøkte området er bratt, til dels svært bratt. Det siste gjeld m.a. dei to omsøkte tomtene. Ei kartbasert vurdering viser at tomtene har eit gjennomsnittleg fall omkring 1:2 eller 1:2,2. I Miljøverndepartementet sin vegleiar T-1450 om planlegging av fritidsbebyggelse er det tilrådd at terreng brattare enn 1:4 ikkje bør byggast ut. I dette tilfellet nærmar terrenget seg det doble, og har i tillegg relativt smale tomter. Sjølv om ei utbygging kan vere teknisk gjennomførbar, finn rådmannen det ikkje forsvarleg å tilrå utbygging i så bratt terreng, både ut frå ei generell vurdering av om tomta er eigna for føremålet, og ut frå kva terrengmessige inngrep som må ventast å verte resultatet av ei slik utbygging. Dei to tomtene på begge sider ligg i vesentleg flatare parti. Rådmannen finn det såleis naudsynt å måtte frårå å gje dispensasjon for å frådele dei to omsøkte tomtene. Dersom Samfunnsutvalet meiner det likevel kan vere aktuelt å gje dispensasjon, tilrår rådmannen at det vert teke synfaring på staden. Ørsta, 15.09.2012 Eldar Øye leiar plan og utviklingsstaben Gunnar Wangen avdelingsleiar plan og miljø