ETNE KOMMUNE SAKSUTGREIING Utval Møtedato Saknr Saksh. Styringsgruppe for kommuneplanarbeid 03.01.2011 001/11 ANB Styringsgruppe for kommuneplanarbeid 22.02.2011 005/11 ANB Sakshandsamar: Annbjørg Bue Arkiv: N-502.3, N- 640 Arkivsaknr: 2009000761 FORSLAG TIL KJERNEOMRÅDE LANDBRUK FOR DEN DELEN AV KOMMUNEN SOM LIGG INNANFOR KOMMUNEDELPLANOMRÅDET FOR SENTRUM. Vedlegg i saka: 1A- 1C. Rådmannen sitt reviderte forslag til kjerneområde landbruk i kommunedelplanområdet. 2. Brev frå Haugland landbruksrådgjeving den 9. desember 2010 om kjerneområde landbruk. 3. Områdeskildring for kjerneområde landbruk. 4. Referat frå møte om kjerneområde landbruk den 6. desember 2010 5. Kart med forslag til grenser for kjerneområde landbruk utarbeidt av den administrative plangruppa i samarbeid med Haugaland landbruksrådgjeving og Etne bonde- og småbrukarlag den 6. desember 2010. 6. Invitasjon den 24.11.2010 til Haugaland landbruksrådgjeving, Etne sau- og geitavlslag, Etne skogeigarlag, Etne bondelag og Etne bonde- og småbrukarlag til arbeidsmøte om kjerneområde landbruk. 7. Forslag til kjerneområde landbruk frå administrativ plangruppe presentert på møte i styringsgruppa den 16. november 2010. 8. Forslag til kjerneområde landbruk frå fylkesmannen i Hordaland den 20. mai 2009.
9. Kjerneområde landbruk, vegleiar for registrering og prioritering av viktige område for jordbruk og kulturlandskap. Utgitt av Landbruks- og matdepartementet og KS mai 2005. 10. Arealstrategien til fylkesmannen i Hordaland, landbruksavdelinga januar 2010. 11. Forslag til kjerneområde jordbruk for Etne, fylkesmannen i Rogaland 2004. Utrykte saksdokument: Epost til dei som ikkje var på arbeidsmøtet den 6. desember 2010. Saksgang: Styringsgruppa for kommunedelplanarbeidet. Utskrift til: Haugaland landbruksrådgjeving v/ Lars Kjetil Flesland, boks 38, 5588 Ølen Etne sau- og geitavlslag v/ Hans Martin Harboe, Rygg, 5590 Etne Etne skogeigarlag v/ John Magne Seljelid, Sørstranda, 5590 Etne Etne bondelag v/ Anita Larsen, Kambe, 5590 Etne Etne bonde- og småbrukarlag v/ Marit Ebne, Ebne, 5590 Etne KS-trainee plan Grete Kathrine Jacobsen KS-trainee plan Vigdis Lode Fagansvarleg plan og bygg Odd Inge Vestbø Rådmann Elling Hetland Fagansvarleg landbruk Annbjørg Bue
SAKSUTGREIING: 1. Kva saka gjeld: Saka gjeld forslag til kjerneområde landbruk for kommunedelplanen i Etne sentrum. Med kjerneområde landbruk meines dei areala i kommunen som er viktige for to av landbrukets sentrale samfunnsoppgåver: Matproduksjon og oppretthalding av jordbruket sitt kulturlandskap. Til grunn for arbeidet med kjerneområde landbruk ligg Vegleiar for registrering og prioritering av viktige område for jordbruk og kulturlandskap, utgitt av Landbruks- og matdepartementet og KS mai 2005 (VEDLEGG 9) og Arealstrategien til fylkesmannen i Hordaland, landbruksavdelinga januar 2010 (VEDLEGG 10). 2. Bakgrunn for saka: Kjerneområdekartlegging for landbruk er ikkje noko heilt nytt for Etne kommune. I sak 088/01 vedtok Komite Natur at kommunen skulle arbeide med Differensiering av landbruksareala i Hordaland, eit prosjekt som var sett i gong av fylkesmannen i Hordaland. Dei lokale landbruksorganisasjonane vart invitert til å delta i arbeidet og det var gjennomført eit lokalt arbeidsmøte om arealdifferensiering. Prosjektet vart avslutta før det vart gjort noko endeleg vedtak politisk. Dette fordi det var vanskeleg å kome fram til eit felles forslag som alle involverte kunne stille seg bak. Skepsisen til korleis eit vedtak om kjerneområde landbruk vil kunne tolkast når fylkesmannen skal gi uttale til dispensasjonssøknadar og reguleringsplanar eksisterer framleis, men kommunen treng ei slik kartlegging for å komme i mål med kommunedelplanarbeidet. Fylkesmannen i Hordaland sendte den 20. mai 2009 kart med forslag til kjerneområde landbruk (VEDLEGG 8). Dette var meint som utgangspunkt for ei vidare drøfting lokalt. Fylkesmannen i Rogaland sendte til kommunen eit liknande forslag i 2004 (VEDLEGG 11). Administrativ gruppe for kommuneplanarbeidet laga med grunnlag i forslaget frå fylkesmannen i Hordaland eit eiget forslag til kjerneområde landbruk. Dette vart presentert for styringsgruppa for kommuneplanarbeidet i møte den 16. november 2010 (VEDLEGG 7). Styringsgruppa meinte at forslaget frå den administrative plangruppa var for omfattande og bad om å få eit justert forslag. Med utgangspunkt i styringsgruppa si tilbakemelding vart det invitert til arbeidsmøte den 6. desember 2010 (VEDLEGG 6). Invitasjon gikk til Haugaland landbruksrådgjeving, Etne sau- og geitavlslag, Etne skogeigarlag, Etne bondelag og Etne bonde- og småbrukarlag. I tillegg var alle i den administrative plangruppa inkludert ordføraren invitert. Av dei organisasjonane i landbruket som var invitert kom ingen frå Etne sau- og geit, Etne skogeigarlag og Etne bondelag. Dei fekk etter møtet epost med invitasjon til å kome for å sjå på det arbeidet som vart gjort på arbeidsmøtet. På arbeidsmøtet vart det semje om nytt forslag til kjerneområde landbruk. Forslaget vart teikna inn på kart (VEDLEGG 5). På arbeidsmøtet vart det i fellesskap skreve ei skildring av landbrukskvalitetane til kjerneområda. Denne skildringa er ikkje komplett ferdig, men skal arbeidast meir med i løpet av kommunedelplanprosessen (VEDLEGG 3). I etterkant av arbeidsmøtet vart det skreve
møtereferat (VEDLEGG 4). Etter arbeidsmøtet fekk kommunen brev med skriftleg uttale frå Haugaland landbruksrådgjeving til kjerneområdekartlegginga (VEDLEGG 2). Det er i ettertid gjort ei administrativ vurdering av arbeidsmøtet sitt forslag til kjerneområde landbruk. Område med eksisterande reguleringsplanar pluss byggefeltet på Madsgård som ikkje er regulert, men som er eit utbygd bustadområde, er tatt ut av kjerneområdet. Det er i tillegg tatt ut eit område som går frå Likskar til Etne Septik og Brødrene Flatebø, austover og litt inn på Nedre Gravelsæter. Det er kome tydelege signal på at grensene for kjerneområde landbruk må sjåast i eit lengre tidsperspektiv, 20 40 år. Det er difor viktig å vurdera område for eventuell utviding av Etne sentrum i eit slikt langt tidsperspektiv. Forslaget frå arbeidsgruppa er difor justert noko med framtidig moglegheit for sentrumutviding i sør. Det er dette forslaget som no blir lagt fram for styringsgruppa. (VEDLEGG 1). 3. Problemstilling: Skal styringsgruppa for kommunedelplanen godkjenne rådmannen sitt forslag til kjerneområde landbruk og vedta at dette skal sendast på høyring parallelt med kommunedelplanen? Skal kjerneområde landbruk leggjast inn som ei omsynssone i kommunedelplanen og få status som juridisk bindande eller skal kjerneområde landbruk i staden vere ein temaplan til kommunedelplanen? 4. Vurdering: Plan- og bygningslova 11-8 gir høve til å oppretta ulike omsynssoner. Omsynssonene skal syna omsyn og restriksjonar som har betyding for bruken av areal. Innafor desse omsynssonene kan kommunen setja føresegner eller retningslinjer, avhengig av kva sone det er snakk om. Kriteria for utpeiking av omsynssone landbruk kan t.d. vere at det er gode tilhøve for landbruk, samstundes som det er eit større, samanhengande areal som har fleire eigarar og eit miljø for landbruk. Retningslinjer til omsynssone landbruk kan vere at ved tiltak innafor denne sona skal omsynet til landbruk stå i fokus. Tiltak som er til skade eller hinder for landbruksinteresser skal ikkje tillatast. Særleg skal ein søkja å unngå tiltak som splittar opp landbruksjord eller undergrev driftsgrunnlaget på det enkelte gardsbruk. Dersom det skal bli gitt løyve til tiltak, må det dokumenterast at fordelane er klart større enn ulempene. Omsynet til jord- og skogsbruksinteresser skal særleg vektleggast, og eksisterande busetnad på gardane skal sikrast vidare utvikling. Om kommunen vedtar kjerneområde landbruk, betyr det ikkje at statusen til resten av LNFområda er svekka. Dei same reglane gjeld for desse områda i framtida, men gjennom å peika ut kjerneområdet, viser kommunen kva for område kor landbruk er særleg viktig. Fylkesmannen i Hordaland skreiv på nettsida i oktober 2010 at plankart i utgangspunktet er vanskeleg å lesa, og at ei mengde overlappande omsynssoner på toppen av arealkategoriane
kan gjere det uleseleg. Kommunane som til no har rullert kommuneplanen etter ny lov tek difor berre med dei omsynssonene som er heilt naudsynte, som sikring-, støy- og faresoner. Osterøy kommune har gjort eit grundig og godt arbeid med først å utarbeida kjerneområdekarta. Kriterium for utveljing har vore kvaliteten på produksjonsareala, om areala er samanhengande og av ein viss størrelse, arronderingsmessige tilhøve, samt klima og terreng. I tillegg er fleire verdifulle kulturlandskap tekne med i kartlegginga. I staden for å leggja desse områda ut som omsynssoner har dei fått mykje merksemd i konsekvensutgreiinga for planarbeidet. Som følgje av dette har kommunen klart å styra dei aller fleste utbyggingsområda utanom kjerneområda for landbruk. I dei tilfella dette har vore umogleg, er det gjort tilpassingar som gjer at utbyggingane skal få minst mogleg negative konsekvensar for framtidig landbruksdrift. Kjerneområdekartlegginga har såleis medverka til at Osterøy har fått ein kvalitativt god kommuneplan ut på høyring. I denne saka er både rådmannen sitt forslag (VEDLEGG 1) og arbeidsmøtet sitt forslag frå den 6. desember (VEDLEGG 5) presentert, og styringsgruppa er sjølvsagt fri til å vele det eine eller det andre. TILRÅDING FRÅ RÅDMANNEN: Styringsgruppa godkjenner forslag til kjerneområde landbruk og sender dette ut på høyring parallelt med framlegget til kommunedelplan (vedlegg 1). Plan- og bygningslova 11-8 gir høve til å oppretta ulike omsynssoner. Kjerneområde landbruk blir lagt inn som omsynssone i kommunedelplanen med følgjande retningslinjer: Ved tiltak innafor denne sona skal omsynet til landbruk stå i fokus. Tiltak som er til skade eller hinder for landbruksinteresser skal ikkje tillatast. Særleg skal ein søkja å unngå tiltak som splittar opp landbruksjord eller undergrev driftsgrunnlaget på det enkelte gardsbruk. Dersom det skal bli gitt løyve til tiltak, må det dokumenterast at fordelane er klart større enn ulempene. Omsynet til jord- og skogsbruksinteresser skal særleg vektleggast, og eksisterande busetnad på gardane skal sikrast vidare utvikling. Både grensene for kjerneområdet og retningslinjene vil kunne justerast undervegs i kommunedelplanprosessen. 03.01.2011 STYRINGSGRUPPE FOR KOMMUNEPLANARBEID SK-001/11 VEDTAK: samrøystes Saka utsatt til neste møte. Det må arbeidast vidare med å dokumentera behovet for ulik arealbruk. 22.02.2011 STYRINGSGRUPPE FOR KOMMUNEPLANARBEID Roger Nilsen (Frp) framja fylgjande endringsframlegg:
Endring 2.avsnitt. Kjerneområde landbruk skal vera ein temaplan, ikkje omsynssone, omkring sentrum. RØYSTING: Tilrådinga frå rådmannen fekk 5 røyster. Endringsframlegget fekk 4 røyster og fall. Etter dette ligg det føre slik: SK-005/11 VEDTAK: samrøystes Styringsgruppa godkjenner forslag til kjerneområde landbruk og sender dette ut på høyring parallelt med framlegget til kommunedelplan (vedlegg 1). Plan- og bygningslova 11-8 gir høve til å oppretta ulike omsynssoner. Kjerneområde landbruk blir lagt inn som omsynssone i kommunedelplanen med følgjande retningslinjer: Ved tiltak innafor denne sona skal omsynet til landbruk stå i fokus. Tiltak som er til skade eller hinder for landbruksinteresser skal ikkje tillatast. Særleg skal ein søkja å unngå tiltak som splittar opp landbruksjord eller undergrev driftsgrunnlaget på det enkelte gardsbruk. Dersom det skal bli gitt løyve til tiltak, må det dokumenterast at fordelane er klart større enn ulempene. Omsynet til jord- og skogsbruksinteresser skal særleg vektleggast, og eksisterande busetnad på gardane skal sikrast vidare utvikling. Både grensene for kjerneområdet og retningslinjene vil kunne justerast undervegs i kommunedelplanprosessen.