HORDALAND FYLKESKOMMUNE Samferdselsavdelinga Arkivsak 200703590-60 Arkivnr. 8 Saksh. Raddum, Gunhild Saksgang Samferdselsutvalet Fylkesutvalet Møtedato 13.01.2010 21.01.2010 SØKNAD OM STATLEG STØTTE TIL KOLLEKTIVTRANSPORT I DISTRIKTA FOR 2010 SAMANDRAG Samferdselsdepartementet har i brev datert 18.11.2009 invitert fylkeskommunane til å søkje om prosjektmidlar for å betre kollektivtransporten i distrikta (KID), sjå vedlegg 1. Fylkesrådmannen rår til at det vert søkt om støtte til prosjekt i 2010 slik det går fram av saka. FORSLAG TIL INNSTILLING Fylkesutvalet godkjenner følgjande prioriterte søknadsliste for KID-midlar 2010: 1. Vidareføre bestillingsruta i Eidfjord 2. Bestillingsrute i Sund kommune (nytt prosjekt) 3. Tilrettelagt arbeidsrute i Nordhordland (nytt prosjekt) 4. Bestillingsrute Odda Tyssedal 5. Bestillingsrute Husedalen Kinsarvik 6. Utvida rutetilbod i Tysnes kommune (nytt prosjekt) 7. Utvide båttilbodet i Austevoll kommune (nytt prosjekt) Dei føreslåtte prosjekta har ein estimert kostnad på kr.2 597 000-. Fylkeskommunen tek på seg ein eigendel på 50 %.
Fylkesutvalet kjem attende til finansiering av eigenandel når departementet har avgjort søknaden. Paul M. Nilsen Magnus Vestrheim Vedlegg: 1. Brev frå samferdselsdepartementet 2. Søknad frå Sund kommune 3. Søknad frå Austrheim, Radøy og Fedje kommune 4. Søknad fra Tysnes kommune 2
5. Søknad frå Austevoll kommune 3
FYLKESRÅDMANNEN, 04.01.2009: 1. Bakgrunn Samferdselsdepartementet har i brev datert 18.11 2009 invitert fylkeskommunen til å søkje om statlege midlar til prosjekt for å betre kollektivtransporten i distrikta (KID-ordninga). Føremålet med ordninga er å utvikle eit meir brukartilpassa og kostnadseffektivt kollektivtilbod i distrikta. Prosjektet starta opp i 2007 og var i utgangspunktet avgrensa til å gjelde ut 2009. I regjeringa sitt budsjettforslag gjekk ein inn for å vidareføre ordninga i 2010 ved å løyva totalt 21,5 mill kr fordelt på ulike prosjekt i heile landet. Støtta er meint som eit tilskot i oppstart- og utprøvingsfasen då det er tenkt at tiltaket på sikt skal kunne stå på eigne bein. Staten gir støtte tilsvarande 50 % av den totale årlege kostnaden for eit prosjekt, og tildelte midlar kan nyttast til både drift og investering. Søknadsfristen for 2010 er sett til 01.02.2010. 2. Evaluering av KID-ordninga så langt Hordaland fylkeskommune starta opp prosjekt med bestillingsruter i Hardanger i 2008. Etter søknad vart fylkeskommunen i 2009 tildelt kr 101 500,- for å vidareføre desse bestillingsrutene. Det vart samstundes søkt om midlar til oppstart av nye prosjekt i 5 kommunar, men departementet innvilga ikkje støtte til desse. Hausten 2009 hadde fylkeskommunen ei spørjundersøking blant brukarane av bestillingsrutene. Totalt kom det inn 14 svar, dei fleste av dei kom frå brukarar i Eidfjord kommune. Brukarane oppgjev at bestillingasruta vert nytta til å handle varer og får utført tenester i bank og post. Vidare oppgjev rundt 65 % av brukarane at dei og nytter bestillingsruta til pensjonist-treff og besøk. 57 % av brukarane er over 80 år, medan 43% er mellom 60 80 år. Brukarane er samstemt i at bestillingsruta er eit svært viktig tilbod, og 12 respondentar oppgjev at dei nyttar ruta kvar veke Nærare om det einskilde prosjekt: Bestillingsrute Tyssedal Odda Tilbodet kom av ulike årsaker fyrst i gong i desember 2008. Ruta er på ca. 6-7 km, og vert køyrd av Odda Taxilag kvar torsdag. Ruta har om lag 1-3 passasjerar kvar veke. Bestillingsrute Husedalen - Kinsarvik Ruta er på ca. 2 km. Den starta opp i september 2008 og vert utført av Ullensvang Taxisentral Aust DA.Tilbodet finn stad kvar onsdag og vert vanlegvis nytta av 2-3 personar kvar veke. Bestillingsrute Sysendalen Eidfjord, inkludert Simadalen i 2009 Tilbodet starta opp august 2008 og går torsdag kvar veke. Det er Tide Buss som utfører oppdraget, og i 2009 vart ruta utvida til Simadalen. Ruta er på ca. 30-35 km utanom Simadalen som utgjer 5-6 km. Tilbodet i Eidfjord har vore godt motteke, og passasjertalet ligg på mellom 8-10 personar. Kostnader for bestillingsrutene per 31.12.2009 KOMMUNE KID-MIDLAR BRUKT (kr) EIGENANDEL (fylket) (kr) Odda 9 500,- 9 500,- Ullensvang 11 000,- 11 000,- Eidfjord 67 500,- 67 500,- TOTALT 88 000,- 88 000,- Midlane er overførbare, og det inneber at at middlar gode frå 2009 vert nytta til å vidareføra drifta av dei igongverande prosjekta i 2010. 4
3. Søknad om midlar for 2010 Den 26.11.2009 sendte fylkeskommunen ut brev til alle kommunane i Hordaland utanom Bergen, og ba om innspel til KID-prosjekt som kan vere aktuelle i eigen kommune. Frå Eidfjord kommune er det søkt om å vidareføre det eksisterande tilbodet, Sysendalen - Eidfjord - Simadalen. Odda og Ullensvang har ikkje søkt om å vidareføre sine prosjekt. I tillegg kom det forslag om 4 nye prosjekt, i høvesvis Sund, Tysnes og Austevoll, samt eit fellesprosjekt i kommunane Austrheim, Fedje og Radøy. Fylkesrådmannen har vurdert dei innkomne forslaga og rangert dei slik: 1. Vidareføre bestillingsruta i Eidfjord Erfaringane med ruta tilseier at tilbodet bør halde fram også i 2010. Driftskostnadane for eit år er estimert til totalt kr 150 000,-, dvs at det vert søkt om kr 75 000,- i støtte gjennom KIDordninga. 2. Servicebussen er her - bestillingsrute i Sund kommune Omsorgstenesta i Sund kommune registrerte for få år sidan at mange eldre vil ha større sjanse til å greie seg sjølv heime om dei har tilgong til eit dør-til-dør transporttilbod. Kommunen fekk difor hausten 2008 gjennomført eit 3 mnd prøveprosjekt med servicebuss ein gong i veka i samarbeid med TIDE BUSS A/S. Kommunen søkte prosjektet inn under KID-ordninga i 2009, men vart ikkje tildelt statleg støtte. I 2009 har likevel Service-bussen bussen gått som planlagt trass vanskeleg økonomi. Talet på brukarar har vore stigande og er no oppe i 12 15 passasjerar. Sund kommune ønskjer at Servicebussen er her vert ei permanent ordning, og nye aktivitetar vert vurdert for å utvide og forbetre tilbodet. Mellom anna er det ønskjeleg å utvide tilbodet til dei som bur på øyane, samt å utvikle samarbeidet med andre aktørar som til dømes biblioteket. Kommunen har utarbeida kostnads- og finansieringsplan (vedlegg 2), som gir oversikt over forventa inntekter og utgifter til og med 2012. Søknadsbeløpet for 2010 er på totalt kr 100 000,-, dvs at det vert søkt om kr 50 000,- i støtte gjennom KID-ordninga. 3. Tilrettelagt arbeidsrute i Nordhordland Kommunane Austrheim, Fedje og Radøy driv saman AUFERA AS som tilbyr VTA (Varig Tilrettelagt Arbeid) - og APS (ArbeidsPraksis i Skjerma verksemd). Dei fleste arbeidsplassane i AUFERA AS er lokalisert til Manger, og for mange brukarar er transporten til arbeidsplassen eit problem. Dette gjer det vanskeleg for kommunane å tilby innbyggjarane tilrettelagt arbeid i den grad som er ønskjeleg. Det er i dag 8 brukarar ved AUFERA, og nokre av desse vert i dag skyssa med offentlege betalte drosjer som til dømes arbeidskøyring. Kommunane ser behov for å opprette ei arbeidsrute som går kvar dag går frå Sævrøy, om Mastrevik Torg til Manger om morgonen, og med retur om ettermiddagen, sjå vedlegg 3. Eit slikt utvida kollektivtilbod vil ikkje berre kome dei som arbeider på AUFERA til gode. Etter omlegging av rutetilbodet i Nordhordland er det ikkje mogeleg å nytte offentleg transport til jobben dersom ein bur i Austrheim og arbeidar på Radøy. Ei tilpassa arbeidsrute kan difor og kome andre brukarar til gode. Fylkesrådmannen rår til å søkje om midlar til å prøve ut ei arbeisrute som vert organisert av Skyss. Ruta skal vere open for alle, men i særleg grad vere tilpassa arbeidsdagen for dei som jobbar på AUFERA AS. Dersom det vert nytta langrutebuss er dette ersimert til å ha ein årleg kostnad på kr 750 000. Dersom ein nyttar minibuss er årleg kostnad estimert til å vere kr 640 000,- grunna lågare kilometersats. 5
I første omgang bør ruta prøvast ut med minibuss. Ruta vil og ha ein inntekt og det vert stipulert med ein passasjerinntekt på kr 150 000. Den reelle kostnaden for arbeidsruta vil difor vere på kr 490 000,-. Det vert søkt om KID-midlar på 50 % av beløpet, dvs kr 245 000,-. 4. Bestillingsrute Odda- Tyssedal Odda kommunen har ikkje teke initiativ til å vidareføre tiltaket, men fylkesrådmannen rår til at det vert søkt om støtte også i 2010. Tilbodet er ikkje kostnadskrevjande, og i samarbeid med kommunen kan tiltak for å auke passasjertalet vurderast. Tilbodet vil ha ein årleg kostnad på rundt kr 20 000,- dvs at det vert søkt om kr 10 000,- i KID-middlar. 5. Bestillingsrute Husedalen - Kinsarvik Det er ikkje kome søknad frå Ullensvang kommune om vidareføring av prosjektet. Fylkesrådmannen rår likevel til at bestillingsruta vert vidareført i 2010 av same årsaker som prosjektet i Odda kommune. Tilbodet har ein årleg kostnad på om lag kr 24 000,-, dvs at det vert søkt om kr 12 000,- i KID-middlar. 6. Utvida rutetilbod i Tysnes kommune Tysnes kommune (vedlegg 4) ønskjer å betre kollektivtilbodet på følgjande måte: Tinging av drosje/bussopplegg mellom Malkenes og Våge slik at innbyggjarane kan nytte hurtigbåten mellom Rosendal og Bergen. Drosje/bussopplegg til/frå øya Reksteren. Kollektivtilbodet for innbyggjarane på Reksteren er mangelfullt, særleg i helgane. Kommunen ser for seg eit opplegge der turane kan tingast direkte hos transportør. Det manglande kollektivtilbodet på dei nemnde strekningane har lenge vore diskusjonstema i kommunen. Hurtigbåten som stoppar på Malkenes vert nytta i rimeleg stor grad av dei som bur på Tysnes, men dei må i dag nytte privatbil eller drosje for å kome til kaien. Våge er ein sentral plass på Tysnes og er eit naturleg utgongspunkt for transporttilbod til Malkenes Reksteren har om lag 250 innbyggjarar, og det er særleg i helgane desse kan ha behov for transport. Det er usikkert i kva grad eit slikt tilbod verte nytta, eit foreløpig estimat ligg på to turar per helg. Det er store avstandar på Reksteren slika at antal km per tur og vil variere. Dette gjer det vanskjleg å anslå eit kostnadsbeløp. Fylkesrådmannen rår til at det vert søkt om KID-middlar til å settje i gong eit forprosjekt der ein ser nærare på passasjergrunnlaget og behovet for eit slikt bestillings-opplegg i helgane. Eit slikt forprosjekt er estimert til å ha ein kostnad på kr 20 000,-, dvs at det vert søkt om kr 10 000,- i KID-midlar. Strekninga mellom Våge og Malkenes er estimert til ha ein årleg kostnad på totalt kr 300 000,- dersom langrutebuss vert nytta og kr 250 000,- dersom minibuss vert nytta. Fylkesrådmannen rår til at tilbodet i første omgang vert prøvd ut med minibuss. Inntjeninga på ruta er stipulert til kr 60 000,. Den reelle kostnaden vil difor vere på kr 190 000,-. Det vert søkt om KID-midlar tilsvarande 50 % av dette beløpet, dvs kr 95 000,-. 7. Utvide båtrutetilbodet i Austevoll kommune Austevoll kommune er eit øysamfunn. For kommunen er det ei utfordring å betre kommunikasjonstilbodet mellom øyane og til omverda, sjå vedlegg 5. Båt er eit viktig transportmiddel, og fylkeskommunen har ein eiga passasjerbåt som fraktar folk til og frå øyene. Kommunen ønskjer å legge betre til rette for dei som vil bu på ei veglaus øy og samstundes ha tilgong på kommunikasjonstilbodet som er på fastlandet. Kommunen søkjer om å prøve ut eit utvida båtilbod frå øyane Sandtorv, Møkster, Litlekalsøy, Hevrøy og Lunnøy til Hufthamar og båten som går til Bergen kl 1040. Ei ekstra båtrute frå dei nemnde øyene og til Hufthamar vil ha ein dagleg kostnad på om lag kr 8000,-. Dette gir ein årleg kostnad på om lag 2 000 000,- dersom båten skal gå 261 kvardagar i året. Billettintektene er estimert til om lag 25 % av kostnaden, dvs at båtruta er estimert til å 6
koste kr 1 600 000,- i årlege drisftsutgifter. Det vert søkt om KID-midlar for å dekkja 50 % av beløpet, dvs kr 800 000,-. 4. Kostnader I oppsettet over søknadsbeløpet er billettinntekter trukket frå. Prosjekt og totalsum for søknadsbeløp Fylkeskommunens sin KID-midlar eigendel Vidareføre bestillingsruta i Eidfjord 75 000,- kr 75 000,- kr Søknadsbeløp totalt: kr 150 000,- Bestillingsrute i Sund kommune 50 000,- kr 50 000,- kr Søknadsbeløp totalt: kr 100 000,- Tilrettelagt arbeidsrute i Nord-hordaland 245 000,- kr 245 000,- kr Søknadsbeløp totalt: kr 490 000,- Bestillingsrute Odda Tyssedal 10 000,- kr 10 000,- kr Søknadsbeløp totalt: kr 20 000,- Bestillingsrute Husedalen Kinsarvik 12 000,- kr 12 000,- kr Søknadsbeløp totalt: kr 24 000,- Utvide rutetilbod i Tysnes kommune 105 000,- kr 105 000,- kr Søknadsbeløp totalt: kr 210 000,- Utvide båttilbodet i Austevoll kommune: 800 000,- kr 800 000,- kr Søknadsbløp totalt: kr 1 600 000,- SAMMENLAGT: 2 594 000,- Kr 1 297 000,- Kr 1 297 000,- Dersom dette vert innvilga vert den fylkeskommunale eigendelen for 2010 på kr 1 297 000,-. Fylkesrådmannen vil tilrå at ein kjem attende til finansieringa når departementet har fordelt midlane. 7