ØRSTA KOMMUNE Tekniske tenester Jens Hole 6190 BJØRKE Saksnr Løpenr. Saksansvarleg Arkiv Dato 2012/725 13686/2012 WANGEN 131/1 12.12.2012 MELDING OM VEDTAK I SAMFUNNSUTVALET 05.12.12, SAK PS 98/12: GNR/BNR 131/1 - HOLE, VIDDAL - SØKNAD OM DISPENSASJON FRÅ KOMMUNEPLANEN FOR FRÅDELING AV AREAL TIL FRITIDSBUSTAD Saksprotokoll tilråding / vedtak i samfunnsutvalet - 05.12.2012 Samfunnsutvalet, SFU, syner til søknaden om dispensasjon frå kommuneplanen sin arealdel for frådeling av tomt til fritidsbustad frå eigedomen 131/1 på Viddal. SFU viser til innkomne fråsegner der ingen av sektormynda har vesentleg merknader til søknaden. Vidare finn SFU at ei frådeling som omsøkt ikkje vil kome i vesentleg konflikt med omsyna til allmenne interesser eller prinsippa i Naturmangfaldlova 8-12. SFU konkluderer såleis med at ei frådeling ikkje vil setje omsyna nedfelt i gjeldande arealdel i kommuneplanen vesentleg til side. Etter ei samla vurdering finn SFU også at fordelane er større enn ulempene. Med heimel i pbl 19-2 dispenserer SFU såleis frå kommuneplanen for frådeling av ei hyttetomt i samsvar med søknaden. Det må leggjast fram fråsegn som sikrar rett til tilkomst til tomta over naboeigedom og til parkering på hovudbruket nedanfor den bratte bakken for å sikre tilkomst heile året. Det må vidare kunne gjevast utsleppsløyve og leggjast fram dokumentasjon på at drikkevatn tilfredsstiller krava i drikkevassforskrifta. Vedtaket om dispensasjon gjeld i tre år og kartforretning må rekvirerast innan same frist. Handsaminga (9 røysteføre) Vedtak samrøystes i samsvar med tilrådinga. Rett utskrift av møteprotokollen 12.12.12 Toril Langlo konsulent Kopi til: Liv Hilde Hole Borgenveien 168 1388 BORGEN Møre og Romsdal fylkeskommune Fylkeshuset 6404 Molde Landbrukskontoret Dalevegen 6 6150 Ørsta Fylkesmannen i Møre og Romsdal Fylkeshuset 6404 Molde Postadresse: Dalevegen 6 postmottak@orsta.kommune.no www.orsta.kommune.no 6153 ØRSTA 700 49 700 700 49 711 939461450 MVA 3992.07.30144
ØRSTA KOMMUNE SAKSFRAMLEGG Sakshandsamar: Gunnar Wangen Arkivsak: 2012/725 Løpenr.: 10462/2012 Utvalsaksnr. Utval Møtedato 98/12 Samfunnsutvalet 05.12.2012 GNR/BNR 131/1 - HOLE, VIDDAL - SØKNAD OM DISPENSASJON FRÅ KOMMUNEPLANEN FOR FRÅDELING AV AREAL TIL FRITIDSBUSTAD TILRÅDING TIL VEDTAK: Samfunnsutvalet, SFU, syner til søknaden om dispensasjon frå kommuneplanen sin arealdel for frådeling av tomt til fritidsbustad frå eigedomen 131/1 på Viddal. SFU viser til innkomne fråsegner der ingen av sektormynda har vesentleg merknader til søknaden. Vidare finn SFU at ei frådeling som omsøkt ikkje vil kome i vesentleg konflikt med omsyna til allmenne interesser eller prinsippa i Naturmangfaldlova 8-12. SFU konkluderer såleis med at ei frådeling ikkje vil setje omsyna nedfelt i gjeldande arealdel i kommuneplanen vesentleg til side. Etter ei samla vurdering finn SFU også at fordelane er større enn ulempene. Med heimel i pbl 19-2 dispenserer SFU såleis frå kommuneplanen for frådeling av ei hyttetomt i samsvar med søknaden. Det må leggjast fram fråsegn som sikrar rett til tilkomst til tomta over naboeigedom og til parkering på hovudbruket nedanfor den bratte bakken for å sikre tilkomst heile året. Det må vidare kunne gjevast utsleppsløyve og leggjast fram dokumentasjon på at drikkevatn tilfredsstiller krava i drikkevassforskrifta. Vedtaket om dispensasjon gjeld i tre år og kartforretning må rekvirerast innan same frist. Utskrift til: Jens Hole 6190 Bjørke Liv Hilde Hole, Borgenveien 168, 1388 Borgen Møre og Romsdal fylkeskommune, Fylkeshuset, 6404 Molde Landbrukskontoret, her Fylkesmannen i Møre og Romsdal. Fylkeshuset, 6404 Molde
Saksvedlegg: Søknad om deling, datert 09.04.12 Skredfarevurdering frå Møre og Romsdal fylkeskommune, datert 21.12.12 Søknad om dispensasjon, datert 22.04.12, m. kartvedlegg datert 01.02.12 Vedlegg/tilleggsopplysningar, datert 29.05.12, vedlagt grunngjeving datert. 28.05.12 og sjekkliste ROS Oppdatert grunnkart 1:500 og ortofoto 1:1000, motteke 26.11.12 Oversiktskart 1:5000, grunnkart og ortofoto Brev av 12.11.12, tilbakemelding Protokoll frå vedtak i landbruksnemnda sak 54/12 Uprenta saksvedlegg: Diverse saksdokument. Saksopplysningar: Det ligg føre søknad om dispensasjon frå kommuneplanen sin arealdel for frådeling av tomt til fritidsbustad på Viddal. Den omsøkte tomta er om lag 1 daa og ligg i kommuneplanen sitt LNF-område sone C, der det er fastsett følgjande føresegn: Innanfor desse områda kan det berre gjevast løyve til bygging og frådeling i samband med tradisjonell stadbunden næring som har direkte tilknytning til landbruket. Oppføring av fritidshus kan tillatast, men berre på svært strenge vilkår og dersom sektormynde ikkje har merknader. Nokre av dei registrerte viltområda i høve Viltregisteret til Fylkesmannen ligg i denne sona. Det vert synt til temakart nr. 8. Den omsøkte tomta ligg innanfor eit vinterbeiteområde for hjort registrert i naturbasen. Så langt vi kan sjå ligg det ikkje føre andre særskilde registreringar i kommunen si naturtyperegistrering eller temakarta til kommuneplanen som har betydning for søknaden. Det har ikkje kome merknader til søknaden i samband med nabovarslinga. Saka er sendt på høyring og det ligg føre følgjande fråsegner/uttalar: Fylkesmannen i Møre og Romsdal, 26.07.12 Fylkesmannen har ut frå sine ansvarsområde ingen vesentlege merknader. Møre og Romsdal fylkeskommune, 20.07.12 Møre og Romsdal fylkeskommune har ut frå sine ansvarsområde ingen merknader til søknaden. Landbruksnemnda, 13.09.12 1. Frådeling etter jordlova 12, vedtak Landbruksnemnda viser til søknad innstempla 27.04.2012 på plan- og miljøavdelinga, frå eigar av gnr 131 bnr 1, Jens Hole, om frådeling av hyttetomt til Liv Hilde Hole. Landbruksnemnda viser til saksutgreiinga med konklusjon, og gir løyve etter jordlova 12, til frådeling av om lag 1,0 daa til hyttetomt. Grunngjeving er at frådelinga vert vurdert som forsvarleg utifrå den avkastning som eigedomen kan gje, og at plasseringa ikkje vil gje store drifts- og miljømessige ulemper for landbruket i området. 2. Dispensasjon frå kommuneplanen, tilråding: Landbruksnemnda viser til søknad innstempla 27.04.2012 frå eigar av gnr 131 bnr 1, Jens Hole, og går inn for at det kan gjevast dispensasjon frå LNF-sona i kommuneplanen for frådeling av hyttetomt i dette tilfellet.
Vurdering og konklusjon: Den omsøkte tomta ligg på eit lauvskogskledd i relativt bratt terreng mellom privat veg som går i ein knapp sving og er tilkomst til dyrka mark og eksisterande hytter. Sjølve tomta ligg på eit flatare parti. Det er to eksisterande hytter i området. Kommunen har mottok også søknad frå nabogrunneigar Gustav Hole, gnr/bnr 131/2, om frådeling av to tomter til fritidsbustader like ovanfor den same tilkomstvegen. På denne bakgrunnen bad kommunen dei to grunneigarane avklare kva for samla utbyggingsinteresse som kunne vere aktuelt i området, og om terrengtilhøve og lokalisering kunne gjere det aktuelt å bygge fleire hytter. Dei vart bedne om å vurdere om eit samarbeid om reguleringsplan kunne vere aktuelt. Begge søkjarane har i felles brev svart at dei vurderer terrenget for bratt til at det er eigna til fleire hytter, og kommunen forstår brevet slik at dei no omsøkte tomtene er det som kan verte aktuelt av frådelingar samla sett i området. SFU gav løyve til frådeling av dei to hyttetomtene i sitt forrige møte. Terrenget i området er bratt, og enkelte stader svært bratt. Den omsøkte hytta er likevel plassert på ei avflating i terrenget. Slik hytta er skissert på kartet vil den omfatte eit terrengfall på om lag 3-4 meter. Ei noko justert plassering og utnytting av tomta og tilgrensande areal kunne gi ei gunstigare plassering. Ein finn likevel ikkje grunn til å detaljstyre dette. Kommunen har hatt ein dialog med søkjar for at søkjaren skulle vurdere slike tilhøve, også når det gjeld tomtegrenser og tilkomstløysing. Søkjaren har etter dette inngått avtale med naboen for å få ein betre tilrettelagt tilkomst enn det som var lagt opp til i opphavleg søknad. Denne kan framleis ha andre løysingar, slik som etter svingen. Tilkomsten er likevel vesentleg betre slik det no er omsøkt. Detaljvurdering av hytta si plassering og tilkomst kan gjerast også på byggesaksstadiet, og det vert lagt til grunn at søknaden er tilstrekkeleg avklarande på desse punkta. Det ligg likevel att eint areal på naboen sin grunn som må karakteriserast som eit restareal som vil vere vanskeleg å utnytte. Det kunne også vere eit spørsmål om utforming av tomta burde skje meir uavhengig av eksisterande eigedomsgrenser, altså om deler av naboen sitt areal i innsvingen på vegen burde kunne verte del av tomta til fritidsbustaden for å lette utforminga av ei best mogleg løysing for plassering av hytte m.v. Etter nabovarslinga og dialog som må ha vore mellom partane, må ein oppfatte dette slik at naboen er merksam på tilhøvet utan å ha merknader. Spørsmålet om rasfare er avklara gjennom skredfagleg vurdering av fylkesgeologen i brev av 21.12.2011. Det vert her konkludert med at området oppfyller byggteknisk forskrift sitt krav til rastryggleik ( 1000-års skredet ) og såleis stettar tryggleiksklassene S1 og S2. S2 gjeld m.a. for fritidsbustader. I samband med høyringa ligg det ikkje føre særskilde merknader verken frå Fylkesmannen eller frå Møre og Romsdal fylkeskommune. Rådmannen har vurdert ei frådeling som forsvarleg i høve landbruksinteressene og omsyna nedfelt i jordlova, og har tilrådd at frådeling kan gjevast. Landbruksnemnda har slutta seg til tilrådinga og også gjort vedtak om løyve til frådeling etter jordlova.
Frådeling og sal av hyttetomter kan ha ein viss effekt i å styrke busettingsgrunnlaget på Vidda, men rett nok i avgrensa omfang. Hytter vil i seg sjølv kunne bidra til å halde oppe aktivitet og vil kunne oppfattast som positivt i og for lokalmiljøet. I høve Naturmangfaldlova ligg dette området innanfor eit større vinterbeiteområde for hjort registrert i Naturbasen. Området ligg ikkje i konflikt med kjende eller spesifikke trekkvegar. Hyttetomtene ligg i nærleiken av andre eksisterande hytter, dyrka mark og eksisterande veg. Hjorten har i slike tilfelle stor tilpassingsevne. Det omsøkte arealet utgjer ein svært liten del av det registrerte beiteområdet og har ei slik lokalisering at ein ikkje finn at det ligg føre ein reell konflikt med viltinteressene. Det ligg ikkje føre andre registreringar i høve vilt, friluftsliv, kulturminne eller andre allmenne interesser. Området er lett synleg i landskapsbildet, og kan såleis vere noko eksponert. Det er eit skogkledd område som kan dempe landskapsverknaden av ei bygging. Det bør likevel leggast vekt på å gjennomføre ei ev. utbygging utan store inngrep i høve nær- og fjernverknad i landskapsbildet. Synfaring på området har ikkje avdekt noko som elles kan tyde på at omsynet til naturmangfaldet vert påverka vesentleg verken på negativ eller positiv måte som følgje av søknaden, jf. naturmangfaldlova 8-12. Ut frå innkomne fråsegner og ei fagleg vurdering av kva konsekvensar ei frådeling vil ha i høve spørsmål om arealbruk og tilhøvet til gjeldande arealdel i kommuneplanen, naturmangfald og allmenne interesser m.m., tilseier at ei frådeling til hyttetomter ikkje vil setje omsynet til plangrunnlaget vesentleg til side. Det vil også ligge føre grunnlag for å kunne konkludere med at fordelane er større enn ulempene. Med bakgrunn i dette er vilkåra for å kunne gje dispensasjon oppfylt. Rådmannen finn på denne bakgrunnen å tilrå at det vert gjeve dispensasjon for frådeling av hyttetomt slik den no er omsøkt. Ørsta, 28.11.2012 Eldar Øye leiar plan- og utviklingsstaben Gunnar Wangen avdelingsleiar plan og miljø