Sakshandsamar, innvalstelefon Magnus Johan Steinsvåg, 5557 2325 Vår dato 23.03.2015 Dykkar dato Vår referanse 2010/48811 432.0 Dykkar referanse Sjå adresseliste Melding om oppstart av frivillig skogvern på Skarvatun i Kvinnherad Fylkesmannen i Hordaland melder med dette oppstart av arbeid med frivillig skogvern på Skarvatun ved Ølve i Kvinnherad kommune. Utmarka på Skarvatun husar mange sjeldsynte artar og stor variasjon av naturtypar og vil vere eit godt bidrag i å sikra skog på høg bonitet i låglandet. Totalt utgjer arealet om lag 2000 daa. Bakgrunn Utmarka på Skarvatun vart først vurdert som verneverdig under arbeid med verneplan for edellauvskog i 1980. Noko seinare, i 1992 kom verneplan for kristtorn og barlind, og særleg viktige førekomstar vart registrert. Motstanden mot vernet var då lokalt stor og tilspissa, noko som resulterte i at staten gjekk frå vern av utmarka på Skarvatun. Dei nyare tankane om vern av Skarvatun, har kome til etter initiativ etter grunneigarane sjølve. Grunneigarane tok kontakt med Fylkesmannen 14. mai 2010 for å høyre om kva «bruksrestriksjonar» eksisterande miljøregistreringar gav overfor mogleg utvikling av området. Attendemeldinga frå Fylkesmannen var tydeleg på kva naturkvalitetar som var dokumentert i utmarka, og frivillig skogvern vart presentert som eit alternativ framfor ulike former for utbygging. Resultatet har blitt at grunneigarene har gjort eit sameint framlegg om frivillig vern av delar av utmarka på dei 6 eigedomane. Frivillig skogvern Fram til i dag har det det for det meste blitt gjennomført tematiske verneplanar over store delar av landet. Vernet har i praksis i stor grad vore tvungen, og under verneprosessane har det stundom oppstått konfliktar mellom grunneigarar og vernemynde. I dag og i åra framover er det frivillig skogvern som er den mest aktuelle verneforma. Som ordet seier, er dette eit vern kor staten er heilt avhengig av at grunneigaren sjølv ønskjer dette. I ein slik prosess er det grunneigarane sjølve som styrer løpet, og som sjølve kan takke nei kva tid som helst under arbeidet. Ein kan òg naturlegvis vere med løpet ut, fram til ein ser Statens hus Kaigaten 9, 5020 Bergen Telefon: 55 57 20 00 Telefaks: 55 57 28 51 Miljøvern- og klimaavdelinga Postboks 7310, 5020 Bergen Org.nr: 974760665 E-post: postmottak@fmho.no Internett: www.fylkesmannen.no/hordaland
erstatningstilbodet frå staten, og så takke nei om ein ikkje ønskjer vernet likevel. For staten vil det vere viktig at det er faktiske miljøverdiar innafor det aktuelle området og at erstatningssummen er på nokolunde same nivå som verdiane som skal erstattast. Kvifor vern av skog? Artsdatabanken som er den nasjonale kunnskapsinstitusjonen for naturmangfald, reknar med at om lag 60 % av alle artane på fastlandet i Noreg har skog som levestad. Heile 1 838 artar og omlag 50 % av dei trua og nær trua artane har levestad i skogsmiljø. Såleis er det å sikre verne og sikre levestadane til artsmangfald i skog blant det viktigaste tiltaket vi kan gjere for å ta vare på Hordalandsnaturen for framtida. Naturkvalitetane på Skarvatun Den naturen vi ser i dag på Skarvatun er eit resultat av den lite intensive skogsdrifta og skånsame bruken av utmarka som har føregått i årtider. Noko av skogen er planta til med gran, men storparten av utmarka er berre påverka av plukkhogst. Store deler av skogen er på høg bonitet og vi har neppe så gamal barskog over så store areal andre stader i fylket. Skog på høg bonitet i låglandet er generelt underrepresentert i skogvernet i Noreg, og er derfor høgt prioritert i vernesamanheng. Etter avtale med grunneigarane engasjerte Miljødirektoratet Miljøfaglig Utredning AS til å gjennomføre ei kartlegging av naturverdiane sommaren 2010. Dei konkluderte med at området hadde store naturkvalitetar av nasjonal verneverdi. Under kartlegginga vart det funne 22 kjerneområde for biologisk mangfald. Det er blant anna registrert naturtypar som rik edellauvskog, rikare sumpskog, kalkskog og rike strandberg. Fleire sjeldsynte og raudlista artar er registrert, mellom anna storsalamander, skoghøymol (plante), hovudskoddelav (lavart) og gulflekksmygar (sommarfugl). Det er også rike kulturspor som viser spor etter menneske frå dei fleste tidsaldrar frå steinalderen fram til i dag. Konsekvensar av vernet For å ta vare på dei sårbare og store naturkvalitetane i området er det nødvendig med ei verneform som sikrar leveområda. Det er derfor ønskjeleg å verne om området som naturreservat etter naturmangfaldlova 37. Ei slik verneform vil i utgangspunktet forby aktivitetar og nye anlegg som kan skade verneverdiane i naturreservatet. Vernet vil føre til visse restriksjonar på bruk av området, både når det gjeld hogst og andre inngrep. Grunneigarane vil framleis ha rett til jakt, fiske m.v. og ålmenta generelt for sanking av sopp og bær. Forslag til vernegrense er basert på ønskje frå grunneigarane og dei dokumenterte naturkvalitetane i området. 2
Innspel og vidare framdrift Det er ønskjeleg med innspel på det frivillige skogvernet slik at prosessen og tema kan verta så opplyst som mogleg. Når innspel til denne oppstartsmeldinga er vurdert og utkast til forvaltningsplan er utarbeida, vil Fylkesmannen sende eit meir detaljert forslag til vern på høyring. Vedlagt denne høringa vil også vere framlegg til verneforskrift for området, som til slutt skal vedtakast ved kongeleg resolusjon. Meir informasjon finn du på http://www.fylkesmannen.no/hordaland. Her kan du også sende inn innspel til denne oppstartsmeldinga. Det er også mogleg å sende innspel med brev til Fylkesmannen i Hordaland, Miljøvern- og klimaavdelinga, Postboks 7310, 5020 Bergen, eller per til fmhopostmottak@fylkesmannen.no. Frist for å kome med innspel er 11. mai 2015. I adresselista har vi forsøkt å få med alle dei aktuelle høyringspartane vi veit om. Dersom de veit om fleire partar som de meiner burde ha fått brevet ber vi om tilbakemelding om dette. Med helsing Stein Byrkjeland ass. miljøvernsjef Magnus Johan Steinsvåg seniorrådgjevar Brevet er godkjent elektronisk og har derfor inga underskrift. Vedlegg 1. Adresseliste 2. Skisse til avgrensing 3
Adresse liste Namn Adresse Torill Knudsen Kjul Terrasse 9 A 1480 SLATTUM Inger Norstrand Skarvatunvegen 285 5637 ØLVE Arne Torgersen Davanger 5310 Hauglandshella Inge Torgersen Davanger 5310 Hauglandshella Leif Jarle Torgersen Davanger 5310 Hauglandshella Gunnbjørg Gald Måtrostvegen 4B 2015 Leirsund Anna Skarvatun Ølvesvegen 442 5637 Ølve Lars Skarvatun Skarvatunvegen 273 5637 Ølve Kari Teigen 5454 Sæbøvik Lars Arne Revne Skarvatunvegen 259 5637 Ølve Vestskog BA Kvinnherad kommmune Viken Skog BA Hordaland fylkeskommune Naturvernforbundet Hordaland Samarbeidsrådet for biologisk mangfold (SABIMA ) Hordaland Bonde og småbrukarlag Ølve / Hatlestrand Bondelag Hordaland Bondelag Norsk Botanisk forening Vestlandsavdelinga NJFF Hordaland Bergen og Hordaland Turlag Norsk Organisasjon for Terrengsykling (NOTS) 4
Skisse til vernegrense Det er sannsynleg at grensa kan bli justert noko. 5