Møteinnkalling Utvalg: Møtested: Telefonmøte Dato: 16.05.2017 Tidspunkt: 08:00 Breheimen nasjonalparkstyre Eventuelt fråfall må meldast snarast på tlf. 907 24 490. Vararepresentantar møter etter nærare beskjed.
Saksliste Utvalssaksnr ST 19/17 Innhold Lukket Arkivsaksnr Godkjenning av innkalling og sakliste - val av to medlemmar til å skrive under protokoll saman med styreleiar ST 20/17 Sak - Høydalen landskapsvernområde - Dispensasjon - 2017 - Oppføring av nytt seterhus på torkvesetra, gnr. 155/1/226 i Høydalen - Jomar Torkveen ST 21/17 Sak - Breheimen nasjonalapark - Lågtflyging og landing med helikopter ved Spørteggbu i samband med oppføring av vèrstasjon - Meteorologisk institutt 2003/4333 2016/5673 2017/3188
BREHEIMEN NASJONALPARKSTYRE Sak Arkivsaksnr: 2016/5673-7 Sakshandsamar: Bjørn Dalen Dato: 09.05.2017 Utval Utvalssak Møtedato Breheimen nasjonalparkstyre 20/17 16.05.2017 Sak - Høydalen landskapsvernområde - Dispensasjon - 2017 - Oppføring av nytt seterhus på Torkvesetra, gnr. 155/1/226 i Høydalen - Jomar Torkveen Forvaltar si innstilling: Breheimen nasjonalparkstyre vedtek og gje Jomar Torkveen, Solsidevegen184, 2686 LOM løyve til å føre opp nytt seterhus på tomta til det gamle på oversida av vegen ved Torkvesetra i Nordre Høydalen. Vedtaket er fatta med heimel i verneforskrifta for Høydalen landskapsvernområde, 3 pkt. 1.3, bokstav b. Vedtaket er fatta på følgjande vilkår: Vilkår - Grunnflata skal ikkje overstige 44,15 kvm, utvendig mål. - Takvinkel skal vere 22,5 grader. - Utvendig kledning skal vera i ståande trepanel. - Vindauge skal ha følgjande storleik: Fasade mot sør i soverom og stove: Begge vindauga skal vere i storleik 120cm x 120 cm. Fasade mot aust i stove: 120cm x 120 cm Fasade mot vest i kjøken: 120 cm x 120 cm Fasade mot nord i gang: 55 cm x 50 cm - Det skal leggjast vekt på at bygningen? ikkje skjemmer landskapet. Det skal brukast kledning og tak i materialar og med fargar som harmonerer med seterlandskapet, og unngå blanke flater. - All material som blir til overs og utstyr frå det gamle bygget skal frakast ut av verneområdet etter ferdigstilling av nytt bygg. Dette gjeld ikkje materialrestar av reint tre som kan brukast til ved. - Bygget skal ferdigstillast innan 2018 år. - SNO v/ Øyvind Angard, tlf.91 73 33 65, skal kontrollere bygget etter at det er ferdig. Vi gjer merksam på at søkjar må ha løyve frå grunneigar og kommunen når det gjeld byggjeløyve. Dokument i saka: E-post frå Lom kommune 29.08.2016, vedlagt søknad om tiltak til Lom kommune motteke 11.08.2016, frå Jomar Torkveen, Solsidevegen176, 2686 LOM. Kontaktperson for Jomar Torkveen er Jon Magne Torkveen, Røyskattlie 2, 2686 LOM. Vedlegg: - Utfylt blankett 5174 Søknad om løyve til tiltak.
- Sparebank 1 Forsikring Beskrivelse av skadet bygning. - Handsaming i Lom kommune sak 155/001/226/588 Lom kommune - Løyve til tiltak Løyve til riving av brannrestar etter brann, dagsett 08.07.2016 - Vedlegg B, orientering, dagsett august 2016 frå Jon Magne Torkveen. - Skjema for nabovarsel, dagsett 10.08.2016 frå Jon Magne Torkveen. - Skisse over Torkvesetra i Høydalen med bygningane det gjeld. - Teikning av ny hytte 20.07.2016 v/ Jon Magne Torkveen. - Detaljert skisse av det gamle seterhuset som brann ned v/ Jon Magne Torkveen. - Bilde av det gamle seterhuset. - Orientering om erklæring for ansvarsrett/gjennomføringsplan. Fullmakt dagsett 03.02.2017. Søknad til Breheimen nasjonalparkstyre dagsett 12.09.2016, frå Jon Magne Torkveen, Røyskattlie 2, 2686 LOM, på vegner av Jomar Torkveen, Solsidevegen 176, 2686 LOM. Brev frå Breheimen nasjonalparkstyre v/sekretariatet, nasjonalparkforvaltar Eldrid Nedrelo, dagsett 20.09.2016. Oversendt sak 02.11.2016, sak 42/16 frå Lom fjellstyre i møte den 31.10.2016 - Vurdering av status på seter i Høydalen til Torkveen, gnr. 67, bnr. 1. Oversendt sak 13.03.2017, sak 09/17 frå Lom fjellstyre i møte den 21.02.2017 - Klagesak. Klage på vedtak om frifall etter 22 i fjellova av setra til Torkveen, gnr. 67, bnr. 1, i Høydalen. Oversendt sak 19.04.2017, sak 12/17 frå Lom fjellstyre i møte den 18.04.2017. Søknaden vert vurdert i samsvar med: 1. Forskrift for Høydalen landskapsvernområde, dagsett 7.august 2009. 2. Naturmangfaldlova, dagsett 19, juni 2009 nr.100. 3. Forvaltningsplan for Breheimen nasjonalpark med tilgrensande område, godkjent av nasjonalparkstyret 01.03.2017. Søknaden Bakgrunnen for saka er at vinteren 2015/16 brann det ned to seterhus i Nordre Høydalen, tilhøyrande Jomar Torkveen. Eigaren ønskjer no å byggje opp att eit av husa i same storleik og på same stad. Det blir søkt om å få byggje opp att det eine seterhuset som låg på oversida av Høydalsvegen. Verneforskrift og verneformål og forvaltingsplan Omsynet til verneverdiane i området er vurdert, særleg i forhold til landskap, dyreliv og friluftsliv, jf. verneforskrifta 2 og naturmangfaldlova 1 (Formål), 4 og 5 (forvaltningsmål for naturtypar, økosystem og artar) samt 7(prinsipp for å ta offentleg avgjerd), jf. 8-12 (kunnskapsgrunnlaget og miljørettslege prinsipp). Formålet med Høydalen landskapsvernområde er å ta vare på eit natur- og kulturlandskap med økologisk verdi, kulturell verdi og opplevingsverdi, og som er identitetsskapande. Vidare er føremålet med vernet å: - ta vare på eit verdifullt setermiljø, vegetasjon og kulturminne utgjer ein vesentleg del av landskapet sin eigenart. - ta vare på biologisk mangfald som pregar landskapet. - ta vare på geologiske førekomstar og landskapsformer. - ta vare på vakker og særprega vassdragsnatur. Etter verneforskrift for Breheimen nasjonalpark, er oppføring av varige eller mellombelse bygningar forbode (verneforskrifta 3 pkt 1.1) Forvaltningsstyresmakta kan likevel, etter vurdering, gje løyve til mellom anna gjenoppføring av bygningar, anlegg og innretningar som er gått tapt ved brann eller naturskade.
Forvaltningsmyndet kan gje løyve til bl.a: - gjenoppføring av bygningar, anlegg og innretningar som er gått tapt ved brann eller naturskade. ( 3 pkt. 1,3 bokstav b, i verneforskrifta for Høydalen landskapsvernområde) Vurdering Eigaren av Torkveen gard med seter i Høydalen landskapsvernområde, Jomar Torkveen, har gjeve Jon Magne Torkveen fullmakt, dagsett 03.02.2017, til å stå for oppattføring av nytt seterhus i Høydalen etter att det gamle brann. I den samanhengen dette vere ansvarshavande og med rett til å klage for tiltakshavaren. Branntomta etter bygningen som det er søkt om å få bygge opp att. Garden Torkveen som ligg i nedre Bøverdalen og har seter i Nordre Høydalen. På setra var det eit gamalt tømra seterhus, som stod i vegkanten, og eit nyare bygt på 1951/52 på 35 kvm. som stod på oversida av vegen. Vinteren 2016 brann båe seterhusa ned til grunnen. Brannårsak er ukjent. Flyfoto over seterkvea og bygningane som brann ned i Nordre Høydalen. No vil eigaren, Jomar Torkveen, byggje oppatt seterhuset som stod ovafor Høydalsvegen. Lom fjellstyre fekk søknad om bygging i 2016. Dei handsama fyrst saka med bakgrunn i bruken av setra. Ut ifrå informasjon frå eigar så hadde setra vore bortleigd til andre i 30 år. Etter fjellova fell setrer i det fri etter 20 år når ikkje setereigar har brukt seterkvea. Kvea er framleis bortleigd og det vil bli teke stilling til om den nåverande brukaren av kvea skal få overta ho, eller om ein annan med bruksrett i Leirog Bøverdalen statsallmenning skal få overta ho. Lom fjellstyre har behandla byggjesøknaden og tilrådt overfor Statskog SF at Jomar Torkveen får avgiftsfritt feste med rett til å ha seterhuset ståande, men knytt til garden Torkveen. Dette under føresetnad av at det blir gjeve løyve til å bygge nytt seterhus. Det er søkt Lom kommune om byggjeløyve.
Jon Magne Torkveen, som står for det praktiske når det gjeld bygging av nytt seterhus har teikna skisse av både det gamle seterhuset og teikning av det nye. Grunnriss av det gamle seterhuset ovafor Høydalsvegen. Bilde av det gamle seterhuset som det er søkt om å erstatte.
Grunnriss av nytt seterhus Fasade nytt seterhus.
I forvaltningsplan for Breheimen nasjonalpark med tilgrensande verneområder heiter det: Retningsliner for forvaltning og bruk: Gjenoppføring av bygningar Etter søknad kan det gjevast løyve til gjenoppføring av bygningar som er øydelagde etter brann eller naturskade. Ny bygning skal i utgangspunktet vere lik den gamle med omsyn til areal og storleik. Nasjonalparkstyret kan stille vilkår om utforming, plassering, funksjon osv. Så lenge det gjeld gjenoppføring av identisk bygning på same stad (tomt) vil vanleg praksis vere å gje løyve til slike tiltak. Ved handsaming av slike søknader skal det t.d. gjerast ei vurdering kva funksjon bygningen har på staden eller i miljøet. I særskilte høve, og i samråd med søkjar, kan endra plassering og/eller utforming av bygningen vurderast dersom omsynet til verneverdiane tilseier det. Hovudregelen er likevel at bygningen skal stå på den opphavlege staden. Sjå også kommentarar til byggeskikk innleiingsvis i kap. 3.5 under «retningsliner for forvaltning og bruk» og kap. 3.5.2 om «Ombygging, mindre utviding av, og tilbygg til bygningar» ovanfor. Som det framgår av forvaltningsplanen når det gjeld oppattføring av identisk bygning på same stad(tomt) vil vanleg praksis vere å gje løyve til slike tiltak om eigar ønskjer det. Ein må likevel vurdere kva praktisk funksjon bygningen har på staden og korleis den fell inn i setermiljøet. Nasjonalparkstyret skal ta omsyn til det verdifulle setermiljøet og landskapet sin karakter og eigenart i ei slik sak. Den er ikkje til sjenanse for andre og hindrar ikkje bruken av området. Det er ikkje avdekt at den på nokon måte påverkar naturmiljøet negativt i området. Fjellova er innretta mykje etter «tid og tilhøve» for å kunne møte strukturendringane i landbruket. Slik er det også i denne saka. Når ein gard ikkje lenger brukar seterkvea og ho fell i det fri, eller blir bortleigd til andre, så vil ein gjerne behalde setra/seterstulen med bygningar i kulturlandskapet. Slik er det også i denne saka sjølv om det her må byggast nytt, så går ein annan bygning tapt. Det nye seterhuset det er søkt om er det teikna nesten heilt identisk med det gamle som brann. Bygningen som brann har fungert meir eller mindre som hytte etter at setra vart leigd bort. Same funksjon vil eit nytt seterhus få. Det vil likevel vera urimeleg å ikkje gje løyve til oppattbygging sidan det stod ein nesten identisk bygning der på vernetidspunktet. Det gamle huset var: Hytte :37,3 kvm Tilbygg : 6.15 kvm Totalareal :43,45 kvm Det nye etter teikning: Hytte :38,0 kvm Tilbygg : 6.15 kvm Totalareal :44,15 kvm I den nye bygningen er det teke omsyn til 5 cm tjukkare vegg for isolasjon enn i den gamle bygningen. Bygningen ligg sterkt eksponert mot sør, mot Høydalsvegen, seterkveene og Høydalsvatnet. Det er viktig at bygningen fell godt inn i landskapet. Derfor må det nyttast materialar og fargar som gjer at bygningen harmonerer med omgjevnadane. Dette gjeld ikkje minst vindauge. Vindauga som vender mot sør og dalen er på teikninga 120 cm x 120 cm og eit på 1,40 cm x 140 cm. Estetisk vil det minste, og to like store vindauge vere det beste her. Søknaden må også vurderast etter prinsippa i naturmangfaldlova 8 12. jf. 7: 8 Kunnskapsgrunnlaget - er godt dokumentert. Det er god oversikt over kva som kan påverke natur og miljø i området, gjennom kartlegging og registreringar gjort i samband med verneplanprosessen. Det går bilveg fram til byggeplassen som gjer transporten lettvindt. 10 Økosystem belastning tiltaket vil ikkje påverke miljøet i særleg negativ retning ut ifrå erfaring med tidlegare bygningen. 11 Dekning av kostnader ved miljøskade det er lite sannsynleg at det vil oppstå skade på natur og miljø og det blir
lagt vekt på å sette vilkår som regulerer verksemda for å unngå skade. 9 Føre-var-prinsippet- er ikkje relevant i denne samanhengen. 12 Miljøforsvarlege teknikkar og driftsmetodar ein viser til vilkåra som er sett. Konklusjon Ut ifrå ei samla vurdering meiner nasjonalparkforvaltaren at tiltaket kan gjennomførast med dei vilkår som er gjevne i saka.
BREHEIMEN NASJONALPARKSTYRE Sak Arkivsaksnr: 2017/3188-2 Sakshandsamar: Eldrid Nedrelo Dato: 10.05.2017 Utval Utvalssak Møtedato Breheimen nasjonalparkstyre 21/17 16.05.2017 Sak - Breheimen nasjonalpark - Lågtflyging og landing med helikopter ved Spørteggbu i samband med oppføring av vèrstasjon - Meteorologisk institutt Forvaltar si innstilling Med heimel i verneforskrifta for Breheimen nasjonalpark 4 fyrste alternativ, jf. naturmangfaldlova 48 fyrste ledd, fyrste alternativ, gjev Breheimen nasjonalparkstyre Meteorologisk institutt v/entreprenør Scanmatic løyve til flyging og landing med helikopter til Spørteggbu for frakt av materialar, utstyr og personell frå og med 19. mai til og med 2. juni 2017. Vedtaket er gjeve på følgjande vilkår: Løyvet gjeld til sama 5 turar-returar i løpet av to dagar i perioden 19. mai til og med 2. juni 2017. Løyvet gjeld ikkje søndagar og andre heilagdagar. Omfanget av motorferdsel skal avgrensast til det som er strengt naudsynt for å gjennomføre arbeidet, og ein skal nytte kortaste veg frå start til landing. SNO skal varslast seinast dagen før flyging, og vil evt. gi melding om det må takast særlege omsyn i området. Kontaktperson er Liv Byrkjeland, tlf: 992 67 670. Løyvet til motorferdsel og køyrebok skal takast med ved flyging og visast ved kontroll. Det skal takast særleg omsyn til dyreliv og annan ferdsel i området. Kortfatta rapport om helikoptertransporten med opplysningar om dato for flyging, tal turar og formål skal sendast Breheimen nasjonalparkstyre etter at tiltaket er gjennomført, innan 1. august 2017. Søkjar må ha løyve etter motorferdsellova frå Luster kommune og frå grunneigar.
Dokument i saka: Søknad frå Scanmatic Elektro AS på vegner av Meteorologisk institutt, datert 09.05.217, om bruk av helikopter for frakt av materiale, verktøy og personell til Spørteggbu for å ferdigstille jobben med oppføring av ein vèrstasjon. Dispensasjon til oppsetting av enkel vèrstasjon ved Spørteggbu i Breheimen nasjonalpark, sak 27/16, handsama av nasjonalparkstyret den 28.11.2016. Byggesak Breheimen nasjonalparkstyre, sak 34/16, 25.10.2017. Telefonsamtale med Scanmatic v/øyvind Johansen den 10.05.2017 for informasjon om flyging. Søknaden Scanmatic Elektro AS søkjer på vegner av Meteorologisk institutt om løyve til frakt av materiell, utstyr og arbeidsfolk med helikopter til Spørteggbu for montering av ein enkel vèrstasjon på staden. Breheimen nasjonalparkstyre har tidlegare gitt løyve til oppføring av sjølve vèrstasjonen, handsama i sak 27/16 den 28.11.2017. Det er firmaet Scanmatic som er entreprenør og står for monteringa, og Airlift står for transporten. Av e-post motteken 09.05.17 er det opplyst om at det er behov for tre turar-returar fredag 19. mai 2017 og to turar-returar laurdag 20. mai 2017. Ein avhengig av greie flyforhold for gjennomføring av transporten, og i telefonsamtale den 10.05.17 vert det opplyst om at ein i tilfelle dårleg vèr tek sikte på å gjennomføre arbeidet veke 21 eller 22. Flyginga vil skje frå Gjerde i Jostedalen. Bakgrunn Vèrstasjonen skal byggast heilt inntil Spørteggbu. Byggjeløyve er gitt av nasjonalparkstyret. Spørteggbu (Hytta på Mannen) vart reist hausten 1985, og ligg på 1550- meters høgde på fjellplatået ved Spørteggbreen like innanfor nasjonalparken, aust for Vanndalen i Jostedalen. Etter vurdering kom Breheimen nasjonalparkstyre fram til at vèrstasjonen (ei enkel mast med tilhøyrande utstyr) kunne monterast inntil eksisterande bu. Spørteggbu er ei opa bu, tilgjengeleg for ålmenta. Søknaden er vurdert i samsvar med: Forskrift om verneplan for Breheimen. Vedlegg 1. Breheimen nasjonalpark, av 7. august 2009. Naturmangfaldlova av 19. juni 2009 nr. 100. Forvaltningsplan for Breheimen nasjonalpark, Strynefjellet-, Mysubytta-, Høydalen-, Vigdalen- og Mørkridsdalen landskapsvernområde, og Høyrokampen naturreservat. Verneforskrift og verneformål Omsynet til verneverdiane i området er vurdert, særleg i forhold til landskap, dyreliv og friluftsliv, jf. verneforskrifta 2 og naturmangfaldlova 1(Formål), 4 og 5 (forvaltningsmål for naturtypar, økosystem og artar), samt 7 (prinsipp for å ta offentleg avgjerd), jf. 8-12 (kunnskapsgrunnlaget og miljørettslege prinsipp). Hovudformålet med Breheimen nasjonalpark er å ta vare på eit stort, samanhengande og villmarksprega naturområde som inneheld særeigne, representative økosystem og landskap utan tyngre inngrep. Vidare er formålet m.a. å ta vare på eit høgfjellsøkosystem med eit eigenarta og variert biologisk mangfald, ta vare på leveområde til villreinstammen i Reinheimen-Breheimen villreinområde, og ta vare på kulturminne. Etter verneforskrift for Breheimen nasjonalpark, er motorferdsel på land, på vatn og i lufta under 300 m frå bakken forbode (verneforskriftene 3 pkt. 6.1), med unntak gjeve i pkt. 6.2 og 6.3. Tiltaket vil omfatte motorferdsel i nasjonalparken. Det er ikkje nokon spesifisert dispensasjonsheimel for frakt av materiell, utstyr og personar i samband med etablering av master for vèrstasjonar. Søknaden må difor vurderast etter den generelle dispensasjonsheimelen i verneforskrifta, 4, jf. naturmangfaldlova 48: Forvaltningsstyresmakta kan gjere unntak frå forskrifta dersom det ikkje strir mot føremålet med vernevedtaket og ikkje kan påverka verneverdiane nemneverdig, eller dersom omsynet til
tryggleik eller omsynet til vesentlege samfunnsinteresser gjer det naudsynt, jf. naturmangfaldlova 48 første ledd. I Forvaltningsplan for verneområda i Breheimen er det m.a. gitt følgjande generelle retningsliner for forvaltning og bruk i kap. 3.9 om motorferdsel, og som er relevante i dette tilfellet: Retningsliner for forvaltning og bruk Bruk av motorisert ferdsel bør haldast på eit minimum av omsyn til både verneverdiar og anna ferdsel i området. Eventuelt løyve til motorisert ferdsel skal ta sikte på å ivareta dei heilt grunnleggjande nyttebehova i samband med jordbruksdrift, tamreindrift, frakt av naudsynte materialar, ved, varer og utstyr til hytter og stølshus, samt i samband med vedlikehald og byggearbeid på bygningar og andre installasjonar. Det vert ikkje gitt løyve til rein persontransport. Luftfartøy Bruk av helikopter vil vere meir formålstenleg og meir miljøvenleg enn snøskuter i ein del tilfelle. Vurderinga om kva for framkomstmiddel som er best, må vurderast frå gong til gong. Dersom det er mogleg bør flyging samordnast for fleire brukarar så langt det let seg gjere. Aktuelle vilkår ved løyve for bruk av motorkøyretøy Ved løyve om bruk av motoriserte køyretøy skal det vere maksimal utnytting av lastekapasitet for å redusere talet på turar, og det skal gjerast ei nøktern vurdering av behovet for motortransport. Det vil det bli sett vilkår om tal turar, køyretrasé og tidspunkt når det er relevant. Søkjar skal melde frå pr. telefon/sms til Statens naturoppsyn om køyring seinast dagen før køyringa finn stad. Køyreskjema med dato og rute skal fyllast ut på førehand og takast med under transporten. Etter naturmangfaldlova 7 skal prinsippa i 8 12 leggjast til grunn ved utøving av offentleg mynde, og det skal koma fram av vedtaket korleis prinsippa er vurdert. Vurdering Breheimen nasjonalparkstyre gav i sak 34/16 Meteorologisk institutt løyve til oppføring av ein enkel vèrstasjon like ved Spørteggbu (Hytta på Mannen) i Breheimen nasjonalpark. Spørteggbu, ligg på 1550-meters høgde på fjellplatået ved Spørteggbreen like innanfor nasjonalparken, aust for Vanndalen i Jostedalen. Masta skal monterast inntil eksisterande bu. Transporten må vurderast etter verneforskrifta for Breheimen nasjonalpark 4 fyrste alternativ. Regelen opnar for at det kan gjevast dispensasjon dersom tiltaket ikkje strid mot verneformålet og det ikkje påverkar verneverdiane nemneverdig. I dette tilfellet er det behov for til saman fem turar-returar med lågtflyging og landing med helikopter i løpet av to dagar for frakt av materialar, utstyr og personell for å få sett opp vèrstasjonen. Transporten er av forbigåande karakter og løyveperioden er avgrensa. Flyginga skjer med utgangspunkt frå Gjerde i Jostedalen. Kunnskapsgrunnlaget er godt dokumentert gjennom verneplan for Breheimen med kartleggingar og konsekvensutgreiing og etter nær 8 års forvaltningspraksis. Det føreligg såleis god oversikt over kva som påverke natur- og kulturmiljøet i området, jf. naturmangfaldlova 8. Med unntak av Spørteggbu, er det ikkje andre inngrep innanfor nasjonalparken i det aktuelle området.
Fråvær av motorferdsel og motorstøy er ein viktig kvalitet i utmark generelt, og stort omfang av motorferdsel vil kunne vere uheldig for både fugle- og dyrelivet og kan i tillegg påverke naturopplevinga i verneområdet. Det er difor eit mål å minimere motorferdsel i nasjonalparken og å avgrense motorferdsel til berre det mest naudsynte. Området ligg innanfor beiteområde for villrein i Reinheimen-Breheimen villreinområde. Normalt er det ikkje villrein i dette området. Med innflyging frå Vanndalen i vest kan ein difor ikkje sjå at flyginga vil forstyrre villrein i nasjonalparken. Det er ikkje registrert andre verdifulle naturtypar eller artar, ansvarsartar eller raudlisteartar eller kulturminne i området (jf. Naturbase og Artskart). Ein kan såleis ikkje sjå at helikopterflyginga og landing med helikopter vil påverke særeigne eller representative økosystem i området eller kulturminne. Flyginga vil likevel kunne forstyrre friluftslivet i området. Vanndalen er eit mykje nytta utgangspunkt for toppturar til Vangsen og Spørteggbu vinterstid, og dette er såleis eit viktig område for friluftsliv. Bruk av helikopter er effektivt og vil likevel vere den beste løysinga i dette tilfellet og flyginga føregår i ein avgrensa periode på to dagar. Ein konstaterer at tiltaket ikkje vil føre til inngrep i landskapet av nokon art. Etter ei konkret vurdering meiner ein at det føreligg tilstrekkeleg kunnskap om naturmangfaldet og kva effektar tiltaket vil ha på dette mangfaldet. Føre-var-prinsippet får difor lita vekt i saka, jf. naturmangfaldlova 9. Det er lite truleg at bruk av helikopter i dette tilfellet vil medføre presedens i liknande tilfelle i framtida. Søkjar har søkt å finne alternative plasseringar av vèrstasjonen utanfor nasjonalparken før dei fann at ei lokalisering tett ved Spørteggbu var best eigna. I Jostedalen er det verneområde på begge dalsider i retning aust-vest, og det er ikkje så lett å finne ei god plassering som tilfredsstiller krava til gode målingar utanfor nasjonalparken. Samstundes er det svært bratt og ulendt terreng opp til Spørteggbu, og bruk av andre transportmiddel for sjølve oppføringa av masta er lite aktuelt. Trass i at liknande tiltak kan vere aktuelle i andre verneområde, meiner likevel etter ei totalvurdering, at dette er eit heilt spesielt tilfelle då det ikkje finst andre og betre eigna lokaliseringar utanfor nasjonalparkgrensa i Jostedalen. Ein meiner difor det er lite truleg at det vil oppstå andre tilfelle av same art og at bruken av helikopter for oppsetting av vèrstasjonen her vil skape presedens i andre liknande saker. Sjølv om tiltaket isolert sett i liten grad vil påverke natur- og kulturlandskapet, må den einskilde søknaden vurderast etter prinsippet om samla belastning, jf. naturmangfaldlova 10. Ved vurdering av samla belastning må alle verneområda i Breheimen sjåast i samanheng. Eksisterande påverknad i desse områda består i hovudsak av bygningar, beiting, utøving av tradisjonelt og enkelt friluftsliv, jakt og fiske. Ein er ikkje kjend med andre tilsvarande saker innanfor verneområda i Breheimen, og kan ikkje sjå at aktiviteten vil føre til auka motorferdsel i områda. Med dei vilkåra som er sette meiner ein at den samla belastninga av motorferdsla Meteorologisk institutt søkjer om, og mogleg framtidig aktivitet i nasjonalparken vil vere akseptabel. Det er ikkje aktuelt å stille fordyrande vilkår. Spørteggbu, ligg på 1550- meters høgde, det er bratt terreng opp til hytta, og langt frå veg. Det er lite tenleg å nytte anna form for motorferdsel. Naturmangfaldlova 11 og 12 vert difor ikkje vurdert nærare. Etter dette meiner nasjonalparkforvaltaren at tiltaket isolert sett ikkje strir mot formålet med vernet og det første vilkåret i 4, jf. naturmangfaldlova 48 første ledd er oppfylt. Det andre vilkåret som må vere oppfylt etter 4 i verneforskrifta, jf. naturmangfaldlova 48 første ledd første alternativ, er at tiltaket «ikkje kan påverke verneverdiane nemneverdig». Verneverdiane er i følgje verneforskrifta 2 å ta vare på eit stort, samanhengande og villmarksprega naturområde som inneheld særeigne, representative økosystem og landskap som er utan tyngre inngrep. Vidare er formålet m.a. å ta vare på eit høgfjellsøkosystem med eit eigenarta og variert biologisk mangfald, ta vare på leveområde til villreinstammen i Reinheimen-Breheimen villreinområde, og ta vare på kulturminne. Som det går fram av vurderinga av 8 ovanfor, vil det aktuelle tiltaket stort sett ikkje påverke naturverdiar, økosystem, landskap, biologisk mangfald, villrein eller kulturminne nemneverdig. Ein meiner
difor at det andre vilkåret i 4, jf. naturmangfaldlova 48 første ledd, første alternativ, er oppfylt. At vilkåra er oppfylt gir likevel ikkje søkjar krav på løyve. Det må gjerast ei konkret vurdering om det skal gjevast løyve, der ein vurderer fordelar og ulemper ved løyve. Bruk av helikopter er naudsynt for å kunne montere vèrstasjonen like ved Spørteggbu. Nasjonalparkstyret har tidlegare gitt løyve til sjølve byggetiltaket. Tiltaket har eit avgrensa omfang i tid og rom, og det er lagt vekt på at flyginga ikkje inneber vedvarande forstyrring eller varig inngrep, men at aktiviteten er av forbigåande karakter og vil skje i løpet av to dagar til saman. Ein viser elles til løyvet om oppføring av vèrstasjonen når det gjeld behovet. I det nemnde løyvet har nasjonalparkstyret m.a. lagt vekt på at det ikkje finst andre og betre eigna lokaliseringar av vèrstasjonen utanfor nasjonalparkgrensa i Jostedalen. Ut ifrå ei samla vurdering med særleg vekt på at bruk av helikopter ikkje vil kome i strid med verneformålet eller verneverdiane, og med dei gitte vilkåra, meiner ein at til taket kan gjennomførast på visse vilkår med heimel i verneforskrifta 4 første alternativ, jf. naturmangfaldlova 48 første ledd første alternativ.