Meldingsblad for Hordaland fylkesbibliotek Årgang: 33 Nr. 1 2004 ISSN 1502-3273 http://www.hordaland.no/fylkesbibl/emne-ord/ Bibliotekleiarmøte på Voss 3. - 4. juni 2004 Fylkesbiblioteket inviterer til bibliotekleiarmøte 3. og 4. juni på Fleichers`s Hotell, Voss. Torsdag 3. juni er hovudtemaet Korleis tenne leselysta hos ungdom? ved Ann Stefi Teigland. Ho er litteraturvitar og har arbeidd med lesestimulering for barn og unge i mange år. No er ho leiar for juryen som delar ut Kultur- og kyrkjedepartementet sine prisar for barne- og ungdomslitteratur. Fredag 4. juni får vi besøk av Kristine Abelsnes frå ABM-Utvikling som vil orientere om opphavsrett og digitale tenester. Ho vil også innleie til diskusjon om kva etableringa av Norsk digitalt bibliotek vil bety for små og mellomstore bibliotek. Andre tema på møtet er m.a. utviklingstrendar og statistikk for 2003 og IFLA 2005 i Oslo. Heile programmet og påmelding finn du her: http://www.hordaland.no/fylkesbibl/voss04.htm ABM-U midlar til bibliotek i Hordaland tildeling mars 2004 Hordaland fylkesbibliotek fekk kr. 350.000,- til konferansen Ny teknologi i nye sosiale rom i Bergen 10. 12. november 2004. Konferansen blir arrangert i samarbeid med mellom anna Biblioteket ved Sjøkrigsskolen, Universitetet i Bergen og Mediesenteret ved Høgskolen i Bergen. Osterøy folkeboksamling, Fjell folkeboksamling, Lindås folkeboksamling og Meland bibliotek fekk kr. 405.000,- for framhald i prosjekt "Les for livet!" Hordaland fylkeskommune, prosjekt Eldreveven/Eldrepedagogikk fekk kr. 100.000,-. Sjå lista over alle prosjekta i Hordaland som fekk midlar: http://hordaland.kulturnett.no/nyheter/abm_u_mars04.htm Sjå oversikt over heile tildelinga her: http://www.abm-utvikling.no/ Modellbiblioteket på Os vidaregåande skule blei offisielt opna 24. februar. Biblioteket er rusta opp med ny innreiing, moderne PC-bord og MM2. Det er mange spennande tiltak i prosjektet. Mellom anna skal ein prøve ut brukaropplæring for lærarane i Internettsøking og metodar for evaluering av kjelde-bruk knytt til elevane sine arbeidsoppgåver. Prosjektet held fram ut juni 2006. Prosjektskissa finn du her: http://www.hordaland.no/fylkesbibl/prosjektskisse.dot Strategisk handlingsplan for utvikling av biblioteka i vidaregåande skular i Hordaland løypemelding Høyringsforslag blei lagt fram og drøfta på eit høyringsmøte 24. februar. Planen vart samrøystes vedteken i Opplærings- og helseutvalet 30. mars. Planen foreslår fem strategiar og 13 tiltak, og femner om sentrale tenester, opptrapping av skulebibliotekarressursen og modellar for samarbeid mellom skule- og folkebibliotek. Saka finn du på fylkeskommunen si heimeside: http://www.hordaland.no Plandokumentet finn du her: http://www.hordaland.no/fylkesbibl/vgsferdigplan.pdf Krassi Rynning er bibliotekar ved modellbiblioteket på Os v.g.s
Årsmelding / Statistikk Årsmelding for fylkesbiblioteket 2003 finn du her:http://www.hordaland.no/fylkesbibl/statistikk/ Statistikk blir publisert på denne sida i løpet av mai. Gi rom for lesing - inspirasjonskonferanse I samband med den femårige planen Gi rom for lesing, vart det halde ein inspirasjonskonferanse 16. og 17. mars på Quality Edvard Grieg hotell, Sandsli. Dette var eitt av fem regionale møte her i landet om dette temaet. Dei fleste av dei 270 deltakarane kom frå skule og bibliotek i Rogaland, Hordaland og Sogn og Fjordane. Innhaldet var både informasjon om ny leseforsking og døme på prosjekt for litteraturformidling i skule og bibliotek. Formålet med konferansen var å gi kunnskap og idear til vidare arbeid som kan skape leselyst hjå barn og unge. Opplevingar under dei to dagane, og tilbakemeldingar frå andre deltakarar, viser at innleiarane langt på veg klarte denne oppgåva. Konferansen vart arrangert av Lesesenteret i Stavanger, saman med utdanningsavdelingane hjå fylkesmennene og fylkesbiblioteka i regionen. Vegen til ABM-kjeldene er eit prosjekt om arkiv, bibliotek og museum og har denne adressa: http://abm.ivest.no. Kulturnett Hordaland fekk utviklingsmidlar (kr 250.000,- ) over to år frå Norges forskningsråd/ HØYKOM. Kultur- og idrettsavdelinga, fylkesarkivet og fylkesbiblioteket har og vore bidragsytarar til prosjektet. Første delen er no ferdig. Her er den raude tråden at tre elevar frå vidaregåande skule skal finne svaret på ei oppgåve i samfunnsfag: streik lockout samarbeid. Dei går først innom biblioteket, deretter til museet og til slutt til arkivet. Vandringa deira og kva dei finn på vegen er blitt til ein film. Filmen er sett inn i ei ramme: ein nettstad med supplerande tekst og bilete. Neste fase blir å prøve ut denne måten å formidle litt vanskeleg stoff på. Vi vonar at somme av dei vidaregåande skulane i Hordaland har lyst til å vere med på det. Denne evalueringa vil skje i haust, og prosjektet skal vere endeleg ferdig ved slutten av året 2004. Utgangspunktet/emnet er altså ei oppgåve i vidaregåande skule, men vi vonar likevel at dette kan vere stoff som dei fleste kan ha nytte av. Synnøve Gjermundnes, Kulturnett Hordaland Bokbussen i Vaksdal i drift att frå midt i januar Vaksdal kommune har fått bokbusstilbod to dagar i månaden. Dei leiger den nyopppussa bussen til Lindås kommune. Bokbussen er spesiellt innreia med tanke på litteraturformidling til barn og unge. Sjå meir på Lindås folkeboksamling si heimeside: http://lindas.bibliotekivest.no/musikk.htm Kr. 0,- i bokbudsjett i Sund kommune. I Sund kommune er det gjort politisk vedtak om at folkebiblioteket skal ha kr. 0,- i bokbudsjett for 2004. Dette får dramatiske konsekvenser for biblioteket, som ikkje har midlar til å kjøpe ei einaste ny bok i år. ABMutvikling meiner vedtaket er i strid med 1 i Lov om folkebibliotek, og har sendt brev om dette til kommuneleiinga. Les pressemeldinga frå NBF avd. Hordaland: http://nbf.bibliotekivest.no/pressemldsund.pdf Redusert bibliotekdrift i Austevoll I Austevoll kommune vedtok kommunestyret 30. mars at kommunen berre skal ha eitt bibliotek. Biblioteket skal lokaliserast i Bekkjarvik torg, der kommunen har tilbod om gratis leige i 10 år. Austevoll kommune har per i dag hovudbibliotek på Storebø, og filialar i Bekkjarvik og Torangsvåg. http://www.austevoll.kommune.no/
Bibliotekplan i Kvam Ei arbeidsgruppe har i om lag eitt år arbeidd med plan for bibliotektenesta i Kvam herad. Fylkesbiblioteket v/ Eli Lothe har vore med i arbeidet med planen. Bibliotekplan for Kvam for 2004-2007 skal opp.til handsaming i heradsstyret i mai. Sjå heimesida til Kvam herad: http://www.kvam.kommune.no/ Biblioteksamarbeid Folkebiblioteka i Fitjar og Stord held fram det tette samarbeidet. Biblioteka har gått inn på ei ny samarbeidsavtale for 2004. Eit eige prosjekt blir samarbeid om lokalhistorisk samling, der biblioteka saman skal profilere og markedsføre dei lokalhistoriske samlingane sine. Samarbeidet mellom folkebiblioteka i Granvin og Ulvik har enno ikkje fått formelt vedtak. Saka skal opp i heradstyra i midten av mai. Eit vedtak vil opne for at Granvin folkebibliotek kan kjøpa inn Mikromarc 2 og at biblioteka kan gå inn i eit teknisk samarbeid med felles søk og/ eller felles katalog. Granvin folkebibliotek har fått to nye datamaskiner og er no kopla til det kommunale nettverket. Samarbeidet mellom biblioteka i Fjell, Sund og Øygarden har no som mål å få til ein felles nettstad for biblioteka. Nettstaden skal ha inngang til søk i katalogane for dei tre biblioteka. Det vert ikkje aktuelt å få felles søk for biblioteka med det første, grunna den økonomiske situasjonen ved Sund folkebibliotek. Hordaland fylkesbibliotek: Eli Lothe har slutta og frå april 2004 gått over i stilling som spesialkonsulent ved Informasjonstenesta i Hordaland fylkeskommune. Gerd Nordrik gjekk av med pensjon 30. april 2004. Elen Søreide går av med pensjon 15. juni 2004. Lena Jensen har fått stipend frå NBF for å delta på IFLA-konferansen i Buenos Aires 2004. Ved Radøy folkeboksamling er Silje Namtvedt tilsett som biblioteksjef i vikariat for Mona Steiner Brekkan, fram til august 2004. Elin Huseby, Bergen off. bibliotek, Bente Dammen, Osterøy folkeboksamling og Marit Gro Berge, Lindås folkeboksamling har fått stipendmidlar for 2004 frå Biblioteksentralen AL. Les heile tildelinga av stipendmidlar her: http://www.bibsent.no/stipend/stipendtildeling2004.shtml Trude Bendiksen, Fjell folkeboksamling og Siv Røyneland, Kvam folkeboksamling, fekk stipendmidlar frå Biblioteksentralen AL til å reise på studietur til London og biblioteket Idea Store og Norwich, Millenniumbiblioteket i 2003. Her finn du rapporten deira frå turen: http://www.bibsent.no/stipend/stipendrapport2_2003.doc Nytt frå BF-Hordaland fylkeslag Årsmøtet 2004 blei avvikla på Bergen off. bibliotek 10. mars med 17 deltakarar til stades. Det nye styret er samansett av: Siri Sjursen, Hordaland fylkesbibliotek, leiar Hanne Fosheim, Nasjonalt formidlingssenter i geriatri, styremedlem Aslaug Holmås, Lindås folkebibliotek, styremedlem Trine Rosland, Os folkebibliotek, vara Trude Færevåg Wasch, BOB, Loddefjord filial, vara Lise Haaland, BOB, Lokalhistorisk avd., revisor Styret har ikkje konstituert seg enno. Valkomité: Karen Marie Loge, BOB, Galleriet Eli Lothe, Hordaland fylkeskommune Janne Strand, BOB, Hovedutlånet Nytt frå NBF avd. Hordaland Årsmøtet 2004 blei avvikla 8. mars på Hordaland fylkesbibliotek. På møtet vart det attval av det gamle styret: Inga Jorunn Nåmdal, Mona Steiner Brekkan, Lena Jensen, Bente Solheim og Eli Lothe. Styret konstituerer seg seinare. Varamedlemer: Bente Dammen og Vibecke Svendsen. Revisorar: Inger Jåstad og Aslaug Høyland Holmås. Valnemnd: Marit Gro Berge, Siri Jordal og Helga Bjørg Hanssen. Sjå heimesida: http://nbf.bibliotekivest.no/
Verdas bokdag 23 april Til verdas bokdag 23. april fekk 6. og 7. klassingane i landet kvar si bok! Opplegget blir finansiert gjennom "Gi rom for lesing", og er eit samarbeid mellom Læringssenteret og bokhandlarane. Elevane kunne velje frå ei liste med seks bøker, og dette var eit godt høve for folkebiblioteka til å marknadsføre desse og andre bøker for aldersgruppa. Informasjon: http://www.ls.no/artikler/?id=21962 Boklista ligg her: http://www.ls.no/dav/1033eb9934.doc Meir om bokdagen finst mellom anna på http://www.verdensbokdag.no/ Lesehulen 28. april lanserte Deichmanske bibliotek Lesehulen, ein nettstad for barn om barnelitteratur. Gjennom lyd og bilde blir barna introdusert for små historier henta frå bøkene si verd, og med desse håpar ein dei skal få lyst til å løpe til bokhyllene for å lese vidare. Målgruppa er barn frå 8 til 12 år. Lesehulen tek utgangspunkt i bøker av nolevande norske forfattarar. Å krype inn i Lesehulen skal vere ei oppleving som gjev ny kunnskap og innsikt! Prosjektkoordinator er Anitra Figenschou ved Deichmanske bibliotek og nettstaden er utvikla i samarbeid med mellom anna Mediesenteret ved Høgskolen i Bergen. Gå inn i hula her: http://www.lesehulen.no/ Meir om prosjektet finn du her: http://nyhuus.deich.folkebibl.no/deichman/prosjekter/lesehulen/ 30. april blei Gerd Nordrik pensjonist. I ei tilstelling på Terminus Hotell 22. april takka kollegaer for laget og det gode samarbeidet gjennom mange år med talar, gåver og blomar. Gerd har vore tilsett på fylkesbiblioteket sidan 1986. Ho blir sytti år i juli og er ei svært engasjert og skrivefør dame som vi ikkje trur vil ha problem med å fylle tida si framover. Ho oppsummerte og takka på sin måte, og imponerte gjestene stort med framføringa av ein tale på verseføter. Over: Gerd framfører talen sin som vi ikkje kjem til å gløyme. Elen Søreide til høyre fylgjer etter som pensjonist 15. juni i år. Til høyre: Gerd og Elen i kjend stil ved kopimaskinen på fylkesbiblioteket. No må vi snart skifte tonar og denslags på eiga hand, og vil ikkje høyre og sjå dei i muntert samarbeid lenger SNUFS!!!"##$ %%&&&!!%'"% "()# * ++ *," %%&&&!!%'"%,% -!")!$.//01#!0 12 23