LANGBAKKSETRA I SUNNDAL

Transkript

1 Side 1 LANGBAKKSETRA I SUNNDAL Skjøtsel 2013 Rapporten er skriven av Øystein Folden.

2 Side 2 Slått blei gjennomført 5. til 8. september Slåtten blir utført av Naturvernforbundet på oppdrag frå Verneområdestyret for Trollheimen, og etter avtale med grunneigar Ingebrikt Vollan. Det blei i 2012 gjort ei vurdering av korleis ein kan skjøtte det ein kan kalle innmarka på Langbakksetra. (Folden, Ø. & Oldervik, F.G Tilleggsundersøkingar av biologisk mangfald av ein del utvalde seterlokalitetar innan Trollheimen verneområde. Bioreg AS rapport 2012 : 40. ISBN; ) Denne ligg no til grunn for skjøtselen. Oversynet nedanfor er frå nemnte rapport: Areal A er prega av mykje sølvbunke. Areal B, øvre del har eit stort innslag av bjørke-renningar, og er elles ein del attgrodd. Areal C er den delen av vollen som ser best ut med omsyn til å kunne ta vare på attverande biologisk mangfald. Arealet på oversida og aust for bygningane er i delvis attgroing. (Frå GisLink). Beitetilstand og vertilhøve Sommaren 2013 har det beita sau på Langbakksetra. Særleg areal A i figuren ovafor var ganske godt beita, slik at det sto igjen sølvbunketuvar, men graset i mellom var avbeita. Det var også flekkar på areal C som var beita ein del. Slåtten var sein og i ein periode utan doggfall. Graset var omtrent tørka etter eit døgn. Elles var marka tørr, og kjelda aust på område C var nesten heilt tørr. Det blei elles registrert isbrannskade i nedkant av kjelda.

3 Side 3 Figur 1: Slått areal er markert med gult. Biletet er tatt frå Vollasetra. Figur 2. T. v. overgangen mellom beita og slått areal. T. h. ser ein godt skilnaden på slått og beita areal. I øvre delar er det flekkslått sidan det har vore ein del beiting. Særleg har ein slått område med begynnande tilgroing med firkantperikum der det er flekkslått.

4 Side 4 Figur 3. Firkantperikum blir ikkje beita, og det gror til med gras. Dermed blir det gode tilhøve for smågnagarar. Desse tar nok med seg ein del frø, og dermed kjem det blåbær og bjørkerenningar i rask rekkefølgje. Område med ein stor del blåbær blir klipt for å unngå høge og harde stubbar seinare år. Dette er tidkrevjande, men alternativa er dårlegare. Figur 4. T. v. gras og ris blir dratt bort i presenning. T. h. nokre ungdommar som var på tur i området og spanderte ein dugnadstime kvar. Så fekk dei litt orientering både om Langbakksetra og slåttemarkskjøtsel.

5 Side 5 Figur 5. Etter slått og raking ser ein tydeleg dei brune felta der det har vore blåbær. Det blei raka ganske grundig på desse områda, slik at mykje av strølaget er fjerna. Observasjonar 2013 Figur 6. T. v. Alle renningane i området hadde ein tør stubb ved rota og toårsvekst. Det gjekk kyr på området sommaren Desse har tydelegvis beita ned renningane. Sauen har ikkje brydd seg med det. T. h. kvitkurle som blei funne vest i området.

6 Side 6 Figur 7. Båe foto tatt frå kjelda og vestover. T.v. ser vi korleis det såg ut før slått på nedre del, og t.h. ligg lenger opp. I framkanten restar av isbrannskade ved kjelda. Figur 8. Frå kjelda i søraust, mot søraust. Fjerna gras og renningar blei lagt i deponi omtrent nede ved den tørre bjørka ved enden av steingarden. Ein god del av renningane er no fjerna. Kanten som står igjen mot steingarden bør ryddast, så ein får fram samanhengen mellom slåttemarka og steingarden fullt ut. Historisk dokumentasjon Hytteboka på Vollasetra var tilgjengeleg, og frå denne kan ein merke seg: 25. august 1951 er det sagt at det framleis står hesjer. 1. august 1954 blir det sagt at Langbakksetra skal slåast i veka som kjem. 11. august 1954 står det at det er hesja på Langbakksetra denne dagen.

7 Side 7 Tidsbruk: Inklusive gangtid er det brukt 37,5 timar til skjøtsel. I tillegg kjem rapportering. Reiskap: Eigna reiskap er lagra på Vollasetra. Endringsbehov: Ingen. Nedanfor fjøset er det eit bringebærfelt, og lenger ned mykje sølvbunke. Det var ganske godt beita mellom sølvbunketuvane. Det kan bli aktuelt i 2014 å gjere seg ei vending ganske tidleg for å hakke vekk sølvbunketuvar. Dokumentet er skrive av Øystein Folden på grunnlag av slåtten 2013, og fleire tidlegare besøk. Det er i samband med registreringa lagt inn observasjonar på Alle foto: Øystein Folden mottar driftstilskot frå Møre og Romsdal fylkeskommune, og har forplikta seg til å opplyse om dette på våre publikasjonar.