RETNINGSLINER FOR TILSKOT TIL KULTURARBEID I GOL KOMMUNE.

Transkript

1 RETNINGSLINER FOR TILSKOT TIL KULTURARBEID I GOL KOMMUNE. 1. TILSKOTSFORMER. Det kan søkjast om: Tilskot til lokale organisasjonar. Søknadsfrist: innan 30. april Tilskot til regionale organisasjonar. Søknadsfrist: innan 30. april Tilskot til kulturarrangement/tiltak. Søknadsfrist: seinast 2 veker før gjennomføring av tiltaket. Tilskot til andre kulturføremål. Søknadsfrist: 1. april og 1. november.

2 2. GENERELT OM RETNINGSLINENE. 2.1 Målsetjing. Økonomisk stønad til lag/organisasjonar og tiltak er eit sentralt verkemiddel i realiseringa av kulturpolitikken. Utval for kultur og levekår har som mål med retningslinene å støtte organisasjonar og tiltak/aktivitetar som sikrar breidda og mangfaldet i kulturlivet. Det er i retningslinene lagt særleg vekt på stønad til barne- og ungdomsorganisasjonar/aktivitetar, drift av bygg/anlegg og aktivitetar/tiltak. 2.2 Rett til tilskot. Kommunale tilskot til kulturarbeid kan bli gitt til organisasjonar, personar og institusjonar i Gol kommune, og til regionale organisasjonar som har medlemer i Gol. Tilskotsordningane er avhengige av at det til einkvar tid blir løyvd nok midlar til å gjennomføre ordningane. Tilskot blir m.a.o. gitt innanfor ramma av vedtatt budsjett. Tilskot til lokale organisasjonar blir til vanleg berre gitt til organisasjonar med minst 10 medlemer. Tilskot til regionale organisasjonar blir vurdert etter talet på medlemer og aktivitet i Gol. Det blir til vanleg ikkje gitt tilskot til lands- og fylkesorganisasjonar. Tilskot kan imidlertid bli gitt i spesielle høve til organisasjonar som organiserar prioriterte grupper (med medlemer i Gol) og der det ikkje er etablert tilsvarande lokale eller regionale aktivitetar/tilbod. Unntatt frå tilskot er organisasjonar o.a. som primært har som oppgåve å ta vare på medlemene sine yrkes- og eller økonomiske interesser og organisasjonar som ikkje er opne for alle. Reint kommersielle tiltak har til vanleg ikkje rett på tilskot. 2.3 Medlemsdefinisjon. Med medlem meinast i denne samanhengen person som er busett i Gol og som er registrert i organisasjonens medlemsregister. Medlemsregisteret skal oppgi medlemets namn, adresse, fødselsdata (over/under 18 år) og vise at medlemskontingent er betalt. 2.4 Søknadsreglar. Søknad skal alltid sendast inn av organisasjonens hovudstyre (lokalt) og vere underteikna av anten leiar, nestleiar, sekretær eller kasserar. Søknadsfrist: sjå under den einskilde tilskotsordning. Søknader som kjem inn etter søknadsfristen kan ikkje rekne med å bli behandla. Krav til vedlegg går fram under den einskilde tilskotsordning. Søknader som er ufullstendige blir sendt i retur. Etter at søknaden er behandla får søkjaren skriftleg melding om vedtaket. Eventuelle avslag blir grunngitt Søknad sendast til: GOL KOMMUNE, KULTUR- OG INFORMASJONSAVDELINGA, 3550 GOL. TLF

3 3. TILSKOT TIL LOKALE ORGANISASJONAR. Kven kan søkje? - Lokale organisasjonar. Tilskot til lokale organisasjonar er samansett av følgjande stønadsformer: Grunntilskot/medlemstilskot. Aktivitetstilskot. Leigetilskot. Driftstilskot til bygg/anlegg. Søknadsfrist: innan 30. april Søknadsskjema: Lokale organisasjonar. Vedlegg: årsmelding rekneskap og medlemsregister (pr ) attestert av årsmøtevald eller registret revisor. samansetning av styret. andre krav til vedlegg går fram under den einskilde stønadsform. 3.1 Medlemstilskot. Medlemstilskot blir berre gitt til organisasjonar med barne- og ungdomsmedlemer (under 18 år). Tilskotet er meint som stønad til organisasjonen sine vanlege administrasjons-/driftsutgifter og aktivitetar som t.d. telefon/porto, utstyr/materiell, deltaking på landsmøte/kretsmøte/kurs/samlingar o.l. Medlemstilskotet blir gitt med: kr. x til barne- og ungdomsmedlemer (under 18 år). Velforeiningar og grendalag blir ikkje gitt tilskot knytta til medlemstal. 3.2 Aktivitetstilskot. Aktivitetstilskotet blir gitt til organisasjonar til planlagte aktivitetar for barn og ungdom med minst 5 deltakarar under 18 år og til planlagte aktivitetar for grupper med spesielle behov. Aktiviteten skal vare i minst 45 min. og må vere bestemt/vedtatt av organisasjonen sitt styre, medlemsmøte eller tilsvarande dersom den skal kunne reknast som planlagt. Tilskot blir berre gitt til lokale aktivitetar, og blir berre gitt ein gong pr. dag og gruppe uansett talet på deltakarar og lengden på aktiviteten. Tilskot blir gitt med kr. x pr. samankomst med 5 t.o.m. 19 deltakarar og med kr. x pr. samankomst med 20 eller fleire deltakarar. Det blir ikkje gitt tilskot til aktivitetar/samankomstar der det blir kravd inngangspengar. Det blir heller ikkje gitt tilskot til studiesirklar, kommersielle arrangement eller tilskipingar/andre spesielle tiltak som blir støtta over andre tilskotsformer i retningslinene.

4 3.3 Tilskot til leiarutdanning. Tilskot til leiarutdanning blir gitt til organisasjonar som har hatt tillitsvalde på leiarutdanningskurs som har å gjere med vedkomande sitt arbeid i organisasjonen. Tilskot blir gitt med: inntil 100 % av kursavgift - max. kr. 300 pr. dag til reiseutgifter kr. 0,50 pr. km. Tilskotet blir betalt ut etterskotsvis på bakgrunn av dokumenterte utgifter året før. Vedlegg: Spesifisert oversyn over utgifter. Opplysningar om deltakarar (namn/verv), kursarrangør, kursprogram, lengde, kursavgift og evnt. andre opplysningar som kan vere av verdi. 3.4 Leigetilskot. Leigetilskot blir gitt til organisasjonar til leige av lokale til aktivitetar for barn og ungdom (under 18 år). Tilskot blir gitt med inntil 75 % av betalt leige. Det blir ikkje gitt tilskot til leige av lokale til aktivitetar der det blir kravd inngangspengar, kommersielle arrangement eller tilskipingar som blir støtta over andre tilskotsformer i retningslinene. Tilskot blir betalt ut etterskotsvis på bakgrunn av dokumenterte utgifter året før. Vedlegg: Spesifisert oversyn over betalt leige. 3.5 Driftstilskot til bygg/anlegg. Driftstilskot blir gitt til organisasjonar som har eigne bygg/anlegg som kontinuerleg blir nytta i organisasjonen sin verksemd. Driftstilskotet blir gitt med inntil 75 % av kostnadene til drift og vedlikehald samt små reparasjonar. Eventuelle inntekter skal oppgis og trekkast frå før tilskotet blir bestemt. Følgjande utgifter/inntekter kan inngå i tilskotsvurderinga: Utgifter: løn vaktmeister/reinhald vedlikehald/små reparasjonar reinhaldsmiddel strøm/fyring kommunale avgifter/forsikring Inntekter: leigeinntekter

5 arenareklame salsinntekter (kiosk o.l.) andre inntekter knytta til bruken av bygget/anlegget (som t.d. stevneinntekter, parkeringsinntekter, gåver og tilskot frå andre kjelder). Tilskot blir betalt ut etterskotsvis på bakgrunn av dokumenterte utgifter året før. Vedlegg: Spesifisert oversyn over inntekter/utgifter. 3.6 Tilskot etter kulturpolitisk vurdering. Utval for kultur og levekår kan i tillegg til ovanståande stønadsformer gi eit rørleg tilskot etter ei samla vurdering av organisasjonen. Faktorar i ei slik vurdering kan m.a. vere organisasjonens medlemstal, funksjon i kommunen og spesielle behov m.o.t. instruksjon og utstyr. 4. TILSKOT TIL REGIONALE ORGANISASJONAR. Kven kan søkje? - Regionale organisasjonar som har medlemer og aktivitet i Gol. Tilskot til regionale organisasjonar blir gitt som: medlemstilskot med : kr. x til barne- og ungdomsmedlemer (under 18 år). Søknadsfrist: innan 1. mai. Søknadsskjema: ingen. Vedlegg: årsmelding. rekneskap og medlemsregister (pr ) attestert av årsmøtevald eller registrert revisor samansetning av styret.

6 5. TILSKOT TIL KULTURARRANGEMENT/TILTAK. Kven kan søkje? - Organisasjonar, personar og institusjonar i Gol kommune, samt regionale organisasjonar som har medlemer og aktivitet i Gol. Tilskot til kulturarrangement/tiltak kan bli gitt til: a) Tilskiping av teater, konsertar, utstillingar og andre kunst- og kulturformidlingstiltak. Tilskot blir gitt med inntil 50 % av utgiftene til honorar (inkl. reise/diett/overnatting), husleige og marknadsføring. Max. tilskot kr b) Tilskiping av lokale kurs/konferansar. Tilskot blir gitt med inntil 50 % av utgiftene til honorar (inkl. reise/diett/overnatting), husleige og marknadsføring. Max. tilskot kr c) Nordisk venskapskommunesamarbeid. Tilskot blir gitt til utveksling/besøk som ledd i det nordiske venskapskommunesamarbeidet. Tilskot blir gitt med inntil 50 % av reiseutgiftene, max. kr. 200 pr. person. Tilskotet blir betalt ut etterskotsvis mot framlagt rapport/rekneskap. Kulturavdelinga må ha fått dette seinast 6 veker etter at arrangementet/tiltaket er gjennomført/avvikla. Dersom rapport/rekneskapsskjema ikkje er levert kulturavdelinga innan fristen, kan tilskotet bli trekt attende. Dersom dei faktiske utgiftene er mindre enn det som er opplyst i søknaden, blir tilskotet redusert tilsvarande. Ved arrangement der kulturleiar har grunn til å tru at det kan bli balanse i rekneskapen utan tilskot, kan stønad gjevast som garanti mot underskot. Det skal gå klart fram ved all annonsering at tiltaket/arrangementet er støtta av Gol kommune - kulturavdelinga. Søknadsfrist: seinast 2 veker før gjennomføring av arrangementet/tiltaket. Søknadsskjema: Kulturarrangement/tiltak.

7 6. PROSJEKTTILSKOT. 6.1 Søknad om stønad til kulturføremål av anna slag enn dei som er nemnt i retningslinene blir vurdert av Utval for kultur og levekår to gonger årleg. Føremål under dette punktet kan t.d. vere: starttilskot til nye organisasjonar investeringar registreringsarbeid/prosjektoppgåver informasjonskampanjer/publikasjonar. prosjekt/tiltak for, av og med barn og unge. Søknadsfrist: 1. april og 1. november. Søknadsskjema: Søknad om prosjekttilskot 6.2 Organisasjonar kan ikkje rekne med kommunal stønad/garanti til store arrangement/nasjonale meisterskap o.l. ut over det som til vanleg blir gitt til lokale kulturarrangement/tiltak (pkt. 5), med mindre søknad om dette ligg føre i god tid før utvalet behandlar komande års budsjett. 7. MISBRUK. Dersom ein person, organisasjon eller institusjon bryt føresetnadene for tilskot etter desse retningslinene kan vedkomande miste retten til tilskot i eitt eller fleire år. Retningslinene er vedtatt av Hovudutvalet for kultur 29. mai 1990 og seinare justert 17. desember 1991, 15. oktober 1992, 19. oktober Utval for kultur og levekår endra retningslinene 31. januar 2001 og 27. oktober 2010 i sak 32/10.