Saksframlegg. Sakshandsamar: Cornelis Erstad Arkivsaksnr.: 15/ Delvis bompengefinansiering av tiltak på riksveg 5 gjennom Gravensteinsgata

Transkript

1 Saksframlegg Sakshandsamar: Cornelis Erstad Arkivsaksnr.: 15/ Arkiv: Q10 Delvis bompengefinansiering av tiltak på riksveg 5 gjennom Gravensteinsgata * Tilråding: Kommunestyret sluttar seg til vidare arbeid med ei samferdselspakke for Sogndal sentrum, i tråd med notat frå Statens vegvesen, datert Dei samferdsletiltak som bør inngå i Sogndalspakka er: Miljølokk i Gravensteinsgata inkl. ombygging av sentrumsområde og oppgradering av mellombelse omkøyringsvegar (Gildevangen og Fjørevegen) To parsellar av fjordsti, jf. saksframlegget Gangbru over Sogndalselva med elvemunningen Gang- og sykkelveg frå miljølokket til ny Loftesnes bru Kvålevegen Veg Grøt - Nestangen Kommunestyret legg til grunn ei bompengefinansiering på om lag 60%. Kommunestyret tek stilling til bomplassering og satsnivå/nedbetalingstid i samband med handsaming av bompengesøknad. Kommunestyret ber ordførar prioritere å arbeide vidare med Sogndalspakken mot Stortinget og regjeringa, Fylkestinget, Sogn regionråd og nabokommunar. Kommunestyret ber rådmann setja av tilstrekkelege administrative ressursar for å utarbeide bompengesøknad i samråd med Statens vegvesen. Vedlegg: 1. Utgreiing miljølok i Gravensteinsgata, datert Notat om alternative tunnelløysingar for Rv 5 i Sogndal, datert Notat om bompengefinansiering av Sogndalpakken, datert Saksutgreiing: Bakgrunn: I økonomiplan heiter det i eit av dei 10 høgast prioriterte utviklingsområder i denne planperioden: «Vi skal arbeide for utbygging av sykkelfelt langs riksveg 5 i samsvar med sykkelplan. Vi skal i løpet av 2015 saman med Statens vegvesen få vurdert ulike gjennomkøyringar i sentrum for å betre trafikkavviklinga. Vurderinga av ulike finansieringsordningar inkludert lokal medfinansiering må vere ein del av arbeidet. Vi skal vidare arbeide for eit betre alternativ til dagens veg Hagalandet - Valeberg.» På grunnlag av dette leverte Statens vegvesen den , 3 utgreiingar om riksveg 5 gjennom Sogndal sentrum. Utgreiingane omhandlar som følgjer; Utgreiing miljølok i Gravensteinsgata,

2 Alternative tunnelløysingar for Rv 5 i Sogndal og Bompengefinansiering av Sogndalspakken. I det følgjande kjem først eit kort resymé av desse utgreiingane. 1. Utgreiing miljølok i Gravensteinsgata Denne utgreiinga skal nyttast som eit grunnlagsdokument for arbeidet med innspel til Nasjonal Transport Plan (NTP). Årsdøgntrafikken i Gravensteinsgata i 2014 var omlag 8650 køyretøy med 6 % lange bilar over 5,5 m. I moglegheitsstudie frå 2007 vart det berekna at lokaltrafikken utgjer omlag 60 %. Det er berekna at årsdøgntrafikken vil auke til i løpet av dei neste 20 åra. I denne utgreiinga har Norconsult AS, på oppdrag frå Statens vegvesen, vurderte totalt 3 ulike løysingar for miljølok: Alternativ frå 90-talet Vidar Lerum alternativet Optimalisert alternativ Alle omtalte alternativ legg til grunn at hovudvegen vert senka i vestleg del og vert lagt i kulvert. Gjennomgåande trafikk vil då køyre gjennom miljøloket. Alternativ frå 90-talet Denne løysinga tok utgangspunkt i dagens veg og veglinja følgjer dagens veggeometri. Gravensteinsgata vert kopla til vegnettet i ei fem-arma rundkøyring ved hotellet. Denne løysinga vart frårådd fordi krapp geometri gjer til at loket må utvidast for betra sikt. Dette gjer konstruksjonen større enn naudsynt og lite estetisk gunstig. Løysinga tek heller ikkje omsyn til syklistar og det kan vere vanskeleg å oppnå krav til universell utforming. Lokalvegen til sentrum vil krevje eit stort areal både frå Billagstomta. For å få til ei god innkøyring ved hotellet er det naudsynt å sanere ein einebustad på g/bnr. 20/10. Vidar Lerum-alternativet Denne løysinga har flytta senterlinja nærare mot bussterminalen for å spare Sogndal Quality Hotell sin eigedom. Frå rundkøyringa ved hotellet er det teikna inn ei avkøyringsrampe med bratt stigning tilnærma 7 %. Dette er ei kort løysing som er utfordrande med tanke på skilting og eit gangfelt ved rundkøyringa nær rampa. Det er naudsynt å utvide både fortau ved hotellet og gang- og sykkelveg på sida av bussterminalen. Vegsystemet mellom miljøloket og rundkøyringa vil krevje fire kostnadsdrivande konstruksjonar. Stigninga inn mot rundkøyringa ved kulturhuset vert slakkare. Dette er generelt positivt, men ulempa er at det mest brukte gangfeltet og kryssingspunktet i Gravensteinsgata forsvinn og må flyttast vestover, eller eventuelt erstattast av ei kostnadsdrivande gangbru. Optimalisert alternativ Dette alternativet tek utgangspunkt i løysinga frå 90-talet og innspela som ligg i Vidar Lerum alternativet. Løysinga tek vare på mest mogeleg areal for mjuke trafikkantar mellom kjøpesenteret Sogningen og kommunehuset. Den einvegskøyrde rampa frå hotellet mot sentrum er kopla direkte til rundkøyringa for å få eit mest mogeleg logisk vegsystem og betre stigningstilhøve på rampa. Berekningar syner at ei einvegskøyrd rampe vil leie til at 80 % av trafikken vil køyre gjennom loket og slik redusere trafikken i sentrum. Innanfor sentrum er det ordinær tovegskøyring i Fjørevegen eller bak Sogningen.

3 For å stimulere til val av sykkel vert det lagt til rette for separat sykkelveg med fortau i begge retningar, oppå miljøloket. Heile området mellom Sogningen og kommunehuset vert stengt for køyretøy og vil utformast for gåande og syklande og som ein open, almen plass. For å få til ei god innkøyring ved hotellet er det naudsynt å sanere ein einebustad på g/bnr. 20/10. Kostnadsoverslaget for dette alternativet ligg mellom 200 og 450 millionar kroner. Dette er den totale prosjektkostnaden inkludert MVA. Statens vegvesen tilrår denne løysinga. 2. Notat om alternative tunnelløysingar for Rv 5 i Sogndal På oppdrag frå Sogndal kommune har Statens vegvesen vurdert om det eventuelt er aktuelt å arbeide vidare med løysingar med lengre tunnel. Statens vegvesen har sett på 4 alternativ: Alternativ A1. Miljølok gjennom Gravensteinsgata forlenga med fjelltunnel fram til Solhov. Alternativ A2. Miljølok gjennom Gravensteinsgata forlenga med fjelltunnel fram til området Nes/Kløvhola. Alternativ B. Tunnel frå skysstasjonen til området ved Solhov. Alternativ C. Tunnel frå skysstasjonen til området ved Nes/Kløvhola. I notatet konkluderer Statens vegvesen med at alternativ A1, A2 og B er uaktuelle. Alternativ C kan gjennomførast enklare og med mindre arealinngrep, men ein vil framleis få betydeleg trafikk gjennom sentrum. Tilhøva for gåande og syklande vert ikkje vesentleg forbetra. Gjennomgangstrafikken vil på si side få lenger veg og auka køyrekostnad. Ut frå dette tilrår Statens vegvesen at Sogndal kommune held fast ved tidlegare vedtak om miljølok mellom ny rundkøyring ved skysstasjonen og rundkøyringa ved kulturhuset. 3. Bompengefinansiering av Sogndalpakken Statens vegvesen har utarbeida eit notat for å forankre den vidare prosessen for ein bompengesøknad gjennom lokalpolitisk handsaming i Sogndal kommunestyre. Statens vegvesen ønskjer at kommunestyret gjev sin tilslutnad til det vidare arbeidet med ein samferdselspakke for Sogndal, slik det er skissert i dette notatet. Motsett kan kommunestyret bestemme at det ikkje skal arbeidast vidare med bompengefinansiering av samferdselsprosjekt i kommunen, dette vil avvikle arbeidet med ei Sogndalpakke. Det er Sogndal kommune og Statens vegvesen som eventuelt saman utarbeidar ein bompengesøknad for finansiering av fleire prosjekt som skal utgjere ein Sogndalpakke. Ferdig utarbeida søknad skal sendast på høyring til aktuelle kommunar før den kan handsamast i Fylkestinget og seinare Stortinget. I dette notatet er det orientert om viktige prinsipp i finansieringsopplegget for ein framtidig Sogndalpakke. I 2007 skreiv Sogndal kommune eit brev til Samferdselsdepartementet med ønskje om at det vart gjennomført tiltak på Rv 5 i Sogndal sentrum (miljølok) før innkrevjing av bompengar i Fjærland og på ferjesambandet Mannheller Fodnes vart avvikla. Kommunen valte då å ikkje gå vidare med prosjektet, men ønskjer no å sjå på prosjektet på ny, saman med fleire prosjekt i Sogndal, som kan verte ein del av ein framtidig bompengepakke i Sogndal. Det vert i notatet frå Statens vegvesen lagt opp til at ein framtidig Sogndalpakke skal finansierast gjennom bompengar samt kommunale og statlege midlar. Statens vegvesen skriv at det vil vere

4 naturleg at Sogndalpakken har ein tilnærma lik finansieringsfordeling som Førdepakken, der utgjer bompengar om lag 60 % av finansieringa. Dømer på plassering av bomstasjon Med utgangspunkt i nytteprinsippet dei som betalar bompengar skal ha nytte av prosjektet bompengane finansierar, og dei som har nytte av eit prosjekt skal betale bompengar har Statens vegsen laga 4 dømer på korleis bompengeopplegget kan sjå ut. Tilførsels-trafikken frå områda Kvåle, Stedje og Loftesnes er relativt sterk. I sentrumsområdet er gjennomgangstrafikken ein stor del av trafikkbildet då det ikkje føreligg alternative ruter forbi Sogndal. Det mest rettvise dømet ser ut til å vere ein tett bompengering med innkrevjing mot sentrum. Slik hindrar ein snikkøyring, samstundes som at trafikk frå Loftesnes og nordover på Fv. 55, samt trafikken frå Stedje til Kvåle ikkje betalar bompengar. Ved å byggje nye vegar ved Kvåle og på Nestangen vil det kunne oppstå trafikklekkasje, det må difor vurderast om det då skal etablerast bomstasjonar der også. Bompengeopplegg - Timeregel: ved passering av fleire bomstasjonar i løpet av ein time betalast det berre for ei passering, dette gjeld også ved passering av same bomstasjon. - Rabatt: flat rabatt for alle køyretøygrupper på 10 % utan førehandsbetaling. For å få rabatt, og for at timeregel skal vere gyldig må passering skje med gyldig AutoPASS-avtale og brikke. - Bompengetakst: vil vere ein funksjon av trafikkgrunnlaget og kostnadsråma som skal finansierast. Dette kjem ein tilbake til i bompengesøknaden. Prosjektportefølje Sogndalpakken For bompengepakkar skal det utarbeidast ein prosjektportefølje med vedteken prioriteringsrekkjefølgje. Prosjekta med høgast prioritet skal startast først. Dersom prosjekta som først vert bygd får høgare kostnadar enn føresett, skal prosjekt med lågare prioritet strykast. Motsett, dersom eit eller fleire prosjekt ved gjennomføring vert billegare enn planlagd, vil ein kunne utvide pakken med ytterlegare prosjekt. Sogndal kommune har saman med Statens vegvesen arbeida fram ei liste, med framlegg til prioriteringsrekkjefølgje, over aktuelle prosjekt for ein Sogndalpakke. Ved samansetning av pakken er det også viktig å tenke heilskapleg og at prioriteringa av prosjekt sikrar at prosjekta som vert bygd gjev god nytte og at dei heng saman, også dersom lågare prioriterte prosjekt fell vekk.

5 I diskusjon om bompengeinnkrevjing er det eit vanleg spørsmål om det er rett at bilistane skal delfinansiere bygging av gang- og sykkelveg. Statens vegvesen understrekar at ved å skilje mjuke og harde trafikkantar får bilistane direkte nytte i form av at gåande og syklande langs vegen vert overført til eigne gang- og sykkelvegar. Dette gjev vesentleg betre trafikktryggleik og gjer det lettare å ta seg fram for bilistane. Omtale av prosjekta 1. Miljølok i Gravensteinsgata Dagens riksveg resulterer i ein barriereverknad mellom sentrumsfunksjonar på begge sider av vegen. Ved å senke vegen i eit miljølok vil ein kunne binde saman sentrumsområda på nordog sørsida av vegen, samt å lette trafikkavviklinga gjennom Sogndal sentrum. 2. Samanhengande fjordsti frå Stedje bru til Rones Ved å fullføre fjordstien frå og med Rones/ny Loftesnesbru via Sogndalselvi, til og med Stedjebergtunnelen, vil ein klare å opparbeide eit godt tilbod til gåande som ønskjer ein trygg og naturskjønn turoppleving langs fjorden, utan hinder frå anna trafikk. 3. Gangbru over Sogndalselva Ei gangbru tilknytt fjordstien ved utlaupet til Sogndalselvi skal vere ein funksjonell og estetisk bru som knyt tettstaden Sogndal saman og i tillegg gje sentrum eit arkitektonisk særpreg. 4. Gang- og sykkelveg frå miljølok til Loftesnesbrua Dette vil verte ei utviding av dagens gang- og sykkelfelt til gangveg med åtskilt sykkelfelt. Ny Loftesnesbru vil ha gang og sykkelveg, og vil saman med dette tiltaket gje eit samanhengande tilbod til gåande og syklande frå Fosshaugane Campus, via kollektivstasjonen/billagstomta til Loftesnes/Kjørnes. 5. Kvålevegen Kvålevegen skal vere ei forbetra forbinding mellom Rv 5 Fjærlandsvegen og Fv 211 Dalavegen. Vegen vil fungere som ein avlastingsveg for trafikken frå Fjærlandsvegen og til

6 store delar av Leite. Dette vil minske trafikken betydeleg gjennom byggjefeltet og gjennom Sogndal sentrum. 6. Grøt Nestangen Vegen mellom Grøt og Nestangen vil erstatte den nedste delen av Navarsetevegen. Denne delen av Navarsetevegen er smal og ikkje bygd for å tåle dagens trafikk. Det er heller ikkje plass til å breiddeutvide vegen. I tillegg vil ein få ein betre kommunikasjon mellom Leite og Fv 55 mot Luster. Vurdering: Ny og utbetra løysing for gjennomkøyring og trafikkavvikling i Sogndal sentrum, med vurdering av mogelege finansieringsløysingar, er eit av «10 på topp»-punkta i Sogndal kommune sin vedtekne økonomiplan for inneverande periode. Ei mogeleg løysing med eit miljølok er også i tråd med samfunnsdel til kommuneplanen , vedteke i kommunestyret den Her står det mellom anna: «Vi har lengje arbeidd for å leggje til rette for utbygging av ein sikker, miljøforsvarleg og effektiv veg frå Sogndal til Kaupanger med ny Loftesnesbru og miljølok i Gravensteinsgata supplert med kortsiktige tiltak.» Om utgreiing av miljølok i Gravensteinsgata Statens vegvesen er klåre på at den beste løysinga for ei framtidig alternativ trafikkavvikling gjennom Sogndal sentrum er eit miljølok frå Stedje bru til og med rundkøyringa ved Hofslund hotel. Andre løysingar med lengre tunnel vil vere uaktuelle eller ikkje løyse hovudmålet som er å gjere Gravensteinsgata mellom Leighgota og Politihuset bilfri. Tilhøva for gåande og syklande vert heller ikkje vesentleg forbetra. I tillegg vil ei lang tunnelløysing innebere sannering av mange eigedomar (4 til 13) og samfunnsnytten vert redusert ved at køyretida for gjennomgangstrafikk vert auka. Rådmann er samd i denne vurderinga og tilrår at kommunestyret held fast ved miljølokk i Gravensteinsgata som grunnlag for det vidare arbeidet med Sogndalspakken. Utgreiinga peikar på at ein av ulempene med det optimaliserte alternativet er at det vil leie til ein reduksjon av bussverkstaden sitt areal. I tråd med arealdel til kommuneplanen jobbar kommuneadministrasjonen mot ny arealbruk og utbygging av Billagstomta med tilrettelegging for ei god samankopling mellom sentrum og Campus. Sogndal kommune eig delar av Billagstomta som ligg nærast Rv 5. Det resterande arealet er no overteke av ROM Eiendom AS. I ein merknad, motteke , til områdeplanarbeidet Fjøra vest skriv ROM Eiendom AS mellom anna følgjande: «Busstomta ligger sentralt i Sogndal, midt mellom sentrum og campusområdet med høyskole og idrettsanlegg. ROM Eiendom finner det viktig at busstopp-funksjonen opprettholdes der den er, nærmest mulig sentrum (Sentrumsparken). Hva gjelder terminering/oppstilling av busser, vedlikehold og renhold, samt fasiliteter for sjåførene, mener vi prinsipielt at disse funksjonene hører hjemme på noe mindre sentrale arealer... ROM ser for seg at en byutvikling på tomta vil være naturlig om ikke alt for lenge.» Vi les ROM Eiendom AS sin merknad slik at også i deira framtidige perspektiv vil det vere naturleg å omforme Billagstomta til nye føremål for tettstadsutvikling, med atterhald om at busstopp-funksjonen vert ivareteke på same stad. Rådmann er samd i Norconsult AS sine vurderingar og konklusjon om at det optimalisert alternativet er den beste løysinga å arbeide vidare med. Denne løysinga er ei god løysing for mjuke trafikantar. Den separate sykkelvegen gjennom heile området er i tråd med punkt 2 på topplista til Sykkelplan for Sogndal sentrum, vedteken av kommunestyret Løysinga legg også til rette for å byggje ut

7 delar av Billagstomta, jf. innspel frå Rom eigedom. Ei avklaring av arealbruken av trafikkløysingar gjennom sentrum vil vera ein avgjerande føresetnad utbygging av Billagstomta, og på den måten leggje grunnlaget for den fortettingsstrategien som ligg i vedteken arealplan. Om Sogndalpakken Sogndalpakken inneheld totalt 6 enkeltståande prosjekt, som i samanheng vil danne ein heilskapleg og framtidsretta infrastruktur for betre trafikkavvikling. Tiltaka vil gje meir effektiv trafikkavvikling for køyrande gjennom sentrum og betre tilhøve for syklande og gåande. Miljølokket vil gje eit samanhengande sentrumsområde, der Gravensteinsgata ikkje lengre vil vera ein barriere i sentrum. Tvert om vil område over miljølokket kunne nyttast til ein open plass, som er kopla saman med tilsvarande fellesområde i sentrumsparken og fjordstien/elveparken. Dette samsvarer med vedteken kommuneplan. 1. Miljølok i Gravensteinsgata Sjå eiga utgreiing for miljølok i Gravensteinsgata, over. Ved utbygging av miljølokket må Gildevangen og Fjøravegen nyttast som mellombels gjennomkøyringsveg. Nokre tiltak må gjerast få å kunne nytte desse vegane som mellombels veg, m.a. fjerning av Ølneshuset. Slike kostnader er teke med i kostnadsoverslaget på 350 mill. kroner. Etter at desse vegane er nytta som gjennomkøyringsveg vil det vera trong for å oppgradere dei. Kostnadene ved denne oppgraderinga kan inngå i Sogndalspakka. Dette vil vera ein strekning på om lag 580 meter, med ein kostnad på om lag 20 mill. kroner. Rådmannen rår til at dette tiltaket vert lagd inn i kostnadsoverslaget for Sogndalspakka. 2. Samanhengande fjordsti frå Stedje bru til Rones Fjordstien er i dag delvis etablert, over fleire byggjesteg, frå og med Stedjebergtunnelen i sør, via Stedje bru, og vidare nordaust fram til og med Rusebakken i Sogndalsfjøra. Parsell frå Rusebakken forbi Hofslund fjordhotell vert bygd ut i Statens vegvesen byggjer i samband med ny Loftsnesbru fjordsti frå Nestangen til Rones. Når desse utbyggingane er ferdige vil det vera parsellen frå Rones fram til eigedom (g/bnr. 16/36) som står att:. I tillegg står strekninga frå elveparken/p-plass til Sogdal hotell til Stedje bru att.

8 Fjordstien vert slik ikkje berre ein tursti, men eit samanhengande gangvegsystem som knyt tettstaden saman. Mogelegheita til å kunne gå av og på fjordstien frå kryssande ferdselsårer og knutepunkt i tettstaden, gjer til at fjordstien vil fungere som ein av to hovudferdselsårer for mjuke trafikkantar. Tiltaket vil òg leggje til rette for fysisk aktivitet og betring av folkehelsa. 3. Gangbru over Sogndalselva Som del av utbygging av fjordstien er det ei uttalt målsetting å også ha passering av Sogndalselvi nærare fjorden. Ei slik bru vil binde Øyane, med den utviklinga som har kome og vil kome der, saman med sentrumsutviklinga, jf. høyringsutkast til områdeplan Fjøra vest. Vi kan tenkje oss ei bru utforma som eit tydeleg landemerke heilt i overgangen mellom fjord og elv, eller ei noko meir dempa utforming lenger oppe (vestover) i Sogndalselvi. Brua vert regulert som del av områdeplan Fjøra vest, men eksakt plassering og utforming av brua er endå ikkje vurdert. Dette må gjerast som del av ei detaljprosjektering. 4. Gang- og sykkelveg frå miljølok til Loftesnesbrua Dette vil verte ei utviding av dagens gang- og sykkelfelt til gangveg med åtskilt sykkelfelt. Denne parsellen vil verte del av den andre hovudferdselsåra for mjuke trafikkantar i tettstaden. Tiltaket vil gje eit samanhengande tilbod til gåande og syklande frå Fosshaugen Campus, via kollektivstasjonen ved Sogndalselva, til Loftesnes/Kjørnes. Tiltak for utbetra gang- og sykkelveg bygg opp under Statens vegvesen si tilråding for den optimaliserte løysinga av miljølok gjennom Sogndal sentrum. Tiltaket er også i tråd med, og punkt 3 på, topplista til Sykkelplan for Sogndal sentrum, vedteken av kommunestyret Kvålevegen Den vedtok Sogndal kommunestyre detaljreguleringsplan for Kvålevegen. Ein ønskja effekt ved utbetring av Kvålevegen er å redusere trafikkmengda på Dalavegen ned til sentrum og flaskehalsen i krysset mellom Rv 5 og Fv 211 (Dalavegen). Den planlagde utbetringa av Kvålevegen er eit framtidsretta infrastrukturtiltak, som byggjer opp om framtidig arealutvikling, tettstadutvikling og miljø. 6. Grøt Nestangen Vegen mellom Grøt og Nestangen vil leie til ein betre kommunikasjon mellom Leite og Fv 55 mot Luster. Dette vil vidare leie til redusert trafikkmengd mellom Loftesnesbrui og Nes. Redusert trafikkmengd på denne parsellen kan gjere det lettare å realisere denne delparsellen for sykkelfelt eller gang/sykkelveg på strekninga Loftesnesbrui Nes Kvam. Dette tiltaket er lista som punkt 7 på topplista til Sykkelplan for Sogndal sentrum, vedteken av kommunestyret Vegen vil også leggje til rette for bustad og næringsutbygging slik

9 dette er regulert i arealdelen av kommuneplanen. Vegen er ferdig regulert, men ikkje vedteken politisk. Sogndalpakken held fram det langsiktige og målretta arbeidet med utvikling av tettstaden Sogndal. Dette arbeidet omfattar mellom anna etablering av sentrumsparken, utbygging av fjordsti, transformasjon av den gamle slakteritomta til friområde/næring og bustad og tilrettelegging for bustadutvikling (fortetting) og næringsinteresser i sentrumsområdet, gjennom kommuneplan og områdeplanar. Ny løysing for å betre dagens trafikkavvikling i Gravensteinsgata byggjer direkte vidare på dette arbeidet. Ved å leie gjennomgangstrafikken vekk frå trafikkbiletet i sentrum, og gjere delar av Gravensteinsgata til eit ope fellesområde (allmenning) knyt vi Sogningen/Kulturhuset nærare til dei andre sentrumsfunksjonane i Sogndalsfjøra. Sogndalspakka avklarar arealbruken for samferdsletiltak gjennom sentrum, og på den måten opnar, og legg til rette, for utbygging av næring og bustader i sentrum. Dette gjeld utbygging av Billagstomta, Sogndal hotell, Lerumstomta og fleire sentrumskvartal i høyringsutkast til områdeplan Fjøra vest. Sogndalspakka vil i seg sjølv gje grunnlag for realisering av utbyggingar med ei samla kostnadsramme på om lag 600 mill. kroner, med dei positive verknadene det har for aktiviteten i bygg- og anleggsbransjen. Kommunestyret si handsaming av denne prinsippsaka gjev kommunestyret mogelegheit til å gje innspel til dei førebelse råmene for finansieringsopplegget og for kva prosjekt som skal inngå i pakken. Rådmann rår til at kommunestyret gjev sin prinsipielle tilslutnad til vidare arbeid med ein Sogndalpakke slik denne er presentert. Det bør i det vidare arbeid bli lagd til grunn ei deling av finansieringa, slik at bompengar utgjer om lag 60% av finansieringa. Dette samsvarer med bompengedelen i Førde-pakka. Plassering av bomstasjonar og nivå på betalingssatsar/nedbetalingstid vil verte lagd fram i eiga sak for kommunestyret som del av ein bompengesøknad. Sogndal Jostein Aanestad -rådmann-