Saksnr. utval Utval Møtedato 013/17 Plan og utvikling landbruk næring og teknisk

Transkript

1 GAULAR KOMMUNE Arkiv: FA - K44 Saksmappe: 17/1208 JournalpostID: 17/3640 Sakshandsamar: Linn Hovlandsdal Dato: Saksframlegg Saksnr. utval Utval Møtedato 013/17 Plan og utvikling landbruk næring og teknisk Endring av lokal forskrift om utvida bandtvang, Gaular kommune, Sogn og Fjordane Rådmannen si tilråding: Plan og utvikling, landbruk/næring og teknisk vedtek i medhald av hundelova 6 andre ledd bokstav c, d, e og f og 11 at forslag til endring av forskrift om utvida bandtvang for hund, Gaular kommune, Sogn og Fjordane vert sendt på høyring. For grunngjeving sjå saksutgreiinga Plan og utvikling landbruk næring og teknisk Handsaming: Rådmannen sitt framlegg til vedtak vart fremja og samrøystes vedteken. PLU-013/17 Vedtak: Plan og utvikling, landbruk/næring og teknisk vedtek i medhald av hundelova 6 andre ledd bokstav c, d, e og f og 11 at forslag til endring av forskrift om utvida bandtvang for hund, Gaular kommune, Sogn og Fjordane vert sendt på høyring. For grunngjeving sjå saksutgreiinga. Vedlegg i saka: Søknad om løyve til innføring av bandtvang, Langeland Påminning, søknad om løyve til innføring av bandtvang, Langeland SV: 17/1143 Langeland ski - og fritidssenter - Søknad om innføring av bandtvang - Ber om kopi av kart Plankart med løyper Ønske om utvida bandtvang på Øksland

2 Kart Utkast til forskrift om utvida bandtvang, Gaular kommune Saksutgreiing: Bakgrunn for saka Gaular kommune har motteke to søknader om å innføre bandtvang utover tidsrommet som hundelova og lokal forskrift har sett opp. Kommunen kan ved lokal forskrift utvide tidsrommet for bandtvang gitt i hundelova 6 første ledd når vilkår for utviding er tilstades. Føremålet med dette er å opne for lokalt tilpassa reglar om bandtvang. Søknad frå Langeland ski og fritidssenter AS motteke gjeld innføring av bandtvang på areal i tilknyting skisenteret. Søknad frå Solveig Hatlestad Solås og Rolf - Magne Aas motteke gjeld areal på g/bnr. 53/2 på Øksland. Regelverk Hundelova 6 første ledd seier at i tida frå og med 1. april til om med 20. august skal hund haldast i band, vere forsvarleg inngjerda eller innestengd slik at den ikkje kan jage eller skade storfe, sau, geit, fjærfe, rein, hest eller vilt, inkludert viltet sitt reir og bu. I andre ledd opnar lova for at kommunen kan gje forskrift om sikring av hundar viss visse vilkår er oppfulgt. Hundelova 11 første punktum seier at kommunen kan gje forskrift om hundehald av omsyn til «alminnelig ro og orden og for å motvirke forsøpling». Gjeldande lokal forskrift Forskrift om sikring av hund ved bandtvang, Gaular kommune, Sogn og Fjordane lyder slik: «1.Eigar eller innehavar av hund i Gaular kommune skal halde hunden i band eller forsvarleg innestengt eller inngjerda i den tida bufe beiter, frå 1. april til 25. oktober. 2.Brot på denne forskrifta er straffbart. 3.Forskrifta tek til å gjelde straks.». Vurdering Den lokale forskrifta vart vedtatt i 2007 og gjeld bandtvang av omsyn til bufe si beiting. I Ot.prp.nr. 48 Om lov om hundehold (hundeloven) (s. 79) står det at «gir loven ( ) en handlefrihet til å motarbeide lokalt problematisk hundehold med lokale virkemidler. Generelt bør ikke handlefriheten nyttes i større utstrekning enn det som er nødvendig for å løse lokale problemer.» (rådmannen si understreking). Til denne tid har det ikkje, som rådmannen kjenner til, vore spesielle utfordringar kring hundehald. Det har difor ikkje vore naudynt med ei meir spesifisert lokal forskrift. Rådmannen føreslår at forskrifta endrar namn til forskrift om utvida bandtvang, Gaular kommune, Sogn og Fjordane. På den måten vert det tydeleggjort at dette er eit tillegg til hundelova. Hundelova 6 andre ledd listar opp fylgjande punkt som kommunen ved forskrift kan innføre bandtvang: «a) i og i tilknytning til boligområder og handleområder, b) i parker, på gravplasser, på og ved skoler, barnehager og anlegg for lek, idrett, sport eller rekreasjon, c) på og ved bestemt/angitte turstier, turveier, merkede skiløyper, leir- og rasteplasser, d) i bestemt angitte andre områder på land, i vann eller sjø som er allment benyttet som

3 tur- og rekreasjonsområder, e) i hele eller deler av kommunen i bestemt angitt tidsrom når storfe, sau, geit eller hest normalt går ute, eller f) under ekstraordinære forhold som gjør båndtvang påkrevd for å beskytte viltet.» Lova opnar dermed for å innføre bandtvang i ulike område og tidsrom. Det er til dømes høve til å innføre bandtvang ved barnehagar, skuleplassar og kyrkjegårdar. 6 fjerde ledd opnar for at kommunen kan gje forskrift om at hund ikkje har tilgang til barnehagar, skulegardar eller gravplassar. Lause hundar eller hundeekstrement kan vere særleg uhygenisk eller støtande på slike stader. Forbodet kan gjelde ein konkret barnehage, skuleplass eller kyrkjegard der dette er eit problem. Rådmannen kjenner ikkje til at det er eit problem med lause hundar eller ekstrement slike stader. Dersom hundeeigarar fylgjer hundelova, sjå spesielt hundelova 3 og 4, skal det normalt ikkje vere trong for å presisere dette i lokal forskrift. Hundelova opnar for dette, men rådmannen vurderer at det ikkje er naudsynt på novernade tidspunkt. Vidare står det i Ot.prp.nr. 48 Om lov om hundehold (hundeloven) at «Kommunene bør ha adgang til å kreve hunder sikret ved båndtvang i områder der det bor folk, typisk ferdes mye folk eller områder som tjener som særlige rekreasjonsområder for folk. Konfliktpotensialet mellom hund og menneske kan være særlig klart i slike områder, og hensynet til hunden og hundeholderen bør vike dersom lokale vurderinger tilsier det. Til dels kan det være vanskelig å avgrense slike områder i en lovtekst. Det avgjørende for kommunenes kompetanse må være en naturlig språklig forståelse av ordlyden i lovteksten.» Føremålet med hundelova står i 1: «Det sivile samfunn, både enkeltpersoner og organisasjoner, har ansvaret for innenfor lovgivningens ramme å utøve og legge til rette for et positivt og samfunnsgagnlig hundehold, til glede for den enkelte hundeholder. Loven har til formål å bidra til å fremme et hundehold som varetar hensyn til sikkerhet, trygghet, alminnelig ro og orden. Den gir regler for hvordan hundeholdet skal utøves av den enkelte for å vareta slike hensyn. Videre gir loven regler for hvordan enkeltpersoner og det offentlige kan forholde seg til hundehold som ikke gir tilstrekkelig sikkerhet, trygghet, alminnelig ro og orden. For hundeholdet gjelder også bestemmelser i annen lovgivning, bl.a. de alminnelige reglene i lov om dyrevelferd og i granneloven, og dessuten særskilte regler om hundehold eller dyrehold f.eks. i husleieloven.». (rådmannen si understreking). Bandtvang i tilknyting til bestemte turstiar, skiløype, turområde Det kan innførast bandtvang i bestemte område som er allment nytta som tur og rekreasjonsområde. Bandtvang kan ikkje setjast i større grad enn kva som er naudsynt, og berre slik at dei som ynskjer å ferdast med laus hund vert ivaretatt i tilstrekkeleg grad. Det er ikkje slik at det kan fastsetjast forskrift om bandtvang på einkvar sti. Føresetnaden er at den er mykje brukt. Det vert ikkje kravd at ein sti, i motsetnad til skiløype, må vere merka jf. rundskriv G 17/2003 Lov 4. juli 2003 nr. 74 om hundehold (hundeloven). I ot.prp.nr 48 om bokstav d står det at «Bokstav d gjelder friluftsområder generelt, ikke bare ferdselsårene. Båndtvang etter bokstav d kan ikke innføres for slike områder generelt, men bare for bestemte områder som angis i forskriften.» Området i tilknyting til Langeland ski og fritidssenter er mykje brukt. Skisenteret har

4 estimert at dei har om lag besøkande i året, det meste om vinteren. Rulleskibane er under utarbeiding og området er elles nytta som turområde i sommarhalvåret. Det kan difor vere naturleg å innføre bandtvang heile året i tilknyting til senteret. Området er mykje brukt av barnefamiliar og lause hundar kan potensielt skape farlege og uønska situasjonar. Det kan og vere vanskelegare å halde oversikt over kvar hundane gjer i frå seg når hundane går lause, og dermed vanskelegare å plukke opp ekskrement. Hundeekstrement i løypa eller i nærområdet t.d. viss ein skal raste, kan vere utriveleg. Bandtvang kan innførast på avgrensa område, dvs. på merka skiløyper og angitte område. På den måten vil det framleis vere mogleg å gå med laus hund i turløypene for dei som ynskjer det. Området ligg i eller i tilknyting til areal som vert brukt som beite. At hundane er i band vil også vere av interesse i høve til beitedyr i området. Det er utarbeidd områdereguleringsplan for skisenteret på Langeland, sjå kartvedlegg. Arealet som er regulert består av parkeringsplass, skisstadion, lysløyper, hytteområde, kombinert LNF område og skiløype, og kombinert skiløype og grøntstruktur. Arealet er om lag 800 dekar. For praktisk å kunne handheve forskrifta vil det kanskje vere føremålstenleg å la heile reguleringsområdet inngå i område for bandtvang. I tillegg til skisenteret på Langeland er det alpinbakke på Årbergsdalen og skianlegg på Hoffslåttane. Alpinbakken i Årbergsdalen er ikkje open kvart år. Alpinbakken var open i 2016, førre gang deretter var den open i Skianlegget på Hoffslåttane er ope kvart år. Vi har ikkje besøkstal for desse skiområda, men desse områda har færre besøkande enn anlegget på Langeland. Potensialet for konfliktområde vil difor vere mindre på desse skianlegga og trongen for å inkludere desse områda under bandtvang er mindre enn for Langeland. Bandtvang i tilknyting til beiting av bufe Eit vilkår for å utvide perioden for bandtvang er at bandtvang berre kan innførast i dei områda av kommunen kor husdyr har rett til å beite og faktisk beiter, eller kor vilt som ein ynskjer å verne, faktisk har leveområdet sitt. Heimelen i hundelova 6 andre ledd bokstav e er meint å fange opp den ordinære beitesesongen, og kan ikkje nyttast som grunnlag for å utvide bandtvangen til perioder der nokon dyr unntaksvis går ute på beite, jf. rundskriv G- 17/2003. I gjeldande lokal forskrift er det sett opp bandtvang frå 1. april til 25. oktober. Hausten kan vere fin, slik at i nokon tilfelle kan det vere gode beiteforhold heilt til 1. november. Det kan difor vere aktuelt å utvide perioden for bandtvang heilt til 1. november for heile kommunen. Fleire av nabokommunane har bandtvang til 1. november, slik som t.d. Jølster, Askvoll og Fjaler. Førde har bandtvang til 31. oktober. Det er kome inn søknad om innføring av bandtvang på ein eigedom kor det vert drive med utegangarsau. Rådmannen kjenner til at det er 3 til 4 føretak som har utegangarsau eller sau av gamal rase, som meir eller mindre er ute store delar av året. For dei som har slik drift vil det vere ein del av den ordinære drifta at sauene går ute store delar av året, jf. ordlyden i rundskriv G-17/2003. Gaular kommune har ikkje motteke slik søknad tidlegare frå andre som driv med utegangarsau og har heller ikkje fått informasjon om at det er eit problem med hund, men det er som nemnt få som driv med utegangarsau i Gaular kommune. Ei slik driftsform er avhengig av milde vintrar med lite snø, og er difor vanlegast ved kyststrok, t.d. slik som Solund kommune. Søk i lovdata syner at Solund kommune ikkje har lokal forskrift om bandtvang. I vinterhalvåret vil sauene vanlegvis gå på eit meir avgrensa område enn om sommaren, men dei kan vere sårbare i denne perioden også. Den innkomne søknaden gjeld areal som er inngjerda på søkjar sin eigedom, og består av gardsplass, dyrka jord, skog og inngjerda beiteareal. Søkjar hadde per søyer, 2 vêrar og 23 lam og hadde per søyer og 3 vêrar. Besetninga er dermed aukande. I søknaden skriv dei at dei kjem til å starte med frittgåande høns i april. Sjølv om det ikkje er bandtvang kan ikkje hundar sleppast laust på den måten at eigar ikkje har kontroll over hunden. Hundelova 3 seier at hundeeigar skal vise aktsemd og unngå at hunden voldar skade for folk, dyr, eigedom eller ting. Sjølv om det ikkje er bandtvang kan hund berre vere laus dersom hunden «blir fulgt og kontrollert på aktsom måte» eller er «forsvarlig inngjerdet på et sted

5 som ikke er åpent for allmenn ferdsel.», jf. hundelvoa 4. I prinsippet skulle det difor ikkje vere naudsynt med lokal forskrift om bandtvang i område der bufe beitar fordi hund ikkje kan sleppast laust på ein måte som forstyrrar eller skader bufe. Området som det er søkt om gjeld dessutan i hovudsak innmark, gardsplass og kulturbeite som reknast som innmark etter friluftslova 1a, og her er det i utgangspunktet ikkje fri ferdsel, sjå likevel friluftslova 3. På ei anna side gjeld søknaden privat eigedom på inngjerda areal og eventuell forskrift om bandtvang er ikkje til hinder for at hund kan gå laus i utmarka for folk som ynskjer det. Ei lokal forskrift om bandtvang på eit område i eit bestemt tidsrom vil også tydelegjere kor viktig det er å sikre hundar. Rådmannen er i tvil om det er trong for å innføre bandtvang i dette området. Rådmannen er kome til at aktsemdsregelen i hundelova 3 og dei alminnelege reglane om sikring av hund og vilkår for å la hund vere laus i 4 er tilstrekkeleg. Bandtvang under ekstraordinære forhold Ved ekstraordinære forhold kan det innførast bandtvang for å verne om viltet. I ot.prp.nr 48 står det at «Ekstraordinær båndtvang kan innføres dersom «forholdene gjør dette påkrevet for å beskytte viltet». Dette er særlig aktuelt i snørike vintre. Da vil løse hunder være en større risiko for viltet enn normalt,». ( ) Forskriftene kan etter denne formuleringen fastsettes ekstraordinært når forholdene foreligger, eller de kan fastsettes generelt for nærmere beskrevne vanskelige for-hold. At det siste blir gjort, hindrer ikke at det i tillegg kan gis ekstraordinære forskrifter dersom det inntrer forhold som ikke fanges opp av gitte forskrifter. ( ) Forvaltningsloven 37 og 38 gir tilstrekkelig hjemmel for å unnlate forhåndsvarsel og kunngjøre forskriften på annen måte enn vanlig dersom det er reelt behov for det». (rådmannen si understreking). Det er presisert i lovteksten 6 tredje ledd at bandtvang fastsett i medhald av f må opphøyre straks forholda tilseier det, og at innføring av slik bandtvang kan klagast på til fylkesmannen. Normalt er det ikkje klagerett på forskrifter. Rådmannen føreslår difor at høvet til å innføre ekstraordninær bandtvang vert inkludert i forskrifta, og at rådmannen får delegert mynde til å setje slik forskrift. Høyring av forskrift Forvaltningslova kapittel VII gjeld for forskrifter. Offentlege og private institusjonar og organisasjonar for dei erverv, fag eller interessegrupper som forskrifta skal gjelde for skal gjevast høve til å kome med uttale før den vert endra. Utkast til forskrift som utvalet vedtek vert sendt på høyring, for deretter å handsamast i utval for plan og utvikling, landbruk/næring og teknisk med endeleg godkjenning i kommunestyret. Atle Fasteland rådmann