Saklista, med saksutgreiing og rådmannen sine tilrådingar, ligg også på kommunen si heimeside: gloppen.kommune.no. Gloppen kommune 22.

Transkript

1 GLOPPEN KOMMUNE FORMANNSKAPET MØTEINNKALLING Møtedato: Møtestad: På Søreide Møtetid: Kl. 09:00 Den som har lovleg forfall, eller er ugild i nokon av sakene, må melde frå så snart råd er på tlf (servicetorget i kommunen) slik at varamedlem kan bli innkalla. Varamedlemer møter etter nærare innkalling. Dokument som ikkje er tilsende, kan du få kopi av ved å ta kontakt med sekretariatet på heradshuset. Dokument som ikkje er offentlege, vil bli utleverte i møtet. Dersom medlemene på førehand ønskjer å gjere seg kjent med innhaldet i desse dokumenta, er dei i møtesekretariatet. Saklista, med saksutgreiing og rådmannen sine tilrådingar, ligg også på kommunen si heimeside: gloppen.kommune.no Gloppen kommune 22. november 2016 Leidulf Gloppestad ordførar Jan Kåre Fure rådmann

2 SAKLISTE: Sak nr. Sakstittel 139/16 Godkjenning av møtebok, innkalling og sakliste 140/16 Referat og orienteringssaker 141/16 Statusrapport for 2. tertial /16 Årsbudsjettet for økonomiplanen for /16 Spørsmål om utmelding av Vest-Norges Brusselkontor - ny behandling 144/16 Forlenging av avtale med Bremanger kommune om rekruttering 145/16 Ressursar til arbeid med minoritetsspråklege i barnehagane 146/16 Parallelloppdrag for Sandane sentrum - val av medlemmer til arbeidsgruppa 147/16 Planprogram for kommunedelplan ny E39 Byrkjelo - Grodås 148/16 Uttale om framlegget til tenestestads- og tenesteeiningsstruktur for politiet i Vest politidistrikt

3 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr. Formannskapet /16 Avgjerd av: Formannskapet Saksbehandlar: Jan Kåre Fure Arkiv: 033 Objekt: Arkivsaknr.: 16/ Godkjenning av møtebok, innkalling og sakliste Møteboka frå formannskapet sitt møte den 21. november i år blir lagt fram til godkjenning. Samstundes ber ordføraren om godkjenning av innkallinga og saklista til dette møtet. ORDFØRAREN SI TILRÅDING: 1. Formannskapet godkjenner møteboka frå sitt møte den 21. november Formannskapet godkjenner innkallinga og saklista til møtet den 28. november 2016.

4 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr. Formannskapet /16 Avgjerd av: Formannskapet Saksbehandlar: Jan Kåre Fure Referat og orienteringssaker Arkiv: 033 Objekt: Arkivsaknr.: 16/1339 Refererte skriv og meldingar: Nr Dok.ID T Dok.dato Avsendar/Mottakar Tittel 1 16/12592 X Møteplan for 2017 Dette er første utkast til møteplan for Eg legg til grunn at planen blir drøfta, men ikkje vedteken i dette møtet. Årsaka til at rådmannen ikkje har sett opp møte i januar månad er skifte av saksbehandlarprogram, som skjer 1. februar Rådmannen vil gjerne ha alle 2017-møta i det nye programmet. Ordet fritt RÅDMANNEN SI TILRÅDING: Rådmannen legg ikkje fram tilråding i saka.

5 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Helse- og omsorgsutvalet /16 Oppvekstutvalet /16 MULTEK-utvalet /16 Formannskapet /16 Kommunestyret Avgjerd av: Kommunestyret Saksbehandlar: Jan Kåre Fure Statusrapport for 2. tertial 2016 Objekt: Arkiv: 212 Arkivsaknr.: 16/534-9 Vedlegg: Dok.nr Tittel på vedlegg Rapport for 2. tertial 2016 Bakgrunn for saka: Vedlagt er ein kort statusrapport for 2. tertial (januar til august) Rådmannen seier seg lei for at eg er seint ute med rapporten, som var klar frå økonomiavdelinga si side allereie i september i år. --- Til liks med rapporten for 1. tertial har rådmannen laga ein samla rapport for alle sektorane, med mellom anna oversikter over skatteinngang, bruk av disposisjonsfond og sjukefråværet. Når det gjeld sjukefråværet, kan det leggast fram detaljerte tal for kvart ansvar i budsjettet. Mange av ansvara har så få tilsette at slike detaljerte rapportar ikkje kan leggast fram i opne saker og drøftast for opne dører. Sjukefråværet i Gloppen kommune er lavt. --- Rådmannen sin hovudkonklusjon for drifta etter 2. tertial er at det meste framleis går som planlagt. Det er enno litt usikkert korleis vi kjem ut til slutt når det gjeld skatteinngangen. Per oktober i år er vi om lag likt med «skjema». Rådmannen legg saka fram til orientering.. RÅDMANNEN SI TILRÅDING: Kommunestyret tar rapporten for 2. tertial 2016 til orientering.

6 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Oppvekstutvalet /16 Helse- og omsorgsutvalet /16 MULTEK-utvalet /16 Eldrerådet /16 Rådet for menneske med nedsett funksjonsevne /16 Formannskapet /16 Helse- og omsorgsutvalet /16 Oppvekstutvalet /16 MULTEK-utvalet /16 Formannskapet /16 Avgjerd av: Kommunestyret Saksbehandlar: Jan Kåre Fure Objekt: Arkiv: 151 Arkivsaknr.: 16/ Årsbudsjettet for økonomiplanen for Vedlegg: Dok.nr Tittel på vedlegg Årsbudsjettet for Økonomiplanen for Gebyr og betalingssatsar for Gebyr for byggjesak 2017 Gloppen Gebyrregulativ for arbeid etter matrikkellova og eigarseksjoneringslova Bakgrunn for saka: Rådmannen presenterte sitt framlegg til årsbudsjett for 2017 og økonomiplan fram til 2020 for kommunestyret den 14. november i år. Det er formannskapet som kjem med framlegg til kommunestyret om årsbudsjett for neste år og om økonomiplanen for dei neste fire åra. Som vanleg er det lagt opp til at råda og hovudutvala kjem med uttale til budsjettframlegget før formannskapet gjer vedtak om utlegging til offentleg gjennomsyn. Saksutgreiing: Rådmannen skriv dette i samandraget i budsjettdokumentet: Rådmannen sitt framlegg til årsbudsjett for 2017 og økonomiplan fram til 2020 er på driftssida i hovudsak ei vidareføring av dagens kommunale drift, og på investeringssida ei opplisting av prioriterte investeringstiltak som det etter rådmannen si vurdering er plass til med den oversikta vi no har over kommunen sin økonomi. Rådmannen sitt framlegg vil få Gloppen kommune ut av den såkalla ROBEK-lista som vi hamna på ved ein tabbe under utarbeidinga og behandlinga av siste

7 økonomiplan. Framlegget til årsbudsjett for 2017 er i balanse utan bruk av disposisjonsfondet. To tiltak er rett nok finansierte med bruk av disposisjonsfond: kommunen sitt bidrag til fiber i Breim og på Sørstranda og tilskotet til klubbhus for golfklubben. Frå 2018 viser økonomiplanen eit mindre overskot kvart år. Nytt av året er at rådmannen legg fram lister over tiltak som burde vore gjennomførte viss øko-nomien hadde tillate det. Rådmannen legg også fram ei oversikt over stillingsendringane frå budsjett 2016 til budsjett Dette er eit forsøk for å få betre oversikt over kva som endrar seg på stillings-sida. Det er viktig og avgjerande at vi har kontroll med oppretting av nye stillingar. Rådmannen helsar velkomen kontrollutvalet sitt prosjekt for å sjå på rutinane ved stillingsoppretting. Desse nye stillingane ligg inne i rådmannen sitt framlegg: Ei ny saksbehandlarstilling i administrasjonen, med 60 % bruk i 2017 Ei ny stilling som helsesøster finansiert med statstilskot Stillingar til ei ekstra klasse ved Gloppen ungdomsskule frå skuleåret 2017/2018 Ei ny stilling på NAV Gloppen i samband med mottak av fleire flyktningar. Utgiftene til avdrag er auka og er no i samsvar med det rekneskapsforskriftene seier om nedbetaling av kommunale lån: nedbetalinga skal følgje avskrivingstida på prosjekta det er lånt til. Når rådman-nen trass i så godt som nullvekt i skatt og rammetilskot har funne plass til nokre nye stillingar og forskriftsmessig budsjettering av avdrag på lån, skuldast dette litt høgare avkastning og inntekter frå kraftverdiane våre, ei mindre oppjustering av takstgrunnlaget for eigedomsskatten på hytter og bustader og ein vesentleg auke i tilskotet til mottak av flyktningar. Det siste fører sjølvsagt også til auka driftsutgifter. Heile driftsbudsjettet er stramt. Det viser sektorane sine lister over tiltak som burde vore med. Det er ikkje lagt inn endringar i drifta i åra etter 2017 utover driftsmessige konsekvensar av investeringsframlegget. Rådmannen legg fram eit framlegg til investeringsplan på vel 350 millionar i perioden. Dette vil auke lånegjelda til kommunen med om lag 230 millionar. Dei store tiltaka er: Rehabilitering av skuleanlegget i Hyen, 53,7 mill. Nytt omsorgsbygg, 42,8 mill. Ny brannstasjon med utleigelokale til politiet, 40 mill. Utviding av bustadfestet i Valborgkleiva, 14,8 mill. Rådmannen har ikkje sett av midlar til utviding av skulane på Sandane og på Nordstranda i påvente av barnehage- og skulebruksplanen. Rådmannen har heller ikkje sett av noko særleg til sentrums-utvikling og bustader sidan eg her ventar på bustadpolitisk plan og resultatet av parallelloppdraget i sentrum. Saman med budsjettdokumentet legg rådmannen også fram sitt forslag til kommunale gebyr og prisar for Gebyr- og betalingsheftet vil bli behandla som eiga sak i neste runde av den folkevalde behandlinga av budsjettframlegget. Økonomiske konsekvensar for kommunen: Dette er ikkje eit aktuelt punkt i denne saka. Rådmannen si vurdering:

8 Rådmannen sine vurderingar går fram av budsjettdokumentet. Rådmannen kjem ikkje med tilråding i saka i fasen av budsjettarbeidet. RÅDMANNEN SI TILRÅDING: HELSE- OG OMSORGSUTVALET Saka vart drøfta. 037/16 VEDTAK: Det vart ikkje gjort vedtak i saka OPPVEKSTUTVALET Saka vart drøfta. 038/16 VEDTAK: Det vart ikkje gjort vedtak i saka MULTEK-UTVALET Saka vart drøfta. 125/16 VEDTAK: Det vart ikkje gjort vedtak til saka FORMANNSKAPET Til denne saka var også gruppeleiarane i Høgre. SV og Miljøpartiet dei Grøne inviterte. Dagfinn Nyhammer møtte for Anniken Rygg for Høgre og Hege Lothe møtte for SV. Framlegg/innspel frå Svein-Ottar Sandal (Krf): Endringsframlegg/vurdringar frå KrF til Gloppen kommune sitt årsbudsjett for 2017 og økonomiplan I rådmannen sitt budsjett er det oppstilling (side 8 og 9) som viser folketalsutviklinga i kommunen og alderssamansettinga. Utviklinga viser for 2015 null i fødselsoverskotet ( fødde og døde) og prognosen for fødde i 2016 ligg under snitt for dei siste åra. Inntektssystemet til kommunane vert i større grad knytt opp til antal personar busett i kommunen. Kommunebudsjetta må fange opp desse utfordringane ved auka satsing

9 på bustadbygging, næringsutvikling og andre tiltak som fremjar auke i folketalet i kommunen. 1. I budsjettet på side 8 er det attgjeve 5 punkt frå utfordringsdokumentet som satsingsområder for kommunestyreperioden: 1. Variert bustadutvikling 2. Inkluderande lokalsamfunn 3. Næringsutvikling 4. Attraktive tettstadar/sentrumsutvikling 5. Samspel og alliansebygging Det er viktig at ein i komande budsjett har ei vurdering på måloppnåing i høve til desse satsingsområda. Kan rådmannen seie noko om dette i høve til budsjettet for 2017? 2. Kommunestyret er kjent med at det er sendt ut ein invitasjon til kommunen frå Fylkesmannen om prosjekt knytt opp mot det «grøne skiftet». Kommunestyret ber rådmannen ved starten av 2017 legge fram ei sak som omhandlar dette. 3. Det er gjort vedtak om å utarbeide ein barnehage og skulebruksplan for kommunen som skal vere ferdig hausten Kommunestyret ber om at oppvekstsjefen får tilført ekstra ressursar til å utføre dette arbeidet, enten ved intern omdisponering eller endring / auke i stillingsheimlar som er i organisasjonen. 4. Konkrete endringsframlegg i høve rådmannen sitt budsjettframlegg: INVESTERINGAR a) Bustadfelt Gloppestad Detaljregulering og avtale om grunnkjøp i 2017 (avsett kr ) 2018 kr kr b) Utviding Sandane skule (skulebruksplanen i 2017) 2018 kr kr c) Gloppen kyrkjelege Fellesråd Påplussing til ramma på kr ) Auka stilling som kyrkjegardsarbeidar kr ) Auka stilling frå 40 til 50 prosent diakon kr Eingongstilskot for 2017: Gimmestad Kyrkje måling kr Vereide kyrkjegard parkeringsplass kr d) Vegen Fjellbygda - Kleivane skisenter Opprustning. Ber om at denne vegen vert prioritert inn i posten for vedlikehald kommunale vegar i e) Andre vegar

10 Deler av Lyngvegen - ved starten av Åsavegen har ikkje autovern. Dette bør vurderast i høve bruk av posten vedlikehald kommunale vegar i Åsavegen frå Sandane kyrkje til Kunstgrasbana/Nordåsen. Opparbeiding av gang og sykkelveg på denne strekninga (kort avstand, men mykje trafikk både til kunstgrasbana og til skuleområdet). Framlegg frå Bernt Reed (Sp): Til kommunale prisar: Auken i prisen på kinobillettar blir gjort på vaksenbillettane, ikkje på billettar for barn og unge. Det vart ikkje røysta over framlegga. --- Saka vart drøfta. 135/16 VEDTAK: Det vart ikkje gjort vedtak i saka ELDRERÅDET 027/16 VEDTAK: Eldrerådet meiner at Gloppen kommune har for få plassar for heildøgns pleie og omsorg. Det har vi hatt over tid. Dette fører til press på rehabiliterings- og avlastningsplassane. Dette fører igjen til at personar i den opne omsorga vert utrygge og kanskje vil søkje seg inn på plassar med heildøgns pleie og omsorg. På kort sikt meiner rådet at ei auking av rehabiliterings- og avlastningsplassane til ein viss grad vil avhjelpe situasjonen. Vedtaket var samrøystes RÅDET FOR MENNESKE MED NEDSETT FUNKSJONSEVNE 027/16 VEDTAK: Rådet for menneske med nedsett funksjonsevne meiner at Gloppen kommune har for få plassar for heildøgns pleie og omsorg. Det har vi hatt over tid. Dette fører til press på rehabiliterings- og avlastningsplassane. Dette fører igjen til at personar i den opne omsorga vert utrygge og kanskje vil søkje seg inn på plassar med heildøgns pleie og omsorg. På kort sikt meiner rådet at ei auking av rehabiliterings- og avlastningsplassane til ein viss grad vil avhjelpe situasjonen. Vedtaket var samrøystes.

11 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Formannskapet /16 Avgjerd av: Formannskapet Saksbehandlar: Jan Kåre Fure Objekt: Arkiv: &80 Arkivsaknr.: 10/67-30 Spørsmål om utmelding av Vest-Norges Brusselkontor - ny behandling Ingen vedlegg. Bakgrunn for saka: Rådmannen har to gonger kome med framlegg til formannskapet om å melde Gloppen kommune ut av Vest-Norges Brusselkontor. Begge gongane har framlegget blitt avvist, seinast på møte den 25. januar i år. Formannskapet sa då: Gloppen kommune melder seg ikkje ut av Vest-Norsk Brusselkontor. Formannskapet ber ordføraren i lag med styremedlem i Vest-Norsk Brusselkontor Åshild Kjelsnes, invitere representantar for kontoret til Sogn og Fjordane. Dette for å synleggjere kva mogelegheiter som ligg i medlemsskapet. Det er ynskjeleg at orienteringa vert for kommunestyret og næringslivet. Formannskapet ber om at saka kjem opp att i formannskapet i god tid før «oppseiingsfristen» for 2017 går ut. På kommunestyremøtet den 26. september i år orienterte direktør ved Vest-Norges Brusselkontor, Merete Mikkelsen, om kontoret og kva fordelar Gloppen kommune har av å vere medlem. Rådmannen legg no for tredje og siste gong fram forslag om å melde kommunen ut av kontoret. Saksutgreiing: Utmeldingsfristen er 1. desember for at utmeldinga skal kunne iverksettast påfølgjande år. Rådmanen har tidlegare skrive dette som grunngjeving for framlegget om utmelding: Til formannskapet den 23. april 2015: I budsjettet for 2015 og i økonomiplanen fram til 2018 er det ikkje sett av midlar til dekking av utgiftene med medlemsskap i Vest-Norges Brüsselkontor. Dette, kombinert med at det frå kommunen si side ikkje har vore noko aktivitet eller tiltak knytt til medlemsskapet etter innmelding, tilseier at Gloppen kommune bør seie opp medlemsskapet.

12 Det er etter rådmannen sitt syn gjennom fylkeskommunen sitt medlemsskap at kommunane i Sogn og Fjordane bør «vere representerte» på dette nivået. Rådmannen vil legge til at eit medlemskap i Vest-Norges Brüsselkontor ikkje har noko å seie for tilgangen til EU-prosjekt og EU-midlar, viss dette skulle bli ei aktuell problemstilling. Til møtet den 25. januar 2016: Då saka var føre i formannskapet i april 2015 vart dette i stor grad ein debatt om samarbeidet med Jølster kommune. Bakgrunnen for dette var truleg at medlemskapen i si tid kom i stand som ein del av det næringssamarbeidet som vart prøvd igangsett mellom Gloppen og Jølster for nokre år sidan. Saka har ingen ting med dette å gjere. ( ) Heller ikkje i 2016-budsjettet er det sett av midlar til medlemskontingenten/ serviceavgifta på rundt kr i året. Å oppretthalde medlemskapen er etter rådmannen sitt syn å «kaste kommunale kroner rett ut av glaset». Du kan lese om Vest-Norges Brusselkontor på heimesida til selskapet: west-norway.no Økonomiske konsekvensar for kommunen: Som sagt kostar medlemsskapet kommunen rundt kroner i året. Midlane går av tiltaksmidlane. Det vil dei gjere også i 2017 viss formannskapet vedtek å oppretthalde medlemsskapet. Rådmannen si vurdering: Rådmannen har ikkje forstått kvifor kommunen melde seg inn i Vest-Norges Brusselkontor, men slik eg les innmeldingssaka gjorde vi det fordi Jølster kommune var medlem, og vi drøfta på det tidspunktet eit nærare samarbeid med Jølster på fleire område. Vest-Norges Brusselkontor har 15 kommunar frå Hordaland, Møre og Romsdal og Sogn og Fjordane, pluss dei tre fylkeskommunane. I vårt fylke er Balestrand, Fjaler, Jølster og Høyanger med, i tillegg til oss. Rådmannen vart ikkje overtydd over at det er ein stor fordel for Gloppen kommune og glopparane at vi er medlem i Vest-Norges Brusselkontor etter orienteringa i kommunestyret tidlegare i haust. Dersom formannskapet er av ei anna oppfatning, er det naturlegvis denne som gjeld. Rådmannen kjem då til å legge vekk spørsmålet om utmelding for godt. RÅDMANNEN SI TILRÅDING: Formannskapet vedtek å melde Gloppen kommune ut av Vest-Norges Brusselkontor med verknad frå 1. januar 2017.

13 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Formannskapet /16 Avgjerd av: Formannskapet Saksbehandlar: Jan Kåre Fure Objekt: Arkiv: U01 Arkivsaknr.: 11/ Forlenging av avtale med Bremanger kommune om rekruttering Vedlegg: Dok.nr Tittel på vedlegg Avtale om levering av rekrutteringsteneste Bakgrunn for saka: Bremanger kommune ønskjer å forlenge samarbeidsavtalen med Gloppen om rekruttering av tilflyttarar. Noverande avtale går ut ved årsskiftet, og ein eventuell ny avtale vil gjelde for 2017 og Utkast til ny avtale ligg ved. Saksutgreiing: Avtalen med Bremanger kommune er ei vidareføring av eit tilflyttingsprosjekt til Nordfjord som starta i I 2010 trekte Nordfjordrådet seg ut av prosjektet, og etter dette har Gloppen kommune samarbeidd med Bremanger om rekruttering av «nye landsmenn», hovudsakleg frå Nederland. Avtalen som Bremanger no tilbyr kostar oss kroner for åra 2017 og Dette ein ein mindre auke på kroner frå avtalen vi har no. Avtalen vart sist forlenga av kommunestyret i sak 77/14. Saka fekk då slik behandling: I brev av 28. august i år søkjer Bremanger kommune om å få forlenga avtalen i to nye år, 2015 og Saman med søknaden er ei oppsummering frå tilflyttingskonsulenten i Bremanger av kva avtalen har ført med seg så langt for Gloppen sitt vedkomande. Han skriv: Erfaringane og resultatet i første samarbeidsperioden ( ) har vore svært positive for Gloppen kommune. Målsettinga var å rekruttere 16 personar i to år. Vi har rekruttert 20 personar til no (10 vaksne og 10 unge/born) og 2014 er ikkje over Dei har busett seg i mindre bygder som Myklebustdalen, Vereide og Kandal Vi fann både jobb og bustad til familiane Integrering og språkkunnskap er ting som familiane er opptatt av Dei har intensjonen om å bli i regionen Meir enn 25 familiar har besøkt Gloppen for orientering etter vår invitasjon Både barnehagar og skular fekk nye born.

14 Innflyttarane våre tok med seg god kompetanse/kunnskap/utdanning Dei som flytta til Gloppen tok med seg god økonomi Interessa for regionen vår er framleis stor og erfaringane med bedrifter i Gloppen er positive. Derfor forventar vi at samarbeidet skal gje godt resultat også i åra som kjem. Som det går fram av vedlagde framlegg til ny avtale er innhaldet om lag det same som tidlegare. Det er ein mindre auke i utgiftene med kr kvart år. Rådmannen si vurdering: Det er ikkje tvil om at vi har hatt god nytte av dette prosjektet. Rådmannen vil likevel ikkje tilrå at vi forlengar avtalen. Eg grunngjev dette med at vi no skal tilsette eigen næringssjef som vil få rekruttering som hovudarbeidsområde. Vi treng dei midlane som vi kan spare på ikkje å forlenge avtalen til å dekke deler av lønnskostnaden med næringssjefsstillinga. RÅDMANNEN SI TILRÅDING: Formannskapet viser til rådmannen si vurdering og takkar nei til tilbodet om å forlenge rekrutteringssamarbeidet med Bremanger kommune FORMANNSKAPET Framlegg frå Kristin Sandal (Sp): 1. Kommunestyret godkjenner at Gloppen kommune forlengar avtalen med Bremanger kommune om kjøp av tenester knytt til utanlands rekruttering i to år i samsvar med avtaleutkastet som følgjer saka 2. Samarbeidet blir evaluert i juni 2016, og kommunen tar då stilling til om samarbeidet blir vidareført 3. Kostnadene vert dekka av midlar avsette til næringsutvikling. 110/14 VEDTAK: Framlegget frå Kristin Sandal vart samrøystes innstilt KOMMUNESTYRET 077/14 VEDTAK: 1. Kommunestyret godkjenner at Gloppen kommune forlengar avtalen med Bremanger kommune om kjøp av tenester knytt til utanlands rekruttering i to år i samsvar med avtaleutkastet som følgjer saka 2. Samarbeidet blir evaluert i juni 2016, og kommunen tar då stilling til om samarbeidet blir vidareført 3. Kostnadene vert dekka av midlar avsette til næringsutvikling.

15 Vedtaket var samrøystes. I brevet frå Bremanger kommunen datert 3. november 2016 om forlenging av avtalen for to nye år, skriv kommunen: Det er gledeleg å kunne melde at i første 4-årssamarbeidsperioden ( ) er det rekruttert 25 personar (14 vaksne og 11 born). Og 2016 er ikkje over. Interessa for prosjektet er framleis stor og vi forventar at forlenging av samarbeidet skal gje ytterlegare positiv effekt for Gloppen kommune. Økonomiske konsekvensar for kommunen: Avtalen kostar kommunen kroner i året. I mitt framlegg til 2017-budsjett har rådmannen ikkje sett av «øyremerka» midlar til å forlenge avtalen. Viss dette blir gjort, vil det gå av den generelle potten til nærings- og utviklingstiltak som ligg inne med 1 million. Frå denne løyvinga går t.d. utgiftene til Visit Nordfjord og turistinformasjonen. Rådmannen si vurdering: Rådmannen har i sitt budsjettframlegg for 2017 lagt til grunn av avtalen ikkje blir forlenga. Rådmannen ser føre seg å drive rekrutteringsarbeidet i eigen regi, først og fremst gjennom næringssjefen og deler av ei stilling som hittil har blitt ført på ITK-drift. Denne stillinga er no budsjettert med 20 % på kultur og næring for å ta seg av i alle fall deler av det arbeidet vi hittil har betalt Bremanger kommune for. Rådmannen vil derfor ikkje tilrå at vi forlengar avtalen slik Bremanger kommune ber om. --- Dersom avtalen skal forlengast, er dette ei sak for kommunestyret sidan avtalen gjeld for meir enn komande budsjettår. RÅDMANNEN SI TILRÅDING: Formannskapet viser til rådmannen si vurdering og takkar nei til tilbodet om å forlenge avtalen om rekruttering med Bremanger kommune.

16 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Oppvekstutvalet /16 Formannskapet /16 Kommunestyret Avgjerd av: Kommunestyret Saksbehandlar: Per Arne Strand Objekt: Arkiv: A11 &71 Arkivsaknr.: 16/ Ressursar til arbeid med minoritetsspråklege i barnehagane Vedlegg: Dok.nr Tittel på vedlegg Auka ressursar til minoritetsspråkleg arbeid Bakgrunn for saka: Vi har dei siste åra hatt ein vesentleg auke i busette flyktningar i Gloppen. Som ein følgje av det har vi sett utfordringar i å ta i mot dei og kunne hjelpe dei til rette i barnehagen, det gjeld både barna sjølve og foreldra. Dei aller fleste minoritetsspråklege barn har hatt barnehageplass i Mona barnehage. Styrar i Mona barnehage har laga eit notat som ligg ved saka. Klubben av Utdanningsforbundet i Mona barnehage har og sendt eit brev til oppvekstutvalet om situasjonen. Saksutgreiing: Busetjinga av flyktningar har dei siste åra vore ein sterk medverkande årsak til folketalsauken i Gloppen. Kommunen har hatt ein politikk om å busetje flyktningane i sentrumsområdet av Sandane. Då har Mona barnehage vore den naturlege barnehagen for barna. Det har med avstandar og transport å gjere. Dei færraste disponerer bil og er avhengige av å kunne gå til barnehagen. Dei andre barnehagane ligg lenger vekk, med unntak av Nygård som er innanfor gåavstand for enkelte familiar. Mona barnehage har i dag 26 av 72 barn med minoritetsspråkleg bakgrunn, dvs nærare 40 % av barna i barnehagen. Dei vaksne i barnehagen er viktige i mottak av barn frå andre land. Ein skal vere tett på i fht bl.a tryggheit, språklæring og foreldrekontakt. Språkutfordringar gjer at oppstart i barnehagen tek lenger tid enn med norskspråklege. Dialog med føresette er viktig for alle barnehagebarn, men med føresette med anna morsmål, er dette ei meir ressurskrevjande oppgåve for barnehagen. Føresette treng ofte rettleiing og forklaring i fht til rutinar i barnehagekvardagen og i barnehagen sine skriftlege planar. Det vert ofte nytta telefontolk i samtalar. Minoritetsspråklege barn treng vaksne som er tett på, slik at dei kan få hjelp til å setje ord på ting og opplevingar. Det vert i teorien (Sandvik og Spurkeland, 2009) lagt vekt på at det er viktig å formidle litteratur og få til gode samtalar i små grupper for 2-4 barn. Med tanke på at det i ei barnegruppe på 3-5 år er 1 vaksen pr 6 barn, seier det seg sjølv at vi med dagens grunnbemanning ikkje kan klare å følgje opp det som vert anbefalt. Jo tidlegare vi kan hjelpe desse barna, både språkleg og sosialt, jo betre rusta er dei til å læring og sosialisering på skule og fritid.

17 I samband med auke tal minoritetsspråklege, kan vi og sjå ei auke i styrkingstiltak. Dette krev nesten utan unntak eit tverrfagleg samarbeid, der fleire instansar er involvert. Dette gjev oss større møteverksemd og pedagogar må frigjerast til deltaking på ulike samarbeidsmøte. Dette krev auka bruk av vikar. Alternativet er at vaksentettleiken i gruppa vert mindre den tida pedagogen er på samarbeidsmøte. Det er ulik praksis på korleis andre kommunar løyser dette for sine barnehagar. Det vanlege er å gje ein ressurs pr. barn som er i barnehagen. Økonomiske konsekvensar for kommunen: Dette er noko som vil koste kommunen pengar. Avhengig av kva modell vi landar på så vil det krevje ressursar og det krev ressursar i dag. I dag rapporterer barnehagane inn sine tal i i eit system som heiter BASIL som er utdanningsdirektoratet og myndigheteten sitt system for å få data om barnehagen og som er grunnlag for dei midlane som kjem til kommunen gjennom statsbudsjettet. Her er det knytt pengar til dei som vert rapportert som minoritetsspråklege. Årssatsen pr. barn varierer år for år, men i 2016 var den på kroner 3.218,-. Totalt fekk Gloppen utbetalt kr ,- i Dette er midlar som vil vere med å finansiere ei slik ordning. Ein time per veke med pedagog kostar oss kr 360,- Eit barnehage år vert rekna til 48 veker. Vi har i dag i overkant av 30 minoritetsspråklege barn i barnehagane i Gloppen. Ser vi på kostnaden vil ein modell med: 1 time per veke koste (1t x360,- x 48v) = ,- pr. barn 2 timar per veke koste (2t x 360,- x 48v) = ,- pr. barn 3 timar per veke koste (3t x 360,- x 48v) = ,- pr. barn Kostnaden for ein modell med 2 timar per veke er i stor grad innarbeidd i årsbudsjett for 2017 og vi skal klare det innafor framlagde ramme for årsbudsjett for Rådmannen si vurdering: Rådmannen meiner at vi i Gloppen må lage oss eit system for å motta og inkludere busette flyktningar i barnehagane. Det går på at vi har rutiner og retningslinjer for korleis vi møter og hjelper både barn og foreldre inn i barnehagen. Det handlar om at vi har kompetanse bland dei tilsette til å møte dei minoritetsspråklege. Det handlar først og fremst er behovet er å ha litt ekstra tid tilgjengeleg slik at det ikkje går utover pedagogtettleiken til dei andre barna i barnehagen. Tida vil gå både til å hjelpe ungen på plass i barnehagekvardagen, språklæring, kontakt med foreldre ofte med hjelp av tolk og ekstra møteaktivitet knytt til barna. Det bør vere eit system der dei tilsette i barnehagen får tid til å rette ekstra merksemd mot dei minoritetsspråklege uavhengig av andre vedtak som er knytt til barnet. Det vi kan håpe på er at ein modell med fast ressurs knytt til kvart minoritetsspråkleg barn vil redusere behovet for anna hjelp i barnehagen. Hjelp i barnehagen skjer etter to vedtak, det er spesialpedagogisk hjelp og det andre er styrkingstiltak etter barnehagelova. Målet må vere at behovet for sakkunnig utgreiing og vedtak med påfølgjande ressursar vil gå noko ned. Får vi inkludert barna på ein god måte i barnehagen og har ei god utvikling der vil overgangen til læring og sosialisering på skule og fritid gå lettare og truleg krevje mindre ressursar seinare. Ein felles modell for dette vil og gjere tilbodet mellom barnehagane likare med omsyn til ressursar.

18 Rådmannen legg opp til ein modell der kvart barn med minoritetsspråkleg bakgrunn får 2 timar per veke ekstra hjelp dei to første åra barnet er i barnehage. Etter to år i barnehage vil mykje av det som tek tid i starten ha gått seg til. RÅDMANNEN SI TILRÅDING: Gloppen kommunestyre innfører ein modell der kvart barn med minoritetsspråkleg bakgrunn får 2 timar per veke ekstra ressurs, dei to første åra barnet er i barnehage. Dette vil gjelde alle barnehagane i Gloppen. Dette gjer vi i ein prøveperiode på to år, barnehageåret 2017/2018 og 2018/2019. Ordninga vert evaluert våren 2019 med tanke på om ein skal gjere det til ein permanent modell.

19 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Formannskapet /16 Avgjerd av: Formannskapet Saksbehandlar: Birte Fossheim Objekt: Arkiv: L12 Arkivsaknr.: 16/ Parallelloppdrag for Sandane sentrum - val av medlemmer til arbeidsgruppa Ingen vedlegg. Bakgrunn for saka: I f-sak 122/16 orienterte rådmannen om det føreståande parallelloppdraget for Sandane sentrum. I saka er det gjort greie for korleis oppdraget skal gjennomførast. Ei arbeidsgruppe skal styre parallelloppdraget og i den omtala formannskapssak er det lagt til grunn at gruppa bli sett saman av ordførar, varaordførar, to andre politiske representantar, tre frå administrasjonen og ein representant rå Gloppen Næringsorganisasjon. Saksutgreiing: På spørsmål frå ordføraren har valnemnda kome med framlegg om Svein-Ottar Sandal og Gunnvor Sunde som «to andre politiske representantane». Frå rådmannen stiller næringssjef Knut Roger Nesdal, rådgjevar Birte Fossheim og planleggar Bjørn Aurlien. Gloppen Næringsorganisasjon stiller med Leon Bakkebø. Rådmannen viser elles til f-sak 122/ Rådmannen legg saka fram med valnemnda si tilråding. Rådmannen legg i tillegg til grunn at ordføraren leier arbeidsgruppa. RÅDMANNEN SI TILRÅDING: Formannskapet vel Svein-Ottar Sandal og Gunnvor Sunde, i tillegg til ordførar og varaordførar, som folkevalde medlemmer til arbeidsgruppa for parallelloppdrag for Sandane. Ordføraren leier arbeidsgruppa.

20 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Formannskapet /16 Kommunestyret Avgjerd av: Formannskapet Saksbehandlar: Kjell Petter Solhaug Objekt: Arkiv: 143 Q12 Arkivsaknr.: 15/ Planprogram for kommunedelplan ny E39 Byrkjelo - Grodås Vedlegg: Dok.nr Tittel på vedlegg Planprogram E39 Byrkjelo - Grodås - revidert etter høyring E39 Byrkjelo-Grodås. Oppsummering av merknader til planoppstart og planprogram Bakgrunn for saka: Statens Vegvesen (SVV) skal utarbeide kommunedelplan for E39 mellom Byrkjelo og Grodås. SVV hadde planprogrammet for kommunedelplan ute til høyring med høyringsfrist 1. juni Gloppen kommune kom med innspel til dette planprogrammet i kommunestyre sak 072/16, vedteke 17. juni Saksutgreiing: SVV skal utarbeide ein kommunedelplan i kommunane Gloppen, Stryn og Hornindal for dei områda som kjem i kontakt med ny E39 mellom Byrkjelo-Grodås. For Gloppen kommune betyr dette ein kommunedelplan for eit større område på Byrkjelo. Kommunedelplanen vil bli utarbeidd av SVV i samarbeid med kommunane i samsvar med 3-7 i plan- og bygningslova, med SVV som tiltakshavar og kommunen som ansvarleg planstyresmakt. Denne saka omfattar planprogrammet for denne kommunedelplanen, som skal klargjere formålet med planarbeidet og avklare rammer og premisser for den vidare prosessen. Etter at høyringsfristen var ute den 1. juni 2016 kom det inn totalt 53 innspel fordelt på dei tre kommunane, og det kom inn merknadar frå både privatpersonar, lag/organisasjonar og offentlege styresmakter. SVV har gått gjennom kvar enkelt av dei innspela som er kome inn, og kommentert desse i eit eige dokument som ligg vedlagt denne saka. Under kvart innspel, har dei kommentert om merknaden vil få innverknad på planprogrammet eller ikkje. Basert på alle dei innspela som er kome inn, har SVV revidert planprogrammet. Det reviderte planprogrammet ligg også ved denne saka. Planprogrammet legg opp til å utgreie følgjande tre alternativ for Byrkjelo-området: Veg i dagen langs dyrka mark aust for busetnaden frå Hjelle bru til tunnelinnslag sør for Tine Meieriet. Tilkopling til eksisterande E39 sør for Byrkjelo sentrum.

21 Ny bru over Storelva ved Hjelle bru og veg i dagen på vestsida av elva fram til ny bru ved Teita og veg over dalen til tunnelinnslag sør for Tine Meieriet. Tilkopling til eksisterande E39 sør for Byrkjelo sentrum. Veg i dagen på sørsida av Storelva frå Hjelle bru til tunnellinnslag på Fløtre. Tilkopling til eksisterande E39 nordvest for Byrkjelo sentrum. Det skal utgreiast kryssalternativ på Byrkjelo knytt til kvar av dei tre vegalternativa som nemnd over. Økonomiske konsekvensar for kommunen: Ingen. Rådmannen si vurdering: Rådmannen opplever at SVV har gjennomført ein open og grundig prosess med utarbeiding av dette planprogrammet. Gjennom høyringsperioden kom de inn mange innspel, kor innspela har fått ei behandling i samsvar med SVV sine normer for vegplanlegging. Dersom SVV har funne ut at innspelet gje grunn for endring av planprogrammet, er dette blitt gjort. Planprogrammet vil omhandle følgjande utgreiingstema og problemstillingar: Vegalternativ som skal utgreiast Tema som skal skildrast i planomtalen Samfunnsøkonomisk analyse Prissette konsekvensar Ikkje-prissette konsekvensar Risiko og sårbarheitsanalyse Lokale og regional utvikling Ytre miljø-plan Anleggsperiode Samanstilling av samfunnsøkonomisk analyse og tilråding. Rådmannen går ikkje gjennom kvart enkelt av dei merknadene som er kome inn, då kommunen ikkje innehar nødvendig vegfagleg tyngde til å kunne vurdere dei. Når planforslaget er ferdig utarbeidd i 2018/2019, vil dette bli lagt ut på høyring. RÅDMANNEN SI TILRÅDING: Kommunestyret godkjenner for sin del planprogrammet for kommunedelplan for E39 Byrkjelo-Grodås slik det ligg føre.

22 GLOPPEN KOMMUNE SAKSPAPIR SAKSGANG Styre, utval, komite m.m. Møtedato Saksnr Formannskapet /16 Avgjerd av: Formannskapet Saksbehandlar: Jan Kåre Fure Objekt: Arkiv: X30 Arkivsaknr.: 15/ Uttale om framlegget til tenestestads- og tenesteeiningsstruktur for politiet i Vest politidistrikt Ingen vedlegg. Bakgrunn for saka: Politimeisteren i Vest politidistrikt, som omfattar Sogn og Fjordane og Hordaland, har sendt sitt framlegg til tenestestads- og tenesteeiningsstruktur for politiet i det nye distriktet på høyring til m.a. kommunane i dei to fylka. Høyringsfristen er 1. desember i år. Saksutgreiing: I høyringsbrevet minner politimeisteren om måla med den såkalla «nærpolitireforma», og seier følgjande om tenestetilbodet ved tenestestadene: Tenestestadene er ein politistasjon eller lensmannskontor, og skal ivareta følgjande kvalitetskrav: Ta imot meldingar, søknader og andre førespurnader, samt gje publikum rettleiing om politiets tenestetilbod Bidra til eit kvalitativt løft for etterforskingsarbeidet Tenestestadane skal ha fleksible opningstider som gjer det mogleg å få gjort tenester hos politiet utanfor kontortid minst ein dag i veka Tenestestadane lokaliserast slik at minst 90 % av innbyggjarane i politidistriktet har maksimalt 45 minuttar køyretid til næraste tenestestad Leiar av tenestestad kan vere lensmann eller politistasjonssjef. Om tenesteeiningane seier politimeisteren dette: Tenesteeiningane er eit geografisk område som kan ha fleire tenestestader og skal ivareta følgjande oppgåver: Levere ressursar til vakt- og patruljetenesta Ha publikumsekspedisjon Kriminalitetsførebyggande arbeid Etterforske det store fleirtal av straffesaker Ha kontakt med samarbeidspartnarar Utføre sivil rettspleie- og forvaltningsoppgåver Leiar av tenesteeining kan vere lensmann eller politistasjonssjef.

23 Ein geografisk driftseining kan innehalde fleire tenesteeiningar. Leiar av geografisk driftseining skal og vere leiar av ein tenesteeining og leiar av ein tenestestad. Politimeisteren sitt framlegg til driftseiningar (tenestestader) i Sogn og Fjordane ser slik ut: Kva skal ein tenestestad vere? Om dette seier politimeisteren: Tenestestadene er dei lokale lensmannskontora og politistasjonane, og dei skal levere etterforsking og politioperativ teneste. Dei skal vere meir enn eit «polititorg» eller ein informasjonsskranke. Tenestestaden skal ut frå definisjonen utføre oppgåver som inneber at det må vere politiutdanna tenestepersonar ved tenestestaden. Saman med andre tenestestadar i same eller andre tenesteeiningar, og vanlegvis innan same geografiske driftseining, vil dei ha vaktsamarbeid. Dette kan vere i form av heilkontinuerleg teneste eller beredskaps- eller heimevakt, eller ein kombinasjon av desse. Vest politidistrikt vil arbeide for at vi får fleire patruljer i aktiv patruljeteneste og vi vil då trenge mindre beredskaps- og heimevaktteneste i framtida. Heimevakt er ikkje ein effektiv tenesteform og når uttrykking er naudsynt kostar ordninga mykje pengar og personalressursar. Difor vert terskelen for når mannskapa rykkjer ut frå heimevakt høgare enn naudsynt. Endringa av arbeidsmetodikk, sjå avsnitta om Politiarbeid på staden og Felles straffesaksinntak nedanfor, vil vere eit viktig bidrag til å flytte fleire polititenestepersonar ut av kontora og ut i operativ patrulje- og etterforskingsteneste.

24 Tenestestadene skal ha fleksible opningstider som gjer det mogleg å få gjort tenester hos politiet utanfor kontortid minst ein dag i veka. Vanlegvis vil ein tenestestad ha open ekspedisjon i kontortida. Tenestestadene skal bidra til tenesteeininga sitt kriminalitetsførebyggande arbeid. Politikontakten er her eit viktig verkemiddel. Politikontakten skal vere ein erfaren polititenesteperson som har god lokalkunnskap og helst eit godt nettverk i kommunen. I tillegg skal sjølvsagt polititenestepersonane som driv med vakt- og patruljeteneste drive med kriminalitetsførebyggande arbeid. Det gjer dei i stor grad berre ved å vere meir til stades i sine lokale miljø. Kriminalitetsførebyggande arbeid skal ikkje berre drivast av politikontaktane og andre tenestepersoner som vi avset berre til denne typen teneste. Førebygging skal vere politiet sin hovudstrategi. Politikontakten skal bidra til betre koordinering av kommunane og politiet sitt kriminalitetsførebyggande arbeid. Her må det gjerast lokale tilpassingar i dei ulike kommunane som kan avtalast i Politiråda. Etterforskinga av dei fleste typar straffesaker skal skje i dei geografiske driftseiningane, men for å sikra raskare handsaming og likare prioriteringar av sakene skal det opprettast eit såkalla Felles straffesaksinntak i alle dei 12 nye politidistrikta. Målet med Felles straffesaksinntak er at så mange straffesaker som mogleg skal kunne sluttførast så tidleg som mogleg, før dei fordelast til tenestestadane, sjå avsnittet om Felles straffesaksinntak nedanfor. Dei straffesakene som ikkje finn si løysing innan den tida Felles straffesaksinntak arbeider med dei, vil i all hovudsak bli etterforska ved tenestestadane og tenesteeininga desse høyrer under. Nokre sakstyper og nokre enkeltsaker er likevel så komplekse, omfattande eller alvorlege at dei krev ei eiga etterforskingsgruppe med særskilt kompetanse. Desse sakene kan bli etterforska ved andre einingar, til dømes Felles etterforskingseining for heile Vest politidistrikt. Tenestestadene skal ha kontakt med samarbeidspartnarar. Politikontaktane er nemnt. I tillegg vil nokre tenestestader ha kontakt med Brannvesen, helsetenester, ambulanse, NSB, Statens Vegvesen, Fylkeskommune, Forsvaret, særskilte objekt, skular mv. Tenesteeininga skal vere i stand til å ivareta denne lokale kontaktrolla, som i praksis vil utførast av tilsette ved dei enkelte tenestestadene. Kva skal ei tenesteeining vere? Om dette seier politimeisteren: Tenesteeiningane skal samla levere tilstrekkeleg ressursar til vakt- og patruljeteneste i sitt område. Tenesteeininga skal ha fokus på kriminalitetsførebyggande arbeid, slik det er omtalt for tenestestadene. Den skal også ha kontakt med samarbeidspartnarar, og sikre god dialog og samhandling med desse. Fleksible opningstider ved tenestestadene er kommentert tidlegare. Minst ein tenestestad i tenesteeininga må ha langope minst ein dag i veka slik at publikum kan få gjort polititenester utanfor arbeidstida. Dette treng ikkje vere den same kvar dag. Tenesteeiningane skal etterforske det store fleirtal av straffesaker, og samla bidra til kvalitet på etterforskingsarbeidet innan den geografiske driftseininga. Politiet skal gjennom nærpolitireforma heve kvaliteten på etterforskingsarbeidet. Dette skal skje ved hjelp av likare prioriteringar, raskare saksavgjerd, betre leiarkompetanse innan etterforskingsfaget og eit formelt krav til årleg godkjenning og vedlikehald av kompetanse for etterforskarar ved tenesteeiningane, sjå avsnittet om etterforskingsløftet.

25 Tenesteeininga skal samla, ved tilhøyrande tenestestader, utføre sivil rettspleie- og forvaltningsoppgåver. Dei sivile rettspleieoppgåvene er først og fremst tvangssaker (saker etter tvangsfullbyrdingslova), men og gjeldsordningssaker og sekretariat for forliksråda. Disse oppgåvene kan bli gjort i samarbeid mellom fleire tenestestader eller i samarbeid med Namsfogden i Bergen. Overordna ligg dette ansvaret hos den geografiske driftseininga, og Felles eining for sivil rettspleie, i politidistriktet. Forvaltningsoppgåver skal tenesteeiningane kunne handtere. Dette gjeld våpensaker, førarkortsaker, pass, vaktselskap, løyver og utlendingssaker. Nokre av disse oppgåvene er komplekse og krev spesiell utdanning eller kompetanse. Disse behandlast i samarbeid med andre tenestestadene i tenesteeininga, eller saman med Felles eining for forvaltning eller Felles eining for sivil rettspleie. Til slutt er det krav om at tenestestadene i tenesteeininga er lokalisert slik at 90% av innbyggjarane i politidistriktet kan nå sin næraste tenestestad innan 45 minuttar, viss ein køyrer langs veg eller veg i kombinasjon med ferje. Den næraste tenestestaden treng ikkje vere tenestestaden i eigen kommune, i eigen tenesteeining eller eigen geografisk driftseining. For nokre innbyggjarar kan næraste tenestestad vere eit anna lensmannskontor eller politistasjon enn den som ligg i eigen kommune eller som ein etter geografisk inndeling høyrer til. Politimeisteren sitt framlegg til tenesteeiningar i Sogn og Fjordane ser slik ut: Som det går fram av karta, er Gloppen lagt til Sunnfjord både når det gjeld tenestestader og tenesteeiningar. Dette er i samsvar med dagens organisering. Rådmannen si vurdering:

26 Slik saka står, er det etter rådmannen sitt syn ikkje nokon spesiell grunn for Gloppen til å gå imot politimeisteren sitt framlegg til tenestestader for politiet. Kontoret på Sandane skal oppretthaldast. Om kontorstrukturen elles og nærpolitireforma generelt, kan mykje seiast, men rådmannen meiner det ikkje er føremålstenleg å debatterte sjølve reforma no lenger. Som det går fram av høyringsbrevet frå politimeisteren, er ei driftseining «eit geografisk område som kan innehalde fleire tenesteeiningar». Eitt viktig spørsmål som er reist, er om Sogn og Fjordane skal inndelast i ei eller tre driftseiningar: Sogn og Fjordane samla, eller driftseiningar som svarar til tenesteeiningane Nordfjord, Sunnfjord og Sogn (der Gloppen altså høyrer til Sunnfjord). Fylkesrådmannen meiner i si tilråding til fylkesutvalet at fylket bør ha tre driftseiningar og grunngjev dette med at ei slik ordning vil vere minst sentraliserande. Sogn og Fjordane har lågt innbyggjartal, men stort areal. Det er derfor viktig at organiseringa av politiet blir slik at nærleik til publikum og lokalkunnskap blir høgt prioritert, og at det så langt det er råd blir lagt til grunn ein organisasjonsmodell som støttar den rolla som lensmannen har i dag særleg når talet på tenestestader blir redusert, skriv fylkesrådmannen. Rådmannen sluttar seg til denne vurderinga. --- Rådmannen sitt framlegg til uttale må sjåast på som eit utkast. Eg inviterer formannsskapet til å supplere framlegget eller om nødvendig lage ein heilt ny uttale. RÅDMANNEN SI TILRÅDING: Gloppen kommune v/formannskapet har ingen vesentlege innvendingar mot politimeisteren sitt framlegg til tenestestader og tenesteeiningar i Vest politidistrikt. Gloppen kommune meiner det bør vere tre driftseiningar i Sogn og Fjordane. Dette er den organiseringa som er minst sentraliserande og som i størst grad sikrar at nærleik til publikum og lokalkunnskap blir høgt prioritert. Det er viktig å velje ein organisasjonsmodell som støttar den rolla som lensmannen har i dag særleg på bakgrunn av den sentraliseringa som nærpolitireforma elles vil føre til.